Myanmar Journalists Association

Myanmar Journalists Association Myanmar Journalists Association, Founded on 11th August, 2012.

#ကဆုန်လပြည့်ဗုဒ္ဓနေ့တွင်_ပြစ်ဒဏ်လွတ်ငြိမ်းသက်သာခွင့်အမိန့်များထုတ်ပြန်ရန်ကုန်၊ ဧပြီ ၃၀ပြည်ထောင်စုသမ္မတမြန်မာနိုင်ငံတော်...
30/04/2026

#ကဆုန်လပြည့်ဗုဒ္ဓနေ့တွင်_ပြစ်ဒဏ်လွတ်ငြိမ်းသက်သာခွင့်အမိန့်များထုတ်ပြန်
ရန်ကုန်၊ ဧပြီ ၃၀
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ သည် ၁၃၈၈ ခုနှစ်၊ ကဆုန် လပြည့်နေ့တွင် ကျရောက် သည့် ကဆုန်လပြည့်ဗုဒ္ဓနေ့အထိမ်းအမှတ်အားဖြင့်လည်းကောင်း၊ ပြည်သူ လူထု နှလုံးစိတ်ဝမ်းအေးချမ်းစေရေး နှင့် လူသားချင်းစာနာထောက်ထားမှုကို အလေးထားသောအားဖြင့် လည်းကောင်း၊ နိုင်ငံတော်၏ မေတ္တာနှင့် စေတနာကို နားလည်စေရန် ရှေးရှုသောအားဖြင့်လည်းကောင်း ၁၃၈၈ ခုနှစ်၊ ကဆုန်လပြည့်နေ့ (ခရစ်နှစ် ၂ဝ၂၆ ခုနှစ်၊ ဧပြီလ ၃၀ ရက်) ရက်စွဲဖြင့် အမိန့်အမှတ် - ၅၀၊ ၅၁ နှင့် ၅၂ တို့ကို နိုင်ငံတော်သမ္မတရုံးမှ ထုတ်ပြန်ကြေညာ ထားသည်။
အဆိုပါ ထုတ်ပြန်ကြေညာချက်များတွင် အမိန့်အမှတ် - ၅၀/၂၀၂၆ အရ ကဆုန်လပြည့်နေ့ (ခရစ်နှစ် ၂ဝ၂၆ ခုနှစ်၊ ဧပြီလ ၃၀ ရက်) မတိုင်မီ ကျူးလွန်ခဲ့သော ပြစ်မှုတစ်ခုခုနှင့်စပ်လျဉ်း၍ ပြစ်ဒဏ်ချမှတ်ခြင်းခံရပြီး အကျဉ်းထောင်/ အချုပ်ထောင်/စခန်းအသီးသီးတွင် ပြစ်ဒဏ်ကျခံလျက်ရှိသော အကျဉ်းသား / သူများကို ရာဇဝတ်ကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁) အရ ယင်းတို့ကျခံရန်ကျန်ရှိသောပြစ်ဒဏ်၏ခြောက်ပုံတစ်ပုံကို လွတ်ငြိမ်းသက်သာခွင့်ပြု လိုက်ကြောင်း၊ အမိန့်အမှတ် - ၅၁/၂၀၂၆ အရ လူထု နှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက် ထားမှုကို အလေးထားသောအားဖြင့် လည်းကောင်း၊ နိုင်ငံတော်တည်ဆောက်ရေးတွင် ပါဝင်နိုင်စေရန်အတွက် လည်းကောင်း အကျဉ်းထောင်း အချုပ်ထောင် စခန်းအသီးသီးတွင် ပြစ်ဒဏ်ကျခံလျက်ရှိသော အကျဉ်းသား အကျဉ်းသူ ၁၅၀၈ ဦးကို ရာဇဝတ်ကျင့်ထုံးဥပဒေ ပုဒ်မ ၄၀၁ ပုဒ်မခွဲ (၁) အရ နောက်တစ်ကြိမ် ပြစ်မှုထပ်မံ ကျူးလွန် ပါက ၎င်းပြစ်ဒဏ်အပြင် ယခုကျခံရန် ကျန်ရှိသော ပြစ်ဒဏ်များကိုပါ ဆက်လက်ကျခံပါမည်” ဟူသော စည်းကမ်းသတ်မှတ်ချက်ဖြင့် ယင်းတို့ကျခံရန် ကျန်ရှိသော ပြစ်ဒဏ်များအပေါ် လျှော့ပေါ့၍ ပြစ်ဒဏ် လွတ်ငြိမ်းခွင့်ပြုလိုက်ကြောင်း ဖော်ပြထားသည်။
ထို့အပြင် အမိန့်အမှတ် - ၅၂/၂၀၂၆ အရ နိုင်ငံ အချင်းချင်း မိတ်ဝတ်မပျက်ဆက်ဆံရေးကို ရှေးရှုသောအားဖြင့် လည်းကောင်း၊ လူသားချင်းစာနာ ထောက်ထားမှုကို အလေးထားသောအားဖြင့်လည်းကောင်း အကျဉ်းထောင် / အချုပ်ထောင်အသီးသီးတွင် ပြစ်ဒဏ်ကျခံလျက်ရှိသော နိုင်ငံခြားသားအကျဉ်းသား / သူ ၁၁ ဦးကို ရာဇဝတ် ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခု ကျခံရန် ကျန်ရှိသောပြစ်ဒဏ်များကိုပါ ဆက်လက်ကျခံပါမည်” ဟူသော စည်းကမ်းသတ်မှတ်ချက်ဖြင့် ယင်းတို့ ကျခံရန်ကျန်ရှိသော ပြစ်ဒဏ်များအပေါ် လျှော့ပေါ့ပြီး ပြစ်ဒဏ်လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်ကြောင်း ထုတ်ပြန်ထားသည်။
Credit: Myanmar President Office

