MCF: Myanmar Computer Federation, Building (9), Ground Floor, MICT Park, Universities' Hlaing Campus, Yangon (2026)

09/10/2026

"ASEAN Digital Awards 2027 ပါဝင်ယှဉ်ပြိုင်ရန် ဖိတ်ခေါ်ခြင်း"

အာဆီယံဒေသတွင်း Digital နည်းပညာဆိုင်ရာ တီထွင် ဖန်တီးမှုများကို မြှင့်တင် ဆောင်ရွက်နိုင်ရန် ရည်ရွယ်၍ ASEAN Digital Awards ပြိုင်ပွဲများကို အာဆီယံအဖွဲ့ဝင်နိုင်ငံ များမှ နှစ်စဉ်အလှည့်ကျကျင်းပလေ့ရှိရာ ၂၀၂၇ ခုနှစ်တွင် 7th ADGMIN Chair ဖြစ်သော နိုင်ငံမှ အလှည့်ကျအိမ်ရှင်အဖြစ် ကြီးမှူး၍ ကျင်းပမည်ဖြစ်ပါသည်။
ပြိုင်ပွဲကို အဆင့်(၄) ဆင့်ဖြင့် ပြုလုပ်ထားပြီး ပထမအဆင့်တွင် ယှဉ်ပြိုင်သူများက မိမိ ဝင်ရောက်ယှဉ်ပြိုင်မည့် ပြိုင်ပွဲဝင်သည့် product ၏ အသေးစိတ်အချက်အလက်များနှင့် Video file အား သက်ဆိုင်ရာ Country Coordinator မှတစ်ဆင့် အွန်လိုင်းမှ ပေးပို့လျှောက် ထားရပါမည်။ ဒုတိယအဆင့်တွင် ပြိုင်ပွဲဝင်များ၏ product ၏ အသေးစိတ် အချက်အလက် များနှင့် Video file (3 minute) များ ကို အာဆီယံနိုင်ငံများ၏ ပြိုင်ပွဲအကဲဖြတ်ဒိုင်များမှ အွန် လိုင်းစနစ်ဖြင့် ပဏာမအကဲဖြတ်ခြင်း ပြုလုပ်မည်ဖြစ်ပြီး တတိယအဆင့်တွင် ယှဉ်ပြိုင် သည့်အဖွဲ့များထဲက Finalist (၁၈) ဖွဲ့အား ရွေးချယ်၍ စာရင်း အား ထုတ်ပြန် သွားမည်ဖြစ်ပါ သည်။ စတုတ္ထအဆင့်တွင် Finalist (၁၈) ဖွဲ့အား အာဆီယံအလှည့်ကျ အိမ်ရှင်နိုင်ငံသို့ ဖိတ် ခေါ်၍ ပြိုင်ပွဲဝင်များ၏ Presentation တင်ပြချက် များအား အာဆီယံနိုင်ငံများ ၏ ပြိုင်ပွဲအကဲ ဖြတ်ဒိုင်များမှ Onsite ဖြင့် အပြီးသတ် အကဲဖြတ် ခြင်း ပြုလုပ် မည်ဖြစ်ပြီး ပထမ၊ ဒုတိယနှင့် တတိယtorဆုရရှိသူများကို “7th ASEAN Digital Ministers' Meeting (7th ADGMIN) အစည်း အဝေး၏ Gala Dinner တွင် ဆုချီးမြှင့်မည် ဖြစ်ပါသည်။
ပြိုင်ပွဲအမျိုးအစား (၆) မျိုး ပါဝင်ပြီး အကျဉ်းချုပ်ရှင်းလင်းချက်များမှာ အောက်ပါ အတိုင်း ဖြစ်သည်-

1. The Public Sec
အများပြည်သူနှင့် အစိုးရဌာနများအကြား ဆက်သွယ်ဆောင်ရွက်ပေးနိုင်သော Software Applications and Hardware Devices Product များနှင့် e-Government Application များ အကျုံးဝင်သည်။

