UNICEF Myanmar

11/06/2026

ကလေးတွေရဲ့ ဦးနှောက်က ပထမဦးဆုံး သုံးနှစ်မှာ ပိုပြီးဖွံ့ဖြိုးတယ်ဆိုတာ သိပါသလား? 👶
ကိုယ့်သားသား မီးမီးတွေရဲ့ ကြီးထွားဖွံ့ဖြိုးမှုမှာ မိဘတစ်ယောက် အနေနဲ့ ကူညီပံ့ပိုးပေးနိုင်တဲ့ အကောင်းဆုံးနည်းလမ်း‌တစ်ခုကတော့ အတူတူ ဆော့ကစားခြင်းပါပဲ 🧸⚽️
ကစားခြင်းနောက်ကွယ်မှာ ဘာတွေရှိလဲဆိုတာ ဖတ်ရှုလိုက်ပါ

https://unicef.link/4mZfcMy

09/06/2026

Congratulations U-Report Myanmar 👏🏽👏🏽👏🏽

၈၀,၀၀၀! ၈၀,၀၀၀! ၈၀,၀၀၀! 🥳🎉

မြန်မာနိုင်ငံတစ်ဝန်းက ကိုယ့်ရဲ့ အတွေးအမြင်၊ ထင်မြင်ချက်တွေကို မျှဝေနေကြတဲ့ U-Reporter လူငယ်ပေါင်း (၈၀,၀၀၀) ပြည့်မြောက်သွားပါပြီ။ 🇲🇲🌍✨

ဒီခရီးမှာ ပါဝင်ပေးနေတဲ့ တစ်ယောက်ချင်းစီတိုင်းကို U-Report Myanmar က အထူးပဲ ကျေးဇူးတင်ရှိပါတယ်။ 🥰 ရှေ့ဆက်ပြီးတော့လည်း Poll တွေကတစ်ဆင့် ကိုယ့်ရဲ့အသံကို ဆက်လက် ဖော်ထုတ်ပေးကြဖို့ တိုက်တွန်းချင်ပါတယ်။

သူငယ်ချင်းရော အပြောင်းအလဲတစ်ခုကို ဖန်တီးဖို့ အဆင်သင့်ဖြစ်ပြီလား? 💫

U-Reporter တစ်ယောက်ဖြစ်ဖို့အတွက် အခုပဲ Messenger နဲ့ Viber ကနေတစ်ဆင့် “JOIN” လို့ပို့ပြီး ပါဝင်လိုက်ပါ။ 💭📲

05/06/2026

ရာသီဥတု ဖောက်ပြန်ပြောင်းလဲမှုတွေကို "ငါတစ်ယောက်တည်းနဲ့ ပြောင်းလဲနိုင်ပါ့မလား" လို့ တွေးဖူးလား။ 🤔💭

ဒီလိုအတွေး တွေးဖူးတယ်ဆိုရင် သဘာဝပတ်ဝန်းကျင်အတွက် ကောင်းမွန်တဲ့အပြောင်းအလဲတွေ လုပ်ပေးနိုင်မဲ့အခွင့်အရေး အခု သင့်ရှေ့မှာရှိနေပါပြီ။ 💫🌱

ကမ္ဘာ့ခေါင်းဆောင်တွေရဲ့ ရာသီဥတုဆိုင်ရာ အရေးယူဆောင်ရွက်မှုတွေကို ဆုံးဖြတ်မယ့် 2026 United Nations Climate Change Conference (COP31) ရဲ့ “ကမ္ဘာလုံးဆိုင်ရာ လူငယ်များ သဘောထားထုတ်ပြန်ချက်” မှာ သူငယ်ချင်းရဲ့အမြင်တွေ ပါဝင်နိုင်ဖို့ ✨

U-Report Myanmar ရဲ့ Messenger ဒါမှမဟုတ် Viber ကို အခုပဲ “POLL”လို့ ပို့ပြီး ကမ္ဘာမြေအတွက် ကူကယ်ရာလက်တစ်စုံ ဖြစ်လိုက်ပါ။ 🌍💪