#ရဲရဲ(ပျဉ်းမနား)

#သတင်းအေဂျင်စီလုပ်ငန်း_သုံးခု_ပိတ်သိမ်းကြောင်း_ပြန်ကြားရေးဝန်ကြီးဌာန_အသိပေးကြေညာ ရန်ကုန်၊ ဧပြီ ၂၄သတင်းအေဂျင်စီလုပ်ငန်းအ...
24/04/2026

#သတင်းအေဂျင်စီလုပ်ငန်း_သုံးခု_ပိတ်သိမ်းကြောင်း_ပြန်ကြားရေးဝန်ကြီးဌာန_အသိပေးကြေညာ

ရန်ကုန်၊ ဧပြီ ၂၄

သတင်းအေဂျင်စီလုပ်ငန်းအသိအမှတ်ပြုလက်မှတ်ရယူထားသူ ဆလိုင်းရန်လင်းမာန်၏ Chin World သတင်းအေဂျင်စီ၊ ဦးဂျေမှိန်းထန်းစန်းငါ၏ KHONUMTHUNG MEDIA GROUP သတင်းအေဂျင်စီနှင့် ဦးမင်းထက်အောင်၏ မျက်မှောက်ခေတ် (Nowadays News) သတင်းအေဂျင်စီတို့သည် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေ ပုဒ်မ ၈၊ ပုဒ်မခွဲ(ခ)ပါ စည်းကမ်းချက် ကို လိုက်နာခြင်းမရှိဘဲ နိုင်ငံတော်လုံခြုံရေး၊ တရားဥပဒေစိုးမိုးရေး၊ ထိခိုက်စေသည့် အများပြည်သူအေးချမ်းသာယာရေးတို့ကို အကြောင်းအရာများကို ရေးသားလွှင့်တင်ဖော်ပြခဲ့သည့်အတွက် ၎င်းတို့အားထုတ်ပေးထားသည့် သတင်းအေဂျင်စီလုပ်ငန်းများကို ၂၀၂၆ ခုနှစ်၊ ဧပြီလ ၉ ရက်နေ့မှစ၍ ပိတ်သိမ်းလိုက်ကြောင်း ပြန်ကြားရေးဝန်ကြီးဌာနက အသိပေးထုတ်ပြန်ထားသည်။
ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေပုဒ်မ ၆၊ ပုဒ်မခွဲ(ခ) အရ ပြန်ကြားရေးဝန်ကြီးဌာနသည် ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေပုဒ်မ ၈ ပါ စည်းကမ်းချက်တစ်ရပ်ရပ်နှင့် ငြိစွန်းသည် ဟု သံသယရှိသော ထုတ်ဝေစာကို ပုံနှိပ်၊ ထုတ်ဝေခဲ့ကြောင်း ခိုင်လုံ သောအထောက်အထားဖြင့် သတင်းပေးပို့ခြင်းကို လက်ခံရရှိလျှင် သော်လည်းကောင်း၊ ကိုယ်တိုင်သိရှိလျှင်သော်လည်းကောင်း သတ်မှတ်ချက်နှင့်အညီစစ်ဆေးပြီး ငြိစွန်းကြောင်း တွေ့ရှိပါက လုပ်ငန်းအသိအမှတ်ပြုလက်မှတ်ကို ပြန်လည်ရုပ်သိမ်းခြင်း သို့မဟုတ် ကာလအကန့်အသတ်ဖြင့် ရပ်ဆိုင်းခြင်းပြုနိုင်ကြောင်း ကြေညာချက်တွင် ဖော်ပြပါရှိသည်။
အဆိုပါ သတင်းအေဂျင်စီများအနေဖြင့် မီဒီယာအမျိုးအစားတစ်ခုခုကို အသုံးပြု၍ဖြစ်စေ၊ နည်းပညာ တစ်ရပ်ရပ်ကို အသုံးပြု၍ဖြစ်စေ ရေးသားထုတ်လွှင့်ဖော်ပြခြင်းမပြုရန်လည်း တားမြစ်ထားသည်။

