Tegsh Tusgal NGO

17/10/2026

🇲🇳 21 АЙМАГ, БОЛОМЖИЙГ ХҮН БҮРТ

“Тэгш Тусгал” ТББ-ын хэрэгжүүлж буй MDLI төсөл 2026 онд Монгол Улсын 21 аймагт хүрч ажиллах зорилтоо биелүүллээ. Баян-Өлгий аймаг нь бидний зорьсон 21 аймгийн сүүлийнх нь байв.

Баян-Өлгий аймгийн Нийгмийн бодлогын хэлтсийн дэмжлэгтэйгээр зохион байгуулсан сургалтад төрийн албан хаагчид болон сонсголгүй иргэдийн төлөөлөл болох иргэд хамрагдлаа.

◽️Сургалтаар:
🔹 Сонсголгүйн соёл, сонсголгүй иргэдийн хэл, соёл, онцлогийг ойлгох
🔹 Монгол дохионы хэлний цахим толь бичгийг ашиглах
🔹 Сонсголгүй иргэнд хүртээмжтэй үйлчилгээ үзүүлэх арга барил, зөвлөмж

зэрэг сэдвийг сургалт, практик хослуулан хүргэлээ.

Бидний зорилго зөвхөн мэдлэг түгээх бус, бодит өөрчлөлтийг дэмжих юм. Төрийн албан хаагчид хүртээмжтэй харилцааны арга барилыг өдөр тутмын үйл ажиллагаандаа хэрэгжүүлж, сонсголгүй иргэдийн хэрэгцээг үйлчилгээний явцад харгалзан үзэх нь тэгш оролцоог хангах чухал алхам билээ.

21 аймагт хүрсэн ажил бол цааш үргэлжлэх нөлөөллийн эхлэл. Хүртээмжтэй харилцаа, тэгш оролцоог хамтдаа түгээцгээе!

Энэхүү төслийг Финландын Гадаад хэргийн яам болон Sower International-ийн дэмжлэгтэйгээр хэрэгжүүлж байна.

21 аймагт хамтран ажилласан байгууллагууд, төрийн албан хаагчид, сонсголгүй иргэд болон орон нутгийн оролцогчдодоо талархал илэрхийлье.

Боломжийг хүн бүрт. 💙

#ТэгшТусгал

#БаянӨлгийАймаг
#21Аймаг
#МонголДохионыХэл
#ХүртээмжтэйҮйлчилгээ
#ТэгшОролцоо

06/10/2026

Монгол дохионы хэлийг хамтдаа суралцъя! | Цуврал №12

Зураг дээрх гарын хэлбэрээр илэрхийлэгдэх 5 дохионы хэлээс сураарай.

#ТэгшТусгал
#МонголҮндэснийДохионыХэлнийХөгжлийнЗөвлөл

30/09/2026

📢 ЗӨВЛӨХ ҮЙЛЧИЛГЭЭНИЙ ЗАР

Тэгш Тусгал ТББ нь ЭПСО төслийн хүрээнд Хөгжлийн бэрхшээлтэй хүмүүсийн байгууллагуудын байгууллагын чадавх, тогтвортой үйл ажиллагаа, нийгэмд үзүүлэх үр нөлөөг бэхжүүлэх үндэсний практик гарын авлага боловсруулах зөвлөх үйлчилгээ үзүүлэх мэргэшсэн байгууллага болон хувь хүнийг урьж байна.

Та материалаа 2026 оны 10 дугаар сарын 6-ны өдрийн 17:00 цагаас өмнө цахим шуудангаар ирүүлнэ үү.

Ажлын даалгавар, тавигдах шаардлага болон материал ирүүлэх талаарх дэлгэрэнгүй мэдээллийг дараах холбоосоос авна уу:

🔗 https://shorturl.at/Z20Ew

📢 CONSULTANCY ANNOUNCEMENT

Tegsh Tusgal NGO, under the EPSO Project, invites qualified organizations and individuals to apply for a consultancy to develop a National Practical Handbook for the Organizational Strengthening and Sustainable Impact of Organizations of Persons with Disabilities (OPDs).

