Myanmar Women Entrepreneurs' Association - MWEA

Myanmar Women Entrepreneurs' Association - MWEA Contact information, map and directions, contact form, opening hours, services, ratings, photos, videos and announcements from Myanmar Women Entrepreneurs' Association - MWEA, Non-Governmental Organization (NGO), 288/290, Shwedagon Pagoda Road, Dagon Township, Yangon.

MWEA is the strategic alliance of business women and women of academic that give the association a very firm foundation for women development appropriate for meeting the challenges of a global society.

🙏ဝမ်းမြောက်နုမော် သာဓုခေါ်ဆို နိုင်ပါရန် 🙏ကရင်ဆိပ်ကျေးရွာသို့ MWEA ၏ (၂၅ )ကြိမ်မြောက်ဝါဆိုသင်္ကန်းဆပ်ကပ်လှူဒါန်းခြင်း။ဩဂ...
02/08/2026

🙏ဝမ်းမြောက်နုမော် သာဓုခေါ်ဆို နိုင်ပါရန် 🙏

ကရင်ဆိပ်ကျေးရွာသို့
MWEA ၏ (၂၅ )ကြိမ်မြောက်ဝါဆိုသင်္ကန်းဆပ်ကပ်လှူဒါန်းခြင်း။

ဩဂုတ်လရဲ့ အသင်းသူများနေ့ မှာ
ဝါဆိုသင်္ကန်း နှင့် သံဃိကအလှူ ကုသိုလ်ပြုရန်
သန်လျှင်မြို့နယ် ၊ကရင်ဆိပ်စံပြကျေးရွာသို့

အသင်း၏ ဒုတိယဥက္ကဌ (၁) ဒေါ်ခင်သက်မော်၊ ဒုတိယ ဥက္ကဌ (၃) ဒေါက်တာသဲမြတ်စိုး နှင့်
အကြံပေးများ၊ဗဟိုအလုပ်အမှု့ဆောင်များ၊ အလုပ်အမှု့ဆောင်များ၊
အသင်းသူညီအစ်မများက
ယနေ့ ၂. ၈.၂၀၂၆
တွင် သွားရောက်ကာဖြင့်
ဝါဆိုသင်္ကန်း ကပ်လှူခဲ့ကြရာတွင်

ကြွရောက်ကြသည့်
သံဃာများအတွက်

တစ်ပါးလျှင် တစ်သိန်းကျပ် ဖြင့်
တစ်ဆယ့်လေးသိန်းကျပ် (၁၄၀၀၀၀၀)၊

စာသင်သား သာမဏေငယ်များအတွက် တစ်ပါးလျှင် ငါးသောင်းကျပ် ဖြင့် နှစ်သိန်းငါးသောင်းကျပ်(၂၅၀၀၀၀) ၊

သံဃိကအလှူအဖြစ် အောင်မင်္ဂလာကျောင်းတိုက်သို့ ကျပ်သိန်း ငါးဆယ်
(၅၀၀၀၀၀၀)

ထို့အတူ သံဃာတော်များအား ဒံပေါက်ဆွမ်းဖြင့် လှူဒါန်းခြင်း၊ သင်္ကန်းခြင်းများ၊ဆေးဝါးလှူဒါန်းမှု့ ကုသိုလ်ပြုကြရာတွင်

ကျေးဇူးတော်ရှင်
အောင်မင်ဂင်္လာကျောင်းတိုက် ဆရာတော်ဘုရားကြီးမှ

လွန်ခဲ့သော နှစ်ပေါင်း နှစ်ဆယ့်ငါးနှစ်မှ စတင်ကာ ကရင်ဆိပ်ရွာအား ရွာဦးကျောင်း သိမ် အလှူရှင် အသင်း၏
ပထမဦးဆုံးသောဥက္ကဌ ဖြစ်သူ ဒေါ်စိန်စိန်၊

စေတီ အလှူရှင် အသင်း၏ ဒုတိယဥက္ကဌ ဖြစ်ခဲ့သော (ဒေါ်သက်ရီ) ၊

စာသင်ကျောင်း လှူဒါန်းပေးခဲ့ကြသော
အသင်း၏ (၂) ဦးမြောက် ဥက္ကဌ ဖြစ်ခဲ့သူ
( ဒေါ်ခင်မြင့်မြင့် )(ဦးမြတ်သင်းအောင်) မိသားစုတို့၏ ကျေးဇူးတို့အားလည်းကောင်း၊

