Miss World Mongolia Organization

Directions

Miss World Mongolia Organization Дэлхийн Мисс /"Miss World" тэмцээний Монгол Улс дахь албан ёсны лицензийг эзэмшигч Asian Future ХХК

МЭДЭГДЭЛМонгол Улсыг олон улсын тавцанд төлөөлөх нь улсын нэр хүнд, үндэсний соёл, өв уламжлал, үнэт зүйлс, үндэсний брэ...
24/09/2026

МЭДЭГДЭЛ

Монгол Улсыг олон улсын тавцанд төлөөлөх нь улсын нэр хүнд, үндэсний соёл, өв уламжлал, үнэт зүйлс, үндэсний брэндийг дэлхийд таниулахтай холбоотой хариуцлагатай үйл хэрэг юм.

Aзиан Фючир ХХК нь олон жилийн түүхтэй Miss World /Дэлхийн Мисс тэмцээний Монгол Улс дахь албан ёсны лицензийг эзэмшин үйл ажиллагаа явуулж байна. Монгол Улс 2005 оноос Miss World тэмцээнд оролцож эхэлсэн бөгөөд бид Miss World Mongolia төслийн хүрээнд үндэсний ялагчийг шалгаруулах, төлөөлөгчийг бэлтгэх, олон улсын тэмцээнд оролцуулахын зэрэгцээ Монголын өв соёл, үндэсний хувцас, урлаг, аялал жуулчлал болон хүмүүнлэгийн үйлсийг дэлхий нийтэд сурталчлан таниулах чиглэлээр ажиллаж ирсэн.

“Miss World Mongolia” хүмүүнлэг, гоо сайхны наадам нь Монгол Улсын эерэг дүр төрх, өв соёл, хүмүүнлэгийн үйлсийг олон улсад хүргэх соёлын сурталчилгааны платформ болон хөгжиж байна.

Дэлхий дахинд олон төрлийн миссийн тэмцээн зохион байгуулагддаг бөгөөд тэдгээрийн цар хүрээ, нэр хүнд, зохион байгуулалтын бүтэц харилцан адилгүй байдаг.

Сүүлийн үед Монгол Улсын нэрийн өмнөөс олон улсын миссийн тэмцээнд оролцож буй төлөөлөгчийг сонгосон эрх, шалгуур, үйл явц болон Монгол Улсын нэр, төрийн далбаа, үндэсний бэлгэ тэмдгийг ашиглаж буйтай холбоотой асуудлаар олон нийтийн дунд асуулт, хэлэлцүүлэг үүсээд байна.

Бид Монгол Улсын нэрийн өмнөөс олон улсын тавцанд төлөөлөх хүн нь Монгол Улсын иргэн байх ёстой гэж үзэж байна. Үүнтэй холбогдуулан Miss Grand International байгууллагад албан ёсны тодруулга хүсэж, Монгол Улсыг төлөөлөх эрхийг хэнд, ямар үндэслэлээр олгосон; Монгол Улсыг хариуцсан үндэсний захирал болон лиценз эзэмшигчийн эрх, статус, Монгол Улсын нэрийн өмнөөс оролцож буй төлөөлөгчийг сонгосон үндэслэл, мөн Монгол Улсын нэр, төрийн далбаа, үндэсний бэлгэ тэмдгийг ашиглаж буйтай холбоотой асуудлаар тайлбар хүссэн болно. Албан ёсны хариу ирсний дараа холбогдох мэдээллийг олон нийтэд нээлттэй хүргэнэ.

Цаашид бид Монгол Улсын Соёлын яам болон холбогдох төрийн болон мэргэжлийн байгууллагуудтай хамтран Miss World Mongolia-ийн олон улсын платформ, сүлжээ, туршлагыг Монголын соёл, өв уламжлал, аялал жуулчлал, хүмүүнлэгийн үйлс болон үндэсний брэндийг олон улсад таниулахад үр дүнтэй ашиглах, хамтын ажиллагааг өргөжүүлэн хөгжүүлэхэд нээлттэй байна.

Монгол Улсыг дэлхийн тайзнаа төлөөлөх нь хариуцлага.
Монголын нэрийг дэлхийд таниулах нь бидний хамтын зорилго.

