Цогт охин тэнгэр сан

18/04/2026

Асгат сэрвэнгээр хүүхдийн цангинасан дуу давлагаа мэт тархав... Магадгүй, зөвхөн энэ хоромд, эсвэл өөр үед, өдөр, шөнийн хэдийд ч, агшин бүрд тэр дуу тархан байгаа. Өнчин царсны ёроолд, халуу төөнөсөн сүүдэрт Смилягийн хар банзлын хуниасанд нүцгэн, цус болсон хүүгийн амьсгаа бүтэн байлаа. Тэнхэлгүй, амьтай төдий Смиля хүйг тас мэрэв. Өвчин намдахад тэр бүсгүй нүдээ аньсан хэвээр инээв. Инээснээс нь, хурчгардуухан баяр баяслаас царай нь агшин зуур гэрэлтсэнээс болж хүү бүтэж байна гэж тэр даруй хирдхийн ухаарав. Үгүй, баяр баясгалан түүний тавилан биш. Гэнэт чихэнд нь уйлах дуу хадан, толгойд нь хүүхдийн уйлах дуу цангинан, царсны орой уйлан, хадат уулс эхэр татан, улайдсан цайвар тэнгэр хахан цацан уйлан байлаа...

Нэгэнтээ Смиляг гадаа байхыг нь тэр харав. Бүсгүй даруй нүүрээ бууруулан гэртээ гүйн оров. Түүний царай Бояны гайхшийг төрүүлжээ. Тэрээр залуу бүсгүй биш, насны тар...

15/04/2026

Би жигтэйхэн айж, хамаг бие хүйт оргин, толгой хага таших дөхөв. Тэгээд нуруугаа даган урссан хөлсөө асгаруулж хананд наалдан зогслоо. Тэгтэл их дайнч маягтай хий үзэгдэл бас хананд наалдан зогсов. Түүнд хүний цус, золиос хэрэгтэй байх нь. Тэр намайг аврал эрж гэдгийг мэдэв бололтой. Ээ, тэнгэр минь, би юундаа тэгтэл айв аа? Сүүдрээсээ эмээдэг бүсгүй шиг айжээ. Бүр ичгэвтэр юм боллоо! Айж тэвдээд арай л амь тавьсангүй. Үгүй, бас тэгж ч ярихгүй шүү, тулалдаж, хэн нь хэнийгээ дийлэхийг үзнэ шүү...

Миний түүх намтар гэвэл гоц гойд юм ер байхгүй. Намайг арван хоёр хүрээгүй байхад эцэг маань нас нөгчиж би бэлэвсэн эх, таван дүүтэйгээ тал дээр хоцров. Хаашаа ч хар....

13/04/2026

«Ярианы бай болсоор, зодсон хүн нь нэр, сүртэйн улмаас зодуулсан нь ч бас нэр олдог учир бий»

Оршил   ГАРГУУН ЯЛАЛТЫН ТОВЧ ТЭМДЭГЛЭЛ  ГАРГУУН ЯЛАЛТЫН ТОВЧ ТЭМДЭГЛЭЛИЙН ҮРГЭЛЖЛЭЛ  ХАЙР ДУРЛАЛЫН ЭМГЭНЭЛТ ЯВДАЛ  АМЬДРАХ АРГЫН АСУУДАЛ  СЭРГЭЛТЭЭС

11/04/2026

Ингээд Данел цамхагт байсан зэвсгээ цуглуулав. Гурван винтов, хуучин цагийн хоёр буу гарчээ. Харин сум төдий л олон байсангүй.Тэр, винтов болон бусад буугаа цамхгийн цонхнууд дээр тарааж тавиад зөрөг зам руу чиглүүлэн тодорхой байр эзлүүлэн суурилж сумлав.— За ингээд, би буудаад, та сумлаад байна шүү дээ. Та буу сумлаж чадна биз?Эмгэн инээмсэглэн:— Хуучин цагийнхыг нь чадна, шинийг нь яаж сумладгийг чи над зааж өгнө биз гэлээ.Данел баярласандаа эжийгээ үнсээд винтов бууг яаж сумладгийг зааж өгөв...

ЭРЭЛХЭГ ПАРТИЗАН   БУДЁННЫЙ, ДАЙСНЫ ДУНД   ХАЛЗ ТУЛГАРСАН НЬ   ГАССАН, БААВГАЙТАЙ БАРИЛДАВ   УХААНТАЙ ТАНК   ЧИМХҮҮН ХҮЙТ   1973 оны хэвлэли

10/04/2026

"Эх орон юунаас эхэлдэг вэ? гэсэн яруу найргийн нэгэн асуултыг хүн бүхэн тавих дуртай байдаг. Эх орон юунаас ч эхэлдэггүй гэж молхи би боддог. Хэрвээ эхлэл байвал эцэс байх нь ёс. Тийм учир "эх орон гэдэг эхлэл үгүй, төгсгөл үгүй ойлголт буюу. "Эх орон чухамхүү эх орончдын зүрхэнд мөнх оршдог юм. Эх орноо алаг зүрхнийхээ тольтод оршоосноос МАХ Нам, НАХ яамны бузар саварт үрэгдсэн Та нарын маань ариун дүр ард түмнийхээ алаг зүрхний тольтод бас ашид оршиг.Го. Аким

