Chuluut Tul, New Millennium Building, 15th Khoroo, Khan-Uul district, Ulaanbaatar (2026)

Q: What is the address?

New Millennium Building, 15th Khoroo, Khan-Uul District

09/06/2026

Бидний Чулуут гол дээр хэрэгжүүлж буй загас үржүүлгийн ажил амжилттайгаар дараа дараагийн шатандаа орж, бойжуулсан жарамгайнуудаа удахгүй байгальд нь буцаан тавихад бэлэн болоод байгааг дуулгахад таатай байна.

Бид 6-р сарын 13-ны өдөр Сэлэнгэ мөрний эх, Чулуут голын ай савд байрлах төслийн талбайн ойролцоо жарамгайнуудаа голд тавихаар төлөвлөж байна. Манай төслийг дэмжих, хамтран ажиллах сонирхолтой хэн бүхэнд бид нээлттэй. Та бүхнийг жарамгайг голд тавих үйл ажиллагаанд оролцож, бидний ажлыг газар дээр нь танилцахыг урьж байна.

Үржүүлгийн ажлын товч мэдээлэл:
Шивэр хадран загасны үр тогтсон түрсний хөврөлийн хөгжлийн үе 14–21 хоногт үргэлжилж, энэ хугацаанд авгалдай амжилттай бойжин гарсан. Эхний инкубацийн аппарат дээр 5-р сарын 23-нд, хоёр дахь аппарат дээр 5-р сарын 25-нд тус тус түрсний хальс задарч, авгалдай гарсан бөгөөд анхны авгалдайн биеийн урт 11 мм байв.

Мөн шөвгөр хоншоорт зэвэг загасны үр тогтсон түрснээс авгалдай амжилттай гарч, эхний авгалдайн урт 13 мм байсан. Өнөөдрийн байдлаар жарамгайнууд маань бүгд эсэн мэнд, эрүүл бойжиж, идэвхтэй хөдөлгөөнтэй болсон байна.

Бидний үйл ажиллагааг үргэлж дэмжин хамтран ажилладаг бүх байгууллага болон хүмүүстээ гүн талархал илэрхийлье. Мөн энэхүү ажлыг амжилттай хэрэгжүүлэхэд үнэтэй хувь нэмэр оруулж буй биологичид, мэргэжилтнүүддээ чин сэтгэлийн талархал илэрхийлж байна.

Conservation First
Хамгаалал Эн Тэргүүнд

🌐www.chuluuttul.org
🌐www.naturalfishbreeders.org
🌐www.ilenkh.org

Ilenkh Natural Fish Breeders NGO

#загасүржүүлэг #чулууттул #Байгаль #БайгальХамгаалал #Архангай #Булган

06/06/2026

Манай байгууллагын хэрэгжүүлж буй “Илэнх” төсөл албан ёсны хуудсаа нээлээ. Та бүхэн “Ilenkh ” хуудсыг дагаж, төслийн үйл ажиллагаа, судалгаа шинжилгээ, байгаль хамгааллын ажлын явцтай тогтмол танилцаарай.

Conservation First
Хамгаалал Эн Тэргүүнд

Ilenkh Natural Fish Breeders NGO

#Байгаль #БайгальХамгаалал #загасүржүүлэг

31/05/2026

English below ⬇️

Улаанбаатар Аялал Жуулчлалын Үзэсгэлэн 2026 амжилттай өндөрлөлөө

2026 оны 5-р сарын 29–31-ний өдрүүдэд зохион байгуулагдсан Улаанбаатар Аялал Жуулчлалын Үзэсгэлэн 2026-д манай хамт олон А23 асарт үйл ажиллагаа, төсөл хөтөлбөрүүдээ танилцуулан оролцлоо.

Эдгээр өдрүүдэд манай асарт хүрэлцэн ирж, үйл ажиллагаатай танилцан, санал бодлоо хуваалцаж, хамтын ажиллагааны боломжуудын талаар ярилцсан бүх байгууллага, хамтрагчид болон зочдод чин сэтгэлийн талархал илэрхийлье.

