08/09/2026
“ҮЙЛДВЭРЛЭЖ БҮТЭЭЕ – ХӨДӨЛМӨРЛӨЖ ХӨГЖЬЕ” ҮЗЭСГЭЛЭН ХУДАЛДАА АМЖИЛТТАЙ ЗОХИОН БАЙГУУЛАГДЛАА.
👍 Хөдөлмөр эрхлэлтийг дэмжих сангийн санхүүгийн дэмжлэгт хамрагдсан ахмад иргэдийн үйлдвэрлэсэн, бүтээсэн бараа бүтээгдэхүүнийг олон нийтэд сурталчлан таниулах, борлуулалтыг нэмэгдүүлэх, ахмадын хөдөлмөр эрхлэлтийг дэмжих зорилгоор “Үйлдвэрлэж бүтээе – Хөдөлмөрлөж хөгжье” бие даасан үзэсгэлэн худалдааг аймгийн Ахмадын хороотой хамтран анх удаа хоёр өдрийн турш амжилттай зохион байгуулж, өндөрлөлөө.
Тус үзэсгэлэн худалдаанд 10 сумын 60 ахмад иргэн 9 төрлийн бараа, бүтээгдэхүүнээр оролцож, өөрсдийн хөдөлмөр, ур чадвараар үйлдвэрлэж, бүтээсэн бүтээгдэхүүнээ олон нийтэд танилцуулан, борлуулсан юм.
👉Үзэсгэлэн худалдааны хоёр өдрийн хугацаанд нийт 11.2 сая төгрөгийн борлуулалт хийж, ахмад үйлдвэрлэгчдийн бүтээгдэхүүнийг сурталчлан таниулах, борлуулалтыг нэмэгдүүлэхэд бодит үр дүн гарлаа.
💃🕺Мөн арга хэмжээний хүрээнд ахмад иргэдтэйгээ нэгэн өдрийг хөгжилтэй, дурсамж дүүрэн өнгөрүүлэх зорилгоор урлаг, хөгжөөнт тоглоом, цэнгээнт арга хэмжээ зохион байгуулж, ахмадуудаа идэвхтэй оролцуулан, хамтдаа баяр хөөртэй мөчүүдийг бүтээлээ.
Ийнхүү санхүүгийн дэмжлэгийн үр дүнд бий болсон үйлдвэрлэл, бүтээгдэхүүний үр шимийг олон нийтэд хүргэхийн зэрэгцээ ахмад иргэдийн хөдөлмөр, бүтээлч санаачилга, туршлага, ур чадварыг сурталчлан таниулах, харилцан туршлага солилцох, хамтын ажиллагааг өргөжүүлэх боломж бүрдсэн юм.
🏆 ШАГНАЛ, УРАМШУУЛАЛ
Үзэсгэлэн худалдаанд идэвх санаачилгатай оролцож, хөдөлмөр бүтээлээрээ бусдыгаа манлайлсан ахмад иргэдийг холбогдох шагналаар шагнаж урамшууллаа.
✨Аймгийн Засаг даргын “Хүндэт тэмдэг”-ээр:
- Б.Өлзий-Орших – Сайнцагаан сум
- Б.Хандаа – Сайнцагаан сум
Аймгийн Засаг даргын “Жуух бичиг”-ээр:
- Ш.Болд – Хулд сум
- У.Цэндсүрэн – Хулд сум
- З.Алимаа – Сайнцагаан сум
“Ахмадын алдар” медалиар:
- Д.Сарантуяа – Хулд сум
- Д.Мягмардорж – Цагаандэлгэр сум
Аймгийн Ахмадын хорооны өргөмжлөлөөр:
- Л.Оргодол – Сайнцагаан сум
Мөн 🎉🎉“Үзэсгэлэнгийн онцлох ахмад”-аар:
- С.Цэвээндоо – Хулд сум
- Д.Гэрэл – Сайнцагаан сум
- А.Энхтуяа – Цагаандэлгэр сум
нар тус тус шалгарч, өргөмжлөл, гарын бэлгээр шагнагдлаа.
🎊 ҮЗЭСГЭЛЭНГИЙН ОНЦЛОХ ИДЭВХТЭЙ СУМ
Тэргүүн байр – Хулд сум
Дэд байр – Цагаандэлгэр сум
нар тус тус шалгарч, Өргөмжлөл, мөнгөн шагнагдлаа.
Үзэсгэлэн худалдаанд хүрэлцэн ирж, идэвх санаачилгатай оролцсон нийт ахмад иргэддээ талархал гардуулж, арга хэмжээнд оролцсон сумдын хамт олон, зохион байгуулагчдад талархал илэрхийллээ.
Цаашид ахмад иргэдийн хөдөлмөр эрхлэлт, үйлдвэрлэл эрхлэлтийг дэмжих, тэдний үйлдвэрлэсэн бараа бүтээгдэхүүнийг олон нийтэд сурталчлан таниулах, борлуулалтыг нэмэгдүүлэх, зах зээлд өрсөлдөх боломжийг нэмэгдүүлэх чиглэлээр хамтын ажиллагааг өргөжүүлэн ажиллах юм.
“Үйлдвэрлэж бүтээе – Хөдөлмөрлөж хөгжье” үзэсгэлэн худалдаа нь ахмад иргэдийн хөдөлмөр, бүтээлч санаачилга, ур чадвар, үйлдвэрлэлийг олон нийтэд таниулж, тэдний хөдөлмөрийн үр шимийг дэмжсэн үр өгөөжтэй, ач холбогдол бүхий арга хэмжээ боллоо.
