UMFCCI-Union of Myanmar Federation of Chambers of Commerce and Industry

  • Home
  • Myanmar
  • Yangon
  • UMFCCI-Union of Myanmar Federation of Chambers of Commerce and Industry

UMFCCI-Union of Myanmar Federation of Chambers of Commerce and Industry The Republic of the Union of Myanmar Federation of Chambers of Commerce and Industry is an NGO

The Republic The Union of Myanmar Federation of Chambers of Commerce and Industry (UMFCCI) is a national level non-governmental organization representing and safeguarding the interests of the Myanmar private business sector.

ကုန်သည်စက်မှုအသင်းချုပ် လူ့စွမ်းအားအရင်းအမြစ်ဖွံ့ဖြိုးတိုးတက်ရေး လုပ်ငန်းကော်မတီ အစည်းအဝေး၌ ပြင်ပကုမ္ပဏီများမှ ကမ်းလှမ်...
18/08/2026

ကုန်သည်စက်မှုအသင်းချုပ် လူ့စွမ်းအားအရင်းအမြစ်ဖွံ့ဖြိုးတိုးတက်ရေး လုပ်ငန်းကော်မတီ အစည်းအဝေး၌ ပြင်ပကုမ္ပဏီများမှ ကမ်းလှမ်းလာသည့် Corporate Training များ ဖွင့်လှစ်ပို့ချပေးနိုင်ရေး ထည့်သွင်းဆွေးနွေး
------------------------------------------------
ကုန်သည်စက်မှုအသင်းချုပ်၊ လူ့စွမ်းအားအရင်းအမြစ်ဖွံ့ဖြိုးတိုးတက်ရေးလုပ်ငန်းကော်မတီ (၅/၂၀၂၆) အစည်းအ ဝေးကို ဩဂုတ် ၁၂ ရက်တွင် ကုန်သည်စက်မှုအသင်းချုပ်၊ အစည်းအဝေးခန်းမ၌ hybrid စနစ်ဖြင့် ပြုလုပ်ခဲ့သည်။
အစည်းအဝေးသို့ လူ့စွမ်းအားအရင်းအမြစ်ဖွံ့ဖြိုးတိုးတက်ရေးလုပ်ငန်းကော်မတီ ဥက္ကဋ္ဌ ဒေါ်ချိုသီရီမောင်နှင့်‌ ကော်မတီဝင်များ တက်ရောက်ခဲ့ကြပြီး UMFCCI learning and Development Center ၏ ပုံမှန် သင်တန်းများ ဖွင့်လှစ်နိုင်ရေး၊ Curriculum များအား ခေတ်နှင့် လျော်ညီမှုရှိစေရန် စိစစ်သုံးသပ်ချက်များ ပြုလုပ် ရေး၊ ပြင်ပကုမ္ပဏီများမှ ကမ်းလှမ်းလာသည့် Corporate Training များ ဖွင့်လှစ်ပို့ချနိုင်ရေးနှင့် ထပ်မံတိုးချဲ့ဖွင့်လှစ်မည့် သင်တန်းသစ်များအတွက် လိုအပ်ချက်နှင့် ဖြစ်လာနိုင်သည့် စိန်ခေါ်မှုများနှင့် ပတ်သက်၍ ကော်မတီဝင်များက ဆွေးနွေးခဲ့ကြသည်။

ကုန်သည်စက်မှုအသင်းချုပ် (UMFCCI)

ကုန်သည်စက်မှုအသင်းချုပ်၊ ဝန်ဆောင်မှုလုပ်ငန်းဖွံ့ဖြိုးတိုးတက်ရေးဆိုင်ရာ ကော်မတီ လစဉ် အစည်းအဝေးများ ၌ နယ်စပ်ကုန်သွယ်ရေး အခ...
12/08/2026

ကုန်သည်စက်မှုအသင်းချုပ်၊ ဝန်ဆောင်မှုလုပ်ငန်းဖွံ့ဖြိုးတိုးတက်ရေးဆိုင်ရာ ကော်မတီ လစဉ် အစည်းအဝေးများ ၌ နယ်စပ်ကုန်သွယ်ရေး အခြေအနေများ၊ Logistics နှင့် လိုင်စင် ကိစ္စရပ်များ၊ သွင်းကုန် ထုတ်ကုန်ဆိုင်ရာ ကိစ္စရပ်များဆွေးနွေးခဲ့
------------------------------------- -----
ကုန်သည်စက်မှုအသင်းချုပ်၊ ဝန်ဆောင်မှုလုပ်ငန်းဖွံ့ဖြိုးတိုးတက်ရေးဆိုင်ရာ ကော်မတီ (၄/၂၀၂၆) နှင့် (၅/၂၀၂၆) ညှိနှိုင်းအစည်းအဝေးများကို ဇွန် ၂၂ ရက်နှင့် ဇူလိုင် ၁၇ ရက်တွင် ကုန်သည်စက်မှုအသင်းချုပ် အစည်းအဝေးခန်းမ၌ hybrid စနစမဖြင့် ကျင်းပခဲ့သည်။
အစည်းအဝေးသို့ ဝန်ဆောင်မှုလုပ်ငန်းဖွံ့ဖြိုးတိုးတက်ရေးဆိုင်ရာကော်မတီ ဥက္ကဋ္ဌ ဦးမျိုးသန့်၊ ဒုတိယ ဥက္ကဋ္ဌ ဒေါ်နန်းကလျာဝင်း၊ အတွင်းရေမှူး ဒေါ်လှလှရီနှင့် သက်ဆိုင်ရာကော်မတီ အဖွဲ့ဝင်များ တက်ရောက်ခဲ့ကြပြီး ကော်မတီ ဥက္ကဋ္ဌ ဦးမျိုးသန့်က အဖွင့်အမှာစကားပြောကြားခဲ့သည်။
ဆက်လက်၍ ကော်မတီ ဥက္ကဋ္ဌ ဦးမျိုးသန့်က အဖွင့်အမှာစကားပြောကြားရာတွင်“ကော်မတီအဖွဲ့ဝင်များအနေဖြင့် လုပ်ငန်းများလုပ်ကိုင်ရာတွင် စိန်ခေါ်မှုများနှင့် အကြံပြုချက်များ လိုအပ်နေမှုများကို သိရှိနားလည်ပါကြောင်း၊ Provider Law များနှင့် ပတ်သက်ပြီး ဗဟုသုတနှင့် အသိပညာများရရှိနိုင်ရန်ရည်ရွယ်၍ ကော်မတီအနေဖြင့် အာဆီယံအသိအမှတ်ပြု အာဆီယံအဆင့်ရှိ သင်တန်မျိုးပေးနိုင်ရန် ရည်ရွယ်ထားကြောင်း၊ အဆိုပါ သင်တန်းမှ တစ်ဆင့် လိုအပ်သည့် ပညာရပ်ပိုင်းဆိုင်ရာ အသိပညာပေးမှုများ ရရှိလာနိုင်ကြောင်း၊ ကော်မတီဝင်များအနေဖြင့် သက်ဆိုင်ရာကဏ္ဍအလိုက် တင်ပြလာသည့် လုပ်ငန်းလိုအပ်ချက်များကို တင်ပြလာပါက ကော်မတီ အနေဖြင့် ဝိုင်းဝန်းကူညီကာ နည်းလမ်းရှာဖွေပေးနိုင်ပါကြောင်း” ထည့်သွင်း ပြောကြားခဲ့သည်။
ထို့နောက် ကော်မတီဒုတိယဥက္ကဋ္ဌ ဒေါ်နန်းကလျာဝင်းက Core group အသီးသီး၏ အခက်အခဲများကို မီဒီယာပိုင်းနှင့်ပတ်သက်ပြီး Advocacy ဖြင့် ကူညီဆောင်ရွက်ပေး နိုင်သည့် ကိစ္စရပ်များကို ရှင်းလင်းပြောကြားခဲ့ပြီး တက်ရောက်လာသည့် ကော်မတီဝင်များက နယ်စပ်ကုန်သွယ်ရေး အခြေအနေများ၊ Logistics နှင့် လိုင်စင် ကိစ္စရပ်များ၊ သွင်းကုန် ထုတ်ကုန်ဆိုင်ရာ ကိစ္စရပ်များ လတ်တလောတွင် အသက်သာဆုံးဖြစ်နိုင်မည့် ကုန်သွယ်ရေး လမ်းကြောင်းများကို ဝိုင်းဝန်း ဆွေးနွေးကြသည်။ ထို့ပြင် အကြောင်းကြောင်းများကြောင့် ကုန်စည်တန်ဖိုးများ ငါးဆခန့်တက်ပြီးမှ ပြည်တွင်းသို့ ရောက်ရှိလာသလို ပို့ဆောင်ရေးတွင်လည်း ဖြစ်သင့်သည့်ရက်၏ သုံးဆခန့် ပိုကြာနေခြင်း ကိစ္စရပ်များကိုလည်း ထည့်သွင်းဆွေးနွေးခဲ့ကာ ခရီးသွားကဏ္ဍတွင်လည်း သိရှိထားရမည့် မျှဝေမှုများကိုလည်း အပြန်အလှန်ပြုလုပ်ခဲ့ကြပြီး ပွဲများ ကျင်းပခွင့် ရရှိရေးအတွက် အချိန်ယူလာရသည့် အခြေအနေများအတွက်လည်း တိုင်းဒေသကြီးနှင့် ညှိနှိုင်းရန် ဆွေးနွေးခဲ့ကြသည်။ ဆေးရုံများရှိ စက်ကိရိယာများအတွက် အပိုပစ္စည်းများရရှိနိုင်ရေး အခြေအနေများကိုလည်း ထည့်သွင်း ဆွေးနွေးခဲ့ကြသည်။
ထို့နောက် ကော်မတီအဖွဲ့ဝင်များ၏ ဆွေးနွေးချက်များအပေါ် ကော်မတီ ဥက္ကဋ္ဌနှင့် အတွင်းရေးမှူးများက ပြန်လည်သုံးဆွေးနွေးခဲ့ကြပြီး ကော်မတီ ဥက္ကဋ္ဌက နိဂုံးချုပ်အမှာစကားပြောကြားကာအစည်းအဝေးကို ရုပ်သိမ်း ခဲ့သည်။

