Монголын шүүгчдийн холбоо

19/05/2026

МОНГОЛЫН ШҮҮГЧДИЙН ХОЛБОО, УИХ-ЫН ХУУЛЬ ЗҮЙН БАЙНГЫН ХОРОО БОЛОН “СПУРЛОК САН”-ГИЙН ТӨЛӨӨЛӨГЧИД ГЭР БҮЛИЙН ЭРХ ЗҮЙН ШИНЭЧЛЭЛИЙН ТАЛААР ХЭЛЭЛЦЛЭЭ

УИХ-ын Хууль зүйн байнгын хороо болон Монголын Шүүгчдийн холбоо хамтран “Спурлок сан”-гийн төлөөлөгчдийг оролцуулан Төрийн ордны «Их Эзэн Чингис хаан» танхимд ө....

16/05/2026

Bench & bar, “Зангиагүй уулзалт” хэлбэрээр чөлөөт уулзалт хийж, шүүхийн үйл ажиллагааны чанар, олон нийтийн итгэлийг нэмэгдүүлэхэд тулгамдаж буй асуудал хийгээд арга замыг эрэлхийлэхэд хуульч, өмгөөлөгчдийн санал, шүүмжийг нээлттэй сонсох нь шүүх, шүүгчийн үйл ажиллагаанд ямагт эерэг нөлөө үзүүлнэ. Захиргааны Хэргийн Давж Заалдах Шатны Шүүх👍🏻
https://admincourt2.gov.mn/site/single/4855

https://admincourt2.gov.mn/site/single/4856

Захиргааны хэргийн шүүх, Монгол Улсын шүүх; шүүх, Захиргааны хэргийн давж заалдах шатны шүүх, Захиргааны хэргийн давж заалдах шатны шүүхийн Тамгын газар, Шүүхийн Т....

14/05/2026

МОНГОЛЫН ШҮҮГЧДИЙН ХОЛБОО САЛБАР ХОРООДТОЙГОО ЦАХИМ УУЛЗАЛТ ХИЙЛЭЭ

Монголын Шүүгчдийн холбооны (МШХ) Тэргүүн, Удирдах зөвлөлийн гишүүд болон Ажлын албанаас салбар хорооны Тэргүүн, шүүгчидтэй нэгдсэн цахим уулзалт зохион байгууллаа. Уулзалтаар холбооны дотоод бүтэц, дүрмийн дагуу хийгдсэн томилгоог танилцуулж, 2026 оны эхний улирлын ажлын тайлан болон Канад Улсын төлөөлөгчидтэй хамтран хэрэгжүүлэх хоёр жилийн төлөвлөгөөний талаар мэдээлэл өгөв.

Мэдээлэл солилцооны хүртээмж ба сошиал суваг
Уулзалтын эхэнд холбооны удирдлагууд салбар хороодын шүүгчид холбооны үйл ажиллагаа, шийдвэрүүдийн талаарх мэдээллийг цаг хугацаанд нь авч чадаж байгаа эсэхэд голлон анхаарч, санал солилцлоо.

МШХ-ны Тэргүүн Д.Батбаатар энэ үеэр онцлохдоо, Канад Улсын шүүгчдийн холбоо болон EJAM төслийн хүрээнд хийгдэх хамгийн чухал ажлуудын нэг бол шүүгч бүртэй шууд харилцах тусгай сошиал суваг (аппликейшн)-тай болох асуудал гэдгийг дурдсан юм. Ингэснээр гишүүд хоорондоо болон холбооны удирдлагатай шуурхай харилцах, мэдээлэл солилцох, санал асуулгад оролцох боломж бүрэн нээгдэхийг төлөвлөгөөнд тусгасныг мэдээллээ.

