https://www.facebook.com/1771382879748586/

Монголын Усны Инженерчлэлийн Мэргэжлийн Холбоо

Home
Mongolia
Ulaanbaatar
Монголын Усны Инженерчлэлийн Мэргэжлийн Холбоо

Contact information, map and directions, contact form, opening hours, services, ratings, photos, videos and announcements from Монголын Усны Инженерчлэлийн Мэргэжлийн Холбоо, Non-Governmental Organization (NGO), Ulaanbaatar.

12/08/2026

Аль сав түрүүлж хоосрох вэ

06/08/2026

💧 БУМБАТЫН РАШААН –

УБ хот, СХД-ийн Баруун салааны голд хэрэгжиж буй Бумбатын булгийн усыг хуримтлуулах хөв цөөрөм байгуулах төсөл нь гадаргын усны нөөцийг нэмэгдүүлэх, үерийн эрсдэлийг бууруулах, байгаль орчны тэнцвэрийг хадгалах чухал ач холбогдолтой бүтээн байгуулалт юм.

Энэхүү төслийн үндсэн үзүүлэлт нь :
🔹 Ус хуримтлуулах хүчин чадал – 16,900 м³
🔹 Далангийн урт – 275 м бөгөөд
Хөв цөөрмийн бүтээн байгуулалт болон гадна тохижилтыг зураг төслийн дагуу Prestige engineering ХХК гүйцэтгэж байна.

Одоогийн байдлаар 16,900 м³ багтаамжтай хөв цөөрмийн бүтээн байгуулалт бүрэн дуусч, төлөвлөсөн хэмжээндээ усаа амжилттай хуримтлуулаад байна. Мөн гадна тохижилтын ажлууд эцсийн шатандаа үргэлжилж байгаа бөгөөд төслийг бүрэн ашиглалтад хүлээлгэн өгөх бэлтгэлийг ханган ажиллаж байна.

🌿 Бумбат толгойн өвөрт ундардаг Бумбатын рашаан нь гидрокарбонатын ангиллын, кальцийн бүлгийн эрдэс ус бөгөөд 295.8 мг/л эрдэсжилттэй, 3.10 мг-экв/л хатуулагтай, нэн цэнгэг, зөөлөвтөр устайгаараа онцлог. Энэхүү рашааныг ходоодны үйл ажиллагаанд эерэг нөлөөтэй хэмээн эртнээс нутгийн иргэд ам дамжин ярьж ирсэн түүхтэй.

30/07/2026

ШАЛГАЛТЫН ХУВААРЬ

ЗЭРГЭЭ СУНГАХ ШАЛГАЛТ ТАНХИМААР ЯВАГДАХ БӨГӨӨД ДАРААХ ТОХИОЛДОЛД ЦАХИМААР ШАЛГАЛТАА ӨГЧ БОЛНО.
ҮҮНД:
❗️1. ЭРҮҮЛ МЭНДИЙН ШАЛТГААНТАЙ БОЛ ЭМНЭЛГИЙН МАГАДЛАЛ ХАВСАРГАСАН, ӨРГӨДЛИЙН ХАМТ;
❗️2. УЛААНБААТАР ХОТООС 500 КМ-С ДЭЭШ ЗАЙНД АЖИЛЛАЖ БУЙ БОЛОН АМЬДАРЧ БУЙ БАЙНГЫН ОРШИН СУУГЧ ОРОН НУТГИЙН МЭРГЭЖИЛТНҮҮД /ӨРГӨДӨЛ БОЛОН ОРШИН СУУЖ БУЙ НОТЛОХ БАРИМТ, АЖИЛЛАЖ БУЙ БОЛ ТУХАЙН АЙМАГ ОРОН НУТАГТ АЖИЛ ГҮЙЦЭТГЭЖ БАЙГАА ЭСВЭЛ ТОМИЛОЛТТОЙ БАЙГАА АЛБАН БАЙГУУЛЛАГЫН ТОДОРХОЙЛОЛТЫН ХАМТ/; Боломжтой бол танхимаар шалгалтаа өгч болно.
❗️3. АЛБАН АЖЛААР ГАДААД УЛСАД ТОМИЛОЛТООР АЖИЛЛАЖ БАЙГАА БОЛОН СУРАЛЦАЖ БАЙГАА БОЛ ӨРГӨДӨЛ, ГАДААД ПАСПОРТ ДЭЭРХ ХИЛЭЭР ГАРСАН ШТАМПЫН ХУУЛБАРЫН ХАМТ;
‼️‼️‼️ДЭЭРХ ӨРГӨДӨЛ ГАРГАХ МЭРГЭЖИЛТНҮҮД ТУХАЙ ХҮРЭЭНИЙ ШАЛГАЛТ ӨГӨХ ӨДРӨӨС 2-3 ӨДРИЙН ӨМНӨ [email protected] ЦАХИМ ХАЯГААР ИЛГЭЭХ БӨГӨӨД ӨРГӨДӨЛ ИЛГЭЭСНЭЭ ☎️ 94020984, 94020986 УТСААР МЭССЭЖ ҮЛДЭЭГЭЭГЭЭРЭЙ.

