Myanmar Tourism Federation

Myanmar Tourism Federation Myanmar Tourism Federation, a umbrella of tourism related associations.

၂၀၂၆ ခုနှစ်၊ နှစ်သစ်ကူး အခါသမယတွင် စိတ်ချမ်းသာ ကိုယ်ကျန်းမာ၍ လိုအင်ဆန္ဒများ ပြည့်ဝပါစေကြောင်း မြန်မာနိုင်ငံခရီးသွားလုပ်င...
12/04/2026

၂၀၂၆ ခုနှစ်၊ နှစ်သစ်ကူး အခါသမယတွင် စိတ်ချမ်းသာ ကိုယ်ကျန်းမာ၍ လိုအင်ဆန္ဒများ ပြည့်ဝပါစေကြောင်း မြန်မာနိုင်ငံခရီးသွားလုပ်ငန်းအဖွဲ့ချုပ်မှ ဆုမွန်ကောင်းများ တောင်းအပ်ပါသည်။

■ မြန်မာနိုင်ငံခရီးသွားလုပ်ငန်းအဖွဲ့ချုပ် စတုတ္ထအကြိမ် နှစ်ပတ်လည်အသင်းသားစုံညီအစည်းအဝေး ကျင်းပ၂၈ မတ် ၂၀၂၆ —— Melia Yango...
30/03/2026

■ မြန်မာနိုင်ငံခရီးသွားလုပ်ငန်းအဖွဲ့ချုပ် စတုတ္ထအကြိမ် နှစ်ပတ်လည်အသင်းသားစုံညီအစည်းအဝေး ကျင်းပ
၂၈ မတ် ၂၀၂၆ —— Melia Yangon
မြန်မာနိုင်ငံခရီးသွားလုပ်ငန်းအဖွဲ့ချုပ်၏ စတုတ္ထအကြိမ် နှစ်ပတ်လည်အသင်းသားစုံညီအစည်းအဝေးကို ၂၀၂၆ ခုနှစ်၊ မတ်လ (၂၈) ရက်နေ့တွင် Melia Yangon ၌ ကျင်းပခဲ့ရာ ဟိုတယ်နှင့်ခရီးသွားလာရေးဝန်ကြီးဌာန ရန်ကုန်တိုင်းတာဝန်ခံ ညွှန်ကြားရေးမှူး ဦးနန္ဒအောင်၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဒုတိယဥက္ကဋ္ဌ၊ အစည်းအဝေးသဘာပတိဖြစ်သည့် မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဋ္ဌနှင့် အလုပ်အမှုဆောင်များ၊ အသင်းသားများနှင့် ဧည့်သည်တော်များ တက်ရောက်ခဲ့ကြသည်။
အခမ်းအနားအစီအစဉ်အရ ဟိုတယ်နှင့်ခရီးသွားလာရေးဝန်ကြီးဌာန ရန်ကုန်တိုင်းတာဝန်ခံ ညွှန်ကြားရေးမှူး ဦးနန္ဒအောင်မှ အဖွင့်အမှာစကား ပြောကြားခဲ့ပြီး၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဒုတိယဥက္ကဋ္ဌမှလည်း အမှာစကား ပြောကြားခဲ့သည်။ ထို့နောက် အစည်းအဝေးသဘာပတိဖြစ်သည့် မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဋ္ဌမှ အမှာစကား ပြောကြားရာတွင်—
အဖွဲ့ချုပ်အနေဖြင့် ၁၅ နှစ်သက်တမ်းအတွင်း ကိုဗစ်-၁၉ အပါအဝင် စိန်ခေါ်မှုများစွာ ကြုံတွေ့ခဲ့ရသော်လည်း ဌာနဆိုင်ရာများ၊ ညီနောင်အသင်းများနှင့် ပူးပေါင်းဆောင်ရွက်ခဲ့မှုကြောင့် ယခုအခါ ခရီးသွားဧည့်သည် ဝင်ရောက်မှုအခြေအနေ ပြန်လည်တိုးတက်လာပြီဖြစ်ကြောင်း၊
မြန်မာနိုင်ငံကို နိုင်ငံတကာတွင် ပိုမိုသိရှိလာစေရန် ခရီးသွားပြပွဲများတွင် တက်ကြွစွာ ပါဝင်ခြင်း၊ အွန်လိုင်း Webinar များဖြင့် ဗဟုသုတမျှဝေခြင်းနှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် သင်တန်းများ စနစ်တကျ ဖွင့်လှစ်ပေးခြင်းတို့ကို ဆောင်ရွက်ခဲ့ကြောင်း၊
လူမှုအကျိုးပြုလုပ်ငန်းများအနေဖြင့် မုန်တိုင်းဒဏ်သင့်ကျေးရွာများတွင် အိမ်ခြေ (၂၂) လုံး ပြန်လည်တည်ဆောက်ပေးခဲ့ပြီး၊ ငလျင်ဘေးသင့်ပြည်သူများအတွက် ကျပ်သိန်း (၅၀၀) ကျော် လှူဒါန်းနိုင်ခဲ့ကြောင်း၊
ယနေ့အစည်းအဝေး၏ အရေးကြီးသည့် အချက်တစ်ရပ်မှာ အသင်းသားများ၏ အခန်းကဏ္ဍကို ပိုမိုကျယ်ပြန့်စေရန် ၂၀၂၆ ခုနှစ် ဖွဲ့စည်းပုံအခြေခံစည်းမျဉ်း (မူကြမ်း) ကို အတည်ပြုခြင်းနှင့် “မြန်မာနိုင်ငံခရီးသွားလုပ်ငန်းမြှင့်တင်ရေးအဖွဲ့ (Tourism Board of Myanmar – TBM)” ကို အမြန်ဆုံး ဖွဲ့စည်းနိုင်ရန် အလေးထား ဆောင်ရွက်သွားမည်ဖြစ်ကြောင်း၊
ထို့ပြင် ဟိုတယ်နှင့်ခရီးသွားလာရေးဝန်ကြီးဌာနနှင့် ပူးပေါင်း၍ မြန်မာနိုင်ငံခရီးသွားလုပ်ငန်း ပင်မစီမံကိန်း (၂၀၂၆–၂၀၃၀) ကို အချောသတ်ရေးဆွဲသွားမည်ဖြစ်ပြီး ဒစ်ဂျစ်တယ်နည်းပညာများ အသုံးပြုကာ ဈေးကွက်မြှင့်တင်ရေး လုပ်ငန်းများ ဆောင်ရွက်သွားမည်ဖြစ်ကြောင်း ပြောကြားခဲ့သည်။
ထို့နောက် အထွေထွေအတွင်းရေးမှူးမှ ၂၀၂၅–၂၀၂၆ နှစ်ပတ်လည်အစီရင်ခံစာအား ဖတ်ကြားတင်ပြခဲ့ပြီး၊ ၎င်းနောက် ဧည့်သည်တော်များ၊ အလုပ်အမှုဆောင်အဖွဲ့ဝင်များနှင့် အသင်းသားများက အမှတ်တရ ဓာတ်ပုံများ ရိုက်ကူးခဲ့ကြသည်။
ဆက်လက်၍ ပြင်ပစာရင်းစစ် Royal Partners Audit Firm မှ စာရင်းစစ်အစီရင်ခံစာကို ဖတ်ကြားတင်သွင်းခဲ့ပြီး၊ ၂၀၂၅–၂၀၂၆ နှစ်ပတ်လည်အစီရင်ခံစာနှင့် ၂၀၂၄–၂၀၂၅ ဘဏ္ဍာရေးနှစ်အတွက် နှစ်ချုပ်ငွေစာရင်းရှင်းတမ်းကို အတည်ပြုခဲ့သည်။ ထို့အပြင် ၂၀၂၆ ခုနှစ် ဖွဲ့စည်းပုံအခြေခံစည်းမျဉ်း (မူကြမ်း) ကိုလည်း အတည်ပြုခဲ့ကြသည်။
အခမ်းအနားကို အဖွဲ့ချုပ်ဥက္ကဋ္ဌ၏ နိဂုံးချုပ်အမှာစကားဖြင့် ပိတ်သိမ်းခဲ့ပြီး၊ တက်ရောက်လာကြသူများအား နေ့လည်စာဖြင့် တည်ခင်းဧည့်ခံကာ အခမ်းအနားကို ပြီးဆုံးစေခဲ့သည်။ See more on https://shorturl.at/jRYzu