ကိုးကား - ပြန်ကြားရေးဝန်ကြီးဌာန၏ အသိပေးကြေညာချက်

13/04/2026

#ဝမ်းနည်းကြေကွဲရပါကြောင်း

မြန်မာနိုင်ငံသတင်းစာဆရာအသင်း၏ ဗဟိုကော်မတီဝင် ဦးမောင်မောင်ဦး(ဟိန်းလတ်)၏ ဇနီး ဒေါ်သီရိခင် (B.Ed 71) သည် ဧပြီ ၁၃ ရက်နံနက်ပိုင်းက ကွယ်လွန်ကြောင်း ကြားသိရပါသဖြင့် ဆရာ ဟိန်းလတ် မိသားစုဝင်များနှင့် ထပ်တူ ဝမ်းနည်းကြေကွဲရပါကြောင်း ဖော်ပြအပ်ပါသည်။

#မြန်မာနိုင်ငံသတင်းစာဆရာအသင်း

#နိုင်ငံတော်သမ္မတနှင့်_အစိုးရအဖွဲ့သစ်အား_ဂါရဝပြုကြိုဆိုပါကြောင်း ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသစ် ...
10/04/2026

#နိုင်ငံတော်သမ္မတနှင့်_အစိုးရအဖွဲ့သစ်အား_ဂါရဝပြုကြိုဆိုပါကြောင်း
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသစ် ကတိသစ္စာပြုခြင်းနှင့် စတင်တာဝန်ယူခြင်း အခမ်းအနားကို နေပြည်တော်ရှိ ပြည်ထောင်စုလွှတ်တော်၌ ဧပြီ ၁၀ ရက် (ယနေ့) နံနက်ပိုင်းက ကျင်းပရာ ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ဒုတိယသမ္မတများဖြစ်ကြသည့် ဦးညိုစောနှင့် ဒေါ်နန်းနီနီအေးတို့သည် ပြည်ထောင်စုလွှတ်တော်တွင် ပြည်ထောင်စုလွှတ်တော် နာယက ရှေ့မှောက်၌ ကတိသစ္စာပြုပြီး ကတိသစ္စာပြုလွှာပေါ်တွင် လက်မှတ်ရေးထိုး ကတိသစ္စာပြုခဲ့ကြကြောင်း သိရှိရပါသည်။
နိုင်ငံတော်သမ္မတ ဦးမင်းအောင်လှိုင် စိတ်၏ ချမ်းသာခြင်း၊ ကိုယ်၏ ကျန်းမာခြင်းများနှင့် ပြည့်စုံပြီး ကိုယ်စိတ်နှစ်ဖြာ ကျန်းမာရွှင်လန်းစွာဖြင့် နိုင်ငံတော်၏ တာဝန်များကို ထမ်းဆောင်နိုင်ပါစေကြောင်း နှင့် အစိုးရအဖွဲ့သစ်အနေဖြင့် နိုင်ငံတော်နှင့် နိုင်ငံသူနိုင်ငံသားများ အေးချမ်းသာယာရေး၊ ငြိမ်းချမ်းရေးနှင့် ဖွံ့ဖြိုးတိုးတက်ရေး အတွက် စွမ်းစွမ်းတမံဆောင်ရွက်နိုင်ကြပါစေကြောင်း ဆုမွန်ကောင်းတောင်း လျက် ဂါရဝပြုကြိုဆိုအပ်ပါသည်။
#မြန်မာနိုင်ငံသတင်းစာဆရာအသင်း

#ပြည်ထောင်စုသမ္မတမြန်မာနိုင်ငံ_နိုင်ငံတော်သမ္မတသစ်နှင့်_ဒုတိယသမ္မတများ_ကတိသစ္စာပြုနေပြည်တော်၊ ဧပြီ ၁၀ ရက်ပြည်ထောင်စုသမ္...
10/04/2026

#ပြည်ထောင်စုသမ္မတမြန်မာနိုင်ငံ_နိုင်ငံတော်သမ္မတသစ်နှင့်_ဒုတိယသမ္မတများ_ကတိသစ္စာပြု
နေပြည်တော်၊ ဧပြီ ၁၀ ရက်

