Myanmar Business Executives Association - MBE

23/09/2026

𝐀𝐒𝐄𝐀𝐍 𝐌𝐚𝐧𝐚𝐠𝐞𝐦𝐞𝐧𝐭 𝐀𝐬𝐬𝐨𝐜𝐢𝐚𝐭𝐢𝐨𝐧 𝐍𝐞𝐭𝐰𝐨𝐫𝐤 (𝐀𝐌𝐀𝐍) ဖွဲ့စည်းရာတွင် တည်ထောင်သူ အဖွဲ့ဝင် (𝐅𝐨𝐮𝐧𝐝𝐢𝐧𝐠 𝐌𝐞𝐦𝐛𝐞𝐫 𝐎𝐫𝐠𝐚𝐧𝐢𝐳𝐚𝐭𝐢𝐨𝐧) အဖြစ် မြန်မာစီးပွားစီမံအမှုဆောင်များအသင်း (𝐌𝐲𝐚𝐧𝐦𝐚𝐫 𝐁𝐮𝐬𝐢𝐧𝐞𝐬𝐬 𝐄𝐱𝐞𝐜𝐮𝐭𝐢𝐯𝐞𝐬 𝐀𝐬𝐬𝐨𝐜𝐢𝐚𝐭𝐢𝐨𝐧 - 𝐌𝐁𝐄) က နားလည်မှု စာချွန်လွှာ ရေးထိုးခြင်းကို ဖိလစ်ပိုင်နိုင်ငံ၊ မနီလာမြို့၌ ၂၀၂၆ ခုနှစ်၊ စက်တင်ဘာလ (၁၈) ရက်နေ့က ပါဝင် ဆောင်ရွက်ခဲ့ပါသည်။

ASEAN Business Advisory Council အစည်းအဝေး နှင့်အတူ ယခု 𝐀𝐒𝐄𝐀𝐍 𝐌𝐚𝐧𝐚𝐠𝐞𝐦𝐞𝐧𝐭 𝐀𝐬𝐬𝐨𝐜𝐢𝐚𝐭𝐢𝐨𝐧 𝐍𝐞𝐭𝐰𝐨𝐫𝐤 (𝐀𝐌𝐀𝐍) ဖွဲ့စည်း တည်ထောင်မှု MoU တွင် မြန်မာစီးပွားစီမံအမှုဆောင်များအသင်း (MBE) အထွေထွေ အတွင်းရေးမှူး ဦးသိန်းဦးက Main Signatory အဖြစ် လည်းကောင်း၊ MBE အသင်း အကြံပေးအဖွဲ့ဝင် Dr. ဇော်နိုင်က Witness အဖြစ် လည်းကောင်း၊ ဂုဏ်ယူစွာ ပါဝင် လက်မှတ် ရေးထိုးခဲ့ကြပြီး ၂၀၂၆ ခုနှစ်၊ စက်တင်ဘာလ (၁၉) ရက်၌ ကျင်းပခဲ့သည့် Philippines ASEAN Business Forum (2026) ကိုလည်း ပါဝင် တက်ရောက်ခဲ့ကြပါကြောင်း မှတ်တမ်းတင် ဖော်ပြအပ်ပါသည်။

23/09/2026

“သင့်လုပ်ငန်း တိုးတက်ဖို့ ယနေ့ကစ ပြင်ဆင်စို့” စီးပွားရေးအသိပညာ ဆွေးနွေးပွဲကို မြန်မာစီးပွားစီမံအမှုဆောင်များအသင်း (MBE) က Prudential Myanmar Life Insurance Limited ၊ Yoma Bank တို့နှင့် ပူးပေါင်းပြီး ၂၀၂၆ ခုနှစ်၊ စက်တင်ဘာလ (၁၉) ရက်နေ့က PARKROYAL Yangon တွင် ကျင်းပပြုလုပ်ခဲ့ပါသည်။

MSME လုပ်ငန်းများ ဖွံ့ဖြိုးတိုးတက်မှုကို အထောက်အကူပြုနိုင်ဖို့ ရည်ရွယ်သည့် ယခု ဆွေးနွေးပွဲကို MBE အသင်း နာယက Prof. Dr. အောင်ထွန်းသက်၊ MBE အသင်း ဥက္ကဋ္ဌ ဦးမင်းဦး ဦးဆောင်သည့် စီမံခန့်ခွဲမှုအဖွဲ့ဝင်များ၊ ယခုပွဲကို တာဝန်ယူ စီစဉ်သည့် Collaboration & Strategic Partnership Committee (MBE CSPC) အလုပ်အမှုဆောင်များ အပါအဝင် MBE အသင်း အလုပ်အမှု‌ဆောင်များ၊ MBE အသင်းဝင်များ၊ Prudential Myanmar Life Insurance မှ တာဝန်ရှိသူများ၊ Yoma Bank မှ တာဝန်ရှိသူများ၊ MSME စီးပွားရေးလုပ်ငန်းရှင်များ၊ အခြားစီးပွားရေးလုပ်ငန်းရှင်များ၊ စိတ်ပါဝင်စားသူများ တက်ရောက်ခဲ့ကြပါသည်။

