Pretty Girl-Lan Pya Kyel

Pretty Girl-Lan Pya Kyel A nationwide community-led organization building a society in which marginalized population claim th

A nationwide community-led organization building a society in which marginalized population claim their rights and dignity and live healthy lives

ဆစ်ဖလစ်ရှိ၊ မရှိ ဘယ်အချိန်မှာ စစ်ဆေးမလဲ? 🩸ဆစ်ဖလစ်က အကာအကွယ်မဲ့လိင်ဆက်ဆံတာကနေ ကူးစက်နိုင်သလို ဆစ်ဖလစ် အနာတွေနဲ့တိုက်ရိုက်...
18/08/2026

ဆစ်ဖလစ်ရှိ၊ မရှိ ဘယ်အချိန်မှာ စစ်ဆေးမလဲ? 🩸

ဆစ်ဖလစ်က အကာအကွယ်မဲ့လိင်ဆက်ဆံတာကနေ ကူးစက်နိုင်သလို ဆစ်ဖလစ် အနာတွေနဲ့တိုက်ရိုက်ထိတွေ့မိရင်လည်း ကူးစက်ခံရနိုင်ပါတယ် ။

ဆစ်ဖလစ် ကူးစက်ခံရမယ့်အခြေအနေဖြစ်ပြီး ဆစ်ဖလစ်ပိုး ကူးစက်မှာစိုးရိမ်နေတယ်ဆိုရင် ဘယ်အချိန်မှာ စစ်သင့်လဲ? 🤔

🩸 စစ်ဆေးဖို့ အချိန်ကာလ
• ကူးစက်ခံရမယ့်အခြေအနေနဲ့ ထိတွေ့ပြီး ၃–၆ ပတ်အကြာ မှာ စတင်စစ်ဆေးနိုင်ပါတယ်။
• ပိုပြီးစိတ်ချရဖို့ ၃ လပြည့်တဲ့အချိန် မှာ ထပ်မံစစ်ဆေးနိုင်ပါတယ်။

⚠️ ဒီလိုလက္ခဏာတွေရှိရင်
• လိင်အင်္ဂါ၊ စအို သို့မဟုတ် ပါးစပ်တစ်ဝိုက်မှာ မနာတဲ့အနာ ပေါ်လာခြင်း
• နောက်ပိုင်းမှာ လက်ဖဝါး၊ ခြေဖဝါးနဲ့ ခန္ဓာကိုယ်မှာ အဖုအပိန့်များ ပေါ်လာခြင်း တို့ရှိခဲ့ရင် မစောင့်ဘဲ ချက်ချင်း စစ်ဆေးပါ ။

💡 ဆစ်ဖလစ်က စောစောသိပြီး စောစောကုသရင် ပျောက်ကင်းနိုင်တဲ့ ရောဂါပါ။

သတိထားရမှာကတော့ ဆေးမြီးတိုတွေ လမ်းညွှန်ဆေးတွေ မသုံးဘဲနဲ့ တတ်ကျွမ်းနားလည်တဲ့ ဆရာဝန်နဲ့ သေချာစနစ်တကျ ကုသမှသာ သက်သာပျောက်ကင်းနိုင်မှာပါ ။

သံသယရှိရင် မရှက်ဘဲ ကျန်းမာရေးဝန်ဆောင်မှုရယူပြီး စစ်ဆေးပါ။ ❤️

ဆစ်ဖလစ်ကို အခမဲ့ တိုင်ပင်ဆွေးနွေး စစ်ဆေးချင်တယ်ဆိုရင် အောက်ပါ Link ကနေ ဘိုကင်တင်ပြီး လာရောက်နိုင်ပါတယ် ။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်: 099 790 204 65 / 098 800 059 23 / 099 777 734 28

#ဆစ်ဖလစ်

HIV ရှိတိုင်း AIDS ဖြစ်မှာလား? 🤔**HIV ရှိတယ်ဆိုတာနဲ့ AIDS ဖြစ်သွားမှာ မဟုတ်ပါဘူး။** ❤️ HIV ကို စောစောသိရှိပြီး ART ဆေးက...
17/08/2026

HIV ရှိတိုင်း AIDS ဖြစ်မှာလား? 🤔

**HIV ရှိတယ်ဆိုတာနဲ့ AIDS ဖြစ်သွားမှာ မဟုတ်ပါဘူး။** ❤️

HIV ကို စောစောသိရှိပြီး ART ဆေးကို ဆရာဝန်ညွှန်ကြားချက်အတိုင်း ပုံမှန်သောက်သုံးမယ်ဆိုရင် HIV ပိုး ခန္ဓာကိုယ်တွင်း ပြန့်ပွားမှုကို ထိန်းချုပ်နိုင်ပြီး ကိုယ်ခံအားစနစ်ကို ကောင်းမွန်စွာ ထိန်းထားနိုင်ကာ AIDS အဆင့် ရောက်ရှိနိုင်ခြေကို လျော့ချပေးနိုင်ပါတယ် ။