ကုန်သည်စက်မှု အသင်းချုပ် (UMFCCI)

စွမ်းအင်နှင့် စက်မှုလုပ်ငန်းများ ဖွံ့ဖြိုးတိုးတက်‌ရေးကော်မတီ၏ တတိယအကြိမ် ကော်မတီညှိနှိုင်းအစည်းအဝေး တွင် စက်မှုကုန်ကြမ်...
31/07/2026

စွမ်းအင်နှင့် စက်မှုလုပ်ငန်းများ ဖွံ့ဖြိုးတိုးတက်‌ရေးကော်မတီ၏ တတိယအကြိမ် ကော်မတီညှိနှိုင်းအစည်းအဝေး တွင် စက်မှုကုန်ကြမ်းကိစ္စများ ဆွေးနွေး
------------------------------------------------
ကုန်သည်စက်မှုအသင်းချုပ်၊ စွမ်းအင်နှင့် စက်မှုလုပ်ငန်းများ ဖွံ့ဖြိုးတိုးတက်‌ရေးကော်မတီ၏ တတိယအကြိမ် ညှိနှိုင်းအစည်းအဝေးကို ဇူလိုင် ၂၁ ရက်တွင် ကုန်သည်စက်မှုအသင်းချုပ် အစည်းအဝေးခန်းမ၌ hybrid စနစ်ဖြင့် ကျင်းပ ခဲ့သည်။
အစည်းအဝေးသို့ ကော်မတီဥက္ကဋ္ဌ ဦးအေးထွန်း၊ ဒုတိယ ဥက္ကဋ္ဌ ဦီးဇေယျသူရမွန်နှင့် အတွင်းရေးမှူးများ၊ ကော်မတီဝင်များ စုံလင်စွာ တက်ရောက်ခဲ့ကြပြီးကော်မတီ ဥက္ကဋ္ဌ ဦးအေးထွန်းက ကော်မတီ၏ ရှေ့ဆက်လုပ်ငန်းစဉ်များ၊ ကော်မတီ၏ ယခင်အစည်းအဝေးများမှ ဆုံးဖြတ်ချက်များနှင့် စပ်လျဉ်း၍ ဆောင်ရွက်ပြီးနှင့် ဆောင်ရွက်ဆဲကိစ္စများကို ဆွေးနွေးခဲ့ကြသည်။
ကော်မတီဥက္ကဋ္ဌ ဦီးအေးထွန်းက အဖွင့်အမှာစကားပြောကြားရာတွင် “ပြီးခဲ့သည် အစည်းဝေးများတွင် စွမ်းအင်းနှင့် စက်မှုဆိုင်ရာ အကြောင်းအရာများကို ဆွေးနွေးရှင်းလင်းခဲ့ပြီး လက်ရှိဖြစ်ပေါ်နေသည့် တိုးတက်ပြောင်လဲမှုများနှင့် ပတ်သက်ပြီး ဆွေးနွေးမည်ဖြစ်ကြောင်း၊ စက်မှုကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်က MSMEs လုပ်ငန်းများအတွက် online platform ဖြင့် ချေးငွေထုတ်ချေးပေးခြင်း၊ စက်ရုံများ၌ လိုအပ်နေသော spare part တင်သွင်းမှုအတွက် ထောက်ခံပေးခြင်း၊ one stop service centre များ ဖွဲ့စည်း၍ seminar ပေးခြင်းတို့ကို ဆောင်ရွက်နေမှုကြောင့် MSMEs လုပ်ငန်းများ ပိုမို အားကောင်း လာနိုင်မည်ဖြစ်ကြောင်း၊ စက်မှုကုန်ကြမ်းများအတွက် စက်ရုံကိုများကိုလည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူများ ကိုယ်တိုင်သွားရောက် လေ့လာခဲ့ပါကြောင်း၊ စက်မှုဇုန်များ သုံးစွဲသည့် စက်သုံးဆီများကို အဆင်ပြေချောမွေ့စွာ ရောင်းချပေးခဲ့ပါကြောင်း ” ဆွေးနွေး ပြောကြားခဲ့သည်။
တက်ရောက်လာသည့် ဒုတိယဥက္ကဋ္ဌ၊ အတွင်းရေးမှူးများ၊ တွဲဖက်အတွင်ရေးမှူးများနှင့် ကော်မတီဝင်များက စက်မှုလုပ်ငန်းများ လုပ်ကိုင်ရာ၌ လိုအပ်ချက်နှင့် စိန်ခေါ်မှုများကို တင်ပြဆွေးနွေးကြပြီး လျှပ်စစ်မီးရရှိမှု အခြေအနေများ၊ MSMEs လုပ်ငန်းများအတွက် ချေးငွေထုတ်ပေးခြင်းကိစ္စရပ်များနှင့် အထွေထွေ ကိစ္စရပ်များအား ဖြည့်စွက် ဆွေးနွေးခဲ့ကြသည်။

ကုန်သည်စက်မှုအသင်းချုပ် (UMFCCI)