MISS WORLD MONGOLIA
AЗИАН ФЮЧИР ХХК

✨ АЛЬ УЛСЫН БҮСГҮЙЧҮҮД ХАМГИЙН ҮЗЭСГЭЛЭНТЭЙ ВЭ? 👑"Дэлхийн мисс" тэмцээний баялаг түүхэнд хамгийн олон титэм хүртэж, гоо ...
23/09/2026

✨ АЛЬ УЛСЫН БҮСГҮЙЧҮҮД ХАМГИЙН ҮЗЭСГЭЛЭНТЭЙ ВЭ? 👑

"Дэлхийн мисс" тэмцээний баялаг түүхэнд хамгийн олон титэм хүртэж, гоо үзэсгэлэнгээрээ дэлхийг байлдан дагуулсан топ улсуудыг танилцуулж байна. 🌟

🏆 1 дүгээр байр: ЭНЭТХЭГ & ВЕНЕСУЭЛ (Тус бүр 6 титэм👑)

🇮🇳 Энэтхэг: Болливуд болон Холливудын супер одод болох Айшвария Рай (1994), Приянка Чопра (2000) нар энэ улсын нэрийн хуудас.

🇻🇪 Венесуэл: Гоо сайхны "эх орон". Тэд охидоо багаас нь миссийн тусгай академи, хатуу системээр бэлддэгээрээ дэлхийд зартай.

🥈 2 дугаар байр: ИХ БРИТАНИ (5 титэм👑)

🇬🇧1951 оноос энэхүү тэмцээнийг зохион байгуулж эхэлсэн түүхтэй. Розмари Франкленд (1961) Их Британийн анхны титмийг авчирч байв.

🥉 3 дугаар байр: ЯМАЙКА (4 титэм👑)

🇯🇲 Кэрол Жоан Кроуфорд (1963) анхны өнгөт арьстай Дэлхийн мисс болж түүхэнд үлдсэн. Мөн 1993 оны мисс Лиза Ханна хожим нь парламентын гишүүн, нөлөө бүхий улс төрч болжээ.

🏅 4 дүгээр байр: 🇿🇦 ӨМНӨД АФРИК, 🇺🇸АНУ, 🇮🇸 ИСЛАНД, 🇸🇪ШВЕД
• Гоо бүсгүйн тэмцээнд тогтмол хүчтэй өрсөлддөг шилдэг улсууд

💭 Таны бодлоор аль улсын мисс хамгийн үзэсгэлэнтэй вэ? Сэтгэгдэл хэсэгт хуваалцаарай! 👇

#гообүсгүй #Мисс #СонирхолтойБаримт

MISS WORLD-ИЙН ТУХАЙ ТА ЮУ МЭДЭХ ВЭ?👑✨🌍1951 оноос эхлэлтэй, дэлхийн хамгийн нэр хүндтэй энэхүү платформ нь зөвхөн гадаад...
18/09/2026

MISS WORLD-ИЙН ТУХАЙ ТА ЮУ МЭДЭХ ВЭ?👑✨

🌍1951 оноос эхлэлтэй, дэлхийн хамгийн нэр хүндтэй энэхүү платформ нь зөвхөн гадаад үзэмжийг уралдуулдаг тэмцээн биш юм. Харин эмэгтэй хүн бүрийн давтагдашгүй гоо үзэсгэлэнг зорилго, хүсэл тэмүүлэлтэй нь холбон тодотгодог. Тиймээс ч Miss World нь зорилготой, хүчирхэг эмэгтэйчүүд дэлхийн хэмжээнд дуу хоолойгоо хүргэж, нийгэмд бодит өөрчлөлт бүтээхийн төлөө ур чадвараараа өрсөлддөг "Оюун ухааны талбар" болон хөгжжээ.

✨✨Гоо сайхан, зорилго, авьяас, оюун ухаан, нөлөөллийн төгс нэгдэл. ✨✨

🌍Энэ бол зорилготой эмэгтэйчүүдийг дэлхийн тавцанд гаргаж, нийгэмд өөрийн гэсэн тод мөрөө үлдээхэд нь туслах хамгийн том боломж юм.

Тэгвэл Miss World тэмцээнийг бусдаас ялгаруулах, оролцогчдын хүчээ сорьдог ХАМГИЙН ЧУХАЛ 5 ОНЦЛОГ юу вэ? 👉




💭 Таны бодлоор орчин үеийн эмэгтэйг илэрхийлэх хамгийн чухал чанар юу вэ? Сэтгэгдэл хэсэгт хуваалцаарай! 👇

👑2026 ОНЫ ДЭЛХИЙН МИСС ЖОХЕЙРРИ МОЛА ГЭЖ ХЭН БЭ?Түүхт 75 жилийн ойн тэмцээний ялагч, 2026 ОНЫ ДЭЛХИЙН МИСС✨Бүгд Найрамда...
16/09/2026

👑2026 ОНЫ ДЭЛХИЙН МИСС ЖОХЕЙРРИ МОЛА ГЭЖ ХЭН БЭ?