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသစ် ကတိသစ္စာပြုခြင်းနှင့် စတင်တာဝန်ယူခြင်း အခမ်းအနားကို နေပြည်တော်ရှိ ပြည်ထောင်စုလွှတ်တော်၌ ဧပြီ ၁၀ ရက် (ယနေ့) နံနက်ပိုင်းက ကျင်းပရာ ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ဒုတိယသမ္မတများဖြစ်ကြသည့် ဦးညိုစောနှင့် ဒေါ်နန်းနီနီအေးတို့သည် ပြည်ထောင်စုလွှတ်တော်တွင် ပြည်ထောင်စုလွှတ်တော် နာယက ရှေ့မှောက်၌ ကတိသစ္စာပြုပြီး ကတိသစ္စာပြုလွှာပေါ်တွင် လက်မှတ်ရေးထိုးခဲ့ကြသည်။
နိုင်ငံတော်သမ္မတအဖြစ် ကတိသစ္စာပြုပြီးနောက် အစိုးရအဖွဲ့သစ်အနေဖြင့် နိုင်ငံ့တာဝန်များကို စတင် ထမ်းဆောင်မည်ဖြစ်သည်။
တစ်ဆက်တည်းမှာပင် အမျိုးသားကာကွယ်ရေးနှင့် လုံခြုံရေးကောင်စီက ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၂၇ အရ ကာလုံက ကျင့်သုံးထားသည့် ဥပဒေပြုရေး၊ အုပ်ချုပ်ရေးနှင့် တရားစီရင်ရေးအာဏာသုံးရပ်ကို လွှဲပြောင်းပေးအပ်ကြောင်း ကြေညာခဲ့သည်။
နိုင်ငံတော်သမ္မတနှင့် ဒုတိယသမ္မတများ အတူကျမ်းကျိန်ပြီး ပြည်ထောင်စုလွှတ်တော်မှ ပြန်လည် ထွက်ခွာခဲ့ပြီး နောက် သက်ဆိုင်ရာဝန်ကြီးများ ဆက်လက်ကျမ်းကျိန်ဆိုခဲ့ကြသည်။
#သတင်းထုတ်ပြန်ရေးကော်မတီ

#တရုတ်နိုင်ငံ_ယူနန်နိုင်ငံတကာဆက်ဆံရေးဌာနညွှန်ကြားရေးမှူးနှင့်အဖွဲ့_မြန်မာနိုင်ငံသတင်းစာဆရာအဖွဲ့နှင့်တွေ့ဆုံရန်ကုန်၊ ဧပြ...
09/04/2026

#တရုတ်နိုင်ငံ_ယူနန်နိုင်ငံတကာဆက်ဆံရေးဌာနညွှန်ကြားရေးမှူးနှင့်အဖွဲ့_မြန်မာနိုင်ငံသတင်းစာဆရာအဖွဲ့နှင့်တွေ့ဆုံ
ရန်ကုန်၊ ဧပြီ ၉ ရက်

တရုတ်ပြည်သူ့သမ္မတနိုင်ငံ ယူနန်နိုင်ငံတကာဆက်ဆံရေးဌာန YICC မှညွှန်ကြားရေးမှူး Mr Zhang Ruogu နှင့် အဖွဲ့သည် ဧပြီ ၉ ရက် မွန်းလွဲပိုင်းက မြန်မာနိုင်ငံသတင်းစာဆရာအသင်း ဗဟိုအမှုဆောင်ကော်မတီဝင်များနှင့် လာရောက်တွေ့ဆုံခဲ့ပြီး တရုတ်-မြန်မာသတင်းမီဒီယာများ ပူးပေါင်းဆောင်ရွက်နိုင်မည့် လုပ်ငန်းစဉ်များကို ရင်းရင်းနှီးနှီး လာရောက်ဆွေးနွေးခဲ့သည်။

အဆိုပါတွေ့ဆုံပွဲသို့ တရုတ်ပြည်သူ့သမ္မတနိုင်ငံ ယူနန်နိုင်ငံတကာဆက်ဆံရေးဌာန YICC မှ ညွှန်ကြားရေးမှူး Mr Zhang Ruogu ၊ မင်္ဂလာမဂ္ဂဇင်း အကြီးအကဲ Miss Zhang Ying Liu(ဖွေးဖွေး) ၊ Miss Li Ling နှင့် မင်္ဂလာမဂ္ဂဇင်း (ရန်ကုန် ရုံးခွဲ)တာန်ခံ ဦးဇော်ရဲအောင်တို့ တက်ရောက်ခဲ့ကြပြီး မြန်မာနိုင်ငံသတင်းစာဆရာအသင်း ဒုတိယဥက္ကဌ ဦးသိန်းအေး၊ အတွင်းရေးမှူးဦးဇေယျာမြတ်ခိုင်၊ တွဲဖက်အတွင်းရေးမှူးဦးဌေးလင်း၊ ဗဟိုကော်မတီဝင်များ ဖြစ်ကြသည့် ဦးမောင်မောင်ဦး(ဟိန်းလတ်)၊ ဘဏ္ဌာရေးမှူးဒေါက်တာနည်ဝင်း(ကြည်ဇော်ဝင်း)၊ ဦးမင်းထွန်း၊ ဦးဌေးအောင်၊ ဦးအောင်သူရ၊ ဒေါ်အေးအေးစိုး တို့ တက်ရောက်ဆွေးနွေးခဲ့ကြပြီး အမှတ်တရလက်ဆောင်များ ပေးအပ်ခဲ့သည်။

