https://www.facebook.com/171995879336456/

Rangoon Raccoons, Yangon (2026)

13/09/2026

ကလေးတွေကို sight-singing သင်ပြီးတဲ့အချိန် သတိရမိတဲ့ tip ၅ ခုကို ပြောပြထားပါတယ်။

"5 secrets to sight-singing rhythm"

12/09/2026

နိုင်ငံတကာသုံး staff notation ( ပက်ကားနုတ် ) က ဂီတကို တော်တော်တိတိကျကျ မှတ်တမ်းတင်နိုင်တဲ့ စနစ်တစ်ခုပါ။ ဒါပေမဲ့ အခြေခံ အချက်အလက် ၂ ခုကိုပဲ ဆွဲထုတ်လိုက်မယ်ဆိုရင် အသံအနိမ့်အမြင့် ( pitch ) နဲ့ စည်းချက် ( rhythm ) ဆိုပြီး ထွက်လာပါမယ်။ ဒီထဲမှာ စည်းချက်ကို အရင်ပိုင်နိုင်မှ အသံအနိမ့်အမြင့် ဒိုရေမီဖာ ကို ဆက်သွားတာ ပိုလွယ်ပါတယ်။ ဒါကြောင့်လဲ ABRSM ဂီတသီအိုရီမှာဆိုရင် Grade 1 ရဲ့ ၈၀ ရာခိုင်နှန်းလောက်ကို စည်းချက်ကနေရာယူထားတာပါ။

ဒီဆောင်းပါးမှာ စည်းချက်ကို လက်တန်းဖတ်နိုင်ဖို့ အရေးအကြီးဆုံး အချက် ၅ ချက်ကိုမျှဝေသွားပါမယ်။ အတွေ့အကြုံအရ ကျောင်းသားတွေ အမှားတတ်ဆုံးနဲ့၊ ပြင်လိုက်တဲ့အခါ အများကြီး ပိုလွယ်ကူသွားစေတဲ့ ၅ ချက်ဖြစ်ပါတယ်။

(၁) အသေးစိတ်မဖတ်ခင်မှာ အကြမ်းပျင်းအရင်ကြည့်ပါ။

Scan လုပ်တယ်လို့ အင်္ဂလိပ်လိုခေါ်ပါတယ်။ နုတ်ကိုတွေ့တာနဲ့ ပထမဘားကို ဆိုကြည့်လိုက်၊ ရပ်လိုက်၊ နောက်တစ်ဘားကို ကြည့်လိုက်လုပ်တာက ကျောင်းသားသစ်တွေရဲ့ အမှားပါပဲ။ အသေးစိတ်မကြည့်ခင် ကိုယ်ဆိုမဲ့ အစအဆုံးပတ်ဝန်းကျင်က အခြေခံအချက်အလက်တွေအရင်သိအောင် ကြည့်ရပါမယ်။

- Time signature က ဘာလဲ ( တစ်ဘားမှာ ရိုက်ချက်ဘယ်လောက်ပါလဲ )
- သီချင်းက ဘယ်ရိုက်ချက်ကစတာလဲ ( တချို့က ၁ မှာ မစကြပါဘူး )
- ဘယ်နဘားပါလဲ။ ဘာ သင်္ကေတတွေသတိထားရမလဲ။ ပြန်ကျော့တာပါလား။
- ဘယ်ဘားတွေက တူလဲ၊ ဆင်လဲ ( တူရင် နှစ်ခေါက်ကျင့်စရာမလိုဘူးပေါ့ )
- ဘယ်ဘားက ကိုယ့်အတွက် အခက်ခဲဆုံးဖြစ်မလဲ ( သူ့ကိုခွဲကျင့်လို့ ရတယ် )

စသည် အခြေခံအချက်တွေကို အရင်ကြည့်ပြီး မှတ်ရင် အများကြီးပိုလွယ်သွားမှာပါ။

(၂) စမဆိုခင်မှာ ရိုက်ချက်ကိုအရင်ခံစားပါ။ အနည်းဆုံး ၂ ဘားစာ ကြိုရေတွက်ပါ။

နုတ်ရတာနဲ့ စဆိုရင် တစ်ဘားလောက်ပြီးတာနဲ့ အ,ထစ်,အ,ထစ် ဖြစ်ပါပြီ။ ဒါမှမဟုတ် စဆိုတုံးက နရီ ( အရှိန် ) ကတစ်မျိုး ပြီးမှ နှေးသွားလိုက် မြန်သွားလိုက် ဖြစ်နေကျပါ။ အဲ့လိုမဖြစ်အောင် စမဆိုခင်မှာ ၂ ဘားစာလောက် အဆင်ပြေတဲ့ နရီနဲ့ ရေတွက်ပြီးမှ စဆိုပါ။

ကျောင်းသားတွေကို အမြဲပြောနေကျ တစ်ခုရှိပါတယ်။ ဂီတရဲ့ အသက်သွေးကြောဖြစ်တဲ့ ရိုက်ချက် (beat) ဆိုတာ ကြားရတဲ့အရာမဟုတ်ပါဘူး ကိုယ်တွင်းထဲက ခံစားရတဲ့အရာပါ။ စကားမပြောတတ်သေးတဲ့ ကလေးလေးတွေတောင် သီချင်းဖွင့်ထားရင် ရိုက်ချက်အပေါ် လိုက်လှုပ်ရှားတတ်ပါတယ်။ ဒါကြောင့် ရိုက်ချက်ကို ရေတွက်တဲ့အခါကျ ပါးစပ်နဲ့တင်မဟုတ်ပဲ ခန္ဓာကိုယ်လှုပ်ရှားမှုတစ်ခုခုနဲ့ ရေတွက်ပါ။ လက်ခုပ်တီးတာလဲဖြစ်နိုင်တယ်၊ ဒူးနှံ့တာလဲ ဖြစ်နိုင်တယ်။ ခံစားဖို့က အဓိကပါပဲ။ ဒါမှစဆိုတဲ့အခါ အာရုံများနေရင်တောင် ခန္ဓာကိုယ်က ရိုက်ချက်ကို ဆက်သယ်ဆောင်သွားမှာပါ။

(၃) Beat နဲ့တွေးပါ၊ note နဲ့မတွေးပါနဲ့။

စဆိုပြီဆိုရင် မျက်လုံးကရော စိတ်ကရော တစ် beat စီကိုပဲ process လုပ်ပါ။ အထူးသဖြင့် နုတ်အသေးတွေ ( quaver, semiquaver ) တွေမှာ တစ်နုတ်ချင်းစီတွေးလို့ လုံးဝအဆင်မပြေပါဘူး။ စကြည့်ကတည်းက တစ် beat စာအစုအဖွဲ့တွေအနေနဲ့ ခွဲမြင်တတ်ဖို့ လိုပါတယ်။ ဒါက စာနဲ့သိပ်မရှင်းနိုင်ပါဘူး။ အတန်းထဲမှာ ဘယ်လိုသင်လဲဆိုတာ video နဲ့ ဆက်မျှဝေပေးပါ့မယ်။

(၄) Subdivision တွေခွဲတတ်အောင် သပ်သပ်စီ ကြိုကျင့်ထားပါ။

4/4 time မှာဆိုရင် 1 2 3 4 ရေတတ်ပြီဆိုရင် နှစ်စိတ်ခွဲမယ် 1 & 2 & 3 & 4 & ဆိုပြီး tempo မပြောင်းပဲ ခွဲရေတတ်အောင် ကြိုကျင့်ထားရပါမယ်။ ကျောင်းသားသစ်ဆို ထင်သလောက်မလွယ်ပါဘူး။ tempo ပြောင်းသွားတာ ဖြစ်တတ်တယ်။ “&” နေရာတွေက beat တွေရဲ့ အလည်တည့်တည့်မကျပဲ စောနေတာ နောက်ကျနေတာမျိုး ဖြစ်နိုင်ပါတယ်။