Удирдлагын бүтэц ба үйл ажиллагааны тайлан
Холбооны дүрэмд заасны дагуу Удирдах зөвлөлийн бүрэлдэхүүнд анхан болон давж заалдах шатны шүүхийн төлөөллүүд шинээр томилогдон, үйл ажиллагаагаа идэвхжүүлээд байна. 2026 оны эхний хагаст Удирдах зөвлөл 4 удаа хуралдаж, тодорхой асуудлуудаар шийдвэрүүдийг гаргасан гэв.
Уулзалтын төгсгөлд салбар хороодын шүүгчид цаашид хэрэгжүүлэх төслүүдийн талаар саналаа солилцож, орон нутгийн шүүгч нарт Шүүхийн академи болон ШЕЗ-өөс зохион байгуулдаг гадаад, дотоодын туршлага судлах уулзалт, семенар, сургалтын мэдээллийг нээлттэй, хүртээмжтэй тэгш зарчмаар мэдээлэхийг уламжилж өгөхийг хүслээ. Энэхүү уулзалт нь холбоо ба гишүүдийн хоорондын уялдаа холбоог нэгтгэсэн, уулзалт боллоо.

МОНГОЛЫН ШҮҮГЧДИЙН ХОЛБООНЫ АЖЛЫН АЛБА

14/05/2026

МОНГОЛЫН ШҮҮГЧДИЙН ХОЛБОО КАНАД УЛСЫН ДЭЭД ШАТНЫ ШҮҮХИЙН ШҮҮГЧДИЙН ХОЛБООНЫ ТӨЛӨӨЛӨГЧИДТЭЙ ХАМТРАН АЖИЛЛАХ ХОЁР ЖИЛИЙН ТӨЛӨВЛӨГӨӨ БОЛОВСРУУЛЛАА – Монголын Шүүгчдийн холбоо

Монголын Шүүгчдийн холбооны (МШХ) засаглалыг бэхжүүлэх, дотоод үйл ажиллагааг сайжруулах, шүүгчдийн эрх ашгийг хамгаалах чадавхыг нэмэгдүүлэх зорилготой ажлын хэсгийн айлчлал амжилттай боллоо. Долоо хоногийн турш үргэлжилсэн цуврал хэлэлцүүлэг, семинарын үр дүнд талууд ирэх хоёр жилийн хамтын ажиллагааны нарийвчилсан төлөвлөгөөг боловсруулж, Удирдах зөвлөлийн гишүүд, шүүгчдэд танилцуулан саналаа нэгтгэв.
Хамтын ажиллагааны төлөвлөгөөнд дараах үндсэн чиглэлүүдийг тусгав.

Засаглал болон бүтэц зохион байгуулалт
Канад Улсын Шүүгчдийн холбооны (КШХ) туршлагад тулгуурлан МШХ-ны бодлогын баримт бичгүүдийг шинэчлэх, Гүйцэтгэх хороо байгуулах, засаглалын бүтцийн чиглэлээр мэргэжлийн сургалтуудыг тогтмолжуулахаар болов.

Цахим шилжилт ба мэдээлэл солилцоо
Гишүүнчлэлийн нэгдсэн бүртгэлийг шинэчилж, шүүгчдэд зориулсан мэдээлэл солилцох тусгай аппликейшн хөгжүүлснээр мэдээллийн хүртээмжийг нэмэгдүүлнэ.

Шүүгчийн сэтгэл зүйн сайн сайхан байдал
Канад Улсын дээд шатны шүүхийн шүүгчидтэй туршлага солилцох вебинар зохион байгуулахаар төлөвлөв.

Ёс зүй ба олон нийтийн харилцаа
Шүүгчийн ёс зүйн зөвлөх хорооны үйл ажиллагааг шүүгчдэд сурталчлан таниулж, шүүх эрх мэдлийн талаарх олон нийтийн ойлголтыг дээшлүүлэхэд чиглэсэн мэдээллийн контентуудыг бэлтгэж түгээнэ.

Туршлага судлах арга хэмжээ
Хамтын ажиллагааны хүрээнд 2027 онд Канад Улсад туршлага судлах айлчлал зохион байгуулна.

