Miss & Mister Deaf Mongolia

15/08/2026

МОНГОЛЫН МИСС ДЭЛХИЙД — ТӨРӨЛХ НУТАГТАА

Miss & Mister Deaf Mongolia-ийн мисс Дашдоогийн Оюунболор нь Тайланд улсад 2025 оны 11 сарын 5–9-ний өдрүүдэд зохион байгуулагдсан “Miss & Mister Supreme Deaf international 2025” Олон улсын нөхөрлөлийн арга хэмжээнд Монгол улсаа төлөөлөн оролцож, эх орныхоо соёл урлаг, уламжлалт өвийг сурталчлан “Winner 2025” цомын эзэн болсон.

Мөн Чех улсад 2026 оны 7 сарын 20–29-ний өдрүүдэд зохион байгуулагдсан “Miss & Mister Deaf World, Europe & Global 2026” Олон улсын тэмцээний финалд 7 дугаар сарын 25-ны өдөр Болор цом, 1-р байрны титмийн мисс болж, “Miss Deaf World 2026” хэмээх эрхэм алдрыг хүртсэн бахдам амжилтыг үзүүллээ.

Ийнхүү “Miss Deaf World 2026” мисс Д.Оюунболор 2026 оны 8 сарын 15-нд төрөлх Өвөрхангай аймгийн Баян-Өндөр сумын ГУРВАН ТҮМЭН адууны баяр наадмын нээлтэд уригдан оролцож, сумын удирдлага, зон олныхоо хүндэтгэлийг хүлээн, өргөмжлөл, мөнгөн шагналаар мялаалгалаа.

Өвөрхангай аймгийн Баян-Өндөр сумын нийт зон олондоо баяр наадмын мэнд хүргэе!
Сум орныхоо хөгжил, нэр хүндийн төлөө ажиллаж буй Засаг дарга С.Чулууншагай, ЗДТГ-ын дарга С.Баянжаргал болон хамт олонд нь талархал илэрхийлж, ажлын өндөр амжилт хүсье.

Эх орныхоо нэрийг дэлхийд дуурсгасан Д.Оюунболорын энэхүү бахдам амжилтын ард үргэлж дэмжиж, түшиж ирсэн гэр бүлд нь талархал илэрхийлье.

https://www.facebook.com/story.php?story_fbid=3225961770929429&id=100063487849504&mibextid=wwXIfr

Өвөрхангай аймгийн Засаг даргын Тамгын газар
Баян-Өндөр сумын Нутгийн удирдлага /Өвөрхангай/
Сэтгүүлч Т.Мөнхтөр
Өвөрхангай аймгийн Соёл, урлаг, аялал жуулчлал, залуучуудын газар

06/08/2026

Сайхан мэдээ.
Өмнө нь устгагдсан байсан тэмцээний албан ёсны YouTube бичлэг дахин сэргээгдэж, үзэгчдийн хүртээл боллоо. 👏

🌍 “Miss & Mister Deaf World, Europe & Global 2026” тэмцээний дэлгэрэнгүй албан ёсны YouTube сувгаас дахин үзээрэй.

Бүгд Найрамдах Чех Улсад зохион байгуулагдсан “Miss Miss & Mister Deaf World, Europe & Global олон улсын тэмцээнд Монгол Улсыг төлөөлөн оролцсон МУБИС-ийн оюутан Д.Оюунболор “Miss Deaf World 2026” болор цом, титмийн эзэн болж, Монгол Улсын түүхэнд анхны Дэлхийн Мисс болсон бахархалт амжилтыг үзүүллээ.

👸🏻 Miss Deaf World 2026 – 🇲🇳 Монгол
🤴 Mister Deaf World 2026 – 🇺🇦 Украйн
🥈 Miss Deaf World – II байр - 🇸🇰 Словак
🥉 Miss Deaf World – III байр - 🇫🇷 Франц

🌎 Global ангилал (Ази, Америк, Африк орнуудын ангилал )
👸 Miss Deaf Global 2026 – 🇲🇽 Мексик
🤴 Mister Deaf Global 2026 – 🇨🇩 Бүгд Найрамдах Ардчилсан Конго Улс

