YOUTH UBTZ

03/09/2026

25/08/2026

#Мэндчилгээ
УБТЗ-ын ХЗЭ-ийн ахмад ажилтнууд, тэдний залгамж халаа болсон Залуучуудын төв байгууллагын ажилтан, сонгуультан, залуучууд Та бүхэнд Монгол Улсад Залуучуудын байгууллага үүсэж хөгжсөний 105 жил, УБТЗ-ын Хувьсгалт залуучуудын эвлэлийн байгууллагын 74 жил, УБТЗ-ын Залуучуудын төв байгууллага шинэчлэн зохион байгуулагдсаны 10 жилийн ой, Монголын залуучуудын өдрийн мэндийг өргөн дэвшүүлье.
УБТЗ-ын ХЗЭ-ийн байгууллага нь бүтээлч санал санаачилга, ажил үйлсээрээ улс орон даяар үлгэр дуурайлал болж, Монголын залуучуудыг ололт амжилт өөд уриалан дуудаж, манлайлж ирсэн бахархам түүхтэй, мөнхөд дуурсах гавьяатай юм.
УБТЗ-ын залуучууд ахмад үеийнхнийхээ хөдөлмөрч, дайчин, бүтээлч зан чанарыг өвлөн авч, төмөр замын тээврийн тасралтгүй найдвартай байдал, үйлдвэрлэл, үйлчилгээний чанар, хүртээмжийг нэмэгдүүлэхийн төлөө шаргуу хөдөлмөрлөж, бахдам амжилтуудыг үзүүлсээр ирсэн билээ.

УБТЗ-ын Залуучуудын төв байгууллагын ажилтан, олон мянган гишүүд дэмжигч үе үеийн залуучууд та бүхний ажилд нь амжилт амьдралд нь сайн сайхан бүхнийг хүсье.

УБТЗ-ын Залуучуудын төв байгууллага


2026.08.25

10/07/2026

Эх дэлхийн түүхэнд мөнхөд дуурсагдах Монгол төрийнхөө бахдам түүх, өв соёлоороо омогшин өргөн дэлгэр Үндэсний их баяр наадмаараа дэнж хотойтол сайхан наадаж, дэлгэр зуны налгар өдрүүдэд аз жаргал, баяр хөөрөөр дүүрэн байх болтугай!

Сайхан наадаарай 🇲🇳🐎🚂

Youth UBTZ

07/07/2026

Идэвхтэн гишүүд идэвхтэй оролцохыг уриалж байна✊

📌МТЗ-чдын ҮЭ-ийн холбоо болон Дорнод-Сибирийн төмөр замчдын ҮЭ-ийн холбооны хамтын ажиллагааны гэрээний хүрээнд ОХУ-д зохион байгуулагдах Дорнод-Сибирийн төмөр замчдын ҮЭ-ийн холбооны “Залуучуудын наадам-2026” арга хэмжээнд оролцох залуу гишүүдийн сонгон шалгаруулалт.

📌МТЗ-чдын ҮЭ-ийн холбоо болон Дорнод-Сибирийн төмөр замчдын ҮЭ-ийн холбоо нь 2024 онд хамтын ажиллагааны гэрээ байгуулсан бөгөөд уг гэрээний хүрээнд талуудын залуу гишүүд, ажилтнуудыг идэвхжүүлж, хөгжүүлэх чиглэлд тодорхой арга хэмжээг зохион байгуулахаар тогтсон. Уг арга хэмжээний нэг нь Дорнод-Сибирийн төмөр замчдын ҮЭ-ийн холбооноос жил бүр өөрийн гишүүн байгууллагуудын залуу гишүүд, ажилтнуудын дунд зохион байгуулдаг “Залуучуудын наадам-2026”-д МТЗ-чдын ҮЭ-ийн холбооны төлөөллийг оролцуулах явдал юм.

Энэхүү арга хэмжээ нь тус холбооны 35 хүртэлх насны гишүүд цуглаж, баг болж хуваагдан, хэлэлцүүлэг өрнүүлж, өөрсдийн бүтээлч сэтгэлгээ, хурд хүч, авхаалж самбаагаар өрсөлддөг онцлогтой. Арга хэмжээнд оролцсоноор олон улсын арга хэмжээний туршлага судлах, өөрийгөө хөгжүүлэх, найз нөхдийн хүрээллийг тэлэх боломжтой юм.
📍Зохион байгуулагдах газар: ОХУ, Байгаль нуур
📍Хугацаа: 2026 оны 07 дугаар сарын 18-19-ний өдрүүд
📍Тавигдах шаардлага:
-35 хүртэлх насны
-Орос хэлний ахисан түвшний мэдлэгтэй
-МТЗ-чдын ҮЭ-ийн холбооны гишүүнчлэлтэй (нэгээс доошгүй жил)
📍Бүртгүүлэх:
-Бүртгэлийг анкетыг татан авч бөглөх.
-3 хүртэлх минутын урттай, Монгол болон Орос хэлээр өөрийгөө танилцуулж буй дүрс бичлэг хийх.
-Бүртгэлийн линкээр орж, шаардлагатай талбарыг бөглөх
📍Бүртгэлийн хугацаа: 2026 оны 07 дугаар сарын 07-ний 15:00 цагаас 2026 оны 07 дугаар сарын 10-ний 20:00 цаг хүртэл.
📍Сонгон шалгаруулалт:
-2026 оны 07 дугаар сарын 10-ний 20:00 цаг хүртэл бүртгэж, 2026 оны 07 дугаар сарын 11-ний өдрийн 12:00 цагт шалгаруулна.
-Сонгон шалгаруулалтыг хийхдээ Орос хэлний мэдлэг, нийгмийн идэвх оролцоо, спорт, урлагийн ур чадвар, ҮЭ-ийн идэвх оролцоо зэргийг харгалзан дүгнэнэ.
Анкет татах: https://imup.cc/7nOi9I
Бүртгүүлэх: https://forms.gle/vEVwkpNMWwJT2U6r8

26/06/2026

!

