Оюуны-Инноваци ТББ

24/04/2026

📣📣📣 Оюуны Инноваци ТББ-аас уламжлал болгон зохион байгуулж буй “*Шударга ёсны төлөө гүйцгээе – Run for Justice*” нийтийн гүйлт маань 2026 оны 6 дугаар сарын 06-ны өдөр 2️⃣ дахь жилдээ зохион байгуулагдах гэж байна.

“Run for Justice” арга хэмжээ нь хууль зүйн салбарт ажиллаж буй хуульч, өмгөөлөгч, хууль зүйн салбарын байгууллагуудаас гадна ШУДАРГА ЁС-ны үнэт зүйлийг эрхэмлэгч хэн бүхэнд нээлттэй юм.

⏱️Хэзээ: 2026.06.06-ны өдрийн 09:00 цагт
📍Хаана: Үндэсний цэцэрлэгт хүрээлэн
🏃‍♀️🏃Зай: 1 тойрог буюу 3,5 км
2 тойрог буюу 7 км
3 тойрог буюу 10,5 км

🔘Бүртгүүлэх холбоос: https://t.ly/72sPk

✅Бүртгэлийн хураамж: 15,000 төгрөгийг Голомт Банк 430015001175146360 (Оюуны - Инноваци ТББ) дансанд төлнө үү.

23/04/2026

Усны хуулиа залруулж, ундны цэвэр усны эх үүсвэрээ хамгаалах нийтийн өргөдөлд гарын үсэг зурах зааврыг хавсаргасан зургаас харж, гарын үсэг зурна уу.
https://petition.parliament.mn/Detail?id=c427d952-c01b-4a0d-9521-8f6de793c09d

22/04/2026

Туул голоо хамгаалж чадлаа. Баярлалаа!

21/04/2026

Усны хуулиа залруулж, ундны цэвэр усны эх үүсвэрээ хамгаалъя.
Хэдхэн секунд зарцуулаад цахим өргөдөлд гарын үсгээ зураарай.

https://petition.parliament.mn/Detail?id=c427d952-c01b-4a0d-9521-8f6de793c09d

18/04/2026

https://petition.parliament.mn/Detail?id=c427d952-c01b-4a0d-9521-8f6de793c09d

17/04/2026

Та бүхэнд баярлалаа. Хамтдаа Туул голоо хамгаалья аа!

16/04/2026

Иргэний нийгмийн байгууллагууд “Туулын хурдны зам” төслийг нэн даруй зогсоохыг шаардсан хамтарсан байр суурийг хүргэж байна.
Ерөнхий байр суурь:
- Усны тухай хуульд яаралтай горимоор нэмэлт өөрчлөлт оруулж, төслийн байгаль орчин болон нийгмийн нөлөөллийн үнэлгээг хуульд заасны дагуу хийгээгүйгээр төслийн үйл ажиллагааг эхлүүлсэн.
- Монгол Улсын Үндсэн хууль, Байгаль орчинтой холбоотой хууль тогтоомжууд, тэдгээртэй нийцүүлэн гаргасан журмууд, түүнчлэн олон улсын хүний эрх, байгаль орчин мөн уур амьсгалын өөрчлөлттэй холбоотой хэм хэмжээг үл хүндэтгэсэн.
- Байгаль орчны шударга ёс, байгалийн эрх, ус, гол мөрнөө дээдэлж ирсэн үнэт зүйлд нийцэхгүйгээс гадна сөрөг нөлөөлөл нь иргэд, ирээдүй хойч үе, Туул голын амьд экосистемд шууд нөлөөлж болзошгүй тул төслийг бүрэн зогсоож, цаашид үргэлжлүүлэхгүй байж, сүйтгэсэн экосистемийг яаралтай нөхөн сэргээх шаардлагатай.
Уг хамтарсан шаардлагад нэгдсэн Иргэний нийгмийн байгууллагууд:
Агаарын харуул НҮТББ (Breathe Mongolia)
“Бүх нийт боловсролын төлөө!” Иргэний нийгмийн үндэсний эвсэл
Глоб Интернэшнл Төв ТББ
"ГҮНЖ" төв
Гэр өргөө ТББ (GerHub)
ЛГБТ Төв НҮТББ
Монголын Эмэгтэйчүүдийн Сан
Оюу Толгой Хяналт ТББ
Оюуны Инноваци ТББ
Хил хязгааргүй алхам ТББ
Хүний эрх хөгжил төв
Хөөрхөн зүрх
Үндэсний Байгаль Орчны Залуучуудын Зөвлөл
Environmental Justice Initiative by Breathe Mongolia
New Nomad Institute
Youth LEAD Mongolia ТББ
Trans* For Unity
Өнөөдөр Хатан Туултай хэрхэн харилцаж, түүнийг ашиглаж, хамгаалж байгаа нь ирээдүй хойч үеийнхний өвлөн авах байгаль орчин, соёл, эрх зүйн орчныг бүтээнэ гэж үзэж буй тул эдгээр байр суурьтай нэгдэж байвал цааш нь түгээн өөрсдийн дуу хоолойгоо илэрхийлэхийг уриалж байна🌱