ဆေးကို ပုံမှန်သောက်မယ် ဆိုရင် ပိုးကောင်ရေ စက်နဲ့စစ်ဆေးတဲ့အခါ သွေးထဲမှာ HIVပိုး ရှာမတွေ့တော့သည့် အခြေအနေ U=U အခြေအနေ ဖြစ်သွားနိုင်ပါတယ် ။ U=U အခြေအနေဖြစ်ပြီဆို လိင်ဆက်ဆံရာမှတစ်ဆင့် အခြားသူများထံသို့ HIV ပိုး မကူးစက်နိုင်တော့ပါ ။

🩺 HIV ကို မကုသဘဲထားမယ်ဆိုရင် အချိန်ကြာလာတာနဲ့အမျှ ကိုယ်ခံအားစနစ် အားနည်းလာပြီး ပြင်ပက အခွင့်ရေးယူရောဂါတွေ ဝင်ရောက်လာကာ AIDS အဆင့်ကို ရောက်ရှိသွားနိုင်ပါတယ်။

ဒါကြောင့်—

**HIV ရှိ/မရှိ မသေချာရင် စစ်ဆေးပါ။**

**HIV ရှိကြောင်း သိထားရင် ART ကုသမှုကို စောစောစတင်ပါ။** 🌿

HIV ရှိတာက ဘဝကရပ်တန့်သွားတာ မဟုတ်ပါဘူး။

**ကုသမှုကို ပုံမှန်ခံယူပြီး ကျန်းမာစွာ နေထိုင်နိုင်ပါတယ်။** 💗

HIV နဲ့ပတ်သတ်ပြီး လုံခြုံစိတ်ချစွာ messenger မှာ အခမဲ့ တိုင်ပင်ဆွေးနွေးနိုင်ပါတယ် ။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်: 099 790 204 65 / 098 800 059 23 / 099 777 734 28

HIV စစ်ဆေးပြီး အဖြေသိရဖို့ စောင့်နေရတဲ့ အချိန်တစ်ခဏဟာ အရမ်းကြာတယ်လို့ ခံစားဖူးတယ်မို့လား။🥺“Positive ဖြစ်နေရင် ဘာဆက်လုပ်ရ...
16/08/2026

HIV စစ်ဆေးပြီး အဖြေသိရဖို့ စောင့်နေရတဲ့ အချိန်တစ်ခဏဟာ အရမ်းကြာတယ်လို့ ခံစားဖူးတယ်မို့လား။🥺

“Positive ဖြစ်နေရင် ဘာဆက်လုပ်ရမလဲ…” “Negative ဖြစ်ပါ့မလား…” “အဖြေမကောင်းရင် ဘယ်လိုရင်ဆိုင်ရမလဲ…” ဆိုပြီး အတွေးပေါင်းစုံတွေးကာ စိုးရိမ်ပူပန်မိတတ်ပါတယ်။

အဖြေမသိရသေးခင် အတွေးများပြီး စိတ်ပူမိတာဟာ ပုံမှန်ပါပဲ။ ဒါကြောင့် စောင့်နေရတဲ့အချိန်မှာ စိတ်ကို တည်ငြိမ်အောင် ထားနိုင်ဖို့နဲ့ အဖြေထွက်လာတဲ့အခါ ရင်ဆိုင်နိုင်ဖို့ ဒီအချက်လေးတွေကို ကြိုတင်ပြင်ဆင်ထားလို့ရပါတယ်။🌿

၁။ ဖြစ်နိုင်ခြေ နှစ်ခုလုံးအတွက် စိတ်ကို ကြိုတင်ပြင်ဆင်ထားပါ။

🟠 Positive (ပိုးတွေ့) ထွက်ခဲ့ရင် : HIV ဟာ ART ဆေးဝါးတွေနဲ့ ထိန်းချုပ်ကုသနိုင်တဲ့ ရောဂါဖြစ်တဲ့အတွက် HIV ရှိကြောင်း သိရတာနဲ့ ART ဆေးကို စသောက်ဖို့ လိုပါတယ်။ ဆေးကို စနစ်တကျ သောက်သုံးရင် ကျန်းမာစွာ ရေရှည်နေထိုင်နိုင်ပါတယ်။

