Batzorig Foundation of Documentary Photography in Mongolia

Batzorig Foundation of Documentary Photography in Mongolia Гэрэл зурагчдыг хөгжүүлж баримтат болон гэрэл зургийн нийтлэл, гэрэл зургийн мультимедиаг хөгжүүлэх, тэтгэлэг олгоход оршино.

Цэвэгмидийн Батзоригийн товч намтар

1966 оны 4-р сарын 26 нд Увс аймгийн Улаангом хотноо Цэвэгмидийн гуравдугаар хүү болон төржээ.
1974-1984 онд Улаанбаатар хотын 10 жилийн 33-р дунд сургуульд суралцаж төгсөв.
1984-1986 онд МОНЦАМЭ агентлагийн харьяа Улсын гэрэл зургийн газарт лаборантаар ажиллав.
1985 онд “Фото-85” гэрэл зургийн уралдаанд “Уяачид” зургаараа дэд байрт шалгарав.
1986-1992 онд ЗХУ-

ын Ленинградын Их сургуулийн сэтгүүлчийн ангид фотосурвалжлагчийн мэргэжлээр суралцаж төгсөв.
1992-1996 онд Монгол Улсын анхны Ерөнхийлөгчийн гадаад, дотоод ажлын айлчлалд гэрэл зургийн сурвалжлагчаар ажиллав. Ерөнхийлөгчийн бичсэн “Тэнгэрийн цаг” номын гэрэл зургийн эхийг бэлтгэн хэвлүүлэв.
1992-1996 онуудад Монголын Соёлын сангаас зохион байгуулсан Монгол орны түүх соёлын дурсгалт газар нутгаар аялах “Сувдан сондор” аялалын багт оролцов.
1993 онд Баянхонгор аймагт болсон зудны тухай сурвалжлага хийж гадаад, дотоодын хэвлэл мэдээллийн байгууллагуудад түгээсэн нь гамшгийн хохирлыг бууруулахад хувь нэмэр болов.
1995 онд “Нийгмийн дэвшил эмэгтэйчүүд” хөдөлгөөнөөс зарласан гэрэл зургийн уралдаанд Өнөөдөр эмэгтэйчүүд” цуврал зурагаар оролцож, “Би эндхийн ууган асруулагч” зургаар нэгдүгээр байр эзлэв.
1995 онд Монголд гэрэл зургийн алба үүсч хөгжсөний 60 жилийн ойд зориулан зарласан уралдаанд “ Амь тариа” зургаар тэргүүн байр эзлэв.
1996 онд Мэгжид Жанрайсиг шүтээнийг залах нээлтийн ёслол болов. Энэ ажилд 1990 оноос эхлэн орлцож холбогдох гэрэл зургийн сан бүрдүүлэн “Билгийн Мэлмий нээгч” номыг бүтээлцэв.
1996-2001 онд Монголын цаатан иргэдийн тухай цуврал гэрэл зургууд авч “Цаатан” нийгэмлэг байгуулалцав. Энэ тухай ном бэлтгэж байлаа.
1996 оны 6-р сард гэрэл зургийн мэдээлэл, сурталчилгааны “ГАММА” ангентлагийг хэсэг нөхдийн хамт байгуулав.
1999 онд хэвлэгдсэн “Монгол орны түүх соёлын дурсгал” номыг бүтээлцэв.
2001 оны 1-р сарын 14 баруун аймгуудад болсон байгалийн гамшиг, цас зудны хохирлын тухай гэрэл зургийн сурвалжлага хийхээр албан үүргээ гүйцэтгэж яваад нисдэг тэрэгний ослоор алтан амиа алдав.
2001 оны 7-р сард түүний бүтээлцэж байсан “Шинэ зууны Монгол” гэрэл зургиийн цомог хэвлэлтээс гарав. Энэ цомогт түүний авсан хүмүүсийн аж амьдрал, байгалийн зургууд нь орсон юм.
2002 оны 1-р сарын 14-нд нэрт гэрэл зурагчин Ц.Батзоригийн нэрэмжит шилдэг гэрэл зураг шалгаруулах уралдаан, үзэсгэлэн амжилттай зохион байгуулагдлаа. Цаашид ч тэр маань гэрэл зурагтаа “амьдарсаар” байх болно.

Дурсамж гэрэл зураг 🥹Баримтат гэрэл зургийн Ц.Батзориг сангаас зохион байгуулдаг "Шинэ бүтээл – Хүмүүс" шалгаруулалт, үз...
06/07/2026

Дурсамж гэрэл зураг 🥹

Баримтат гэрэл зургийн Ц.Батзориг сангаас зохион байгуулдаг "Шинэ бүтээл – Хүмүүс" шалгаруулалт, үзэсгэлэнд олон жил тогтмол оролцож, бидний ажлыг үргэлж дэмжин тусалж ирсэн Бадамаа эгч маань бурханы оронд заларсан тухай гунигт мэдээг сонсоод гүнээ эмгэнэн дурсаж сууна.