2. The Private Sector
ကုမ္ပဏီများ၊ လုပ်ငန်းသုံး Software Applications များ ဖြစ်သော -
• Industrial Application - စက်ရုံ၊ အလုပ်ရုံများတွင် Control Software များ၊ ပစ္စည်းများ၊ ရေတွက်သောစနစ်များ၊
• e-Logistics - ကွန်ပျူတာ Software Applications များကိုအသုံးပြု၍ ကုန်ပစ္စည်းများ၏ စာရင်းများ၊ သိုလှောင်သိမ်းဆည်းထားရှိရမည့် နေရာများကို Control လုပ်နိုင်သောစနစ်များ၊
• Supply Chain Management - ကုန်ပစ္စည်းထုတ်လုပ်မှုအတွက် ကုန်ကြမ်း ဝယ်ယူခြင်း၊ ထုတ်လုပ်ပြီးပစ္စည်းများကို ဖြန့်ဝေခြင်းစသည့် လုပ်ငန်းများ အတွက် Software Applications စနစ်များ၊
• Finance Industry Application - ကုမ္ပဏီအချင်းချင်း ငွေကြေးဆိုင်ရာလုပ်ငန်း များ၊ ကုမ္ပဏီနှင့်ဘဏ်များအကြား ငွေကြေးဆိုင်ရာလုပ်ငန်းများ၊ ကုမ္ပဏီနှင့် ဝယ်ယူသူ Customer များအကြား ငွေကြေးဆိုင်ရာလုပ်ငန်းများ၊ ကုမ္ပဏီတွင်း ငွေကြေးဆိုင်ရာလုပ်ငန်းများ စသည်တို့တွင် အသုံးပြုနိုင်သည့် Software Application System များ၊
• Communication - ပြည်တွင်း၊ ပြည်ပကုမ္ပဏီများအချင်းချင်း ဆက်သွယ်ရေး လုပ်ငန်းများ၊ ကုမ္ပဏီနှင့် အစိုးရဌာနများအကြား ဆက်သွယ်သည့်လုပ်ငန်းများ၊ ကုမ္ပဏီနှင့် ဝယ်ယူသော Customer များအကြား ဆက်သွယ်ရေးပြုနိုင်မည့် Software Applications များ၊
• e-Health - ကျန်းမာရေးနှင့် ပတ်သက်၍အသုံးပြု Software Applications များ၊
• Tourism and Hospitality - ခရီးသွားလုပ်ငန်းများနှင့် ပတ်သက်၍ အသုံးပြုသော Software Applications များ အကျုံးဝင်ပါသည်။

3. Digital Inclusivity Category
ဒစ်ဂျစ်တယ်နည်းပညာ၏ စွမ်းအားကို အသုံးချပြီး ဘေးကင်းစွာ အွန်လိုင်းတက် လှမ်းနိုင်ရန် ကျွမ်းကျင်မှု၊ လှုံ့ဆော်မှုနှင့် အခွင့်အလမ်းများကို တပ်ဆင်ပေးခြင်းဖြင့် နိုင်ငံသား/စားသုံးသူများအား ဒစ်ဂျစ်တယ်စီးပွားရေးနှင့် လူ့အဖွဲ့အစည်းတွင် ပါဝင်ရန် အခွင့်အာဏာပေးသည့် ဒစ်ဂျစ်တယ်ထုတ်ကုန်များ၊ ဝန်ဆောင်မှုများ သို့မဟုတ် ပရိုဂရမ်များ အကျုံးဝင်သည်။

4. Digital Content Category
ရုပ်ပုံများ၊ စာများ၊ အသံများ၊ ဗီဒီယိုများကို Digital သို့ ပြောင်း၍ Multimedia Software Applications များ အကျုံးဝင်သည်။

5. Digital Start-up Category
ICT Software Application နှင့် Hardware ပစ္စည်းများကို ထုတ်လုပ်ရန်၊ ကုမ္ပဏီများ “စ” တင် စွန့်စားတည်ထောင်ရန် ကြိုးစားလျက်ရှိသော ကုမ္ပဏီငယ် များဖြစ်ပြီး ပြိုင်ပွဲ ဝင်သည့်အချိန်တွင် ကုမ္ပဏီကြီးတစ်ခု၏ လက်အောက်ခံကုမ္ပဏီ မဖြစ်ရပါ။

6. Digital Innovation Category
ဆန်းသစ်တီထွင်မှုကို အဓိက ပြိုင်ဆိုင်မှုအားသာချက်အဖြစ် မြှင့်တင်ပေးသည့် ဆင့် ပွားနှင့် သုတေသနအဖွဲ့အစည်းများမှ ပေါ်ပေါက်လာသော ဒစ်ဂျစ်တယ်ထုတ်ကုန် များ၊ ဝန်ဆောင်မှုများ သို့မဟုတ် ပရိုဂရမ်များသည် လုပ်ငန်းလည်ပတ်ပုံ သို့မဟုတ် သုံးစွဲသူများအတွက် ဘဝအရည်အသွေးကို လွန်စွာမြှင့်တင်ရန် အဓိက အပြိုင် အဆိုင်အားသာချက်အဖြစ် မြှင့်တင်ပေးခြင်းများ အကျုံးဝင်သည်။