ဒါရပြီဆိုရင် လေးစိတ် 1 e & a 2 e & a 3 e & a 4 e & a ဆက်ခွဲရပါမယ်။

ပြီးရင် Compound time တွေဖြစ်တဲ့ 6/8 လိုမျိုးမှာ 1 & a 2 & a ဆိုပြီး သုံးစိတ်ခွဲတာ ဆက်ကျင့်ရပါမယ်။

ဒီလိုခွဲဆိုတတ်ပြီ ခွဲမြင်တတ်ပြီဆိုရင် နုတ်ကိုကြည့်လိုက်တာနဲ့ ဘယ်နုတ်က ဘယ် beat, ဘယ် subdivision မှာရှိနေတယ်ဆိုတာကို တန်းမြင်နိုင်လာရင် လက်တန်းဖတ်နိုင်ဖို့ အရမ်းလွယ်ကူသွားပါပြီ။

(၅) အခြေခံ Rhythm pattern တွေကို လေ့ကျင့်ထားတာက အထောက်အကူဖြစ်ပါတယ်။

အတွေ့အကြုံရှိပြီးကျောင်းသားတွေ သတိထားမိမှာပါ။ Rhythm တွေက ပိုခက်လာပိုရှုပ်လာလဲ သူတို့ရဲ့ တည်ဆောက်ပုံက အခြေခံတည်ဆောက်ပုံတွေကနေ ဆင့်ကဲပြီးဖြစ်လာတယ်ဆိုတာ။ ဒါကြောင့် ရှုပ်ထွေးတဲ့ နုတ်တွေတွေ့ရင် သူတို့ကိုအရိုးရှင်းဆုံးပုံစံနဲ့ မြင်တတ်ဖို့ ( simplify လုပ်နိုင်ဖို့ ) က အတွေ့အကြုံကသင်ပေးသွားမဲ့ တန်ဖိုးရှိ အရေအချင်းတစ်ခုပါ။ ဒါကြောင့် simple rhythm exercise တွေကို တစ်နေ့ ၅ မိနစ်ဖြစ်စေ ပုံမှန်ကျင့်သွားတာက အချိန်တိုအတွင်းမှာ ရလဒ်ကြီးကြီးမားမားရနိုင်တယ်ဆိုတာ လိုက်ကျင့်တဲ့ ကျောင်းသားတွေအသိပါ။

လေ့ကျင့်ဖို့စာအုပ်လိုချင်ရင် ကောမန့်မှာပြောသွားလို့ရပါတယ်။ အခမဲ့ လာပို့ပေးပါ့မယ်။ ဂီတအခေါ်အဝေါ်တွေ နားမလည်သေးလို့ အခက်တွေ့နေတယ်ဆိုရင် နောက်လာမဲ့ “နုတ်ဖတ်ကြစို့” ရက်တို workshop လေးအတွက် ကြိုပြီးနာမည်ပေး၊ နေရာယူထားလို့ရပါတယ်။ Messenger မှာ ပြောထားရုံပါပဲ ခင်ဗျ။

ဘာအခက်အခဲတွေရှိသေးလဲ ပြောခဲ့ပါဦး။ ဆက်ရေးပေးသွားပါ့မယ်။

Rangoon Raccoons

08/06/2026

အပေါဆုံးက ဂစ်တာသင်တန်းတွေပဲလို့ ပြောမယ်ဆို မှန်မလားခင်ဗျ။ တူရိယာ တစ်ခုခု သင်ယူမယ်ဆိုရင် အားလုံးအတွက် လက်လှမ်းအမှီဆုံး ဖြစ်မှာက ဂစ်တာပါပဲ။ ဒါပေမဲ့ သင်တန်းတက်မယ်ဆိုတဲ့အခါ ရစ်သမ်ဂစ်တာလား၊ ဖင်းဂါးစတိုင်လား၊ ကလက်စစ်ကယ်၊ လိဒ်.. အို ပိုဆိုးတာက မျူးဇစ်သီအိုရီပဲ အရင်သင်ရမလား ဒီလို ဗျာအတော်များရပါတယ်။

ဒီအတွက် ဂစ်တာသင်မယ်ဆို ဒီအတန်းတစ်ခုတက်ရင် တခြားဘာမှထပ်တက်စရာမလိုတော့မဲ့ Rangoon Raccoons ရဲ့ The Complete Guitar အစီအစဉ်နဲ့ မိတ်ဆက်ပေးချင်ပါတယ်။

ဂစ်တာကို တစ်ခါမှ စမကိုင်ဖူးတဲ့အခြေအနေကနေ ဘယ်ဂီတအမျိုးအစားကိုပဲ ဆက်သွားမှာဖြစ်ပါစေ သိရမှာ တက်ရမှာတွေ အကုန်ပါသွားအောင်၊ ဗျာမများရအောင် ဒီလို စီစဉ်ပေးထားပါတယ်။

Level 1 နဲ့ 2 ဆိုပြီး ၂ ဆင့်တက်ရပါမယ်။

အခုမှ ဂစ်တာဝယ်လာပြီးပြီဆိုတာနဲ့ Level 1 မှာ ဂစ်တာရဲ့ တည်ဆောက်ပုံ၊ အသံထုတ်ပုံ၊ ယဉ်ကျေးမှုနဲ့ စတိုင်တွေအကြောင်းကစလို့၊ ဘယ်လိုကိုင်ရမလဲ ဘယ်လိုထိန်းသိမ်းရမလဲ စသိရပါမယ်။

ဒီအဆင့်ကနေမှစလို့ Level 1 မှာတင်ပဲ

- အခြေခံသီချင်းတွေကို ဆိုရင်းတီးနိုင်ရုံအပြင် အနောက်တိုင်းနုတ်၊ အရှေ့တိုင်းနုတ်၊ Chord chart တွေနဲ့ Tab note တွေပါ ကောင်းကောင်း ဖတ်တတ်သွားမယ်။

- ဂစ်တာဆရာ တစ်ယောက်အပြင်ကိုမှ သီအိုရီဆရာ တစ်ယောက်ကပါ ABRSM Grade 1, 2, 3 နဲ့ ညီမျှတဲ့ မျူးဇစ်သီအိုရီသဘောတရားတွေကို ဂစ်တာနဲ့ ယှဉ်ပြီးသင်ပေးမှာမို့လို့ ဂစ်တာသမားတစ်ယောက်တင်မဟုတ်ပဲ ဂီတသမားတစ်ယောက် ဖြစ်လာနိုင်မယ်

- အလွတ်ကျက်တီးစနစ်မဟုတ်ပဲ ကိုယ်ပိုင် လက်ခတ်တွေ၊ ကော့ဒ်အသွားအလာတွေ ဖန်တီးတတ်အောင် ပို့ချသွားမဲ့အပြင် Capo သုံးပြီးရော၊ မသုံးပဲနဲ့ရော လိုအပ်သလို ကီးချိန်းတတ်အောင်၊ ကော့ဒ်တွေရဲ့ တည်ဆောက်ပုံကို နားလည်ပြီး ဂစ်တာပေါ်မှာ ဘယ်နေရာ ဘာနုတ်ရှိတယ် ဂဃနဏ သိအောင် ဦးတည်သင်ကြားပေးမယ်။

- ထူးခြားတာတစ်ခုက လက်ခတ်ခတ်နေရုံတင်မဟုတ်ပဲ Fingerpicking နဲ့ Lead နည်းစနစ်တွေပါ တစ်ခါတည်း ထည့်သွင်းထားတယ်။