#သတင်းထုတ်ပြန်ရေးကော်မတီ

#ပြည်ထောင်စုဝန်ကြီး_၃၀_ဦး_အမည်စာရင်း_လွှတ်တော်သို့တင်ပြရန်ကုန်၊ ဧပြီ ၇‎‎တတိယအကြိမ် ပြည်ထောင်စုလွှတ်တော် ပထမပုံမှန် အစည်...
07/04/2026

#ပြည်ထောင်စုဝန်ကြီး_၃၀_ဦး_အမည်စာရင်း_လွှတ်တော်သို့တင်ပြ
ရန်ကုန်၊ ဧပြီ ၇
‎‎တတိယအကြိမ် ပြည်ထောင်စုလွှတ်တော် ပထမပုံမှန် အစည်းအဝေး စတုတ္ထနေ့ကို ဧပြီ ၇ ရက်က ကျင်းပပြုလုပ် ရာ နိုင်ငံတော်သမ္မတအဖြစ် ရွေးချယ်တင်မြှောက်ခံရသူက တင်ပြထားသည့်_ ပြည်ထောင်စုဝန်ကြီး ၃၀ ဦး၏ အမည်စာရင်းကို လွှတ်တော်သို့ တင်ပြလိုက်သည်။
‎ပြည်ထောင်စုဝန်ကြီးများအဖြစ် ခန့်အပ်တာဝန်ပေးရန် ဦးခင်မောင်ရီ၊ ဦးအောင်ကျော်ဟိုး၊ ဦးတင်အောင်စန်း၊ ဦးမြထွန်းဦး၊ ဗိုလ်ချုပ်ကြီးထွန်းအောင်၊ ဒုတိယဗိုလ်ချုပ်ကြီးညွန့်ဝင်းဆွေ၊ ဦးတင်မောင်ဆွေ၊ ဒေါက်တာ ကံဇော်၊ ဒုတိယဗိုလ်ချုပ်ကြီးဖုန်းမြတ်၊ ဦးသန်းမောင်၊ ဒေါက်တာသီတာဦး၊ ဒေါက်တာချောချောစိန်၊ ဒေါက်တာ မျိုးသိန်း ကျော်၊ ဒေါက်တာသက်ခိုင်ဝင်း၊ ဒေါက်တာသက်သက်ဇင်၊ ဦးထိန်လင်း၊ ဦးတင်ဦးလွင်၊ ဦးမင်းနောင်၊ ဦးမျိုး ဇော်သိမ်း၊ ဦးဆန်းဦး၊ ဦးကိုကိုလွင်၊ ဒေါက်တာချာလီသန်း၊ ဦးမြင့်ကြိုင်၊ ဦးခင်မောင်စိုး၊ ဦးထွန်းအုံ၊ ဦးရဲမြင့်ထွန်း၊ ဒေါက်တာမောင်သင်း၊ ဦးမျိုးသန့်၊ ဒေါက်တာစိုးဝင်းနဲ့ ဦးမောင်မြင့်တို့ကို အမည်စာရင်း ပေးပို့ထားခြင်း ဖြစ်သည်။
‎ဖွဲ့စည်းရန် အတည်ပြုထားသည့် ဝန်ကြီးဌာနများမှာ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြား စီးပွား ဆက်သွယ်ရေးဝန်ကြီးဌာန၊ နိုင်ငံတော်သမ္မတရုံးဝန်ကြီးဌာန၊ ပို့ဆောင်ရေးဝန်ကြီးဌာန၊ ဒစ်ဂျစ်တယ်ဖွံ့ဖြိုးတိုး တက်ရေးနှင့် ဆက်သွယ်ရေးဝန်ကြီးဌာန၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊ နိုင်ငံခြားရေးဝန်ကြီး ဌာန၊ ဘဏ္ဍာရေးနှင့်အခွန်ဝန်ကြီးဌာန၊ နယ်စပ်ရေးရာဝန်ကြီးဌာန၊ တိုင်းရင်းသားလူမျိုးများရေးရာဝန်ကြီးဌာန၊ ဥပဒေရေးရာဝန်ကြီးဌာန၊ ပညာရေးဝန်ကြီးဌာန၊ သိပ္ပံနှင့်နည်းပညာဝန်ကြီးဌာန၊ ကျန်းမာရေးဝန်ကြီးဌာန၊ အမျိုးသမီးရေးရာဝန်ကြီးဌာန၊ ပြန်ကြားရေးဝန်ကြီးဌာန၊ သာသနာရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ လျှပ်စစ်နှင့်စွမ်းအင်ဝန်ကြီးဌာန၊ စက်မှုနှင့်အသေးစား၊ အငယ်စား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်သမားဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ အားကစားရေးရာဝန်ကြီးဌာန၊ လူငယ်ရေးရာဝန်ကြီးဌာန၊ ဆောက်လုပ်ရေးဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထား ရေးဝန်ကြီးဌာန၊ ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာနတို့ ဖြစ်သည်။
‎နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူက ပေးပို့ထားသော ပြည်ထောင်စုဝန်ကြီးများအဖြစ် ခန့်အပ်တာဝန်ပေးသင့်သော ပုဂ္ဂိုလ်များ အမည်စာရင်းနှင့်စပ်လျဉ်းပြီး ကန့်ကွက်လိုသည့် လွှတ်တော်ကိုယ် စားလှယ် ရှိပါက ဧပြီ ၈ ရက် မွန်းတည့် ၁၂ နာရီနောက်ဆုံးထားပြီး အမည်စာရင်းတင်သွင်းနိုင်ကြောင်းလည်း ပြည်ထောင်စုလွှတ်တော် နာယကက ကြေညာသည်။
‎ဆက်လက်ပြီး နိုင်ငံတော်သမ္မတအဖြစ် ရွေးချယ်တင်မြှောက်ခံရသူက အဆိုပြုတင်ပြသည့် မြန်မာနိုင်ငံတော် ဗဟိုဘဏ်ဥက္ကဋ္ဌအဖြစ် ဒေါက်တာ ခင်နိုင်ဦး၊ ဒုတိယဥက္ကဋ္ဌ ၃ ဦးနှင့် ဒါရိုက်တာ အဖွဲ့ဝင် ၅ ဦးတို့၏ အမည်စာရင်းကိုလည်း လွှတ်တော်သို့ တင်ပြခဲ့သည်။ ထို့အပြင် နိုင်ငံတော်သမ္မတအဖြစ် ရွေးချယ် တင်မြှောက်ခံ ရသူက အဆိုပြုတင်ပြတဲ့ အဂတိလိုက်စားမှု တိုက်ဖျက်ရေး ကော်မရှင် ဥက္ကဋ္ဌ အဖြစ် ဦးစိုးသိန်း အပါအဝင် အဖွဲ့ဝင် ၉ ဦး၏ အမည်စာရင်းကိုလည်း လွှတ်တော်သို့ တင်ပြခဲ့သည်။
ယခုအစည်းအဝေးတွင် နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူက တင်ပြထားသည့် ပြည်ထောင်စု တရားသူကြီးချုပ်အဖြစ် ဦးသာဌေး၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး အပါအဝင် အဖွဲ့ဝင်၁၅ ဦးတို့အား ခန့်အပ်တာဝန်ပေးသင့်သည့်ကိစ္စနှင့်ပတ်သက်ပြီး ကန့်ကွက်သူမရှိသည့် အတွက် အတည်ပြုကြောင်း ပြည်ထောင်စုလွှတ်တော်နာယက ဦးအောင်လင်းဒွေးက ကြေညာခဲ့သည်။