02/06/2026

မြန်မာနိုင်ငံဆိုင်ရာ ကုလသမဂ္ဂ ဌာနေညှိနှိုင်းရေးမှူးနှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး (ယာယီ)က သူမရဲ့ နိုင်ငံတွင်း ပထမဆုံး ၆ လတာ အတွေ့အကြုံတွေအပြင် ပဋိပက္ခတွေ၊ ဘက်ပေါင်းစုံ အကျပ်အတည်းတွေ ကြုံနေရတဲ့ မြန်မာပြည်သူတွေကို ကူညီဖို့အတွက် လက်ရှိမှာ ဘာတွေ လိုအပ်နေလဲဆိုတာကို ပြောပြထားပါတယ်။

မြန်မာနိုင်ငံရဲ့ စိန်ခေါ်မှုတွေအကြောင်းကို စကားဝိုင်းအမျိုးမျိုးမှာ သီးခြားစီ ခွဲပြီး ပြောကြလေ့ရှိပါတယ်။ တစ်နေရာမှာ ပဋိပက္ခဖြစ်တဲ့အကြောင်း၊ နောက်တစ်နေရာမှာ ရေကြီးတဲ့အကြောင်းနဲ့ တခြားနေရာမှာတော့ စီးပွားရေး ကျပ်တည်းနေတဲ့အကြောင်းတွေပေါ့။ ဒါပေမဲ့ လူထုအတွက်ကတော့ အဲဒီ အကျပ်အတည်းတွေက တစ်ကြိမ်မှာ တစ်ခုစီ ရောက်လာကြတာ မဟုတ်ပါဘူး။

ပဋိပက္ခတွေကြောင့် နေရပ်စွန့်ခွာ ထွက်ပြေးနေရတဲ့ မိသားစုတစ်စုအတွက်တော့ ရေကြီးတယ်ဆိုတာ ရေကြီးရုံသက်သက်တင် မဟုတ်တော့ပါဘူး။ စက်သုံးဆီ ပြတ်လပ်တာဟာလည်း စီးပွားရေးပြဿနာ သက်သက်တင် မဟုတ်တော့ပါဘူး၊ ဘာလို့လဲဆိုတော့ အဲဒီစက်သုံးဆီစျေးနှုန်းတွေက မိသားစုတွေ အစားအသောက်နဲ့ ဆေးဝါး ဝယ်ယူနိုင်မှု ရှိ/မရှိကို ဆုံးဖြတ်ပေးနေသလို၊ လူသားချင်းစာနာမှု အကူအညီတွေ ဝေးလံခေါင်ဖျားဒေသတွေက လူထုတွေဆီ ရောက်နိုင်/မရောက်နိုင်ဆိုတာကိုပါ အဆုံးအဖြတ်ပေးနေလို့ ဖြစ်ပါတယ်။ ငလျင်မလှုပ်ခင်ကတည်းက မသေရုံတမယ် ရုန်းကန်နေရတဲ့ လူထုအတွက်တော့ ငလျင်လှုပ်တာဟာ သဘာဝဘေးအန္တရာယ်တစ်ခုတင် မဟုတ်တော့ပါဘူး။