Interested applicants are requested to submit the required application materials by email no later than 23:59 on 6 October 2026.

For the detailed Terms of Reference, application requirements and submission information, please visit:

🔗 https://shorturl.at/Z20Ew

28/09/2026

English below

🍀 ЭПСО төслийн хүрээнд хөгжлийн бэрхшээлтэй хүмүүсийн байгууллагын нэг болох “Бүтээлч гар" Өвөрхангай ХБИ холбоо НҮТББ-ыг үүсгэн байгуулагч, хатагтай Адьяадоржийн Цэцэгмаагийн (Цэцэгмаа А.) түүх Финланд Улсын “Kylväjä” сэтгүүлд нийтлэгдсэнийг онцлон хуваалцаж байна.

Нийтлэлд А.Цэцэгмаагийн амьдралын замнал, бие даан амьдрахад тулгардаг орчны саад, нийгмийн хүртээмжийн хүндрэлүүд мөн тэдгээрийг өөрчлөхийн төлөө хэрхэн алхам алхмаар, хамтын оролцоотойгоор орон нутагтаа ажиллаж буйг өгүүлэх бөгөөд тэрээр бага насандаа үе мөчний өвчний улмаас хөдөлгөөний бэрхшээлтэй болсон хэдий ч боловсрол эзэмшин, иргэний нийгмийн байгууллагуудад идэвхтэй ажиллаж, хөгжлийн бэрхшээлтэй хүмүүсийн оролцоог сайжруулах, эрхийг хамгаалах манлайлагчдын нэг болсон талаар онцолжээ.

А.Цэцэгмаагийн түүх нь хөгжлийн бэрхшээлтэй хүмүүсийн хувь хүний хөгжлийг дэмжих, тэдний дуу хоолой шийдвэр гаргах түвшинд хүрэх, нийгмийн оролцоог нэмэгдүүлэхийн ач холбогдлыг тод харуулсан урам зоригийн бодит жишээ юм.

Өөрийн түүхээ хуваалцсан хатагтай А.Цэцэгмаа болон Монголын ХБХБ-уудын дуу хоолой, манлайллыг Финландын уншигчдад хүргэн энэхүү түүхийг бичсэн Danielle Miettinen-д чин сэтгэлийн талархал илэрхийлье.

#ТэгшТусгал
#ЭПСО
#ХүртээмжтэйНийгэм

We are pleased to share that Kylväjä magazine in Finland has published the story of Ms. Tsetsegmaa Adiyadorj, founder of Creative Hands, an organization of persons with disabilities in Uvurkhangai and a partner of the EPSO project.

The article follows Tsetsegmaa’s life journey and the environmental and social barriers she has faced in living independently. It describes how she is working, step by step and collaborating with others, to address those barriers in her community. After developing a mobility impairment due to a joint condition in childhood, she pursued her education, became active in civil society, and emerged as a leader advocating for the rights and participation of persons with disabilities.

Tsetsegmaa’s story shows the importance of dedication and consistency, have a voice in decision making that affect them, and participate fully in society.

Our sincere gratitude to Ms. Tsetsegmaa for sharing her story, and to Danielle Miettinen (SOWER International) for bringing her work and the leadership of Mongolia’s organizations of persons with disabilities to readers in Finland.





Lähetysyhdistys Kylväjä
Ulkoministeriö - utrikesministeriet

25/09/2026

📢 “ДОХИОНЫ ХЭЛНИЙ ХЭРЭГЦЭЭ, ШААРДЛАГА БА ЭРХ ЗҮЙН БОЛОВСРОЛ” СЭДЭВТ ХЭЛЭЛЦҮҮЛЭГ ЗОХИОН БАЙГУУЛЛАА

Жил бүрийн 9 дүгээр сарын 23-ны өдрийг “Дохионы хэлний олон улсын өдөр” болгон дэлхий нийтээр тэмдэглэн өнгөрүүлдэг билээ.