Түүхт 75 жилийн ойн тэмцээний ялагч, 2026 ОНЫ ДЭЛХИЙН МИСС✨Бүгд Найрамдах Доминикан Улсаас тодорсон Жохейрри Мола Домингес (Joheirry Mola Dominguez)-ийн
тухай сонирхолтой 5 баримтыг хүргэж байна.👇👇👇

08/09/2026

#Дэлхийн мисс-2026 шууд дамжуулалтыг хүргэж байна.

👑Доминикан Улсын гоо бүсгүй "Дэлхийн мисс"-ээр тодорлоо ✨✨✨ Вьетнам улсын Нячанг хотноо 2026 оны 8-р сарын 10-наас 9-р...
07/09/2026

👑Доминикан Улсын гоо бүсгүй "Дэлхийн мисс"-ээр тодорлоо ✨✨✨

Вьетнам улсын Нячанг хотноо 2026 оны 8-р сарын 10-наас 9-р сарын 5-ны өдрүүдэд зохион байгуулагдсан "Дэлхийн мисс" наадмын 75 жилийн ойн түүхэн баяр амжилттай болж өндөрлөлөө.

👑Тэмцээний ялагчаар Бүгд Найрамдах Доминикан улсын гоо бүсгүй Жохейрри Мола тодорч, Доминикан улсын түүхэндээ хоёр дахь дэлхийн мисс боллоо.
Доминикан Улсын хувьд анх 1982 онд Мариасела Альварес анх дэлхийн мисс болж байсан бол 44 жилийн дараа дахин ийнхүү дэлхийн мисстэй болж байна.
Жохейри Мола нь 24 настай, багш, сэтгүүлч мэргэжилтэй нийгмийн идэвхитэн бүсгүй юм.

👑Дэлхийн 111 гаруй орны гоо бүсгүйчүүд өрсөлдсөн энэхүү тэмцээний хоёрдугаар байрт Испанийн мисс Элизабет Рейнес орсон бол Малайзын гоо бүсгүй Таанусия Четти гуравт шалгарав.

👑Энэхүү үдэш нь дэлхийн гоо бүсгүйчүүдийн 75 жилийн нөхөрлөл, соёлын солилцоо болон "Зорилго бүхий гоо үзэсгэлэн" (Beauty With a Purpose) хүмүүнлэгийн үзэл санааг алдаршуулсан гайхалтай наадам байлаа.

👑Монгол улсаа төлөөлөн оролцсон үндэсний ялагч мисс Б.Энхтуулдаа дэлхийн тайзнаа эх орныхоо нэрийг өндөрт өргөж, амжилттай оролцсонд баяр хүргэе!✨✨✨

07/09/2026

👑 Дэлхийн гоо бүсгүйн наадам үүсэн байгуулагдсаны 75 жилийн ойн түүхэн тайзнаа Доминикан Улсын гоо бүсгүй Жохейри Мола (Joheirry Mola) энэ жилийн "Дэлхийн Мисс"-ээр тодорлоо. ✨

👑 Тэмцээний хамгийн сэтгэл хөдөлгөм оргил мөч✨✨✨

Өмнөх жилийн дэлхийн мисс, Тайландын гоо бүсгүй Опал Сучата шинээр тодорсон дэлхийн мисс Жохейри Молад гоо үзэсгэлэн, нэр хүндийн илэрхийлэл болсон эрхэмсэг титмийг нь шилжүүлэн өгч байна.

👑 Үе үеийн гоо бүсгүйчүүдийн залгамж халаа, түүхт 75 жилийн ойн хамгийн сэтгэл догдлуулсан дурсамжит агшныг хамтдаа хуваалцаж байна. 🌟

Вьетнам улсын Нячанг хотод зохион байгуулагдсан 73 дахь удаагийн тэмцээний талаарх албан ёсны мэдээлэл болон гэрэл зургуудыг үзэхийг хүсвэл www.missworld.com Дэлхийн миссийн албан ёсны цахим хуудаснаас сонирхоорой!

#ДэлхийнМисс-2026

Miss World 2026 тэмцээний "People's Choice Award" шалгаруулалтад амжиж саналаа өгөхөд хэдхэн ЦАГ ҮЛДЛЭЭ!!!Та утасныхаа а...
04/09/2026

Miss World 2026 тэмцээний "People's Choice Award" шалгаруулалтад амжиж саналаа өгөхөд хэдхэн ЦАГ ҮЛДЛЭЭ!!!

Та утасныхаа аппликейшнээр дамжуулан өдөр бүр 1 удаа үнэгүй санал өгөх боломжтой.
Албан ёсны вэбсайтаар зөвхөн төлбөртэй санал хураалт явагдаж байгаа тул дараах зааврын дагуу үнэгүй саналаа өгөөрэй.

