Олон улсын Хүрээ Ротаракт Клуб нь анх 2005 онд үйл ажиллагаагаа явуулж эхэлсэн ба нэг жилийн идэвхитэй явцын дараагаар 2008 оны 4-р сараас дахин хурдацтайгаар үйл ажиллагаа амжилттай өссөөр нийгэм, залуучууд, эрүүл мэнд, боловсрол, байгаль орчны төслүүд хэрэгжиж байгаа болно.
Манай клуб нь сүүлийн идэвхитэй үйл ажиллагааны хугацаанд нийт 20 гаруй төслийг амжилттай хэрэгжүүлээд байгаа ба 2016 оны
7-р сарын байдлаар нийт 55, идэвхитэй 25 гаруй гишүүдийн бүрэлдэхүүнтэйгээр ажиллаж байна.
Бидний хэрэгжүүлж байсан төслүүдээс томоохон төслүүдийг дурьдвал End Polio Fundraising Event, Японы Ротари тусламжтайгаар 20 тэргэнцрийг тэргэнцэртэй иргэдэд хүлээлгэн өгсөн, Сонгинохайрхан дүүргийн 31-р хороонд номын сан байгуулсан, 2015 онд Хүрээ Ротари клубтэй хамтран ерөнхий боловсролын 40,113,106 болон сургуулиудын номын санг бүрэн шинэчлэн засварлаж тавилга, номоор хангасан зэрэг орж байна. Мөн түүнчлэн нийт Ротарактуудын дунд Оюунлаг Ирээдүй Шатрын тэмцээн, Нийт Ротарактуудын танилцах үдэшлэгийг жил бүр зохион байгуулдаг билээ.
2016 – 2017 оны хугацаанд Хүрээ Ротаракт клуб нь төсөл хэрэгжүүлсэн 4-н сургуулийн хүүхдүүдэд хувь хүний хөгжлийн сургалтуудыг системтэйгээр явуулах төлөвлөгөөтэй байна. Мөн нөхөн үржихүйн боловсрол олгох "Safe choice, safe future" төсөл, Айл бүрт нэг мод төсөл, Нарны хүүхдүүд гэр бүлийн уран бүтээлийн тоглолт зэргийг хэрэгжүүлж зохион байгуулахаар ажиллаж байна.
