https://www.facebook.com/207070265821957/

Mro - မြိုလူမျိုး, Yangon (2026)

11/08/2026

❤ ဒါလေးတော့ နားလည်သင့်သည် ❤

✅ မြိုတစ်ချို့က မြိုမှမြို ခမီးမဟုတ်ဘူးဆိုကြတယ်။
✅ ကိုယ်က မြိုလည်း ဟုတ်သည်။ ခမီးလည်း ဟုတ်တယ်။

☑ မြိုသည် သမိုင်းဝင်အမည်နာမဖြစ်တယ်။ မြိုသည် ရခိုင်ပြည်၌ လက်ရှိနေထိုင်ကြသော လူမျိုးအားလုံးထဲတွင် ရှေးအကျဆုံးသော လူမျိုးဖြစ်ကြောင်း ရာဇဝင်သမိုင်းများတွင် မှတ်တမ်းအက္ခရာတင်ထားသော အမည်နာမဖြစ်တယ်။

☑ ခမီးသည် မိမိကိုယ်ကို ခေါ်ဝေါ်သော အမည်နာမဖြစ်တယ်။ ရှေးဘိုးဘေးစဥ်ဆက်ကပင် ယနေ့ထိတိုင် မိမိကိုယ်ကို ခမီးဟု ခေါ်ဝေါ်ကြသည်။ မြိုခမီးဟု ခေါ်ဝေါ်ခြင်းလည်းရှိကြပေတယ်။

☑ မြို နှင့် ခမီး သည် လူမျိုးတစ်မျိုးတည်း၏ အမည်နာမဖြစ်တယ်။ ရာဇဝင်သမိုင်းမှတ်တမ်းတွင် အက္ခရာတင်သော မြို အမည်နာမနှင့် မိမိကိုယ်ကို ခေါ်ဝေါ်သော ခမီး အမည်နာမတို့ပင်ဖြစ်တယ်။

Photo - မြိုသူလေး

10/08/2026

❤ ဆရာကြီး ဦးထွန်းမြင့် (မာန်အောင်) ၏ 'ရခိုင်၊ မြန်မာနှင့် ခေတ်ပြိုင်ကမ္ဘာ' စာအုပ်မှ ကောက်နုတ်ချက် ❤

✅ ရခိုင်မျိုးနွယ်တွင် အာရီယန်သွေး မနှောပါ။
✅ ရခိုင်များသည် မွန်ဂိုလီယံ ခေါ် မွန်ဂိုလွိုက်သွေးရာနှုန်းပြည့်ရှိသူများသာဖြစ်ပါသည်။
✅ အေဒီ (၃) ရာစုအတွင်း မွန်ဂိုလွိုက်နွယ်ဝင် ရခိုင်များသည် ရခိုင်ဒေသတွင် အစောဆုံးဝင်ရောက်လာချိန်ဖြစ်သည်။
✅ အေဒီ ၃၅၀ ခန့်မှစ၍ ရခိုင်ဓညဝတီသည် မြို့ပြအသွင်ခေတ်မီလာသည်။

☑ ဘီစီ နှစ် ၄၀၀ နောက်ပိုင်းတွင် ခမီ (ချင်းမျိုးနွယ်) တို့သည် ရခိုင်သို့ဝင်ရောက်လာကြသည်။ နောက်ပိုင်းတွင် ဝင်လာမည့် ရခိုင်သားများက သူတို့ကို မြို ဟု ခေါ်ကြလိမ့်မည်။ မြိုခေါ် (ခမီ) တို့ကား လက်ရှိတွင် ရှေးအကျဆုံး ရခိုင်လူအုပ်စုဖြစ်သည်။

☑ မြိုလူမျိုးများနောက်တွင် ကူကီးချင်းမျိုးနွယ်တို့သည် ရခိုင်သို့ဝင်လာခဲ့ကြသည်။ သူတို့ကား ရှေးကျသော ဒုတိယမြောက် ရခိုင်လူအုပ်စုပင်ဖြစ်သည်။

☑ မြိုတို့နောက်တွင် သက်မျိုးနွယ်များသည်လည်း ရခိုင်သို့ ဝင်လာခဲ့ပြန်သည်။ သူတို့ကား ရှေးကျသော တတိယမြောက် ရခိုင်လူအုပ်စုပင်ဖြစ်သည်။

🔵 ဤခမီ (မြို)၊ ကူကီးချင်းနှင့် သက်တို့အား ယခင် ဘီစီ ၁၈၀၀ က ရောက်နှင့်ပြီးဖြစ်သည့် ရှေးဟောင်းလူရိုင်း သြစတြိုအေးရှင်းများက တိုက်ခိုက်ဖမ်းဆီးသတ်ဖြတ်စားသောက်ကြသဖြင့် သူတို့က ထိုလူသားစား လူရိုင်းများကို ရက္ခိုက် (ဘီလူးဟုခေါ်ဝေါ်ခြင်း) ဟု ခေါ်ကြသည်။