Үнэгүй санал өгөх алхмууд:
1. Аппликейшн татах: Гар утасныхаа App Store эсвэл Google Play Store-оос 1ZONE (Eventista) аппликейшнийг татаж суулгана.

2. Бүртгэл үүсгэх: Аппликейшнийг нээж, өөрийн цахим шуудан (Email) эсвэл Google хаягаараа нэвтрэн бүртгүүлнэ.

3. Тэмцээнийг сонгох: Үндсэн цэсний "Voting" хэсэг рүү орж, "Miss World 2026" тэмцээнийг сонгоно.

4. Бүсээ сонгох: "Round One" хэсгээс Монгол улсын төлөөлөгч харьяалагдах "Asia & Oceania" (Ази ба Далайн орнууд) бүсийг сонгоно.

5. Төлөөлөгчөө хайх: Жагсаалтаас Монгол улсыг төлөөлөн оролцож буй мисс Энхтуулын Баярсайханыг (Enkhtuul Bayarsaikhan) хайж олно.

6. Санал өгөх: Түүний танилцуулга дээр дарж, "Vote" товчийг даран үнэгүй саналаа баталгаажуулна.
Анхаарах зүйлс:
• Хугацаа: Тэмцээний 1-р шатны (Round 1) санал хураалт 2026 оны 9 дүгээр сарын 4-ний өдрийн 23:00 цагт (Улаанбаатарын цагаар) хаагдах тул хугацаанаас нь өмнө амжиж саналаа өгөөрэй.

• Давтамж: Нэг бүртгэлтэй хаягнаас өдөр бүр 1 үнэгүй санал өгөх эрх шинэчлэгддэг.

• Монгол улсаа төлөөлж оролцож буй мисс Enkhtuul Bayarsaikhan-ыг дэмжиж шилдэг 40-д үлдээхэд ердөө хэдхэн цаг үлдлээ! Сүүлийн шатны шийдвэрлэх мөч ирсэн тул та яг одоо амжиж саналаа өгөөрэй!

04/09/2026

👑ДЭЛХИЙН МИСС-2026-ЭХЛЭХЭД 1 ХОНОГ ҮЛДЛЭЭ ‼️

Дэлхийн 111 орны гоо бүсгүйчүүдийг нэгтгэсэн, 2 тэрбум гаруй үзэгчидтэй, олон улсын хамгийн нэр хүндтэй -2026 тэмцээний 73 дахь удаагийн фестиваль Вьетнам улсад үргэлжилж, финалын өдөр маргааш болно.

Энэ удаагийн дэлхийн тайзнаа Монгол улсаа төлөөлөн оролцож буй үндэсний ялагч Баярсайханы Энхтуул Enkhtuul Bayarsaikhan нь гоо сайхнаас гадна нийгэмд эерэг өөрчлөлт бий болгох зорилготой "Beauty with a Purpose" (Зорилго бүхий гоо үзэсгэлэн) хүмүүнлэгийн төслөөрөө Монголын дуу хоолойг дэлхийд хүргэж байна.

ФИНАЛЫН ШАЛГАРУУЛАЛТЫГ МҮОНPТВ ШУУД ДАМЖУУЛНА!
Хэзээ: 2026 ОНЫ 9 ДҮГЭЭР САРЫН 5-НЫ ӨДӨР, 21:00 ЦАГТ

Эх орныхоо нэрийг олон улсын тавцанд цуурайтуулж, хүмүүнлэг үйлсээ дэлхийн сонорт хүргэж буй үндэсний ялагч мисс Баярсайханы Энхтуулыг “People's Choice” санал асуулгад идэвхтэй дэмжээрэй!

Гар утасныхаа App Store эсвэл Google Play Store-оос 1ZONE (Eventista) аппликейшнийг татаж суулган өдөр бүр 1 удаа үнэгүй санал өгөх боломжтой.
Санал хураалт 2026 оны 9-р сарын 4-ний өдрийн 22:00 цагт (UTC+7) хаагдана.

Финалын энэхүү түүхэн мөчийг цэнхэр дэлгэцийнхээ өмнө хамтдаа догдлон үзэж, гоо бүсгүйгээ дэмжихийг уриалж байна!

https://www.facebook.com/reel/1550792666155926

Address

M Plaza
Ulaanbaatar
15141-0034

Website

Alerts

Be the first to know and let us send you an email when Miss World Mongolia Organization posts news and promotions. Your email address will not be used for any other purpose, and you can unsubscribe at any time.

Shortcuts

Share

Category