အသက်ကယ်ဆယ်ဖို့အတွက် ရေတို လူသားချင်းစာနာမှု အကူအညီတွေပေးတာက မရှိမဖြစ် အရေးကြီးတာမှန်ပေမဲ့ ဒါတင်ပဲဆိုရင်တော့ မလုံလောက်ပါဘူး။ ရေကြီးတာ၊ ငလျင်လှုပ်တာနဲ့ နေရပ်စွန့်ခွာ ရွှေ့ပြောင်းရတဲ့အခါမျိုးတွေ နောက်မှာ ပြည်သူတွေဟာ အရေးပေါ် အကူအညီတွေ လိုအပ်ကြပါတယ်။ ဒါပေမဲ့ သိက္ခာရှိပြီး ရေရှည်တည်တံ့တဲ့ လူမှုဘဝတစ်ခုကို တည်ဆောက်နိုင်ဖို့အတွက်တော့ ဒေသခံလူထုအတွက် အသက်မွေးဝမ်းကျောင်း လုပ်ငန်းတွေ၊ ပညာရေး၊ ကျန်းမာရေး ဝန်ဆောင်မှုနဲ့ ပြန်လည်ထူထောင်ရေး လုပ်ငန်းတွေမှာပါ ရင်းနှီးမြှုပ်နှံမှုတွေ လိုအပ်ပါတယ်။ ဒါမှလည်း ဒေသခံတွေအနေနဲ့ အကူအညီတွေအပေါ်မှာပဲ ရေရှည် မှီခိုနေရတာမျိုး မဖြစ်တော့ဘဲ မိမိခြေထောက်ပေါ်မိမိရပ်ပြီး ကိုယ်ပိုင်ဘဝတွေကို ပြန်လည်တည်ဆောက်နိုင်ဖို့ လိုအပ်တဲ့ အထောက်အပံ့တွေကို ရရှိသွားမှာပါ။ ဒါ့အပြင် သူတို့ရဲ့အနာဂတ်ဟာ အခုလက်ရှိ ကြုံတွေ့နေရတဲ့ အခြေအနေထက် ပိုပြီးကောင်းမွန်လာနိုင်တယ်ဆိုတာကိုလည်း တစ်ဖန်ပြန်ပြီးတော့ ယုံကြည်လာနိုင်ကြမှာ ဖြစ်ပါတယ်။

မြန်မာပြည်သူတွေဟာ အသက်ရှင်ရုံတင် တောင်းတနေကြတာ မဟုတ်ပါဘူး။ ကျွန်မတို့တတွေလိုပဲ သူတို့ဘဝတွေကို သူတို့ကိုယ်ပိုင် ဆုံးဖြတ်ချက်တွေနဲ့ပဲ ပြန်လည်တည်ဆောက်နိုင်မယ့် အခွင့်အရေးမျိုးကို လိုချင်ကြတာပါ။ ပြီးတော့ အရေးအကြီးဆုံးက ဒီလိုအကျပ်အတည်းတွေက နိုင်ငံရေးအရ နက်နဲလာတဲ့အခါမျိုးမှာ ဒါမှမဟုတ် အထူးသဖြင့် နိုင်ငံရေးအရ ပိုပြီး ရှုပ်ထွေးမှုတွေများလာချိန်မှာ ကမ္ဘာကြီးက သူတို့ကို မေ့လျော့မထားဘဲ ဆက်ပြီးတော့ လက်တွဲကူညီပေးနေဖို့ကို သူတို့ တကယ် လိုလားကြတာပါပဲ။

မြန်မာနိုင်ငံဟာ ကမ္ဘာကြီးက အပြန်အလှန်ဆွေးနွေးငြင်းခုန်နေကြပြီး၊ ဖြစ်နေကျပဲ ဆိုကာ ဘာမှမတတ်နိုင်သလို လက်ခံလိုက်ကြတဲ့ အဆုံးမရှိ ထပ်ခါတလဲလဲ အကျပ်အတည်းတွေ ဖြစ်ပွားနေတဲ့ နိုင်ငံမျိုးတော့ လုံးဝ ဖြစ်သွားလို့ မရပါဘူး။ ပြည်သူတွေဟာ နိုင်ငံတကာအသိုင်းအဝိုင်းဆီကနေ အဆက်မပြတ် ကူညီပံ့ပိုးမှုတွေကို ရထိုက်ရုံတင် မကပါဘူး၊ လိုအပ်ချက်တွေ အမြင့်မားဆုံးဖြစ်နေတဲ့ အခုလို အချိန်မျိုးမှာ ဒီအကျပ်အတည်းကို ကမ္ဘာကြီးရဲ့ အာရုံစိုက်မှုအပြင်ဘက် ပိုပြီးတော့ ရောက်မသွားစေဖို့အတွက် တကယ် စိတ်ရင်းမှန်နဲ့ ကတိကဝတ်ပြု လုပ်ဆောင်ပေးတာတွေကိုလည်း ရဖို့ထိုက်တန်ပါတယ်။

https://www.facebook.com/share/p/1JEgg8e33a/

OPINION | The United Nations resident and humanitarian coordinator ad interim in Myanmar Gwyn Lewis reflects on her first months in the country and what is needed to support the people amid conflict and a multifaceted crisis.