■ အဖွဲ့ချုပ်သို့ မြန်မာနိုင်ငံ ဟိုတယ်နှင့် ခရီးသွားလုပ်ငန်းဆိုင်ရာ ကျွမ်းကျင်ပညာရှင်များအသင်း (MHPA) ဥက္ကဋ္ဌနှင့်တာဝန်ရှ...
21/03/2026

■ အဖွဲ့ချုပ်သို့ မြန်မာနိုင်ငံ ဟိုတယ်နှင့် ခရီးသွားလုပ်ငန်းဆိုင်ရာ ကျွမ်းကျင်ပညာရှင်များအသင်း (MHPA) ဥက္ကဋ္ဌနှင့်တာဝန်ရှိသူများ လာရောက်တွေ့ဆုံခြင်း
20 March 2026 ______ Hybrid Meeting
မြန်မာနိုင်ငံ ခရီးသွားလုပ်ငန်းအဖွဲ့ချုပ် (MTF) နှင့် မြန်မာနိုင်ငံ ဟိုတယ်နှင့် ခရီးသွားလုပ်ငန်းဆိုင်ရာ ကျွမ်းကျင်ပညာရှင်များအသင်း (MHPA) တို့ တွေ့ဆုံရာတွင် ခရီးသွားလုပ်ငန်း ပြန်လည်ဖွံ့ဖြိုးလာစေရန်နှင့် ကျွမ်းကျင်လုပ်သားများ မွေးထုတ်နိုင်ရန် ပူးပေါင်းဆောင်ရွက်မှုများ တိုးမြှင့်လုပ်ဆောင်မည်ဟု သဘောတူညီခဲ့ကြသည်။
တွေ့ဆုံပွဲတွင် MHPA အမှုဆောင်အဖွဲ့သစ်ကို မိတ်ဆက်ပြီး ရှေ့ဆက်လုပ်ငန်းစဉ်များ၊ တရားဝင်မှတ်ပုံတင်ရေးနှင့် လိုအပ်သည့် အကူအညီများကို ဆွေးနွေးခဲ့သည်။ MTF ဥက္ကဋ္ဌမှလည်း ခရီးသွားလုပ်ငန်း ပြန်လည်တည်ငြိမ်လာရေး၊ “Tourism Board” ဖွဲ့စည်းနိုင်ရေးနှင့် အစိုးရ-ပုဂ္ဂလိက ပူးပေါင်းမှု အားကောင်းစေရေးကို အလေးထားပြောကြားခဲ့သည်။
ထို့အပြင် မြန်မာနိုင်ငံ၏ ခရီးသွားကဏ္ဍသည် GDP တွင် အလွန်နည်းပါးနေပြီး ထိုင်း၊ မလေးရှားတို့နှင့် နှိုင်းယှဉ်ပါက ခရီးသွားမြှင့်တင်ရေးဘတ်ဂျက် နည်းပါးနေသည့် အခက်အခဲကိုလည်း ထောက်ပြခဲ့သည်။
MHPA သည် အဖွဲ့ဝင် ၁၃၀ ကျော်ရှိသော အဖွဲ့အစည်းဖြစ်ပြီး လက်ရှိတွင် တရားဝင်မှတ်ပုံတင်ရေး ဆောင်ရွက်နေကာ အဖွဲ့ချုပ်ထံမှ ထောက်ခံချက်နှင့် ပံ့ပိုးမှု ကူအညီများ ရယူရန် ဆွေးနွေးခဲ့ကြပြီး မှတ်ပုံတင်ရေးတွင် ကြုံတွေ့ရသော အခက်အခဲများကိုလည်း အတွေ့အကြုံ ဖလှယ်ခဲ့ကြသည်။ အဆိုပါအစည်းအဝေးသို့ အဖွဲ့ချုပ်ဥက္ကဋ္ဌနှင့် အလုပ်အမှုဆောင်များ တက်ရောက်ခဲ့ကြပြီး နိဂုံးချုပ်အားဖြင့် အဖွဲ့ချုပ် ဥက္ကဋ္ဌမှ ခရီးသွားလုပ်ငန်း ဖွံ့ဖြိုးတိုးတက်ရေးအတွက် ညီနောင်အသင်းများ အားလုံး ပူးပေါင်းကြိုးပမ်းရန် တိုက်တွန်းခဲ့သည်။ See more on https://shorturl.at/jCMBI

