Монголын Авто Замчдын Холбоо

03/06/2026

Асфальт дэвсэгчийн операторын практик сургалтад бүртгэж байна.
Монголын авто замчдын холбоо, гишүүн байгууллага болох “MSM group” ХХК тай хамтран асфальт дэвсэгчийн операторын практик сургалтыг 6-р сарын 16-нд зохион байгуулна. Сургалтыг SANY үйлдвэрийн операторын сургагч багш удирдан явуулна.
Сургалтад хамрагдах мэргэжилтэн [email protected] хаягаар бүртгүүлнэ үү.
Утас: 70113288

29/05/2026

ТУСГАЙ ЗОРИУЛАЛТЫН АВТО ЗАМЫН ТӨСЛИЙН ХӨРӨНГӨ
ОРУУЛАГЧИЙГ СОНГОН ШАЛГАРУУЛАХ УРИЛГА

Огноо: 2026 оны 05 дугаар сарын 29-ний өдөр

Төслийн нэр: “Хөшигийн хөндий-Чойр чиглэлийн тусгай зориулалтын авто зам барих төсөл”

Зам, тээврийн яам нь Монгол Улсын хуулийн этгээд, гадаад улсын хуулийн этгээд, түүний нэгдлийг “Хөшигийн хөндий-Чойр чиглэлийн тусгай зориулалтын авто зам барих төсөл”-ийг өөрийн хөрөнгөөр барьж, ашиглах хөрөнгө оруулагчийг сонгох уралдаант шалгаруулалтад урьж байна.

Тус төслийн хүрээнд авто зам барьж, ашиглах гэрээ байгуулсан хуулийн этгээд, түүний нэгдэл нь өөрийн болон өөрийн боломжоор олсон хөрөнгөөр барьж, ашиглан, төсөлд оруулсан хөрөнгө оруулалтаа гэрээний хугацаанд үйл ажиллагааны орлогоос нөхөж, хугацаа дуусгавар болоход гэрээнд заасан нөхцөлөөр төрийн өмчлөлд шилжүүлнэ.

Сонгон шалгаруулалтыг урьдчилсан болон уралдаант гэсэн үе шаттайгаар зохион байгуулна.
Урьдчилсан шалгаруулалтын баримт бичгийг энэхүү зарлалын дагуу төсөлд оролцох хуулийн этгээд, түүний нэгдлийн албан бичгээр ирүүлсэн хүсэлт, эргэн төлөгдөхгүй нөхцөлөөр баримт бичгийн үнэ болох 500,000.00 /таван зуун мянга/ төгрөг /Банк: Төрийн сан, Хүлээн авагч: Зам, тээврийн яам, Дансны дугаар: MN590090100900028007/-ийг тушаасан баримтыг үндэслэн олгоно.
Сонгон шалгаруулалтад оролцох хүсэлтэй хуулийн этгээд, түүний нэгдэл нь урьдчилсан шалгаруулалтын баримт бичигт заасны дагуу саналыг битүүмжлэн 2026 оны 06 дугаар сарын 12-ны өдрийн 15.00 цагаас өмнө ирүүлнэ.
Сонгон шалгаруулалтад оролцох санал ирүүлсэн этгээд саналыг хүлээн авах эцсийн хугацаа дуусахаас өмнө урьд нь өгсөн саналаа буцаан авах, эсхүл дахин санал ирүүлэх эрхтэй.
Сонирхсон хуулийн этгээд, түүний нэгдэл нь төсөлд оролцох хүсэлтээ дараах хаягаар ирүүлнэ.

Зам, тээрийн яам
Улаанбаатар хот, Сүхбаатар дүүрэг,
1 дүгээр хороо, Чингисийн өргөн чөлөө 11
Засгийн газрын XIII байр, 408 тоот

22/05/2026

ХӨДӨЛМӨР, НИЙГМИЙН ТҮНШЛЭЛИЙН ГУРВАН ТАЛТ 2026-2028 ОНЫ УЛСЫН ХЭЛЭЛЦЭЭРТ ТАЛУУД ГАРЫН ҮСЭГ ЗУРЛАА.