🟢 Negative (ပိုးမတွေ့) ထွက်ခဲ့ရင် : Window Period (ထိတွေ့ပြီးနောက် ၃ လအတွင်း) စစ်ထားတာလား စဉ်းစားဖို့လိုပါတယ်။ လိုအပ်ရင် ထပ်မံစစ်ဆေးဖို့ ကျန်းမာရေးဝန်ထမ်းနဲ့ တိုင်ပင်ပါ၊ နောင်မှာ HIV ကူးစက်မှု မဖြစ်အောင် ကာကွယ်ရေးနည်းလမ်းတွေကို ဆက်လက်လုပ်ဆောင်ပါ။

၂။ အဖြေမထွက်ခင် အတွေးလွန်မနေပါနဲ့

အွန်လိုင်း၊ Social Media နဲ့ AI တွေမှာ လက္ခဏာတွေ၊ ကူးစက်နိုင်ခြေတွေကို အလွန်အကျွံ ရှာဖတ်တာက စိတ်ပူပန်မှုကို ပိုတိုးစေနိုင်ပါတယ်။ အဖြေမရသေးခင်မှာ သီချင်းနားထောင်တာ၊ လမ်းလျှောက်တာ စတာတွေနဲ့ အာရုံပြောင်းထားပါ။

၃။ မသိသည်များ၊ မရှင်းလင်းသည်များကို မေးမြန်းဖို့ ပြင်ဆင်ထားပါ

အဖြေထွက်လာတဲ့အခါ သိချင်/မေးချင်တဲ့ မေးခွန်းတွေ (ဥပမာ - ART ဆေး၊ Window Period အကြောင်း၊ U=U၊ HIV ကြိုတင်ကာကွယ်ဖို့) ကို စာရွက် သို့မဟုတ် ဖုန်းထဲမှာ ကြိုတင် မှတ်သားထားပါ။ ဒါမှ အဖြေသိရချိန်မှာ လိုအပ်တဲ့ အချက်အလက်တွေကို တိတိကျကျ မေးမြန်းဆွေးနွေးနိုင်မှာ ဖြစ်ပါတယ်။💚

ဘိုကင်ရယူရန်-

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

လမ်းပြကြယ် ဆေးခန်းအကြောင်း မကြာခဏ မေးလေ့ရှိသည့် မေးခွန်းနှင့် အဖြေများ 💡❓ HIV/ကာလသား စစ်ချင်တာ ကုန်ကျစရိတ် ဘယ်လောက်ရှိလဲ...
14/08/2026

လမ်းပြကြယ် ဆေးခန်းအကြောင်း မကြာခဏ မေးလေ့ရှိသည့် မေးခွန်းနှင့် အဖြေများ 💡

❓ HIV/ကာလသား စစ်ချင်တာ ကုန်ကျစရိတ် ဘယ်လောက်ရှိလဲ။

👉 HIV / ကာလသားရောဂါ အခမဲ့ စစ်ဆေးလို့ရပါတယ်။ ငွေကြေး တစ်ပြားတစ်ချပ်မှ မကုန်ကျပါဘူးခင်ဗျာ။

❓ ဒီနေ့စစ်သွားရင် အဖြေက ဘယ်နေ့မှ သိနိုင်မလဲ။

👉 မိနစ်ပိုင်းလောက် စောင့်ရုံနဲ့ပဲ နေ့ချင်း အဖြေတန်းသိရပါတယ်။

❓ PrEP (ကြိုတင်ကာကွယ်ဆေး) ရော ရနိုင်လား။

👉 ရနိုင်ပါတယ်။ HIV ပိုး မကူးစက်အောင် ကြိုတင်ကာကွယ်ပေးတဲ့ PrEP ဆေးကိုပါ အခမဲ့ ရယူနိုင်ပါတယ်။

❓ ကွန်ဒုံးနဲ့ ချောဆီရော အခမဲ့ရနိုင်လား။

👉 ရနိုင်ပါတယ်။ ဘေးကင်းလုံခြုံတဲ့ လိင်ဆက်ဆံမှုဖြစ်စေဖို့ ကွန်ဒုံးနဲ့ ချောဆီ (Gel) များကိုလည်း အခမဲ့ ရယူနိုင်ပါတယ်။

❓ ဘယ်မြို့တွေမှာရှိတာလဲ။

👉 ရန်ကုန်၊ မန္တလေး၊ မိတ္ထီလာ၊ ပဲခူး၊ တောင်ငူ၊ ပြည်၊ ပုသိမ်နဲ့ မူဆယ်မြို့တွေမှာ လမ်းပြကြယ်ဆေးခန်းတွေရှိပါတယ်။