■ ဂေဟစနစ် ခရီးသွားလုပ်ငန်းအဖွဲ့ (Ecotourism Working Group) ၏ (၁/၂၀၂၆) ‌ လုပ်ငန်းညှိနှိုင်းအစည်းအဝေး17 March 2026____ Vir...
18/03/2026

■ ဂေဟစနစ် ခရီးသွားလုပ်ငန်းအဖွဲ့ (Ecotourism Working Group) ၏ (၁/၂၀၂၆) ‌ လုပ်ငန်းညှိနှိုင်းအစည်းအဝေး
17 March 2026____ Virtual Meeting
မြန်မာနိုင်ငံ ခရီးသွားလုပ်ငန်းအဖွဲ့ချုပ် (MTF)၊ ဂေဟစနစ် ခရီးသွားလုပ်ငန်းအဖွဲ့၏ (၁/၂၀၂၆) အွန်လိုင်းအစည်းအဝေးကို မတ်လ ၁၇ ရက်၊ မွန်းလွဲ (၂း၃၀)တွင် အွန်လိုင်းစနစ်ဖြင့် ကျင်းပပြီး မြန်မာ့ခရီးသွားလုပ်ငန်း ရေရှည်ဖွံ့ဖြိုးတိုးတက်ရေးအတွက် မဟာဗျူဟာနှင့် လက်တွေ့စီမံကိန်းများကို ဆွေးနွေးခဲ့သည်။ အစည်းအဝေးတွင် (၂၀၂၆–၂၀၃၀) ပင်မစီမံကိန်းနှင့်အညီ သဘာဝပတ်ဝန်းကျင် ထိန်းသိမ်းရေးနှင့် ဒေသခံများ အကျိုးခံစားနိုင်မည့် ခရီးသွားပုံစံများ ဖော်ဆောင်ရန် ရည်ရွယ်ထားကြောင်း တင်ပြခဲ့ပြီး မြန်မာနိုင်ငံကို အာဆီယံဒေသတွင်း သဘာဝအခြေခံခရီးသွားလုပ်ငန်း၏ စံပြနိုင်ငံအဖြစ် တိုးတက်စေရန် ရည်မှန်းထားသည်။ ထို့ပြင် သီအိုရီထက် လက်တွေ့ကျသော လုပ်ငန်းစဉ်များကို ဦးစားပေး ဆောင်ရွက်မည်ဖြစ်ပြီး အဖွဲ့ဝင်များသည် မိမိတို့ကျွမ်းကျင်ရာကဏ္ဍအလိုက် တာဝန်ယူ ဆောင်ရွက်ရန် သဘောတူခဲ့ကြသည်။
အဓိက ဆွေးနွေးခဲ့ကြသည့် ပင်လယ်ရေကြောင်း သဘာဝအခြေခံခရီးသွားလုပ်ငန်း (Marine Ecotourism)၊ ဒေသခံအခြေပြု ခရီးသွားလုပ်ငန်း (Community-based Tourism – CBT)၊ ဘေးမဲ့တောများနှင့် ထိန်းသိမ်းရေး နယ်မြေများရှိ ခရီးသွားလုပ်ငန်းများ ပါဝင်သည်။ ထို့ပြင် ရန်ကုန်မြို့နှင့် နီးကပ်သော တွံတေးဒေသသို့ လေ့လာရေး ခရီးစဉ်များ ဆောင်ရွက်ရန်နှင့် အင်းလေးဒေသတွင် Rotary အဖွဲ့နှင့် ပူးပေါင်း၍ လူထုအခြေပြု ခရီးသွားလုပ်ငန်း ဖော်ဆောင်ရန် အဖွဲ့ဝင်များက အကြံပြုခဲ့ကြသည်။ ငွေဆောင်ကမ်းခြေ သန့်ရှင်းရေး (Beach Clean-up) ကဲ့သို့သော လက်ရှိ ဆောင်ရွက်နေသည့် လုပ်ငန်းများကိုလည်း ပိုမို ထိရောက်စွာ ပူးပေါင်း ဆောင်ရွက်သွားရန် ဆွေးနွေးခဲ့ကြသည်။
လုပ်ငန်းအဖွဲ့သည် အစိုးရဌာနများ၊ ပုဂ္ဂလိက ကဏ္ဍများနှင့် ဒေသခံများအကြား ပူးပေါင်းဆောင်ရွက်မှု (Public-Private-People Partnership) ကို တည်ဆောက်သွားမည်ဖြစ်ပြီး၊ ရေရှည်တည်တံ့သော ခရီးသွားလုပ်ငန်း မော်ဒယ်များကို ရေးဆွဲခြင်း (Mapping) နှင့် စမ်းသပ်ဆောင်ရွက်ခြင်း (Piloting) များ ပြုလုပ်သွားမည်ဖြစ်သည်။ အစည်းအဝေးကို အဖွဲ့ဝင်များ စုံလင်စွာ တက်ရောက်ခဲ့ကြပြီး၊ နောက်ထပ် ညှိနှိုင်းအစည်းအဝေးကို မတ်လ ၃၁ ရက်နေ့တွင် ထပ်မံ ကျင်းပရန် လျာထားကြောင်း သိရသည်။ See more on https://shorturl.at/Qa1AB

■ မြန်မာနိုင်ငံခရီးသွားလုပ်ငန်းအဖွဲ့ချုပ် အလုပ်အမှုဆောင်အဖွဲ့ (အ-၁၁/၂၃-၂၆) လုပ်ငန်းညှိနှိုင်းအစည်းအဝေး6 March 2026 _____...
09/03/2026