28/05/2026

သန့်ရှင်းသောရေ၊ ကိုယ်ပိုင်အသုံးပြုနိုင်မယ့် အိမ်သာနဲ့ ရာသီသန့်ရှင်းရေးသုံးပစ္စည်းတွေဟာ ထူးခြားတဲ့ အခွင့်ထူးခံရမှုတွေ မဟုတ်ပါဘူး။ ဒါတွေဟာ အမျိုးသမီးတွေနဲ့ မိန်းကလေးငယ်တိုင်းအတွက် မရှိမဖြစ်လိုအပ်တဲ့ "အခြေခံလူ့လိုအပ်ချက်တွေ" သာ ဖြစ်ပါတယ်။ 🩸🩵

မိန်းကလေးတိုင်းဟာ မိမိတို့ရဲ့ ရာသီလာချိန် (ဓမ္မတာရက်များ) ကို ဘေးကင်းလုံခြုံစွာ၊ မိမိကိုယ်ကိုယ် ယုံကြည်မှုအပြည့်ရှိစွာနဲ့ ဂုဏ်သိက္ခာရှိရှိ ဖြတ်သန်းနိုင်ခွင့် ရှိရပါမယ်။

မိန်းကလေးတိုင်းအတွက်၊ နေရာတိုင်းမှာ ရာသီကျန်းမာရေးဆိုင်ရာ လိုအပ်ချက်တွေ ပြည့်ပြည့်ဝဝ ရရှိနိုင်မယ့် ကမ္ဘာတစ်ခုကို အားလုံး အတူတကွ ဖန်တီးကြပါစို့။

28/05/2026

ရာသီလာခြင်းအကြောင်းကို ရှက်ရွံ့မနေဘဲ ပွင့်ပွင့်လင်းလင်း ပြောဆိုနိုင်ခြင်းဟာ အမျိုးသမီးများနှင့် မိန်းကလေးငယ်တိုင်းရဲ့ အခြေခံအခွင့်အရေးတစ်ခု ဖြစ်ပါတယ်။ 🩵

မိန်းကလေးတိုင်းဟာ မိမိတို့ရဲ့ ကျန်းမာရေး၊ ဖွံ့ဖြိုးတိုးတက်မှုနဲ့ ဂုဏ်သိက္ခာကို အပြည့်အဝ ထောက်ပံ့ပေးနိုင်မယ့် အောက်ပါအခြေခံလိုအပ်ချက်တွေကို မရှိမဖြစ် ရရှိသင့်ပါတယ် -

✨ စိတ်ချရတဲ့ ရာသီသန့်ရှင်းရေးသုံးပစ္စည်းများ
💧 သန့်ရှင်းသောရေ
🚪 လုံခြုံစိတ်ချရပြီး သီးသန့်အသုံးပြုနိုင်မယ့် အိမ်သာများ
📚 မှန်ကန်ပြီး စနစ်ကျတဲ့ ကျန်းမာရေးဆိုင်ရာ အချက်အလက်များ

ဒီလိုအခြေခံလိုအပ်ချက်တွေ ပြည့်ပြည့်ဝဝ ရရှိလာတဲ့အခါ မိန်းကလေးငယ်တွေဟာ ပိုမိုကျန်းမာပျော်ရွှင်စွာ နေထိုင်နိုင်ပြီး၊ မိမိကိုယ်ကိုယ် ယုံကြည်မှုတွေ တိုးတက်လာကာ ကျောင်းသင်ခန်းစာတွေနဲ့ လူမှုအသိုင်းအဝိုင်းထဲမှာ အတားအဆီးမရှိ အပြည့်အဝ ပါဝင်နိုင်ပါလိမ့်မယ်။

ရာသီလာခြင်း သဘာဝကိစ္စရပ်ကြောင့် မည်သည့်မိန်းကလေးတစ်ဦးတစ်ယောက်မျှ ကျောင်းပြင်ပ ရောက်ရှိမကျန်ရစ်စေဖို့နဲ့ လူမှုဘဝတွေမှာ နောက်ကျမကျန်ခဲ့စေဖို့ အားလုံး အတူတကွ ပူးပေါင်းလုပ်ဆောင်ကြပါစို့။🤝✨

27/05/2026

"လစဉ်သုံးပစ္စည်းတစ်ထုတ်ရဲ့ ဈေးနှုန်းက ကျွန်မတို့ရဲ့ တစ်နေ့စာ လုပ်အားခလောက်နီးနီး ရှိတယ်..."