ကျေးရွာလမ်းဖောက်ခြင်း၊လျှပ်စစ်မီးသွယ်တန်းခဲ့ခြင်း၊

ကျေးရွာတယ်လီဖုန်းလိုင်း ရရှိခဲ့ခြင်း၊

ကျေးရွာတွင် ကွမ်းစိုက်တောင်သူတို့အား စိုက်ပျိုးရေးချေးငွေ ပံ့ပိုးမှု့တို့ အား
အမြဲ အမှတ်ရစွာဖြင့်၊
ကောင်းစွာသော မေတ္တာများကို ပို့ပေးနေခဲ့ကြောင်း တရားဒေသနာဟောကြားရင်း
ရှင်းလင်းသောအခါ
ကုသိုလ်ရှင် ညီအစ်မများက
ဝမ်းမြောက်ဝမ်းသာသာဓုခေါ်ဆို ခဲ့ကြပါသည်။

လှူဖွယ်ဝတ္တူအစုစုတို့ကို ပံ့ပိုးလှူဒါန်းပေးခဲ့ကြသော ဥက္ကဌ နှင့် အသင်းသူညီအစ်မများအားလုံးတို့သည်လည်း ယနေ့ကုသိုလ်ထပ်တူရကြပါစေ။

ကုသိုလ်ပြုသည့် ခရီးလမ်းသာယာစေဖို့ (၄၅ယောက်စီး) မော်တော်ယာဉ်ဖြင့်
ပံ့ပိုးကုသိုလ်ယူပေးသည့်
#မန္တလာမင်း အဆင့်မြင့် ယာဉ်လိုင်းကိုလည်း ကျေးဇူးတင်စွာ မှတ်တမ်းတင်ပါသည်။

#ကရင်ဆိပ်စံပြကျေးရွာသည်

MWEA ၏ ဂုဏ်ယူဖွယ်ရာ အောင်မြင်ခဲ့သော Community Development Project တစ်ခုဖြစ်ခဲ့သည်ကိုလည်းကောင်း၊

Micro Business ဖြစ်ခဲ့သော ပန်းစိုက်၊ကွမ်းစိုက်တောင်သူများအား ပံ့ပိုးပေးခဲ့ရာတွင် အောင်မြင်ခဲ့သော မှတ်တမ်းအားလည်း
အသင်းသူအသစ်များလည်း သိရှိစေရန် ရည်ရွယ်ပါသည်။

ကုသိုလ်များအား
အမျှ အမျှ အမျှ ယူတော်မူကြပါကုန်လော့


#အမျိုးသမီးများ၏ခွန်အား

၂.၈.၂၀၂၆

🌹ဂုဏ်ယူစရာ သတင်းလွှာ 🌹𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐨𝐧𝐟𝐞𝐫𝐞𝐧𝐜𝐞 𝐨𝐧 𝐄𝐧𝐠𝐢𝐧𝐞𝐞𝐫𝐢𝐧𝐠, 𝐄𝐜𝐨𝐧𝐨𝐦𝐲 𝐚𝐧𝐝 𝐓𝐞𝐜𝐡𝐧𝐨𝐥𝐨𝐠𝐲 (𝐢𝐂𝐄𝐄𝐭 𝟐𝟎𝟐𝟔) ကိုမြန်မာနိုင်ငံ အင်ဂ...
27/07/2026

🌹ဂုဏ်ယူစရာ သတင်းလွှာ 🌹

𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐨𝐧𝐟𝐞𝐫𝐞𝐧𝐜𝐞 𝐨𝐧 𝐄𝐧𝐠𝐢𝐧𝐞𝐞𝐫𝐢𝐧𝐠, 𝐄𝐜𝐨𝐧𝐨𝐦𝐲 𝐚𝐧𝐝 𝐓𝐞𝐜𝐡𝐧𝐨𝐥𝐨𝐠𝐲 (𝐢𝐂𝐄𝐄𝐭 𝟐𝟎𝟐𝟔) ကို
မြန်မာနိုင်ငံ အင်ဂျင်နီယာ အသင်းချုပ် (Fed.MES) က ဦး‌ဆောင်စီစဥ်ပြီး မြန်မာအမျိုးသမီး စီးပွားရေး စွမ်းဆောင်ရှင်များ အသင်းက 𝐒𝐭𝐫𝐚𝐭𝐞𝐠𝐢𝐜 𝐏𝐚𝐫𝐭𝐧𝐞𝐫 အဖြစ်ပါဝင် ဆောင်ရွက်ခဲ့ပါသည်။

၂၆.၇.၂၀၂၆ ရက်နေ့၊ ရန်ကုန်မြို့ Chatrium Hotel ၌ အောင်မြင်စွာ ကျင်းပပြုလုပ်ခဲ့သော

iCEEt 2026 Conference ကို ဆက်စပ် ဝန်ကြီးဌာန အသီးသီးက
တာဝန်ရှိသူများ၊ CEIE (WFEO) ၊ CEIT (WFEO) ၊ FEIAP ၊ Fed.MES နှင့်အတူ
ပြည်ပမှ ပညာရှင်များ၊ အခြား Strategic Partner များ ဖြစ်ကြသော အသင်းများမှ ဥက္ကဌ များနှင့် ဗဟိုအလုပ်အမှု့ဆောင်များက တတ်ရောက်ခဲ့ကြပါသည်။