အဆိုပါပြိုင်ပွဲအမျိုးအစား (၆) မျိုး အတွက် တစ်မျိုးချင်းစီတွင် ပထမ၊ ဒုတိယ၊ တတိယဆု များ ရွေးချယ်ပေးအပ်မည်ဖြစ်ပြီး ဆုရရှိသူများကို ASEAN Digital Awards ဆုတံဆိပ်နှင့် အသိအမှတ်ပြုလက်မှတ်များ ချီးမြှင့်သွားမည်ဖြစ်ပါသည်။ ပြိုင်ပွဲဝင်များ အားလုံးကိုလည်း အသိအမှတ်ပြု လက်မှတ်များ ထုတ်ပေးမည်ဖြစ်ပါသည်။

ASEAN Digital Awards 2026 နှင့်ပတ်သက်၍ အသေးစိတ်အချက်အလက်များ သိရှိ လိုပါက မြန်မာနိုင်ငံကွန်ပျူတာအသင်းချုပ် ဖုန်း ၀၁-၈၆၅၂၃၀၇၊ ၀၉-၆၇၇၆၈၇၀၃၈၊ ၀၉-၄၀၁၆၇၆၃၆၀ နှင့် ၀၉-၄၅၆၀၈၇၀၃၈ ထံသို့ ဆက်သွယ်မေးမြန်းနိုင်ပါကြောင်းနှင့် ပြိုင်ပွဲဝင် လျှောက်လွှာများကို ၂၀၂၆ ခုနှစ်၊ အောက်တိုဘာလ (၁၅) ရက်နေ့ နောက်ဆုံးထား၍ အချိန်မီပေးပို့နိုင်ပါရန် မြန်မာနိုင်ငံအတွင်း ICT ဝန်ဆောင်မှု လုပ်ငန်းဆောင်ရွက်နေသူများ နှင့် စိတ်ပါဝင်စားသူများ ပါဝင်လျှောက်ထားနိုင်ပါရန် ဖိတ်ခေါ်အပ်သည်။

Registration Link & QR : https://forms.gle/eCTtSybhfU1ps4W68

မြန်မာနိုင်ငံကွန်ပျူတာအသင်းချူပ်

01/10/2026

"မြန်မာနိုင်ငံ၏ Unicode Migration ၇ နှစ်ပြည့် အထိမ်းအမှတ်"

၂၀၁၉ – ၂၀၂၆ | ၇ နှစ်တာ Digital Transformation ခရီးစဉ်
ယနေ့ ၂၀၂၆ ခုနှစ်၊ အောက်တိုဘာလ ၁ ရက်နေ့ သည် မြန်မာနိုင်ငံတွင် Myanmar Unicode Standard ကို တစ်နိုင်ငံလုံးအတိုင်းအတာဖြင့် အသုံးပြုရေးအတွက် Unicode Migration ကို စတင်အကောင်အထည်ဖော်ခဲ့သည့်နေ့မှစ၍ (၇) နှစ်ပြည့်မြောက်သည့်နေ့ ဖြစ်ပါသည်။

📅 Myanmar Unicode Migration Timeline
🔹 ၂၀၁၉ ခုနှစ်၊ ဖေဖော်ဝါရီလ ၂၁ ရက်
Myanmar Unicode ကို အမျိုးသားစံချိန်စံညွှန်းအဖြစ် သတ်မှတ်ခဲ့ပါသည်။
🔹 ၂၀၁၉ ခုနှစ်၊ ဧပြီလ ၁ ရက်
အစိုးရဌာနများတွင် Unicode Standard အသုံးပြုရေးကို စတင်အကောင်အထည်ဖော်ခဲ့ပါသည်။
🔹 ၂၀၁၉ ခုနှစ်၊ အောက်တိုဘာလ ၁ ရက်
မြန်မာနိုင်ငံတစ်ဝန်း Unicode Migration ကို အရှိန်အဟုန်မြှင့် ဆောင်ရွက်ခဲ့ပြီး Digital Platform များတွင် မြန်မာစာ Unicode Standard အသုံးပြုရေးကို ပိုမိုကျယ်ပြန့်စွာ ဆောင်ရွက်ခဲ့ပါသည်။
🔹 ၂၀၂၀ – ၂၀၂၆
Unicode Standard အသုံးပြုမှုနှင့်အတူ Digital Government၊ Digital Education၊ Digital Economy၊ Digital Content၊ Online Services နှင့် မြန်မာဘာသာစကားအခြေပြု နည်းပညာများ ဖွံ့ဖြိုးတိုးတက်လာရေးအတွက် အခြေခံအုတ်မြစ်တစ်ရပ်အဖြစ် ဆက်လက်အရေးပါခဲ့ပါသည်။