❓ HIV/ကာလသားနဲ့ပတ်သက်ပြီး တိုင်ပင်ဆွေးနွေးလို့ရောရလား။

👉 ရပါတယ်။ စစ်ဆေးမှု မလုပ်မီရော စစ်ဆေးပြီးချိန်မှာပါ Counselling (နှစ်သိမ့်ဆွေးနွေးပေးခြင်း) ကို အခမဲ့ ဆောင်ရွက်ပေးပါတယ်။

❓ ကိုယ်ရေးကိုယ်တာ အချက်အလက်တွေ စိတ်ချရပါ့မလား။

👉 လူနာရဲ့အမည်၊ အချက်အလက်နှင့် စစ်ဆေးမှုရလဒ် အားလုံးကို ၁၀၀% ထိန်းသိမ်းပေးထားတာမို့ စိတ်ချလက်ချလာရောက်စစ်ဆေးလို့ရပါတယ်။

❓ အဖြေမှာ ပိုးတွေ့ခဲ့ရင်ရော ဘာဆက်လုပ်ပေးလဲ။

👉 လိုအပ်တဲ့ ART ဆေးဝါး ကုသမှုများကိုပါ အခမဲ့ရရှိနိုင်ဖို့ စနစ်တကျ ချိတ်ဆက်ဆောင်ရွက်ပေးသွားမှာပါ။

❓ ကာလသားရောဂါ (Syphilis) ပိုးတွေ့ရင်ရော ဆေးကုသပေးလား။

👉 စစ်ဆေးပေးရုံတင် မဟုတ်ဘဲ ကာလသားပိုးတွေ့ရှိခဲ့ရင် လိုအပ်တဲ့ဆေးဝါးတွေကို အခမဲ့ ထိုးပေး/ကုသပေးပါတယ်။

❓ ဆေးခန်းကို လာမယ်ဆိုရင် ဘယ်လိုကြိုတင်ဘိုကင်ယူရမလဲ။

👉 Booking Link : https://forms.cloud.microsoft/r/6RUyZZMnTs ကနေ တစ်ဆင့် ကြိုတင်ဘိုကင်ရယူထားလို့ရပါတယ်။

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

&A

🌸 အဖြူဆင်းတိုင်း ရောဂါဖြစ်တာလား? 🤔အဖြူဆင်းတာက အမျိုးသမီးတွေမှာ သဘာဝအတိုင်း ဖြစ်တတ်တဲ့အရာတစ်ခုပါ။ အဖြူဆင်းတိုင်း ရောဂါဖြစ...
13/08/2026

🌸 အဖြူဆင်းတိုင်း ရောဂါဖြစ်တာလား? 🤔

အဖြူဆင်းတာက အမျိုးသမီးတွေမှာ သဘာဝအတိုင်း ဖြစ်တတ်တဲ့အရာတစ်ခုပါ။ အဖြူဆင်းတိုင်း ရောဂါဖြစ်တာတော့ မဟုတ်ပါဘူး။ 💗

ဒါပေမဲ့ ပုံမှန်အဖြူဆင်းတာလား၊ ရောဂါလက္ခဏာကြောင့် ဆင်းတာလား သိထားဖို့တော့ လိုပါတယ်။ 👇

💧 ပုံမှန်အဖြူဆင်းခြင်း
✅ အကြည်ရောင် (သို့) အဖြူရောင် ဆင်းခြင်း
✅ အနံ့ဆိုး မရှိခြင်း
✅ ယားယံ၊ နာကျင်တာ မရှိခြင်း

ဒီလိုအခြေအနေတွေဆိုရင် အများအားဖြင့် ပုံမှန်အဖြူဆင်းခြင်း ဖြစ်နိုင်တာကြောင့် အလွန်အမင်း စိုးရိမ်စရာမလိုပါဘူး။ 🌷

🚨 သတိထားရမယ့် အဖြူဆင်းခြင်း
⚠️ အဖြူရောင်မဟုတ်ဘဲ အဝါရောင်၊ အစိမ်းရောင်၊ မီးခိုးရောင် ဆင်းခြင်း
⚠️ ငါးညှီနံ့၊ အချဉ်ပုပ်နံ့ လို အနံ့ဆိုးထွက်ခြင်း
⚠️ ဒိန်ချဉ်ဖတ်လို အခဲတွေဆင်းခြင်း
⚠️ ဆီးသွားတဲ့အခါ ပူစပ်ပူလောင် ဖြစ်ခြင်း
⚠️ မိန်းမကိုယ်တစ်ဝိုက် ယားယံခြင်း၊ နာကျင်ခြင်း