Монгол Улсын Засгийн газар, ажил олгогч, ажилтны төлөөллийн байгууллага хамтран 2026 оны 05 дугаар сарын 21-ний өдөр Хөдөлмөр, нийгмийн түншлэлийн гурван талт 2026-2028 оны Улсын хэлэлцээрт талууд санал нэгдэж, Монгол Улсын Засгийн газрын 2024-2028 оны үйл ажиллагааны хөтөлбөрийг хэрэгжүүлэхэд чиглэсэн хөдөлмөр эрхлэлтийг дэмжих хууль эрх зүйн орчныг шинэчлэх, тарифт цалин, цалин хөлс орлогыг нэмэгдүүлэх, нийгмийн түншлэл, тэгш байдлыг хангаж, бүс орон нутаг, хүн амын бүлгүүдийн онцлогт нийцсэн хөдөлмөр эрхлэлтийн бодлого, үйл ажиллагаа хэрэгжүүлэх, хөдөлмөр эрхлэлтийн үйлчилгээг төр-хувийн хэвшлийн түншлэлээр хүртээмжтэй болгож, иргэд, аж ахуйн нэгжийн орлогыг нэмэгдүүлэх, хөдөлмөрлөх эрх, нийгмийн хамгааллын баталгааг хангах чиглэлээр Хөдөлмөрийн тухай хуулийн 34.1.1-д заасны дагуу энэхүү хэлэлцээрийг албан ёсоор байгууллаа.
Хөдөлмөр, нийгмийн түншлэлийн гурван талт 2026-2028 оны Улсын хэлэлцээрийг:
Нэг. Хөдөлмөр эрхлэлтийг дэмжих чиглэлээр баримтлах бодлогын чиглэлээр;
Хоёр. Цалин хөлс, орлогын талаар үндэсний хэмжээнд баримтлах бодлогын чиглэлээр;
Гурав. Хүний хөдөлмөрлөх эрх, нийгмийн хамгааллын баталгааг хангах талаар баримтлах бодлогын чиглэлээр;
Дөрөв. Нийгмийн түншлэл, тэгш байдал;
Тав. Хэлэлцээрийг мөрдөх, хэрэгжүүлэх асуудал гэсэн 5 бүлэг асуудлыг тусгаж баталлаа.
Улсын гурван талт хэлэлцээрт:
Ажил олгогчийн эрх, хууль ёсны ашиг сонирхлыг төлөөлөн хамгаалах, Ажил олгогчдыг төлөөлж, Монголын ажил олгогч эздийн нэгдсэн холбооны дэд Ерөнхийлөгч Ч.Нанжидсамбуу ахалж, Монголын авто замчдын холбооны ерөнхийлөгч З.Батбаяр, Монголын Барилгачдын нэгдсэн холбоо, Монголын хувийн хэвшлийн эрүүл мэндийн байгууллагын нэгдсэн холбоо, Монголын хувийн сургуулиудын нэгдсэн холбоо, Монголын ноос ноолуурын холбоо, Монголын уул уурхайн үндэсний ассиоцаци, Монголын хүнсчдийн нэгдсэн холбоо,
Засгийн газрыг төлөөлж, Гэр бүл, хөдөлмөр, нийгмийн хамгааллын сайд, хөдөлмөр, нийгмийн түншлэлийн гурван талт үндэсний хорооны дарга Т.Аубакир ахалж, Хот байгуулалт, барилга, орон сууцжуулалтын сайд Э.Бат-Амгалан, Эдийн засаг, хөгжлийн яам, Сангийн яам, Боловсролын яам, Эрүүл мэндийн яам, Аж үйлдвэр, эрдэс баялгийн яамны төлөөллүүд;
Ажилчдыг төлөөлж, МҮЭ-ийн холбооны Ерөнхийлөгч Э.Тамир болон аймаг, салбар, нийслэлийн ҮЭ-ийн холбоо нарын төлөөлөгчид оролцож, гарын үсэг зурж баталгаажууллаа.

22/05/2026

“Авто замын геодези” сэдэвт илтгэлийн уралдааны ШИЛДЭГ ИЛТГЭЛИЙН ЭЗЭД тодорлоо.
Кадсүрвэй ХХК-ийн 20 жилийн ойн хүрээнд авто зам, геодезийн чиглэлээр суралцаж буй оюутан, залуусын дунд “Авто замын геодези” сэдэвт илтгэлийн уралдааныг “Монголын авто замчдын холбоо”, “Монголын геодези, фотограмметр зураг зүйн” холбоотой хамтран зохион байгуулсан уралдаанд эхний 3 байр эзэлсэн илтгэгч нарын илтгэлийг Монголын авто замчдын холбооны сургалтын танхимд 2026 оны 05 дугаар сарын 21-ний өдөр хэлэлцүүлж, шагнал гардуулах ажиллагаа боллоо.
- Тэргүүн байранд: “Авто замын геодезийн ажил, дэвшилтэт технологи” сэдвээр ШУТИС-ын ГУУС-ийн оюутан Ж.Мөнхтогтох, Б.Тэмүүлэн нарын илтгэл шалгарч “Өргөмжлөл” 3 сая төгрөгөөр;
- Дэд байранд: “Лазерын сканераар барилгын баганын хазайлт хэмжих тухай” сэдвээр Үндэсний Техникийн Их сургуулийн Геодезийн 3-р курсийн оюутан О.Түвшинбаяр шалгарч “Өргөмжлөл” 2 сая төгрөгөөр;
- Гутгаар байранд: “Авто замын трассын дагууд геодезийн байрлал ба өндрийн сүлжээ байгуулах тухай” Үндэсний Техникийн Их сургуулийн Геодезийн 3-р курсийн оюутан T.Насанжаргал нар шалгарч “Өргөмжлөл” 1 сая төгрөгөөр тус тус шагнагдлаа.
Шагнагдсан оюутнууддаа сурлагын их амжилт хүсье.