ဆွေးနွေးပွဲတွင်
𝐋𝐞𝐚𝐝𝐞𝐫𝐬𝐡𝐢𝐩 𝐏𝐚𝐧𝐞𝐥 𝐨𝐧 𝐌𝐲𝐚𝐧𝐦𝐚𝐫'𝐬 𝐃𝐢𝐠𝐢𝐭𝐚𝐥 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧 - 𝐏𝐚𝐧𝐞𝐥 𝐃𝐢𝐬𝐜𝐮𝐬𝐬𝐢𝐨𝐧 အစီအစဉ်တွင် MWEA အသင်း ဥက္ကဋ္ဌ
ဒေါက်တာမြတ်သီတာမြင့်က Panelist တစ်ဦးအဖြစ် MWEA အသင်း ကိုယ်စားပြု ပါဝင်ဆောင်ရွက်ခဲ့ပြီး

𝐏𝐥𝐞𝐧𝐚𝐫𝐲 𝐒𝐞𝐬𝐬𝐢𝐨𝐧 𝟐 - 𝐃𝐫𝐢𝐯𝐢𝐧𝐠 𝐈𝐧𝐧𝐨𝐯𝐚𝐭𝐢𝐨𝐧, 𝐆𝐫𝐨𝐰𝐭𝐡 & 𝐈𝐧𝐜𝐥𝐮𝐬𝐢𝐯𝐞 𝐃𝐢𝐠𝐢𝐭𝐚𝐥 𝐄𝐜𝐨𝐧𝐨𝐦𝐲 𝐏𝐚𝐧𝐞𝐥 𝐃𝐢𝐬𝐜𝐮𝐬𝐬𝐢𝐨𝐧 အစီအစဉ်တွင် MWEA ၏ တွဲဖက်
အတွင်းရေးမှုး (၁) ဒေါ်မေညိုက MWEA အသင်းကိုယ်စားပြု
Panelist တစ်ဦးအဖြစ်လည်းကောင်းပါဝင်ဆွေးနွေး ခဲ့ခြင်း ပုံရိပ်များကို
ဂုဏ်ယူစွာ မှတ်တမ်းတင် မျှဝေပါသည်။


#အမျိုးသမီးများ၏ ခွန်အား

, #

🌷 MWEA လှုပ်ရှားမှုသတင်း 🌷Myanmar Women Entrepreneurs’ Association (MWEA) နှင့် Mekong Institute တို့ ပူးပေါင်းကျင်းပသော...
12/07/2026

🌷 MWEA လှုပ်ရှားမှုသတင်း 🌷

Myanmar Women Entrepreneurs’ Association (MWEA) နှင့် Mekong Institute တို့ ပူးပေါင်းကျင်းပသော “Advancing Ethical AI through Responsible Innovation Frameworks in Myanmar” ခေါင်းစဉ်ဖြင့် ဆွေးနွေးဟောပြောပွဲကို ၂၀၂၆ ခုနှစ် ဇူလိုင်လ (၅) ရက်၊ တနင်္ဂနွေနေ့တွင် ရန်ကုန်မြို့ရှိ ဆီဒိုးနားဟိုတယ်၌ အောင်မြင်စွာ ကျင်းပပြုလုပ်ခဲ့ပါသည်။

အခမ်းအနားတွင် MWEA အသင်းဥက္ကဋ္ဌ
ဒေါက်တာမြတ်သီတာမြင့် က အဖွင့်အမှာစကား ပြောကြားခဲ့ပြီး၊ အသင်းအကြံပေး ဒေါက်တာတင်တင်ထွေး က Advancing Ethical AI through Responsible Innovation Frameworks in Myanmar နှင့်ပတ်သက်၍ အမှာစကား ပြောကြားခဲ့ပါသည်။

ထို့နောက် ကထိက ဒေါ်အိအိဖြိုး က “AI-Driven Innovation: Lessons from Hangzhou City Brain” နှင့် Myanmar Technical Vocational Education & Training အကြောင်းကို ဆွေးနွေးတင်ပြခဲ့ပြီး၊ လက်ထောက်ညွှန်ကြားရေးမှူး ဦးညီညီငြိမ်း က “ထိုင်းနိုင်ငံ၏ စမတ်စီးတီး ဖွံ့ဖြိုးတိုးတက်လာမှုများ” အကြောင်းကို Zoom မှတစ်ဆင့် မျှဝေဟောပြောခဲ့ပါသည်။