ဒီလိုလက္ခဏာတွေရှိရင် မှိုပိုးဝင်ခြင်း သို့မဟုတ် အခြားလိင်မှတစ်ဆင့်ကူးစက်နိုင်တဲ့ ရောဂါတစ်ခုခု ဖြစ်နိုင်တာကြောင့် တတ်ကျွမ်းနားလည်တဲ့ ဆရာဝန်နဲ့ ပြသစစ်ဆေးတာက ပိုကောင်းပါတယ်။ 🩺

💡 သတိထားရမယ့်အချက်
🛡️ လိင်ဆက်ဆံရာမှာ ကွန်ဒုံးအသုံးပြုပါ။
🚫 ပုံမှန်မဟုတ်တဲ့ လက္ခဏာတွေ ဖြစ်လာရင် ရှက်ကြောက်ပြီး ဆေးမြီးတို၊ ကိုယ်တိုင်ဝယ်သောက်တဲ့ဆေးတွေ မသုံးပါနဲ့။

🩺 ဘာကြောင့်ဖြစ်တာလဲ သိရှိနိုင်ဖို့ တတ်ကျွမ်းနားလည်တဲ့ ဆရာဝန်နဲ့ စစ်ဆေးတိုင်ပင်ပါ။

💗 အဖြူဆင်းတာဟာ ရှက်စရာမဟုတ်ပါဘူး ပုံမှန်လား၊ ပုံမမှန်လား သိထားတာက ကိုယ့်ကျန်းမာရေးကို ဂရုစိုက်တာပါ။

အမျိုးသမီးကျန်းမာရေးနဲ့ ပတ်သက်ပြီး လုံခြုံစိတ်ချစွာ တိုင်ပင်ဆွေးနွေးချင်တယ်ဆိုရင် Messenger မှာ အခမဲ့လာရောက် တိုင်ပင်ဆွေးနွေးနိုင်ပါတယ်ရှင်။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်:
099 790 204 65
098 800 059 23
099 777 734 28

#အမျိုးသမီးကျန်းမာရေ #အဖြူဆင်းခြင်း

အပြည်ပြည်ဆိုင်ရာလူငယ်များနေ့ကို ၂၀၀၀ ခုနှစ်ကနေ အစပြုခဲ့ပြီး နှစ်စဉ်မပြတ် မတူညီတဲ့ခေါင်းစဉ်များနဲ့ လူငယ်တွေရဲ့ ပြသနာရှေ့ရ...
12/08/2026

အပြည်ပြည်ဆိုင်ရာလူငယ်များနေ့ကို ၂၀၀၀ ခုနှစ်ကနေ အစပြုခဲ့ပြီး နှစ်စဉ်မပြတ် မတူညီတဲ့ခေါင်းစဉ်များနဲ့ လူငယ်တွေရဲ့ ပြသနာရှေ့ရေးကို ကူညီဖြေရှင်းရင်းယနေ့ထိတိုင်ပြန့်ပွားအောင်လုပ်ဆောင်နေဆဲဖြစ်ပါတယ်။

(၁၂.၈.၂၀၂၆) နေ့မှာကျရောက်တဲ့ အပြည်ပြည်ဆိုင်ရာလူငယ်များနေ့မှာ ကမ္ဘာတစ်ဝှမ်းရှိ လူငယ်များကို ဂုဏ်ပြုကြိုဆိုလိုက်ပါတယ် ...

#အပြည်ပြည်ဆိုင်ရာလူငယ်များနေ့

💊 ART ဆေးစသောက်တဲ့အခါ ဘာတွေပြောင်းလဲလာမလဲ? 🤔HIV ပိုးကူးစက်ခံရပြီး ART ဆေးစသောက်ခါစအချိန်မှာ ခန္ဓာကိုယ်မှာ ပြောင်းလဲမှုလေ...
11/08/2026

💊 ART ဆေးစသောက်တဲ့အခါ ဘာတွေပြောင်းလဲလာမလဲ? 🤔

HIV ပိုးကူးစက်ခံရပြီး ART ဆေးစသောက်ခါစအချိန်မှာ ခန္ဓာကိုယ်မှာ ပြောင်းလဲမှုလေးတွေ ရှိတတ်ပါတယ်။ ဒါတွေက လူတစ်ဦးနဲ့တစ်ဦး မတူနိုင်ပါဘူး။

🌱 ကောင်းမွန်တဲ့ ပြောင်းလဲမှုများ

🦠 Viral Load (ပိုးကောင်ရေ) လျော့ကျလာနိုင်မယ်

💪 CD4 (ကိုယ်ခံအား) တဖြည်းဖြည်း ပြန်တက်လာနိုင်မယ်

❤️ ART ကို ပုံမှန်၊ စနစ်တကျ ဆက်လက်သောက်သုံးပါက Viral Load လျော့ကျလာပြီး စစ်ဆေးတဲ့စက်နဲ့ မတွေ့နိုင်တဲ့အဆင့် (Undetectable) ကို ရောက်ရှိနိုင်ပါတယ်။

