https://www.facebook.com/104570052247869/

True Friend Жинхэнэ Найз

Home
Mongolia
Ulaanbaatar
True Friend Жинхэнэ Найз

Contact information, map and directions, contact form, opening hours, services, ratings, photos, videos and announcements from True Friend Жинхэнэ Найз, Non-Governmental Organization (NGO), Ulaanbaatar.

Сайн байцгаана уу? Бид Монголын залууст итгэл найдвар, Есүс Христийн хайр, уучлал, сургаал номлолыг мэдүүлэх зорилго бүхий ашгийн төлөө бус байгууллага билээ. Манай хуудсаар зочилж, бидэнтэй чаталсан хүн бүрт баярлалаа

11/12/2025

Би гомдсон сэтгэлээ удаан хугацаанд дотроо хадгалж, зүрх минь улам хүнд болж байлаа. Хүмүүсийн хэлсэн үг, хийсэн үйлдэл намайг дахин дахин өвтгөдөг байв. “Чи уучлах хэрэгтэй” гэж өөртөө хэлдэг ч үнэндээ дотроо тэгж чаддаггүй байсан. Заримдаа өөрийнхөө алдаа, гэмшлээ ч хүртэл уучилж чаддаггүй байлаа. Гэвч би Бурханы хайрын талаар сонссон юм. Ганцхан Тэр л намайг ямар нэг нөхцөл, болзолгүйгээр уучилсан гэдгийг ойлгосон.

Есүсийн уучлал миний зүрхэнд хүрч, бусдыг уучлах хүчтэй болсон. Уучлах үед зүрхний гомдол шарх маань аажмаар арилж, дотроо амар тайван болсон.
Одоо би Бурханы уучлалын хүчээр шинэ амьдрал дотор эрх чөлөөтэй алхаж байна.

#уучлал #бусдыгуучил #өөрийгөөуучил #Уучлал

04/12/2025

Намайг гомдоосон хүмүүсийг уучлахад хэцүү, шархалсан зүрх минь уур хилэнгээр дүүрэн байдаг байлаа. Би тэднийг уучилмаар санагддаг ч өнгөрснийг санаах бүрт уур хилэн минь буцална. Заримдаа бусдыг бус, өөрийгөө уучилж чадахгүй, өнгөрсөн алдааныхаа хүлээсэнд гинжлэгддэг байсан. Уучлал гэдэг миний хувьд боломжгүй зүйл мэт санагддаг байлаа. Гэвч би Бурханы уучлалын хүчийг мэдэрсэн тэр мөчид бүх зүйл өөрчлөгдсөн юм. Есүс миний бүх нүглийг уучилсан шиг, би ч бусдыг уучлах хүчтэй болсон.
Уучлах үед зүрхний дарамт алга болж, амар амгалан орж ирсэн юм.
Одоо би уур хилэнгийн хүлээснээс чөлөөлөгдөж, Бурханы уучлал дотор эрх чөлөөтэй амьдрах болсон...

#уучлал #бусдыгуучил #өөрийгөөуучил #Уучлал

28/11/2025

Хайр гэдэг зөвхөн сайн хүн байвал л хүмүүс өгдөг зүйл гэж боддог байлаа. Тиймээс би инээмсэглэл, амжилт, зөв зүйл хийхдээ хайрыг олох гэж хичээдэг байсан. Гэвч би алдаа гаргах бүрт тэр хайр алга болдог мэт байв. Миний зүрх жинхэнэ, бат бөх хайрыг хүсэн олж чадахгүйдээ туйлддаг байв.

Нэг л өдөр хэзээ ч өөрчлөгддөггүй хайрын Эзэн Есүстэй би учирлаа. Тэр намайг байгаагаар минь хайрласан. Бүх хүн намайг орхисон ч Түүний хайр л үлддэг юм.
#хайр #болзолгүйхайр

26/11/2025

Би хүмүүсийн сайшаалаас хайрыг олох гэж оролдсон ч тэд явах үед тэр хайр алга болдог байлаа. Би төгс байх нь хайрыг хүлээж авах зам гэж бодож, өөрийн сул талуудаа нууж, хүчтэй дүр үзүүлдэг байв.

Хайрыг хайх тусам би дотроо улам хоосорч, хайр үргэлж хүрч боломгүй зүйл мэт санагддаг байлаа. Заримдаа би хайрлуулж чадах хүн мөн үү гэж өөрөөсөө асуудаг байв. Тэгтэл би хийсэн зүйлээс минь хамаардаггүй хайрын тухай буюу Бурханы хайрын тухай сонслоо.

Одоо би хайр гэдэг нь хайж олдог зүйл биш, харин над руу ирсэн нэгэн болох Есүс гэдгийг мэднэ. Бурханы хайранд л би амар амгалан, зорилго, өөрийн харъяаллаа оллоо.

30/10/2025

Олон хүмүүсээр хүрээлүүлсэн орь ганцаар мэт. Нулимс минь дэр норгож, зүрхэн дэх хоосон зай минь нэмэгдэх шиг. Яг тэр үед Бурхан "би чамайг хэзээ ч орхихгүй" гэж шивнэсэн. Заримдаа би олны дунд байсан ч дотроо хэн ч намайг ойлгохгүй мэт ганцаардаж байлаа. Хүмүүсийн хайрыг би алдсан мэт санагдсан ч Бурханы хайр хэзээ ч тасардаггүй байжээ. Ганцаардлын мөчүүдэд надад хамгийн ойр найз минь Есүс байжээ. Ганцаардлын дунд ч би хэзээ ч ганцаараа байгаагүй гэдгээ мэднэ.