သတင်းထုတ်ပြန်ရေးကော်မတီ

#အထူးဂုဏ်ယူဝမ်းမြောက်ပါကြောင်းဗိုလ်ချုပ်မှူးကြီးမင်းအောင်လှိုင်အား ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတအ...
04/04/2026

#အထူးဂုဏ်ယူဝမ်းမြောက်ပါကြောင်း
ဗိုလ်ချုပ်မှူးကြီးမင်းအောင်လှိုင်အား ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတအဖြစ် ပြည်ထောင်စုလွှတ်တော်က ရွေးချယ်တင်မြှောက်ခဲ့သည့်အတွက် အထူးပင် ဂုဏ်ယူဝမ်းမြောက်ပါကြောင်း မြန်မာနိုင်ငံသတင်းစာဆရာအသင်းက မှတ်တမ်းတင် ဖော်ပြအပ်ပါသည်။
နိုင်ငံတော်သမ္မတ ဗိုလ်ချုပ်မှူးကြီးမင်းအောင်လှိုင် စိတ်၏ ချမ်းသာခြင်း၊ ကိုယ်၏ ကျန်းမာခြင်းများနှင့် ပြည့်စုံပြီး ကိုယ်စိတ်နှစ်ဖြာ ကျန်းမာရွှင်လန်းစွာဖြင့် နိုင်ငံတော်၏ တာဝန်များကို ထမ်းဆောင်နိုင်ပါစေကြောင်း ဆုမွန်ကောင်းတောင်း ဂါရဝပြုအပ်ပါသည်။
#မြန်မာနိုင်ငံသတင်းစာဆရာအသင်း

#အမျိုးသားလွှတ်တော်ကိုယ်စားလှယ်များအစုအဖွဲ့က_ဒေါ်နန်းနီနီအေးအား_ဒုတိယသမ္မတလောင်းအဖြစ် ရွေးချယ်နေပြည်တော်၊ မတ်လ ၃၁ ရက်အမ...
31/03/2026