- Level 1 မှာတင် Pre-intermediate ဖြစ်သွားစေမဲ့ နည်းစနစ်ပိုင်း၊ အသိပညာအပိုင်းတွေကို စီစဉ်ထားပါတယ်။

ဒီလို အလွယ်နားလည်အောင် ပြောပြတာမျိုးမဟုတ်ပဲ တကယ်တမ်းဘာတွေသင်မှာလဲ ခေါင်းစဉ် အတိအကျသိချင်တယ်ဆိုရင်တော့ ပုံတွေမှာ အသေးစိတ်ရေးပေးထားပါတယ်။

တကယ်ဆို Level 1 မှာတင် „ဂစ်တာကောင်းကောင်းတီးတတ်“ နေပါပြီ။ ဒါပေမဲ့ ဗျာမများရမဲ့ အတန်းလို့ ပြောထားတာကြောင့် Level 2 ကို ဆက်သွားပါမယ်။

Level 2 ဟာ intermediate ကနေ advanced အဆင့်ကို ဆက်သွားနိုင်ဖို့ အဓိက သော့ချက်ဖြစ်ပါတယ်။ သူ့ရဲ့ လျှို့ဝှက်ချက်ကတော့ „သီချင်း“ ကို အဓိကထားပြီး သင်ကြားခြင်းပါပဲ။

Level 1 မှာ နည်းစနစ်တွေ သီအိုရီတွေ သီးခြားဖြည့်လာပြီးတဲ့နောက်မှာ Level 2 မှာတော့ သီချင်းအများကြီး တီးရပါမယ်။ ရည်ရွယ်ချက်ကတော့

- Genre အမျိုးအစားအစုံ တီးတတ်အောင် genre တစ်ခုကို အနည်းဆုံး ၂ ပုဒ် ကောင်းကောင်း လေ့ကျင့်ရပါမယ်။

- ဒီထဲမှာ pop, rock, blues, jazz, fingerstyle, country စသည် စသည် များစွာပါဝင်ပါမယ်။

- သီချင်းကိုသင်တဲ့အခါ သီချင်းထဲက နည်းစနစ်တွေအပြင်၊ genre တွေရဲ့ စတိုင်နဲ့ ဘယ်လိုမျိုး ရေးထားလဲ၊ ဖွဲ့စည်းတည်ဆောက်ထားလဲဆိုတဲ့ ဖန်တီးသူရဲ့ ရှု့ထောင့်ကိုပါ ဝင်ကြည့်ဖို့ အထောက်အကူဖြစ်စေမှာ ဖြစ်ပါတယ်။

- ဒီအတန်းပြီးတဲ့အခါ genre တစ်ခုခုမှာ professional အနေနဲ့ ဆက်သင်ယူဖို့ဖြစ်စေ၊ ဖန်တီးမှုအပိုင်းကို ဆက်သွားဖို့ဖြစ်စေ အဆင်သင့်ဖြစ်သွားမှာပါ။

ဒါကတော့ ဒီသင်တန်းကို ဖန်တီးမှုရဲ့ အဆုံးသတ် ဦးတည်ချက်ပဲဖြစ်ပါတယ်။

ဒါဆိုရင် ဂစ်တာတစ်လက်ဝယ်ပြီး ကောမန့်မှာ „ TCG“ လို့ မန့်သွားလိုက်ပါတော့။ Messenger မှာ ဆက်သွယ်ပေးပါ့မယ်။

သင်တန်းစတင်ချိန် - ၁၆ ရက်နေ့၊ ဇွန်လ

သင်ကြားမည့်စနစ် - အပတ်စဉ် မာတိကာအလိုက် ပို့ချမှု video များ + အပတ်စဉ် တိုက်ရိုက် Zoom အမေးအဖြေ + အွန်လိုင်းမှ အိမ်စာစစ် အကြံပေးမှု စနစ်

သင်တန်းကြေး - Level 1 အတွက် ကို သင်တန်းကြေး ၃၇၀၀၀၀ ကျပ်ကျသင့်မှာဖြစ်ပြီး ၁၈၅၀၀၀ ကျပ် ဆီ နှစ်ခါခွဲသွင်းနိုင်ပါတယ်။ ဇွန်လ ၁၀ ရက်နေ့မတိုင်ခင် အပ်နှံတဲ့ သင်တန်းသားများအတွက် အထူးလျော့ဈး ၃၀၀၀၀၀ ကျပ်နဲ့ ရရှိမှာဖြစ်ပါတယ်။

Rangoon Raccoons မှာ တတ်ရောက်‌‌နေဆဲ ဒါမှမဟုတ် တက်ရောက်ခဲ့ဖူးတဲ့ သင်တန်းသားတွေကဒီအတန်းကို ၂၇၀၀၀၀ ကျပ်နဲ့ တက်ရောက်နိုင်မှာဖြစ်ပါတယ်။

Level 2 ကတော့ ၄၉၀၀၀၀ ကျပ်ကျသင့်မှာဖြစ်ပြီး သူ့အတွက် လျော့‌ဈေး အသေးစိတ်ကိုတော့ Page Messenger မှာ စုံစမ်းမေးမြန်းနိုင်ပါတယ်။

ကောမန့်မှာ „TCG“ လို့ မန့်သွားပေးပါ။ ဂစ်တာဝါသနာရှင်များနဲ့ အကောင်းဆုံးပို့ချပေးဖို့ ပြန်တွေ့ချင်ပါတယ်ခင်ဗျ။

05/06/2026

စာသင်ချိန် ၂၄ နာရီနဲ့ ၃၈ မိနစ်အပြီးမှာ ကျွန်တော်တို့ရဲ့ ၈ ရက် workshop အောင်မြင်စွာ ပြီးဆုံးခဲ့ပြီ ဖြစ်ပါတယ်။ Recording ရယူလိုပါက page messenger မှာ ဒီနေ့ တစ်ရက် ဆက်သွယ်နိုင်ပါတယ်။

Sound
Media
Rhythm
Melody
Harmony
Texture
Form
Style

ဒီအကြောင်းတွေပြောခဲ့ကြပါတယ်။

02/06/2026

၈ ရက် workshop ရဲ့ 6 ရက် အထိ အောင်မြင်စွာပြီးဆုံးခဲ့ပြီ ဖြစ်ပါတယ်။ မျက်စိနောက်မှာစိုးလို့ day 3 ကနေ day 6 စာ ပေါင်းတင်လိုက်ပါတယ်။ ပုံတွေက ရာကျော်သွားမှာမို့လို့ တချို့ highlight လေးတွေ ရွေးတင်ထားပါတယ်။

ကျောင်းသားတွေရော ကျန် ၂ ရက်အတွက် အားရှိသေးရဲ့လား။ ဘာတွေ သင်ယူခဲ့ရလဲ ကိုယ့်အတွက် အမှတ်တရ ဖြစ်တာတစ်ခုခု ပြောပြသွားပေးပါဦး။

26/05/2026

day 2 - performing media, အောင်မြင်စွာ ပြီးဆုံးပြန်ပါတယ်။ ဒုတိယနေ့အထိ အားမလျှော့ပဲ တက်ပေးကြတာတွေ့ကြလို့ အားရပါတယ်။ ပထမနေ့က ၃ နာရီကြာသွားလို့ ဒီနေ့ လျှော့ပြောဖို့ကြိုးစားလိုက်တာ ၃နာရီပါခွဲသွားပါတယ်။ အဲ့အတွက်လဲ အားနာပါတယ်။