အခမ်းအနား၌ MBE အသင်း နာယက ဆရာကြီး Prof. Dr. အောင်ထွန်းသက်က လုပ်ငန်းတိုးတက်အောင်မြင်ဖို့ အခြေခံကျသည့် စွန့်ဦးတီထွင်မှု၊ ခေါင်းဆောင်မှုနှင့် အနာဂတ်အတွက် စီးပွားရေးစီမံခန့်ခွဲမှုအကြောင်း မျှဝေပေးခဲ့ပါသည်။ ဆွေးနွေးပွဲ Panel Discussion အစီအစဉ်၌ စီးပွားရေးလုပ်ငန်းများ တိုးတက်ဖို့ သိရှိသင့်သည့်အချက်များ ၊ စီးပွားရေးလုပ်ငန်းများအတွက် ငွေကြေးစီမံခန့်ခွဲမှု၊ ချေးငွေ ဝန်ဆောင်မှုနှင့် အာမခံ အကာအကွယ်တို့ရဲ့ အရေးပါပုံ အကြောင်းတို့ကို Panelists များအဖြစ် ဒေါက်တာရန်နိုင် (Business Lead - Partnership Distribution, Prudential Myanmar Life Insurance)၊ ဒေါ်အေးအေးမူ (Director - Taw Win Myint Mo Co., Ltd. ၊ Advisory Board Member of MBE Association) ၊ ဒေါ်ထက်အိန္ဒြေလင်း (Senior Vice President of SME Banking, Yoma Bank) တို့ကလည်းကောင်း၊ Moderator အဖြစ် ဦးအဲလက်စ်ညီညီအောင် (CCAO - Unilever Myanmar ၊ Treasurer of MBE Association) ကလည်းကောင်း၊ အသီးသီး ပါဝင်ဆွေးနွေးခဲ့ကြပါသည်။

MBE အသင်းအ‌နေဖြင့် MoU Partner မိတ်ဖက်အဖွဲ့အစည်း တစ်ခုဖြစ်သည့် Prudential Myanmar Life Insurance Limited ကိုလည်းကောင်း၊ ပူးတွဲကျင်းပသည့် Yoma Bank ကိုလည်းကောင်း၊ အခမ်းအနားတွင် ပါဝင်ဆွေးနွေးခဲ့ကြသည့် Keynote Speaker ပါမောက္ခ ဒေါက်တာအောင်ထွန်းသက်၊ Moderator ဦးအဲလက်စ်ညီညီအောင်၊ Panelist များ ဖြစ်ကြသည့် ဒေါက်တာရန်နိုင်၊ ဒေါ်အေးအေးမူ ၊ ဒေါ် ထက်အိန္ဒြေလင်း၊ MBE အသင်းဝင် ပြခန်းများ ပါဝင်ပြသပြီး ကံစမ်းမဲ အစီအစဉ်များ ပံ့ပိုးပေးခဲ့ကြသည့် ဒေါ်ဥမ္မာလွင် (MD of MC Easy Microfinance Co., Ltd.) ၊ Dr. စည်သူဖြိုး (CEO of Trust Venture Partner Co., Ltd.,) ၊ ဒေါ်ခင်စန္ဒာကျော် (Founder & Owner of Color Plus Fashion Clothing & Footwear Store) တို့ကိုလည်းကောင်း၊ Supporting Partner များနှင့်တကွ အခြား ကျေးဇူးတင်ထိုက်သူများအားလုံးကို ကျေးဇူးတင်ရှိပါကြောင်း မှတ်တမ်းတင် ဖော်ပြအပ်ပါသည်။

MBE အသင်းအနေဖြင့် မိတ်ဖက်အဖွဲ့အစည်းများနှင့် ပူးပေါင်းပြီး အသိပညာမျှဝေသည့် အစီအစဉ်များနှင့်တကွ စီးပွားရေးလုပ်ငန်းများ ရေရှည်တိုးတက်အောင်မြင်ဖို့ အတူလက်တွဲပြီး ဆက်လက်ပံ့ပိုးကူညီသွားမည် ဖြစ်ပါကြောင်း မှတ်တမ်းတင် ဖော်ပြအပ်ပါသည်။

10/09/2026

"သင့်လုပ်ငန်း အောင်မြင်ဖို့အတွက် ကြိုးစားနေရင်း အနာဂတ်မှာ မမျှော်လင့်ထားတဲ့ အခြေအနေတွေ ဖြစ်လာခဲ့ရင် ဘာတွေကြိုတင် ပြင်ဆင်ပြီးပြီလဲ???"

မြန်မာစီးပွားစီမံ အမှု‌‌ဆောင်များအသင်း (MBE) က Prudential Insurance နဲ့ Yoma Bank တို့နှင့်အတူ ပူးပေါင်းကျင်းပမယ့် “သင့်လုပ်ငန်းတိုးတက်ဖို့ ယနေ့ကစ ပြင်ဆင်စို့” ပွဲမှာ မမျှော်လင့်ထားတဲ့ အခြေအနေတွေအတွက် ငွေကြေးဆိုင်ရာ ကြိုတင်ပြင်ဆင်နိုင်ဖို့ အသက်အာမခံနဲ့ ပတ်သက်တဲ့ အသိပညာ‌တွေ နဲ့အတူ SME လုပ်ငန်းရှင်များအတွက် SME Banking အပါအဝင် သိသင့်သိထိုက်သည်များကို မျှဝေ ဆွေးနွေးခြင်း အားဖြင့် မိမိ လုပ်ငန်းအတွက် အရေးကြီးတဲ့ တစ်ခုကို စတင် ဖန်တီးနိုင်မယ့် အခွင့်အရေးများလည်း ပါဝင်ပါတယ်။ 💼💰

