14/09/2026
Ховд аймгийн залуучуудын холбооны ээлжит VI чуулганд Улаанбаатар хотоос хүрэлцэн ирж чуулганыг удирдан зохион байгуулсан МЗХ-ны ерөнхийлөгч Б.Бэлгүтэй, МТХ-ны тэргүүн дэд ерөнхийлөгч Б.Дөл, МЗХ-ны хяналтын ерөнхий зөвлөлийн нарийн бичгийн дарга н.Гандорж нартаа баярлалаа.
Мөн тус чуулганаар аймгийн залуучуудын холбооны тэргүүнд Буянт сумын ардчилсан намын дарга, ардчилсан залуучуудын холбооны гишүүн Я. Загд-Очир болон Ховд аймгийн Жаргалант сумын ИТХ-ын төлөөлөгч Ц. Билгүүн нар өрсөлдөж Ховд аймгийн Залуучуудын холбооны тэргүүнээр Я. Загд-Очир нийт сонгогчдын 70 хувийн санал авч тэргүүллээ.
Ховд аймгийн залуучуудын холбоог тэргүүлэх 35 дахь тэргүүнээр сонгогдсон Я.Загд-Очир аймгийн залуучуудын холбооны тэргүүний үүргийг орлон гүйцэтгэгч З. Баянмөнхөөс тамга, салбарын гэрчилгээг хүлээн авч ирэх 2 жилийн хугацаанд Ховд аймгийн залуучуудын төлөөлөл болон ажиллахаа илэрхийллээ.
Мөн тус чуулганд аймгийн Залуучуудын холбооны тэргүүн асан Ш.Батжаргал хүрэлцэн ирж өөрийн ажилласан хугацаанд хийсэн ажлын тайлангаа тавьж холбооны туг, болон бусад дурсгалын зүйлсыг дурсгаж, мөн МЗХ-ны Ерөнхийлөгч Б. Бэлгүйтэйд МЗХ-ны лого бүхий адууны тамга гардуулж өгөв.
Шинэ тэргүүнээр сонгогдсон Я. Загд-Очирын саналаар Аймгийн залуучуудын холбоо нь 3 дэд тэргүүнтэй байхаар шийдвэрлэж Ц. Билгүүн, Б. Энхтунгалаг, П. Ганпүрэв нарын сонгож хамтран ажиллахаар боллоо.
Аймгийн залуучуудын холбоо нь 17 тэргүүлэгч гишүүн, хяналтын зөвлөлийн 3 гишүүнтэйгээр нийт 20 хүний бүрэлдэхүүнтэй ажиллахаар боллоо.
Шинэ сонгогдсон Ховд аймгийн залуучуудын холбооны баг бүрэлдэхүүнд цаашдын ажил үйлсэд нь амжилт хүсэж, залуучуудын төлөө шинийг санаачлан бүтээлч үйлсээр дүүрэн байхыг хүсэн ерөөе.