🌐 Unicode နှင့် Digital Myanmar
Unicode Standard သည် မြန်မာစာကို Digital Environment အတွင်း တစ်ပြေးညီ၊ စနစ်တကျနှင့် အပြန်အလှန်အသုံးပြုနိုင်စေရန် အထောက်အကူပြုသည့် အခြေခံစံတစ်ရပ်ဖြစ်ပါသည်။
ထို့အပြင် Unicode အသုံးပြုမှုသည် မြန်မာဘာသာစကားအတွက် Digital Content ဖန်တီးခြင်း၊ Data Processing၊ Search Technology၊ Natural Language Processing (NLP)၊ Artificial Intelligence (AI) နှင့် အခြားသော Language Technology များ ဖွံ့ဖြိုးတိုးတက်လာရေးအတွက်လည်း အရေးပါသော အခြေခံအုတ်မြစ်တစ်ရပ် ဖြစ်ပါသည်။

ယနေ့ Unicode Migration ၇ နှစ်ပြည့် အထိမ်းအမှတ်အဖြစ် မြန်မာဘာသာစကား၏ Digital Transformation ခရီးစဉ်တွင် ပါဝင်ပူးပေါင်းဆောင်ရွက်ခဲ့ကြသည့် ဝန်ကြီးဌာနများ၊ အဖွဲ့အစည်းများ၊ နည်းပညာရှင်များ၊ ပညာရှင်များ၊ ICT ကဏ္ဍမှ ပုဂ္ဂိုလ်များနှင့် ပြည်သူများအားလုံးကို မြန်မာနိုင်ငံကွန်ပျူတာအသင်းချုပ်မှ အသိအမှတ်ပြု ဂုဏ်ပြုအပ်ပါသည်။
Unicode Migration ၇ နှစ်ပြည့်မှသည်
မြန်မာဘာသာစကား၏ ပိုမိုခိုင်မာသော Digital Future ဆီသို့... 🇲🇲💻

“One Standard, One Digital Myanmar Language”

မြန်မာနိုင်ငံကွန်ပျူတာအသင်းချုပ်

23/09/2026

အထူးဝမ်းနည်းကြေကွဲခြင်း

26/08/2026

APICTA Awards 2026 ပြိုင်ပွဲတွင် ပါဝင်ယှဉ်ပြိုင်နိုင်ရန် ဖိတ်ကြားခြင်း

APICTA Awards 2026 ပြိုင်ပွဲတွင်ပါဝင်ယှဉ်ပြိုင်လိုသူများအနေဖြင့် မိမိတို့၏ Project/ Product အချက်အလက်များ နှင့်အတူ မြန်မာနိုင်ငံကွန်ပျူတာအသင်းချုပ် Email ဖြစ်သော [email protected] သို့ (၁၄-၉-၂၀၂၆) ရက်နေ့ နောက်ဆုံးထား၍ စာရင်းပေးသွင်းနိုင်ပါကြောင်း နှင့် သိရှိလိုပါက 09-456087038 နှင့် 09-677687038 သို့ ဆက်သွယ်နိုင်ပါသည်။

17/08/2026

“Digital-First, Digital Trust to AI Smart” အမျိုးသားဉာဏ်ရည်တုနည်းပညာ ဆွေးနွေးပွဲစကားဝိုင်း ၏ ဆွေးနွေးမှုများမှ Digital ၏ ဆွေးနွေးမှုကောက်နှုတ်ချက်

06/08/2026

ကျေးဇူးတင်လွှာ

ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန၊ အမျိုးသားဉာဏ်ရည်တုနည်းပညာဖွံ့ဖြိုး တိုးတက်ရေးဦးစီးဌာန၏ ဦးဆောင်လမ်းညွှန်မှုဖြင့် မြန်မာနိုင်ငံကွန်ပျူတာအသင်းချုပ်က အကောင်အထည် ဖော်ကျင်းပသည့် “Digital-First, Digital Trust to AI Smart” အမျိုးသားဉာဏ်ရည်တုနည်းပညာ ဆွေးနွေးပွဲစကားဝိုင်းကို ၂၀၂၆ ခုနှစ်၊ ဇူလိုင်လ (၃၁) ရက်တွင် ရန်ကုန်မြို့ MICT Park, Conference Hall ၌ ကျင်းပပြုလုပ်ခဲ့ရာ အခမ်းအနားဖြစ်မြောက်အောင် ကူညီပံ့ပိုးပေးခဲ့ကြသော ကုမ္ပဏီများနှင့် မီဒီယာများကို လှိုက်လှဲစွာကျေးဇူးတင်ရှိပါကြောင်း ဂုဏ်ပြုမှတ်တမ်းတင်အပ်ပါသည်။