မိမိလုပ်ငန်းကို ပိုမိုတိုးတက်ချဲ့ထွင်လိုတဲ့ SME လုပ်ငန်းရှင်များအနေနဲ့ မဖြစ်မနေ တက်ရောက်သင့်တဲ့ ယခုပွဲမှာ MBE အသင်း နာယက Prof. Dr. အောင်ထွန်းသက်၊ MBE အသင်း အကြံပေးအဖွဲ့ဝင် တစ်ဦး ဖြစ်သည့် ‌ဒေါ်အေးအေးမူ (Director of Taw Win Myint Mo Co., Ltd.) နှင့် MBE အသင်း ဘဏ္ဍာရေးမှူး ဦးအဲလက်စ် ညီညီအောင် (CCAO of Unilever Myanmar) တို့က SME လုပ်ငန်းဖွံ့ဖြိုး တိုးတက်‌ ချဲ့ထွင်နိုင်‌မယ့် နည်းလမ်းကောင်းများစွာကို ဆွေးနွေးသွားမယ့်အပြင် အခြား Supporting Partners များလဲ ပါဝင်သွားမှာ ဖြစ်ပါတယ်။

စီးပွားရေး မိတ်ဖက်သစ်တွေနဲ့ တွေ့ဆုံရင်း သင့်လုပ်ငန်း တိုးတက်ဖို့နဲ့ ရေရှည်ရပ်တည်နိုင်ဖို့အတွက် အကြံဉာဏ်ကောင်းတွေ ဖလှယ်နိုင်မယ့် ဒီပွဲကြီးဆီ အရောက်လာခဲ့ဖို့ ဖိတ်ခေါ်လိုက်ပါတယ်။

ပွဲတက်ရောက်လာသူများအတွက် လုပ်ငန်းအသိအမြင်သစ်တွေအပြင် စိတ်လှုပ်ရှားဖွယ်ရာ Lucky Draw အစီအစဉ်များလည်း ပါဝင်မှာဖြစ်လို့ MSME လုပ်ငန်းရှင်များနှင့် စိတ်ပါဝင်စားသူများ ပါဝင်တက်ရောက်ဖို့ တိုက်တွန်းအပ်ပါတယ်။

လူဦးရေ ကန့်သတ်ထားပါသဖြင့် အခုပဲ တက်ရောက်ရန် စာရင်း အမြန်ဆုံး ပေးသွင်းလိုက်ပါ။


https://forms.cloud.microsoft/pages/responsepage.aspx?id=XjAHcGQma065pMTVzP0VJM14YFFDf2tNiLeSFIKsp5lUN1VVTVJZMFlEWDZPMEtNSUIxQjNYQUI5Ni4u&origin=QRCode&route=shorturl


နေ့ရက် - ၂၀၂၆ ခုနှစ်၊ စက်တင်ဘာလ ၁၉ ရက် (စနေနေ့)
အချိန် - နေ့လယ် ၁ နာရီ မှ ညနေ ၄ နာရီအထိ
နေရာ - Park Royal Hotel, Yangon
အမှတ် (၃၃)၊ အလံပြဘုရားလမ်း၊ ဒဂုံမြို့နယ်၊ ရန်ကုန်မြို့။

in Collaboration with
(19.9.2026)

01/09/2026

မြန်မာစီးပွားစီမံအမှုဆောင်များအသင်း (MBE) နှင့် India Myanmar Chamber of Commerce (IMCC) တို့အကြား နားလည်မှု စာချွန်လွှာ (MoU) လက်မှတ် ရေးထိုးခြင်းကို ယနေ့ (၁.၉.၂၀၂၆) ရက်နေ့၊ ရန်ကုန််မြို့တွင် ဆောင်ရွက်ခဲ့ပါသည်။

အခမ်းအနားသို့ MBE အသင်း ဥက္ကဋ္ဌ ဦးမင်းဦး ဦးဆောင်သည့် MBE အသင်း စီမံခန့်ခွဲမှုအဖွဲ့ဝင်များ၊ Collaboration & Strategic Partnership Committee (MBE CSPC) အလုပ်အမှုဆောင်များ၊ IMCC Chamber ဥက္ကဋ္ဌ Mr. Naresh Kumar Dinodiya ဦးဆောင်သည့် Chamber အလုပ်အမှုဆောင်များ နှင့် တာဝန်ရှိသူများ ၊ IMCC ၏ အခြား မိတ်ဖက်အဖွဲ့အစည်းမှ တာဝန်ရှိသူများ တက်ရောက်ခဲ့ကြပါသည်။

MoU လက်မှတ်ရေးထိုးမှုအဖြစ် MBE အသင်း ကိုယ်စား ဥက္ကဋ္ဌ ဦးမင်းဦး နှင့် Collaboration & Strategic Partnership Committee (MBE CSPC) Chairperson ဦးစည်သူအောင် တို့က လည်းကောင်း၊ IMCC Chamber ကိုယ်စား ဥက္ကဋ္ဌ Mr. Naresh Kumar Dinodiyaနှင့် ဘဏ္ဍာရေးမှူး Mr. Manoj Chowdhary တို့က လည်းကောင်း၊ ဆောင်ရွက်ခဲ့ကြပါသည်။

MBE အသင်း Collaboration & Strategic Partnership Committee (MBE CSPC) က တာဝန်ယူ စီစဉ် ဆောင်ရွက်သည့် ယခု MoU ရေးထိုးမှု၌ နှစ်ဖက် အဖွဲ့အစည်းများ အ‌နေဖြင့်

