ЗЭВ залуусын холбоо

13/08/2026

“ЗЭВ ЗАЛУУСЫН ХОЛБООНЫ 5 ЖИЛИЙН ОЙН АРГА ХЭМЖЭЭНИЙ ХҮРЭЭНД”

МОНГОЛЫН ТҮҮХЭН БААТАР ЗЭВ ЖАНЖНЫ /Ноён/
ХӨРӨГ ЗУРГИЙН УРАЛДААНЫ УДИРДАМЖ

Нэг. Уралдааны зорилго

Монголын түүхэн баатар, Их Монгол Улсын алдарт жанжин Зэвийн дүр төрхийг түүхэн баримт, эх сурвалж, эрдэм шинжилгээний судалгаанд тулгуурлан хөрөг зургийн бүтээл болгон гаргаж авах, улмаар түүхэн өвийг урлагийн хэлбэрээр мөнхжүүлэн олон нийтэд түгээн дэлгэрүүлэхэд энэхүү уралдааны зорилго оршино.

Хоёр. Зохион байгуулагч

Уралдааныг “Зэв залуусын” холбоо зохион байгуулна. Зохион байгуулагч нь уралдааны явц, бүтээл хүлээн авах, шүүн үнэлэх ажиллагааг удирдан зохион байгуулж, дүнг олон нийтэд нээлттэй мэдээлнэ.

Гурав. Оролцогчид

Уралдааныг мэргэжлийн уран бүтээлчдийн дунд зохион байгуулна. Нэг оролцогч хоёр хүртэлх бүтээл ирүүлж болно.
Дөрөв. Бүтээлд тавигдах шаардлага
– Бүтээлийн төрөл: Уралдаанд уран бүтээлийн бүх төрлөөр оролцох боломжтой.
– Түүхэн үндэслэл: Бүтээлд дүрслэгдэх XIII зууны монгол цэргийн хувцас, зэвсэг, морь унаа, эд хэрэглэл нь түүхэн баримт, эх сурвалж, археологийн олдвор, эрдэм шинжилгээний судалгаанд нийцсэн байна.
– Бүтээл нь өөр уралдаан, үзэсгэлэнд оролцож байгаагүй, зохиогчийн өөрийн эх бүтээл байна. Бусдын бүтээлийг хуулбарласан болон хиймэл оюун ухаан (AI) ашиглан бүтээсэн бүтээлийг хүлээн авахгүй.
– Бүтээлийн хамт уг бүтээлийн түүхэн үндэслэл, ашигласан эх сурвалжийн товч тайлбар (1 хуудсанд багтаан) ирүүлнэ.
– Оролцогч өөрийн овог нэр, мэргэжил, холбоо барих утас, хаягийг бүтээлийн хамт ирүүлнэ.

Тав. Үнэлгээний шалгуур

Бүтээлийг дараах шалгуураар үнэлнэ:
– Түүхэн үнэн зөв, баримтад нийцсэн байдал — 40 хувь
– Урлагийн ур чадвар, дүрслэлийн төгс байдал — 40 хувь
– Бүтээлч шийдэл, дүрийн илэрхийлэл — 20 хувь
Бүтээлийг түүхч, уран зураач, судлаачдаас бүрдсэн шүүгчдийн бүрэлдэхүүн үнэлж, дүгнэнэ.

Зургаа. Шагналын сан

Уралдааны нийт шагналын сан 12,000,000 (арван хоёр сая) төгрөг байна. Үүнд:
Байр Шагнал
Гран-при (1) 6,000,000 төгрөг, өргөмжлөл
Шилдэг бүтээл (2) тус бүр 3,000,000 төгрөг, өргөмжлөл

Шагналт байр эзэлсэн бүтээлийг “Зэв залуусын холбоо" хэвлэл, сурталчилгаа, үзэсгэлэн, түүх соёлын үйл ажиллагаанд зохиогчийн нэрийг дурдан ашиглах эрхтэй байна.

Долоо. Хугацаа

– Бүтээл хүлээн авах эцсийн хугацаа: 2026 оны 11 дүгээр сарын 15-ны өдөр 1700 цаг хүртэл
– Шүүн үнэлэх, дүн гаргах: 2026 оны 12 дугаар сарын 10-ны өдөр
Хугацаа хоцорсон бүтээлийг хүлээн авахгүй.

Найм. Бүтээл хүлээн авах, холбоо барих
– Зэв залуусын холбооны төв оффис, Дипломат байгууллагын үйлчилгээг эрхлэх газар
– Утас: [+976 89007677]
– И-мэйл: [[email protected]]
Уралдаантай холбоотой нэмэлт мэдээллийг дээрх утас, и-мэйл хаягаар лавлана уу.