28/07/2026

ШИНЭ ХӨВ ЦӨӨРӨМ
“333 нуур” санаачилгын хүрээнд Ханбогд сумын Ундайн голыг түшиглэн хөв цөөрөм байгуулагдах гэж байна.
Захиалагч: Өмнөговь аймгийн Засаг даргын Тамгын газар
Гүйцэтгэгч: “Хишиг Юниверс” ХХК

"333 нуур" буюу "Нэг сум – Нэг нуур" төсөл нь Монгол Улсын усны нөөцийг нэмэгдүүлэх, хур тунадас болон цас, мөсний хайлалтын усыг хуримтлуулах, ган, цөлжилт, уур амьсгалын өөрчлөлтийн сөрөг нөлөөг бууруулах зорилготой юм.
Batbayar Zeneemyadar

26/07/2026

ШИНЭ ТЕХНОЛОГИ

Монгол Улсад анх удаа Дархан хотод хур тунадасны гадаргын урсацыг ус зайлуулах шугам сүлжээнд нийлүүлэхгүйгээр, ус нэвчүүлэх бетон хучилт ашиглан хөрсөнд шүүрүүлэн нэвчүүлэх технологийг нэвтрүүлж байна.

21/07/2026

ШАГНАЛЫН МЭДЭЭ

Үндэсний их баяр наадам, Тулгар төрийн 2235 жил, Их Монгол Улсын 820 жилийн ой, Ардын хувьсгалын 105 жилийн ой-н өдөр “Монгол Улсын Хөдөлмөрийн гавьяаны улаан тугийн одон”-гоор шагнагдсан Монгол улсын зөвлөх инженер Л. Дашдорж танд усны салбарын нийт инженер, мэргэжилтнүүдийнхээ өмнөөс чин сэтгэлийн халуун баяр хүргэе.

Таны усны салбарт тавь гаруй жилийн турш үнэнчээр зүтгэж, мэдлэг туршлага, хөдөлмөр бүтээлээрээ салбарын хөгжилд үнэтэй хувь нэмэр оруулсныг төр үнэлж энэхүү төрийн дээд шагналаар шагнасанд гүнээ баяртай байна.

Цаашдын тань ажил үйлс улам өөдрөг бүтэмжтэй байж, эрүүл энх, аз жаргал, урт удаан наслахын өлзийтэй ерөөлийг өргөн дэвшүүлье

10/07/2026

🇲🇳🇲🇳МЭНДЧИЛГЭЭ🇲🇳🇲🇳
Эрхэм хүндэт гишүүд, зөвлөх инженерүүд, эрдэмтэн судлаачид, салбарын ахмад, дунд, залуу үеийн инженерүүд, хамтран ажилладаг төрийн болон хувийн хэвшлийн байгууллагууд, түншүүд, нийт усны салбарын ажилтан, албан хаагч Та бүхэндээ Монгол түмний төрт ёс, түүх, соёл, өв уламжлалыг илэрхийлсэн Үндэсний их баяр наадам, Тулгар төрийн 2235 жил, Их Монгол Улсын 820 жилийн ой, Ардын хувьсгалын 105 жилийн ойн баярын мэндийг өргөн дэвшүүлье.

Хүчит бөхчүүдийн бяр мэх нь тэгширч, хүлэг морьдын хурд нь эрчилж, мэргэн харваачдын цэц нь мэргэн байж, Монгол наадам өргөн дэлгэр сайхан болох болтугай.

Дэлхийд ганцхан Монгол наадмаараа
Дэнж хотойтол сайхан наадаарай🇲🇳🇲🇳🇲🇳

08/07/2026

“Хот, суурины ус хангамж, ариутгах татуургын ашиглалтын тухай” хуульд нэмэлт, өөрчлөлт оруулах хуулийн төслийн хэлэлцүүлэг боллоо

Улаанбаатар хотын газрын доорх цэнгэг усны нөөцийг хамгаалах, хаягдал усыг дахин боловсруулах эрх зүйн орчныг бүрдүүлэх зорилготой хуулийн төслийн нээлттэй хэлэлцүүлэг болж өндөрлөлөө.

30/06/2026

🤝 ХАМТЫН АЖИЛЛАГААНЫ САНАМЖ БИЧИГ

Монголын Усны Инженерчлэлийн Мэргэжлийн Холбоо болон Цэнгэг Усны Нөөц, Байгаль Хамгаалах Төв нь усны салбарын сургалт, судалгаа, эрдэм шинжилгээ, мэргэжлийн чадавхыг бэхжүүлэх чиглэлээр хамтран ажиллах Хамтын ажиллагааны санамж бичиг байгууллаа.

