15/10/2026
🥋🇲🇳 ПҮМСЭ ДЭЛХИЙН АВАРГУУДЫГ ХҮЛЭЭН АВЧ, ШАГНАЖ УРАМШУУЛЛАА
Өнгөрөгч 9 дүгээр сард Бүгд Найрамдах Солонгос Улсын Чүнчон хотноо зохион байгуулагдсан Олимпын таеквондогийн “Пүмсэ дэлхийн аварга шалгаруулах тэмцээн”-д амжилттай оролцож, дэлхийн аварга болон дэд аваргын амжилт үзүүлсэн тамирчид, багш, дасгалжуулагч, баг хамт олныг Монголын Таеквондогийн Холбооны удирдлагуудыг төлөөлж Дэд ерөнхийлөгч Б.Төгсбат болон Монголын Их, дээд сургуулиудын Таеквондогийн Холбооны ерөнхийлөгч П.Батхүү, хүндэт ерөнхийлөгч Б.Цэнгэл, Тэргүүлэгч Д.Сугар нар хүлээн авч, шагнаж урамшууллаа. 🏆
Тус тэмцээнд:
🥇 Ц.Шинэ-Эрдэнэ, О.Энх-Эрдэнэ нар өсвөр үеийн холимог хосын төрөлд алтан медаль хүртэж, дэлхийн аварга болсон бол,
🥈 Ц.Шинэ-Эрдэнэ өсвөр үеийн хөвгүүдийн ганцаарчилсан төрөлд мөнгөн медаль хүртэж, дэлхийн дэд аварга болсон юм.
Мөн тус дэлхийн аварга шалгаруулах тэмцээнд Монгол Улсаа төлөөлөн шүүгчээр ажилласан олон улсын шүүгч Т.Уянга, Д.Лхагвадорж нартаа баяр хүргэж, олон улсын түвшинд Монголын таеквондогийн нэр хүндийг өргөж буйд талархал илэрхийлье. 👏🌍
Энэхүү амжилтад үнэтэй хувь нэмэр оруулсан багш, дасгалжуулагч И Жаевон болон баг хамт олонд халуун баяр хүргэж, цаашдын ажил үйлс, спортын замналд нь өндөр амжилт хүсэн ерөөе!
Мөн Монгол Улсад Олимпын таеквондогийн Пүмсэ төрлийг хөгжүүлэх, тамирчдын ур чадварыг олон улсын түвшинд ахиулах үйлсэд үнэтэй хувь нэмэр оруулж буй Монголын Их, дээд сургуулиудын Таеквондогийн Холбооны ерөнхийлөгч П.Батхүү танд гүн талархал илэрхийлье. 🙏
🇲🇳 Монголын таеквондогийн ирээдүй болсон тамирчид, дасгалжуулагч, шүүгчид болон спортоо дэмжин хөгжүүлэгч Та бүхний хамтын хүчээр дэлхийн дэвжээнд шинэ амжилтуудыг бүтээсээр байх болтугай!
МОНГОЛЫН ТАЕКВОНДОГИЙН ХОЛБОО