ထို့အပြင် MWEA တွဲဖက်အတွင်းရေးမှူး (၃) ဒေါ်ဝါဝါမင်း က “Responsible AI Practices for Micro, Small & Medium Enterprises ” ခေါင်းစဉ်ဖြင့် လက်တွေ့အသုံးချနိုင်မည့် အကြောင်းအရာများကို စိတ်ဝင်စားဖွယ် တင်ပြဆွေးနွေးခဲ့ပါသည်။

ဆွေးနွေးပွဲအတွင်း တက်ရောက်လာသူများက AI နှင့်ဆိုင်သော သိလိုသည်များကို စိတ်ဝင်စားစွာ မေးမြန်းခဲ့ကြပြီး ပညာရှင်များကလည်း အသေးစိတ်ရှင်းလင်း ဖြေကြားပေးခဲ့သဖြင့် အပြန်အလှန် အသိပညာဖလှယ်မှုများဖြင့် အကျိုးရှိစွာ ပြီးဆုံးခဲ့ပါသည်။

အခမ်းအနားသို့ MWEA အကြံပေးဆရာမကြီး၊ အသင်းဥက္ကဋ္ဌ၊ ဒုတိယဥက္ကဋ္ဌ (၁)၊ အထွေထွေအတွင်းရေးမှူး၊ တွဲဖက်အတွင်းရေးမှူးများ၊ ဘဏ္ဍာရေးမှူး၊ ဗဟိုအလုပ်အမှုဆောင်များ၊ အလုပ်အမှုဆောင်များ၊ အသင်းသူများ၊ DEWI Batch 1 နှင့် Batch 2 မှ သင်တန်းသူများ၊ အထူးဧည့်သည်တော်အဖြစ်
MWEA (ပဲခူးတိုင်းအနောက်ခြမ်း)အသင်းဥက္ကဋ္ဌကြီးနှင့် အသင်းသူညီအစ်မများ တက်ရောက်အားပေးခဲ့ကြပါသည်။

MWEA အနေဖြင့် နည်းပညာတိုးတက်မှုနှင့်အတူ Ethical AI နှင့် Responsible Innovation ကို မြန်မာနိုင်ငံရှိ စီးပွားရေးလုပ်ငန်းရှင်များ လက်တွေ့အသုံးချနိုင်စေရန် အသိပညာမျှဝေမှုများကို ဆက်လက်ဆောင်ရွက်သွားမည်ဖြစ်ပါသည်။

🌷ဂုဏ်ယူဝမ်းမြောက်ဖွယ် သတင်းလွှာ🌷၂၀၁၆ ခုနှစ်၊ ဇူလိုင်လ (၃) ရက်နေ့တွင် နေပြည်တော် MICC-1 ၌ ကျင်းပပြုလုပ်သော မြန်မာအမျိုးသမ...
10/07/2026

🌷ဂုဏ်ယူဝမ်းမြောက်ဖွယ် သတင်းလွှာ🌷

၂၀၁၆ ခုနှစ်၊ ဇူလိုင်လ (၃) ရက်နေ့တွင် နေပြည်တော် MICC-1 ၌ ကျင်းပပြုလုပ်သော မြန်မာအမျိုးသမီးနေ့ အခမ်းအနားတွင် မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) မှ အသင်းသူ (၁၈) ဦးသည် ထူးချွန်အမျိုးသမီးဆုကို ဂုဏ်ယူစွာ ဆွတ်ခူးရရှိခဲ့ကြပါသည်။

အဆိုပါဆုရရှိမှုသည် MWEA အသင်းသူများ၏ စီးပွားရေး၊ လူမှုရေးနှင့် နိုင်ငံဖွံ့ဖြိုးတိုးတက်ရေးအတွက် အားသွန်ခွန်စိုက် ကြိုးပမ်းဆောင်ရွက်ခဲ့ကြသော စွမ်းဆောင်ရည်များကို အသိအမှတ်ပြုခြင်းဖြစ်ပြီး အသင်းအတွက်လည်း အလွန်ဂုဏ်ယူဖွယ်ရာ မှတ်တိုင်တစ်ခု ဖြစ်ပါသည်။

MWEA အသင်းကြီးအနေဖြင့် ထူးချွန်အမျိုးသမီးဆု ချီးမြှင့်ခံရသော အသင်းသူ (၁၈) ဦးအား အထူးပင် ဂုဏ်ယူဝမ်းမြောက်စွာဖြင့် လှိုက်လှဲစွာ ဂုဏ်ပြုအပ်ပါသည်။

ရှေ့ဆက်၍လည်း မြန်မာအမျိုးသမီးများ၏ စီးပွားရေးစွမ်းဆောင်ရည်၊ ခေါင်းဆောင်မှုနှင့် လူမှုဖွံ့ဖြိုးတိုးတက်ရေးအတွက် MWEA မှ အစဉ်တစိုက် လက်တွဲပံ့ပိုး ဆောင်ရွက်သွားမည်ဖြစ်ပါသည်။