Энэхүү өдрийн үйл ажиллагааг ДХИС-ийн Хууль зүйн сургууль, “Тэгш Тусгал” ТББ-ын MDLI төсөл хамтран зохион байгууллаа.

🎤 Хэлэлцүүлгийн үеэр “Тэгш Тусгал” ТББ-аас хэрэгжүүлж буй MDLI төслийн менежер Б.Бямбасүрэн зочин илтгэгчээр оролцож, дохионы хэл, сонсголгүй иргэдийн эрх, хүртээмжийн асуудлаар мэдээлэл, туршлагаа хуваалцлаа.

Тус хэлэлцүүлгээр НҮБ-ын Хүний эрхийн зөвлөлөөс Монгол Улсад өгсөн зөвлөмжийг хэрэгжүүлэх хүрээнд Дохионы хэлний тухай хуулийн төсөл, сонсголгүй иргэдийн сурч боловсрох, төрийн үйлчилгээ авах, шударга шүүхээр эрхээ хамгаалуулах боломж, хүртээмжийг нэмэгдүүлэх асуудлыг хэлэлцлээ.

Мөн Дотоод хэргийн их сургуулийн эрдэмтэн, судлаачид, УИХ-ын гишүүний зөвлөх Б.Болороо, иргэний нийгмийн байгууллагын төлөөлөл, хэлмэрч болон сонсголгүй иргэдийн төлөөлөл оролцож, тулгамдаж буй асуудал, санал санаачилгаа хуваалцан, дуу хоолойгоо хүргэлээ.

Шүүх, прокурор болон хууль сахиулах байгууллагын шатанд сонсголгүй иргэдийг дохионы хэлний хэлмэрчийн үйлчилгээгээр үнэ төлбөргүй хангах, сургалтын хүртээмжийг нэмэгдүүлэх чиглэлээр дугуй ширээний хэлэлцүүлэг өрнүүлж, бодлого тодорхойлогчдод хүргэх санал, зөвлөмжийг нэгтгэн боловсрууллаа.

Дохионы хэл бол сонсголгүй иргэдийн эх хэл, эрх, оролцооны үндэс юм.
Хамтдаа илүү хүртээмжтэй, эрх тэгш орчныг бүтээцгээе. 🤝💙

#ТэгшТусгал

#ДохионыХэлнийӨдөрОлонУлсынӨдөр
#ДохионыХэл
#СонсголгүйИргэд
#Хүртээмж
#ЭрхТэгшОролцоо

24/09/2026

📣 СУРГАЛТЫН СҮҮЛИЙН ӨДӨР | ЭРХЭД СУУРИЛСАН ХАНДЛАГА, НҮБ-ЫН КОНВЕНЦЫН ОЙЛГОЛТОО БЭХЖҮҮЛЛЭЭ

“SASA - Хамтдаа! ХБХБ-уудын манлайлал, хамтын ажиллагаа, хүний эрхэд суурилсан нөлөөллийн чадавхыг бэхжүүлэх нь” сэдэвт 4 өдрийн оролцоонд суурилсан сургалт амжилттай зохион байгуулагдаж өндөрлөлөө. 🎉

Сургалтын сүүлийн өдөр бид дараах үндсэн чиглэлүүдээр мэдлэг, чадавхаа бэхжүүлэв. Үүнд:

🔹 НҮБ-ын Конвенцын хэрэглээ ба Сүүдэр тайлан: “Тэгш нийгэм холбоо” ТББ-ын тэргүүн Л.Энхбуянт “Хөгжлийн бэрхшээлтэй хүний эрхийн тухай конвенц”-ын хэрэгжилтэд иргэний нийгмийн байгууллагуудын оролцоо, сүүдрийн тайлангийн ач холбогдол, эрх эзэмшигч ба үүрэг хүлээгчийн ойлголт зэрэг хүний эрхийн суурь мэдлэгийг гүнзгийрүүлэн сургалт явууллаа.