👉 Undetectable = Untransmittable (U=U) ဖြစ်လာတဲ့အခါ လိင်ဆက်ဆံမှုမှတစ်ဆင့် HIV မကူးစက်နိုင်တော့ပါဘူး။ ❤️

🤢 အစပိုင်းမှာ ဖြစ်နိုင်တဲ့ ဘေးထွက်ဆိုးကျိုးများ

တချို့လူတွေမှာ ART စသောက်ခါစအချိန်မှာ—

• 🤢 ပျို့ခြင်း၊ ဝမ်းပျက်ခြင်း
• 😵 ခေါင်းမူးခြင်း၊ ပင်ပန်းခြင်း
• 😴 အိပ်စက်မှုပုံစံ ပြောင်းလဲခြင်း
• 🔴 အရေပြားအနီစက် အနည်းငယ်ထွက်ခြင်း

စတာတွေ ဖြစ်နိုင်ပါတယ်။

လူတိုင်းမှာ ဖြစ်တာမဟုတ်သလို အမြဲတမ်းလည်း ဖြစ်နေမှာ မဟုတ်ပါဘူး။ 🌷

💡 အရေးကြီးဆုံး သိထားရမှာကတော့

⚠️ ဘေးထွက်ဆိုးကျိုးရှိလို့ ကိုယ့်သဘောနဲ့ ART ဆေးကို မရပ်လိုက်ပါနဲ့။

ပြင်းထန်တဲ့ လက္ခဏာတွေ ဖြစ်လာရင် ကုသပေးနေတဲ့ ဆရာဝန်နဲ့ အမြန်ဆုံး တိုင်ပင်ပြသပါ။ 🩺

🌈 ART စသောက်တာဟာ HIV ကို ထိန်းချုပ်ပြီး ကိုယ့်ကျန်းမာရေးကို ကောင်းမွန်စွာ ထိန်းသိမ်းနိုင်ဖို့ အရေးကြီးတဲ့ ခြေလှမ်းတစ်ခုပါ။ 💪❤️

💬 HIV နဲ့ပတ်သက်ပြီး လုံခြုံစိတ်ချစွာ တိုင်ပင်ဆွေးနွေးချင်တယ်ဆိုရင် Messenger မှာ အခမဲ့ လာရောက်တိုင်ပင်နိုင်ပါတယ်။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်:
099 790 204 65
098 800 059 23
099 777 734 28

HIV က လိင်မှတစ်ဆင့်ပဲ ကူးစက်တာလား ?HIV ပိုး ကူးစက်နိုင်တဲ့အခြေအနေ နဲ့ပတ်သတ်ပြီး လူတော်တော်များများက လိင်ဆက်ဆံခြင်းကပဲ ကူ...
10/08/2026

HIV က လိင်မှတစ်ဆင့်ပဲ ကူးစက်တာလား ?

HIV ပိုး ကူးစက်နိုင်တဲ့အခြေအနေ နဲ့ပတ်သတ်ပြီး လူတော်တော်များများက လိင်ဆက်ဆံခြင်းကပဲ ကူးစက်နိုင်တယ်ဆိုပြီး အထင်မှားတတ်ကြပါတယ် ။

အမှန်တော့ HIV ပိုးက ခန္ဓာကိုယ်က ထွက်တဲ့အရည်တွေ ဖြစ်တဲ့ သွေး၊သုတ်ရည်၊ မိန်းမကိုယ်မှထွက်တဲ့အရည်နဲ့ မိခင်နို့ရည်တွေ တစ်ဆင့်ကူးစက်နိုင်တာဖြစ်ပြီး အောက်ပါ နည်းလမ်းတွေကလည်း ကူးစက်ခံရနိုင်ပါတယ် ။

🩸 ကူးစက်နိုင်တဲ့ နည်းလမ်းတွေကတော့
• ပိုးရှိသူနဲ့ ဆေးထိုးအပ်/ပြွန် မျှဝေသုံးခြင်း
• ပိုးရှိတဲ့ သွေးကို သွင်းမိခြင်း
• ပိုးရှိသူမိခင်မှ ရင်သွေးကို ကူးစက်ခြင်း
• ပိုးရှိသူနဲ့ အကာကွယ်မဲ့ လိင်ဆက်ဆံခြင်း တို့ဖြစ်ပါတယ် ။

