09/06/2026
🇰🇷🇲🇳 Солонгос зах зээлд хэрэгжүүлж буй “Монголд аялсан Солонгос жуулчдын зан төлөв, сэтгэл ханамжийн судалгаа” нь өнөөдрийн байдлаар тухайн зах зээлд үйл ажиллагаа явуулдаг 50 гаруй аяллын компаниудын хамтын оролцоотойгоор амжилттай үргэлжилж байна.
Судалгаа гэдэг нь жуулчдын нүдээр өөрсдийн үйл ажиллагаа, үйлчилгээ, бүтээгдэхүүнээ үнэлж харах хамгийн үнэ цэнтэй боломж билээ.
Энэхүү судалгааны үр дүнд Монголын аялал жуулчлалын салбарын аль хэсэгт хөрөнгө оруулалт, сайжруулалт шаардлагатай байгаа, жуулчдад юу хамгийн их таалагдаж буй, Монгол Улсад аялал жуулчлалаар дамжин орж ирж буй бодит эдийн засгийн үр өгөөж зэрэг олон чухал мэдээллийг тодорхойлох боломж бүрдэх юм.
Монгол орны өргөн уудам тал нутаг, хөх тэнгэрийн дор бүтээсэн дурсамжаа бидэнтэй хуваалцаж, судалгааны асуумжийг чин сэтгэлээсээ бөглөсөн эрхэм аялагч та бүхэндээ гүн талархал илэрхийлье.
Та бүхний үнэт санал, сэтгэгдэл бүхэн Монголын аялал жуулчлалыг улам хөгжүүлэхэд үнэтэй хувь нэмэр болж байна.
Аялагч нараа судалгаанд хамруулж судалгааны ажлыг дэмжин хамтран ажиллаж буй BBM Tour компанийн хамт олонд чин сэтгэлийн талархал илэрхийлье. 👏👏👏