МОНГОЛЫН АВТО ЗАМЧДЫН ХОЛБОО

20/05/2026

“АВТО ЗАМЫН ГЕОДЕЗИ” СЭДЭВТ ИЛТГЭЛИЙН УРАЛДААН БОЛЛОО.
Кадсүрвэй ХХК-ийн 20 жилийн ойн хүрээнд авто зам, геодезийн чиглэлээр суралцаж буй оюутан, залуусын дунд “Авто замын геодези” сэдэвт илтгэлийн уралдааныг Монголын авто замчдын холбоотой хамтран амжилттай зохион байгууллаа.
Уралдааны хүрээнд ирүүлсэн илтгэлүүдийн эхний шатны дүнг “Кадсүрвэй” ХХК-ийн Зөвлөх инженер Н.Сэмжид, МГФЗЗМХ-ны тэргүүн, Зөвлөх инженер Ц.Дашзэвгэ, МАЗХ-ны гүйцэтгэх захирал М.Ган-Эрдэнэ, ШУТИС-ын багш, Доктор /Ph.D/, Зөвлөх инженер Р.Болормаа, ХААИС-ын багш, доктор /Ph.D/, Зөвлөх инженер Т.Балжинням нарын бүрэлдхүүнтэй дүгнэх комисс 2026 оны 05 сарын 15-ны өдөр “Кадсүрвэй” ХХК-ийн 409 тоот өрөөнд 10:00-12:00 цагийн хооронд хуралдаж дүнг гаргалаа.
Тус хурлаар “Авто замын геодези” сэдвээр ирүүлсэн илтгэлүүдтэй танилцаж, дараах шалгуур үзүүлэлтээр үнэлэв. Үүнд:
• Шинэлэг санаа, шийдэл
• Судалгаа, шинжилгээний арга зүйн ашиглалт, боловсруулалт
• Сэдвийн агуулгад нийцсэн нийлэмж
• Гаргасан дүгнэлт хэр бодитой
• Илтгэл бичих шаардлагыг хангасан байдал, илтгэх чадвар зэргийг дүгнэн тус бүр өөрсдийн оноог гаргав.
Шүүгчдийн нэгдсэн дүнгээр дараах оролцогчид дараагийн шатанд шалгарлаа:
• Авто замын геодезийн ажил, дэвшилтэт технологи /Ж.Мөнхтогтох, Б.Тэмүүлэн, ШУТИС-ын ГУУС, Геодези мэргэжлээр сурдаг/
• Лазерын сканераар барилгын баганын хазайлт хэмжих тухай /О.Түвшинбаяр, Үндэсний Техникийн Их сургуулийн Геодезийн 3-р курсийн оюутан/
• Авто замын трассын дагууд геодезийн байрлал ба өндрийн сүлжээ байгуулах тухай /T.Насанжаргал, Үндэсний Техникийн Их сургуулийн Геодезийн 3-р курсийн оюутан/
Энэхүү илтгэлийн уралдаан нь оюутан залуусын мэдлэг, ур чадварыг нэмэгдүүлэх, судалгаа шинжилгээний ажлыг дэмжих, салбарын мэргэжилтэн бэлтгэхэд чухал ач холбогдолтой арга хэмжээ болсон төдийгүй авто зам, геодезийн салбарт орчин үеийн технологийг нэвтрүүлэх, хэмжилт боловсруулалтын үр ашгийг нэмэгдүүлэх чиглэлд санал, шийдлүүдийг дэвшүүлснээрээ онцлог байлаа.
Уралдаанд ирүүлсэн илтгэлүүдийг “Монголын Авто Замчдын Холбоо” болон “Монголын Геодези Фотограмметр Зураг Зүйн Мэргэжлийн Холбоо” – ноос эрхлэн гаргадаг сэтгүүлүүдэд нийтлэхээр шийдвэрлэн уралдаанд оролцсон нийт оюутан залууст Кадсүрвэй ХХК-ийн захирал С.Ганчимэг /МУ-н Зөвлөх инженер/ талархал илэрхийлж цаашдын сурлага, судалгааны ажилд нь амжилт хүслээ.
Маргааш буюу 2026 оны 05-р сарын 21-ний өдрийн 15:00 цагт Монголын авто замчдын холбооны сургалтын танхимд дээрх эхний 3 байранд шалгарсан илтгэгч нарын илтгэл тавигдах тул авто замын салбарын инженер техникийн ажилтанууд та бүхнийг өргөнөөр оролцохыг урьж байна.