■ မြန်မာနိုင်ငံခရီးသွားလုပ်ငန်းအဖွဲ့ချုပ် အလုပ်အမှုဆောင်အဖွဲ့ (အ-၁၁/၂၃-၂၆) လုပ်ငန်းညှိနှိုင်းအစည်းအဝေး
6 March 2026 _____ Hybrid Meeting
မြန်မာနိုင်ငံခရီးသွားလုပ်ငန်းအဖွဲ့ချုပ်၏ အလုပ်အမှုဆောင်အဖွဲ့ (အ-၁၁/၂၃-၂၆) လုပ်ငန်းညှိနှိုင်းအစည်းအဝေးအား ၂၀၂၆ ခုနှစ်၊ မတ်လ (၆) ရက်နေ့၊ နေ့လယ်(၁) နာရီတွင် Hybrid စနစ်ဖြင့် ကျင်းပရာ အဖွဲ့ချုပ် ဥက္ကဋ္ဌ၊ ဒုတိယ ဥက္ကဋ္ဌများ၊ အထွေထွေအတွင်းရေးမှုးနှင့် ဗဟိုအလုပ်အမှုဆောင်များ၊ အလုပ်အမှုဆောင်များ၊ အခြားဖိတ်ကြားထားသော ခရီးသွားလုပ်ငန်းတတ်သိပညာရှင်အကြံပေးတို့ တက်ရောက်ခဲ့ကြသည်။
အစီအစဥ်အရ ဥက္ကဋ္ဌမှ အဖွင့်အမှာစကားပြောကြားခြင်း၊ အဖွဲ့ချုပ်၏ ဘဏ္ဍာရေး အခြေအနေအား ဘဏ္ဍာရေးမှူး မှ ရှင်လင်းတင်ပြခြင်း၊ ယခင်အလုပ်အမှုဆောင် အစည်းအဝေးများ၏ ဆုံးဖြတ်ချက်များအပေါ် ဆောင်ရွက်ပြီးစီးမှုနှင့် ဆောင်ရွက်ရန်ကျန်ရှိသော အခြေအနေများအား ဖတ်ကြားတင်ပြခြင်း၊ စတုတ္ထအကြိမ်မြှောက် နှစ်ပတ်လည်အသင်းသားစုံညီအစည်းအဝေး (AGM) ကျင်းပနိုင်ရေးဆိုင်ရာ ကိစ္စရပ်များဆွေးနွေးခြင်း၊ နှစ်ပတ်လည်အသင်းသားစုံညီအစည်းအဝေးတွင် အဖွဲ့ချုပ်ဖွဲ့စည်းပုံအခြေခံစည်းမျဥ်း(မူကြမ်း)အား အတည်ပြုနိုင်ရေးကိစ္စဆွေးနွေးခြင်း၊ ညီနောင်အသင်းများက သက်ဆိုင်ရာအသင်းအလိုက် လှုပ်ရှားဆောင်ရွက်မှုများ တင်ပြဆွေးနွေးခြင်း၊ အမြဲတမ်းကော်မတီများက သက်ဆိုင်ရာကော်မတီအလိုက် လှုပ်ရှားဆောင်ရွက်မှုများတင်ပြခြင်း၊ အထွေထွေဆွေးနွေးခြင်းအစီအစဥ်တွင် တက်ရောက်လာကြသူများမှ လိုအပ်သည်များ အကြံပြုဆွေးနွေးခဲ့ကြပြီး အစည်းအဝေးအား ညနေ (၄)နာရီတွင် ရုတ်သိမ်းလိုက်သည်။ See more on https://shorturl.at/05pix

■ ခရီးသွားလုပ်ငန်းကော်မတီ (၁/၂၀၂၆)ကြိမ်မြောက် အစည်းအဝေးသို့ တက်ရောက်ခြင်း26 February 2026 _____ MOHT , NPT.ခရီးသွားလုပ်င...
27/02/2026

■ ခရီးသွားလုပ်ငန်းကော်မတီ (၁/၂၀၂၆)ကြိမ်မြောက် အစည်းအဝေးသို့ တက်ရောက်ခြင်း
26 February 2026 _____ MOHT , NPT.
ခရီးသွားလုပ်ငန်းကော်မတီ (၁/၂၀၂၆) ကြိမ်မြောက် အစည်းအဝေးအား ၂၀၂၆ ခုနှစ်၊ ဖေဖော်ဝါရီလ (၂၅) ရက်နေ့ နံနက်ပိုင်းတွင် နေပြည်တော်ရှိ ဟိုတယ်နှင့်ခရီးသွားလာရေးဝန်ကြီးဌာန၊ ကျောက်စိမ်းခန်းမ၌ ကျင်းပပြုလုပ်ရာ မြန်မာနိုင်ငံခရီးသွားလုပ်ငန်းအဖွဲ့ချုပ်မှ ဥက္ကဋ္ဌနှင့် အလုပ်အမှုဆောင်များ၊ တာဝန်ရှိသူများနှင့် တတ်သိပညာရှင်များ တက်ရောက်ခဲ့ကြသည်။
အဆိုပါအစည်းအဝေးသည် မြန်မာနိုင်ငံ၏ ခရီးသွားလုပ်ငန်းကဏ္ဍအား နိုင်ငံတကာအဆင့်မီ စနစ်တကျ ပြန်လည်ဦးမော့လာစေရန်နှင့် ၂၀၂၆ ခုနှစ်အတွက် မဟာဗျူဟာမြောက် ရည်မှန်းချက်များ ခိုင်မာစွာ ချမှတ်နိုင်ရေးရည်ရွယ်ကျင်းပခြင်းဖြစ်ပြီး မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဋ္ဌနှင့် အလုပ်အမှုဆောင်များသည် ခရီးသွားလုပ်ငန်းဖွံ့ဖြိုးတိုးတက်ရေးအတွက် ပုဂ္ဂလိကကဏ္ဍမှ အကြံပြုချက်များ အား အသီးသီး တင်ပြခဲ့ကြသည်။
အဆိုပါ အစည်းအဝေးသို့ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟိုကော်မတီ ဒုတိယဥက္ကဌ၊ ခရီးသွားလုပ်ငန်းကော်မတီဥက္ကဌ၊ ပြည်ထောင်စုဝန်ကြီး Jeng Phang နော်တောင် တက်ရောက်၍ အဖွင့်အမှာစကား မြွက်ကြားခဲ့ပြီး ဒုတိယဝန်ကြီး ဦးဖြိုးဇော်စိုး၊ နေပြည်တော်ကောင်စီဝင် ဦးဇေယျာလင်းနှင့် တာဝန်ရှိသူများ တက်ရောက်ခဲ့ကြသည်။ See more on https://shorturl.at/aHcTv

■ (၃၂)ကြိမ်မြောက် MITT Moscow ပြပွဲ ပါဝင်တက်ရောက်နိုင်ရေး ညှိနှိုင်းအစည်းအဝေး ကျင်းပ11 February 2026 ____ Hybrid Meeting...
19/02/2026