1-р бүлэг : ХАРИЙНЫХНЫ ХЯЛАЙСНААР ХУТАГТАА ЕГҮҮТГЭСЭН НҮГЭЛ   (Егүзэр Агваанлувсанданзан ээбам буюу Ж. Галсандаш)    2-р бүлэг : МЯНГАН ШАВЬТЫГ ХӨНӨӨСӨН ТҮҮХ   (Донхо...

09/04/2026

Сергунька төмөр утас таслан урхи хийж туулайн зөрөг дээр тавьсан боловч дэлдэн чихт баригдсангүй. Гэтэл Чебаковын Петька өдөр бүхэн туулай барина. Зарим өдөр хоёрыг ч барих аж.Сергунька ямар утсаар урхи хийж, хаана, яаж тавьж байгааг нь Петькагаас асуухаар шийджээ. Петька зальжин овсгоотой хүү байв. Тэгтэл хувиа хичээн:— Тарнийн нууц үг хэлж барьдаг юм гэхэд нь Сергунька юунд итгэх вэ дээ...Ажил нь овоо урагштай явж байтал Сергунькагийн ээж гитарынхаа утсыг алга болсныг мэдчихжээ. Бүх л долоон утас нь гээч...

ПАЛЬМА   ТЁМКА   ШАРИК ТОРИК ХОЁР   ПИЧУГИНИЙ ГҮҮР   ХҮНИЙ ЮМ   ЗУРГАА ДАХЬ МАЛГАЙ   ХӨГЖМИЙН ТУЯХАН ЧАВХДАС   ИХ ХҮҮ   

08/04/2026

Унасан газар Товхон хан,
Угаасан ус Сэлэнгэ мөрөн
Угийн хөдөлмөрч олон түмэн
Учирсан нөхөд - энэ бүхэндээ

Алсын газар, жилийн олонд
Аяны зам албаны үйлст
Алтанхан өлгийгөө санан дурссан
Ахуй сэтгэлийн минь дурсгал

Булт олондоо өргөн барих
Буурал насны минь яриа
Энэхэн номоо зориулав
Эргүүлэн толилон соёрхоно уу

ДАМДИН ГУАЙ (Ц. ШҮГЭР) I : ШҮЛГҮҮД    ӨМНӨХ ШҮЛЭГ    СЭЛЭНГЭ    СЭЛЭНГИЙН УРСГАЛ    ТОВХОН ХАН    ЭХ ОРОН - ӨЛГИЙ МИНЬ    ДАССАН ГАЗРЫН ШОР

06/04/2026

... Өвлийн дунд сард Абай, Акшоки дахь шинэ өвөлжөөнд үргэлж ном уншиж өдрийг барж байлаа. Абайтай хамт ан авлаж буцаж ирснээс хойш Баймагамбет гурван удаа хот орж богц дүүрэн ном авчрав. Ийнхүү Абайн одоогийн бодох бодол, сэтгэх сэтгэлийн нөөцийг түргэн түргэн сольж байлаа. Абай Айгеримийнхаа хажууд, чилээгүйхэн байрандаа сууж үргэлж ном шагайна. Энэ өдрүүдэд өнгөрсөн тэр өдрүүд шиг Айгерим Абайд саад хийсэнгүй. Тогжаны гэрт арав хоносныг сонссон боловч тэр тухай Абайд өөрт нь ер цухуйлгасангүй. Гэхдээ мэдээгүй хүн шиг болж одоо бүх хардлага, гомдлоо зүрхнийхээ угт бат хадгалжээ. Гэсэмгүй болтлоо царцсан Айгеримийн сэтгэл Абайгаас нэгмөсөн хөндийрчээ. Өвдөөд Тогжантай дайралдсан нь Айгеримээс Абайг улам өөр хүн мэт хол хөндий болгон холдуулав. Сэтгэл доторх үгээ нээлцээгүй ч Абай: Айгеримийн ямар бодлоор чангарсныг мэдсэн юм. Гэхдээ түүний дүнсийсэн уурламтгай занг нь өршөөж чадсангүй. Тиймд Тогжаны тухай Айгеримтэй ярилцаж, зүрхнийхээ эдгэршгүй шархыг илрүүлэхийг хүссэнгүй.Энэ өвөл Абайн санаа үргэлж бөглүү хаалттай болж одоо бодол санаагаа хуваалцдаг ганц нөхөр нь үнэнч хань нь болон ном л үлджээ. https://e-nom.mn/book?bid=MzMwNg==enomMzMwNg==