🇪🇺 Europe ангилал ( Европ орнуудын ангилал )
👸 Miss Deaf Europe 2026 – 🇨🇿 Чех
🤴 Mister Deaf Europe 2026 – 🇫🇷 Франц

🕺🏻💃🏼Sympathy Award ( Загварын шоу үдшийн онцлох шагнал )
👸 Miss Deaf Sympathy 2026 - 🇵🇱 Польш
🤴 Mister Deaf Sympathy 2026 - 🇨🇴 Колумб

Багануур дүүргийн НЕБ-ын Оюуны-Эрин сургуулийн ахлах ангийг саяхан төгссөн, Монгол Улсаа төлөөлөн “Miss & Mister Deaf World, Europe & Global 2026” олон улсын тэмцээнд амжилттай оролцсон Мистер Э.Хаш-Эрдэнэд баяр хүргэе.

ENOn the stage of Clarion Congress Hotel Prague, months of prepar...

05/08/2026

Бүгд Найрамдах Чех Улсад 2026 оны 7 дугаар сарын 20–29-ний өдрүүдэд зохион байгуулагдсан “Miss & Mister Deaf World, Europe & Global 2026” олон улсын тэмцээнд Монгол Улсаа төлөөлөн амжилттай оролцсон Багануур дүүргийн Нийслэлийн ерөнхий боловсролын Нийслэлийн ерөнхий боловсролын Оюуны-Эрин сургууль-ийн 12 дугаар ангийн төгсөгч Энхтайваны Хаш-Эрдэнэ болон түүний гэр бүлд халуун баяр хүргэе.

Хүүгийнхээ амжилтын төлөө дэмжиж, урам зориг өгсөн гэр бүлийнхэнд нь талархал илэрхийлье. Та бүхний бахархалт амжилтаар бид баярлаж байна. Цаашдын замд нь аз жаргал, амжилт бүтээлийн дээдийг хүсэн ерөөе. 🇲🇳✨

04/08/2026

2026 оны 7 дугаар сарын 20–29-ний өдрүүдэд Бүгд Найрамдах Чех Улсад зохион байгуулагдсан “Miss & Mister Deaf World, Europe & Global 2026” олон улсын тэмцээнд Монгол Улсын ялагч Д.Оюунболор “Miss Deaf World 2026” болор цом, титмийн эзэн боллоо.
Монголын түүхэн амжилтын бахархалт мөч. ❤️

04/08/2026

03/08/2026

03/08/2026

03/08/2026

03/08/2026

Д.Оюунболор “Miss Deaf World 2026” титмийн эзэн боллоо

Нийслэлийн ерөнхий боловсролын 29-р сургуулийн 2023 оны төгсөгч Д.Оюунболор Монгол Улсаас дэлхийн тайзнаа урьд өмнө байгаагүй түүхэн амжилтыг бүтээж чаджээ. Тэрбээр 2026 оны долдугаар сарын 20–29-ний өдрүүдэд Бүгд Найрамдах Чех Улсад зохион байгуулагдсан “Miss & Mister Deaf World, Europe & Global 2026” сонсголын бэрхшээлтэй иргэдийн олон улсын тэмцээнд “Miss Deaf World 2026” титмийн эзэн болсон байна.

https://ergelt.mn/news/105/single/60055

01/08/2026

2026 оны 8-р сарын 1-ний өглөөний 04:20 цагт Чингис хаан олон улсын нисэх буудалд эх орондоо газардлаа.

Miss & Mister Deaf World, Europe & Global олон улсын тэмцээний “Miss Deaf World 2026” болор цом, титмийн эзэн Д.Оюунболорыг угтан авахаар гэр бүл, ах дүүс, найз нөхөд нь шөнөжин нойргүй хүлээн, үүрийн гэгээтэй уралдан олноороо хүрэлцэн ирсэн нь бидний сэтгэлийг хөдөлгөлөө.
Холын замын ядаргаа тэр дороо мартагдаж, баярын нулимс, халуун тэврэлт, инээмсэглэлээр дүүрэн мартагдашгүй сайхан мөч болж үлдлээ.

Монголын түүхэн амжилтыг хамтдаа баярлан угтаж, хүрэлцэн ирсэн бүх хүмүүст талархал илэрхийлье. 🇲🇳❤️