■ (၃၂)ကြိမ်မြောက် MITT Moscow ပြပွဲ ပါဝင်တက်ရောက်နိုင်ရေး ညှိနှိုင်းအစည်းအဝေး ကျင်းပ
11 February 2026 ____ Hybrid Meeting
ရုရှားနိုင်ငံ၊ မော်စကိုမြို့တွင် ကျင်းပပြုလုပ်မည့် (၃၂)ကြိမ်မြောက် MITT Moscow-2026 နိုင်ငံတကာခရီးသွားပြပွဲသို့ တက်ရောက်နိုင်ရေးအတွက် ညှိနှိုင်းအစည်းအဝေးကို ဖေဖော်ဝါရီလ (၁၁) ရက်နေ့ ညနေ (၃) နာရီတွင် အွန်လိုင်းစနစ်ဖြင့် ကျင်းပခဲ့သည်။ အဆိုပါပြပွဲသို့ မြန်မာနိုင်ငံခရီးသွားလုပ်ငန်းအဖွဲ့ချုပ် (MTF) မှ ဦးဆောင်၍ ပုဂ္ဂလိက ခရီးသွားလုပ်ငန်းကုမ္ပဏီများ ပါဝင်ပြသသွားနိုင်ရေး ဆွေးနွေးခဲ့ကြသည်။
အစည်းအဝေးတွင် အဖွဲ့ချုပ် ဥက္ကဋ္ဌမှ အမှာစကား ပြောကြားပြီး —
• ပြပွဲတက်ရောက်ရေး လုပ်ငန်းစဉ်များ
• ဘဏ္ဍာရေးနှင့် ထောက်ပံ့ပို့ဆောင်ရေးဆိုင်ရာ ကိစ္စရပ်များ
• ပြခန်းနေရာ၊ အပြင်အဆင်နှင့် မြန်မာ့ယဉ်ကျေးမှုများ ပြသနိုင်ရေး
• ပြပွဲ စည်းမျဉ်းစည်းကမ်းများနှင့်အညီ ဧည့်ခံကျွေးမွေးရေး
• နိုင်ငံတကာပြပွဲတွင် ဘာသာစကားအခက်အခဲ မရှိစေရန် ကျွမ်းကျင် ဘာသာပြန်များ ထားရှိရေး
• ပေါင်းစပ်ညှိနှိုင်းရေးအဖွဲ့ ဖွဲ့စည်းသွားရေး စသည့် အချက်များကို ညှိနှိုင်းဆွေးနွေးခဲ့ကြသည်။
တက်ရောက်လာသူများမှလည်း လိုအပ်သည်များအား အကြံပြုဆွေးနွေးခဲ့ကြပြီး အစည်းအဝေးကို ညနေ (၄:၃၀) နာရီတွင် ရုတ်သိမ်းခဲ့သည်။ See more on https://shorturl.at/0XfSY

■ MJTDA အသင်းဖြစ်မြောက်ရေးကော်မတီအား လက်ခံတွေ့ဆုံခြင်း11 February 2026 _____ MTFမြန်မာနိုင်ငံ၏ ခရီးသွားလုပ်ငန်းကဏ္ဍတွင် ...
18/02/2026

■ MJTDA အသင်းဖြစ်မြောက်ရေးကော်မတီအား လက်ခံတွေ့ဆုံခြင်း
11 February 2026 _____ MTF
မြန်မာနိုင်ငံ၏ ခရီးသွားလုပ်ငန်းကဏ္ဍတွင် အရေးပါသော ဂျပန်ဈေးကွက်ကို ပြန်လည်မြှင့်တင်ရန်နှင့် နှစ်နိုင်ငံ ယဉ်ကျေးမှုဖလှယ်မှုများ တိုးမြှင့်နိုင်ရန် ရည်ရွယ်၍ မြန်မာ-ဂျပန်ခရီးသွားလုပ်ငန်းဖွံ့ဖြိုးရေးအသင်း (Myanmar-Japan Tourism Development Association – MJTDA) ကို ဖွဲ့စည်းတည်ထောင်ထားသည်။
MJTDA အသင်းဖြစ်မြောက်ရေးကော်မတီ ဥက္ကဋ္ဌနှင့် အဖွဲ့ဝင်များသည် မြန်မာနိုင်ငံခရီးသွားလုပ်ငန်းအဖွဲ့ချုပ် (MTF) သို့ လာရောက်တွေ့ဆုံခဲ့ရာ အဖွဲ့ချုပ် ဥက္ကဋ္ဌ၊ အထွေထွေအတွင်းရေးမှူးနှင့် ဗဟိုအလုပ်အမှုဆောင်များမှ လက်ခံတွေ့ဆုံခဲ့သည်။
တွေ့ဆုံဆွေးနွေးရာတွင် – မြန်မာ-ဂျပန် ခရီးသွားလုပ်ငန်းဆိုင်ရာ ပူးပေါင်းဆောင်ရွက်မှုများ၊ အသင်း၏ ဖွဲ့စည်းပုံနှင့် လုပ်ငန်းစဉ်များ ခိုင်မာအားကောင်းရေး၊ အဖွဲ့ချုပ်၏ မူဝါဒများနှင့် ကိုက်ညီစေရေးတို့ကို အဓိက ညှိနှိုင်းဆွေးနွေးခဲ့ကြသည်။ See more on https://shorturl.at/k7yzO

■ “The Importance of Biodiversity Conservation & the Role of Ecotourism in Myanmar” ခေါင်းစဉ်ဖြင့် Webinar ကျင်းပမြန်မာန...
11/02/2026