ကုန်သည်စက်မှုအသင်းချုပ် လူ့စွမ်းအားအရင်းအမြစ်ဖွံ့ဖြိုးတိုးတက်ရေး လုပ်ငန်းကော်မတီ (၄/၂၀၂၆) အစည်းအဝေး၌ သင်တန်းများ အကြိမ်ရ...
27/07/2026

ကုန်သည်စက်မှုအသင်းချုပ် လူ့စွမ်းအားအရင်းအမြစ်ဖွံ့ဖြိုးတိုးတက်ရေး လုပ်ငန်းကော်မတီ (၄/၂၀၂၆) အစည်းအဝေး၌ သင်တန်းများ အကြိမ်ရေ တိုးချဲ့ဖွင့်လှစ်ရန် ထည့်သွင်း ဆွေးနွေးခဲ့
------------------------------------------------
ကုန်သည်စက်မှုအသင်းချုပ်၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းကော်မတီ (၄/၂၀၂၆) အစည်းအဝေးကို ဇူလိုင်၂၁ ရက်တွင် ကုန်သည်စက်မှုအသင်းချုပ်အစည်းအဝေးခန်းမ၌ hybrid စနစ်ဖြင့် ပြုလုပ်ခဲ့ရာ လက်ရှိ ဖွင့်လှစ်နေသည့် သင်တန်းများအား အကြိမ်ရေ တိုးချဲ့ဖွင့်လှစ်ရန် ထည့်သွင်းဆွေးနွေးခဲ့သည်။
အစည်းအဝေးသို့ လူ့စွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းကော်မတီ ဥက္ကဋ္ဌ ဒေါ်ချိုသီရီမောင်နှင့်‌ ကော်မတီဝင်များ စုံလင်စွာ တက်ရောက်ခဲ့ကြပြီး ကော်မတီ၏ မျှော်မှန်းချက်များနှင့် ရှေ့ဆက် ဆောင်ရွက်မည့် လုပ်ငန်းစဉ်များအကြောင်းကို ဆွေးနွေးခဲ့ကြသည်။
လူ့စွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းကော်မတီ ဥက္ကဋ္ဌ ဒေါ်ချိုသီရီမောင်နှင့် ကော်မတီဝင်များ အပြန်အလှန်ဆွေးနွေးခဲ့ရာတွင် မကြာခင် ပြန်လည်ဖွင့်လှစ်မည့် သင်တန်းကျောင်းများနှင့် ပတ်သက်သည့် အပြောင်းအလဲများ၊ ပုံမှန်ဖွင့်လှစ်မည့် သင်တန်းများနှင့် ထပ်မံတိုးချဲ့ဖွင့်လှစ်မည့် သင်တန်းများအပြင် လက်ရှိဖွင့်လှစ်နေသည့် သင်တန်းများကို အကြိမ်ရေတိုးချဲ့ဖွင့်လှစ်သွားရန်နှင့် အများဆုံးတက်ရောက်သည့် သင်တန်းများနှင့် အနည်းဆုံးတက်ရောက်သည့် သင်တန်းများအကြား ကွာဟချက်များကို ရှာဖွေကာ သင်တန်တန်းအချိန်များအား ညှိနှိုင်းဆောင်ရွက်ရန်နှင့် ဖွင့်လှစ်မည့်သင်တန်း အမျိုးအစားများနှင့် စပ်လျဉ်း၍ ထည့်သွင်းဆွေးနွေးခဲ့ကြသည်။

ကုန်သည်စက်မှုအသင်းချုပ် (UMFCCI)

နိုင်ငံတကာဆက်ဆံရေး ကော်မတီ၏ ပဉ္စမအကြိမ် ညှိနှိုင်းအစည်းအဝေး၌ နိုင်ငံတကာဆက်ဆံရေးဆိုင်ရာ ကိစ္စရပ်များအား ဆွေးနွေး---------...
27/07/2026

နိုင်ငံတကာဆက်ဆံရေး ကော်မတီ၏ ပဉ္စမအကြိမ် ညှိနှိုင်းအစည်းအဝေး၌ နိုင်ငံတကာဆက်ဆံရေးဆိုင်ရာ ကိစ္စရပ်များအား ဆွေးနွေး
------------------------------------- -----
ကုန်သည်စက်မှုအသင်းချုပ်၊ နိုင်ငံတကာဆက်ဆံရေးကော်မတီ ပဉ္စမအကြိမ် ညှိနှိုင်း အစည်းအဝေးကို ဇူလိုင် ၂၀ ရက်တွင် ကုန်သည်စက်မှုအသင်းချုပ်၊ အစည်းအဝေးခန်းမ၌ hybrid စနစ်ဖြင့် ကျင်းပခဲ့သည်။
အစည်းအဝေးတွင် နိုင်ငံတကာဆက်ဆံရေး ကော်မတီဥက္ကဋ္ဌ ဒေါက်တာဝင်းစည်သူ၊ ကော်မတီ ဒုတိယဥက္ကဋ္ဌများဖြစ်ကြသည့် ဦးမိုးကျော်နှင့် ဒေါ်သူဇာဝင်း၊ အတွင်းရေးမှူး ဦးကျော်စိုးဟန်နှင့် ကော်မတီဝင်များ စုံလင်စွာ တက်ရောက်ခဲ့ကြသည်။
ထို့နောက် ကုန်သည်စက်မှုအသင်းချုပ်၊ နိုင်ငံတကာဆက်ဆံရေးကော်မတီ ဥက္ကဋ္ဌဒေါက်တာဝင်းစည်သူနှင့် ကော်မတီဝင်များက ကော်မတီက အကောင်အထည်ဖော်ဆောင်ရွက်လျက်ရှိသည့် ကိစ္စရပ်များ၊ ယခင်အစည်းအဝေးများမှ ဆုံးဖြတ်ချက်များနှင့် ပတ်သက်၍ ဆောင်ရွက်ပြီး ဆောင်ရွက်ဆဲ အခြေအနေများနှင့် ရှေ့ဆက်ဆောင်ရွက်ရန်ရှိသည့် လုပ်ငန်းစဉ်များ၊ နိုင်ငံတကာ ဆက်ဆံရေး ဆိုင်ရာ ကိစ္စရပ်များကို ဆွေးနွေးခဲ့ကြသည်။
ကုန်သည်စက်မှုအသင်းချုပ် နိုင်ငံတကာ ဆက်ဆံရေးကော်မတီ၏ စီစဉ်မှုဖြင့် ဇူလိုင် ၃ ရက်တွင် 18th DISG Task Force in-person meeting သို့ အထွေထွေအတွင်းရေးမှူးချုပ် ဒေါ်ခိုင်ခိုင်နွယ်က online မှ တက်ရောက်ခဲ့ပြီး ဇူလိုင် ၉ ရက်တွင် India Asian Studies Manipur University မှ Assistant Professor, Department of South East Dr. Loitongbam Bishwanjit Singh ဦးဆောင်သော ကိုယ်စားလှယ်အဖွဲ့ အား ကုန်သည်စက်မှုအသင်းချုပ် တွဲဖက်အထွေထွေအတွင်းရေးမှူး ဦးကျော်ဒေဝနှင့် အဖွဲ့က လက်ခံ
တွေ့ဆုံခဲ့ပြီး ကုန်သွယ်မှုမြှင့်တင်ရေးနှင့် ပုဂ္ဂလိက ကဏ္ဍဖွံ့ဖြိုးတိုးတက်ရေးဆိုင်ရာ ကိစ္စရပ်များအား ဆွေးနွေးခဲ့ကြသည်။ ထို့ပြင် ဇူလိုင် ၁၀ ရက်တွင် India Myanmar Chamber of Commerce မှ ကိုယ်စားလှယ် အဖွဲ့အား အသင်းချုပ် ဥက္ကဋ္ဌ ဦးအေးဝင်းနှင့် အဖွဲ့က လက်ခံတွေ့ဆုံခဲ့ပြီး နှစ်နိုင်ငံအကြား ရင်းနှီးမြှုပ်နှံမှု တိုးမြှင့်ရေးနှင့် နယ်စပ်ကုန်သွယ်ရေးဆိုင်ရာ ကိစ္စရပ်များ ပူးပေါင်းဆောင်ရွက်ရန် ဆွေးနွေးခဲ့သည်။
ထို့နောက် ဇူလိုင် ၁၆ ရက်တွင် ကုန်သည် စက်မှု အသင်းချုပ် ဥက္ကဋ္ဌ ဦးဆောင်သောအဖွဲ့နှင့် မြန်မာနိုင်ငံဆိုင်ရာ ကမ္ဘောဒီးယား သံအမတ်ကြီး H.E. Mr. CHENG Manith ဦးဆောင်သော ကိုယ်စားလှယ်အဖွဲ့တို့ တွေ့ဆုံ၍ နှစ်နိုင်ငံအကြား ကုန်သွယ်မှုမြှင့်တင်နိုင်မည့် အလားအလာများ၊ သတင်းအချက်အလက်များအပြန်အလှန်ဖလှယ်နိုင်ရေး၊ ကမ္ဘောဒီးယားကုန်သည်ကြီးများအသင်းနှင့် ဆက်သွယ်၍ ကုန်သွယ်ရေးကိုယ်စားလှယ်အဖွဲ့ အပြန်အလှန်စေလွှတ်ပြီး အလားအလာရှိ သော စီးပွားရေးပူးပေါင်းဆောင်ရွက်မှု မြှင့်တင်ရန်နှင့် လာမည့် စက်တင်ဘာလကုန် နန်နင်းကုန်စည်ပြပွဲ အပြီးတွင် ကမ္ဘောဒီးယားနိုင်ငံသို့ ကိုယ်စားလှယ် အဖွဲ့သွားရောက်ရေးအတွက် နှစ်ဖက်ညှိနှိုင်းဆောင်ရွက်ရန် ဆွေးနွေးခဲ့ ကြသည်။
ထို့နောက် ဇူလိုင် ၁၇ ရက်တွင် ထိုင်းနိုင်ငံအခြေစိုက် Thailand - Myanmar Business Council ဥက္ကဌ Mr. Kich Aungvitulsatit ဦးဆောင်သည့်TMBC ကိုယ်စားလှယ်အဖွဲ့နှင့် အသင်းချုပ် တာဝန်ရှိသူများ တွေ့ဆုံဆွေးနွေးခဲ့သည်။

