Монголын мэргэшсэн нягтлан бодогчдын институт

10/07/2026

Монгол түмэндээ Үндэсний их баяр наадмын мэнд дэвшүүлье.
Дэлхий дэлэгнэж
Дэнж хотойтол
Дэлгэр өргөн
Сайхан наадаарай!

08/07/2026

Судлаачдаас суралцахуй цуврал лекц #2

07/07/2026

ММНБИ-ИЙН УДИРДАХ ЗӨВЛӨЛИЙН ОЛОН НИЙТИЙН ТӨЛӨӨЛЛИЙН ГИШҮҮНИЙ СОНГОН ШАЛГАРУУЛАЛТ ЗАРЛАГДЛАА

ММНБИ-ийн дүрмийн 16 дугаар зүйлийн 16.2, Удирдах зөвлөлийн 2026 оны 06 дугаар сарын 18-ны өдрийн 26/19 дүгээр тогтоолоор батлагдсан “Удирдах зөвлөлийн олон нийтийн төлөөллийн гишүүнийг сонгон шалгаруулах журам”-ын 4 дүгээр зүйлийн 4.1, 4.2.1 дэх заалтыг тус тус үндэслэн “Удирдах зөвлөлийн олон нийтийн төлөөллийн гишүүн”-ий нээлттэй сонгон шалгаруулалтыг зарлаж байна.
• Сул орон тоо: 3 (гурав)
• Сонгон шалгаруулалтын үе шат: Өргөдөл хүлээн авах → Урьдчилсан шалгаруулалт → Ярилцлага → Томилгоо

• Тавигдах шаардлага
- Нийгэмд болон мэргэжлийн салбартаа нэр хүндтэй;
- ММНБИ-ийн гишүүн бус;
- Мэргэжлийн байгууллагын засаглал, стратеги төлөвлөлт, хөгжлийн бодлого боловсруулах туршлага, чадвартай;
- Нийгэм, олон нийтийн итгэл, хөрөнгө оруулагчдын эрх ашгийг хамгаалахад нягтлан бодох бүртгэл, аудитын тогтолцооны үүрэг, оролцоо, ач холбогдлыг таниулах, бодлогод нөлөөлөх туршлага, чадвартай;
- Олон нийтийн ашиг сонирхлыг төлөөлсөн мэргэжлийн байгууллага, зөвлөл, хороонд удирдах үүрэгтэй ажилласан туршлагатай;
- Институтийн УЗ-ийн хурал, холбогдох үйл ажиллагаанд тогтмол оролцоход хангалттай цаг боломжтой байх;
- Ёс зүйн зөрчил гаргаж байгаагүй;
- Гэмт хэрэгт холбогдон шүүхээр ял шийтгүүлж байгаагүй.

• Бүрдүүлэх материал
- Нэр дэвших тухай өргөдөл – /Өргөдөлд мэргэжлийн байгууллагын хөгжилд оруулах хувь нэмэр, хийж бүтээхээр төлөвлөж буй ажлын талаар мөрийн хөтөлбөр байдлаар дэлгэрэнгүй тусгасан байна./
- Намтар (CV);
- Иргэний үнэмлэхний лавлагаа
- Боловсролын диплом, мэргэжлийн үнэмлэхний хуулбар;
- Одоо ажиллаж буй ажлын газрын тодорхойлолт
- Ёс зүйн шаардлага хангаж буй тухай баталгаажуулалт;
- Иргэний эрүүгийн хариуцлага хүлээж байсан эсэх тухай тодорхойлолт;
- Судалгаа, нийтлэл, мэргэжлийн бүтээлийн жагсаалт;

• Материал хүлээн авах хугацаа: 2026.07.07-2026.08.07-ны өдрийг дуустал
• Материал хүлээн авах хаяг: [email protected] цахим хаягаар материалуудыг нэгтгэн 1 PDF болгон ирүүлнэ.
• Холбогдох ажилтан, утас: Удирдах зөвлөлийн Ажлын албаны дарга, 95290020

Дэлгэрэнгүй мэдээлэл болон Өргөдлийн маягтыг дараах линкээс авна уу. https://monicpa.mn/c/576093?content=6577861

06/07/2026

УДИРДАХ ЗӨВЛӨЛИЙН ЭЭЛЖИТ ХУРЛААР ИНСТИТУТИЙН 2026 ОНЫ ХАГАС ЖИЛИЙН ҮЙЛ АЖИЛЛАГААНЫ ТАЙЛАНГ ХЭЛЭЛЦЛЭЭ.

Монголын Мэргэшсэн Нягтлан Бодогчдын Институт (ММНБИ)-ийн Удирдах зөвлөлийн ээлжит хурал 2026 оны 07 дугаар сарын 03-ны өдөр болж, Институтийн 2026 оны эхний хагас жилийн үйл ажиллагааны төлөвлөгөөний хэрэгжилт, үр дүнг хэлэлцэж, цаашид хэрэгжүүлэх арга хэмжээнд анхаарч ажиллах талаар холбогдох үүрэг, чиглэлийг өглөө.

Мөн хурлаар “СТОУС: Тогтвортой байдлын тодруулгын стандартыг нэвтрүүлэх боломжийн судалгаа”-ны тайлантай танилцаж, үр дүнг хэлэлцэн холбогдох байгууллагуудтай хамтын ажиллагааг өргөжүүлэх, олон улсын сайн туршлагад нийцүүлэн стандартын нэвтрүүлэлтийг үе шаттайгаар хэрэгжүүлэх чиглэлээр санал солилцов.

06/07/2026

ММНБИ-ийн Эрдмийн зөвлөлөөс багш, судлаач, нягтлан бодогч, санхүүчдэд зориулсан “Судлаачдаас суралцахуй” цуврал лекцийн 2026 оны хоёрдахь дугаарыг “СТОУС: Тогтвортой байдлын тодруулгын стандартыг нэвтрүүлэх боломжийн судалгаа”-ны тайлан сэдвээр зохион байгуулна.