#အမျိုးသားလွှတ်တော်ကိုယ်စားလှယ်များအစုအဖွဲ့က_ဒေါ်နန်းနီနီအေးအား_ဒုတိယသမ္မတလောင်းအဖြစ် ရွေးချယ်
နေပြည်တော်၊ မတ်လ ၃၁ ရက်

အမျိုးသားလွှတ်တော်၏ ဒုတိယသမ္မတလောင်း ရွေးချယ်တင်မြောက်ရေးအဖွဲ့တွင် ပါဝင်သော ရွေးကောက်ခံ အမျိုးသားလွှတ်တော်ကိုယ်စားလှယ်များအစုအဖွဲ့ ဒုတိယမြောက်နေ့အစည်းအဝေးအား ယနေ့ မတ်လ ၃၁ ရက်နေ့ နံနက် ၁၀ နာရီတွင် နေပြည်တော် ဇမ္ဗူသီရီမြိုနယ်ရှိ အမျိုးသားလွှတ်တော်အစည်းအဝေးခန်းမတွင် ကျင်းပခဲ့ရာ ကရင်ပြည်နယ် မဲဆန္ဒနယ်အမှတ် (၂) မှ အမျိုးသားလွှတ်တော်ကိုယ်စားလှယ် ဒေါ်နန်းနီနီအေးအား ဒုတိယသမ္မတလောင်းအဖြစ် လျှို့ဝှက်မဲစနစ်ဖြင့် ရွေချယ် အတည်ပြုခဲ့သည်။
လျှိုဝှက်ဆန္ဒမဲပေးရွေးချယ်ခဲ့ရာတွင် မဲခွဲလက်မှတ်ပေါင်း ၁၅၅ ခု ရှိသည့်အနက် ကရင်ပြည်နယ် မဲဆန္ဒနယ်အမှတ် (၂) မှ အမျိုးသားလွှတ်တော်ကိုယ်စားလှယ် ဒေါ်နန်းနီနီအေးကထောက်ခံမဲ (၁၁၇) မဲ ရရှိပြီး ကချင်ပြည်နယ် မဲဆန္ဒနယ်အမှတ် (၂) မှ ဒေါက်တာ မနမ်တူးဂျာက ထောက်ခံမဲ( ၃၈)မဲ အသီးသီးရရှိခဲ့သဖြင့်ထောက်ခံမဲ အများဆုံး ရရှိသူ ဒေါ်နန်းနီနီအေးကိုဒုတိယသမ္မတလောင်းအဖြစ် အမျိုးသားလွှတ်တော်ဥက္ကဌက အတည်ပြုကြေညာခဲ့ကြောင်း သိရှိရသည်။
အစုအဖွဲ့အသီးသီးမှ ရွေးချယ်အတည်ပြုခံရသော ဒုတိယသမ္မတလောင်း သုံးဦး တို့ကို သက်ဆိုင်ရာ လွှတ်တော်အစု အဖွဲ့ များက ပြည်ထောင်စုလွှတ်တော်သို့ ဆက်လက်တင်ပြသွားမည် ဖြစ်သည်။
ရဲရဲ(ပျဉ်းမနား)

#တပ်မတော်သားလွှတ်တော်ကိုယ်စားလှယ်များက_ဦးညိုစောအား_ဒု_သမ္မတအဖြစ်ရွေးချယ်တင်မြှောက်နေပြည်တော်၊ မတ် ၃၁ ရက်တပ်မတော်သားလွှတ...
31/03/2026

#တပ်မတော်သားလွှတ်တော်ကိုယ်စားလှယ်များက_ဦးညိုစောအား_ဒု_သမ္မတအဖြစ်ရွေးချယ်တင်မြှောက်
နေပြည်တော်၊ မတ် ၃၁ ရက်

တပ်မတော်သားလွှတ်တော်ကိုယ်စားလှယ်များအစုအဖွဲ့၏ ဒု-သမ္မတရွေးချယ်ရေး အစည်းအဝေးကို ယနေ့ မတ် ၃၁ ရက်နံနက်ပိုင်းက နေပြည်တော်၊ စစ်ကြောရေးနှင့် တည်းခိုရေးစခန်းရှိ ဆင်ဖြူရှင်ခန်းမ၌ ကျင်းပရာ ဦးညိုစော (ပြည်သူ့လွှတ်တော်ကိုယ်စားလှယ်၊ ကိုကိုးကျွန်းမဲဆန္ဒနယ်)အား တပ်မတော်သားလွှတ်တော်ကိုယ်စားလှယ်များ အစုအဖွဲ့က ရွေးချယ်တင်မြှောက်သည့် ဒု-သမ္မတအဖြစ်အဆိုပြုတင်သွင်းခဲ့သည်။