16/04/2026

23 өдөр үлдлээ

НИЙТИЙН ӨРГӨДЛИЙН СИСТЕМ

09/04/2026

🎯 Бид Нийтийн өргөдлийн систем (petition.parliament)-д Усны тухай хуульд 2025 оны 7 дугаар сарын 09-ний өдрийн хуулиар нэмэлт оруулсан хэсэг буюу хуулийн 22.2.1-д "онцгой хамгаалалтын бүсэд Төр, хувийн хэвшлийн түншлэлийн тухай хуулийн 5.1.8-д зааснаас бусад барилга, байгууламж барих, газар хагалах, тэсэлгээ хийх, газар тариалан эрхлэх, ашигт малтмал хайх, олборлох, зэгс, шагшуурга, мод огтлох, элс, хайрга, чулуу авах, байгалийн ургамлыг үйлдвэрлэлийн зориулалтаар түүж бэлтгэх, мал угаах болон хөдөө аж ахуйн бүтээгдэхүүн үйлдвэрлэх цэг байгуулахыг хориглоно" гэж заасны ❌ " ... Төр, хувийн хэвшлийн түншлэлийн тухай хуулийн 5.1.8-д зааснаас бусад ... ❌ гэсэн хэсгийг хүчингүй болгуулахаар нийтийн өргөдөл санаачилж байна.

‼️Төр, хувийн хэвшлийн түншлэлийн тухай хуулийн 5.1.8-д "нийтийн зориулалттай дэд бүтэц" гэж нийтэд зориулсан төрийн үйлчилгээний барилга байгууламж, авто зам, төмөр зам, дүүжин зам, газрын дээр, доор байрлах замын байгууламж, бүх төрлийн инженерийн шугам сүлжээ, гамшиг, ослоос урьдчилан сэргийлэх энгийн болон инженерийн хийц, бүтээц бүхий байгууламжийг" ойлгохоор заасан ба хууль тогтоогч #УИХ энэ заалтыг Усны тухай хуулийн 22.2.1-д эш татаж оруулснаараа зөвхөн Туул гол биш, Монгол орны усны сан бүхий газар, усны эх үүсвэрийн онцгой хамгаалалтын бүсэд нийтийн зориулалттай дэд бүтэц барих үүд хаалгыг нээсэн байна.

🎯 Тус өргөдлийг цахим системд байршуулснаас хойш 30 хоног (2026.04.08-2026.05.08) -ийн дотор Монгол Улсын 18 насанд хүрсэн 100,000 иргэн дэмжсэн тохиолдолд уг асуудлыг Улсын Их Хурал хэлэлцэх ҮҮРЭГ үүсэх юм. Иймд та энэхүү нийтийн өргөдлийг дэмжиж байвал, доорх линкээр хандан "ДАН" системээр нэвтэрж баталгаажуулаарай.

НИЙТИЙН ӨРГӨДЛИЙН СИСТЕМ

08/04/2026

“Урагшил" подкастын энэ удаагийн дугаарын зочноор Хууль зүйн ухааны доктор Ц.Цогттой ярилцлаа.
Хөтлөгчөөр Оюуны-Инноваци ТББ-ын УЗ-ийн дарга, Хууль зүйн ухааны доктор Т.Алтангэрэл оролцлоо.

"Урагшил" подкастын энэ удаагийн дугаарын зочноор Хууль зүйн ухааны доктор Ц.Цогттой ярилцлаа. Хөтлөгчөөр Хууль зүйн ухааны доктор Т.Алтангэрэл оролцлоо.

08/04/2026

✅ Манай хуульчдын баг өчигдөр (2026.04.07) Үндсэн хуулийн цэдэд "Усны тухай хуульд 2025 оны 7 дугаар сарын 09-ний өдрийн хуулиар нэмэлт оруулсан хэсэг буюу хуулийн 22.2.1-д "онцгой хамгаалалтын бүсэд Төр, хувийн хэвшлийн түншлэлийн тухай хуулийн 5.1.8-д зааснаас бусад барилга, байгууламж барих, газар хагалах, тэсэлгээ хийх, газар тариалан эрхлэх, ашигт малтмал хайх, олборлох, зэгс, шагшуурга, мод огтлох, элс, хайрга, чулуу авах, байгалийн ургамлыг үйлдвэрлэлийн зориулалтаар түүж бэлтгэх, мал угаах болон хөдөө аж ахуйн бүтээгдэхүүн үйлдвэрлэх цэг байгуулахыг хориглоно" гэж заасны ❗️❌ " ... Төр, хувийн хэвшлийн түншлэлийн тухай хуулийн 5.1.8-д зааснаас бусад ..."❗️❌ гэсэн хэсэг нь Монгол Улсын Үндсэн хуулийг зөрчсөн эсэхийг тогтоолгохоор мэдээлэл гаргалаа.

‼️Төр, хувийн хэвшлийн түншлэлийн тухай хуулийн 5.1.8-д "нийтийн зориулалттай дэд бүтэц" гэж нийтэд зориулсан төрийн үйлчилгээний барилга байгууламж, авто зам, төмөр зам, дүүжин зам, газрын дээр, доор байрлах замын байгууламж, бүх төрлийн инженерийн шугам сүлжээ, гамшиг, ослоос урьдчилан сэргийлэх энгийн болон инженерийн хийц, бүтээц бүхий байгууламжийг" ойлгохоор заасан ба хууль тогтоогч #УИХ энэ заалтыг Усны тухай хуулийн 22.2.1-д эш татаж оруулснаараа зөвхөн Туул гол биш, Монгол орны усны сан бүхий газар, усны эх үүсвэрийн онцгой хамгаалалтын бүсэд нийтийн зориулалттай дэд бүтэц барих үүд хаалгыг нээсэн байна.