တတိယနေ့မှာ ပြန်တွေ့ချင်ပါသေးတယ်ခင်ဗျ။

25/05/2026

ပထမရက် အောင်မြင်စွာ ပြီးမြောက်ပါပြီခင်ဗျာ။ ၃ နာရီကြာ အားမပြတ်ပဲ စိတ်ဝင်တစား လေ့လာ၊မေးမြန်းတဲ့ ကျောင်းသား ၃၀ နီးပါး အားလုံးကို ကျေးဇူးတင်ပါတယ်။ ဒုတိယရက် "Media" မှာလဲ မလျော့သောဇွဲနဲ့ ပြန်တွေ့ချင်ပါတယ်ခင်ဗျ။

24/05/2026

၈ ရက် အခမဲ့ workshop စာရင်းပေးရန် အတွက် ၁ ရက်ပဲ ကျန်ပါတော့တယ်။ လောလောဆယ် အထိ အယောက် ၃၀ စာရင်းပေးထားပြီး၊ ၁၀ ယောက် တက်ခွင့် ရရှိထားပါတယ်။ workshop အချက်အလက်တွေကို ဒီပိုစ့်မှာ လိုတိုရှင်း ပြန်ရေးပေးလိုက်ပါတယ်။

ပရိုဂရမ် အပြည့်အစုံမှာ အဆင့် (၄) ဆင့်ပါပါတယ်။

ပထမ အဆင့် (၁) ၈ ရက်ကို အခမဲ့ သင်ပေးသွားမှာပါ။

ကျန် အဆင့် (၃) ဆင့် တန်ဖိုး ၅၀၀,၀၀၀ ကျပ်ဖြစ်ပါတယ်။

workshop မှာ တက်ရောက်၊ပါဝင်မှုအပေါ်မူတည်ပြီး 50% off အထိ စကော်လာရှစ် ရနိုင်ပါတယ်။ တစ်ဝက်တိတိပါ။

Workshop တက်ရောက်ရန် အဆင့်များ

အဆင့် ၁။ အောက်ပါပုံများကို လေ့လာကြည့်ပါ။

အဆင့် ၂။ ကောမန့်ရှိ သင်ရိုးအပြည့်အစုံကို လေ့လာကြည့်ပါ။

အဆင့် ၃။ နာမည်စာရင်းပေးရန် ဒီပိုစ့်ကို ဖတ်ပါ။

https://www.facebook.com/share/p/18gEwP7Por/

အဆင့် ၄။ မက်ဆင်ဂျာမှာ ပေးဖို့လာတဲ့ ဖောင်လေးကိုဖြည့်ပါ။

အဆင့် ၅။ အောင်မြင်ပါက ထပ်မံပေးပို့လာတဲ့ Telegram channel လေးကို join ထားလိုက်ရင် ရပါပြီ။

အဆင်ပြေကြပါစေ။

20/05/2026

“ဂီတဆီသို့”

“အခမဲ့” ၈ ရက် အွန်လိုင်း တိုက်ရိုက် workshop + အပြည့်အစုံ နောက်ထပ် ၂၂ ရက် = ပေါင်း ရက် ၃၀

အခမဲ့ တက်ရောက်ရန်အတွက် စာမေးပွဲအတိုလေး ဖြေရပါမယ်။ ဒီပိုစ့်ထဲမှာ ရေးထားတာတွေကို ဘယ်လောက်သေချာဖတ်ထားလဲ ဆိုတာပဲ စစ်မှာပါ။ အောင်မှတ် ၈၀ ဖြစ်ပါတယ်။

လူဦးရေ အကန့်အသတ်ရှိပါတယ်။ အခမဲ့ သင်တန်းဖြစ်တာကြောင့် ကြိုးစားသူများကို ဦးစားပေးသွားမှာပါ။ စာဖတ်ပျင်းလို့ မရပါခင်ဗျာ။ သေချာဖတ်ပြီးသူမှ ဆက်သွယ်ပေးဖို့ တိုက်တွန်းပါတယ်။ လေ့လာကြည့်ပါ အကျိုးရှိစေမှာပါ။

ဖတ်ပြီး စာရင်းသွင်းမယ်ဆိုရင် ကောမန့်မှာ "တက်ပါမယ်" သို့မဟုတ် " ရှင်းပြပေးပါ" လို့ ရေးခဲ့ပါ။ ၂၄ နာရီအတွင်း ဆက်သွယ်လိုက်ပါမယ်။

ကံကောင်းပါစေ။

—-

“ဂီတဆီသို့ : အပြင်လူ မှ အတွင်းလူ”

သင်တန်းကို ဒီနာမည်ပေးရတာ ထူးဆန်းနေနိုင်ပါတယ်။ ဒါပေမဲ့ ကျွန်တော်တို့အများစု တကယ်ခံစားနေကြရတာ ဒီပြသနာပါပဲ။

ပြည်တွင်းပြည်ပ ဂီတရေစီးကြောင်းထဲမှာ ကိုယ်ဟာ "အပြင်လူ" ဖြစ်နေတယ်။ အများစကားဝိုင်းထဲမှာ ဘယ်လို နားလည်ပါဝင်ရမလဲ မသိဘူး။ ဘယ်သူက မှန်တာလဲ မှားတာလဲ။ ဂီတကို ဘယ်လိုရှိလို့ ဘယ်ကစရမှန်း မသိဘူး။ ဟိုတစ်စ ဒီတစ်စ နဲ့ ဘယ်မှ မရောက်ဖြစ်နေကြတဲ့ ဂီတရဲ့ "အပြင်လူ" တွေ အတွက်ပေါ့။

ဒီတော့ ယုံကြည်ချက်ရှိရှိ၊ အရည်အချင်းရှိရှိ “အတွင်းလူ” ဖြစ်လာအောင် "ဂီတဆီသို့" ဘယ်လမ်းကြောင်းက ဝင်ရမှာလဲ။ ဒီဦးတည်ချက်နဲ့ သင်ရိုးစွဲပြီး နာမည်ပေးဖြစ်တာပါ။

ဘယ်သူတွေအတွက်လဲဆိုတော့ ကျွန်တော်တို့ ပုံမှန်ဖွင့်နေတဲ့ ABRSM အတန်းတွေလိုမျိုး ၂ နှစ်နီးပါး အချိန်ပေးပြီး မတတ်ချင်တဲ့ သူတွေအတွက်ဖြစ်ပါတယ်။

ဒီ ၂ နှစ်စာကို စုပြီး ရက် ၃၀ နဲ့ ရအောင် ရှင်းပြပေးသွားပါမယ်။ သင်တန်းကာလ အပြီးမှာ လေ့ကျင့်ခန်းတွေ ကိုယ်တိုင် ဆက်လုပ်ရမှာ ဖြစ်ပြီး ကိုယ်သွားရင် သွားသလောက် ခရီးရောက်နိုင်မှာ ဖြစ်ပါတယ်၊

—-

ဘာတွေသင်မှာလဲ။

အဘက်ဘက်က တီးမိခေါက်မိရှိတဲ့ ဂီတသမားဆိုတာ မိမိရဲ့တူရိယာ/အသံအပြင်မှာ ဒီဘာသာရပ်တွေကို ဒီအစဉ်အတိုင်း လေ့လာရပါမယ်။ အဆင့် (၄) ဆင့် ရှိပါတယ်။

---

အဆင့် ၁။ Musical Elements & Appreciation

မဟုတ်ပါ သီအိုရီ မဟုတ်သေးပါ။ ဂီတရဲ့ ပါဝင်အစိတ်အပိုင်းတွေကို သိရှိနားလည်မှုနဲ့ နားဆင်အသိအမှတ်ပြုနိုင်စွမ်း ဖြစ်ပါတယ်။ ဂီတကို သီအိုရီနဲ့ ဘာသာစကားလိုမျိုး မလေ့လာခင်မှာ၊ နားသီးသန့်နဲ့ နားလည်နိုင်စွမ်း အများကြီးရှိပါသေးတယ်။