🌷ဂုဏ်ယူစရာသတင်းလွှာ🌷🌿 ဇူလိုင် (၃) ရက် မြန်မာအမျိုးသမီးများနေ့ကို ကြိုဆိုဂုဏ်ပြုသော သစ်ပင်စိုက်ပျိုးပွဲ 🌿ဇူလိုင် (၃) ရက် ...
09/07/2026

🌷ဂုဏ်ယူစရာသတင်းလွှာ🌷

🌿 ဇူလိုင် (၃) ရက် မြန်မာအမျိုးသမီးများနေ့ကို ကြိုဆိုဂုဏ်ပြုသော သစ်ပင်စိုက်ပျိုးပွဲ 🌿

ဇူလိုင် (၃) ရက် မြန်မာအမျိုးသမီးများနေ့ ကို ကြိုဆိုဂုဏ်ပြုသည့် အထိမ်းအမှတ် သစ်ပင်စိုက်ပျိုးပွဲ သို့ မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) မှ

🌱 ဒုတိယဥက္ကဌများ
🌱 အတွင်းရေးမှူးများ
🌱 MWEA (မန္တလေး) မှ ဒုတိယဥက္ကဌ
🌱 MWEA (နေပြည်တော်) မှ ဥက္ကဌနှင့် အတွင်းရေးမှူး

တို့ တက်ရောက်၍ သစ်ပင်များ စိုက်ပျိုးကာ ပတ်ဝန်းကျင်ထိန်းသိမ်းရေးနှင့် စိမ်းလန်းစိုပြည်သော အနာဂတ်ကို အတူတကွ ဖော်ဆောင်ခဲ့ကြပါသည်။

မြန်မာအမျိုးသမီးများ၏ စွမ်းဆောင်ရည်၊ စည်းလုံးညီညွတ်မှုနှင့် လူမှုအကျိုးပြုလုပ်ငန်းများတွင် တက်ကြွစွာ ပါဝင်ဆောင်ရွက်နေမှုကို ဂုဏ်ပြုအမှတ်တရ မှတ်တမ်းတင်အပ်ပါသည်

🌷 ဂုဏ်ယူစရာ သတင်းလွှာ 🌷၂၀၂၆ ခုနှစ်၊ ဇူလိုင်လ (၂၈) ရက်နေ့ တွင် ကျင်းပပြုလုပ်သော World MSME Day 2026 (Day 2) အစီအစဉ်အတွင်း...
08/07/2026

🌷 ဂုဏ်ယူစရာ သတင်းလွှာ 🌷

၂၀၂၆ ခုနှစ်၊ ဇူလိုင်လ (၂၈) ရက်နေ့ တွင် ကျင်းပပြုလုပ်သော World MSME Day 2026 (Day 2) အစီအစဉ်အတွင်း MSME လုပ်ငန်းများ၏
လက်ရှိလိုအပ်ချက်များနှင့် အနာဂတ်ဖွံ့ဖြိုးတိုးတက်ရေးအတွက် အရေးပါသော လှုပ်ရှားမှုများကို ဆောင်ရွက်ခဲ့ပါသည်။

World MSME Day သည် နိုင်ငံတစ်ဝန်းရှိ MSME လုပ်ငန်းရှင်များကို တစ်နေရာတည်းတွင် စုစည်းပေးနိုင်သော အရေးပါသည့် အခွင့်အရေးတစ်ရပ်ဖြစ်ပါသည်။
ယင်းအခွင့်အရေးကို အသုံးချ၍ MSME များ၏ အဓိကလိုအပ်ချက်များနှင့် စိန်ခေါ်မှုများကို သိရှိနိုင်ရန်
မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) နှင့် LoA (Letter of Agreement)လက်မှတ်ရေးထိုးထားသော စီးပွားရေးတက္ကသိုလ် မှ ပါမောက္ခဆရာမကြီးများ၏ ဦးဆောင်မှုဖြင့် Questionnaire များကို ရေးဆွဲပြင်ဆင်ခဲ့ပါသည်။

ထို့နောက် Nay Pyi Taw State Academy မှ နောက်ဆုံးနှစ် ကျောင်းသား၊ ကျောင်းသူများက Volunteer များအဖြစ် ပါဝင်ကူညီ၍ MSME လုပ်ငန်း (၁၂၈) ခု အား စစ်တမ်းကောက်ယူနိုင်ခဲ့ပါသည်။

အဆိုပါ စစ်တမ်းရလဒ်များကို အစီရင်ခံစာ (Report) အဖြစ် ပြုစုကာ သက်ဆိုင်ရာဌာနများသို့ တင်ပြပြီး MSME ကဏ္ဍ ဖွံ့ဖြိုးတိုးတက်ရေးအတွက် လိုအပ်သော လုပ်ငန်းစဉ်များကို သက်ဆိုင်ရာ ဝန်ကြီးဌာနများနှင့် အဖွဲ့အစည်းများ ပူးပေါင်း၍ ဆက်လက်အကောင်အထည်ဖော် ဆောင်ရွက်သွားမည်ဖြစ်ပါသည်။