🔹 Эрхэд суурилсан хандлага: Хүний эрхийн активист Б.Болорсайхан “Эрхэд суурилсан хандлага” сэдвээр сургалтыг чиглүүлж, тулгамдаж буй асуудлыг халамжийн буюу хандив тусламжийн өнцгөөс бус, хүний эрхийн суурь зарчимд тулгуурлан тодорхойлж шийдвэрлэх арга зүйг оролцогчидтой хуваалцав.

🔹 Панел хэлэлцүүлэг: Төр, иргэний нийгмийн түншлэл: “Төр, иргэний нийгмийн түншлэл дэх мэдээлэл харилцааны сайн туршлага” хэлэлцүүлгээр иргэний нийгмийн байгууллагууд сайн туршлагаасаа хуваалцаж, оролцогчдын сонирхсон асуултад хариуллаа.

Чиглүүлэгч: Ж.Хулан (Media show-ийг санаачлагч)

Панелистууд: Э.Энхмаа (ЛГБТ Төвийн гүйцэтгэх захирал), Т.Амарзаяа (Монголын Залуучуудын Эвслийн ерөнхий захирал), Г.Сүхбат (Монголын Эмнести Интернэшнлийн Цахим активизм, хэвлэл мэдээлэл хариуцсан Зохицуулагч)

✨ Ийнхүү дөрвөн өдрийн турш үргэлжилсэн “SASA! Хамтдаа” нэгдсэн сургалтаар оролцогчид манлайлал, хамтын ажиллагаа болон хүний эрхэд суурилсан нөлөөллийн талаар мэдлэг ойлголтоо өргөжүүлэн, бие биеэсээ суралцсан үнэ цэнтэй цагийг хамтдаа өнгөрүүлээ.

Сургалтад цаг хугацаа, мэдлэг туршлагаа зориулсан бүх хамтрагч байгууллага, сургагч багш нар болон идэвхтэй оролцсон нийт оролцогчдодоо гүн талархал илэрхийлье! 👏

#ТэгшТусгал #ХБХБ #ХүнийЭрх #ЭрхМэдэл #Активизм #Манлайлал #ХамтынАжиллагаа #НийгмийнӨөрчлөлт #Нөлөөлөл
Lähetysyhdistys Kylväjä
Ulkoministeriö - utrikesministeriet