Монгол Улсын усны нөөц нь орон зайн хувьд жигд бус тархалттай бөгөөд усны нөөц ихтэй болон хомс бүс нутгийн ялгаа харьцангуй өндөр байдаг. Үүнтэй зэрэгцэн уур амьсгалын өөрчлөлт, цөлжилт, усны хэрэглээний өсөлт зэрэг хүчин зүйлс нь усны нөөцийн хүртээмж, тогтвортой ашиглалтад улам бүр сорилт учруулж байна.
Иймд усны нөөцийг шинжлэх ухаанд суурилсан үнэлгээ, нэгдсэн менежментийн зарчмаар хамгаалж, зохистой ашиглахын зэрэгцээ судалгаа, шинжилгээ, инновацыг дэмжих, салбарын хамтын ажиллагааг бэхжүүлэх нь Монгол Улсын тогтвортой хөгжлийн зорилтыг хэрэгжүүлэхэд онцгой ач холбогдолтой юм.

27/06/2026

Сэлбэ сэргэлт төслийн хүрээнд сэлбэ Дунд голын үерийн хамгаалалтын байгууламжийн ТЭЗҮ-г Престиж инженеринг ХХК, ажлын зураг төслийг мэргэжлийн 7 байгууллага хамтарсан бол Тохижилтын ажлын зураг төслийг Хот Төлөвлөлт Судалгааны Институти боловсруулжээ.

Сэлбэ голын хоёр талын эргээр хийгдсэн түшиц хананууд нь 100 жилд нэг удаа тохиолдох буюу 1%-ийн хангамшилтай үерийн урсцыг өнгөрүүлэх зорилготой төлөвлөгджжээ. Голдирлын хэмжээг Сэлбэ-Дамбадаржаа харуулын мэдээнд үндэслэн 50%-ийн хангамшил буюу 2 жилийн хугацаанд ажиглагдсан голын урсцын хамгийн их утгаар тооцсон байна. Энэ нь гол үергүй үед байнга урсацтай байх нөхцөлийг хангана гэсэн үг юм. Одоогийн усны түвшин ихсэж байгаа шалтгаан нь хур борооноос үүссэн түр зуурын урсац юм.
Голын голдирлыг төлөвлөхдөө 1%, 5%, 10% зэрэг бага давтамжтай, их хэмжээний үерийн урсцыг бүрэн багтаахаар тооцоолох нь оновчтой биш тул ийм тохиолдолд голын хөндлөн огтлол хэт томорч, бага устай үед урсац сарниж, зарим хэсэгт бараг урсгалгүй, үерийн хуурай сайр мэт орчин үүсэх сөрөг талтай байдаг байна. Байнгын урсцын нөхцөлөөс давсан их урсацтай үед голын татам болон тохижилтын бүс усанд автаж, дараа нь нөхөн сэргээлт хийх шаардлагатай болдог. Тиймээс голын голдирол, татамд тохижилт хийхдээ хатуу хучилттай талбайг аль болох бага байлгаж, үерийн үед эрсдэл багатай байгууламжууд төлөвлөхийг зөвлөдөг.
Үерийн эрсдэлийг илүү сайн зохицуулах шийдэл бол үерийн ус хуримтлуулах усан сан байгуулах явдал юм. “Сэлбэ сэргэлт” төслийн хүрээнд 1.3 сая м³ багтаамжтай, 5 шатлалт усан сан барих ажил эхэлжээ.
Энэ усан сан ашиглалтад орсны дараа:
Үерийн оргил урсцыг сааруулж, хотын өндөр нягтралтай бүсэд үерийн эрсдэлийг бууруулна.
Хуримтлагдсан усыг аажмаар гаргаж, голын байнгын урсгалыг дэмжинэ.
Орчны чийгшил нэмэгдэж, ногоон байгууламж, экологийн нөхөн сэргэлтэд тусална.
Усанд огт автуулахгүй орчин бүрдүүлэхийг хүсвэл эргийн орчныг огт ашиглахгүй орхихоос өөр сонголт үгүй юм. Усан сангийн шийдэл нэвтрүүлснээр үерийн эрсдэл буурч, голын эргээр илүү аюулгүй, тогтвортой тохижилт хийх боломж нээгдэнэ.

Address

Ulaanbaatar

Website

facebook.com

Alerts

Be the first to know and let us send you an email when Монголын Усны Инженерчлэлийн Мэргэжлийн Холбоо posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Монголын Усны Инженерчлэлийн Мэргэжлийн Холбоо:

Want your organization to be the top-listed Non Profit Organization in Ulaanbaatar?