30/07/2026
ЗАРЛАЛ - Зан үйл заслын AБA аргачлалын гэр бүлд төвлөрсөн одоогийн чиг хандлага сургалт болно.
АНУ- ын Техасын Их Сургуулийн Тусгай хэрэгцээт боловсролын тэнхимийн багш Жэймс Ли (PhD, MPH, BCBA-D) гуравдахь удаагаа манай улсад Монголын Аутизмын Холбооны урилгаар хүрэлцэн ирж ажиллах гэж байна.
Сургалтын агуулга
1. Зан үйл заслын AБA аргачлалын гэр бүлд төвлөрсөн одоогийн чиг хандлага (2 цаг)
• AБA-ийн өнөөгийн хөгжлийн чиглэл
• Хүүхдийн утга учиртай харилцаа холбоо, бие даасан байдал,
• Хүүхдийн сонирхол, сонголт, өдөр тутмын амьдралын хэв маягийн дэмжлэг, гэр бүлийн амьдралын чанарыг АБА-д хэрхэн онцолж буй талаар
• Асуудалтай зан үйлийг ойлгож, эерэгээр дэмжих арга зам, хариу үйлдэл үзүүлэхтэй холбоотой RUBI -гийн жишээ, практик зөвлөмжүүд
2. Асуулт, хариулт (1 цаг)
Оролцогчид Dr. James D. Lee-тэй шууд ярилцаж, ABA болон зан үйлийн дэмжлэгтэй холбоотой асуултуудаа асуух боломжтой.
3. ДЭМБ-ын Асран хамгаалагчдын ур чадварыг сайжруулах сургалтын (CST) хөтөлбөрийн танилцуулга (0.5-1 цаг)
• ДЭМБ-ын боловсруулсан CST хөтөлбөр
• Монгол Улсад хэрэгжүүлсэн туршилтын төсөл
• Эхний үр дүн, цаашдын хэрэгжилтийн тухай
Огноо: 2026.08.06
Хугацаа: 09:00-13:00 /4 цаг/
Байршил: Япон-Монгол төвийн хурлын танхим
Бүртгэл дүүрсэн
жич: Танхимын багтаамжаас хамааран бүртгүүлээгүй бол хамрагдах боломжгүй.
Эцэг эх, асран хамгаалагч, багш мэргэжилтнүүдэд зориулсан сургалт
Жэймс Ли багш нь CST хөтөлбөрийн АНУ-ын талаас холбоо харилцааны зохицуулагч бөгөөд 2024 онд манай холбооны урилгаар ирэхдээ Autism Speaks байгууллагатай хамтран манай холбооноос хэрэгжүүлэх гэж байгаа “Асран хамгаалагчдын ур чадварын сургалт (CST)”-ын туршилтын төслийг эхлүүлэхээс гадна эцэг эхчүүдэд зориулж “АБА”-г гэрийн нөхцөлд хэрхэн хэрэгжүүлэх тухай сургалт хийж, гэр бүлүүдэд бүлгийн зөвлөгөө өгсөн билээ.
Энэ удаад Жэймс багшийн ирж байгаа гол зорилго бол ДЭМБ-ын “Асран хамгаалагчдын ур чадварыг сайжруулах CST” хөтөлбөрийг Монгол Улсад нэвтрүүлсэн талаар мэдээлж, уг хөтөлбөрийг цаашид өргөжүүлэн, төрийн бодлогын дэмжлэгтэйгээр хамтран ажиллах боломж, тус хөтөлбөрийг тогтвортой хэрэгжүүлэх, хүний нөөцийг чадавхжуулах, орон нутагт өргөжүүлэх гэх мэт цаашдын алхмуудыг судлах юм.