#ганцаардал #ганцаараа

28/10/2025

Нам гүм оройн салхи намайг хүрээлэхэд зүрх минь хоосон мэт санагдана. Дуу чимээгүй шөнө ганцаардал намайг бүрхэнэ. Гэвч Бурхан намуухнаар “Чи бол миний хүүхэд, чи ганцаараа биш” гэж шивнэнэ. Тэр намайг тайвшруулж, итгэлийн галыг дахин асаалаа. Нулимс минь залбирлын хэл болж хувирав. Сэтгэл минь түүний хайранд тайтгарч, ганцаардах мэдрэмжээс салав.

#ганцаардал #ганцаараа

23/10/2025

Зорилгогүй амьдрах нь харанхуйд зүг чигээ алдан төөрсөн мэт байдаг.
Чи Бурханыг таньж мэдэх үед гэрэл асаж, амьдрал утга учиртай болж эхэлдэг.
Чи бол азаар хүн төрлийг олоогүй. Харин Бурхан чамайг зорилготойгоор бүтээсэн. Чиний авьяас чадвар, асуудал, мөрөөдөл бүр чинь Бурханы том төлөвлөгөөний нэг хэсэг. Зорилготой байна гэдэг нь зөвхөн юу хийх тухай ойлголт биш. Харин Христ дотор хэн болох тухай юм.

Үл анзаарагдам хайрын үйлдэл ч Бурханы агуу зорилгыг гүйцэтгэж магад.
Өөрийн амьдралыг бусадтай бүү харьцуул. Бурханы танд бэлдсэн төлөвлөгөө цор ганц бас гайхалтайг сана. Бурхантай хамь алхсаар байх үед амьдралын хором бүр утга учиртайг улам ойлгох болно.

#бүүбуужөгөөрэй #зорилго #амжилт

21/10/2025

Миний амьдралын зорилго юу вэ гэж бодож байсан уу?
Ихэнх хүмүүс амжилт, алдар нэр эсвэл ая тухыг хайдаг ч тэр нь хоосон байдаг.
Учир нь жинхэнэ зорилго бол ололт амжилтад хүрэх биш, харин Бүтээгчтэйгээ уулзах байдаг.

Бурхан чамайг зорилготой бүтээсэн. Бүхий л авьяас чадвар, асуудал, түүх бүрийг чинь Бурханд чухал. Бурхан чиний зорилгыг алхам алхмаар илчилнэ. Тиймээс Бурхантай цаг гаргаарай.
#бүүбуужөгөөрэй #зорилго #амжилт

09/10/2025

Бидний хэн ч бүтэлгүйтлээс зугтаж чадахгүй. Заримдаа бидний алдаа бусдад ч, өөрт ч их өвдөлт авчирдаг. Гэхдээ Библид “Зөвт хүн долоон удаа унадаг ч дахин босдог” гэж бичсэн байдаг.

Бүтэлгүйтэл бол уналт биш, харин дахин босох боломж юм.
Бурхан биднийг буруу замаас эргүүлж, зөв замд хөтөлдөг.
Тэр таны уналтыг сургамж болгон хувиргаж чадна. Тиймээс бүтэлгүйтлээ өөрийн үнэлэмж гэж бүү бод, харин сургамж гэж хар.
Учир нь Бурхантай хамт таны хамгийн харанхуй мөч хүртэл ирээдүйн гэрэл болж чадна.

#бүтэлгүйтэл #бүүбуужөгөөрэй #амжилт

07/10/2025

Та хэзээ нэгэн цагт ямар ч хийсэн зүйл тань бүтэхгүй мэт бүтэлгүй хүн шиг мэдэрч байсан уу?

Таны төлөвлөгөө бүтэлгүйтэж, мөрөөдөл шантарч, хүчин чармайлт тань дэмий мэт санагдаж байна уу? Бүтэлгүйтэл шивнэхдээ “Чи хангалттай сайн биш" гэдэг.
Харин Бурхан: “Миний нигүүлсэл чамд хангалттай, учир нь Миний хүч чадал сул дорой үед төгс болдог” гэдэг. Бүтэлгүйтэл бүрийг Бурхан амжилтад хүргэх алхам болгон өөрчилж чадна

Загалмай хамгийн том бүтэлгүйтэл мэт харагдсан ч хамгийн агуу ялалт болсон. Бурхантай хамт буй түүх бүтэлгүйтлээр төгсөхгүй. Харин итгэл найдвараар шинээр эхэлнэ. Бүү бууж өг, Бурхан таны бүтэлгүйтлийг Өөрийн гэрчлэл болгон хувиргаж чадна.

#бүтэлгүйтэл #бүүбуужөгөөрэй #амжилт

Address

Ulaanbaatar

Website

facebook.com

Alerts

Be the first to know and let us send you an email when True Friend Жинхэнэ Найз posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Non Profit Organization in Ulaanbaatar?