Цаашид ч бид хамтын ажиллагаанд нээлттэй байж, тогтвортой хөгжил, аялал жуулчлалын салбарын өсөлтөд хувь нэмэр оруулах олон шинэ санаа, төслүүдийг хамтдаа хэрэгжүүлэхдээ таатай байх болно.

Үзэсгэлэнг амжилттай зохион байгуулсан нийт зохион байгуулагчид болон оролцогч байгууллагууддаа баяр хүргэж, цаашдын ажил үйлст нь өндөр амжилт хүсье.
___________________

Thank You for Visiting Us at the Ulaanbaatar Tourism Expo 2026

From May 29–31, our team had the pleasure of participating in the Ulaanbaatar Tourism Expo 2026, where we showcased our activities, projects, and future initiatives at Booth A23.

We would like to extend our sincere gratitude to everyone who visited our booth, took the time to learn about our work, shared valuable insights, and explored potential opportunities for collaboration.

The meaningful conversations and connections made throughout the exhibition have been truly inspiring. We remain committed to building strong partnerships and working together toward sustainable growth and innovation in the tourism sector.

Thank you to the organizers, fellow exhibitors, partners, and visitors for making this event a great success. We look forward to staying connected and collaborating in the future.

24/05/2026

Манай хамт олон Улаанбаатар Аялал Жуулчлалын Үзэсгэлэнд оролцох болсноо та бүхэнд дуулгахад таатай байна.

Тус үзэсгэлэн нийт 3 өдрийн турш зохион байгуулагдах бөгөөд энэ хугацаанд та бүхэн манай төслийн үйл ажиллагаа, цаашид хэрэгжүүлэхээр төлөвлөж буй ажлуудтай танилцах боломжтой.

Мөн бидний үйл ажиллагааг дэмжих, хамтран ажиллах сонирхолтой бол 5 сарын 29-нөөс 5 сарын 31-ний өдрүүдэд Сүхбаатарын талбайд байрлах асарт хүрэлцэн ирээрэй. Манай хамт олон А23 дугаарын бүүтэд байрлах болно.

13/05/2026

2026 оны хаврын загас үржүүлгийн ажлын хүрээнд манай хамт олон, Хадран болон Зэвэг загасны түрсийг зохиомлоор үр тогтоон авч, лабораторийн нөхцөлд бойжуулах ажлыг амжилттайгаар 8 дахь жилдээ үргэлжлүүлэн хийж байна.

5 дугаар сарын 3, 5-ны өдрүүдэд Хадран загасны нийт 400,000 ширхэг түрсийг үр тогтоон авч, 10 сетик-т байршуулсан. Үүнээс хойш бид өдөр бүр түрсний бойжилтын явцыг хянаж, хорогдсон түрсийг түүж цэвэрлэн, усны орчин болон нөхцөлийг тогтмол ажиглаж байна.

Өнөөдрийн байдлаар Хадран загасны түрс 10 дах хоногтоо орж, нүд үүсэх шатандаа хүрч, түрсэн дотор хөдөлгөөн орж эхэллээ. Энэ нь түрсний бойжилт хэвийн явагдаж байгааг илтгэж байна.

Мөн Зэвэг загасны 100,000 гаруй ширхэг түрсийг үр тогтоон авч, 6 сетик-т байршуулан бойжуулж байна. Одоогоор Хадран болон Зэвэг загасны түрсний бойжилт хэвийн үргэлжилж байгаа бөгөөд зэвэг загасны түрсэнд хөдөлгөөн хараахан үүсээгүй байна.

Энэхүү ажил нь байгалийн загасны нөөцийг хамгаалах, нөхөн сэргээх, усны амьд биетийн олон янз байдлыг хадгалах, гол мөрний экосистемийн тэнцвэрт байдлыг дэмжихэд чиглэсэн чухал ач холбогдолтой юм.