❌ HIV ကဒါတွေကနေတော့ မကူးစက်နိုင်ပါဘူး
🍽️ အတူတူစားသောက်ခြင်း
🤗 ဖက်လဲတကင်း နေခြင်း
😷 နှာချေ၊ ချောင်းဆိုးခြင်း
🦟 ခြင်ကိုက်ခြင်း
🚽 အိမ်သာ၊ ရေချိုးခန်း အတူသုံးခြင်း စတာတွေကနေ မကူးစက်နိုင်ပါဘူး ။

မိမိမှာ HIV ပိုးကူးစက်ခံရမယ့်အခြေအနေ တစ်ခုခုရှိခဲ့တယ်ဆိုရင်တော့ ကူးစက်ခံရမယ့်အခြေအနေဖြစ်ပြီး အနည်းဆုံး သုံးလပြည့်တဲ့အချိန်မှာ သွေးစစ်ဆေးခြင်းက တိကျတဲ့အဖြေကို သိရှိနိုင်မှာဖြစ်ပါတယ် ။

❤️ HIV ကို မှန်မှန်ကန်ကန် သိထားခြင်းက ခွဲခြားဆက်ဆံမှုကို လျော့ချနိုင်ပါတယ်။

HIV နဲ့ပတ်သတ်ပြီး အခမဲ့ တိုင်ပင်ဆွေးနွေး စစ်ဆေးချင်တယ်ဆိုရင် အောက်ပါ Link ကနေ ရက်ချိန်းရယူနိုင်ပါတယ် ။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်: 099 790 204 65 ၊ 098 800 059 23 ၊ 099 777 734 28


#အခမဲ့စစ်ဆေးခြင်း

💡 "HIV ပိုးရှိပေမဲ့ ပါတနာကို မကူးစက်အောင် ကာကွယ်လို့ရတယ်ဆိုတာ သိပါသလား"ဒီနေ့ခေတ်မှာ HIV ပိုးရှိသူတစ်ယောက်ဟာ မိမိရဲ့ ပါတန...
09/08/2026

💡 "HIV ပိုးရှိပေမဲ့ ပါတနာကို မကူးစက်အောင် ကာကွယ်လို့ရတယ်ဆိုတာ သိပါသလား"

ဒီနေ့ခေတ်မှာ HIV ပိုးရှိသူတစ်ယောက်ဟာ မိမိရဲ့ ပါတနာဆီ မကူးစက်အောင် ရာနှုန်းပြည့်နီးပါး ကာကွယ်ထားလို့ ရနေပါပြီ ✨

အဓိက ကာကွယ်နိုင်မယ့် အရေးကြီးဆုံး နည်းလမ်း (၃) ခု ကတော့ -

၁။ U=U နဲ့ ကာကွယ်မယ်

ART ဆေးကို နေ့စဉ် အချိန်မှန် သောက်ရင် သွေးတွင်း ပိုးကောင်ရေ စစ်မတွေ့တဲ့အဆင့် (Undetectable) ရောက်သွားရင် ချစ်သူ/လက်တွဲဖော်ဆီ လိင်မှတစ်ဆင့် မကူးစက်နိုင်တော့ပါဘူး (Untransmittable)။

၂။ PrEP ဆေးနဲ့ ကာကွယ်မယ်

HIV ပိုးမရှိသူ ပါတနာဘက်မှ PrEP ဆေးကို ကြိုတင်ကာကွယ်မှုအဖြစ် သောက်ထားနိုင်ပါတယ်

၃။ ကွန်ဒုံးနဲ့ ကာကွယ်မယ်

ကွန်ဒုံးကို စနစ်တကျ သုံးစွဲခြင်းက HIV ရော အခြား လိင်မှတစ်ဆင့် ကူးစက်တတ်တဲ့ ရောဂါတွေကိုပါ ကာကွယ်ပေးပါတယ်။

ဒါကြောင့် မှန်ကန်တဲ့ ဆေးကုသမှုကို စနစ်တကျ ခံယူပြီး ကျန်းကျန်းမာမာ နေထိုင်ရင်းနဲ့ ချစ်ရသူတွေကိုလည်း အတူကာကွယ်ကြပါစို့နော် 🌿

Booking Link👉 https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

🌸 တစ်နေ့တာအလုပ်ပြီးဆုံးချိန် ကိုယ့်ကိုယ်ကို ဘာကြောင့် ဂရုစိုက်သင့်တာလဲ?လိင်အလုပ်သမား အမျိုးသမီးများအနေဖြင့် တစ်နေ့တာ လုပ...
06/08/2026

🌸 တစ်နေ့တာအလုပ်ပြီးဆုံးချိန် ကိုယ့်ကိုယ်ကို ဘာကြောင့် ဂရုစိုက်သင့်တာလဲ?

