05/09/2025
Эрхэм хүндэт барилгачид, инженерүүд, үе үеийн бүтээн байгуулагчид аа,
Монгол Улсад барилгын салбар үүсэж хөгжсөний түүхт 99 жилийн ойг тохиолдуулан та бүхэнд Ховд аймгийн Залуу инженерүүдийн холбооны нэрийн өмнөөс баярын мэндчилгээ дэвшүүлж байна.
Энэ салбарын хөгжил дэвшил, бүтээн байгуулалтын үнэ цэнтэй түүхийг бүтээлцэж, хөдөө хот, аймаг сумгүй эх орны өнцөг булан бүрт хөдөлмөр зүтгэлээ зориулж ирсэн үе үеийн инженер, техникийн ажилтан, барилгачдын гавъяа зүтгэлийг бид үеийн үед бахархалтайгаар тэмдэглэж байдаг.
Өнөөдөр залуу үеийнхэн бид та бүхний түүхэн уламжлалыг өвлөн авч, орчин цагийн шинэ технологи, шинэлэг шийдэлтэй хослуулан нутаг орон, эх орныхоо хөгжил цэцэглэлтийн төлөө чармайн ажиллаж байна.
Энэ түүхт ойг тохиолдуулан барилгын салбарын нийт хамт олон, үе үеийн ахмад буурлууд, шинэ үеийн залуу инженер, барилгачид та бүхэнд эрүүл энх, ажил үйлсийн өндөр амжилт, гэр бүлийн аз жаргал, бүтээлийн арвин ололтыг хүсэн ерөөе.
Барилгын салбарын 100 жилийн их ойдоо улам их амжилтаар хүрэх болтугай!
Хүндэтгэсэн,
Ховд аймгийн Залуу инженерүүдийн холбоо