Хугацаа: 2026.07.08
Цаг: 15.00-16.10
Хэлбэр: Онлайн /Facebook LIVE/

25/06/2026

25/06/2026

МНБ-ийн Тангараг өргөх ёслол-2026

25/06/2026

Мэргэшсэн нягтлан бодогчийн эрх олгох шалгалтад амжилттай тэнцэж, “Монгол Улсын мэргэшсэн нягтлан бодогч” цол хүртсэн нягтлан бодогчид 2026 оны 6 дугаар сарын 25-ны өдөр мэргэжлийн ёс зүйгээ эрхэмлэн ажиллахаа батлан тангараг өргөлөө.
2026 оны эхний хагас жилд орон нутаг болон Улаанбаатар хотод зохион байгуулагдсан Мэргэшсэн нягтлан бодогчийн эрх олгох шалгалтад нийт 979 шалгуулагч хамрагдсанаас 119 нь тэнцэж, мэргэшсэн нягтлан бодогчийн эрхийг шинээр авлаа.

Монголын Мэргэшсэн Нягтлан Бодогчдын Институт (ММНБИ) нь 2026 онд үүсэн байгуулагдсаны 30 жилийн ойтойгоо золгож байгаа бөгөөд өнөөдрийн байдлаар улсын хэмжээнд нийт 6,081 мэргэшсэн нягтлан бодогчийг бэлтгээд байна.

Мөн энэ өдөр ММНБИ-ийн 101 гишүүн Хугацаагүй эрхт мэргэшсэн нягтлан бодогчийн гэрчилгээ, 61 гишүүн Аудит ба баталгаажуулах үйлчилгээ эрхлэх эрхийн батламжаа гардан авлаа.

Мэргэжлийн үнэ цэнээ нэмэгдүүлж, 🇲🇳 мэргэшсэн нягтлан бодогч болсон шинэ гишүүд болон Хугацаагүй эрхтэй мэргэшсэн нягтлан бодогчид, Аудиторууддаа чин сэтгэлийн баяр хүргэж, цаашдын ажил үйлсэд нь өндөр амжилт хүсэн ерөөе! 👏👏👏

24/06/2026

ММНБИ-ийн төлөөлөл OECD-ийн “Татвар ба хөгжлийн өдрүүд 2026” хэлэлцүүлэгт оролцлоо

Эдийн засгийн хамтын ажиллагаа, хөгжлийн байгууллага (OECD)-аас зохион байгуулсан “Татвар ба хөгжлийн өдрүүд 2026” олон улсын арга хэмжээний хүрээнд “Татвар төлөгчийн татвар төлөх итгэлийг бэхжүүлэх нь” сэдэвт хэлэлцүүлэг 2026 оны 6 дугаар сарын 17-18-ны өдpүүдэд цахимаар зохион байгуулагдлаа.

Тус хэлэлцүүлэгт ММНБИ-ийн Үйл ажиллагаа хариуцсан захирал П.Баттуул оролцож, “Татвар төлөх итгэлийг бий болгоход мэргэшсэн нягтлан бодогчид, татварын зөвлөх мэргэжилтнүүдийн гүйцэтгэх үүрэг” сэдвээр Монгол Улсын туршлага, нягтлан бодох бүртгэлийн мэргэжлийн байгууллагын хэрэгжүүлж буй үйл ажиллагаа, байр суурийг илэрхийлж оролцов.
Илтгэлдээ, Татвар төлөгчид татварын хууль тогтоомжийг сайн дураар даган мөрдөхөд татварын системийн шударга байдал, мэдээллийг итгэлтэй эх сурвалжаар дамжуулан ойлгомжтой хүртээмжтэй түгээх, мөн мэргэшсэн нягтлан бодогчид нь татвар төлөгчид болон татварын албаны хоорондын итгэлцлийг бэхжүүлэх гүүр болж ажилласнаар, татварын хууль тогтоомжийн хэрэгжилтийг дэмжих, улмаар татварын ёс зүйг төлөвшүүлэхэд чухал үүрэг гүйцэтгэдэг болохыг онцлов.

Тус арга хэмжээнд татварын албад, олон улсын байгууллагууд, мэргэжлийн байгууллагууд болон судлаачдын төлөөлөл болох нийт 450 оролцогчид татварын ёс зүй, итгэлцэл, албан бус эдийн засгийг бууруулах, татвар төлөгчдийн сайн дураар хууль даган мөрдөлтийг нэмэгдүүлэх асуудлаар санал солилцов.
Илтгэлийг үзэх:
https://www.youtube.com/watch?v=P3Vqh6Abcow&t=2203s эхлэх минут 35:55

19/06/2026

УДИРДАХ ЗӨВЛӨЛИЙН ЭЭЛЖИТ ХУРАЛ БОЛЛОО.

Удирдах зөвлөлийн ээлжит хурал 2026 оны 06 дугаар сарын 18-ны өдөр зохион байгуулагдаж, мэргэшсэн нягтлан бодогчийн эрх олгох шалгалтанд тэнцсэн 115 нягтлан бодогчид Мэргэшсэн нягтлан бодогчийн эрхийг 4 жилийн хугацаатай, ахисан түвшний дөрвөн шалгалтанд тэнцсэн 101 нягтлан бодогчид мэргэшсэн нягтлан бодогчийн эрхийг хугацаагүй олгохоор тус тус шийдвэрлэлээ.
Мөн “Удирдах зөвлөлийн олон нийтийн төлөөллийн гишүүнийг сонгон шалгаруулах журам”-ыг баталлаа.