မြန်မာနိုင်ငံကွန်ပျူတာအသင်းချုပ်

04/08/2026

“Digital-First, Digital Trust to AI Smart” အမျိုးသားဉာဏ်ရည်တုနည်းပညာ ဆွေးနွေးပွဲစကားဝိုင်း ကျင်းပ
ရန်ကုန်၊ ဩဂုတ် ၄
ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန၊ အမျိုးသားဉာဏ်ရည်တုနည်းပညာဖွံ့ဖြိုးတိုးတက်ရေးဦးစီးဌာန၏ ဦးဆောင်လမ်းညွှန်မှုဖြင့် မြန်မာနိုင်ငံကွန်ပျူတာအသင်းချုပ်က အကောင်အထည်ဖော်ကျင်းပသည့် “Digital-First, Digital Trust to AI Smart” အမျိုးသားဉာဏ်ရည်တုနည်းပညာ ဆွေးနွေးပွဲစကားဝိုင်းကို ၂၀၂၆ ခုနှစ်၊ ဇူလိုင်လ (၃၁) ရက်တွင် ရန်ကုန်မြို့ MICT Park, Conference Hall ၌ ကျင်းပပြုလုပ်ခဲ့ရာ ဌာနဆိုင်ရာများမှ ဝန်ထမ်းများ၊ အသင်းအဖွဲ့များမှ တာဝန်ရှိသူများ၊ တက္ကသိုလ်များမှ ကျောင်းသား၊ ကျောင်းသူများ၊ ကုမ္ပဏီများမှ တာဝန်ရှိသူများနှင့် ဉာဏ်ရည်တုနည်းပညာအပေါ် စိတ်ပါဝင်စားသူများ တက်ရောက်ခဲ့ကြသည်။
အခမ်းအနားတွင် ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးမင်းဇေယျာလှိုင်က အဖွင့်အမှာစကား ပြောကြားပြီး မြန်မာနိုင်ငံကွန်ပျူတာအသင်းချုပ် ဥက္ကဋ္ဌ ဦးဇော်မင်းဦးက ကြိုဆိုနှုတ်ခွန်းဆက်စကား ပြောကြားခဲ့သည်။
ယင်းနောက် “Digital-First, Digital Trust to AI Smart” အမျိုးသားဉာဏ်ရည်တုနည်းပညာ ဆွေးနွေးပွဲစကားဝိုင်းကို ဆက်လက်ကျင်းပရာ အမျိုးသားဉာဏ်ရည်တုနည်းပညာဖွံ့ဖြိုးတိုးတက်ရေးဦးစီးဌာန၊ ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာနမှ ဒုတိယညွှန်ကြားရေးမှူးချုပ် ဒေါက်တာတင်ဘုန်းကျော်က ဦးဆောင်ဆွေးနွေးမေးမြန်းသူအဖြစ် ဆောင်ရွက်ခဲ့သည်။
ဆွေးနွေးပွဲတွင် ဂုဏ်ထူးဆောင်ဆွေးနွေးသူများအဖြစ် ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန၊ အမျိုးသားဉာဏ်ရည်တုနည်းပညာဖွံ့ဖြိုးတိုးတက်ရေးဦးစီးဌာနမှ ပါမောက္ခ ဒေါက်တာနိုင်နိုင်ခင်၊ လက်ထောက်ညွှန်ကြားရေးမှူး ဒေါက်တာဇော်မင်းခိုင်၊ မြန်မာနိုင်ငံကွန်ပျူတာပညာရှင်အသင်း အတွင်းရေးမှူး ဒေါက်တာမျိုးမျိုးနိုင်နှင့် မြန်မာနိုင်ငံကွန်ပျူတာလုပ်ငန်းရှင်အသင်း ဗဟိုအလုပ်အမှုဆောင် ဒေါက်တာကျော်ဖြိုးလင်းတို့က ပါဝင်ဆွေးနွေးခဲ့ကြသည်။
ထို့အပြင် ဆွေးနွေးပွဲသို့ တက်ရောက်လာကြသူများက ဉာဏ်ရည်တုနည်းပညာနှင့် စပ်လျဉ်း၍ သိရှိလိုသည်များကို မေးမြန်းဆွေးနွေးခဲ့ကြပြီး အပြန်အလှန်အမြင်များ ဖလှယ်ခဲ့ကြသည်။
ဆက်လက်၍ မြန်မာနိုင်ငံကွန်ပျူတာအသင်းချုပ် ဒုတိယဥက္ကဋ္ဌ၊ AI & NLP Committee ဥက္ကဋ္ဌ ဦးထွန်းခိုင်က ဆွေးနွေးပွဲအတွင်း ဆွေးနွေးခဲ့သည့် အကြောင်းအရာများနှင့် ရရှိခဲ့သည့် အမြင်များကို ပြန်လည်သုံးသပ်ဆွေးနွေးခဲ့သည်။
ယင်းနောက် ဆွေးနွေးပွဲအခမ်းအနား အောင်မြင်စွာကျင်းပနိုင်ရေးအတွက် ပါဝင်ကူညီပံ့ပိုးပေးခဲ့ကြသူများအား ဂုဏ်ပြုမှတ်တမ်းများ ပေးအပ်ခဲ့ပြီး အခမ်းအနားတက်ရောက်သူများနှင့်အတူ စုပေါင်းမှတ်တမ်းတင်ဓာတ်ပုံ ရိုက်ကူးကာ အခမ်းအနားကို အောင်မြင်စွာ ရုပ်သိမ်းခဲ့ပါသည်။

