18/09/2026
HIV ပိုးရှိနေတယ်ဆိုရင် အရေးကြီးဆုံးနဲ့ မဖြစ်မနေလုပ်ရမှာကတော့ ART ဆေးကို ပုံမှန်သောက်ပေးဖို့ ပဲဖြစ်ပါတယ်။ ART ဆေးကို စနစ်တကျ သောက်ပေးရင် ပုံမှန်ကျန်းမာသူတစ်ယောက်လိုပဲ အသက်ရှည်ရှည်နဲ့ ကျန်းကျန်းမာမာ နေထိုင်သွားလို့ရပါတယ်နော်။
ART ဆေးက ဘာလို့ ဒီလောက်တောင် အရေးပါရတာလဲ?
🟢 ဗိုင်းရပ်စ်တွေ မပွားအောင် တားပေးတယ် (Viral Suppression)
ART ဆေးက သွေးထဲမှာ ရှိနေတဲ့ HIV ဗိုင်းရပ်စ်တွေ ပွားမလာအောင် ထိန်းပေးတာကြောင့် ဗိုင်းရပ်စ်ပမာဏ (Viral Load) ကို စစ်ဆေးလို့ မတွေ့နိုင်တဲ့အထိ (Undetectable) နည်းသွားအောင် လျှော့ချပေးပါတယ်။
🟢 ခုခံအားစနစ် (CD4) ကို ပြန်ကောင်းလာစေတယ်
ဗိုင်းရပ်စ်ပွားတာ ရပ်သွားတဲ့အတွက် ခန္ဓာကိုယ်ရဲ့ ခုခံအားဆဲလ်တွေ (CD4) ပြန်မြင့်တက်လာပြီး တခြားရောဂါတွေ မဝင်နိုင်အောင် ကာကွယ်ပေးထားတာပါ။
🟢 AIDS အဆင့်ထိ မရောက်အောင် တားဆီးပေးတယ်
ART ဆေးကို စောစောစီးစီးနဲ့ ပုံမှန်သောက်သွားရင် ရောဂါလက္ခဏာတွေ မပြတော့ဘဲ AIDS အဆင့်ကို ကူးပြောင်းသွားတာမျိုး လုံးဝမဖြစ်အောင် တားပေးနိုင်ပါတယ်။
🟢 တခြားသူတွေကို မကူးစက်အောင် ကာကွယ်ပေးတယ် (U=U)
Undetectable = Untransmittable ဆိုတဲ့အတိုင်း ဆေးမှန်မှန်သောက်လို့ သွေးထဲမှာ ဗိုင်းရပ်စ်ပမာဏ စစ်ဆေးလို့ မတွေ့တော့ရင် (Undetectable ဖြစ်သွားရင်) ချစ်သူ/အိမ်ထောင်ဖက်ထံကို လိင်မှတစ်ဆင့် မကူးစက်နိုင်တော့ပါဘူး။
သတိထားရမှာကတာ့ ART ဆေးကို စတင်သောက်ပြီဆိုတာနဲ့ ဆရာဝန် ညွှန်ကြားတဲ့အတိုင်း နေ့စဉ် အချိန်မှန်၊ မပျက်မကွက် သောက်ဖို့ အရမ်း အရေးကြီးပါတယ်။ မိမိသဘောနဲ့ ဆေးရပ်လိုက်တာ၊ ပုံမှန်မသောက်ဘဲ သောက်ချင်တဲ့အချိန် သောက်တာမျိုးတွေ လုံးဝ မလုပ်ရပါဘူးနော်။
Booking Link : https://forms.cloud.microsoft/r/6RUyZZMnTs
ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428
=U