ကုန်သည်စက်မှုအသင်းချုပ် (UMFCCI)

အခွင့်ရ စီးပွားရေးလုပ်ငန်းဆောင်ရွက်သူ (အဆင့်-၁) နှင့် (အဆင့်-၂) အသိအမှတ်ပြု လက်မှတ်ချီးမြှင့်ခြင်း အခမ်းအနားသို့ ကုန်သည်...
22/07/2026

အခွင့်ရ စီးပွားရေးလုပ်ငန်းဆောင်ရွက်သူ (အဆင့်-၁) နှင့် (အဆင့်-၂) အသိအမှတ်ပြု လက်မှတ်ချီးမြှင့်ခြင်း အခမ်းအနားသို့ ကုန်သည်စက်မှုအသင်းချုပ် ဥက္ကဋ္ဌ တက်ရောက် ဂုဏ်ပြု အမှာစကား ပြောကြား
=====================
အခွင့်ရစီးပွားရေး လုပ်ငန်းဆောင်ရွက်သူ (အဆင့်-၁) နှင့် (အဆင့်-၂) အသိအမှတ်ပြု လက်မှတ်ချီးမြှင့်ခြင်း အခမ်းအနားကို ဇူလိုင် ၂၁ ရက် နံနက်ပိုင်းတွင် ရန်ကုန်မြို့၊ လမ်းမတော်မြို့နယ်၊ မင်းရဲကျော်စွာလမ်းရှိ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) မင်္ဂလာခန်းမ၌ ကျင်းပခဲ့ရာ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်း တက်ရောက်၍ ဂုဏ်ပြုအမှာစကား ပြောကြား ခဲ့သည်။
အဆိုပါ အစည်းအဝေးသို့ ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးလုပ်ငန်း ကော်မတီ အတွင်းရေးမှူး ဦးအောင်ကျော်ထွန်း၊ ရန်ကုန်တိုင်းဒေသကြီး လွှတ်တော် ကိုယ်စားလှယ်များ၊ စီမံကိန်းနှင့် ဘဏ္ဍာရေးဝန်ကြီးဌာန၊ အကောက်ခွန် ဦးစီးဌာန ညွှန်ကြားရေးမှူးချုပ် ဦးသိန်းဆွေနှင့် တာဝန်ရှိသူများ၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်း၊ အထွေထွေအတွင်းရေးမှူးချုပ် ဒေါ်ခိုင်ခိုင်နွယ်၊ ကုန်သည်စက်မှု အသင်းချုပ်၏ ညီနောင်အသင်းများမှ သက်ဆိုင်ရာ တာဝန်ရှိသူများ၊ အခွင့်ရ စီးပွားရေးလုပ်ငန်းဆောင်ရွက်သူ (AEO) အသိအမှတ်ပြု လက်မှတ်ရ ကုမ္ပဏီနှင့် စီးပွား‌ရေး လုပ်ငန်းများမှ တာဝန်ရှိသူများ၊ ဖိတ်ကြားထားသော ဧည့်သည်များ စုံလင်စွာ တက်ရောက်ခဲ့ကြသည်။
အစည်းအဝေး၌ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်းက ဂုဏ်ပြုအမှာစကား ပြောကြားခဲ့ရာတွင် “ကုန်သွယ်မှုနှင့် ပတ်သက်၍ ပြည်တွင်း ပြည်ပ ကုန်သွယ်မှု တိုးမြှင့်စေရေးအတွက် လိုအပ်သည့် ထုတ်ကုန်များ ထုတ်လုပ်နိုင်ရန် ကုန်ထုတ်လုပ်မှုကို အလေးထား ဆောင်ရွက်ကြရန် လိုအပ်ကြောင်း၊ ယင်းသို့ ဆောင်ရွက်ရာတွင် ကုန်သွယ်မှုလွယ်ကူ ချောမွေ့စေရေးသည် အရေးပါသည့် ကိစ္စရပ် ဖြစ်ပါကြောင်း၊ ကုန်သွယ်မှု လွယ်ကူချောမွေ့စေရေးနှင့် မှန်ကန်သည့် ကုန်သွယ်မှု ဖြစ်စေရေးအတွက် ဘဏ္ဍာရေးနှင့် အခွန်ဝန်ကြီးဌာန၏ အကောက်ခွန် ဦးစီးဌာနနှင့် အကောက်ခွန် လုပ်ငန်းစဉ်များသည် အရေးကြီးသည့် အပိုင်းမှ ပါဝင်နေပြီး သက်ဆိုင်ရာ ဌာနအနေဖြင့် လွယ်ကူလျင်မြန်စေရန်နှင့် မှန်ကန်မှု
ရှိစေရန် ပေါင်းစပ်ညှိနှိုင်း ဆောင်ရွက်ပေးလျက်ရှိကြောင်း၊ ယနေ့ အခမ်းအနားသည် အစိုးရနှင့် ပုဂ္ဂလိကအကြား အပြန်အလှန် ပူးပေါင်းဆောင်ရွက်မှုနှင့် နိုင်ငံတော်၏ လမ်းညွှန်မှုဖြစ်သည့် ကုန်သွယ်မှု မြှင့်တင်ရေးနှင့် ပတ်သက်သည့် လုပ်ငန်းစဉ်များကို အကောင်အထည်ဖော်ရာ၌ လက်တွေ့ကျကျ မြေပြင်တွင် ပေါင်းစည်းလုပ်ကိုင်သည့် အနေအထားကို ပြသခြင်းပင် ဖြစ်ပါ
ကြောင်း၊ ကုန်သည်စက်မှု အသင်းချုပ်၊ ညီနောင်အသင်းများ၊ စီးပွားရေး လုပ်ငန်းရှင်များအနေဖြင့် ကုန်သွယ်မှု မြှင့်တင်ရေး၊ ကုန်ထုတ်လုပ်မှု တိုးမြှင့်ရေးအတွက် ဆောင်ရွက်ရာတွင် စည်းမျဉ်း စည်းကမ်း၊ လုပ်ထုံးလုပ်နည်းနှင့်အညီ လိုက်နာဆောင်ရွက်သွားရန်လည်း လိုအပ်ပါကြောင်း” ထည့်သွင်း ပြောကြားခဲ့သည်။
ထို့နောက် အကောက်ခွန်ဦးစီးဌာန ညွှန်ကြားရေးမှူးချုပ် ဦးသိန်းဆွေက အခွင့်ရ စီးပွားရေး လုပ်ငန်းဆောင်ရွက်သူ အစီအစဉ်နှင့် ပတ်သက်၍ ရှင်းလင်းတင်ပြခဲ့ပြီး အခွင့်ရစီးပွားရေး လုပ်ငန်းဆောင်ရွက်သူ (အဆင့်-၁) ကုမ္ပဏီ သုံးခုဖြစ်သည့် Coca Cola Pinya Beverages Myanmar Co., Ltd (Importer)၊ Paing Family International Co., Ltd (Exporter) နှင့် Good Brother’s Co., Ltd (Exporter) တို့ အား အသိအမှတ်ပြုလက်မှတ် ချီးမြှင့် ပေးအပ်ခဲ့ကာ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်းက အခွင့်ရစီးပွားရေး လုပ်ငန်းဆောင်ရွက်သူ (အဆင့်-၂) ကုမ္ပဏီ သုံးခုဖြစ်သည့် Wilmar Myanmar Riceland Limited (Exporter), Wilmar Myanmar Oils Limited (Importer) နှင့် UPG Paint& Coating Co., Ltd (Importer) တို့အား အသိအမှတ်ပြုလက်မှတ်များ ချီးမြှင့် ပေးအပ်ခဲ့သည်။
ယင်းနောက် အခွင့်ရစီးပွားရေး လုပ်ငန်းဆောင်ရွက်သူ အသိအမှတ်ပြုလက်မှတ် ချီးမြှင့်ခြင်းခံရသော ကုမ္ပဏီများကိုယ်စား UPG Paint& Coating Co., Ltd မှ ဒါရိုက်တာ ဦးအေးဟန်က ကျေးဇူးတင် စကားပြောကြားခဲ့ပြီး အခမ်းအနားတက်ရောက်သူများ စုပေါင်းဓာတ်ပုံရိုက်ကူးခဲ့ကြသည်။