■ “The Importance of Biodiversity Conservation & the Role of Ecotourism in Myanmar” ခေါင်းစဉ်ဖြင့် Webinar ကျင်းပ
မြန်မာနိုင်ငံခရီးသွားလုပ်ငန်းအဖွဲ့ချုပ် (MTF) ၏ အသင်းသားရေးရာကော်မတီမှ စီစဉ်သည့် “The Importance of Biodiversity Conservation & the Role of Ecotourism in Myanmar” ခေါင်းစဉ်ဖြင့် Online Webinar ကို ၂၀၂၆ခုနှစ်၊ ဖေဖေါ် ဝါရီလ (၁၀)ရက်နေ့၊ နေ့လယ်(၁)နာရီတွင်ကျင်းပခဲ့သည်။
ဆွေးနွေးပွဲသို့ အသင်းသားရေးရာကော်မတီ ဥက္ကဋ္ဌနှင့် ရှမ်းရိုးမခရီးသွားလုပ်ငန်းကုမ္ပဏီ Managing Director ဦးလှအေး၊ အဖွဲ့ချုပ် အလုပ်အမှုဆောင်များ၊ ညီနောင်အသင်းများမှ ခရီးသွားလုပ်ငန်းရှင်များ၊ ကျောင်းသားလူငယ်များနှင့် စိတ်ဝင်စားသူများ တက်ရောက်ခဲ့ကြသည်။
အဖွင့်အမှာစကားအပြီးတွင် ဦးလှအေးက PowerPoint Presentation ဖြင့် ရှင်းလင်းတင်ပြရာတွင် သဘာဝပတ်ဝန်းကျင်သည် ခရီးသွားလုပ်ငန်း၏ “အရင်းအနှီး (Capital)” ဖြစ်ကြောင်း၊ ထိုအရင်းအမြစ် ပျက်စီးပါက ဆက်စပ်စီးပွားရေးလုပ်ငန်းများအပေါ် ထိခိုက်နစ်နာမှုများ ဖြစ်ပေါ်နိုင်ကြောင်း ထောက်ပြခဲ့သည်။ ထို့ပြင် အရေအတွက်ကို ဦးစားပေးသည့် Mass Tourism မော်ဒယ်မှ ဝင်ငွေနှင့် တန်ဖိုးကို မြှင့်တင်ပေးနိုင်သည့် High-Value Ecotourism သို့ ပြောင်းလဲဖော်ဆောင်ရန် လိုအပ်ကြောင်း အလေးပေး ပြောကြားခဲ့သည်။
ဇီဝမျိုးစုံမျိုးကွဲနှင့် ဂေဟစနစ်ဆိုင်ရာ ဆွေးနွေးမှုတွင် မြန်မာနိုင်ငံ၌ ရှိသည့် ဂေဟစနစ် (၈) မျိုးဖြစ်သည့် Forest, Ocean, Desert, Wetland, Grassland, High Mountain (Tundra), Freshwater နှင့် Human-made Ecosystem များ၏ အရေးပါမှုကို ရှင်းလင်းခဲ့သည်။ ထို့အပြင် Mangrove, Marine နှင့် Wetland ဒေသများ၏ Ecotourism အလားအလာများကို ထည့်သွင်းဆွေးနွေးခဲ့ပြီး အာဆီယံအမွေအနှစ်စာရင်းဝင် လန်ပိကျွန်းသည် စလုံ (Moken) လူမျိုးစု၏ ယဉ်ကျေးမှုနှင့် သဘာဝပတ်ဝန်းကျင် ပေါင်းစပ်တည်ရှိသည့် ထူးခြားသော Natural & Cultural Heritage တစ်ခုဖြစ်ကြောင်း ဆွေးနွေးခဲ့သည်။ Ramsar Site များဖြစ်သည့် အင်းတော်ကြီးနှင့် မိန်းမလှကျွန်း၊ အာဆီယံအမွေအနှစ်ဝင် နတ်မတောင်တို့သည် မြန်မာ့ Ecotourism ဖွံ့ဖြိုးရေးအတွက် အရေးပါသည့် သဘာဝအရင်းအမြစ်များဖြစ်ကြောင်းလည်း ထောက်ပြခဲ့သည်။
စိန်ခေါ်မှုများအဖြစ် ရာသီဥတုပြောင်းလဲမှု၊ အလွန်အကျွံ ငါးဖမ်းဆီးမှုများနှင့် ပင်လယ်အတွင်း ကျန်ရစ်သော ပိုက်ကွန်ဟောင်းများကြောင့် ဖြစ်ပေါ်နေသည့် Ghost Fishing ပြဿနာများကို အထူးသတိပြုရန် ဆွေးနွေးခဲ့သည်။ ယင်းစိန်ခေါ်မှုများကို ကျော်လွှားနိုင်ရန် နေရောင်ခြည်စွမ်းအင် အသုံးပြုမှု တိုးမြှင့်ခြင်း၊ Community-based Tourism ကို မြှင့်တင်ခြင်းနှင့် ပတ်ဝန်းကျင်ထိန်းသိမ်းရေး မူဝါဒနှင့် စည်းမျဉ်းစည်းကမ်းများ တင်းကျပ်စွာ ချမှတ်ခြင်းတို့ လိုအပ်ကြောင်း အကြံပြုဆွေးနွေးခဲ့သည်။
နိဂုံးချုပ်အနေဖြင့် အဖွဲ့ချုပ်မှ ပညာရှင်များနှင့် စိတ်ပါဝင်စားသူများပါဝင်သော Ecotourism Working Group ဖွဲ့စည်းကာ ဇီဝမျိုးစုံမျိုးကွဲထိန်းသိမ်းရေးနှင့် မြန်မာ့ခရီးသွားလုပ်ငန်း ရေရှည်ဖွံ့ဖြိုးရေးအတွက် ဆက်လက်ပူးပေါင်း ဆောင်ရွက်သွားရန် သဘောတူညီခဲ့ကြသည်။
ဆွေးနွေးပွဲအပြီးတွင် တက်ရောက်လာသူများမှ သိလိုသည်များကို မေးမြန်းခဲ့ကြပြီး ဦးလှအေးမှ ပြန်လည်ရှင်းလင်းဖြေကြားခဲ့သဖြင့် Webinar သည် အမြင်များ ဖလှယ်နိုင်သည့် အကျိုးရှိသော ဆွေးနွေးပွဲတစ်ခု ဖြစ်ခဲ့သည်။ See more on https://shorturl.at/OockS

■ သဘာဝအခြေခံခရီးသွားလုပ်ငန်း ဖွံ့ဖြိုးတိုးတက်ရေးနှင့် လုပ်ငန်းအဖွဲ့ (Working Group) ဖွဲ့စည်းရေး ညှိနှိုင်းအစည်းအဝေး10 Fe...
11/02/2026