23/09/2026

23/09/2026

“Тэгш Тусгал” ТББ-ын хэрэгжүүлж буй “Хөгжлийн бэрхшээлтэй хүмүүсийн байгууллагуудын чадавхыг бэхжүүлснээр хөгжлийн бэрхшээлтэй хүмүүс эрх мэдэлжих” (EPSO, 2023-2026) болон “Монголын сонсголгүй иргэдийн хэлний адилслыг бэхжүүлэх” (MDLI, 2026-2028) төслийн хамтарсан баг 2026 оны 9 сарын 10-11-ний өдрүүдэд Хэнтий аймагт ажиллаж, сургалт, уулзалт, туршлага солилцох цогц арга хэмжээг амжилттай зохион байгууллаа.
- 2026 оны 9 сарын 10-ны өдөр Аймгийн музейн хурлын танхимд MDLI төслийн баг орон нутгийн сонсголгүй иргэдэд зориулан “Сонсголгүй хүний соёл”, “Монгол дохионы хэлний цахим толь бичгийг ашиглах нь” сэдэвт сургалтыг зохион байгуулж, Монгол дохионы хэлний хэрэглээ, хөгжлийг дэмжихэд чиглэсэн мэдээлэл, арга зүйн зөвлөгөө өглөө.
Мөн өдөр Хэрлэн сумын Засаг даргын Тамгын газрын хурлын танхимд EPSO төслийн хамтрагч байгууллагуудын оролцоотойгоор хөгжлийн бэрхшээлтэй хүмүүсийн байгууллагуудын чадавхыг бэхжүүлэх, туршлага солилцох өдөрлөгийг зохион байгуулсан бөгөөд оролцогч байгууллагууд өөрсдийн үйл ажиллагаа, хэрэгжүүлсэн ажил, сайн туршлагыг харилцан танилцуулж, туршлага солилцов.
- 2026 оны 9 сарын 11-ний өдөр Хэнтий аймгийн Засаг даргын Тамгын газрын хурлын танхимд төрийн байгууллагын ажилтан, албан хаагчдад зориулсан хөгжлийн бэрхшээлийн талаарх ойлголт, хандлагыг бэхжүүлэх сургалтыг зохион байгууллаа. Тус сургалтад төрийн байгууллагуудын удирдах болон гүйцэтгэх түвшний ажилтан, албан хаагчид оролцов.
- Сургалтын үеэр “Бяцхан гэрэлт цох” Боловсрол, сургалтын байгууллага хөгжлийн бэрхшээлтэй хүүхдийн өсөлт хөгжил, нийгмийн оролцоо, харилцааг дэмжих зорилготой “Морин засал эмчилгээг Монголд нутагшуулах нь” санаачилгын ач холбогдол, үр нөлөө болон хэрэгжилтийн эхний жилийн туршлагаас хуваалцав.
- Харин “Амжилтын гэгээн од” ТББ хөгжлийн бэрхшээлийн суурь ойлголт, хөгжлийн бэрхшээлтэй иргэдийн хөдөлмөр эрхлэлтийн өнөөгийн нөхцөл байдал, тулгамдаж буй асуудал, мөн тохируулгатай ажлын байрны талаарх сургалтыг зохион байгууллаа.
- Түүнчлэн MDLI төслийн дохионы хэлний судлаачид сонсголгүй хүний тухай ойлголт, сонсголгүй соёл, Монгол дохионы хэлний цахим толь бичгийг ашиглах аргачлалын талаар мэдээлэл хүргэсэн. Ингэснээр сургалтад хамрагдсан төрийн албан хаагчид хөгжлийн бэрхшээлтэй хүмүүсийн эрх, оролцоо, хүртээмжийн талаарх ойлголтоо бататгаж, ажлын байранд тэгш оролцоо, хүртээмжтэй орчныг бүрдүүлэх, боломжит тохируулгыг хэрхэн хангах талаарх мэдлэг, ойлголтоо өргөжүүлсэн.
- Мөн өдөр аймгийн Засаг дарга орон нутгийн хөгжлийн бэрхшээлтэй иргэдийн төлөөлөл болон томилолтын багийн бүрэлдэхүүнийг хүлээн авч уулзсанаар талуудын оролцоог хангасан гурван талт дүгнэх уулзалтыг зохион байгууллаа. Уулзалтын үеэр орон нутагт амьдарч буй хөгжлийн бэрхшээлтэй иргэдийн амьдралын чанар, нийгмийн оролцоог нэмэгдүүлэхэд чиглэсэн бодлого, арга хэмжээ, санал санаачилга болон цаашдын хамтын ажиллагааны боломжийн талаар нээлттэй хэлэлцүүлэг өрнүүлж, хэрэгжүүлэх боломжтой арга хэмжээний чиглэлээр санал солилцов.
Хэнтий аймагт зохион байгуулсан сургалт, уулзалт, хэлэлцүүлгийн үйл ажиллагааг хамтран зохион байгуулж, дэмжин ажилласан Хэнтий аймгийн Засаг даргын Тамгын газар болон Нийгмийн бодлогын хэлтэст чин сэтгэлийн талархал илэрхийлье.
Lähetysyhdistys Kylväjä
Ulkoministeriö - utrikesministeriet
#тэгштусгал


#ХэнтийАймаг
#мүдххз
#ХүртээмжтэйНийгэм

22/09/2026

Монгол дохионы хэлийг хамтдаа суралцъя! | Цуврал №11

Зураг дээрх гарын хэлбэрээр илэрхийлэгдэх 5 дохионы хэлээс сураарай.