ထို့အပြင် World MSME Day အထိမ်းအမှတ်အဖြစ် “Strategies for Future MSME Development” (အနာဂတ်တွင် MSME များ ဖွံ့ဖြိုးတိုးတက်စေရန် မဟာဗျူဟာများ) ခေါင်းစဉ်ဖြင့် စကားဝိုင်းဆွေးနွေးပွဲကို ကျင်းပပြုလုပ်ခဲ့ပါသည်။

အဆိုပါ စကားဝိုင်းတွင်
🔹 ကုန်သည်စက်မှုအသင်းချုပ် ကိုယ်စား
ဗဟိုအလုပ်အမှုဆောင် ဦးသန်းထိုက်လွင်
🔹 မြန်မာနိုင်ငံလူငယ်စွန့်ဦးတီထွင်လုပ်ငန်းရှင်များအသင်း ကိုယ်စား ဥက္ကဋ္ဌ ဒေါ်သင်းသင်းကျော်
🔹 မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) ကိုယ်စား
ဒုတိယဥက္ကဋ္ဌ (၂) ဒေါ်ချောခင်ခင်
🔹 MSME လုပ်ငန်းရှင်များကိုယ်စား ရွှေဆိတ် မန်ကျည်းနှစ်လုပ်ငန်း မှ ဒေါ်မြသဲဖြူ တို့က ပါဝင်ဆွေးနွေးခဲ့ကြပြီး၊ MWEA ဒုတိယဥက္ကဋ္ဌ (၁) ဒေါ်ခင်သက်မော် က Moderator အဖြစ် ဦးဆောင်ဆွေးနွေးခဲ့ပါသည်။

ဆွေးနွေးပွဲမှ ကောက်နှုတ်ရရှိသော အကြံပြုချက်များအရ မြန်မာနိုင်ငံရှိ MSME များ အနာဂတ်တွင် ပိုမိုဖွံ့ဖြိုးတိုးတက်စေရန် အောက်ပါအချက် (၄) ချက်ကို အဓိကထား ထည့်သွင်းစဉ်းစားသင့်ကြောင်း ဆွေးနွေးအကြံပြုခဲ့ကြပါသည်။

✅ Desires – စျေးကွက်နှင့် ဖောက်သည်များ၏ လိုအပ်ချက်ကို နားလည်ခြင်း
✅ Design – ထုတ်ကုန်နှင့် ဝန်ဆောင်မှုများ၏ ဒီဇိုင်းနှင့် အရည်အသွေး မြှင့်တင်ခြင်း
✅ Creativity – ဆန်းသစ်တီထွင်မှုကို အခြေခံ၍ ယှဉ်ပြိုင်နိုင်စွမ်း တိုးမြှင့်ခြင်း
✅ Go Digital – ဒစ်ဂျစ်တယ်နည်းပညာများ အသုံးချ၍ လုပ်ငန်းများကို ခေတ်မီဖွံ့ဖြိုးတိုးတက်စေခြင်း

MWEA အနေဖြင့် မြန်မာနိုင်ငံရှိ MSME များ ရေရှည်တိုးတက်ဖွံ့ဖြိုးရေး၊ အမျိုးသမီးစွန့်ဦးတီထွင်လုပ်ငန်းရှင်များ၏ စွမ်းဆောင်ရည်မြှင့်တင်ရေးနှင့် မူဝါဒပိုင်းဆိုင်ရာ အထောက်အကူပြု လုပ်ငန်းများကို သက်ဆိုင်ရာဌာနများ၊ မိတ်ဖက်အဖွဲ့အစည်းများနှင့် ဆက်လက်ပူးပေါင်းဆောင်ရွက်သွားမည် ဖြစ်ပါသည်။

🌷 ဂုဏ်ယူစရာ သတင်းလွှာ 🌷၂၀၂၆ ခုနှစ်၊ ဇွန်လ (၂၇) ရက်မှ (၂၈) ရက်အထိ နေပြည်တော် MICC-1 တွင် ကျင်းပပြုလုပ်သော World MSME Day ...
07/07/2026

🌷 ဂုဏ်ယူစရာ သတင်းလွှာ 🌷

၂၀၂၆ ခုနှစ်၊ ဇွန်လ (၂၇) ရက်မှ (၂၈) ရက်အထိ နေပြည်တော် MICC-1 တွင် ကျင်းပပြုလုပ်သော
World MSME Day 2026 အခမ်းအနား၌
မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) (ဗဟို၊ မန္တလေးနှင့် နေပြည်တော်) မှ
အသင်းသူများ၏ ထုတ်ကုန်ပစ္စည်းများနှင့်
DEWI Program သင်တန်းသူများ၏ ထုတ်ကုန်ပစ္စည်းများကို ဂုဏ်ယူဝမ်းမြောက်စွာ ခင်းကျင်းပြသခဲ့ပါသည်။

