Ийм БолГоё

23/08/2024

Ийм БолГоё подкастын шинэхэн дугаараар бид RMC - Үр шилжүүлэн суулгах Үндэсний төвийн эмч, АШУҮИС-ийн эмгэг физиологийн багш, Анагаах ухааны Доктор, Дэд профессор Э.Одхүүтэй гэр бүл төлөвлөлт, үргүйдлийн талаар ярилцлаа.

Гэр бүл төлөвлөлт гэхээр бид ихэвчлэн жирэмслэлтээс хамгаалах талаар боддог ч, үнэндээ энэ ойлголтод мөн үргүйдлийн асуудал ч хамааралтай. Тэгвэл үргүйдэл гэж юу вэ? Түүнийг хэрхэн эмчлэх боломжтой вэ? Эмэгтэй хүний өндгөн эсийн нөөцийг тодорхойлох аргууд гэх мэт гэр бүлээ төлөвлөх хүн бүрийн мэдэх ёстой асуудлуудын талаар энэ дугаараас сонсоорой.

Хэрэв таньд манай подкаст таалагдвал like, share & subscribe 🫶🏼

Гэр бүл төлөвлөлт гэхээр бид ихэвчлэн жирэмслэлтээс хамгаалах талаар боддог ч, үнэндээ энэ ойлголтод мөн үргүйдлийн асуудал ч хамааралтай. Тэгвэл үргүйдэл гэ...

13/06/2024

Ийм БолГоё подкаст S1E1: Монголд эмэгтэй хүн, ээж байна гэдэг…?

Монгол эмэгтэй хүн, эсвэл Монгол эх хүн гэхээр таны санаанд ямар хүн төсөөлөгдөж байна вэ? Та өөрийгөө эсвэл сайн таних хэн нэгнийг төсөөлж байна уу? Эсвэл төгс төгөлдөр, хүрч чадамгүй мэт төсөөлөл санаанд тань бууж байна уу?

Ийм БолГоё подкастын эхний дугаараар бид нийгмийн болон соёлын сэтгэлзүйч Г.Уянгатай
эмэгтэй хүн, эх хүний талаарх нийгмийн хүлээлт болон бодит байдлын талаар ярилцлаа.

Монгол эмэгтэй хүн, эх хүн бусдын хүлээлтээр бус, өөрийнхөөрөө амьдардаг бол гоё ❤

Монгол эмэгтэй хүн, эсвэл Монгол эх хүн гэхээр таны санаанд ямар хүн төсөөлөгдөж байна вэ? Та өөрийгөө эсвэл сайн таних хэн нэгнийг төсөөлж байна уу? Эсвэл т...

13/06/2024

We are live! 🎙️
Удаан хугацаанд бодож төлөвлөсөн Ийм БолГоё Подкастыг маань хүлээн авна уу 💛

Эмэгтэй хүн байх, ээж байх гоё. Гэхдээ гоё байлаа гээд амьдрал үргэлж цэцэг жимс шиг, гэрэл гэгээтэй байдаг гэсэн үг биш. Бид хамтдаа суугаад яриад эхлэх тэр мөчид үнэндээ би ганцаараа биш, та, тэр ч адилхан зүйлийг мэдэрч, бодож, туулж байгаа гэдгийг ойлгох болов уу. Дуртай аягандаа цай, кофегоо хийгээд ойртоод суу… ☕️

24/05/2024

13/03/2024

27/01/2024

🙋🏻Digital Marketing Volunteer хайж байна!

Ийм БолГоё ТББ болон Австралийн засгийн газрын санхүүжилтээр хэрэгждэг Зориг сан (Zorig Foundation)-гийн "Women’s Leadership Program" Эмэгтэйчүүдийн Манлайлал Хөтөлбөрийн оролцогчдын хамтран хэрэгжүүлж буй шинэхэн төслийн багтаа бид эрч хүчтэй, хариуцлагатай сайн дурын гишүүн хайж байна.

💛 Ийм БолГоё нь эх, нялхсын эрүүл аюулгүй орчинд амаржих, xүртээмжтэй, чанартай эрүүл мэндийн үйлчилгээ авах эрхийг хамгаалах хөдөлгөөн бөгөөд бид энэ удаад нярай хүүхэдтэй гэр бүлүүдэд зориулсан ээлжит төслөө хэрэгжүүлэхээр зэхэж байна.

Ажлын тодорхойлолт, шалгуур, давуу талын тухай мэдээллийг та постоос харна уу.🧑🏻‍💻

📬 Хэрвээ та энэхүү сайн дурын ажлын байрыг сонирхож байвал [email protected] хаягт 2-р сарын 1-ний өдрийн дотор өргөдлөө илгээнэ үү.

17/01/2024

Энэ төслөөр бид их биш зардлаар улсын эмнэлэгт хэрхэн тав тухтай орчин бий болгож болохыг харуулахыг зорьсон. Олон ээжүүдэд хагалгааны дараа өвдөж ядарсан үед нь багахан ч болов тав тух мэдрүүлж чадаж байгаа бол баяртай байна 🥰

Энэ бол 1-р төрөх эмнэлэгийн мэс заслын дараах тасгийн ариун цэврийн өрөө. Энэ өрөөг Ийм БолГоё төслөөс санаачилж, гадны санхүүжилтээр засварлан ийнхүү гоё болгож тохижуулсан юм билээ. Намайг 2020 онд төрөхөд ийм байгаагүй өрөө гурван жилийн дараа ирэхэд итгэхийн аргагүй өөр болчихсон байсан.

Кесараар төрсөн ээжүүд мэднэ дээ. Төрсний дараа 00 орохын бэрхшээлийг. Олон цаг катетер залгуулаад орой нь арай хийж тэрийгээ авахуулаад бие даан бие засах шиг гаслан байхгүйг. Яаж бие засна даа гэсэн айдас өвөртлөөд нөгөө л дасал болсон хүйтэн 00 рүү баацагнан алхаад очтол энэ өрөө байж байх нь тэр.

Ямар сайндаа ажилчдын ариун цэврийн өрөө биш байгаадаа хэмээн орохоос эмээтэл эдний төслийн нэр хаалганы хажууд байхыг хараад өөрийн эрхгүй баярлаж байсныг нуухгүй ээ. Буян нь дэлгэрсэн сайхан үйл бүтээж яваа юм байна аа эдний баг хамт олон. Санаа сэтгэл нийлсэн ээжүүд улсын эмнэлэгийн зовлон бэрхшээлийг бидэн шиг мэддэг болохоор улсын хийх ёстой ажлыг тэдний өмнөөс бидэнд хийж өгч байгаа ийм л бүсгүйчүүд бий. Эдгээр ээжүүд санаа нь зовниод зүгээр суугаад байх биш бодит болгоод өгдөг нь гайхалтай.

Ингээд засч тохижуулаарай гээд жишиг 00 бий болгоод зураг төслийг нь гаргаад өгсөн юм чинь эмнэлэгийн удирдлага бусад ариун цэврийн өрөөнүүдээ ийм болгоод өгөх байх аа гэж найдаж байна.

Гүйээ нээрээ хүн тухтай бие зассандаа тэгж их баярлаж болдгийг энд мэдэрсэн дээ, ЖЭТийн 00 яаж ордог билээ дээ одоо тэр нойлыг л юуун түрүүнд янзалмаар байгаа юм даа.