မြန်မာနိုင်ငံကွန်ပျူတာအသင်းချုပ်

30/07/2026

🤖 “Digital-First, Digital Trust to AI Smart” အမျိုးသားဉာဏ်ရည်တုနည်းပညာ စကားဝိုင်းဆွေးနွေးပွဲ အခမ်းအနား အောင်မြင်စွာ ဖြစ်ပေါ်လာရေးအတွက် Boom Marketing Agency မှ Media Sponsor အဖြစ် ပါဝင်ပံ့ပိုးပေးထားပါတယ်။ 🙌💙

𝐁𝐫𝐚𝐧𝐝 တစ်ခု ထိရောက်စွာနဲ့ ခရီးတွင်စေနိုင်စေဖို့ မှန်ကန်တဲ့ 𝐒𝐭𝐫𝐚𝐭𝐞𝐠𝐲၊ 𝐂𝐫𝐞𝐚𝐭𝐢𝐯𝐞 ဖြစ်တဲ့ 𝐈𝐝𝐞𝐚၊ ဆွဲဆောင်မှုရှိတဲ့ 𝐃𝐞𝐬𝐢𝐠𝐧၊ လူစိတ်ဝင်စားစေမယ့် 𝐕𝐢𝐝𝐞𝐨 တွေနဲ့ စနစ်ကျတဲ့ 𝐒𝐨𝐜𝐢𝐚𝐥 𝐌𝐞𝐝𝐢𝐚 𝐌𝐚𝐧𝐚𝐠𝐞𝐦𝐞𝐧𝐭 တွေ အားလုံးကို ပေါင်းစည်းဖို့လိုပါတယ် ✅

အဲဒီလို 𝐌𝐚𝐫𝐤𝐞𝐭𝐢𝐧𝐠 𝐏𝐫𝐨𝐜𝐞𝐬𝐬 တစ်ခုလုံးကို အကောင်အထည်ဖော်နိုင်ဖို့ 𝐁𝐨𝐨𝐦 𝐃𝐢𝐠𝐢𝐭𝐚𝐥 𝐌𝐚𝐫𝐤𝐞𝐭𝐢𝐧𝐠 က အောက်ပါဝန်ဆောင်မှုတွေကို တစ်နေရာတည်းမှာ ပံ့ပိုးပေးနေပါတယ် 👇