လိင်အလုပ်သမား အမျိုးသမီးများအနေဖြင့် တစ်နေ့တာ လုပ်ငန်းခွင် ပြီးဆုံးသွားသည့်အခါ ကိုယ့်ကိုယ်ကို အချိန်ခဏပေး၍ ဂရုစိုက်ခြင်းသည် ကျန်းမာရေးအတွက်သာမက ရေရှည်လုပ်ငန်းခွင်အတွက်ပါ အလွန်ပင် အရေးကြီးပါတယ်။ 💖

✅ လိင်အင်္ဂါပတ်ဝန်းကျင်ကို သန့်ရှင်းတဲ့ရေနဲ့ နူးညံ့စွာ သန့်ရှင်းပေးပါ။
အနံ့ပြင်းတဲ့ဆပ်ပြာ၊ ရေမွှေးပါတဲ့ သန့်ရှင်းရေးပစ္စည်းတွေကို မလိုအပ်ဘဲ မသုံးတာက ဓာတ်မတည့်ခြင်းနှင့် ယားယံခြင်းကို ကာကွယ်ပေးနိုင်ပါတယ်။

✅ သန့်ရှင်းပြီး ခြောက်သွေ့တဲ့ အတွင်းခံကို လဲဝတ်ပါ။
စိုစွတ်နေတဲ့အဝတ်အစားတွေကို အချိန်ကြာကြာ ဝတ်ထားခြင်းက ဘက်တီးရီးယား ပေါက်ဖွားစေပြီး မသက်မသာဖြစ်စေနိုင်ပါတယ် ။

✅ ပုံမှန်မဟုတ်တဲ့ လက္ခဏာတွေကို သတိထားပါ။
ယားယံတာ၊ အနံ့ပြင်းတဲ့အရည်ဆင်းတာ၊ အနာဖြစ်တာ၊ နာကျင်တာမျိုးတွေ ရှိလာရင် မဝံမရဲဖြစ်မနေပဲ တတ်ကျွမ်းနားလည်တဲ့ ဆရာဝန်နဲ့ စောစီးစွာ သေချာစစ်ဆေးဖို့လိုပါတယ်။

✅ ကွန်ဒုံးကို စနစ်တကျ ပုံမှန်အသုံးပြုပါ။
တစ်ကိုယ်ရည်သန့်ရှင်းမှုက အရေးကြီးပေမယ့် HIV နဲ့ အခြားလိင်မှတစ်ဆင့်ကူးစက်နိုင်တဲ့ ရောဂါတွေကို ကာကွယ်ဖို့အတွက်လည်း ကွန်ဒုံးကို မှန်မှန်သုံးဖို့ လိုပါတယ်။

✅ STIs/HIV စစ်ဆေးမှုကို ပုံမှန်လုပ်ပါ။
ရောဂါတချို့က အစပိုင်းမှာ လက္ခဏာမပြနိုင်တာကြောင့် ပုံမှန်စစ်ဆေးတာက ကိုယ့်ကျန်းမာရေးကို ဂရုစိုက်တဲ့ အကောင်းဆုံးနည်းလမ်း ဖြစ်ပါတယ် ။

💗 ကိုယ့်ကိုယ်ကို ဂရုစိုက်တာက အလှအပအတွက်တင် မဟုတ်ပါဘူး။ ကျန်းမာရေးကောင်းဖို့၊ အလုပ်ကို စိတ်ချလက်ချ ဆက်လုပ်နိုင်ဖို့နဲ့ ကျန်းမာရေး ပြဿနာတစ်စုံတစ်ရာ ရှိလာပါက စောစောသိရှိ ကုသနိုင်ဖို့အတွက် အဓိကကျသော အချက်ဖြစ်ပါတယ် ။

HIV နဲ့ STIs တွေအတွက် တိုင်ပင်ဆွေးနွေးပြီး အခမဲ့စစ်ဆေးချင်တယ်ဆိုရင်အောက်ပါ Link ကနေ ရက်ချိန်းယူပြီး လာရောက်နိုင်ပါတယ် ။

🔗 ဘိုကင်တင်ရန်: https://forms.cloud.microsoft/r/6RUyZZMnTs

📞 ဆက်သွယ်ရန်: 099 790 204 65 ၊ 098 800 059 23 ၊ 099 777 734 28

Address

Yangon
9511

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+959979020465

Website

Alerts

Be the first to know and let us send you an email when Pretty Girl-Lan Pya Kyel posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Pretty Girl-Lan Pya Kyel:

Shortcuts

Share

Category