• Joint Events and Programs
• Member Meetups and Networking
• Reciprocal Invitations
• Speakers, Mentors, and Resource Persons
• Community and Business Development Initiatives
• Information Sharing and Promotion
• Institutional Learning and Knowledge Exchange

လုပ်ငန်း နယ်ပယ်များတွင် နှစ်ဖက် အဖွဲ့အစည်းများအကြား နှင့် မိမိတို့၏ အဖွဲ့အစည်းဝင် အသီးသီးတို့အကြား အပြန်အလှန် အကျိုး ဖြစ်ထွန်းစေမည့် ပူးပေါင်း ဆောင်ရွက်မှုများ မြှင့်တင် လုပ်‌ဆောင်သွားမည် ဖြစ်ပါကြောင်း မှတ်တမ်းတင် ဖော်ပြအပ်ပါသည်။

29/08/2026

ဧရာဝတီတိုင်းဒေသကြီး၊ ရေဘေးသင့် ဒေသများ ကူညီပံ့ပိုးရေး အစီအစဉ် တစ်ရပ်အနေဖြင့် မြန်မာစီးပွားစီမံအမှုဆောင်များအသင်း (MBE) အသင်း၏ ပထမအသုတ် ပံ့ပိုးလှူဒါန်းမှုအနေဖြင့် လတ်တလော ဖြစ်ပွားလျက်ရှိသော ဧရာဝတီ တိုင်းဒေသကြီး၊ လေးမျက်နှာမြို့နယ်၊ ခမောက်စုကျေးရွာ၊ ပန်းဘဲတန်းရပ် ရှိ ရေဘေးသင့်ပြည်သူ အိမ်ထောင်စု (၁၀၀) အတွက် အ‌ထောက်အပံ့ ပစ္စည်းများကို ပေးအပ် လှူဒါန်းခဲ့ပါသည်။

ယခု လှူဒါန်းမှုကို MBE အသင်းဝင် အလှူရှင်များက စုစည်း ဆောင်ရွက်ခြင်း ဖြစ်ပြီး ရေဘေးသင့် အိမ်ထောင်စု တစ်စုစာအတွက်

- (၄'x ၆') ချည်ကြမ်းစောင် (၁) ထည်၊
- မယ်တင် ရွှေပုဇွန်ကြော် ငံပြာရည်ကြော် နှင့် ကြက်သား တောချက် အနှစ်ထုပ် (၅ ထုပ်စီ) ၊
- ရွှေလက်ရာ ငါးနီတူခြောက်ကြော် (၁) ထုပ်၊
- Ma Mee ဆီချက်ခေါက်ဆွဲ (၅) ထုပ်ပါ (၂) ပါကင်၊
- ကာဘော်လစ် ဆပ်ပြာထောင့် (၁) ခု၊
- ချိုဆိမ့် နို့မြေပဲကွတ်ကီး (၁) ထုပ်၊
- ဘုရင် ဘီစကစ် (၁) ထုပ်၊
- ရှူးရှဲလက်ဖက် ၁၀ ထုပ်ပါ (၂) တွဲ၊
- Aquatabs (၆၇ မီလီဂရမ်) ရေသန့်ဆေးပြား (၅) ခု ၊
- ပါရာစီတမော (၁) ကဒ်
- ဝမ်းပိတ်ဆေး (၁) ကဒ်

တို့ အသီးသီး ပါဝင်သည့် ပစ္စည်းများကို MBE အသင်းဝင်များက MBE အသင်းရုံး၌ စနစ်တကျ ထုပ်ပိုးပြီး စုစည်းပို့ဆောင်ခြင်းကို MBE အသင်းဥက္ကဋ္ဌ ဦးဆောင်သည့် စီမံခန့်ခွဲမှုအဖွဲ့ဝင်များ၊ Responsible Business & Sustainability Committee (MBE RBSC) အလုပ်အမှုဆောင်များ၊ MBE အသင်းဝင် အလှူရှင်များက (၂၇.၈.၂၀၂၆) ရက်က စုစည်း ဆောင်ရွက်ခဲ့ကြပြီး ဧရာဝတီတိုင်းဒေသကြီး၊ ရေဘေးသင့်ဒေသများ ကူညီဆောင်ရွက်ရေး အ‌ခြေအနေများနှင့် စပ်လျဉ်းပြီး THO လူမှုကူညီ ကယ်ဆယ်ရေးအဖွဲ့နှင့် ဆွေးနွေးခဲ့ကြပါသည်။

(၂၈.၈.၂၀၂၆) ရက်နေ့၊ ရေဘေးသင့်ဒေသများသို့ ကွင်းဆင်း သွားရောက် လှူဒါန်းမှုအဖြစ် MBE အသင်း အထွေထွေ အတွင်းရေးမှူး နှင့် MBE RBSC ကော်မတီ အလုပ် အမှုဆောင်များ ပါဝင်သည့် MBE ကိုယ်စားပြုအဖွဲ့က ဆောင်ရွက်ခဲ့ပါကြောင်း မှတ်တမ်းတင် ဖော်ပြအပ်ပါသည်။

MBE အသင်းအနေဖြင့် လတ်တလော ဖြစ်ပွားလျက်ရှိသည့် ရေဘေးသင့်ဒေသများ ကူညီပံ့ပိုးရေး အစီအစဉ်များ အပါအဝင် လူမှုကူညီ ပံ့ပိုးရေး အစီအစဉ်များကို MBE အသင်းဝင်များ၊ မိတ်ဖက် အဖွဲ့အစည်းများ၏ စုပေါင်းအားဖြင့် ဆက်လက် ဆောင်ရွက်သွားမည် ဖြစ်ပါကြောင်း ဖော်ပြအပ်ပါသည်။

