07/10/2026
“Мэргэжилтэй Монгол” хөтөлбөрийн хоёрдугаар үе шат
✅Дэлхийн ур чадварын тэмцээнд оролцогчдын бэлтгэл, үйл ажиллагааг олон нийтэд таниулах видео контент бүтээх чиглэлээр Боловсролын ерөнхий газар болон WorldSkills Mongolia байгууллагатай хамтран ажиллалаа.
✅Дэлхийн ур чадварын уралдаан “WorldSkills Shanghai 2026”-д Монгол Улсаа төлөөлөн оролцсон багийнхан есдүгээр сарын 28-ны өдөр уралдаанаа амжилттай өндөрлүүлж, эх орондоо ирлээ.
Энэ удаагийн уралдаанд Монголын баг барилгын бүтээц, угсралт /хуурай хийц/, өрлөг, гагнуур, хэвлэлийн график дизайн, химийн лабораторийн технологи, механикжсан тээврийн хэрэгслийн засвар үйлчилгээ, хоолны үйлчилгээ, механик инженерийн CAD, цахилгаан угсралт, мужаан, сантехник, CNC токарь зэрэг 12 ур чадварын төрлөөр өрсөлдсөн юм.
Монголын залуу мэргэжилтнүүд дэлхийн 68 орны оролцогчидтой ижил стандарт, нөхцөлд дөрвөн өдрийн турш ур чадвараа сорьж, олон улсын уралдааны орчин, үнэлгээний тогтолцоо, мэргэжлийн стандарт, шинэ технологитой танилцсан байна.
Уралдааны дүнгээр гагнуурын төрөлд оролцсон Г.Номин Монголын багийн оролцогчдоос хамгийн өндөр оноо авч, “Best of Nation” медалиар шагнууллаа.
Харин CNC токарийн төрөлд оролцсон С.Эрхэмбилэг уралдааны хүрээнд зохион байгуулагдсан CNC Turning Team Challenge-д бусад улс, бүс нутгийн оролцогчидтой нэг баг болон ажиллаж, багийн төрөлд мөнгөн медаль хүртсэн байна. Тус багийн сорилт нь CNC Turning-ийн үндсэн ганцаарчилсан уралдаанаас тусдаа зохион байгуулагдсан юм.
Мөн WorldSkills International Монгол Улсын Техникийн төлөөлөгч Э.Энхболдод “Medallion of Appreciation” гардууллаа. Энэхүү шагнал нь уралдаанд оролцогчдын амжилтад олгодог медалиас тусдаа бөгөөд WorldSkills-ийн үйл ажиллагаанд хувь нэмрээ оруулан ажиллаж буй төлөөлөгчдөд олгодог талархлын шагнал юм.
МОНГОЛ УЛСЫН БАГ ДЭЛХИЙН УР ЧАДВАРЫН УРАЛДААНД АМЖИЛТТАЙ ОРОЛЦООД Э...