ဂီတဆိုတာ ဘာလဲ၊ ဘာတွေပါလဲဆိုတဲ့ အခြေခံ အစိတ်အပိုင်းတွေကို နာမည်ကိုယ်စီနဲ့ ခွဲခြားသိပြီး၊ နားနဲ့ ဖမ်းယူနားဆင်နိုင်ဖို့ အဆင့်ပါ။

ဂီတကို အိမ်တစ်လုံးလို့ မြင်ကြည့်မယ်ဆိုရင် ဘာတွေပါမလဲ။ တကယ်တော့ အိမ်တစ်လုံးမှာ ပါဝင်ပစ္စည်း သိပ်များပါတယ်။ ဒါပေမဲ့ ဒီအဆင့်မှာ "မီးဆိုင်း" တို့ "လိုက်ကာ" တို့လိုမျိုး အသေးစိတ်သွားဦးမှာ မဟုတ်ပဲ တကယ်မရှိမဖြစ်လိုအပ်တဲ့ မြေဖောင်ဒေးရှင်း၊ နံရံ ၊ အမိုး ၊ တံခါး ၊ မျက်နှာကျက် စသည် စသည် ဒီလိုတွေ နားလည်ထားရမှာပါ။

ဒါတွေက ဂီတမှာဆိုရင် ဘာတွေလဲ။ တတ်နိုင်သလောက် မြန်မာလို ကြိုးစားရေးကြည့်ပါမယ်။

---

၁။ အသံ - ( Sound )

အသံရဲ့ သဘာဝ၊ အနိမ့်အမြင့်၊ အတိုးအကျယ်၊ အရောင် နဲ့ ဖွဲ့စည်းပုံ

၂။ အသံဆိုင်ရာ ပစ္စည်းများ - ( Performing Media )

သီဆိုသံ အမျိုးမျိုး နဲ့ range၊ တူရိယာအမျိုးမျိုးရဲ့ အသံနဲ့ အသံထုတ်ပုံ သဘော၊ လျှပ်စစ်တူရိယာများ

၃။ စည်းချက် - ( Rhythm )

၄။ သံစဉ် - ( Melody )

၅။ ဟာမိုနီ၊ ကီး၊ စကေး၊ မုဒ် - ( Harmony, Key, Scale, Mode )

၆။ ဂီတအလွှာများရဲ့ အသွင်အပြင်နဲ့ သဘောတရား - ( Texture )

၇။ အသေးစားမှ အကြီးစား ဂီတတည်ဆောက်ပုံများ - ( Form )

၈။ ခေတ်အလိုက်၊ ဖျော်ဖြေမှုပုံစံအလိုက် ဂီတ style များ၊ genre များ၊ အတွေးအခေါ်များ အကျဉ်းချုပ် - ( Performance & Style )

---

ဒါဟာ အဆင့် (၁) ဖြစ်ပါတယ်။ နား နဲ့ နားလည်မှုကို အဓိကထားတာပါ။ နုတ်တွေ သီအိုရီတွေကို လုံးဝမကိုင်သေးပါဘူး။ ဒီအဆင့်ပြီးတဲ့သူဟာ ဆက်ပြီးလေ့လာမှုတွေလဲ ကောင်းကောင်းလုပ်နိုင်သလို၊ ဂီတစကားဝိုင်းတွေမှာလဲ ဝေါဟာရ မှန်မှန်ကန်ကန် ဝင်ရောက် ဆွေးနွေးလေ့လာနိုင်နေပါပြီ။

ဂီတနားထောင်တဲ့အခါ ဘယ်အပိုင်းက ဘယ်လိုပါလားဆိုတာကို ပိုသတိထားနိုင်လာပြီး “ informal “ လေ့လာမှုတွေ ကိုယ်တိုင်လုပ်ဖြစ်လာပါတယ်။ စာသင်သလိုမဟုတ်ပဲ သတိထားမှုကြောင့် သင်ယူမိလာတာတွေပေါ့။ ဒါကြောင့် သီအိုရီမတိုင်ခင် ပထမခြေလှမ်းကို ဒီလိုမှတ်ပါ။

Musical Elements & Appreciation လို့ခေါ်ပါတယ်။

—--

အဆင့် ၂။ Musical Language: Reading & Writing

ဂီတဘာသာစကား အရေး အဖတ်

ဂီတသီအိုရီပါပဲ။

အဆင့် (၁) ကို listening လို့သဘောထားမယ်ဆိုရင် အဆင့် (၂) က အရေး၊ အဖတ် ပေါ့။ ABRSM သင်ရိုးအတိုင်း သွားရမယ် မဟုတ်ပေမဲ့ ABRSM ဂရိတ် ၁ ကနေ ၅ အထိ အကြောင်းအရာအကုန်လုံးကို သိသင့်တယ်လို့ ကျွန်တော်က ပြောချင်ပါတယ်။ အဆင့် ၂ မှာတင် သိသင့်တာပါ မှန်ပါတယ်။

ABRSM grade 5 ဟာ ခေတ်ကာလအခြေအနေအရ “အဆင့်မြင့်” လက်မှတ်တစ်ခုလိုဖြစ်နေပေမဲ့ တကယ်တော့ “အဆင့်မှီ” ဖို့ မဖြစ်မနေ ကျော်ဖြတ်ရမဲ့ အဆင့်ပါ။ အထက်တန်းအောင်လက်မှတ်လိုပေါ့ ဘွဲ့တော့မရသေးပါဘူး။

ဒါကလဲ အခုခေတ်မှာ ထင်သလောက် အလှမ်းမဝေးတော့ပါဘူး။ ကျွန်တော့်ရဲ့ ကျောင်းသားတွေမှာ အငယ်ဆုံး ၁၄ နှစ်အထိ Grade 5 ပြီးထားသူတွေရှိပါတယ်။

ဒီသင်တန်းမှာ ABRSM လမ်းကြောင်းကို ၂ နှစ်နီးပါးအချိန်ပေးပြီး “မလျှောက်ချင်/မလျှောက်နိုင်” သူတွေအတွက် ဒီလိုစီစဉ်ပေးထားပါတယ်။

ဂရိတ် ၁ ခုချင်းစီ အစဉ်လိုက်သွားမှာမဟုတ်ပဲ၊ ဂရိတ် ၁ ကနေ ၅ အထိထဲက ခေါင်းစဉ်ငယ်အားလုံးကို သက်ဆိုင်ရာအလိုက် စုပြီး ခေါင်းစဉ်ကြီး ၈ ခု ခွဲထုတ်လိုက်ပါတယ်။

ခေါင်းစဉ်ကြီးတစ်ခုစီကို ပို့ချမှုအရှည် ၁ ရက်ကနေ ၂ ရက်စာအထိပဲ ခွဲထားပါတယ်။ ဒီ ၂ ရက်အတွင်းမှာ ခေါင်းစဉ်ကြီးနဲ့ ပတ်သက်တဲ့ ဂရိတ် ၁ အဆင့်ကနေ ၅ အဆင့်ထိ ဆွဲခေါ်သွားမှာ ဖြစ်ပါတယ်။