Айлчлалын төгсгөлд талууд төслийн хүрээнд хэрэгжүүлэх боломжтой үйл ажиллагааны талаар нэгдсэн дүгнэлтэд хүрсэн юм. Энэхүү алхам нь Монголын Шүүгчдийн холбоог олон улсын жишигт нийцсэн, гишүүддээ өгөөжтэй, мэргэжлийн байгууллага болж төлөвшихөд чухал ач холбогдолтой ажил хэрэгч үйл явдал боллоо.
МОНГОЛЫН ШҮҮГЧДИЙН ХОЛБООНЫ АЖЛЫН АЛБА

11/05/2026

Өнөөдөр (2026.05.11) Монголын Шүүгчдийн холбооны төлөөлөл болон Канадын Шүүгчдийн холбооны төлөөлөгчид, Монгол дахь төслийн удирдагч, зохицуулагчид, Шүүгчдийн холбооны Тэргүүн, Удирдах зөвлөл, Хяналтын зөвлөлийн гишүүн, гадаад харилцааны дэд хорооны ахлагч, ОНХ дэд хорооны ахлагч, гишүүд, шүүгчдийн төлөөлөл оролцсон стратеги төлөвлөлтийн чухал семинарыг зохион байгууллаа. Уулзалтаар байгууллагын засаглал, чиг үүрэг болон шүүгчдийн ажиллах нөхцөлийг сайжруулах чиглэлээр олон чухал асуудлыг хэлэлцэв.

Өнөөдөр (2026.05.11) Монголын Шүүгчдийн холбооны төлөөлөл болон Канадын Шүүгчдийн холбооны төлөөлөгчид, Монгол дахь төслийн удирдагч, зохицуулагчид, Шүүгчдийн холбоон...

07/05/2026

https://judge.mn/%d0%bc%d0%be%d0%bd%d0%b3%d0%be%d0%bb%d1%8b%d0%bd-%d1%88%d2%af%d2%af%d0%b3%d1%87%d0%b4%d0%b8%d0%b9%d0%bd-%d0%b0%d1%87%d0%b0%d0%b0%d0%bb%d0%b0%d0%bb-%d0%b1%d0%be%d0%bb%d0%be%d0%bd-%d1%81%d1%8d%d1%82/

МОНГОЛЫН ШҮҮГЧДИЙН АЧААЛАЛ БОЛОН СЭТГЭЛ ЗҮЙН ЭРҮҮЛ МЭНДИЙН АСУУДЛААР КАНАДЫН ТӨЛӨӨЛӨГЧИДТЭЙ САНАЛ СОЛИЛЦОВ
Өнөөдөр (2026.05.07) Канад Улсын Дээд шатны шүүхийн шүүгчдийн холбооны төлөөлөгчид болох Ньюфаундленд, Лабрадор мужийн Давж заалдах шатны шүүхийн шүүгч Кэтрин О’Брайен, тус холбооны гүйцэтгэх захирал Стефани Локхарт нар Монгол Улсын зарим шатны шүүхүүдийн үйл ажиллагаатай танилцлаа.

Өнөөдөр (2026.05.07) Канад Улсын Дээд шатны шүүхийн шүүгчдийн холбооны төлөөлөгчид болох Ньюфаундленд, Лабрадор мужийн Давж заалдах шатны шүүхийн шүүгч Кэтрин О’Брайе...

06/05/2026

КАНАДЫН ШҮҮГЧДИЙН ХОЛБООНЫ ҮЙЛ АЖИЛЛАГААНЫ ЧИГЛЭЛЭЭР ТУРШЛАГА СОЛИЛЦЛОО

Монголын Шүүгчдийн Холбоо нь олон Улсын түншлэлийн хүрээнд үйл ажиллагаагаа өргөжүүлэх, институцийн чадавхыг бэхжүүлэх болон олон улсын шилдэг туршлагыг нэвтрүүлэх зорилгоор Канадын шүүгчдийн холбооны төлөөлөгчидтэй хийх цуврал уулзалтаа (2026.05.06) өнөөдөр эхлүүллээ. Энэ удаагийн уулзалтаар талууд шүүхийн шинэчлэл, ёс зүйн зөвлөх хорооны үйл ажиллагаа болон мэдээлэл харилцааны дэвшлийг шүүхийн салбарт нутагшуулах асуудлаар санал солилцлоо.