26/08/2026

မြန်မာစီးပွားစီမံအမှုဆောင်များအသင်း (MBE) နှင့် YOUTH International College (YIC) တို့အကြား နားလည်မှု စာချွန်လွှာ (MoU) လက်မှတ် ရေးထိုးခြင်းကို ယနေ့ (၂၆.၈.၂၀၂၆) ရက်နေ့၊ ရန်ကုန််မြို့တွင် ဆောင်ရွက်ခဲ့ပါသည်။

အခမ်းအနားသို့ MBE အသင်း ဒုတိယ ဥက္ကဋ္ဌ (၂) ဒေါ်မင်းမင်းမဉ္ဇူ ဦးဆောင်သည့် MBE အသင်း စီမံခန့်ခွဲမှုအဖွဲ့ဝင်များ၊ Collaboration & Strategic Partnership Committee (MBE CSPC) အလုပ်အမှုဆောင်များ၊ YOUTH International College မှ Founder & CEO Dr. ဇော်လင်း၊ Co-founder & Director Dr. ယဉ်သူအေး တို့ ဦးဆောင်သည့် တာဝန်ရှိသူများ၊ ဆရာ/ဆရာမများ၊ ကျောင်းသား/သူ များ၊ အခြား မိတ်ဖက်အဖွဲ့အစည်းများမှ တာဝန်ရှိသူများ တက်ရောက်ခဲ့ကြပြီး MBE အသင်း ကိုယ်စား ဒုတိယဥက္ကဋ္ဌ (၂) ဒေါ်မင်းမင်းမဉ္ဇူ နှင့် အထွေထွေ အတွင်းရေးမှူး ဦးသိန်းဦး တို့ကလည်းကောင်း၊ YOUTH International College ကိုယ်စား Founder & CEO Dr. ဇော်လင်း နှင့် Co-founder & Director Dr. ယဉ်သူအေး တို့ကလည်းကောင်း၊ လက်မှတ် ရေးထိုးခဲ့ကြပါသည်။

MBE အသင်း Collaboration & Strategic Partnership Committee (MBE CSPC) က တာဝန်ယူ စီစဉ်ဆောင်ရွက်သည့် ယခု MoU ရေးထိုးမှု၌ နှစ်ဖက် အဖွဲ့အစည်းများ အ‌နေဖြင့် Exchange of students, Joint teaching activities, Internship opportunities for students, Jointly promoting and developing Myanmar Small and Medium Enterprise Programs, Visits by, and exchanges of, scholars, teachers, and resource persons, Jointly organizing business plan contests, matchings, and networking Sessions, Jointly supporting CSR Activities လုပ်ငန်း နယ်ပယ်များတွင် နှစ်ဖက် အဖွဲ့အစည်းများအကြား နှင့် မိမိတို့၏ အဖွဲ့အစည်းဝင် အသီးသီးတို့အကြား အပြန်အလှန် အကျိုး ဖြစ်ထွန်းစေမည့် ပူးပေါင်း ဆောင်ရွက်မှုများ မြှင့်တင် လုပ်‌ဆောင်သွားမည် ဖြစ်ပါကြောင်း မှတ်တမ်းတင် ဖော်ပြအပ်ပါသည်။

25/08/2026

𝐅𝐚𝐤𝐞 𝐍𝐞𝐰𝐬 သတင်းမှားဖြစ်ကြောင်း သတိပေး နှိုးဆော်ထုတ်ပြန်ခြင်း

အောက်တွင် ဖော်ပြထားသည့် ‌"SME Bank ချေးငွေရုံးချုပ်" အမည်ခံ TikTok Social Media အကောင့်အတု၊ စာမျက်နှာအတုများ ပြုလုပ်ကာ လိမ်လည်သူများသည် Myanmar Business Executives Association - MBE က ကျင်းပပြုလုပ်ခဲ့သော အခမ်းအနားများတွင် ရိုက်ကူးခဲ့သည့် ဓာတ်ပုံ/ဗီဒီယိုများကို အလွဲသုံးစား ပြုလုပ်၍ 𝐅𝐚𝐤𝐞 𝐍𝐞𝐰𝐬 မဟုတ်မမှန် သတင်းများ မက်လုံးပေး လှည့်ဖြား ဖော်ပြလျက် ရှိ‌ကြောင်း တွေ့ရှိရပါသည်။

MBE အသင်းအနေဖြင့် TikTok/ Telegram Social Media Account များ တရားဝင် ဖွင့်လှစ်ထားခြင်း မရှိသကဲ့သို့ အဆိုပါ 𝐅𝐚𝐤𝐞 𝐍𝐞𝐰𝐬 များတွင် ပါဝင် ရေးသားဖော်ပြချက်များနှင့် လုံးဝ (လုံးဝ) သက်‌ဆိုင်ခြင်း မရှိပါကြောင်း အထူးသတိပြုနိုင်ပါရန် အသိပေးအပ်ပါသည်။

MBE အသင်း နှင့် မိတ်ဖက်အဖွဲ့အစည်းများ၏ သတင်းအချက်အလက်မှန်များကို ၎င်းတို့ တရားဝင် ဖွင့်လှစ်ထားရှိသော Official Social Media Page/ Website များ၌သာ ရယူ ဆောင်ရွက်ကြပါရန် လေးစားစွာ တိုက်တွန်းအပ်ပါသည်။