ထို့အပြင် ဇွန်လ (၂၇) ရက်နေ့ တွင် ကျင်းပပြုလုပ်သော World MSME Day ဖွင့်ပွဲအခမ်းအနား နှင့်
ထူးချွန်ဆုချီးမြှင့်ပွဲ သို့ MWEA (ဗဟို) မှ
ဥက္ကဋ္ဌ၊ ဒုတိယဥက္ကဋ္ဌများ၊ အတွင်းရေးမှူးအဖွဲ့ဝင်များ၊ MWEA (မန္တလေး) မှ အသင်းဝင်များ၊
MWEA (နေပြည်တော်) မှ အကြံပေးများ၊ ဥက္ကဋ္ဌ၊ စီမံခန့်ခွဲရေးအဖွဲ့နှင့် အလုပ်အမှုဆောင်များ တက်ရောက်ခဲ့ကြပါသည်။

အဆိုပါ အခမ်းအနားတွင် မြန်မာနိုင်ငံရှိ MSME လုပ်ငန်းများ၏ ဖွံ့ဖြိုးတိုးတက်ရေး၊ အမျိုးသမီးစွန့်ဦးတီထွင်လုပ်ငန်းရှင်များ၏ စွမ်းဆောင်ရည်မြှင့်တင်ရေးနှင့် ပြည်တွင်းထုတ်ကုန်များကို ပြည်တွင်းပြည်ပဈေးကွက်များသို့ ပိုမိုထိုးဖောက်နိုင်ရေးအတွက် MWEA အနေဖြင့် တက်ကြွစွာ ပါဝင်ပံ့ပိုးဆောင်ရွက်ခဲ့ပါသည်။

မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) သည် အမျိုးသမီးစွန့်ဦးတီထွင်လုပ်ငန်းရှင်များ၏ စွမ်းဆောင်ရည်မြှင့်တင်ရေးနှင့် MSME ကဏ္ဍ ဖွံ့ဖြိုးတိုးတက်ရေးအတွက် ဆက်လက်ကြိုးပမ်းဆောင်ရွက်သွားမည် ဖြစ်ပါသည်။

🌷အသင်းဝင်များနေ့ 🌷MWEA ၏လစဉ်ကျင်းပနေကြ အသင်းဝင်များတွေ့ဆုံပွဲJuly လ member day မှာ မြန်မာအမျိုးသမီးများနေ့ကိုကြိုဆိုဂုဏ...
05/07/2026

🌷အသင်းဝင်များနေ့ 🌷
MWEA ၏လစဉ်ကျင်းပနေကြ
အသင်းဝင်များတွေ့ဆုံပွဲ

July လ member day မှာ
မြန်မာအမျိုးသမီးများနေ့ကို
ကြိုဆိုဂုဏ်ပြုသောအားဖြင့်
ဝတ်စားဆင်ရင်မှု့ပြိုင်ပွဲကျင်းပခဲ့ပါသည်

Main sponsor အဖြစ်
စိန်နန်းတော် မှပံ့ပိုးပေးခဲ့ပြီး

Supporting Sponsor အဖြစ်
Lucky Diamond Myanmar မှ
ပံ့ပိုးပေးခဲ့ပါသည်

ဒေါက်တာပို့ပို့ကြည်မှ
“ အိမ်မက်များနှင့်အမျိုးသမီး “ အကြောင်း
ဟောပြောပေးခဲ့ပြီး

အသင်းဝင်(၁၈)ယောက်၏
ဝတ်စားဆင်ရင်မှု့ပြိုင်ပွဲကိုကြည့်ရှူ
အားပေးကြပြီး ဆုများချီးမြှင့်ခဲ့ကြပါသည်

အသင်းဝင် ညီအမများရှင်MWEA မှ ကျင်းပမည့် Member’s Day 2026 အခမ်းအနားကို လာမည့် ဇူလိုင်လ (၅) ရက်နေ့တွင် Young Women Commit...
02/07/2026

အသင်းဝင် ညီအမများရှင်

MWEA မှ ကျင်းပမည့် Member’s Day 2026 အခမ်းအနားကို လာမည့် ဇူလိုင်လ (၅) ရက်နေ့တွင် Young Women Committee မှ ဦးဆောင်၍ စည်ကားသိုက်မြိုက်စွာ ကျင်းပသွားမည်ဖြစ်ပါသည်။