◾ 𝐂𝐨𝐧𝐭𝐞𝐧𝐭 & 𝐒𝐭𝐫𝐚𝐭𝐞𝐠𝐲
𝐂𝐨𝐧𝐭𝐞𝐧𝐭 𝐒𝐭𝐫𝐚𝐭𝐞𝐠𝐲၊ 𝐂𝐨𝐧𝐭𝐞𝐧𝐭 𝐏𝐥𝐚𝐧𝐧𝐢𝐧𝐠၊ 𝐒𝐜𝐫𝐢𝐩𝐭 𝐖𝐫𝐢𝐭𝐢𝐧𝐠၊ 𝐌𝐢𝐧𝐢 𝐂𝐚𝐦𝐩𝐚𝐢𝐠𝐧 𝐈𝐝𝐞𝐚𝐬၊ 𝐒𝐞𝐚𝐬𝐨𝐧𝐚𝐥 𝐂𝐨𝐧𝐭𝐞𝐧𝐭 နဲ့ 𝐌𝐨𝐧𝐭𝐡𝐥𝐲 𝐂𝐨𝐧𝐭𝐞𝐧𝐭 𝐂𝐚𝐥𝐞𝐧𝐝𝐚𝐫
◾ 𝐃𝐞𝐬𝐢𝐠𝐧 & 𝐂𝐫𝐞𝐚𝐭𝐢𝐯𝐞
𝐂𝐫𝐞𝐚𝐭𝐢𝐯𝐞 𝐃𝐞𝐬𝐢𝐠𝐧၊ 𝐌𝐨𝐭𝐢𝐨𝐧 𝐆𝐫𝐚𝐩𝐡𝐢𝐜 နဲ့ 𝐏𝐎𝐒𝐌 𝐃𝐞𝐬𝐢𝐠𝐧
◾ 𝐕𝐢𝐝𝐞𝐨 𝐏𝐫𝐨𝐝𝐮𝐜𝐭𝐢𝐨𝐧
𝐂𝐫𝐞𝐚𝐭𝐢𝐯𝐞 𝐂𝐨𝐦𝐦𝐞𝐫𝐜𝐢𝐚𝐥၊ 𝐓𝐢𝐤𝐓𝐨𝐤 𝐕𝐢𝐝𝐞𝐨၊ 𝐑𝐞𝐞𝐥𝐬 𝐏𝐫𝐨𝐝𝐮𝐜𝐭𝐢𝐨𝐧 & 𝐄𝐝𝐢𝐭𝐢𝐧𝐠
◾ 𝐒𝐨𝐜𝐢𝐚𝐥 𝐌𝐞𝐝𝐢𝐚 𝐌𝐚𝐧𝐚𝐠𝐞𝐦𝐞𝐧𝐭
𝐅𝐚𝐜𝐞𝐛𝐨𝐨𝐤 & 𝐓𝐢𝐤𝐓𝐨𝐤 𝐀𝐜𝐜𝐨𝐮𝐧𝐭 𝐒𝐞𝐭𝐮𝐩၊ 𝐏𝐚𝐠𝐞 𝐌𝐚𝐧𝐚𝐠𝐞𝐦𝐞𝐧𝐭၊ 𝐓𝐫𝐞𝐧𝐝 𝐑𝐞𝐬𝐞𝐚𝐫𝐜𝐡၊ 𝐀𝐝𝐬 𝐁𝐨𝐨𝐬𝐭𝐢𝐧𝐠 နဲ့ 𝐏𝐞𝐫𝐟𝐨𝐫𝐦𝐚𝐧𝐜𝐞 𝐑𝐞𝐩𝐨𝐫𝐭𝐢𝐧𝐠
◾ 𝐈𝐧𝐟𝐥𝐮𝐞𝐧𝐜𝐞𝐫 & 𝐏𝐫𝐨𝐝𝐮𝐜𝐭𝐢𝐨𝐧
𝐊𝐎𝐋 / 𝐈𝐧𝐟𝐥𝐮𝐞𝐧𝐜𝐞𝐫 𝐌𝐚𝐧𝐚𝐠𝐞𝐦𝐞𝐧𝐭 နဲ့ 𝐏𝐫𝐨𝐝𝐮𝐜𝐭 𝐏𝐡𝐨𝐭𝐨 𝐒𝐡𝐨𝐨𝐭𝐢𝐧𝐠

ဒါကြောင့် 𝐈𝐝𝐞𝐚 တစ်ခုကနေ 𝐑𝐞𝐬𝐮𝐥𝐭 တစ်ခုအထိ 𝐁𝐫𝐚𝐧𝐝 တစ်ခု လိုအပ်တဲ့ 𝐌𝐚𝐫𝐤𝐞𝐭𝐢𝐧𝐠 𝐒𝐞𝐫𝐯𝐢𝐜𝐞𝐬 အားလုံးကို 𝐁𝐨𝐨𝐦 က တစ်နေရာတည်းမှာ အကောင်းဆုံး ဖန်တီးပေးဖို့ အဆင်သင့်ရှိနေပါတယ် 🤝စိတ်ဝင်စားသူများအနေနဲ့ အခမ်းအနားကို လာရောက်လေ့လာရင်း Boom Marketing Agency ရဲ့ စိတ်ဝင်စားဖွယ်ရာ အကြောင်းအရာတွေနဲ့ ဝန်ဆောင်မှုတွေကိုလည်း တစ်ပါတည်း လာရောက်လေ့လာခံစားနိုင်ဖို့ လာရောက်ပေးကြပါရန် ဖိတ်ခေါ်လိုက်ပါတယ်နော်။ 💙✨
📅 နေ့ရက် — ၃၁-၇-၂၀၂၆ (သောကြာနေ့)
⏰ အချိန် — နံနက် ၉:၃၀ နာရီ
📍 နေရာ — Conference Hall, MICT Park