ခေါင်းစဉ်ကြီး ၈ ခု ကိုကြည့်ရအောင်။

၁။ စည်းချက် နဲ့ အချိန် - Rhythm & Time

၂။ အသံအနိမ့်အမြင့် နဲ့ အနောက်တိုင်းနုတ်ရေးဖတ်မှု စနစ် - Pitch & Notation

၃။ စကေးနဲ့ ကီးများ - Scales & Keys

၄။ ဂီတနုတ်များကြား အကွာအဝေး - အခြေခံ - Intervals

၅။ ဂီတနုတ်များကြား အကွာအဝေး - အဆင့်မြင့် - Intervals

၆။ ကော့ဒ် နဲ့ ဟာမိုနီ - အပိုင်းကြီး ၁ - Chords & Harmony

၇။ ကော့ဒ် နဲ့ ဟာမိုနီ - အပိုင်းကြီး ၂ - Chords & Harmony

၈။ အခေါ်အဝေါ်၊ သင်္ကေတ၊ တူရိယာ၊ ဂီတအရည်အချင်းများ - Terms, Signs & Musicianship

---

ဒီ အဆင့် (၂) ကတော့ အဆင့် ၁ ထက် အများကြီးပို သိပ်သည်းပြီး ပိုခက်ခဲပါလိမ့်မယ်။ လေ့လာသူချင်းအတူတူကိုမှ ပို့ချမှုအတွင်းမှာ ဘယ်လောက်အာရုံစိုက်လဲ၊ ပို့ချမှုအပြီးမှာ လေ့ကျင့်ခန်း ဘယ်လောက်လုပ်လဲပေါ် မူတည်ပြီး ရလဒ် အများကြီးကွဲပြားသွားမှာပါ။

ဒီအဆင့်ပြီးတဲ့အခါ အထက်တန်းအောင်ပါပြီ။ လေ့ကျင့်ခန်းတွေ ဆက်လုပ်ဖြစ်သူတွေကတော့ ABRSM grade 5 စာမေးပွဲ ဆက်ဖြေဆိုနိုင်မှာဖြစ်ပြီး ကျောင်းလျှောက်၊ အလုပ်လျှောက် လုပ်လို့ရပြီဖြစ်ပါတယ်။

—-

ဆက်ပြောမဲ့ အဆင့် ၃ နဲ့ အဆင့် ၄ ကတော့ ဘွဲ့ကြို အဆင့်ပါ။ ဆက်ဖတ်ပါဦး။

—-

အဆင့် ၃။ History

သမိုင်း

အနုပညာ သမိုင်းကြောင်းနဲ့ လက်ရှိ ကမ္ဘာတလွှားက ဂီတရေစီးကြောင်းကို မျက်စိပိတ်၊နားပိတ်ဖြစ်နေတဲ့အခါ ကိုယ့်ရဲ့ အနုပညာအတွေးအခေါ်က ရေအိုင်ထဲက ဖားလေးလိုဖြစ်နေမယ်ဆိုတာ ကျွန်တော်အတင်းတိုက်တွန်းပြောစရာ မလိုလောက်ပါဘူး။ ဒီအခါ ကိုယ့်ရဲ့ အယူအဆ၊ အငြင်းအခုံ၊ ဖန်တီးမှုနဲ့ အတွေးအခေါ်တွေက အများရှေ့မှာ “ဘက်ပဲ့” နေတတ်ပါတယ်။

ဒီသင်တန်းမှာ ခေတ်တစ်ခုချင်းစီ အသေးစိတ်ချဲ့ပြီး မသွားပါဘူး။ အစနဲ့ အဆုံးတလျှောက်ကို ခြုံငုံမြင်နိုင်အောင်လို့ ဒီလို အပိုင်းကြီး ၄ ခုခွဲထားပါတယ်။

၁။ “Classical” လို့ အကြမ်းပျင်းယူဆတဲ့ အဓိက ခေတ်ကာလများ “မတိုင်မီ” ခေတ်ဟောင်းကာလ

၂။ “Classical” ကာလများ

၃။ “Classical” ခေတ်များ “အလွန်”, စတင်ခွဲထွက်လာသောခေတ်များ

၄။ ၁၉၀၀ မှ အခုထိ၊ ခေတ်သစ်

ဒီအဆင့်ကို လေ့လာချိန်မှာ ရှေ့ အဆင့် ၁ နဲ့ ၂ က နားလည်မှုတွေကို သယ်ဆောင်လာပြီးသားဖြစ်တဲ့အတွက် ခေတ်တစ်ခုချင်းစီက အတွေးအခေါ်၊ ဂီတပုံစံနဲ့ စနစ်တွေကို ပိုပြီး ထိုးထွင်းနားလည်နိုင်မှာပါ။

ဒီ အဆင့် ပြီးတဲ့အခါ ဂီတစတိုင်၊ ခေတ်၊ စနစ် နဲ့ အတွေးအခေါ်တွေကို ချိတ်ဆက်မြင်တတ်သွားပါပြီ။ ကမ္ဘာ့ဂီတတွေကို ဆက်လက် လေ့လာမှုအပိုင်းမှာရော၊ ပညာရှင်တွေနဲ့ ဆွေးနွေးမှု အပိုင်းမှာရော အမြင်ကျယ်ကျယ်နဲ့ ပါဝင်နိုင်မှာဖြစ်ပါတယ်။ ဂုဏ်ယူပါတယ် ပင်လယ်ထဲ ရောက်ပါပြီ။ စ ရွက်လွှင့်ရပါတော့မယ်။

—-
အဆင့် ၄။ The path of Creation

ဖန်တီးမှု လမ်းစဖြစ်ပါတယ်လမ်းစဖြစ်တဲ့အတွက် ပြီးတဲ့အခါ ကိုယ်တိုင်ဆက်လျှောက်ရတော့မှာပါ။

အပိုင်းကြီး ၅ ပိုင်းပါပါမယ်။

---

၁။ ခွဲခြမ်းစီစစ်မှု analysis

သီချင်းကောင်း ဖန်တီးတတ်ဖို့ဆိုတာ

- သီချင်းကောင်းဆိုတာ ကိုယ့်အတွက်ဘာလဲ အရင်သိရပါတယ်။

- နောက်ပြီး ဒီသီချင်းကောင်းတွေကို ဘယ်လိုဖန်တီးထားလဲ ထိုးထွင်းသိရပါတယ်။

ဒါကြောင့် ကိုယ့်အတွက် ကောင်းတယ်လို့ ယူဆတဲ့ သီချင်းတွေကို စီစစ်လေ့လာတတ်ဖို့လိုပါတယ်။ ဒီအခန်းမှာ Analysis process ကို သီချင်းမျိုးစုံနဲ့ ဥပမာတွေ ပြသွားပါမယ်။

၂။ ဖန်တီးမှုလမ်းစ နဲ့ စိတ်ထား

ကိုယ်ပိုင် စည်းချက်နဲ့ သံစဉ်တွေရေးတတ်အောင် အသေးစိတ် သင်ပေးပါမယ်။ နောက်ပြီး ဒီ့ထက်အမြင့်က ဖန်တီးမှုပိုင်းဆိုင်ရာ စိတ်ထားတွေကို အကြမ်းပျင်း မိတ်ဆက်ပေးသွားပါမယ်။

၃။ ဟာမိုနီ - ဘာတွေ ဘယ်လိုရှိ

ဒီအဆင့်မှာ ဟာမိုနီ နဲ့ ကော့ဒ်တွေကို အလွတ်ကျက်စနစ်မဟုတ်ပဲ ပရော်ဖက်ရှင်နယ်ကျကျ စတင်လေ့လာနိုင်ပါပြီ။ ဒီအတွက် လမ်းကြောင်းတွေကို ပြောပြပေးသွားမှာ ဖြစ်ပါတယ်။ အပြည့်မသင်ပါဘူး။ အတွေးအခေါ်နဲ့ လမ်းကြောင်းပါပဲ။ ဟာမိုနီက အရမ်းများပါတယ်။ သက်သက်ထပ်လေ့လာရမှာ ဖြစ်ပါတယ်။