МОНГОЛЫН АВТО ЗАМЧДЫН ХОЛБОО

18/05/2026

ШУТИС-Барилга, архитектурийн сургуулийн Инженерийн байгууламжийн тэнхимийн Авто зам, Гүүр, Усны барилга байгууламж мэргэжлээр төгсөгч оюутнуудыг тус чиглэлийн ажил олгогчидтой холбох ӨДӨРЛӨГТ та бүхнийг урьж байна.
2026 оны 6 сарын 10-ны өдөр 10:00 цагт.
/ШУТИС 8-р байр, 12 давхарт, хурлын танхимд/ зохион байгуулагдна.
https://l.facebook.com/l.php?u=https%3A%2F%2Fscea.must.edu.mn%2Fmn%2Fnews%2F1001%3Ffbclid%3DIwZXh0bgNhZW0CMTAAYnJpZBExTWUwSEpFT2psdnFLdDZhUHNydGMGYXBwX2lkDzUxNDc3MTU2OTIyODA2MQABHsymvZ2_fKqg99RxFH-orXMCqvK_vd7-e77-whD6pU9TviDksjPpSf4hmGz4_aem_Mef3K0tuPSu-pUTYfRmCig&h=AUC6PlglM5h9579-xDqGkr20xDBV7y-D60FNPfHBWewmOuYiRXenZTBZBgbfiO6qLppjTfi1vozjKpHL23Oyn9piNbSrHW-jmjxUjKtal15dHpDnB4DlBIPhmbSIKgLeNbt7

Бүртгүүлэх холбоос :

https://docs.google.com/forms/d/e/1FAIpQLScPk5uOPux1aNVQYOotQ36jqT1dOpIGkbinDQE7f7CSfzzPzQ/viewform?usp=header
Ажил олгогч та өдөрлөгийн үеэр танилцуулга хийх бол PPT болон видео шторкийг [email protected] и-мэйл хаягт ирүүлнэ үү.

2026 оны 6 сарын 10 - ны өдөр 10:00 цагт /ШУТИС 8-р байр, 12 давхарт, хурлын танхимд/ зохион байгуулагдах БАС-ИБТ - ийн Авто зам, Гүүр, Усны барилга байгууламж мэргэжлээр төгсөг...

13/05/2026

📌 Хэлэлцүүлэгт оролцохыг урьж байна.
"ЗАМЫН ХӨДӨЛГӨӨНИЙ АЮУЛГҮЙ БАЙДАЛД ҮНЭЛГЭЭ/АУДИТ ХИЙХ ҮЙЛ АЖИЛЛАГААГ МОНГОЛ УЛСАД НУТАГШУУЛАХ ХЭРЭГЦЭЭ ШААРДЛАГА, АРГА ЗАМ"
📆 Хэзээ: 2026 оны 05 дугаар сарын 19-ний өдрийн 12:30-15:00 цагийн хооронд
📍 Хаана: Зам, тээврийн яам. (Сүхбаатар дүүрэг, 2-р хороо, Чингисийн өргөн чөлөө 11, Засгийн газрын 13 дугаар байрны хурлын танхим)
☎️ Холбогдох утас: 99106577, 99080200

05/05/2026

📌 Хэлэлцүүлэгт оролцохыг урьж байна.
"АВТО ЗАМ, ГҮҮРИЙН ЗУРАГ ТӨСӨЛ, ХАЙГУУЛЫН АЖЛЫН ЖИШИГ ҮНЭ ТООЦОХ АРГАЧЛАЛ"-ыг шинэчлэн боловсруулах ажил
📆 Хэзээ: 2026 оны 05 дугаар сарын 07-ны өдрийн 11:00 цагаас
📍 Хаана: СБД-ийн 1 дүгээр хороо, Соёмбо тауэрын 11-р давхар 1103 тоот
https://maps.app.goo.gl/PY6Tn2DSbmUgF7j77
☎️ Холбогдох утас: 88882955, 99088246, 99026910