#ТэгшТусгал
#МонголҮндэснийДохионыХэлнийХөгжлийнЗөвлөл

22/09/2026

📣 СУРГАЛТЫН ХОЁР БОЛОН ГУРАВ ДАХЬ ӨДРИЙН НЭГДСЭН МЭДЭЭ | ЭРХ МЭДЭЛ, АКТИВИЗМААС БОДИТ ӨӨРЧЛӨЛТ РҮҮ

“SASA! ХАМТДАА - ХБХБ-уудын манлайлал, хамтын ажиллагаа, хүний эрхэд суурилсан нөлөөллийн чадавхыг бэхжүүлэх нь” сэдэвт 4 өдрийн оролцоонд суурилсан сургалтын 2 болон 3 дахь өдрүүд амжилттай үргэлжиллээ.

🗓 2 дахь өдөр: Эрх мэдэл, нийгмийн өөрчлөлт ба активизм Оролцогчид “Эрх мэдэл бидний амьдралд”, “Эрх мэдэл ба бидний туршлага”, “Эрх мэдэл бүхий сонголтууд” болон “Эрх мэдлийн алхалт” зэрэг дасгалуудаар дамжуулан эрх мэдлийн талаарх ойлголт, ялгаатай нөхцөл байдлаа хуваалцаж, энэ нь хувь хүний сонголт, харилцаанд хэрхэн нөлөөлдгийг эргэцүүлэв. Мөн иргэний хөдөлгөөн, активизмын уялдаа холбоог хэлэлцэж, нийгмийн өөрчлөлтөд хувь хүн болон байгууллагын түвшинд хэрхэн хувь нэмэр оруулж болох талаар ярилцлаа.

🗓 3 дахь өдөр: Активизмаас бодит өөрчлөлт рүү
Сургалтын гурав дахь өдөр активизм болон үр дүнтэй нөлөөллийн ажлын талаар гүнзгийрүүлэн үзэв. Оролцогчид нөлөөллийн ажлыг үр дүнд чиглүүлэн алхам алхмаар зохион байгуулах арга барилтай танилцаж, SASA! Хамтдаа стратегийн дагуу манлайлагч, хамтрагч байгууллагуудаа тодорхойлох дадлага хийлээ. Мөн өдрийн төгсгөлд тэмцлийн дуу, түргэн яриа зэрэг активизм өрнүүлэх бүтээлч санаачилгуудыг багаар боловсруулсан юм. Сургагч багш нарын хэлснээр SASA! Хамтдаа аргачлалын хүрээнд бид анх удаа дохионы хэлээр тэмцлийн дуутай болсныг онцолж байна.

💬 Нийгмийн өөрчлөлт нь эрх мэдлээ ухамсарлаж, дуу хоолойгоо нэгтгэн, хамтын үйлдэл хийхээс эхэлдэг.

Энэхүү сургалтыг “Тэгш Тусгал” ТББ, Монфемнет Үндэсний Сүлжээ / Monfemnet National Network болон Соёл, спорт, аялал жуулчлал, залуучуудын яам-тай хамтран зохион байгуулж байгаа бөгөөд Хөгжлийн бэрхшээлтэй хүмүүсийн байгууллагуудын 20 гаруй төлөөлөл оролцож байна.

#ТэгшТусгал #ХБХБ #ХүнийЭрх #ЭрхМэдэл #Активизм #Манлайлал #ХамтынАжиллагаа #НийгмийнӨөрчлөлт #Нөлөөлөл

Lähetysyhdistys Kylväjä
Ulkoministeriö - utrikesministeriet