လှပလွန်းတဲ့ ရှုခင်းတွေရှိပေမယ့် ရာသီဥတုဘေးဒဏ်နဲ့ ဆင်းရဲမွဲတေမှုကို ကြမ်းတမ်းစွာ ရင်ဆိုင်နေရတဲ့ အင်းလေးကန်အနီးတဝိုက်က ကျေးရွာတွေမှာ ဓမ္မတာရာသီလာခြင်းဟာ အမျိုးသမီးငယ်တွေနဲ့ မိခင်တွေအတွက် အသံတိတ်စိန်ခေါ်မှုတစ်ခု ဖြစ်နေခဲ့ပါတယ်။

စားဝတ်နေရေး ကျပ်တည်းလွန်းတာကြောင့် ဈေးကြီးတဲ့ တစ်ခါသုံးလစဉ်သုံးပစ္စည်းတွေကို မဝယ်နိုင်ဘဲ ကျန်းမာရေးနဲ့မညီညွတ်တဲ့ အဝတ်စုတ်တွေကို သုံးစွဲခဲ့ရသလို၊ အသက် ၁၅ နှစ်အရွယ် မမြတ်ပန်းအိတို့လို ကျောင်းသူလေးတွေဟာလည်း အဝတ်မှာ စွန်းပေပြီး အရှက်ရမှာစိုးလို့ တစ်လမှာ ကျောင်း ၂ ရက်၊ ၃ ရက်လောက် ပုံမှန်ပျက်ခဲ့ကြရပါတယ်။

ဥရောပသမဂ္ဂ (EU) ရဲ့ ရက်ရောတဲ့ ပံ့ပိုးကူညီမှုနဲ့အတူ ယူနီဆက်နဲ့ CDA အဖွဲ့ဟာ အမျိုးသမီးတွေနဲ့ ကျောင်းသူလေးတွေအတွက် ရိုးရှင်းပြီး ရေရှည်အသုံးတည့်မယ့် "ပြန်လည်အသုံးပြုနိုင်တဲ့ လစဉ်သုံးပစ္စည်းများ" ကို စနစ်တကျ အသုံးပြုနည်း၊ ဆေးကြောသန့်စင်နည်း အသိပညာပေးဟောပြောပွဲတွေ ပြုလုပ်ခဲ့ပြီး လိုအပ်တဲ့ တစ်ကိုယ်ရေသန့်ရှင်းရေးသုံးပစ္စည်းတွေကိုလည်း အခမဲ့ ဖြန့်ဝေပေးခဲ့ပါတယ်။

"ပထမဆုံးအကြိမ်အဖြစ် ကျွန်မ ထိတ်လန့်စရာမလိုဘဲ စာသင်နိုင်ပြီလို့ ခံစားရပါတယ်" လို့ မြတ်ပန်းအိက အပြုံးတွေနဲ့ ပြောပြပါတယ်။

အမျိုးသမီးတွေနဲ့ မိန်းကလေးငယ်တွေအနေနဲ့ မိမိတို့ရဲ့ ဓမ္မတာကိစ္စရပ်တွေကို ဘေးကင်းလုံခြုံပြီး ဂုဏ်သိက္ခာအပြည့်နဲ့ ဖြေရှင်းနိုင်ဖို့၊ ကျောင်းသင်ခန်းစာတွေ၊ လုပ်ငန်းခွင်တွေနဲ့ လူမှုဘဝတွေမှာ စိုးရိမ်ကြောင့်ကြမှုမရှိဘဲ အပြည့်အဝ ပါဝင်နိုင်ဖို့အတွက် ယူနီဆက်အနေနဲ့ မြန်မာနိုင်ငံတစ်ဝန်းရှိ ထိခိုက်လွယ်ပြီး အလှမ်းဝေးတဲ့ ဒေသတွေဆီ ဆက်လက်ပံ့ပိုး ကူညီသွားမှာဖြစ်ပါတယ်။

မြတ်ပန်းအိရဲ့ ဇာတ်လမ်းကို အောက်က link မှာဖတ်ရှုနိုင်ပါတယ်။

https://www.unicef.org/myanmar/my/stories/breaking-barriers-restoring-dignity-Myan

27/05/2026

Menstruation is a natural fact of life, and managing it safely is a basic human right.

