Save the Children in Mongolia

20/06/2026

ХҮҮХДИЙГ ИВЭЭХ САН, ОНЦГОЙ БАЙДЛЫН ЕРӨНХИЙ ГАЗРЫН ХАМТЫН АЖИЛЛАГАА АМЖИЛТТАЙ ҮРГЭЛЖИЛЖ БАЙНА
Монгол Улсад Онцгой байдлын байгууллага үүсэж, нэгдсэн тогтолцоонд шилжсэний түүхт 22 жилийн ой 2026 онд тохиож байна. Хүүхдийг Ивээх Сан нь Онцгой байдлын ерөнхий газар (ОБЕГ)-тай 2011 оноос хойш хамтран ажиллаж байгаа билээ.

2011-2016 онд БНСУ-ын Хүүхдийг Ивээх Сангийн санхүүжилтийн дэмжлэгээр ОБЕГ-тай хамтран “Гамшиг, онцгой байдлынүе дэх хүүхэд хамгаалал, хүүхэд төвтэйбэлэн байдлыг бэхжүүлэх нь” төслийг гурван үе шаттай хэрэгжүүлсэн юм. Үүнээс гадна олон төсөл хөтөлбөр хэрэгжүүлэхдээ ОБЕГ-тай хамтран ажиллаж байв.
Дэлгэрэнгүй мэдээг эндээс уншина уу.
https://savethechildren.mn/?p=23407&lang=mn
Онцгой байдлын ерөнхий газар

Монгол Улсад Онцгой байдлын байгууллага үүсэж, нэгдсэн тогтолцоонд шилжсэний түүхт 22 жилийн ой 2026 онд тохиож байна. Хүүхдийг Ивээх Сан нь Онцгой байдлын ерөнхий га...

19/06/2026

#ХайраарҮлгэрлэе нөлөөллийн аяныг Хүүхдийг Ивээх Сан болон Ханбогдын Хөгжлийн Хурдасгуур Оюутолгойн сан явуулж байна. Энэхүү аянаар Өмнөговь аймгийн Ханбогд суманд хэрэгжүүлэх “Би найзаа дэмжинэ” төслийн хүрээнд хүүхэд, эцэг эх, асран хамгаалагчид, олон нийтийн хүүхэд хамгааллын талаарх мэдлэг, ойлголтыг нэмэгдүүлж, болзошгүй эрсдэлээс урьдчилан сэргийлэх, эерэг хандлага, хариуцлагатай зан үйл төлөвшүүлэхэд сошиал медиагаар дамжуулан нөлөөлөх зорилготой юм.
------------------------------------------------------------
НАЙЗАА ОЙЛГОЖ, НАЙЗАА ДЭМЖЬЕ
Хүн бүр өөр өөрийн болол, мэдрэмжтэй. Заримдаа хүн гаднаасаа зүгээр мэт харагдсан ч сэтгэлдээ хүнд зүйл туулж байж болно. Тийм үед чи найзаа дэмжиж чадна.

НАЙЗАА ОЙЛГОЖ ДЭМЖИХИЙН ТУЛД
НАЙЗАА СЭТГЭЛ САНААГ АНЗААРААРАЙ
- Найз чинь гунигтай, ууртай, дуугуй байвал анзаараарай
- Сэтгэл санаа нь ямар байгаа, өмнөхөөсөө өөр болсон эсэхийг ажиглаарай
- Түүний сэтгэлийг юу зовоож байгааг ойлгохыг хичээгээрэй
- “Чи ганцаараа биш шүү” гэдгийг мэдрүүлэн дэргэд нь хамт байгаарай.

НАЙЗЫНХАА ЯРИАГ СОНСООРОЙ
- Яриаг нь таслахгүй тайван сонсоорой
- Шууд зөвлөгөө өгөх гэж яарах хэрэггүй
- Тайван хүндэтгэлтэй байгаарай
- “Би чамайг ойлгож байна” гэж хэлэх нь дэм болдог

ТУСЛАЖ БОЛОХ ХҮНД ХАНДААРАЙ
- Найзаа ганцааранг нь битгий орхиорой
- Хэрвээ асуудал нь хүнд байвал эцэг эх, багш, нийгмийн ажилтан, сэтгэл зүйч, Хамтарсан багийн гишүүд цагдаа, эмч зэрэг мэргэжлийн хүмүүст хамтдаа хандаарай
-Хэрвээ найз чинь аюулд байвал заавал итгэлтэй том хүнд хэлэх хэрэгтэй
- Нууцыг нь хадгалж, найзынхаа итгэлийг бүү алдаарай