24/08/2026

လုပ်ငန်းတန်ဖိုးကို Finance နဲ့ ဘယ်လိုဖန်တီးမလဲဆိုတာ သိချင်တဲ့ လုပ်ငန်းရှင်များ၊ Business Leaders များ၊ Finance Professionals များအနေနဲ့ မဖြစ်မနေ ပါဝင်သင့်တဲ့ Panel Discussion တစ်ခု ဖြစ်တာမို့ ပါဝင် တက်ရောက်နိုင်ဖို့ ဖိတ်ခေါ် နှိုးဆော်လိုက်ရပါတယ်။

📣 Invitation for Panel Discussion

“Value Creation Through Finance”

လုပ်ငန်းတွေမှာ Finance ကို Reporting တစ်ခုအဖြစ်သာမက Value Creation အတွက် ဘယ်လိုအသုံးချနိုင်မလဲ?

လုပ်ငန်းတစ်ခု အောင်မြင်ဖို့အတွက် Sales နဲ့ Marketing ကောင်းရုံနဲ့ မလုံလောက်ပါဘူး။

Cash Flow, Profitability, Investment, Valuation, Governance နဲ့ Financial Decision Making တွေကလည်း လုပ်ငန်းရဲ့ ရေရှည်တန်ဖိုးကို တိုက်ရိုက်သက်ရောက်စေပါတယ်။

ဒီ Panel Discussion မှာတော့ Finance နယ်ပယ်တစ်ခုလုံးကို အမြင်တစ်ဖက်တည်းနဲ့ မကြည့်ဘဲ Accounting, Corporate Finance, Valuation & Investment, Governance & Audit, Education & Capacity Building ဆိုတဲ့ မတူညီတဲ့ Expertise တွေကို စုစည်းပြီး လုပ်ငန်းရှင်တွေအတွက် လက်တွေ့အသုံးချနိုင်မယ့် အမြင်တွေကို ဆွေးနွေးပေးသွားမှာ ဖြစ်ပါတယ်။

💡 ဘာတွေကို ဆွေးနွေးကြမလဲ?
🔹 လုပ်ငန်းတွေမှာ လက်ရှိကြုံတွေ့နေရတဲ့ Finance Challenges တွေကို ဘယ်လိုဖြေရှင်းမလဲ?
🔹 Cash Flow & Working Capital ကို ဘယ်လိုထိရောက်စွာ စီမံမလဲ?
🔹 Profit ရှိပေမယ့် Cash မရှိတဲ့အခြေအနေကို ဘယ်လိုကာကွယ်မလဲ?
🔹 လုပ်ငန်းတန်ဖိုး (Business Valuation) ကို ဘယ်လိုမြှင့်တင်မလဲ?
🔹 Investment နဲ့ Financial Decisions တွေကို ဘယ်လိုဆုံးဖြတ်မလဲ?
🔹 Governance & Audit က လုပ်ငန်းတန်ဖိုးဖန်တီးရာမှာ ဘယ်လောက်အရေးကြီးသလဲ?
🔹 လုပ်ငန်းကြီးထွားလာတဲ့အခါ Finance Function ကို ဘယ်လိုတည်ဆောက်မလဲ?

🎤 Expert Panelists
Daw Tin Tin Nyo — Panelist
Dr. Yu Yu Myint — Panelist
U Khin Zaw Win — Panelist
Dr. Si Thu Phyo — Panelist
🎙️ Moderator — Daw Su Mon Htwe

မတူညီတဲ့ Finance Expertise တွေကနေ အမြင်မျိုးစုံကို တစ်နေရာတည်းမှာ နားထောင်နိုင်မယ့်အပြင် Academic Theory ထက် လုပ်ငန်းခွင်မှာ တကယ်အသုံးချနိုင်မယ့် Practical Insights တွေကို အဓိကထား ဆွေးနွေးသွားမှာ ဖြစ်ပါတယ်။

📅 29 August 2026 (Saturday)
⏰ 7:00 PM – 9:00 PM
💻 Online Panel Discussion
Zoom ID: 861 4056 5989
Passcode: bcd

Register Here https://tinyurl.com/4hv3aecb

📌 Organized by Myanmar Business Executives Association (MBE)

👉 လုပ်ငန်းတန်ဖိုးကို Finance နဲ့ ဘယ်လိုဖန်တီးမလဲဆိုတာ သိချင်တဲ့ လုပ်ငန်းရှင်များ၊ Business Leaders များ၊ Finance Professionals များအနေနဲ့ မဖြစ်မနေ ပါဝင်သင့်တဲ့ Panel Discussion တစ်ခု ဖြစ်ပါတယ်။

19/08/2026

𝐌𝐁𝐄 𝐆𝐫𝐞𝐞𝐧 𝐆𝐫𝐨𝐰𝐭𝐡 𝐈𝐧𝐢𝐭𝐢𝐚𝐭𝐢𝐯𝐞: 𝐆𝐫𝐞𝐞𝐧 𝐂𝐚𝐦𝐩𝐮𝐬 𝐀𝐜𝐭𝐢𝐯𝐢𝐭𝐲 အောင်မြင်စွာ ကျင်းပနိုင်ရေး ပံ့ပိုးပေးခဲ့ကြသည့် အောက်ဖော်ပြပါ 𝑮𝒓𝒆𝒆𝒏𝑷𝒂𝒓𝒕𝒏𝒆𝒓𝒔 အဖွဲ့အစည်းများ အားလုံးကို မြန်မာစီးပွားစီမံအမှုဆောင်များအသင်း (MBE) က အထူးပင် ကျေးဇူးတင်ရှိပါကြောင်း ဖော်ပြအပ်ပါသည်။