Ес. Бусад

Уралдаанд ирүүлсэн шагналт бус бүтээлийг дүн гарснаас хойш 30 хоногийн дотор зохиогчид нь буцаан олгоно. Энэхүү удирдамжид тусгагдаагүй асуудлыг зохион байгуулагч шийдвэрлэнэ.

12/08/2026

11/08/2026

УЛСЫГ АГААРЫН ДОВТОЛГООНООС ХАМГААЛАХ ЦЭРГИЙН ӨДРИЙН МЭНД ХҮРГЭЕ🇲🇳🇲🇳🇲🇳

11/08/2026

Il existe de nombreuses sources historiques sur la conquête des Mongols au XIIIe siècle, nos ancêtres qui tiraient les brides de leurs chevaux jusqu’aux rives de la mer Caspienne. À cette époque, ils cherchaient à instaurer la paix et la justice dans le monde, faisant résonner leur puissanc...

11/08/2026

“ОЮУТАН ЦЭРЭГ”-ҮҮД ЭХ ОРОНДОО ЧИН ҮНЭНЧЭЭР ЗҮТГЭХ ТАНГАРАГАА ӨРГӨЛӨӨ

11/08/2026

08/08/2026

МОНГОЛ УЛСЫН ЗЭВСЭГТ ХҮЧНИЙ ОФИЦЕР САНДХОРСТЫН ЭЗЭН ХААНЫ ЦЭРГИЙН АКАДЕМИЙГ ТӨГСЛӨӨ
Сандхорстын Эзэн Хааны Цэргийн Академийн 253 дахь төгсөлтийн ёслол өчигдөр болж, Монгол Улсын Зэвсэгт хүчний офицер амжилттай дүүргэсэн түүхэн үйл явдал тохиов. Ахмад Б.Бат-Эрдэнэ амжилттай дүүргэснээрээ Сандхорстын Хааны Цэргийн Академийг төгссөн хоёр дахь монгол офицер болж чадсан байна.
1802 оноос эхлэлтэй Сандхорстын Эзэн Хааны Цэргийн Академи нь дэлхийд тэргүүлэх цэргийн академуудын нэг бөгөөд тус Академийг Британийн Эзэн Хаан VI Жорж, III Чарльз, Ханхүү Уильям, Ханхүү Харри, Британийн Ерөнхий сайд асан Сэр Уинстон Черчилль болон Дэлхийн хоёрдугаар дайны нэрт жанжин, фельдмаршал Сэр Бернард Монтгомери зэрэг Британийн шилдэг офицерууд төгссөн байдаг байна

via Монгол Цэрэг-Дэлхийн ЦЭРЭГ

06/08/2026

[English below]
🌎🌳Цөлжилттэй тэмцэх тухай НҮБ-ын конвенцын Талуудын 17 дугаар бага хурлын сэдэвчилсэн өдрүүд нь албан хэлэлцээний зэрэгцээ улс төрийн дэмжлэг, түншлэл, бодит үр дүнг төвлөрүүлэх зорилготой өндөр түвшний болон тусгай арга хэмжээнүүдээр үргэлжилнэ.
Цэнхэр бүсийн хүрээнд Санхүүжилтийн өдөр, Усны өдөр, Газар ба хүн төвт өдөр, Хүнсний систем ба хөрсний эрүүл мэндийн өдөр зохион байгуулагдаж, газар, ус, хүнс, хөрс, санхүүжилт, хүн ба байгалийн харилцан хамаарлыг бодлогын түвшинд хэлэлцэнэ. Эдгээр өдрүүд нь цөлжилт, газрын доройтол, гангийн эсрэг бодит шийдэл, хөрөнгө оруулалт, түншлэл, тогтвортой ирээдүйн төлөө улс орнууд, олон улсын байгууллагууд, судлаачид, бодлого боловсруулагчдын дуу хоолойг нэгтгэх чухал талбар байх болно.

ЭХ БАЙГАЛИА СЭРГЭЭЕ
АМЬДРАЛЫГ ТЭТГЭЕ


------------------------------
🌎🌳The thematic days of UNCCD COP17 will take place alongside the official negotiations through high-level and special events designed to build political support, mobilize partnerships, and deliver practical outcomes.
In the Blue Zone, Finance Day, Water Day, Land & People Day, and Food Systems and Soil Health Day will bring policy-level discussions on land, water, food systems, soil, finance, and the relationship between people and nature. These thematic days will serve as an important platform for countries, international organizations, researchers, and policymakers to unite their voices around practical solutions, investment, partnerships, and a sustainable future in the fight against desertification, land degradation, and drought.

RESTORING LAND
RESTORING LIFE

06/08/2026

Онцгой байдлын аврагчиддаа БАЯРЛАЛАА

Живсэн иргэнийг аварч буй завьт эргүүлийн алба хаагчдын энгэрийн камерын бичлэг /2026.08.05-ны өдөр 15 цаг 54 минут/