#ХайраарҮлгэрлэе
#ХүүхдийгИвээхСан
#ханбогдынхөгжлийнхурдасгууроюутолгойнсан

18/06/2026

EFFECT+ INTERNATIONAL YOUTH BOOTCAMP 2026-COP17 EDITION
🔹Effect+ International Youth Bootcamp нь 14–18 насны өсвөр үеийнхнийг нийгмийн идэвхтэй, манлайлагч иргэн болгон төлөвшүүлэх зорилготой, Монгол Улсад хэрэгжиж буй олон улсын залуучуудын манлайллын боловсролын хөтөлбөр юм. Effect+ нь ЮНЕСКО-ийн Ази, Номхон далайн төвөөс 2021 онд Дэлхийн иргэншлийг дэмжих шилдэг хөтөлбөрүүдийн нэгээр шалгарсан юм.

🔹Энэхүү хөтөлбөр нь Монгол Улсад зохион байгуулагдах Цөлжилттэй Тэмцэх тухай НҮБ-ын Конвенцын талуудын 17 дугаар бага хурал (COP17)-тай хүрээнд хэрэгжих бөгөөд өсвөр үе, залуучуудыг байгаль орчны манлайлагч, тогтвортой хөгжлийн ирээдүйн шийдэл бүтээгч болгон төлөвшүүлэхэд чиглэнэ.

🔹Бид мөн Oi Heritage-тэй хамтран Монголын нүүдлийн соёл, байгальтайгаа зохицон орших олон зуун жилийн уламжлалт мэдлэгийг орчин үеийн тогтвортой хөгжлийн үзэл баримтлалтай холбосон шинэлэг сургалтын хөтөлбөрийг хэрэгжүүлнэ.

ХӨТӨЛБӨРИЙН ДАВУУ ТАЛУУД ЮУ ВЭ?
• Дэлхийн асуудлууд (байгаль орчин, газрын доройтол, тогтвортой хөгжил)-ын талаар ойлголттой болох
• Монголын нүүдэлчин соёл, байгальтай зохицон амьдрах уламжлалт мэдлэг, малчдын амьдралын ухаан, тогтвортой амьдралын хэв маягаас суралцах
• Шүүмжлэлт сэтгэлгээ, асуудал шийдвэрлэх ур чадвар хөгжүүлэх
• Чиглүүлэгчийн сургалтад хамрагдаж, бие даан сургалт зохион байгуулах ур чадвар эзэмшинэ
• Илтгэх, өөрийгөө илэрхийлэх, манлайллын чадвараа сайжруулах
• AFS болон KAICIID (хамтрагч олон улсын байгууллага) зэрэг олон улсын байгууллагуудын хамтран олгох олон улсын сургалтын гэрчилгээ авах
• Сонгогдсон оролцогчид COP17-ын үеэр залуусын төлөөлөл дуу хоолой болон танилцуулах
• Ирээдүйн мэргэжлээ зөв сонгоход чиглэсэн сургалтад хамрагдаж, боломжит мэргэжлүүдийн талаар ойлголт, мэдлэгтэй болох

ХӨТӨЛБӨРИЙН МЭДЭЭЛЭЛ
📍Байршил: Green School of Mongolia
🕢Хугацаа: 2026.06.25 – 06.30

ШАЛГАРУУЛАЛТАД ТАВИГДАХ ШААРДЛАГА
- Монгол Улсад оршин суудаг дотоод болон гадаадын суралцагчид хамрагдах боломжтой.
- 14–18 настай байх
- Байгаль орчин, тогтвортой хөгжил, нийгмийн оролцооны чиглэлээр суралцах хүсэл эрмэлзэлтэй байх
- Багаар ажиллах, шинэ зүйл сурах идэвхтэй оролцоотой байх
- Англи хэлний өөрийгөө ойлгуулах, харилцан ярилцах дунд түвшний мэдлэгтэй байх
- Хөтөлбөрийн хугацаанд бүтэн хамрагдах боломжтой байх
- Хөтөлбөр дуусмагц өөрийн сонгосон сэдвээр нэг сургалтыг 2026 оны 11-р сар дуустал өөрийн сургууль, клуб эсвэл нийгэмлэгтээ бие даан зохион байгуулах

ХӨТӨЛБӨРИЙН ЗАРДАЛ
Хөтөлбөрийн 6 хоногийн турш байр, хоол, унаа, сургалтын төлбөрийг багтаасан нийт зардал нь 800,000 төгрөг байна.
Тэтгэлгийн боломж
Хөтөлбөрийн хүрээнд орон нутгаас оролцох болон санхүүгийн дэмжлэг шаардлагатай залуусыг дэмжих зорилгоор тэтгэлэг олгоно. Тэр дундаа газрын доройтолд илүү өртөмтгий бүс нутгууд болох Өмнөговь, Дорноговь, Говьсүмбэр, Дундговь, Өвөрхангай, Баянхонгор, Сүхбаатар, Дорнод зэрэг аймгаас оролцох залууст тэтгэлэг олгохыг зорьж байна.