- 𝐌𝐂 𝐄𝐚𝐬𝐲 𝐌𝐢𝐜𝐫𝐨𝐟𝐢𝐧𝐚𝐧𝐜𝐞


- 𝐌𝐲𝐚𝐧𝐦𝐚𝐫 𝐂𝐢𝐭𝐢𝐳𝐞𝐧𝐬 𝐁𝐚𝐧𝐤
- 𝐀𝐥𝐩𝐢𝐧𝐞


- 𝐄𝐌𝐁𝐀 𝟓𝐭𝐡 𝐁𝐚𝐭𝐜𝐡, 𝐘𝐔𝐄𝐜𝐨
- 𝐄𝐌𝐁𝐀 𝟏𝟔𝐭𝐡 𝐁𝐚𝐭𝐜𝐡, 𝐘𝐔𝐄𝐜𝐨
- 𝐆𝐥𝐨𝐛𝐚𝐥 𝐖𝐨𝐫𝐥𝐝 𝐈𝐧𝐬𝐮𝐫𝐚𝐧𝐜𝐞
- 𝐓𝐫𝐞𝐚𝐬𝐮𝐫𝐞 𝐒𝐭𝐚𝐫 𝐆𝐞𝐦𝐬 & 𝐉𝐞𝐰𝐞𝐥𝐥𝐞𝐫𝐲
- 𝐓𝐚𝐲 𝐓𝐡𝐚𝐧 𝐓𝐡𝐚𝐫 𝐌𝐮𝐬𝐢𝐜 𝐀𝐩𝐩
- 𝐑𝐨𝐲𝐚𝐥 𝐄𝐯𝐞𝐫 𝐓𝐫𝐮𝐭𝐡 𝐁𝐮𝐬𝐢𝐧𝐞𝐬𝐬 𝐆𝐫𝐨𝐮𝐩

MBE အသင်းက ရန်ကုန်စီးပွားရေးတက္ကသိုလ် နှင့် ပူးတွဲ ကျင်းပခဲ့သည့် ယခု အစီအစဉ်ကို (၁၆.၈.၂၀၂၆) ရက်နေ့၌ ရန်ကုန်စီးပွားရေး တက္ကသိုလ် (ရွာသာကြီးနယ်မြေ) တွင် အောင်မြင်စွာ ပြုလုပ်နိုင်ခဲ့ရာ 𝐌𝐁𝐄 𝐆𝐫𝐞𝐞𝐧 𝐆𝐫𝐨𝐰𝐭𝐡 𝐈𝐧𝐢𝐭𝐢𝐚𝐭𝐢𝐯𝐞: 𝐆𝐫𝐞𝐞𝐧 𝐂𝐚𝐦𝐩𝐮𝐬 𝐀𝐜𝐭𝐢𝐯𝐢𝐭𝐲 ဖြစ်မြောက်ရေး ပါဝင် ပံ့ပိုးကြသည့် Green Partner များ၊ MBA Society မှ အလှူရှင်များ၊ MBE စုပေါင်း အပင်အလှူ ထည့်ဝင်ကြသည့် MBE အသင်းဝင်များကို လေးစားစွာ မှတ်တမ်းတင် ဂုဏ်ပြုအပ်ပါသည်။

ရန်ကုန်စီးပွားရေးတက္ကသိုလ် (ရွာသာကြီးနယ်မြေ) ပတ်ဝန်းကျင် စိမ်းလန်း လှပရေး၊ ကျောင်းသူ/သား များ၏ သဘာဝ ပတ်ဝန်းကျင် ထိန်းသိမ်းရေး နှင့် ရာသီဥတု ပြောင်းလဲခြင်းဆိုင်ရာ အသိအမြင်၊ လူမှု တာဝန်ယူမှု စိတ်ဓာတ် မြှင့်တင်ရေး နှင့် အနာဂတ် ခေါင်းဆောင်ကောင်းများ ပေါ်ထွန်းလာစေရေး ရည်ရွယ်ချက်များဖြင့် ဆောင်ရွက်နိုင်ခဲ့ခြင်း ဖြစ်ရာ ရန်ကုန်စီးပွားရေးတက္ကသိုလ်နှင့်တကွ MBE အသင်းဝင်များ၊ MBE အသင်း၏ မိတ်ဖက်အဖွဲ့အစည်းများ၊ မိတ်ဖက်ကုမ္ပဏီများ၊ Stakeholders များအားလုံးကို အထူးပင် ကျေးဇူးတင်ရှိပါသည်။

More about Activity;
https://www.facebook.com/share/p/14pjTVH2HaB/

17/08/2026

ရန်ကုန်စီးပွားရေးတက္ကသိုလ်နှင့် ပူးတွဲကျင်းပသည့် 𝐌𝐁𝐄 𝐆𝐫𝐞𝐞𝐧 𝐆𝐫𝐨𝐰𝐭𝐡 𝐈𝐧𝐢𝐭𝐢𝐚𝐭𝐢𝐯𝐞: 𝐆𝐫𝐞𝐞𝐧 𝐂𝐚𝐦𝐩𝐮𝐬 𝐀𝐜𝐭𝐢𝐯𝐢𝐭𝐲 ကို မြန်မာစီးပွားစီမံအမှုဆောင်များအသင်း (MBE) က (၁၆.၈.၂၀၂၆) ရက်နေ့၌ ရန်ကုန်စီးပွားရေး တက္ကသိုလ် (ရွာသာကြီးနယ်မြေ) တွင် အောင်မြင်စွာ ပြုလုပ်ခဲ့ပါသည်။