Тэрээр Монголын гэрэл зураг, тэр дундаа баримтат гэрэл зургийн хөгжилд үнэтэй хувь нэмэр оруулсан, эмэгтэй гэрэл зурагчдын нэр хүндтэй төлөөлөгчдийн нэг байлаа. Аливаа ажил, арга хэмжээг зохион байгуулах, хамтран оролцох үйлсийн манлайд үргэлж явж, идэвх санаачилга гарган зүтгэдэг, энгийн даруу зан чанартай, хүн бүхэнд ижил тэгш, халуун дотно ханддаг, өөрийн гэсэн өнгө төрх, арга барилтай эрхэм гэрэл зурагчин, багш хүн байсан юм.

Олон сайхан үзэсгэлэн, номын нээлт бүрт хамгийн түрүүнд хүрэлцэн ирж, залуу үеэ урамшуулан дэмждэг дүр төрх нь бидний сэтгэлд үүрд хоногшин үлдэх болно.

Талийгаачийн гэр бүл, үр хүүхэд, төрөл төрөгсөд, найз нөхөд болон гэрэл зургийн салбарын нийт хамт олонд Баримтат гэрэл зургийн Ц.Батзориг сангийн хамт олны нэрийн өмнөөс гүн эмгэнэл илэрхийлье.

Бадамаа эгчийн гэгээн дурсамж бидний сэтгэлд мөнхөд хадгалагдан үлдэх болно.

УМ САЙН АМГАЛАН БОЛТУГАЙ.😢🙏🙏🙏

Өв цуврал номын төслийн "BATZORIG TSEVEGMID" I номыг MGL Design LLC / Эм Жи Эл Дизайн ХХК хэвлэлийн газар Сэтгэл шингээн...
12/05/2026

Өв цуврал номын төслийн "BATZORIG TSEVEGMID" I номыг MGL Design LLC / Эм Жи Эл Дизайн ХХК хэвлэлийн газар Сэтгэл шингээн хэвлэсэн бөгөөд бидний зүгээс сэтгэл ханамж 100%. Ямартай ч монголд ном хэвлүүлэх тэр дундаа хар цагаан ном хэвлүүлэх асуудал биш болжээ. Ном бүтээж буй хүмүүс зураг засвар, хэвлэлийн газрын ойлголцол хоёр нэг зүгт байж аятайхан сайн хэвлэл гардаг юм байна. Хэн нэгэнд эсвэл хэвлэлийн газарт даатгаад үлдээх биш хамтын ажиллагаа чухал ☺️

Ном худаалагдаж байгаа газрууд:
Zanbazaar
PhotoKits Mongolia
Internorm
Ц.Батзориг сангийн байр

"Өв төсөл"-ийн номыг PhotoKits Mongolia-с авч болохоор боллоо. Баярлалаа 🤗
08/05/2026

"Өв төсөл"-ийн номыг PhotoKits Mongolia-с авч болохоор боллоо. Баярлалаа 🤗

Өв цуврал гэрэл зургийн номын эхний ном Гамма агентлагийн гэрэл зурагчин Ц.Батзоригийн өмнө нь олонд дэлгэгдээгүй хар ца...
06/05/2026

Өв цуврал гэрэл зургийн номын эхний ном Гамма агентлагийн гэрэл зурагчин Ц.Батзоригийн өмнө нь олонд дэлгэгдээгүй хар цагаан хальсны гэрэл зургаас бүтсэн. Нээлтээ хийгээд удаагүй бөгөөд 50 ширхэг ном үлдлээ. Худалдан авч амжаагүй бол 96093773 болон сэтгэгдэл хэсэгт холбоо барих дугаараа үлдээнэ үү. Худалдан авалт нь дараагийн II дах цувралыг гаргахад дэмжлэг болох болно 😊

Эрхлэн гаргасан: “Батзориг сан”
Хавтас: Хатуу, Гадуураа өлгийтэй
Он: 2026
Хуудас: 144
Хэмжээ: 21 x 25 cм
Үнэ: 120,0
Хүргэлт үнэгүй
Ц.Батзориг сангаас ирээд авч болно.

28/04/2026

Address

Улаанбаатар

Website

Alerts

Be the first to know and let us send you an email when Batzorig Foundation of Documentary Photography in Mongolia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category