Бүртгэл хаагдах эцсийн хугацаа: 6-р сарын 20, 23:59 PM
Мэдээлэл авах, лавлах зүйл байвал : [email protected] -мэйл хаяг руу, эсвэл Инстаграм дээрх .mn хаягаар холбогдоно уу.
Бүртгэлийн форм: https://forms.gle/XU2Tpv7YvGCWtDfN9

✨ Effect+ International Youth Bootcamp нь 14–18 насны өсвөр үеийнхнийг нийгмийн идэвхтэй, манлайлагч иргэн болгон төлөвшүүлэх зорилготой, Монгол Улсад хэрэгжиж буй олон улсын залуу...

16/06/2026

Өвөрхангай аймгийн Бат-Өлзий суманд төслийн орон нутгийн ажилтан сонгон шалгаруулж авна.
Дэлгэрэнгүй мэдээллийг эндээс авна уу.
https://savethechildren.mn/?p=23405&lang=mn

15/06/2026

https://savethechildren.mn/?p=23383&fbclid=IwY2xjawScdDRleHRuA2FlbQIxMABicmlkETFMOFFEOGdoQm5XZWZTOG9Jc3J0YwZhcHBfaWQQMjIyMDM5MTc4ODIwMDg5MgABHsa2bBC3vjldF1sCVO1a7GcHZUFY2HJuWuWJJD20PJp3XKocox-Nqf-tI04z_aem_RjlP2xlK0Lq4D7ss-g-W7w&lang=mn

12/06/2026

#ХайраарҮлгэрлэе нөлөөллийн аяныг Хүүхдийг Ивээх Сан болон Ханбогдын Хөгжлийн Хурдасгуур Оюутолгойн сан явуулж байна. Энэхүү аянаар Өмнөговь аймгийн Ханбогд суманд хэрэгжүүлэх “Би найзаа дэмжинэ” төслийн хүрээнд хүүхэд, эцэг эх, асран хамгаалагчид, олон нийтийн хүүхэд хамгааллын талаарх мэдлэг, ойлголтыг нэмэгдүүлж, болзошгүй эрсдэлээс урьдчилан сэргийлэх, эерэг хандлага, хариуцлагатай зан үйл төлөвшүүлэхэд сошиал медиагаар дамжуулан нөлөөлөх зорилготой юм.
------------------------------------------------------------
АНЗААРЧ АЮУЛЫГ АРИЛГАЯ
✅Жижиг үйлдэл бүр хүүхдийн амьдралд том өөрчлөлтийг авчирдаг
Хүүхдийн аюулгүй, сайн сайхан байдал нь бүх орчинд хүн бүрийн, байгууллага бүрийн хамтын хариуцлага юм.

✅Сумын иргэд, олон нийт ТА БҮХЭН
- Зуны амралтаар хүүхдүүд гадаа цагийг илүү их өнгөрөөдөг тул ойр орчмын хүүхдүүдэд анхаарал тавиарай
- Траншайны нүх, ухсан нүх суваг, шуудуу, цахилгааны тасарсан утас, үзүүртэй төмөр, хайс хашлага, муу усны цооног зэрэг аюул эрсдэлтэй зүйлсийн дэргэдүүр “зүгээр өнгөрөөлгүй” холбогдох байгууллага, ажилтанд мэдээлж, хамтдаа аюулыг арилгаарай.
- Зам тээврийн аюул ослоос урьдчилан сэргийлж, хүүхдэдээ анхааруулаарай
- Хүүхэдтэй эелдэг, хүндэтгэлтэй харилцаж аюулгүй, найдвартай орчныг хамтдаа бий болгоорой.