🙏 လေးစားဂါရပြုပါ၏ ဆရာကြီး 🙏

09/08/2026

❤ မြိုပါ
❤❤ မြိုစစ်စစ်ပါ

09/08/2026

❤ မြို နှင့် ခမီ ❤

🔵 မြိုလည်း မှန်တယ်၊
🔴 ခမီလည်း မှန်တယ်၊

🔴 မြိုလည်း နိုင်ငံတော်က အသိအမှတ်ပြုထားတဲ့ တိုင်းရင်းသားဖြစ်တယ်။
🔵 ခမီလည်း နိုင်ငံတော်က အသိအမှတ်ပြုထားတဲ့ တိုင်းရင်းသားဖြစ်တယ်။

🔴 မြိုက မြိုဆိုရင် မြိုဟု အသိအမှတ်ပြုတယ်။
🔵 ခမီက ခမီဆိုရင် ခမီဟု အသိအမှတ်ပြုတယ်။

🔴 မြိုက မြိုအဖြစ် ရပ်တည်တာကို လေးစားတန်ဖိုးထားတယ်။
🔵 ခမီက ခမီအဖြစ် ရပ်တည်တာကို လေးစားတန်ဖိုးထားတယ်။

☑ မြို နှင့် ခမီ က အတူတူပဲလို့ သိမှတ်တဲ့သူ၊ စိတ်တစ်လုံးတစ်ဝတည်းရှိတဲ့သူတွေကို လေးစားဂုဏ်ပြုပါတယ်။

☑ မြို မှ မြို၊ ခမီး မှ ခမီး လို့ ခံယူသူကိုလည်း တန်ဖိုးထားတယ်။

သို့သော်

🔴 မြိုဆိုတာ ဒက်ကိုမှ မြိုထင်ရင် လွှဲနေပြီ။
🔵 ခမီဆိုတာ လူပဲ၊ လူမျိုးမဟုတ်ဘူးလို့ဆိုရင် လွှဲနေပြီ။
☑ မြို ပဲ မှန်တယ်၊ ခမီ ကမှားတယ်။ ခမီပဲ မှန်တယ်၊ မြိုက မှားတယ်လို့ ခံယူထားရင်လည်း ခံယူပိုင်ခွင့်ရှိကြပါတယ်။
☑ အမှန်တရားက မြို နှင့် ခမီ နှစ်မျိုးလုံးသည် နိုင်ငံတော်က အသိအမှတ်ပြုထားသော တိုင်းရင်းသားလူမျိုးစုများဖြစ်ကြသည်။

Photo - မြိုဘာသာစကားဖြင့် 'ဆာနေ' ဟုခေါ်သည်

08/08/2026

❤ ဂျင်းလာမထည့်နဲ့ လူကြီးမင်း ❤

☑ "ခမီက မြို နဲ့ မပေါင်းတော့ဘူး။ မြိုလည်း ခမီနဲ့ မပေါင်းနဲ့တော့။
☑ မြိုက ခမီနဲ့မတူဘူး။ ခမီဆိုတာလည်း မြိုမဟုတ်ဘူး။
☑ ခမီဆိုတာ မရှိဘူး။ မြိုဆိုတာပဲရှိတယ်။ မြိုမှ မြိုဖြစ်ရမယ်။"

🔵 အမျိုးသားရေးခေါင်းဆောင်တွေ၊ ဦးဆောင်သူတွေက ပြောကြပါတယ်။ မင်းတို့ပြောတာလည်း မင်းတို့အတွက်တော့ မှန်နိုင်ပါတယ်။
🔵 ခမီ နှင့် မြို အမျိုးသားခေါင်းဆောင်က အချင်းချင်းလည်း ချဥ်ဖတ်ပြုကြတာ၊ ချဥ်နေကြတာလေ။
🔵 မင်းတို့အချင်းချင်း၊ ချဥ်ဖတ်ပြု ချဉ်နေကြတာကို ပြည်သူတွေကိုတောင် အချဥ်ကျွေးနေကြသေးတယ်။
🔵 လူငယ်တစ်ချို့လည်း ချဥ်ဖတ်ကြိုက်တာရှိကြပြန်ပါတယ်။

🔵 သို့သော်လည်း ငါတို့တတွေက အဘူ၊ အပီ၊ အယန်၊ အမာ ဆိုပြီး ခမီ နှင့် မြို မခွဲ၊ မကွဲဘဲ ပေါင်းဖော်နေကြပါတယ်။ အတူတူစားသောက်နေကြပါတယ်။ ယောက်ဖ၊ ယောက်ဖ၊ အမက်၊ အမက်ဆိုပြီး အပြန်အလှန်ချိန်ရွယ်နေကြပါတယ်။