တပ်မတော်သားလွှတ်တော်ကိုယ်စားလှယ်များအစုအဖွဲ့ အစည်းအဝေးကို တပ်မတော်သား ပြည်သူ့လွှတ်တော် ကိုယ်စားလှယ် ဗိုလ်ချုပ်ရဲကျော်သူက သဘာပတိအဖြစ်ဆောင်ရွက်ခဲ့သည်။ အစည်းအဝေးတက်ရောက်ခွင့်ရှိသည့် တပ်မတော်သားလွှတ်တော်ကိုယ်စားလှယ် (၁၆၆) ဦးလုံး တက်ရောက်ခဲ့ကြပြီး တပ်မတော်သားအမျိုးသား လွှတ်တော် ကိုယ်စားလှယ် ဗိုလ်ချုပ်ကျော်သူရအေးက အဆိုတင်သွင်းမှုကို တပ်မတော်သားပြည်သူ့လွှတ်တော် ကိုယ်စားလှယ် ဗိုလ်မှူးချုပ်စိုးညွန့်က ထောက်ခံ တင်သွင်းရာ ကန့်ကွက်သူမရှိသဖြင့် ဦးညိုစောအား တပ်မတော် သားလွှတ်တော် ကိုယ်စားလှယ်များ အစုအဖွဲ့က ရွေးချယ်တင်မြှောက်သည့် ဒု-သမ္မတအဖြစ်အတည်ပြုခဲ့သည်။

Photo:Credit

ရဲရဲ(ပျဉ်းမနား)

#ဒုတိယသမ္မတအဖြစ်_ရွေးချယ်တင်မြှောက်ခံရသူအား_ပြည်သူ့လွှတ်တော်ဥက္ကဌ_ကြေညာ၊နေပြည်တော် မတ်လ ၃၁ ရက်နေပြည်တော်ဇမ္ဗူသီရီမြိုနယ...
31/03/2026

#ဒုတိယသမ္မတအဖြစ်_ရွေးချယ်တင်မြှောက်ခံရသူအား_ပြည်သူ့လွှတ်တော်ဥက္ကဌ_ကြေညာ၊
နေပြည်တော် မတ်လ ၃၁ ရက်
နေပြည်တော်ဇမ္ဗူသီရီမြိုနယ်ရှိ ပြည်သူလွှတ်တော်အစည်းအဝေးခန်းမ၌ သမ္မတရွေးချယ် တင်မြေှာက်ရေး အဖွဲ့တွင် ပါဝင်သောရွေးကောက်ခံပြည်သူ့လွှတ်တော်ကိုယ်စားလှယ်များ အစုအဖွဲ့အစည်းအဝေးဒုတိယနေ့ အစီအစဉ်အား မတ် ၃၁ ရက် (ယနေ့) နံနက် ၁၀ နာရီတွင်ကျင်းပခဲ့ရာ အစည်းအဝေးမှ ဗိုလ်ချုပ်မှူးကြီး မင်းအောင်လှိုင်အား ထောက်ခံမဲအများဆုံးဖြင့် ရွေးချယ်လိုက်ကြောင်း သိရသည်။
ပြည်သူ့လွှတ်တော်အစုအဖွဲ့သို့ ဒုတိယသမ္မတလောင်းများအမည် စာရင်းတင်သွင်းရာ၌ ဒုသမ္မတလောင်းနှစ်ဦး ရှိသဖြင့် ရွေးကောက်ပြည်သူလွှတ်တော်ကိုယ်စားလှယ်(၂၆၀) ဦးမှ လျှို့ဝှက်ဆန္ဒမဲပေး၍တင်မြှောက် ရာတွင် ဒုတိယသမ္မတလောင်းအဖြစ် တိုင်းရင်းသားစည်းလုံးညီညွတ်ရေးပါတီမှ ပြည်သူ့လွှတ်တော်ကိုယ်စားလှယ် ဒေါက်တာကျော်ဆွေမှာ ထောက်ခံမဲ (၁၀) မဲ ရရှိပြီး ဗိုလ်ချုပ်မှုးကြီးမင်းအောင်လှိုင်မှာ ထောက်ခံမဲ(၂၄၇)မဲ ရရှိပြီး ထောက်ခံမဲအများဆုံးရရှိသဖြင့် နိင်ငံတော်ဒုတိယသမ္မတလောင်းအဖြစ် ဗိုလ်ချုပ်မှုးကြီးမင်းအောင်လှိုင် အား ပြည်သူလွှတ်တော်ဥက္ကဌက အတည်ပြုကြေညာခဲ့သည်။
ရဲရဲ(ပျဉ်းမနား)

Address

No. 173/175, Room (603), Pasoetan Road
Yangon
951

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

01249519

Website

Alerts

Be the first to know and let us send you an email when Myanmar Journalists Association posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Myanmar Journalists Association:

Shortcuts

Share

Category