Монголын харилцаа холбооны салбарт шинэ өнгө төрх, дэвшилтэд технологийн шийдлийг түрүүлж нэвтрүүлсээр ирсэн Unitel группын 20 жилийн ойн мэндчилгээг тус группын нийт ажилтан, хамт олонд өргөн дэвшүүлье!

Амжилтаа ахиулж Хамтдаа алхсан УБТЗ-ын Залуучуудын төв байгууллагын 10 жилийн түүхийн хугацаанд Хамтдаа байсан Юнитель группын хамт олондоо энэ 20 жилийн ой зөвхөн өнгөрснийг тэмдэглэх бус, ирээдүйг эхлүүлэх цэг нь байж Монгол улсын хөгжилд оруулах хувь нэмэр нь улам өргөжин тэлэх болтугай.

Хамтдаа түрүүлж алхана
2026.06.26

11/06/2026

Ирэх Даваа гараг буюу зургаадугаар сарын 15-17-ны өдрүүдэд Сүхбаатарын талбайд Зам, тээврийн яамнаас зохион байгуулж буй “Нээлттэй хаалганы өдөрлөг”-т “УБТЗ” ХНН-ийн хамт олон оролцож, иргэд, үйлчлүүлэгчид, харилцагч байгууллагууддаа зориулан олон талт үйлчилгээ, мэдээлэл хүргэхээр боллоо.
Өдөрлөгийн үеэр:
-Ачаа тээвэр, зорчигч тээвэртэй холбоотой мэдээлэл, зөвлөгөө өгөхөөс гадна
-Төмөр замын их сургууль болон Политехник коллежийн элсэлтийн мэдээлэл танилцуулах
-Төмөр замын нийгмийн чиглэлийн байгууллагуудын үйл ажиллагааг олон нийтэд сурталчлах
-Оролцогчдод зориулсан азын хонжворт сугалаа зохион байгуулах зэрэг үйл ажиллагааг явуулна.
Иймд, иргэд, үйлчлүүлэгчид та бүхэн өдөрлөгт хүрэлцэн ирж төмөр замын салбарын үйлчилгээ, үйл ажиллагаа, тээврийн мэдээлэл болон боловсролын байгууллагуудын элсэлтийн талаарх мэдээллийг нэг дороос авах боломжтой юм.
Та бүхнийг хүрэлцэн ирэхийг урьж байна.

09/06/2026

Төв эмнэлгийн залуучуудын салбар зөвлөл удирдлагын бүрэлдэхүүнээ сонголоо

Төв эмнэлгийн салбар зөвлөл энэ сарын 08-нд хуралдаж, 2024-2026 оны ажлын тайлангаа танилцуулж, дараагийн удирдлагыг батлах сонгуулиа хийлээ. Сонгуулийн үр дүнд тус зөвлөлийн тэргүүнээр халдвар судлаач Т.Халиун сонгогдов. Мөн хуралд оролцсон төлөөлөгчдийн дийлэнх олонхын саналаар Хяналтын зөвлөлийн ахлагчаар 2024-2026 онд зөвлөлийн тэргүүнээр ажиллаж байсан Лабораторийн тасгийн эмч Х.Доржсүрэн сонгогдож, гишүүдээр хүний нөөцийн тасгийн мэргэжилтэн Г.Должинсүрэн, Уламжлалт сэргээн засах тасгийн сувилагч Д.Гантөмөр нар сонгогдсон юм. Түүнчлэн, салбар зөвлөлийн дэд тэргүүнээр эрүүл мэндийн нийгмийн ажилтан Б.Жаргалмаа, сувилахуйн арга зүйч Б.Болор-Эрдэнэ, нарийн бичгийн даргаар халдвар судлаач Б.Даваацэрэн тус тус ажиллахаар боллоо. Энэ удаагийн салбар зөвлөлийн хуралд Залуучуудын төв байгууллагын дэргэдэх Залуучууд хөгжлийн академийн захирал Г.Мөнгөнхуяг урилгаар оролцож “Өөрийгөө удирдахуй” сэдвээр сургалт орсон бол Төв зөвлөлийн Ерөнхий нарийн бичгийн дарга Д.Цолмон ЗТБ-ын үйл ажиллагааны талаар танилцуулга, мэдээлэл өгч нийт гишүүдийн сонгуулийг удирдлаа. Залуу ажилтнуудынхаа хүсэл тэмүүллийг дэмжиж ажилласан Төв эмнэгийн удирдлага, хувь хүний манлайлал, нийгмийн идэвх оролцоогоо нэмэгдүүлж хуралдаа идэвхтэй оролцсон эмч, эмнэлгийн ажилтан залуустаа халуун талархал илэрхийлж, шинээр сонгогдсон удирдлагын багийнханд ажлын амжилт хүсье.👍👍