🔴 မြို မှ မြို ဆိုတဲ့ တူလေးတောင် ခမီသူလေးနဲ့ ညှားတော့မှာပါ။
🔴 ခမီ မှ ခမီ ဆိုတဲ့ ကောင်လေးတောင် ညီမလေးနဲ့ ချစ်နေတယ်။

❤ မြို နှင့် ခမီ ဆိုတဲ့ အမည်နာမမတူရင်တောင် အသွေးအသားက တူညီနေကြသည်မို့ ရင်ဘတ်ချင်းတူညီကြတဲ့ မြို နှင့် ခမီ တွေက ပိုများကြပါတယ်။

❤ ဂျင်းလာမထည့်နဲ့ လူကြီးမင်း.....ငါတို့က အသိတရားလည်းပြည့်ဝတယ်၊ ဉာဏ်ရည်လည်းရှိတယ်၊ ဆင်ခြင်တုံတရားလည်းကောင်းတယ်၊ ခမီ နှင့် မြို ရင်ဘတ်ချင်းလည်း တူညီကြတယ်။

Photo credit - the owner

06/08/2026

❤ မြိုသူလေးတွေ လှနေပါတယ် ❤

06/08/2026

❤ အရှိတရား တစ်ခုပါ ❤

☑ နိုင်ငံရေးသမားက နိုင်ငံရေးအလုပ်လုပ်ပါတယ်။
☑ အမျိုးသားရေးသမားက အမျိုးသားရေးအလုပ်လုပ်ပါမယ်။
☑ မြို နှင့် ခမီ သည် နိုင်ငံရေး နှင့် အမျိုးသားရေးကဏ္ဍမှာ ပေါင်းဖက်ဖို့ ခက်နေသည်က အရှိတရားတစ်ခုပါ။

✅ မည်သို့ပင်ဖြစ်စေကာမူ မြို နှင့် ခမီ သည် ဘာသာစကားတူ၊ ယဥ်ကျေးမှုတူ၊ ဓလေ့တူ၊ ရိုးရာတူ၊ ထုံးတမ်းစဥ်လာတူ လူမျိုးတစ်မျိုးတည်းဖြစ်သောကြောင့် 'မြိုလည်း ခမီ၊ ခမီလည်း မြို' ဟု ခံယူထားကြသည်က ပိုများကြသည်။

✅ မြိုဖြစ်စေ၊ ခမီဖြစ်စေ ကိုယ့်လူမျိုးဟုသာခံယူထားလျက် ရန်ကုန်တိုင်းဒေသကြီး၊ တိုက်ကြီးမြို့နယ်၊ မှော်ဘီမြို့နယ်၊ လှည်းကူးမြို့နယ်တွေမှာ ရွာတည်ကြရင်း ခြံဝယ်ကြရင်း အတူတကွပေါင်းဖက်နေကြသည်ကလည်း သက်သေပင်ဖြစ်သည်။

✅ မြို နှင့် ခမီ သည် လူ့အတ္တကြီးသော နိုင်ငံရေးသမားတို့၏ နိုင်ငံရေးကဏ္ဍ၊ အမျိုးသားရေးသမားတို့၏ အမျိုးသားရေးကဏ္ဍတို့ကလွှဲရင် အမည်နာမထက် ငါတို့သည် အမျိုးတွေဖြစ်တယ်၊ ငါတို့သည် အတူတူဖြစ်တယ်ဆိုတဲ့ ရင်ဖက်ချင်းတူ ပေါင်းဖက်ကြသူကလည်း ပိုများပါသည်။

🔴 မည်သို့ပင်ဆိုစေကာမူ မြို နှင့် ခမီ သည် အမည်နာမဖြစ်သည်။ မြို နှင့် ခမီ ဟူသော အမည်နာမ မရှိခင်ကပင် ဤလူမျိုးသည် တစ်သွေးတည်း၊ တစ်သားတည်း၊ တစ်မျိုးတည်းဖြစ်တည်လာကြသည်ကို သန္ဓေမှန်သောသူ၊ ဉာဏ်ရည်မီသောသူတိုင်း သိရှိနားလည်တန်ဖိုးထားကြသည်။

Photo - မြို နှင့် ခမီ

05/08/2026

❤ The Mro
✅ The Mro people represent a rich culture, distinct identity, and profound history of resilience.

❤ The Mro
✅ This is our tribe, our identity and our pride.

❤ The Mro are We. The One in Mro.