■ သဘာဝအခြေခံခရီးသွားလုပ်ငန်း ဖွံ့ဖြိုးတိုးတက်ရေးနှင့် လုပ်ငန်းအဖွဲ့ (Working Group) ဖွဲ့စည်းရေး ညှိနှိုင်းအစည်းအဝေး
10 February 2026 _____ Hybrid Meeting
၂၀၂၆ ခုနှစ် ဖေဖော်ဝါရီလ ၁၀ ရက်နေ့တွင် မြန်မာနိုင်ငံ၏ သဘာဝအခြေခံခရီးသွားလုပ်ငန်း (Ecotourism) ကဏ္ဍအား စနစ်တကျ ဖော်ဆောင်နိုင်ရန် ရည်ရွယ်၍ ဒုတိယအကြိမ်မြောက် ညှိနှိုင်းအစည်းအဝေးကို Hybrid စနစ်ဖြင့် ကျင်းပခဲ့သည်။ အစည်းအဝေးကို နံနက် ၁၁ နာရီတွင် စတင်ကျင်းပခဲ့ပြီး ဒုတိယဥက္ကဋ္ဌနှင့် ဗဟိုအလုပ်အမှုဆောင်များ၊ ညီနောင်အသင်းများမှ ကိုယ်စားလှယ်များ၊ အဖွဲ့ချုပ်အကြီးတန်းအကြံပေး ဒေါ်ကြည်ကြည်အေးနှင့် ပြင်ပ စိတ်ပါဝင်စားသူများ တက်ရောက်ခဲ့ကြသည်။
အစည်းအဝေးတွင် ၂၀၁၅-၂၀၂၅ မူဝါဒအား သုံးသပ်ခြင်း (Quick Review) ပြုလုပ်ကာ Strategic Program (၆) ခုဖြစ်သည့် အဖွဲ့အစည်းဆိုင်ရာ စီမံခန့်ခွဲမှု၊ စီမံကိန်းရေးဆွဲမှု၊ ဒေသခံပါဝင်မှု၊ စည်းကမ်းသတ်မှတ်မှု၊ သုတေသနနှင့် ဈေးကွက်မြှင့်တင်ရေး လုပ်ငန်းစဉ်များကို လက်ရှိအခြေအနေနှင့် ကိုက်ညီစေရန် ပြန်လည်သုံးသပ်ဆွေးနွေးခဲ့သည်။
ထို့ပြင် အာဆီယံ သဘာဝအခြေခံခရီးသွားလုပ်ငန်း စံချိန်စံညွှန်းများ အကောင်အထည်ဖော်နိုင်ရေးနှင့် မြန်မာနိုင်ငံခရီးသွားလုပ်ငန်းအဖွဲ့ချုပ် (MTF) အောက်တွင် ဆပ်ကော်မတီပုံစံဖြင့် တာဝန်ယူဆောင်ရွက်မည့် “MTF Ecotourism Working Group” ကို စနစ်တကျ ဖွဲ့စည်းရန် ဆွေးနွေးအတည်ပြုခဲ့သည်။
နယ်မြေဒေသ တည်ငြိမ်မှုနှင့် သွားလာရေးလွယ်ကူမှုအပေါ် အခြေခံ၍ မိန်းမလှကျွန်း၊ လန်ပိကျွန်းနှင့် အင်းလေးကန်တို့ကို ဦးစားပေးဒေသအဖြစ် သတ်မှတ်ဆောင်ရွက်သွားရန် သဘောတူညီခဲ့သည်။ ထို့အပြင် မကွေးတိုင်းရှိ ရွှေစက်တော်ဒေသတွင်ပါ Community Participation (CP) ပုံစံဖြင့် ဒေသခံများ ပါဝင်နိုင်ရေး ဖော်ဆောင်သွားမည်ဖြစ်သည်။
Working Group တွင် နာယက (Patron)၊ ဥက္ကဋ္ဌ (Chairperson) နှင့် အဖွဲ့ဝင်များ ပါဝင်မည်ဖြစ်ပြီး အစိုးရနှင့် ပုဂ္ဂလိကကဏ္ဍအကြား ပေါင်းကူးဆောင်ရွက်သွားမည်ဖြစ်သည်။ လုပ်ငန်းများ အောင်မြင်စေရန် ကွင်းဆင်းလေ့လာမှုနှင့် အကောင်အထည်ဖော်ရေး လုပ်ငန်းစဉ်များအတွက် လိုအပ်သော ဘတ်ဂျက် လျာထားနိုင်ရေးသည် အရေးကြီးကြောင်း ဆွေးနွေးအတည်ပြုခဲ့သည်။
အထွေထွေဆွေးနွေးချက်များ ပြုလုပ်ပြီးနောက် အစည်းအဝေးကို နေ့လယ် (၁) နာရီတွင် ရုတ်သိမ်းခဲ့သည်။ See more on https://shorturl.at/Ge6n0

■ ASEAN Tourism Forum 2026 သို့ မြန်မာနိုင်ငံခရီးသွားလုပ်ငန်းအဖွဲ့ချုပ်မှ တက်ရောက်ခြင်း(၆၃) ကြိမ်မြောက် အာဆီယံအမျိုးသားခ...
06/02/2026

■ ASEAN Tourism Forum 2026 သို့ မြန်မာနိုင်ငံခရီးသွားလုပ်ငန်းအဖွဲ့ချုပ်မှ တက်ရောက်ခြင်း
(၆၃) ကြိမ်မြောက် အာဆီယံအမျိုးသားခရီးသွားလုပ်ငန်းအဖွဲ့အစည်းများ အစည်းအဝေးကို ဖိလစ်ပိုင်နိုင်ငံ၊ ဆီဘူးမြို့ရှိ နူးစတား အပန်းဖြေစခန်းနှင့် ကာစီနို၌ ၂၀၂၆ ခုနှစ်၊ ဇန်နဝါရီလ ၂၆ ရက်နေ့တွင် ကျင်းပရာ ဟိုတယ်နှင့်ခရီးသွားလာရေးဝန်ကြီးဌာနမှ အဆင့်မြင့်အရာရှိကြီးများနှင့် မြန်မာနိုင်ငံခရီးသွားလုပ်ငန်းအဖွဲ့ချုပ် နှင့် ညီနောင်အသင်းတို့မှ ကိုယ်စားလှယ်များ တက်ရောက်ခဲ့ကြသည်။

