12/08/2026
📍 InclusiveTalk 2: Отгоны Саранчулуун гишүүний зохион байгуулсан #Эпилепси уулзалт дээр ХБХЭЭХолбооноос ямар мэдээлэл хүргэсэн бэ?
2026.08.11-нд болсон "InclusiveTalk 2: Уналт, таталттай хүүхдийн асран хамгаалагчид, насанд хүрэгчдийн уулзалт"-д Хөгжлийн Бэрхшээлтэй Хүүхэдтэй Эцэг Эхчүүдийн Холбоо 2 илтгэл тавьж оролцлоо.
📊 Тавьсан илтгэл, дүгнэлт:
1️⃣ "Цаасан дээрх эрхийг амьдрал руу шилжүүлэх нь" (илтгэгч: Эпилепси бүлгийн ахлагч, Паралегал-Эрхзүйн хөтөч Ч.Элбэгдорж)
▪️ Хууль эрх зүйн хувьд эм авах эрх (ЭМД-ын 70-100% хөнгөлөлт, Төрөөс үнэгүй олгох жагсаалт) БАЙГАА хэдий ч бодит амьдрал дээр иргэд эмээ авч чадахгүй байгаа тодорхой шалтгаанууд — ханшийн зөрүү, жагсаалтад ороогүй эм, орон нутагт эмийн сан гэрээ хийдэггүй зэрэг иргэдийн бодит тохиолдлыг баримтжуулан танилцуулав.
2️⃣ Эпилепсийн эсрэг эмийн хангамж, хүртээмжийн судалгаа (илтгэгч: ХБХЭЭХолбооны Гүйцэтгэх захирал С.Сэлэнгэ) (2025→2026 харьцуулалт, судалгаанд хамрагдсан 253→212)
▪️ Орон нутагтаа эмээ авч чадахгүй байгаа иргэдийн хувь: 58.9% → 64.2% (өссөн муу үзүүлэлттэй)
▪️ Төрөөс төлбөрийг нь хариуцан амбулатори-нийтийн эмийн сангаар олгодог эмийн тухай мэдэхгүй иргэд: 2 жил дараалан ~ судалгаанд хамрагдсан хүмүүсийн 80%
▪️ Урбанил зэрэг тогтмол дутагдалтай эм: 2 жил дараалан хомсдолтой хэвээр байна гэж гарлаа. ...
📋 Бид дараах бодлогын зөвлөмжийг дэвшүүлсэн: мэдээлэл хүртээмжтэй болгох, орон нутгийн хангамжийг сайжруулах, тогтмол дутагдалтай эмийг тэргүүлэх ач холбогдолтойгоор шийдэх, хэрэгжилтийн хариуцлагыг тодорхой болгох.
Бидний илтгэлийн гол мессеж энгийн: Монгол улсад хэдийн орж ирсэн эпилепсийн эмээ авч чадахгүй байдал байсаар байна. Хууль, журам хангалттай байгаа хэдий ч хэрэгжилт дутмаг байна. Иргэдийн жинхэнэ ярианаас: "эмийн сан гэрээ хийхгүй", "тендэр зарлаж байж эмээ олгоно гэсээр бүтэн жил дамжсан". ЭМДҮЗөвлөлөөс гаргасан тогтоол дараалан 2 жил хэрэгжээгүй тухай "хов" хүргэсэн. Зарим эм ханган нийлүүлэгч компани оруулж ирсэн эпилепсийн эмээ өвчтөнгүүдэд хүргэх тогтолцооны ажиллагаагүй байдлаас болж устгалд оруулахад хүрчээ.
Бид энэ судалгаагаа 2025 оноос хойш тогтмол хийж, олж авсан үр дүнгээ бодлого тодорхойлогч, хэрэгжүүлэгч бүх талд хүргэсээр байна. Тоо баримт бидэнд байна — харин эдгээрийг бодит өөрчлөлт болгон хувиргах нь одоо үүрэг хүлээгч талуудаас (ЭМДЕГ, ЭМЯ, бүх шатны эрүүл мэндийн байгууллага) хамаарна. Бид хэрэгжилтийг тогтмол хянаж, дараагийн шатанд албан бичиг, тайлангаар дэвшүүлсээр байх болно.
Иргэдийнхээ эрх, эрүүл мэнд, амьд явах эрхийн төлөө бид судалгаа, нотолгоотойгоор дуугарсаар байх болно.
Хэрвээ та бидний 1р илтгэлийг бүрэн эхээр нь үзэхийг хүсвэл доорх линк дээр дарна уу.
https://youtu.be/5U-zlxp2Rkc?si=wvXFWLO2McT4zw9D
#хбхээх #эпилепси #эмийнхүртээмж #бодлогынсудалгаа #иргэдийнэрх
Enjoy the videos and music you love, upload original content, and share it all with friends, family, and the world on YouTube.