✅Байгууллага, үйлчилгээ үзүүлэгчид ТА БҮХЭН
- Байгууллага бүр өөрийнхөө, ойр орчныхоо аюул, эрсдэлийг тогтмол үнэлж эрсдэлийг арилгаж хэвшээрэй.
- Хүүхдийн тоглох орчин, тоглоомын талбайн эд зүйлсийн бүрэн бүтэн байдлыг тогтмол шалгаарай
- Хүүхэдтэй ажилтандаа ажлын уян хатан нөхцөлийг санал болгож, хүүхдийнхээ аюулгүй байдалд анхаарах боломж нөхцөлийг бүрдүүлээрэй.
- Хүүхэд, гэр бүлд хэрэгтэй мэдээллийг ойлгомжтой, хүртээмжтэй хүргээрэй
- Үйлчилгээ бүртээ хүүхдэд аюулгүй, хүндэтгэлтэй орчныг бүрдүүлээрэй
#ХайраарҮлгэрлэе
#ХүүхдийгИвээхСан
#ханбогдынхөгжлийнхурдасгууроюутолгойнсан

10/06/2026

ХАНБОГД СУМАНД “БИ НАЙЗАА ДЭМЖИНЭ” ТӨСӨЛ ХЭРЭГЖИЖ ЭХЭЛЛЭЭ
🔹Хүүхдийг Ивээх Сан “Ханбогдын хөгжлийн хурдасгуур Оюу толгойн сан”-гийн “Хөгжил, Оролцоо, Түншлэл” хөтөлбөрийн санхүүжилтээр Өмнөговь аймгийн Ханбогд сумын ерөнхий боловсролын сургуулиудад “Би найзаа дэмжинэ” төсөл хэрэгжүүлж байна.

🔹Төслийн нээлт Өмнөговь аймгийн Ханбогд сумын Засаг даргын Тамгын газрын байранд 2026 оны 6 дугаар сарын 9-нд болж, сум, багийн удирдлагууд, хамтарсан багийн гишүүд, сургуулиудын нийгмийн ажилтан, сэтгэл зүйчид, мөн ерөнхий боловсролын сургуулиудын ахлах ангийн сурагчид, эцэг эхийн зөвлөлийн төлөөллүүд оролцов.

🔹“Би найзаа дэмжинэ” төсөл 2026 оны 6 дугаар сараас 2026 оны 11 дүгээр сар хүртэл хэрэгжинэ. Энэхүү төсөл нь сургуулиудад үе тэнгийн дэмжлэгт суурилсан хөтөлбөр хэрэгжүүлэх замаар өсвөр үеийнхэнд тулгамдаж буй асуудлыг эрт илрүүлэх, зохих дэмжлэгийг цаг алдалгүй үзүүлэх, эерэг, аюулгүй орчинг бүрдүүлж сургууль, хамтарсан багийн оролцоонд суурилсан хүүхэд хамгаалын чадавхыг бэхжүүлэх зорилготой юм.
Дэлгэрэнгүй мэдээг эндээс уншина уу.
https://savethechildren.mn/?p=23386&lang=mn

10/06/2026

https://savethechildren.mn/?p=23383&lang=mn

10/06/2026

🌳2026.06.05-нд Улаанбаатар цахилгаан түгээх сүлжээ ТӨХК-ийн Өндөр хүчдэлийн ашиглалт засварын төвийн хамт олон “Ойн төгөл бүтээгч хүүхдүүд” төслийн талбайд 50 бургас, 40 улиас, 40 монос, 220 хайлаас буюу нийтдээ 350 мод тарьж, ойн төгөл бүтээх үйлсэд хувь нэмрээ орууллаа.

🌳БНСУ-ын Хүүхдийг Ивээх Сангийн санхүүжилтээр (2024-2027) хэрэгжиж буй “Ойн төгөл бүтээгч хүүхдүүд” төсөл нь нийслэлийн Налайх дүүргийн тавдугаар хорооны нутаг дэвсгэрт 5 га талбайд ойн төгөл байгуулж, уур амьсгалын өөрчлөлтийг бууруулахад дэмжлэг үзүүлэх зорилготой. Мөн Налайх дүүргийн иргэдэд мод тарих чиглэлээр мэдлэг олгох, сургууль, коллеж, МСҮТ-үүдийн суралцагчдын экологийн боловсролыг дээшлүүлэх, идэвх оролцоог нэмэгдүүлэх юм.

🌳Төслийн талбайд тариалалт эхэлснээс хойш одоогоор 5,000 гаруй мод тариад байна. Мөн 7 төрлийн 600 суулгац, модны үрсэлгээ бүхий хүлэмжийг байгуулсан.
#ойнтөгөлбүтээгчхүүхдүүд

09/06/2026

Хүүхдийг Ивээх Сангийн хамт олон “Ойн төгөл бүтээгч хүүхдүүд” төслийн талбайд 20 хус, 50 долоогоно буюу нийтдээ 70 мод тарилаа.