Every girl and woman in Myanmar deserves to manage their period with dignity, safety, and confidence. Menstrual products are not a luxury, but rather essential items for health and participation in daily life.

Read our full statement on why ensuring access to these basic supplies must remain a priority, even in times of crisis.

https://www.unicef.org/myanmar/press-releases/joint-statement-unicef-and-unfpa-myanmar-menstrual-hygiene-day

19/05/2026

စိတ်ခံစားချက်တွေ အကြောင်း အလွယ်တကူ လေ့လာနိုင်မယ့် U-Report Myanmar ရဲ့ mental health chatbot လေးကို အသုံးပြုနိုင်ဖို့ U-Report ရဲ့ messenger နဲ့ Viber ကနေ အခုပဲ "Hi" လို့ပို့လိုက်ပါ 👇

မိုးအုံ့တဲ့နေ့တွေလို စိတ်ထဲမှာလည်း အုံ့မှိုင်းမှိုင်းဖြစ်နေတဲ့အချိန်တွေ ရှိနေပြီလား…? 😔

တစ်ခါတစ်လေ ဘာကြောင့်မှန်းမသိဘဲ စိတ်ပင်ပန်းနေတာ၊ တစ်ယောက်တည်း နေချင်တဲ့နေ့တွေဆိုတာ ရှိတတ်ပါတယ်။ အဲ့လိုအချိန်မျိုးမှာ ကိုယ့်စိတ်ကို ပြန်ပြီးနားလည်ပေးတတ်ဖို့နဲ့ ဂရုစိုက်ပေးဖို့ နေရာတစ်ခုတော့ လိုတယ်နော်… 🤗

အဲ့ဒီနေရာလေးကတော့ U-Report Myanmar ရဲ့ စိတ်ကျန်းမာရေးနဲ့ပတ်သက်ပြီး အချက်အလက်တွေ လေ့လာနိုင်မယ့် Mental Health Chatbot လေးပါပဲ…🤩

“Hi” လေးတစ်လုံး ပို့လိုက်တာနဲ့…
💬 စိတ်ပိုင်းဆိုင်ရာ အချက်အလက်တွေကို လွယ်လွယ်ကူကူ သိနိုင်မယ်
💬 ကိုယ်သိချင်တဲ့အကြောင်းအရာကို click တစ်ချက်နှိပ်လိုက်ရုံနဲ့ လေ့လာနိုင်မယ်
💬 စိတ်ကျန်းမာရေးကို ဂရုစိုက်ဖို့ အသုံးဝင်တဲ့ အကြံပြုချက်တွေကို ရရှိနိုင်မယ်နော်…

ဒါကြောင့် စိတ်ထဲမှာ တစ်ခုခု မွန်းကြပ်နေတာပဲဖြစ်ဖြစ်၊ ကိုယ့်စိတ်အကြောင်းကို ပိုနားလည်ချင်တာပဲဖြစ်ဖြစ် U-Report Myanmar ရဲ့ Facebook Messenger ဒါမှမဟုတ် Viber မှာ အခုပဲ “Hi” လို့ ပို့လိုက်ပါ ✨

ပိုကောင်းတဲ့နေ့တွေကို အတူဖြတ်သန်းနိုင်ဖို့ U-Report Myanmar နဲ့ ရှိနေမယ်က အမြဲရှိနေပါတယ်နော် 💙

18/05/2026

ငလျင်ကြောင့် စိုးရိမ်ကြောက်ရွံ့နေတဲ့ ကလေးတွေကို မိဘတစ်ယောက် အနေနဲ့ဘာတွေလုပ်ပေးလို့ရမလဲ?

👇