ကုန်သည်စက်မှုအသင်းချုပ်(UMFCCI)

ကုန်သည်စက်မှု အသင်းချုပ် မူဝါဒရေးရာတင်ပြရေးနှင့် သုတေသန ကော်မတီ လစဉ်အစည်းအဝေးများ၌ ရှေ့လုပ်ငန်းစဉ်များ ဆွေးနွေးခဲ့------...
16/07/2026

ကုန်သည်စက်မှု အသင်းချုပ် မူဝါဒရေးရာတင်ပြရေးနှင့် သုတေသန ကော်မတီ လစဉ်အစည်းအဝေးများ၌ ရှေ့လုပ်ငန်းစဉ်များ ဆွေးနွေးခဲ့
------------------------------------------------
ကုန်သည်စက်မှုအသင်းချုပ်၏ မူဝါဒရေးရာတင်ပြရေးနှင့် သုတေသန ကော်မတီ၏ လစဉ် အစည်းအဝေးများကို မတ် ၁၇ ရက်၊ ဧပြီ ၂၁ ရက်၊ မေ ၁၃ ရက်နှင့် ဇွန် ၅ ရက်တွင် ကုန်သည် စက်မှု အသင်းချုပ် အစည်းအဝေးခန်းမ၌ Hybrid စနစ်ဖြင့် အသီးသီး ပြုလုပ်ခဲ့သည်။
အစည်းအဝေးသို့ မူဝါဒရေးရာတင်ပြရေးနှင့် သုတေသန ကော်မတီ ဥက္ကဋ္ဌ ဦးဝေဖြိုး၊ ဒုတိယ ဥက္ကဋ္ဌများ ဖြစ်ကြသော ဦးအောင်ကြည်စိုးနှင့် ဦးမိုးကျော်၊ အတွင်းရေးမှူး ဒေါက်တာထက်ဇံလင်း၊ အကြံပေး ဖြစ်သော ဦးကျော်စံဝေနှင့် ကော်မတီဝင်များ တက်ရောက်ခဲ့ကြသည်။
အစည်းအဝေးများ၌ ကော်မတီ၏ ဆောင်ရွက်မည့် Business Roundtable နှင့် Business Podcast ရိုက်ကူး ထုတ်လွှင့်နိုင်ရေး၊ Monthly Policy Brief တစ်လတစ်ကြိမ် ထုတ်ပြန်နိုင်ရေး နှင့် Myanmar Business summit ကျင်းပနိုင်ရေးတို့နှင့် စပ်လျဉ်း၍ အမြင်ချင်း ဖလှယ် ဆွေးနွေးခဲ့ကြသည်။

ကုန်သည်စက်မှုအသင်းချုပ် (UMFCCI)

အဂတိလိုက်စားမှု တိုက်ဖျက်ရေးဆိုင်ရာ အသိပညာပေး ရှင်းလင်းဆွေးနွေးခြင်းအခမ်းအနား ကျင်းပ =====================အဂတိလိုက်စားမှ...
13/07/2026