၄။ ဂီတအရည်အချင်းများ - ကိုယ်တိုင်လေ့လာဖို့လမ်းကြောင်း

သင်ပြီးသမျှ အရာအားလုံးကို သိတဲ့အဆင့်ကနေ ကျွမ်းတဲ့အဆင့်ဖြစ်လာဖို့ လေ့ကျင့်ခန်းတွေပေးမှာ ဖြစ်ပါတယ်။ လေ့ကျင့်မှုကတော့ ကိုယ့်အပေါ် မူတည်ပါတယ်။ အဓိကကတော့ နုတ်ရေး၊ နုတ်ဖတ်၊ နားလေ့ကျင့်ခန်းတွေပေါ့။

၅။ နောက်ဆုံးရက် - အကုန်လုံးကို အနှစ်ချုပ်ပေးမှာဖြစ်ပြီး မေးခွန်းများ လက်ခံသွားပါမယ်။

—

ဒါဆို ဒီသင်တန်းရဲ့ ပါဝင်တဲ့ အဆင့်တွေကို သိသွားပါပြီ။ စာမေးပွဲက ဒီအထိပါပဲ။ ဘယ်လိုတက်ရမလဲဆိုတာ ဆက်ဖတ်ပေးပါဦးခင်ဗျ။

---

အဆင့် (၄) ခုရှိတဲ့အထဲမှာ အဆင့် (၁)၊ ၈ ရက်စာလုံးကို အခမဲ့ တိုက်ရိုက် တက်ရောက်နိုင်ပါတယ်။

ကောမန့်မှာ “တက်ပါမယ်” လို့မန့်ခဲ့ပါခင်ဗျ။ မက်ဆင်ဂျာမှာ စာမေးပွဲမေးခွန်းပို့ပေးပါမယ်။

---

ကျန်တဲ့အဆင့် ၂ ၊ ၃ ၊ ၄ ( ၂၂ ) ရက်ကို ဆက်ပြီးတက်မယ်ဆိုရင် သင်တန်းကြေး ၅ သိန်းကျပ် ဖြစ်ပါတယ်။

၂၂ ရက်ကို တစ်ပတ် တစ်ရက်နဲ့ ၂၂ ပတ် တက်ရမှာပါ။

နေ့တိုင်းတက်ရရင် စာအရမ်းများလို့ လိုက်နိုင်မှာ မဟုတ်ပါဘူး။ ဒါကြောင့် ၁ ပတ် စီခွဲလိုက်ပါတယ်။

တိုက်ရိုက်အချိန်အတွင်းတွေမှာ သင်လိုက်တဲ့ ခေါင်းစဉ်ငယ်လေးတွေ တစ်ခုချင်း အကျယ်ချဲ့ထားတဲ့ video တွေကို Telegram ကနေ ထပ်ပို့ပေးမှာဖြစ်ပါတယ်။

Video တွေကတော့ များပါတယ်။ အပတ်တိုင်း လိုက်လုပ်လို့လဲရပါတယ်။ သင်တန်းကာလ အပြီးမှာမှ အသေးစိတ် အချိန်ပေးပြီး ကြည့်နိုင်မယ်ဆိုလဲ သိမ်းထားလို့ရပါတယ်။

တိုက်ရိုက် အချိန်တွေအတွက် အချိန်ဇယားအသေးစိတ်ကို ပုံတွေမှာ ကြည့်ပေးပါခင်ဗျ။

တစ်ပတ်ကို ၃ ချိန် ဖွင့်ပေးထားတာပါ။ ကြိုက်တဲ့ ၁ ချိန်ရွေးတက်ရင် လုံလောက်ပါပြီ။ ဒါကိုပဲ ပြန်ပြန်သင်မှာ။ ရွေးချယ်စရာ ရှိစေရန်အတွက်ပါ။

ရွေးချယ်စရာ အချိန်များများ ပေးထားမှာမို့ လွတ်မှာပူစရာမလိုပါဘူး။ လွတ်ရင်လဲ recording video ရပါမယ်။ အားတယ်ဆို ၂ ခါ ၃ ခါ လာလာတက်နေလို့လဲ ရပါတယ်။

ရှင်းလင်းစေရန် - တစ်ပတ်မှာ ကြိုက်တဲ့ ၁ ချိန်ရွေးတက်ရင် လုံလောက်ပါပြီ။ တစ်ပတ် ၃ ရက် တက်ရမှာ မဟုတ်ပါ။

---

စာကြိုးစားရင် ဒီလို စကော်လာရှစ်တွေ ရှိပါတယ်၊

အခမဲ့ (၈) ရက်မှာ

၂ ရက်တက်ရင် - 5% off

၃ ရက်တက်ရင် - 10% off

၄ ရက်တက်ရင် - 15% off

၅ ရက်တက်ရင် - 20% off

၆ ရက်တက်ရင် - 25% off

၇ ရက်တက်ရင် - 30% off

၈ ရက်လုံး အပြည့်တက်ရင် - 40% off ( ၂ သိန်းကျပ် စကော်လာရှစ် )

လာပြီးပြန်ထွက်ရုံနဲ့ Attendance မရပါဘူး ခင်ဗျ။ အတန်းချိန် အဆုံးထိ တက်မှရမှာပါ။

--

အခမဲ့ ၈ ရက်အတွက် စာရင်းပေးဖို့ "တက်ပါမယ်" လို့ မန့်ခဲ့ပေးပါ။

မေးခွန်းတွေရှိသေးရင် "ရှင်းပြပေးပါ" လို့ မန့်ခဲ့ပေးပါ။

၂၄ နာရီအတွင်း အကြောင်းပြန်ပေးပါမယ်။

ဒီအထိ သေချာဖတ်နိုင်တဲ့သူဆို လေ့လာအားကောင်းတယ်လို့ သတ်မှတ်လိုက်ပါမယ်။ မကြာခင်ပြန်တွေ့ကြပါမယ်ခင်ဗျ။ ကျေးဇူးတင်ပါတယ်။

Rangoon Raccoons

10/04/2026

Jazz ဂီတကို စတင်လေ့လာတဲ့အခါ Major scale, Minor scale, Diminished Scale, Altered Scale, Wholetone နဲ့ သူတို့ရဲ့ Mode တွေ စသဖြင့် လေ့ကျင့်စရာက Scale ပေါင်း သောင်းခြာက်‌ေထာင် ဖြစ်နတတ်ပါတယ်။ အဲ့တော့ သင်တန်းသားအများစုက ရှေ့မရောက်ဘဲ လေ့ကျင့်နေရင်းပဲ အသက်တွေသာ ကြီးသွားရပါတယ်။ ဒီလိုမဖြစ်ရအာင် ကျနော်တို့လို့ သင်ကြားသူ‌ေတွက Jazz ဂီတကိုရှိရင်းစွဲထပ် ပိုမရှုပ်ဘဲ လေ့လာရ၊ သင်ယူရ လွယ်ကူအောင် ရိုးရှင်းတဲ့ ရှုထောင့်၊ နည်းစနစ်‌ေတွနဲ့ သင်ကြားသင့်ပါတယ်။ ဒီနေ့မှ‌ာတာ့ Jazz Guitar အတွက် ကျနော့်ရဲ့ Scale တွေ၊ Mode တွေအပေါ် မြင်ပုံနဲ့ သင်ကြားပုံတွေထဲက တစ်ခုကို ရှင်းပြပေးချင်ပါတယ်။