Эхлээд МШХ-ны бүтэц зохион байгуулалт, тэргүүлэх чиглэл болон хэрэгжиж буй төслүүдийн талаар Холбооны Тэргүүн Д.Батбаатар танилцуулга хийв. Мөн Олон нийттэй харилцах (ОНХ) дэд хорооны үйл ажиллагааны талаар тус хорооны ахлагч П.Соёл-Эрдэнэ, гадаад харилцааны чиглэлээр хийж буй ажлуудыг Гадаад харилцааны дэд хорооны ахлагч Ц.Цогт нар танилцуулсан юм.

Уулзалтын үеэр зочид Канадын шүүгчдийн холбооны туршлага, мужийн болон холбооны шүүгчдийн хамтын ажиллагааны загвар, сахилга батын хорооны үйл ажиллагааны онцлог зэрэг сэдвүүдээр туршлагаа хуваалцаж, Монгол Улсын шүүхийн тогтолцоонд хэрэгжүүлэх боломжийг хэлэлцэв. Үүнээс гадна шүүгчийн хараат бус байдал, шүүхийн төсвийн бие даасан байдлыг бэхжүүлэхэд холбооны зүгээс үзүүлэх нөлөөллийн талаар санал солилцлоо.

Талууд цаашид шүүгчдийн мэргэжлийн чадавхыг дээшлүүлэх сургалт семинарыг тогтмолжуулах, Ёс зүйн зөвлөх хорооны үйл ажиллагааг олон улсын стандартад нийцүүлэх, шүүгч бүрийн оролцоог хангасан мэдээллийн дотоод сүлжээг сайжруулахаар хамтын ажиллагааны хүрээнд төлөвлөхөөр тохиролцов. Энэхүү хамтын ажиллагаа нь Монгол Улсад шударга шүүхийн тогтолцоог бэхжүүлэхэд чухал алхам болохыг оролцогчид онцоллоо.

Уулзалтад МШХ-ны Тэргүүн Д.Батбаатар, Гадаад харилцааны ахлагч Ц.Цогт Олон нийттэй харилцах дэд хорооны ахлагч П.Соёл-Эрдэнэ болон Удирдах зөвлөлийн гишүүд, ОНХ дэд хорооны гишүүд, шүүгчдийн төлөөлөл Э.Амин-Эрдэнэ, Д.Батцэцэг, В.Амартүвшин, Б.Болор-Эрдэнэ, З.Ганзориг, Б.Мөнхзул, А.Сарангэрэл, С.Отгонтуяа, Л.Түвшинжаргал, Г.Урангуа нар оролцов.