05/08/2026

❤ သစ်ပင်ထက်က အသိုက်အအုံနှင့် သမိုင်းဝင်မြိုလူမျိုးတို့ဘဝ ❤

☑ မြိုလူမျိုးစုတို့သည် ကုလားတန်မြစ်၏ မြစ်လက်တက်တစ်ခုဖြစ်သော မီးချောင်းတစ်လျှောက်တွင် အခြေချနေထိုင်ကြပြီး မငြိမ်မသက်ဖြင့် ဆူပူသောင်းကျန်းတတ်သော ခမီးမျိုးနွယ်စုတို့ထက် ပိုမိုစီမံအုပ်ချုပ်ရလွယ်ကူကြပေသည်။ အကြောင်းမှာ မြိုတို့၏ နေရပ်ဒေသသည် မြေပြန့်လွင်ပြင်နှင့် ပိုမိုနီးကပ်စွာ တည်ရှိနေခြင်းကြောင့် အဓိကဖြစ်ဖွယ်ရှိသည်။

☑ ရှေးအစဉ်အဆက်ကပင် တောင်ပေါ်နေလူမျိုးစုများတွင် မြိုတို့သည် ကာယခွန်အားပိုင်းတွင် အားအနည်းဆုံးသော လူမျိုးစုများအဖြစ်သတ်မှတ်ခဲ့ကြသည်။ မြိုတို့သည် လွန်ခဲ့သောနှစ်များအတွင်းတွင်ပင် ကျွန်ုပ်တို့၏ အုပ်ချုပ်ခံအခြားမျိုးနွယ်စုများထက် ပိုမိုနှောင့်ယှက်တိုက်ခိုက်ခံခဲ့ရကာ ရန်သူတို့၏ ဖမ်းဆီးခေါ်ဆောင်ခြင်းခံရသည့် သုံ့ပန်းဦးရေအများဆုံးဖြစ်ခဲ့ရသည်။

☑ မြိုတို့၏ ရွာများ စီးနင်းတိုက်ခိုက်ခံရခြင်းမရှိသည်မှာ ယခုဆိုလျှင် လေးနှစ်နီးပါးရှိပြီဖြစ်သော်လည်း ရန်သူတိုက်ခိုက်လာပါက အမျိုးသား၊ အမျိုးသမီးနှင့် ကလေးငယ်များ ခိုလှုံနိုင်ရန်အတွက် ရွာအများစုတွင် သစ်ပင်အထက်မြင့်ပေါ်၌ သေနတ်ကျည်ဆန်ကာကွယ်နိုင်သော ဝါးလုံးစိုက်ခြံစည်းရိုးပါခံတပ်အသိုက်အအုံများကို ယနေ့တိုင်အောင် တည်ဆောက်ထားကြပြီး ၎င်းအဆောက်အအုံကို ရွာနှင့် ဝါးလှေကားဖြင့် ဆက်သွယ်ထားသည်။

☑ Asiatic Society's Journal ၏ အကြောင်းအရာဟောင်းတစ်ခုတွင် ဖော်ပြထားဖူးသော ‘သစ်ပင်ပေါ်တွင် နေထိုင်ကြသည့် ကူကီးလူမျိုးများ’ ဟူသည့် ကောလာဟလပုံပြင်သည် ဤကဲ့သို့သော အဆောက်အအုံမျိုးကြောင့် ပေါ်ပေါက်လာခြင်းဖြစ်နိုင်သည်။

☑ ထို့ပြင် ဤမြိုလူမျိုးများသည် အမြဲတစေ စိုးရိမ်ထိတ်လန့်စရာကောင်းသော ဘဝကို ဖြတ်သန်းခဲ့ရခြင်းကြောင့်လည်း သူတို့၏ မျက်နှာသွင်ပြင်တွင် ပင်ပန်းနွမ်းနယ်ပြီး စိတ်ဝင်စားစရာမကောင်းသော အမူအရာ သိသိသာသာပေါ်လွင်နေခြင်းဖြစ်ကာ ယင်းအချက်သည် ထက်မြက်ဉာဏ်ပညာရှိပုံပေါ်သော ခမီးလူမျိုးတို့၏ ရုပ်ရည်နှင့် သိသိသာသာကွာခြားနေပါသည်။

☑ မြိုဘာသာစကားနှင့် ခမီးဘာသာစကား နှစ်မျိုးလုံးတွင် 'ခမီး'၊ 'ခူမီး' (သို့မဟုတ်) ‘ခူးမီ’ ဟူသော စကားလုံး၏ အဓိပ္ပာယ်မှာ ရိုးရှင်းစွာပင် 'လူ' ဟု အဓိပ္ပာယ်ရသည်။

✅ (၁၈၇၃-၇၄ ဗြိတိသျှအုပ်ချုပ်ရေးအစီရင်ခံစာမှ ကောက်နုတ်ဖော်ပြသည်)

Photo - မြိုသူလေး

Mro - မြိုလူမျိုး

11/08/2026

10/08/2026

09/08/2026

09/08/2026

08/08/2026

06/08/2026

06/08/2026

05/08/2026

05/08/2026

Address

Website

Alerts

Shortcuts

Share

Category

Listing takedown request