26/10/2026
မြန်မာတို့ရဲ့ ရိုးရာယဉ်ကျေးမှု အမြတ်နိုးဆုံးဖြစ်တဲ့ သီတင်းကျွတ်လပြည့်နေ့ (အဘိဓမ္မာအခါတော်နေ့) အထိမ်းအမှတ်အဖြစ် YGF အမှတ် (၈၀၀၁) တပ်ရင်းမှ ရဲဘော်များက တပ်ရင်းအတွင်းရှိ အသက်ကြီးရဲဘော်ကြီးများကို မိမိတို့ရဲ့ လွန်ခဲ့တဲ့ကာလတွေအတွင်း အမှတ်တမဲ့ လိုအပ်ချက်အမှားများရှိခဲ့ပါက ဝန်ချတောင်းပန်ကန်တော့ခဲ့ကြပြီး အကြီးအကဲများဘက်မှလည်း နားလည်ခွင့်လွှတ်ကြောင်း မေတ္တာရှေ့ထား ဆုံးမဩဝါဒပေးခဲ့ကြတဲ့ မြင်ကွင်းလေးပါ။
တပ်ရင်းမှူး ရဲဘော်ဗိုလ်ကျန်ရစ်မှ ပြည်သူလူထုတစ်ရပ်လုံး ယုံကြည်လေးစားစွာနဲ့ မေတ္တာရှေ့ထား ထောက်ပံ့လှူဒါန်းပေးထားကြတဲ့ ရန်ပုံငွေများထဲမှ တပ်ရင်းအတွင်းရှိ ရဲဘော်တစ်ယောက်ချင်းစီတိုင်းကို သီတင်းကျွတ်မုန့်ဖိုးများ အညီအမျှ ခွဲဝေချီးမြှင့်ပေးခဲ့ပြီး တပ်ရင်းရဲ့ ရှေ့ဆက်ရမည့် လုပ်ငန်းစဉ်များနဲ့ ပတ်သက်လို့ လမ်းညွှန်ဆုံးမစကားများ ပြောကြားခဲ့ပါတယ်။
ပြည်သူ့မေတ္တာ၊ ရဲဘော်ရဲဘက်စိတ်ဓာတ်တွေနဲ့ အတူတကွ ရပ်တည်နေကြတဲ့ ကျွန်ုပ်တို့တပ်ရင်းရဲ့ ပျော်ရွှင်စရာ၊ နွေးထွေးစရာ သီတင်းကျွတ်လပြည့်အခါ သာမယလေးကို မိဘပြည်သူများလည်း အတူတူ ခံစားရစေရန် မျှဝေပေးလိုက်ပါတယ်ခင်ဗျာ။🙏
YE GUERRILLA FORCE Telegram Channel-https://t.me/ygf1221
#ရေးပြောက်ကျားတပ်
#အမှတ်၈၀၀၁တပ်ရင်း
#ပြည်သူ့ကာကွယ်ရေးတပ်မတော်
#သီတင်းကျွတ်
#လပြည့်
