Дархан-Уул аймгийн ТӨВ НОМЫН САН

20/10/2026

✨ ДАРХАН-УУЛ АЙМГИЙН ХҮҮХДҮҮДИЙН НЭГДСЭН ЧУУЛГАН ЗОХИОН БАЙГУУЛАГДЛАА 👦👧🇲🇳

📚 “ХҮҮХДИЙН ТӨЛӨӨ ЗА БОЛ ЗААВАЛ ХИЙЕ” уриан дор хүүхэд, өсвөр үеийнхний дуу хоолой, санал санаачилгыг шийдвэр гаргах түвшинд хүргэх, тэдэнд тулгамдаж буй асуудлыг өөрсдөөр нь тодорхойлуулж, шийдвэрлэх арга замыг хамтран боловсруулах зорилготой нэгдсэн чуулган “Залуучууд” театрт зохион байгуулагдаж байна.

Тус чуулганд 450 гаруй хүүхэд, салбар хэлэлцүүлэгт 500 гаруй хүүхдийн төлөөлөл оролцож байгаа бөгөөд хүүхдүүд Аймгийн Засаг дарга болон Хүүхдийн төлөө зөвлөлийн гишүүдтэй шууд харилцан, өөрсдийн санал, зөвлөмжийг биечлэн хүргүүлэх юм.

📖 Дархан-Уул аймгийн Төв номын сан тус чуулганд хүүхдийн номын үзэсгэлэн гарган оролцож, хүүхэд багачуудын ном унших сонирхлыг дэмжих, мэдлэг боловсролыг түгээн дэлгэрүүлэх үйлсэд хувь нэмрээ орууллаа.

💛 Хүүхдийн дуу хоолойг сонсож, санал санаачилгыг дэмжиж, ирээдүйн төлөө хамтдаа бодит өөрчлөлтийг бүтээцгээе!

#ДарханУулАймаг #ХүүхдийнНэгдсэнЧуулган #ХүүхдийнТөлөөЗаБолЗаавалХийе #ТөвНомынСан #СоёлТүгээе

20/10/2026

🇲🇳 “МОНГОЛ УЛСЫН ТӨРИЙН ДУУЛАЛ”ЭГШИГЛҮҮЛЛЭЭ

Монгол Улсын “Төрийн дууллын өдөр”-ийг тохиолдуулан өнөөдөр /2026.10.20/ морин цаг буюу 11:40 цагт Дархан 50 цогцолборт Монгол Улсын Төрийн дууллыг эгшиглүүллээ.

Тус үйл ажиллагаанд Төв номын сангийн хамт олон нэгдэж Төрийн дууллаа хүндэтгэн эгшиглүүлэв.

Тус үйл ажиллагаа нь Монгол Улсын тусгаар тогтнол, бүрэн эрхт байдлыг эрхэмлэн дээдлэх, үндэсний бахархал, эх оронч үзлийг түгээн дэлгэрүүлэх, төрийн бэлгэ тэмдгээ хүндэтгэх үзлийг төлөвшүүлэхэд чиглэж буйгаараа онцлог юм.

🇲🇳 ТӨРИЙН ДУУЛАЛ МИНЬ МӨНХӨД ЭГШИГЛЭЖ, ТУСГААР МОНГОЛ УЛС МИНЬ ҮҮРД МАНДАН БАДРАГ!

17/10/2026

📚 НОМЫН ХУУДСАНД ШИНГЭСЭН НАЙРАМДЛЫН ДАРХАН 💙
🎊 Дархан хотын түүхт 65 жилийн ойн баярын мэнд хүргэе! 💐

✍️ Дэндэвийн Пүрэвдорж Монгол Улсын Хөдөлмөрийн баатар (2009), Төрийн шагналт (1981), Ардын уран зохиолч (1996), “Болор цом” наадмын анхны тэргүүн шагналт, Монголын нэрт яруу найрагч билээ.

📖 Түүний “Сэгс цагаан богд” номын 104–106 дугаар хуудсанд Дархан хотын хөгжил дэвшил, бүтээн байгуулалт, хөдөлмөрч түмний бахархал, маргаашийн гэгээн ирээдүйг магтан дуулсан “Их найрамдлын Дархан”, “Өглөөний Дархан”, “Ажилчны бахархал”, “Найрамдлын Дархан”, “Маргаашийн Дархан”, “Үдшийн Дархан” зэрэг уянгалаг шүлгүүд багтжээ.

🏙️ Дархан хот байгуулагдсаны түүхт 65 жилийн ойг тохиолдуулан төрөлх хотынхоо түүх, хөгжил, бахархлыг яруу найргийн мөрүүдээс мэдэрч, эх орон, нутаг усаа хайрлах сэтгэлээ улам бадраагаарай.

💙 Та бүхнийг Дархан-Уул аймгийн Төв номын санд хүрэлцэн ирж Монголын нэрт яруу найрагчД.Пүрэвдоржийн “Сэгс цагаан богд” номыг уншин, найрамдлын Дарханаа уран зохиолын ертөнцөөр дахин нээхийг урьж байна.
Манай номын сан та бүхэнд өдөр бүр үйлчилгээ үзүүлсээр байна.
📚 Ном бол оюуны гэрэл.

17/10/2026

📚✨ ДАРХАН ХОТЫН ТҮҮХТ 65 ЖИЛИЙН ОЙД ЗОРИУЛСАН НОМЫН ҮЗЭСГЭЛЭН ДЭЛГЭГДЛЭЭ👏❤️

🎉 Дархан хотынхоо түүхт 65 жилийн ойг тохиолдуулан аймгийн Төв номын сангаас номын үзэсгэлэн дэлгэн толилуулж байна.👏
📖 Энэхүү үзэсгэлэнгээр дамжуулан Дархан хотын түүх, хөгжил дэвшил, үнэт өв соёл, утга зохиолын ертөнцтэй танилцаж, эх орон, төрөлх нутгаараа бахархах сэтгэлийг уншигч, олон нийтэд түгээн дэлгэрүүлэхийг зорилоо.

❤️ Ном бол түүхийн гэрч, мэдлэгийн уурхай, ирээдүйн гэрэл билээ.
🏙️ Дархан хотынхоо 65 жилийн ойн баярын мэнд хүргэе!👏

16/10/2026

16/10/2026

15/10/2026

📕 САЛБАР НОМЫН САНД НОМЫН ҮЗЭСГЭЛЭН ДЭЛГЭГДЛЭЭ 👏📚

“Чингис хаан” одонт, Монгол Улсын Соёлын гавьяат зүтгэлтэн, зохиолч, яруу найрагч, соён гэгээрүүлэгч Гомбожавын Мэнд-Ооёо, Монгол Улсын Төрийн соёрхолт, Соёлын гавьяат зүтгэлтэн, зохиолч, яруу найрагч Цогдоржийн Бавуудорж нарын уран бүтээлийн номын үзэсгэлэнг салбар номын санд дэлгэн, уншигчдын хүртээл болголоо. 📖✨
Эрхэм уншигч та бүхэн манай салбар номын санд хүрэлцэн ирж, эх хэл, утга зохиолын үнэт өвтэй танилцаж, авьяас билигт зохиолч, яруу найрагчдын уран бүтээлээс шимтэн уншиж, оюун бодлоо тэлэхийг урьж байна. ❤️