Гол мөрөн Бидний өв
Гол усаа хамтдаа хайрлацгаая

#загасүржүүлэг #чулууттул

11/04/2026

Байгалийн Загас Үржүүлэгчид ТББ болон Чулуут тул ТББ нь SHOAL Conservation-ийн Local Action Partner болсон тухайгаа албан ёсоор зарлаж байгаадаа таатай байна. 🤝🤝🤝

SHOAL Conservation нь Их Британид төвтэй, дэлхийн олон байгууллагуудыг нэгтгэн холбож нэг зорилго дор цэнгэг усны загас болон тэдгээрийн амьдрах орчныг хамгаалахад чиглэдэг байгууллага юм. Тус байгууллага нь орон нутгийн хамгааллын төслүүдийг дэмжиж, мэдлэг туршлага солилцох, шинэлэг санаа шийдлүүдийг хуваалцах боломжийг бүрдүүлж, хамтын ажиллагааг өргөжүүлэх замаар дэлхий даяар цэнгэг усны экосистемийн доройтлыг бууруулахад том хувь нэмэр оруулдаг.

Энэхүү хамтын ажиллагааны хүрээнд бид Монголын гол мөрний экосистемийг хамгаалах, мөн тул (taimen), зэвэг (lenok), хадран (grayling) зэрэг ховор, устаж болзошгүй загасны зүйлүүдийг хамгаалах ажлаа улам бэхжүүлэх болно. Мөн түүнчлэн өөрсдийн арга байрлал болон өөрсдийн судлаачидын мэдлэг туршлагыг сайжруулах хүрээнд олон улсын хурал чуулга, сургалт семинар гэх мэт хөтөлбөрүүдэд хамрагдах боломжуудыг нээж байгаа юм.

🌐 shoalconservation.org
🌐 naturalfishbreeding.org
🌐 chuluuttul.org

#Байгалийнзагасүржүүлэгчид #ЧулуутТул #Монгол #БайгальХамгаалал #ЦэнгэгУс #тул

02/04/2026

Үнийн санал илгээсэн та бүхэнд баярллаа. Энэ удаагын ажлыг Тариат сумын Алтаад багийн иргэд, П. Баатархүү, Э. Хишигбаатар нар 6,850,000 төгрөгийн үнийн санал илгээн шалгарлаа.

06/01/2026

📢НЭЭЛТТЭЙ ТЕНДЕР ЗАРЛАЖ БАЙНА 📢
Чулуут тул төслийн хүрээнд хэрэгжүүлж буй загас үржүүлэх ажлын, гүйцэтгэгчийг шалгаруулах НЭЭЛТТЭЙ ТЕНДЕР зарлаж байна.
Доорх холбоосоор орж тендерийн материалтай танилцаарай.
Холбоо барих: 89891809
https://drive.google.com/drive/folders/1b4rFFXUwIokRAk8n8czGiLN3jSlmDAFf?usp=sharing

21/12/2025

Ердийн тул /Hucho taimen, Pallas 1773/🌎🌍🌏 талаар танин мэдэхүйн мэдээлэл бэлтгэн хүргэж байна.

03/12/2025

Чулуут тул төсөл нь усан орчны хамгаалал, загас үржүүлгийн үйл ажиллагааг шинжлэх ухаанд суурилан, мэргэжлийн судлаачдаар хүний нөөцөө бүрдүүлэн тасралтгүй 7дахь жилдээ үйл ажиллагаагаа тогтвортой явуулсаар байгаа билээ.

Бидний үйл ажиллагаатай холбоотой мэдээлэл дор нэр нь үл мэдэгдэх, хуурамч эсвэл тодорхой бус профайлтай хэрэглэгчдийн бичсэн сэтгэгдэл бүрд бид тайлбар өгөх боломжгүй тул дараах уриалгийг гаргаж байна.

Chuluut Tul

09/06/2026

06/06/2026

31/05/2026

24/05/2026

13/05/2026

11/04/2026

02/04/2026

06/01/2026

21/12/2025

03/12/2025

Address

Website

Alerts

Shortcuts

Share

Category