အဂတိလိုက်စားမှု တိုက်ဖျက်ရေးဆိုင်ရာ အသိပညာပေး ရှင်းလင်းဆွေးနွေးခြင်းအခမ်းအနား ကျင်းပ
=====================
အဂတိလိုက်စားမှု တိုက်ဖျက်ရေးကော်မရှင်နှင့် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တို့ ပူးပေါင်းကျင်းပသည့် အဂတိလိုက်စားမှု တိုက်ဖျက်ရေးဆိုင်ရာ အသိပညာပေးရှင်းလင်းဆွေးနွေးခြင်းဆိုင်ရာ အခမ်းအနားကို ဇူလိုင် ၁၁ ရက်တွင် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) မင်္ဂလာခန်းမ၌ ပြုလုပ်ခဲ့သည်။
အဆိုပါ အစည်းအဝေးတွင် အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌ ဦးစိုးသိန်းက အဂတိလိုက်စားမှု တိုက်ဖျက်ရေးဆိုင်ရာ အသိပညာပေးရှင်းလင်းဆွေးခြင်းနှင့် ကျင့်ဝတ်နှင့် ညီသော စီးပွားရေးကဏ္ဍနှင့် စပ်လျဉ်း၍ အဖွင့်အမှာစကား ပြောကြားခဲ့ပြီး မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်းက ကြိုဆို နှုတ်ခွန်းဆက်စကား ပြောကြားခဲ့သည်။
ထို့နောက် အဂတိလိုက်စားမှုကော်မရှင်ရုံးမှ လက်ထောက်ညွန်ကြားရေးမှူး ဒေါ်စုမြတ်နိုင်က အဂတိ လိုက်စားမှု တိုက်ဖျက်ရေးတွင် ပုဂ္ဂလိက ကဏ္ဍရှိ ကျင့်ဝတ်များနှင့် စပ်လျဉ်း၍ လည်းကောင်း၊ ညွန်ကြားရေးမှူး ဒေါ်မြတ်စုသင်းက စီးပွားရေးလုပ်ငန်း ကဏ္ဍများတွင် ဖြစ်ပွားတတ် သော အဂတိလိုက်စားမှုများ တားဆီးကာကွယ်ရေးနှင့် စပ်လျဉ်း၍ လည်းကောင်း၊ အဂတိ လိုက်စားမှုကော်မရှင်အဖွဲ့ဝင် ဦးကျော်ဝင်းသိန်းက အဂတိလိုက်စားမှု ရရှိသော ငွေနှင့် ပစ္စည်းများကို ခဝါချခြင်းနှင့် ပတ်သက်၍ လည်းကောင်း အသီးသီး ရှင်းလင်းဆွေးနွေးခဲ့ကြသည်။
ယင်းနောက် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) အထွေထွေအတွင်းရေးမှူးချုပ် ဒေါ်ခိုင်ခိုင်နွယ်က ပုဂ္ဂလိက ကဏ္ဍပူးပေါင်းမှုဆိုင်ရာများနှင့် ပတ် သက်၍ ဆွေးနွေးပြောကြားခဲ့ကာ တက်ရောက်လာသူများက သိရှိလိုသည့် အချက်အလက်များကို တက်ကြွစွာ မေးမြန်းဆွေးနွေးခဲ့ကြသည်။
အဆိုပါ အစည်းအဝေးသို့ အဂတိလိုက်စားမှုတိုက်ဖျက်ရေး ကော်မရှင် ဥက္ကဋ္ဌ ဦးစိုးသိန်းနှင့် တာဝန်ရှိ သူများ၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်း၊ ဒုတိယ ဥက္ကဋ္ဌ ဦးရဲမင်းအောင်၊ အထွေထွေအတွင်းရေးမှူးချုပ် ဒေါ်ခိုင်ခိုင်နွယ်၊ တွဲဖက် အထွေထွေအတွင်းရေးမှူးများဖြစ်ကြသော ဒေါ်နန်းကလျာဝင်းနှင့် ဒေါ်သူဇာဝင်း၊ ဗဟိုအလုပ်အမှု ဆောင်နှင့် အလုပ်အမှုဆောင်များ၊ ညီနောင်အသင်းများမှ တာဝန်ရှိသူများ၊ မြန်မာနိုင်ငံ ဘဏ်များ အသင်းမှ ဥက္ကဋ္ဌနှင့် အသင်းဝင်များ၊ ဌာနဆိုင်ရာများမှ တာဝန်ရှိသူများ၊ ဟောပြောဆွေးနွေးမည့် ပညာရှင်များ၊ စီးပွားရေးလုပ်ငန်းရှင်များနှင့် ဖိတ်ကြားထားသော ဧည့်သည်များ တက်ရောက်ခဲ့ ကြသည်။

ကုန်သည်စက်မှုအသင်းချုပ်(UMFCCI)

သံနှင့် သံမဏိလုပ်ငန်းကဏ္ဍ၏ နောက်ဆုံးဖြစ်ပေါ်တိုးတက်မှုများ၊ နည်းပညာအသစ်များနှင့် စပ်လျဉ်း၍ ဆွေးနွေးသည့် 5th SEAISI Trave...
13/07/2026