ရှေ့ပိုစ့်‌ေတွမှာ G7 နဲ့ C #7 က B နဲ့ F Tritone Interval ပါဝင်ကြလို့ ဖလှယ်အစားထိုးလို့ရကြောင်း ပြောခဲ့ပါတယ်။

Tritone Substitution အကြောင်းကို ဒီမှာဖတ်နိုင်ပါတယ်။

https://www.facebook.com/share/p/1B6NYzrSoK/

B နဲ့ F Tritone ပါဝင်တဲ့ Chord က နောက် နှစ်ခုရှိပါသေးတယ်။ သူတို့တွေကတော့ Bm7b5 ( B D F A ) နဲ့ Fm7b5 ( F G # B D # ) တို့ပဲ ဖြစ်ပါတယ်။ သေချာကြည့်ရင် Bm7b5 က D ကနေ ကြည့်ရင် Dm6 ဖြစ်နေပြီး၊ Fm7b5 ကလဲ G # ကနေကြည့်ရင် G ဖြစ်နေပြန်ပါတယ်။ အဲ့တော့ အလွယ်မှတ်ရရင် Minor7b5 ကောဒ့်တွေဟာ သူတို့ရဲ့ 3rd Minor6 ကောဒ့်တွေနဲ့ Synonym ဖြစ်နေပါတယ်။ ရှေ့ပိုစ့်တွကို သေချာဖတ်ထားတဲ့ သူတွေကတာ့ ဒီအထိကို နားလည်မယ်လို့ ထင်ပါတယ်။ မဖတ်ရသးတဲ့ လူတွေကလဲ Synonym အကြောင်းကို အောက်က link မှာ ဖတ်နိုင်ပါတယ်။

https://www.facebook.com/share/v/1CpYWcW5tN/

ဒါဆို ဆက်ပြောရအောင်။
အဲ့တော့ G7 နေရာမှာ G နဲ့ Dm6 ကို တီး နိုင်ပါတယ်။ Minor6 ရဲ့ Chord Scale ချိတ်ဆက်မှုအရ Jazz ဂီတမှာ Minor6 ပေါ်မှာ Melodic minor Scale ကို တီးရပါတယ်။ အဲ့တော့ G ပေါ်မှာ G # Melodic minor နဲ့ Dm6 အပေါ်မှာ D Melodic minor scale ကို တီးခတ်နိုင် သွားပါတယ်။

အရင်ဆုံး G # Melodic minor scale ကိုကြည့်ပါမယ်။ Melodic minor scale ဖွဲ့စည်းပုံက b3 , Natural 7 ဖြစ်ပါတယ်။ Scale ဖွဲ့စည်းပု‌ံ‌ေတွကိုတာ့ ပိုစ့်တစ်ခုနဲ့ ရှင်းပြပေးပါမယ်။

ဆက်ရရင် G # Melodic minor က

G # A # B C # D # E # F # # G # ဖြစ်ပါတယ်။

ဒါကို G ကနေကြည့်ရင်
G # က b9
A # က #9
B က 3rd
C # က b5
D # က #5
F ဖြစ်တဲ့ E # က b7
G ဖြစ်တဲ့ F # # က 1 ဆိုပြီး ရပါတယ်။

ပြန်စီလိုက်ရင် ဒါက G Dominant Altered Scale ပဲ ဖြစ်နေပါတယ်။ ဒီ Scale ကို G7Alt Chord ပေါ်မှာ တီးကြပါတယ်။ ဒါဆိုရင် ဘာလုပ်လို့ရလဲဆက်ပြောပါမယ်။

ကျနော်တို့က G7Alt ကော့ဒ်ပေါ်မှာ တီးဖို့အတွက် G Dominant Altered Scale ကို တကူးတကကြီး ရှာကျင့်နေစရာမလိုတော့ဘဲ မဖြစ်မနေ သိရမယ့် Minor scale ဖြစ်တဲ့ Melodic Minor Scale ကို လေ့ကျင့်ထားရုံနဲ့ Altered Scale ကို ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌တီးခတ်နိုင်မှာဖြစ်ပါတယ်။ အလွယ်မှတ်ရရင် 7Alt ကောဒ့်ပေါ်မှာ Root ရဲ့ Halfstep မြင့်တဲ့ Melodic Minor scale ကို တီးနိုင်ပါတယ်။ စာနဲ့မို့ ရှုပ်‌ေနနိုင်ပမယ့် ဂစ်တာပေါ်မှာတော့ သူ့ရဲ့ နောက်တစ်ဘားက Melodic Minor scale ကို တီးလို့ ရတယ်လို့ တွေးရင်လွယ်ပါတယ်။ သဘောပေါက်မယ်လို့ မျှော်လင့်ပါတယ်။

G7Alt ပေါ်မှာ G # Melodic Minor

နောက်ထပ် Dm6 ကိုကြည့်ရအောင်။ သူ့ကိုလဲ Melodic Minor scale ပဲဆိုတော့ ဒီလိုဖြစ်သွားပါမယ်။

D E F G A B C # D

ဒါကိုပဲ G ကနေ ပြန်ကြည့်တဲ့အခါ G Lydian Dominant Scale ဖြစ်နေပါတယ်။ သူ့ကိုတော့ Lydian Dominant Chord ဖြစ်တဲ့ G7 #11 ပေါ်မှာသုံးပါတယ်။ ii minor Chord ကိုမသွားခင်မှာ II7, Tonic ကိုသွားတဲ့ bVII7 အနေနဲ့ အတွေ့များပါတယ်။

ဒီမှာလဲ တူတူပဲ။ G7 #11 Chord အတွက် တကူးတကကြီး Lydian Dominant ဆိုတဲ့ Scale ကို ကျင့်မ‌ေန‌ေတာ့ဘဲ Synonym ရဲ့ ရှုထောင့်က‌ေန D Melodic Minor Scale ကို တီးနိုင်ပါတယ်။ အဲ့တော့ G7 #11 တွေ့တဲ့အခါ D Melodic Minor Scale ကို တီးနိုင်ပါတယ်။ အလွယ်မှတ်ရရင်တာ့ 5th Melodic Minor ကိုတီးတယ်လို့ မှတ်နိုင်ပါတယ်။

G7 #11 ပေါ်မှာ D Melodic Minor

ဒီနေ့အတွက်ကတော့ ဒီလောက်ပါပဲ ဒီအယူအဆက ကျနော့်ရဲ့ ဂစ်တာပေါ်မှာကိုယ်ပိုင်မှတ်သားပံု အယူအဆဖြစ်လို့ သဘောထားကွဲလွဲနိုင်ပါတယ်။ ကျန်တဲ့ တူရိယာတွအပါ်မှာ အလုပ်ဖြစ်၊ မဖြစ် ( လွယ်သွား၊ မလွယ်သွား ) ကတော့ ကျ‌ေနာ်မသိပါဘူး ခင်ဗျာ။

ကျနော်ကတော့ Theo ဖြစ်ပါတယ်။ Jazz Guitar နဲ့ Jazz Theory ကို ဒီထပ်ပိုနားလည်ချင်ရင်တာ့ Rangoon Raccoons ရဲ့ Jazz Theory & Guitar Course ကို တက်ရောက်သင်ကြားနိုင်ပါတယ်။ အောက်က Link မှာ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌သင်တန်းအကြောင်း လေ့လာနိုင်ပါတယ်။

https://www.facebook.com/61554367288439/posts/122248634558145576/

Rangoon Raccoons

13/09/2026

12/09/2026

08/06/2026

05/06/2026

02/06/2026

26/05/2026

25/05/2026

24/05/2026

20/05/2026

10/04/2026

Address

Website

Alerts

Shortcuts

Share

Category

Listing takedown request