ယခုနှစ် Member’s Day အခမ်းအနားအား မြန်မာသမီးများနေ့ ကို ဂုဏ်ပြုသော အထိမ်းအမှတ်အဖြစ် စီစဉ်ထားပြီး အသင်းဝင်များအတွက် အထူးအစီအစဉ်များ၊ ပျော်ရွှင်ဖွယ်ရာ activity များနှင့် အချင်းချင်း ချိတ်ဆက်ဆောင်ရွက်နိုင်မည့် networking အခွင့်အလမ်းများကို စုစည်းပေးထားပါသည်။

✨ မြန်မာ့ရိုးရာ အမျိုးသမီး ဝတ်စုံဒီဇိုင်းပြိုင်ပွဲ
(1885 – 1948 Era Theme)

မြန်မာအမျိုးသမီးများ၏ အလှတရား၊ ယဉ်ကျေးမှုအမွေအနှစ်နှင့် ကိုယ်ပိုင်စတိုင်ကို စင်မြင့်ထက်မှာ လှပစွာ ဖော်ပြနိုင်မည့် အထူးပြိုင်ပွဲတစ်ခုဖြစ်ပါသည်။

🏆 ဆုများ

ပထမဆု – ၁၅ သိန်း

ဒုတိယဆု – ၁၀ သိန်း

တတိယဆု – ၅ သိန်း

နှစ်သိမ့်ဆု ၇ ဆု – တစ်ဆုလျှင် ၃ သိန်း

People’s Choice Award လည်း ပါဝင်ပါမည်

ထို့အပြင် အထူးဧည့်သည်အဖြစ်
Dr. Poht Pont Kyi
Founder and Vice-Chancellor of Myanmar Imperial College
မှ တက်ရောက်၍ အားပေးစကား ပြောကြားပေးမည်ဖြစ်ပါသည်။

အသင်းဝင်များအနေဖြင့် မိမိတို့၏ တန်ဖိုးရှိသော အချိန်များကို MWEA community နှင့်အတူ မျှဝေခံစားနိုင်ရန်အတွက် ပါဝင်တက်ရောက်ကြပါရန် လေးစားစွာ ဖိတ်ကြားအပ်ပါသည်။

📅 Date – 5 July 2026
🕣 Time – 8:30 AM to 12:00 PM
📍 Venue – MWEA Member’s Day 2026

MWEA အသင်းဝင်များအနေဖြင့် အတူတကွ တွေ့ဆုံဆက်သွယ်ပြီး အမှတ်တရကောင်းများ ဖန်တီးနိုင်မည့် အခွင့်အလမ်းတစ်ရပ်ဖြစ်ပါသောကြောင့် တက်ရောက်ပါရန် ဖိတ်ကြားအပ်ပါသည်။

🌷 ဂုဏ်ယူစရာသတင်းလွှာ 🌷မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) မှ အသင်းဝင် ဒေါ်ဟေမာစံ (Hein Shwe Yaung C...
01/07/2026

🌷 ဂုဏ်ယူစရာသတင်းလွှာ 🌷

မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) မှ
အသင်းဝင် ဒေါ်ဟေမာစံ (Hein Shwe Yaung Co.,Ltd )သည်

၂၀၂၆ ခုနှစ် ဇွန်လ (၂၇) ရက်နေ့တွင် ကျင်းပပြုလုပ်သော World MSME Day 2026 အခမ်းအနားတွင် ထူးချွန်အဆင့် (၃) ကို ဂုဏ်ထူးဆောင်ရရှိခဲ့သည့်အတွက်

မြန်မာအမျိုးသမီးစီးပွားရေးစွမ်းဆောင်ရှင်များအသင်း (MWEA) အသင်းကြီးမှ
အထူးဝမ်းမြောက်ဂုဏ်ယူပါကြောင်းနှင့်
လှိုက်လှဲစွာ ဂုဏ်ပြုအပ်ပါသည်။

ယခုကဲ့သို့ ထူးချွန်စွာ အောင်မြင်မှုရရှိခြင်းသည် အမျိုးသမီးစီးပွားရေးလုပ်ငန်းရှင်များအတွက်
အားတက်ဖွယ်စံနမူနာတစ်ရပ်ဖြစ်ပြီး၊
ရှေ့ဆက်၍လည်း ပိုမိုအောင်မြင်မှုများ၊
ဂုဏ်ယူဖွယ်မှတ်တိုင်များကို
ဆက်လက်ရရှိပါစေကြောင်း
ဆုမွန်ကောင်းတောင်းအပ်ပါသည်။

🌸 Congratulations! We are proud of your outstanding achievement.

Address

288/290, Shwedagon Pagoda Road, Dagon Township
Yangon
11111

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 12:00

Telephone

+959952772062

Website

Alerts

Be the first to know and let us send you an email when Myanmar Women Entrepreneurs' Association - MWEA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Myanmar Women Entrepreneurs' Association - MWEA:

Shortcuts

Share

Category