သံနှင့် သံမဏိလုပ်ငန်းကဏ္ဍ၏ နောက်ဆုံးဖြစ်ပေါ်တိုးတက်မှုများ၊ နည်းပညာအသစ်များနှင့် စပ်လျဉ်း၍ ဆွေးနွေးသည့် 5th SEAISI Travelling Seminar သို့ ကုန်သည်စက်မှုအသင်းချုပ် ဒုတိယ ဥက္ကဋ္ဌဦးဆန်းလင်း တက်ရောက် အမှာစကားပြောကြား
=====================
သံနှင့် သံမဏိထုတ်လုပ်မှုနှင့် ကုန်သွယ်မှုဆိုင်ရာ စိန်ခေါ်မှုများကို ကူညီဖြေရှင်းရန်နှင့် သတင်းအချက်အလက် မျှဝေပေးရန် ရည်ရွယ်လျက် မြန်မာနိုင်ငံ သံနှင့်သံမဏိအသင်း၏ ပူးပေါင်း စီစဉ်မှုဖြင့် SEAISI 2026 Travelling Seminar ကို ဇူလိုင် ၈ ရက်က ကုန်သည်စက်မှုအသင်းချုပ် မင်္ဂလာခန်းမ၌ ကျင်းပခဲ့သည်။
အခမ်းအနားသို့ ရန်ကုန်တိုင်းဒေသကြီး လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော်က အဖွင့်အမှာစကားပြောကြားခဲ့ပြီး မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ဒုတိယဥက္ကဋ္ဌ ဦးဆန်းလင်းနှင့် မြန်မာနိုင်ငံ သံနှင့်သံမဏိ အသင်း ဥက္ကဋ္ဌ ဒေါ်ကေသီ‌လွင်က အမှာစကား‌များ အသီးသီး ပြောကြားခဲ့ကြသည်။
ရန်ကုန်တိုင်းဒေသကြီး လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာ မျိုးသော်က အဖွင့်အမှာစကားပြောကြားခဲ့ရာတွင် “သံနှင့် သံမဏိလုပ်ငန်းသည် စက်မှုဖွံ့ဖြိုး တိုးတက်မှု၏ အခြေခံအုတ်မြစ်များ၌ ပါဝင်သည့်အပြင် အခြေခံအဆောက်အအုံ၊ ထုတ်လုပ်ရေး၊ ဆောက်လုပ်ရေး၊ သယ်ယူပို့ဆောင်ရေးနှင့် စွမ်းအင်ဆိုင်ရာ ဖွံ့ဖြိုးတိုးတက်မှုကို ပံ့ပိုးပေးရာတွင် အရေးပါသည့် အခန်းကဏ္ဍမှ ပါဝင်လျက်ရှိပါကြောင်း၊ ဒေသတွင်း ဖွံ့ဖြိုးမှု အရှိန်ရ နေချိန်တွင် ဆန်းသစ်တီထွင်မှု၊ ပူးပေါင်းဆောင်ရွက်မှုနှင့် ရေရှည်တည်တံ့သည့် အလေ့အကျင့်များသည် သံနှင့် သံမဏိလုပ်ငန်း အားကောင်းလာစေရန် ပိုမို အရေးပါလျက်ရှိပါကြောင်း၊ ရန်ကုန်တိုင်းဒေသကြီးသည် မြန်မာနိုင်ငံ၏ စက်မှုလုပ်ငန်းနှင့် ကုန်သွယ်ရေးဆိုင်ရာ ဗဟိုချက်အဖြစ် ဆက်လက်တည်ရှိနေပြီး ရန်ကုန်တိုင်းဒေသကြီး အစိုးရအဖွဲ့အနေဖြင့် စက်မှုလုပ်ငန်း တိုးတက်မှု၊ ရင်းနှီးမြှုပ်နှံမှု၊ နည်းပညာတိုးတက်မှုနှင့် လူ့စွမ်းအားအရင်းအမြစ်ဖွံ့ဖြိုးတိုးတက်မှုအတွက် အထောက်အပံ့ဖြစ်စေသည့် ဝန်းကျင်တစ်ခုကို ဖန်တီးပေးလျက် ရှိပါကြောင်း၊ ယနေ့ခေတ်တွင် ကမ္ဘာလုံးဆိုင်ရာ သံနှင့် သံမဏိလုပ်ငန်း၏ အနာဂတ်ကို ပုံဖော်ရာ၌ အခွင့်အလမ်းအသစ်များနှင့် စိန်ခေါ်မှုအသစ်များနှင့် ရင်ဆိုင်နေရပါကြောင်း၊ ထို့ကြောင့် ကျွမ်းကျင်သူများနှင့် လုပ်ငန်းခေါင်းဆောင်များအနေဖြင့် အသိပညာ ဖလှယ်ခြင်း၊ အကောင်းဆုံးအလေ့အကျင့်များကို မျှဝေခြင်းနှင့် တစ်ဦးချင်း ကုမ္ပဏီများ အတွက်သာမက အရှေ့တောင်အာရှ သံမဏိလုပ်ငန်းတစ်ခုလုံးအတွက်ပါ အကျိုးရှိစေမည်ဟု ဖြစ်ပါကြောင်း၊ ယနေ့ဆွေးနွေးပွဲတွင် ဒေသတွင်းပူးပေါင်းဆောင်ရွက်မှုကို အားကောင်းစေပြီး မိတ်ဖက်အသစ်များကို အားပေးကာ မြန်မာနိုင်ငံနှင့် အရှေ့တောင်အာရှတစ်ဝှမ်းရှိ သံနှင့် သံမဏိ ကဏ္ဍ၏ ရေရှည်တည်တံ့သော ဖွံ့ဖြိုးတိုးတက်မှုကို အထောက်အကူပြုလိမ့်မည်ဟု ယုံကြည်ပါကြောင်း” ထည့်သွင်း ပြောကြားခဲ့သည်။
အဆိုပါ အခမ်းအနားတွင် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဒုတိယဥက္ကဋ္ဌ ဦးဆန်းလင်းက အမှာစကား ပြောကြားခဲ့ရာတွင် “လက်ရှိအချိန်တွင် သံနှင့် သံမဏိကဏ္ဍ၌ ကုန်ကြမ်းရရှိမှု၊ ထောက်ပံ့ ပို့ဆောင်ရေးလုပ်ငန်းစဉ်များနှင့် စွမ်းအင် လိုအပ်ချက်စသည့် စိန်ခေါ်မှုများစွာရှိနေသည့်ကြားမှာပင် လုပ်ငန်းရှင်များအနေဖြင့် အားလျှော့ခြင်းမရှိဘဲ မိမိတို့လုပ်ငန်းများ ရေရှည်ခိုင်မာစွာ ရပ်တည်နိုင်ရေးအတွက် နည်းလမ်းမျိုးစုံနှင့် ကြိုးပမ်း အားထုတ်နေကြတာကို တွေ့ရပါကြောင်း၊ ယင်းကဲ့သို့ အခြေအနေမျိုးတွင် "Operational Excellence" သို့မဟုတ် လုပ်ငန်း လည်ပတ်မှု စွမ်းဆောင်ရည်ကို အကောင်းဆုံးဖြစ်အောင် မြှင့်တင်ခြင်းသည် လုပ်ငန်းများ ရေရှည်ရှင်သန်နိုင်ရန်အတွက် အဓိက သော့ချက်ဖြစ်လာပြီး ကုန်ကျ စရိတ်များကို စနစ်တကျ လျှော့ချခြင်း၊ လေလွင့်မှုများကို တားဆီးခြင်းနှင့် ရရှိနိုင်တဲ့ အရင်းအမြစ်များကို အကျိုးရှိရှိ ထိရောက်စွာ အသုံးပြုခြင်းဖြင့် စိန်ခေါ်မှုများကို အပြုသဘောဆောင်သည့် အခွင့်အလမ်းများအဖြစ် ပြောင်းလဲပစ်နိုင်မည်ဆိုပါက လုပ်ငန်းများ၏ စွမ်းဆောင်ရည်များ တိုးတက်လာမှာ ဖြစ်ပါကြောင်း၊ အသင်းချုပ်အနေဖြင့် မြန်မာနိုင်ငံ၏ စီးပွားရေးနှင့် စက်မှုကဏ္ဍများ အရှိန်အဟုန်မပြတ် ဖွံ့ဖြိုးတိုးတက်စေရန်အတွက် ပုဂ္ဂလိကကဏ္ဍနှင့် အစိုးရဌာနဆိုင်ရာများအကြား ပေါင်းကူးတံတားအဖြစ် ဆက်လက်ပံ့ပိုးကူညီသွားမည်ဖြစ်ကြောင်းနှင့် ဒေသတွင်းနိုင်ငံများနှင့် နည်းပညာနှင့် သတင်းအချက်အလက် ဖလှယ်မှုများကိုလည်း အစဉ်တစိုက် အားပေးကူညီသွားမှာလည်း ဖြစ်ပါကြောင်း” ထည့်သွင်းပြောကြားခဲ့သည်။
ယင်းနောက် တက်ရောက်လာသူများက အရှေ့တောင်အာရှဒေသ သံနှင့်သံမဏိလုပ်ငန်းကဏ္ဍ၏ နောက်ဆုံးဖြစ်ပေါ်တိုးတက်မှုများ၊ နည်းပညာအသစ်များနှင့် လုပ်ငန်းဆိုင်ရာ အတွေ့အကြုံများကို ဆွေးနွေးကြသည်။
အဆိုပါ အစည်းအဝေးသို့ အရှေ့တောင်အာရှ သံနှင့်သံမဏိအင်စတီကျု (SEAISI) ၏ လက်ရှိ အထွေထွေအတွင်းရေးမှူး (Secretary General) မှာ Mr. Yeoh Wee Jin၊ မြန်မာနိုင်ငံ သံနှင့်သံမဏိ အသင်း (MISA) ၏ ဥက္ကဋ္ဌ ဒေါ်ကေသီလွင်နှင့် အထွေထွေအတွင်းရေးမှူး၊ ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI) ၏ ဒုတိယဥက္ကဋ္ဌ ဦးဆန်းလင်း၊ မြန်မာနိုင်ငံအင်ဂျင်နီယာကောင်စီနှင့် မြန်မာနိုင်ငံအင်ဂျင်နီယာအသင်းချုပ်မှ ကိုယ်စားလှယ်များ၊ သံနှင့် သံမဏိကုမ္ပဏီများမှ ကိုယ်စားလှယ်များ၊ အစိုးရအရာရှိများ၊ ဖိတ်ကြားထားသော ဧည့်သည်တော်များ၊ နည်းပညာတက္ကသိုလ်များမှ ပါမောက္ခများနှင့် ကျောင်းသား ကျောင်းသူများ တက်ရောက် ခဲ့ကြသည်။

ကုန်သည်စက်မှုအသင်းချုပ် (UMFCCI)

ပုဂ္ဂလိက ကဏ္ဍ ဖွံ့ဖြိုးတိုးတက်မှုသည် နိုင်ငံ စီးပွား ဖွံ့ဖြိုးတိုးတက်မှုအထိ ဖော်ဆောင်နိုင်မည်ဟု ခိုင်ခိုင်မာမာ ယုံကြည်ကြ...
07/07/2026