Монголын Шүүгчдийн Холбоо, Ажлын алба

06/05/2026

2026.05.06
#фотомэдээлэл
МОНГОЛЫН ШҮҮГЧДИЙН ХОЛБОО, КАНАДЫН ШҮҮГЧДИЙН ХОЛБООНЫ ХАМТЫН АЖИЛЛАГААНЫ УУЛЗАЛТ ЭХЭЛЛЭЭ

04/05/2026

#Мэдээлэл
#Эрдэмшинжилгээ
Бүтээлийн уралдаанд УРЬЖ БАЙНА

01/05/2026

“ХУУЛЬЧИЙН ПРО БОНО-2026” ӨДӨРЛӨГ: ШҮҮГЧДИЙН ХОЛБОО ОРОЛЦЛОО
Монголын Хуульчдын холбооноос жил бүрийн 5 дугаар сарын 1-ний өдрийг “Хуульчийн про боно өдөр” болгон зарлаж, 2019 оноос хойш уламжлал болгон тэмдэглэж ирсэн. Энэ хүрээнд өнөөдөр Сүхбаатарын талбайд “Хуульчийн про боно-2026” нэгдсэн өдөрлөгийг улс орон даяар амжилттай зохион байгууллаа.
Монголын Хуульчдын холбоо нь хуульчдынхаа сайн дурын оролцоо, идэвх санаачилгад тулгуурлан нийтийн тусын тулд хууль ёсны ашиг сонирхлыг хамгаалах, эрх зүйн туслалцааг үнэ төлбөргүй үзүүлэх, иргэдийн эрх зүйн боловсролыг дээшлүүлэх зорилгоор энэхүү өдрийг тэмдэглэдэг юм.
Өнөөдрийн өдөрлөгт хууль тогтоох, гүйцэтгэх болон шүүх эрх мэдлийн зарим байгууллагууд, мөн төрийн бус байгууллага, өмгөөллийн фирмүүд өргөн бүрэлдэхүүнтэй оролцож, иргэдэд хууль, эрх зүйн анхан шатны зөвлөгөө мэдээлэл өгч, төрийн зарим үйлчилгээг үнэ төлбөргүй үзүүлсэн байна.
Арга хэмжээнд Шүүгчдийн холбооны гүйцэтгэх захирал болон тус холбооны дэргэдэх ахмадын дэд хорооны гишүүн шүүгчид оролцож, иргэдийн сонирхсон асуултад хариулт өглөө. 10:00-17:00 цагийн хооронд үргэлжилсэн тус өдөрлөгт олон зуун иргэд хүрэлцэн ирж, Иргэний болон захиргааны хэргийн маргаан, нийгмийн даатгал, халамжийн асуудал, газар зохион байгуулалт, өмчлөл, шүүхийн шийдвэр гүйцэтгэх ажиллагаа зэрэг чиглэлүүдээр мэргэшсэн хуульчдаас зөвлөгөө авсан байна.
Хуульчид мэргэжлийн мэдлэг, ур чадвараа нийгмийн сайн сайхны төлөө зориулж, иргэдийн эрх ашгийг хамгаалахад бодитой хувь нэмэр оруулсан үр дүнтэй өдөрлөг боллоо.
АЖЛЫН АЛБА

29/04/2026

#шүүгчдийнхолбоо
#Мэдээлэл

МОНГОЛЫН ШҮҮГЧДИЙН ХОЛБООНЫ УДИРДАХ ЗӨВЛӨЛИЙН ГИШҮҮДИЙГ СОНГОХ ДАХИН САНАЛ ХУРААЛТЫН ДҮНГ БАТАЛГААЖУУЛЛАА

Монголын шүүгчдийн холбооны Удирдах зөвлөлийн (2026.04.29) өнөөдрийн хуралдаанаар холбооны Удирдах зөвлөлийн гишүүнийг сонгох хоёр дахь шатны санал хураалтын дүнг эцэслэн баталгаажууллаа.

Сонгууль зохион байгуулах комиссоос 2026 оны 4 дүгээр сарын 27-ны өдөр гаргасан дүнгээр, энэ удаагийн санал хураалтад нийт 450 шүүгч-гишүүн оролцсон байна. Энэ нь Холбооны нийт гишүүдийн 86.8 хувийн ирц бөгөөд дүрмийн дагуу сонгуулийг хүчинтэйд тооцсон юм.

Дахин санал хураалтын нэгдсэн дүнгээр:
• Давж заалдах шатны шүүхийн төлөөлөлд: Нэр дэвшигч Л.Галбадар 270 санал (61.5%);
• Анхан шатны шүүхийн төлөөлөлд: Нэр дэвшигч С.Отгонтуяа 258 санал (58.5%) тус тус авч, олонхын дэмжлэг хүлээлээ.

Ийнхүү Удирдах зөвлөлийн өнөөдрийн шийдвэрээр сонгуулийн дүнг баталгаажуулснаар шинээр сонгогдсон гишүүд бүрэн эрхээ хэрэгжүүлж эхэлж байна.

МОНГОЛЫН ШҮҮГЧДИЙН ХОЛБООНЫ АЖЛЫН АЛБА