05/04/2026

Арслан анх удаа чоно гэдгийг ийм ойрхноос харж байгаа боловч ер айж сандарсангүй. Буугаа мөрлөх зуураа «За байз, бууны минь ам бяцхан, тэглээ ч гэсэн би харж байгаа хар нүдийг нь ч алдахгүй цэцэн бууддаг шүү дээ. Хэрэв цээж рүү нь буудвал байран дээрээ унахгүй байж мэднэ. Тийм учраас толгойг нь шагайж буудвал дээр байгаа» гэж бодоод тэр чонын чихний угаас доош хуруу тэгш үл мэдэг урдуур барьж бууныхаа харааг тааруулмагц буудаж орхив. Жижигхэн калибр бууны нь дуу шөрмөслөг чадамгай хүн шилбүүрийнхээ сурыг хий гуядан тасхийлгэх шиг чимээ гаргахын нь хамт өнөөх чоно газар үнхэн тэр дороо өнхрөв.Арслангийн дэргэд биеэ зэхээд хэвтсэн Барс нохой... https://e-nom.mn/book?bid=MzMwNQ==enomMzMwNQ==

03/04/2026

“Гүүний үрсү (хөрөнгө гаргах) гаргах” тахилга бас Цагаан сүргийн тахилга ч гэнэ. Хаанд өргөсөн цагаан шарга өнгийн дархан сүргийн ууган унаганы сүүг тэнгэрт өргөж, доорх санг уншдаг байжээ.Ордосын Эзэн хороонд "Өндгөн цагаан сүргийн тахилга" боллог. 99 цагаан гүү уяж, сүүг нь Чингис хаанд эхэлж амсуулан, тэнгэрт цацаж, их найр наадам хийнэ. Гүүний сүүгээр тахих, хийморь хийсгэх зэрэг бол...

Эрэхүй есөн хүслээр заяа жарганаан атугайАлдарт бурхны номлосон Аръяа Дара нь эрдэнэ ниттэйМууг тонилгогч Авид бурханд мөргөмүйЭмүхэн дээд эрхт Мөнх тэнгэрЭл эт....

02/04/2026

Амьдрал тэмцэл үргэлжилсээр. Хөдөлмөр тэмцлээрээ олж авсан баяр баясгалан, хайр дурлал үүсэн дүрэлзсээр. Игорь Чернявины том ам одоо егөөдөн инээмсэглэх бус, хүч чадлыг бас илэрхийлнэ. Тэр бээр Оксанатай гараа барилцан урагш тэмүүлнэ. Айлын эзэгтэй, алаг үрийн эх болсон, ажил дээрээ гавшгайч Ванда Стадницкая мөн л урагш тэмүүлнэ. Тэр бээр өнгөрсөн үеийн урагшгүй явдлаа санахдаа инээмсэглэнэ.Ваня Гальченко түүний алдар суут, ялагдашгүй дөрөвдүгээр бригад болон бусад бүх бригадууд гучаад оны Зөвлөлт орны хөдөлмөрчдийн түүхт бригадуудтай мөр зэрэгцэн мөнгөн бүрээний аяын дор мөнх дуурьсагдах эх нутгаараа итгэл төгс алхална...

ГУРАВДУГААР ХЭСЭГ   1. Дайчин мэдээ   2. Татгалзъя   3. Зугаатай тоо   4. Майн нэгэн   5. Гардан байлдаан   6. Зуслан   7. Игорь Ч

01/04/2026

Гаслан гачигдал тохиолдлоо. Дээр үед зуун сү-гээр түрийвчээ дүүргээд Монмартрын орчмоос буцаж ирдэг агсан өвгөн ногоочин сохор зоосгүй боллоо. Өвлийн хүйтэн цаг билээ. Шовгороосоо хөөгдсөн ногоочин сараалжин дотор тэргэн дор унтаж явтал хорь гаруй хоног бороо орж сараалжийг нь үер авчээ. Усан дунд тавьсан тэргэн дээрээ гарч атийн суугаад арвагар аалз, оготно хулгана өлсгөлөн муурын дунд шөнө дүлэн бодол бодно. Өдөржин хоолгүй, дээрээ тавих шуудайгүй болсон Кренкебиль хоёр долоо хоног хүнээр тэжээлгэж байснаа санана. Хоол, орон сууцаар дутагддаггүй хоригдлуудын хувь заяатайг гайхаж суухдаа ганцхан бодол төрж:Тэрний аргыг нь мэддэг хойно туршаад үзсэн нь дээр байх аа? гээд байрнаасаа босож гудамжинд гарахад шөнө хав харанхуй чийгтэй нойтон, арван нэгэн цаг өнгөрсхийж байжээ. Хүйтэн жавар нэвт үлээхэд явж байсан хүн байшин түшиж нөмөрлөнө...

Ард түмний нэрийн өмнөөс тунхаглаж байгаа шүүгчдийн ялын төлөвлөгөө бол хууль зүйн хүч чадлын илрэл мөн. Ногоочин Жером Кренкебильд засгийн төлөөлөгчийг доромжил...