ပုဂ္ဂလိက ကဏ္ဍ ဖွံ့ဖြိုးတိုးတက်မှုသည် နိုင်ငံ စီးပွား ဖွံ့ဖြိုးတိုးတက်မှုအထိ ဖော်ဆောင်နိုင်မည်ဟု ခိုင်ခိုင်မာမာ ယုံကြည်ကြောင်း ကုန်သည်စက်မှုအသင်းချုပ် ဥက္ကဋ္ဌ ပြောကြား
---------------------------------------
အသင်းချုပ်အနေဖြင့် ပုဂ္ဂလိက ကဏ္ဍ ဖွံ့ဖြိုးတိုးတက်မှုမှ စီးပွားရေး တိုးတက်မှု၊ ယင်းမှတစ်ဆင့် နိုင်ငံ ဖွံ့ဖြိုးတိုးတက်မှုအထိ ဖော်ဆောင်နိုင်မည်ဟု ခိုင်ခိုင်မာမာ ယုံကြည်ကာ ပုဂ္ဂလိက ကဏ္ဍနှင့် အစိုးရအကြားတွင် ပေါင်းကူးတံတားသဖွယ် ယနေ့အထိ တစိုက် မတ်မတ်ဆောင်ရွက်နေခြင်း ဖြစ်ပြီး ယင်းသို့ဆောင်ရွက်ရာတွင် လက်ရှိ အမှုဆောင် အဖွဲ့အနေဖြင့် မိမိတို့နှင့်အတူ ယုံယုံကြည်ကြည် လက်တွဲ ပူးပေါင်း ဆောင်ရွက်သွားမည်ဟု မျှော်လင့်ပါကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်(UMFCCI) ဥက္ကဋ္ဌ ဦးအေးဝင်းက မေ ၂၁ ရက် မွန်းလွဲပိုင်းတွင် ကုန်သည်စက်မှုအသင်းချုပ် မင်္ဂလာခန်းမ၌ hybrid စနစ်ဖြင့် ကျင်းပခဲ့သည့် ကုန်သည်စက်မှု အသင်းချုပ် အမှုဆောင်သက်တမ်းသစ်၏ တတိယအကြိမ် အလုပ်အမှုဆောင်အဖွဲ့ အစည်းအဝေး (အ-၃/၂၅-၃၀) တွင် အဖွင့်အမှာစကား ပြောကြားစဉ် ထည့်သွင်း ပြောကြားခဲ့သည်။
အဆိုပါ အစည်းအဝေးသို့ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်းနှင့်အတူ ဒုတိယ ဥက္ကဋ္ဌများ၊ အထွေထွေအတွင်းရေးမှူးချုပ်နှင့် တွဲဖက် အထွေထွေအတွင်းရေးမှူးများ၊ အလုပ်အမှုဆောင်အဖွဲ့ ဝင်များ စုံလင်စွာ တက်ရောက်ခဲ့ကြသည်။
အစည်းအဝေးတွင် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဥက္ကဋ္ဌ ဦးအေးဝင်းက အဖွင့်အမှာစကား ပြောကြားရာတွင် “ပြီးခဲ့သည့် အစည်းအဝေးများတွင် ဆွေးနွေးတင်ပြခဲ့သည့်အတိုင်း အသင်းချုပ်၏ strategic action plan အား review လုပ်နေရာ၌ ယင်းကို ပြီးဆုံးသည်အထိ finalize မလုပ်နိုင်သေးသော်လည်း အတော်များများ ဆက်လုပ်ရမည့် ကိစ္စများမှာ အကြမ်းဖျင်းအားဖြင့် ပုံပေါ်နေပြီဖြစ်ပါကြောင်း၊ ယင်းကို အားလုံး၏ အတည်ပြုချက် မရခင်တွင် အမှုဆောင်အဖွဲ့ဝင်များ သိရှိနိုင်ရန် ချပြ ဆွေးနွေးသွားမည်ဖြစ်ပါကြောင်း၊ အသင်းချုပ် သည် governance ကိစ္စကို အဓိကထား၍ အထူးအလေးထား ဆောင်ရွက်လျက်ရှိကာ အသင်းချုပ်၏ strategic action plan ကို review လုပ်နေချိန်တွင် governance နှင့် ပတ်သက်၍ ဆောင်ရွက်ရန်လိုနေသည့် ကိစ္စရပ်များကိုလည်း တွေ့မြင်ရပါကြောင်း၊ အထူးသဖြင့် အသင်းချုပ်က ရည်ရွယ်ထားသည့် ဦးတည်ချက်များကို အကောင်အထည်ဖော်ဆောင်ရွက်ရာ၌ လက်ရှိ ဖွဲ့စည်းပုံတွင် အချို့ကိစ္စရပ်
များအား ပြင်ဆင်ပြောင်းလဲရန် လိုအပ်နေသည်ကို အကြမ်းဖျင်းအားဖြင့် တွေ့ရှိရပါကြောင်း၊ အချုပ်အားဖြင့် ဆိုရသော် အသင်းချုပ်အနေဖြင့် ပုဂ္ဂလိက ကဏ္ဍ ဖွံ့ဖြိုးတိုးတက်မှုမှ စီးပွားရေး တိုးတက်မှု၊ ယင်းမှတစ်ဆင့် နိုင်ငံ၏ ဖွံ့ဖြိုး တိုးတက်မှုအထိ ဖော်ဆောင်နိုင်မည်ဟု ခိုင်ခိုင်မာမာ ယုံကြည်သည့်အတွက် ပုဂ္ဂလိက ကဏ္ဍနှင့် အစိုးရအကြားတွင် ပေါင်းကူးတံတားသဖွယ် ယနေ့အထိ တစိုက်မတ်မတ် ဆောင်ရွက်နေခြင်း ဖြစ်ပါကြောင်း၊ ယင်းသို့ ဆောင်ရွက်နေသည့်အချိန်တွင် လက်ရှိ အမှုဆောင်အဖွဲ့အနေဖြင့် အင်မတန်မှ အရေးကြီးသည့်အပြင် မိမိတို့နှင့်အတူ ယုံယုံကြည်ကြည် လက်တွဲပူးပေါင်း ဆောင်ရွက်သွားမည်ဟု မျှော်လင့်ပါကြောင်း” ထည့်သွင်း ပြောကြားခဲ့သည်။
ထို့နောက် အသင်းချုပ်၏ အမှုဆောင်သက်တမ်းသစ်တွင် ဖွဲ့စည်းထားသည့် ကော်မတီ ၁၆ ခုမှ တာဝန်ရှိသူများက ကော်မတီများနှင့် ပတ်သက်သည့် ရည်ရွယ်ချက်၊ ရည်မှန်းချက်နှင့် အကောင်အထည်ဖော် ဆောင်ရွက်လျက်ရှိသည့် ကိစ္စရပ်များကို အသီးသီး ရှင်းလင်း တင်ပြခဲ့ကြသည်။ ယင်း
နောက် အစည်းအဝေးတက်ရောက်လာသည့် အလုပ်အမှုဆောင်များက ပို့ကုန်သွင်းကုန် တိုးမြှင့် တင်ပို့နိုင်ရေးဆိုင်ရာ ကိစ္စရပ်များ၊ သယ်ယူပို့ဆောင်ရေး ကဏ္ဍတွင် အကောင်ထည်ဖော်ဆောင်ရွက်ရမည့် လုပ်ငန်းစဉ်များ၊ အသင်းချုပ်၏ ရှေ့လုပ်ငန်းစဉ်များနှင့် စပ်လျဉ်း၍ ဆွေးနွေးခဲ့ကြသည်။

ကုန်သည်စက်မှုအသင်းချုပ်(UMFCCI)

Address

No. 29, Min Ye Kyaw Zwar Road, Lanmadaw Tsp
Yangon
11131

Opening Hours

Monday 09:00 - 17:30
Tuesday 09:30 - 17:30
Wednesday 09:30 - 17:30
Thursday 09:30 - 17:30
Friday 09:30 - 17:30

Website

Alerts

Be the first to know and let us send you an email when UMFCCI-Union of Myanmar Federation of Chambers of Commerce and Industry posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to UMFCCI-Union of Myanmar Federation of Chambers of Commerce and Industry:

Shortcuts

Share

Category