ယခု အစီအစဉ်သို့ ရန်ကုန်စီးပွားရေးတက္ကသိုလ် ပါမောက္ခချုပ် နှင့် ဒုတိယပါမောက္ခချုပ် ဆရာမကြီးများ၊ MBE အသင်း ဥက္ကဋ္ဌ နှင့် အလုပ်အမှုဆောင်များ၊ MBE အသင်းဝင်များ၊ MBE အသင်း၏ MoU မိတ်ဖက်အဖွဲ့အစည်းများမှ ဧည့်သည်တော်များ၊ ယခု အစီအစဉ်တွင် ပါဝင်ပံ့ပိုးကြသည့် Green Partner ကုမ္ပဏီ/ အဖွဲ့အစည်းများမှ တာဝန်ရှိ လူကြီးမင်းများနှင့် အဖွဲ့ဝင်များ၊ ရန်ကုန်စီးပွားရေးတက္ကသိုလ် ဆရာ/ဆရာမများနှင့် ကျောင်းသူ/သား များ၊ အခြား ဖိတ်ကြားထားသော ဧည့်သည်တော်များ၊ စုံညီစွာ ပါဝင် ဆောင်ရွက်ခဲ့ပါသည်။

ယခု အစီအစဉ်တွင် ရန်ကုန်စီးပွား‌ ရေး တက္ကသိုလ် (ရွာသာကြီးနယ်‌‌မြေ) အတွင်း
အဓိပတိလမ်းထိပ် ပင်မဆောင်ရှေ့ အဝိုင်း၊ Theatre Hall ခန်းမဆောင်ရှေ့ မြက်ခင်းပြင်၊
တက္ကသိုလ် စာကြည့်တိုက်ရှေ့၊ တက္ကသိုလ် ဓမ္မာရုံရှေ့ - စုစုပေါင်း (၄) နေရာတို့၌ ပျိုးပင်/သစ်ပင်ပေါင်း (၁၁၉၂) ပင်ကို စုပေါင်းစိုက်ပျိုးခဲ့ကြပါသည်။

ပျိုးပင်/သစ်ပင်များ စိုက်ပျိုးအပြီးတွင် 𝐌𝐁𝐄 𝐆𝐫𝐞𝐞𝐧 𝐆𝐫𝐨𝐰𝐭𝐡 𝐈𝐧𝐢𝐭𝐢𝐚𝐭𝐢𝐯𝐞: 𝐆𝐫𝐞𝐞𝐧 𝐂𝐚𝐦𝐩𝐮𝐬 𝐀𝐜𝐭𝐢𝐯𝐢𝐭𝐲 ဖြစ်မြောက်ရေး ပါဝင် ပံ့ပိုးကြသည့် Green Partner များ၊ MBA Society မှ အလှူရှင်များကို ဂုဏ်ပြုလွှာများ ပေးအပ်ခြင်း၊ MBE အသင်းဝင်များ၏ MBE စုပေါင်းအပင်အလှူကို မှတ်တမ်းတင် ဂုဏ်ပြုခြင်း၊ နေ့လယ်စာဖြင့် တည်ခင်းဧည့်ခံခြင်း တို့ ပါဝင် ဆောင်ရွက်ခဲ့ကြပါသည်။

ရာသီဥတု ပြောင်းလဲမှုနှင့် ကမ္ဘာကြီး ပူနွေးလာမှုကို လျော့ပါးစေရန် သစ်ပင်စိုက်ပျိုးခြင်းသည် သဘာဝ ပတ်ဝန်းကျင် ထိန်းသိမ်းရေးနှင့် ရေရှည်တည်တံ့သော ဖွံ့ဖြိုးတိုးတက်မှုအတွက် အရေးပါသော လုပ်ငန်းစဉ် တစ်ရပ် ဖြစ်သည့် အားလျော်စွာ MBE အသင်း အ‌နေဖြင့် ရန်ကုန်စီးပွားရေးတက္ကသိုလ်နှင့် ပူးတွဲ၍ တက္ကသိုလ် (ရွာသာကြီးနယ်မြေ) ပတ်ဝန်းကျင် စိမ်းလန်း လှပရေး၊ ကျောင်းသူ/သား များ၏ သဘာဝ ပတ်ဝန်းကျင် ထိန်းသိမ်းရေး နှင့် ရာသီဥတု ပြောင်းလဲခြင်းဆိုင်ရာ အသိအမြင်၊ လူမှု တာဝန်ယူမှု စိတ်ဓာတ် မြှင့်တင်ရေး နှင့် အနာဂတ် ခေါင်းဆောင်ကောင်းများ ပေါ်ထွန်းလာစေရေး ရည်ရွယ်ချက်များဖြင့် ဆောင်ရွက်ခဲ့ခြင်း ဖြစ်ပြီး MBE အသင်းဝင်များ၊ MBE အသင်း၏ မိတ်ဖက်အဖွဲ့အစည်းများ၊ မိတ်ဖက်ကုမ္ပဏီများနှင့် အတူတကွ စုပေါင်းအားဖြင့် အောင်မြင်စွာ ဆောင်ရွက်ခဲ့ခြင်း ဖြစ်ပါကြောင်း ဂုဏ်ယူစွာ မှတ်တမ်းတင် ဖော်ပြအပ်ပါသည်။