Registration Link: https://forms.gle/U4ZGgEM9UDPS3WdQ9

29/07/2026

🤖 “Digital-First, Digital Trust to AI Smart” အမျိုးသားဉာဏ်ရည်တုနည်းပညာ စကားဝိုင်းဆွေးနွေးပွဲ အခမ်းအနား အောင်မြင်စွာ ဖြစ်ပေါ်လာရေးအတွက် မြန်မာနိုင်ငံရဲ့ ပထမဆုံး Digital Creative Platform ဖြစ်တဲ့ Amuze Application မှ Main Sponsor အဖြစ် ပါဝင်ပံ့ပိုးပေးထားပါတယ်။ 🙌💙
📚 Education နဲ့ 🎬 Entertainment တို့ကို ပေါင်းစပ်ဖန်တီးထားတဲ့ Edutainment Platform တစ်ခုဖြစ်တဲ့ Amuze App မှာတော့—
📖 Comic
📕 Novel
🎙️ Storytelling
📰 Journals
🖼️ Gallery
🏛️ Museum Arts
🎓 Education
စတဲ့ ကဏ္ဍမျိုးစုံကို တစ်နေရာတည်းမှာ လေ့လာဖတ်ရှုခံစားနိုင်မှာဖြစ်လို့ အသက်အရွယ်မရွေး မည်သူမဆို လွတ်လပ်စွာ ဝင်ရောက်လေ့လာနိုင်မှာ ဖြစ်ပါတယ်။ ✨
🤖 “Digital-First, Digital Trust to AI Smart” အမျိုးသားဉာဏ်ရည်တုနည်းပညာ စကားဝိုင်းဆွေးနွေးပွဲ အခမ်းအနားမှာ Amuze Application မှလည်း ပြခန်း (Booth) တစ်ခုအနေဖြင့် ပါဝင်ပြသသွားမှာ ဖြစ်ပါတယ်။
ဒါကြောင့် နည်းပညာနဲ့ AI အကြောင်းအရာတွေကို စိတ်ဝင်စားသူများအနေနဲ့ အခမ်းအနားကို လာရောက်လေ့လာရင်း Amuze App ရဲ့ စိတ်ဝင်စားဖွယ်ရာ အကြောင်းအရာတွေနဲ့ ဝန်ဆောင်မှုတွေကိုလည်း တစ်ပါတည်း လာရောက်လေ့လာခံစားနိုင်ဖို့ လာရောက်ပေးကြပါရန် ဖိတ်ခေါ်လိုက်ပါတယ်နော်။ 💙✨
📅 နေ့ရက် — ၃၁-၇-၂၀၂၆ (သောကြာနေ့)
⏰ အချိန် — နံနက် ၉:၃၀ နာရီ
📍 နေရာ — Conference Hall, MICT Park

Registration Link: https://forms.gle/U4ZGgEM9UDPS3WdQ9

29/07/2026

ယနေ့မှာကျရောက်သော ဝါဆိုလပြည့် ဓမ္မစကြာနေ့ အခါသမယမှာ မြန်မာပြည်သူပြည်သားများအားလုံး ကိုယ်၏ကျန်းမာခြင်း၊ စိတ်၏ချမ်းသာခြင်းတို့နဲ့ ပြည့်စုံကြ၍ ရောဂါဘယအသီးသီးမှလည်း ကင်းဝေးနိုင်ကြပါစေကြောင်း မြန်မာနိုင်ငံကွန်ပျူတာအသင်းချုပ် မှ ဆုမွန်ကောင်း တောင်းအပ်ပါသည်။

MCF: Myanmar Computer Federation

09/10/2026

01/10/2026

23/09/2026

26/08/2026

17/08/2026

06/08/2026

04/08/2026

30/07/2026

29/07/2026

29/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request