အဆိုပါအစည်းအဝေးကို ဖိလစ်ပိုင်နိုင်ငံ၊ ခရီးသွားလာရေးဝန်ကြီးဌာန ဒုတိယဝန်ကြီး ဗာနာ စီ ဘီယင်ဆူဆေးဆိုးက သဘာပတိအဖြစ် ဆောင်ရွက်ခဲ့ပြီး အဖွဲ့ဝင်သစ် တီမောလက်စ်တေအပါအဝင် အာဆီယံအဖွဲ့ဝင်နိုင်ငံများမှ အဆင့်မြင့်ခရီးသွားအရာရှိကြီးများက ဒေသတွင်းခရီးသွားကဏ္ဍ ပိုမိုကြံ့ခိုင်ပြီး ရေရှည်တည်တံ့ကာ ယှဉ်ပြိုင်နိုင်စွမ်းရှိစေရေးအတွက် လက်ရှိလုပ်ငန်းစဉ်များကို ပြန်လည်သုံးသပ်ကာ ရှေ့ဆက်လုပ်ငန်းစဉ်များ ချမှတ်ရန် ဆွေးနွေးညှိနှိုင်းခဲ့ကြသည်။ မြန်မာနိုင်ငံအနေဖြင့် ဒေသတွင်းပေါင်းစည်းမှုမှတစ်ဆင့် အရှေ့တောင်အာရှကို ကမ္ဘာ့အဆင့်မီ ခရီးသွားနယ်မြေအဖြစ် ဖော်ဆောင်ရာတွင် တက်ကြွ စွာပါဝင်ခြင်းဖြင့် ဒေသခံပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးကို မြှင့်တင်ဆောင်ရွက်နိုင်မည်ဖြစ်ပါသည်။

ဤအစည်းအဝေးသည် အာဆီယံ + ၃၊ အာဆီယံ-ဩစတြေးလျနှင့် အာဆီယံ-အိန္ဒိယ ဆက်စပ်အစည်းအဝေးများအပါအဝင် ရက်သတ္တပတ်တစ်ပတ်ကြာ ကျင်းပသည့် အာဆီယံခရီးသွားလုပ်ငန်းဆိုင်ရာ လှုပ်ရှားမှုများ၏ အစိတ်အပိုင်းတစ်ခုဖြစ်ပြီး စင်ကာပူနိုင်ငံက နောက်ထပ်အလှည့်ကျဥက္ကဋ္ဌအဖြစ် တာဝန်ယူဆောင်ရွက်မည်ဖြစ်သည်။ အာဆီယံဒေသတွင်း ခရီးသွားလုပ်ငန်း ဖွံ့ဖြိုးတိုးတက်ရေးအတွက် ဆက်လက်ပူးပေါင်းဆောင်ရွက်သွားမည်ဖြစ်ကြောင်း သတင်းရရှိသည်။ See more on https://shorturl.at/gGxmh

■ မြန်မာနိုင်ငံခရီးသွားလုပ်ငန်းအဖွဲ့ချုပ် ဖွဲ့စည်းပုံအခြေခံစည်းမျဥ်း ပြင်ဆင်ရေးဆွဲခြင်းဆိုင်ရာ လုပ်ငန်းညှိနှိုင်းအစည်းအဝ...
05/02/2026

■ မြန်မာနိုင်ငံခရီးသွားလုပ်ငန်းအဖွဲ့ချုပ် ဖွဲ့စည်းပုံအခြေခံစည်းမျဥ်း ပြင်ဆင်ရေးဆွဲခြင်းဆိုင်ရာ လုပ်ငန်းညှိနှိုင်းအစည်းအဝေး
4 February 2026 _____ MTF
မြန်မာနိုင်ငံခရီးသွားလုပ်ငန်းအဖွဲ့ချုပ်၏ ဖွဲ့စည်းပုံအခြေခံစည်းမျဥ်း ပြင်ဆင်ရေးဆွဲခြင်းဆိုင်ရာ လုပ်ငန်းညှိနှိုင်းအစည်းအဝေးအား ယမန်နေ့ နံနက် (၁၀)နာရီတွင် အဖွဲ့ချုပ်ရုံး၌ ကျင်းပရာ အဖွဲ့ချုပ် ဥက္ကဋ္ဌ၊ ဒုတိယ ဥက္ကဋ္ဌများ၊ အလုပ်အမှုဆောင်များ၊ ညီနောင်အသင်းများမှ ကိုယ်စားလှယ်များ တက်ရောက်ခဲ့ကြသည်။
ပထမဦးစွာ အစီအစဥ်အရ အဖွဲ့ချုပ် ဥက္ကဋ္ဌမှ အဖွင့် အမှာစကားပြောကြားခြင်း၊ Destination Management Organization (DMO)နှင့် Tourism Board of Myanmar (TBM) ဖွံ့ဖြိုးတိုးတက်ရေးဆိုင်ရာ ကိစ္စရပ်များအား ဆွေးနွေးတင်ပြခြင်း၊ Elite 11 Group မှ စီစဥ်ကျင်းပမည့် Yangon Heritage Night Run 2026 တွင် မြန်မာနိုင်ငံခရီးသွားလုပ်ငန်းအဖွဲ့ချုပ်မှ Co-organizer အဖြစ် ပူးပေါင်းဆောင်ရွက်ပေးပါရန် ကမ်းလှမ်းလာသည့်ကိစ္စအား ရှင်းလင်းတင်ပြခြင်း၊ ဆက်လက်ပြီး ဖွဲ့စည်းပုံ အခြေခံစည်းမျဥ်းပြင်ဆင်ရေးဆွဲခြင်းဆိုင်ရာ ကိစ္စရပ်များအား အပြန်အလှန် ညှိနှိုင်းဆွေးနွေးခြင်း၊ အထွေထွေဆွေးနွေးခြင်းအစီအစဥ်တွင် တက်ရောက်ကြသူများမှ လိုအပ်သည်များ အကြံပြုဆွေးနွေးကြပြီး အဖွဲ့ချုပ် ဥက္ကဋ္ဌမှ နိဂုံးချုပ်အမှာစကားပြောကြားကာ အစည်းအဝေးအား ညနေ (၄)နာရီတွင် ရုတ်သိမ်းလိုက်သည်။ See more on https://shorturl.at/eXsm1

Address

Corner Of Merchant Road & Sandaku Road
Yangon
11161

Opening Hours

Monday 09:30 - 17:00
Tuesday 09:30 - 17:00
Wednesday 09:30 - 17:00
Thursday 09:30 - 17:00
Friday 09:30 - 17:00
Saturday 09:30 - 14:00

Telephone

+9518203861

Website

Alerts

Be the first to know and let us send you an email when Myanmar Tourism Federation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Myanmar Tourism Federation:

Shortcuts

Share

Category