20/08/2026
Намайг хайрлах залууд захих зүйл
Хэзээ ч ахин дурлахгүй гэж амлаж байсан үе саяхан ч гэлээ хэн мэдэх вэ намайг цорын ганц гэж хардаг залуу гарч ирэх ч юм билүү. Тэгвэл би түүнд хэдхэн зүйл захиж хэлмээр байна.
1. Чамруу эхэлж залгахгүй, мессеж бичихгүй байлаа гээд битгий гомдоорой. Надад итгэ. Чамруу залгахгүй байгаа ч би чамайг бодож байгаа. Чамайг надруу залгах, чат бичихийг чинь тэвчээртэй хүлээж байгаа. Тиймээс зав гарах бүр надруу залгаж, мсж бичиж байгаарай.
2. Ирнэ гэсэн бол заавал ирж уулзаж байгаарай. Чамайг ирэхийг хүлээгээд хамаг байдгаараа гоёчихоод өдөржингөө цонх ширтэж суудаг шүү.
3. Бие өвдөөд байна, тийм юм идмээр байна, энийг хийж үзэх юмсан гэж байвал зүгээр л чамайг харах шалтаг гаргаж эрхэлж байгаа юм. Тэгэж толгойгоо гашилган байж шалтаг олж байхад нь урмыг нь битгий хугалаарай.
4. Миний унших дуртай номыг, сонирхдог зүйлсийг мэдэж аваад, хэзээ ч битгий мартаарай. Дургүй гэж хэлж байсан зүйлийг минь, аль уже уншчихсан ном төрсөн өдрөөр минь битгий бэлэглээрэй.
5. Эцэст нь хэлэхэд намайг ямар ч муухай ааш гаргаж байсан битгий орхиорой. Чамд одоо болтол хайртай болохоороо л муухай аашлаж, гомдож, тунирхдаг юм. Яаж ч байсан, юу ч болж байсан чангаас чанга тэврээд намайг тайвшруулаарай, битгий тавьж явуулаарай.
Тэгвэл энэ гаднаас нь харахад сүрхий эрхэмсэг хэрнээ хүүхэд шиг зантай охин үүрд чиний хажууд үлдэнэ. Үргэлж чамайг үнэнчээр хайрлаж, өглөөний үнсэлт горьдон хушуугаа цорвойлгоно доо.
Feuillemort | Jargal
