30/08/2026
စာအုပ်တွေအများကြီးဖတ်တယ် ဒါပေမယ့် ဖတ်ထားတဲ့ အရေးကြီး မှတ်သားစရာတွေကို အလွယ်တကူပဲ မေ့သွားတတ်တယ်ဆိုရင်တော့ ဒီစာဟာ သင့်အတွက်ပါပဲ။
ကိုယ် ဖတ်ရှုရမယ့် Academic paper တွေ ၊ Article paper တွေကို အချိန်ယူဖတ်ရှုပြီးမှ ဘာမှမမှတ်မိတော့ဘူး ၊ မေ့သွားတယ်ဆိုတာဟာ အတော်ကို စိတ်ညစ်ဖို့ကောင်းတဲ့အရာ မဟုတ်ပါလား။
ဒီနေ့မှာတော့ ပါရမီတက္ကသိုလ်က စာဖတ်ခြင်းနဲ့ ပတ်သက်ပြီး နည်းလမ်းကောင်းတစ်ခုဖြစ်တဲ့ “SQ3R” နည်းလမ်းကို ဖော်ပြပေးသွားမှာ ဖြစ်ပြီး ဒီနည်းလမ်းက ကိုယ်ဖတ်ထားတဲ့စာတွေကို စာတွေကို များများမှတ်မိနေစေဖို့ ကူညီပေးမှာပါ။
“SQ3R” နည်းလမ်းဆိုတာတော့ ဘယ်လိုသတင်းအချက်အလက်မျိုးကိုမဆို လျင်လျင်မြန်မြန်လေ့လာ၊ နားလည်နိုင်ပြီး အမှတ်ရနေစေဖို့ ကူညီပေးနိုင်တဲ့ နည်းလမ်းတစ်ခုဖြစ်ပါတယ်။ ဒီနည်းလမ်းကိုတော့ အမေရိကန် ပညာရေး စိတ်ပညာရှင် Francis P. Robinson ရဲ့ နည်းလမ်းဖြစ်ပြီး သူရေးသားထားတဲ့ စာအုပ်ဖြစ်တဲ့ “Effective Study”ဆိုတဲ့ စာအုပ်မှာ ပထမဆုံး မိတ်ဆက်ခဲ့ပါတယ်။
“SQ3R” ဆိုတာဘာလဲ။
SQ3R ဆိုတာဟာ စာအုပ်ထဲမှာပါဝင်သည့် အကြောင်းအရာများအား တက်တက်ကြွကြွနဲ့ ထိရောက်စွာ ဖတ်ရှုနိုင်ဖို့ စစ်တမ်းကောက်ယူခြင်း (Survey)၊ မေးခွန်းထုတ်ခြင်း (Question)၊ ဖတ်ရှုခြင်း (Read)၊ ပြန်လည်ရွတ်ဖတ်၊ရေးချခြင်း (Recite) ၊ ပြန်လည်သုံးသပ်ခြင်း (Review) စတဲ့ နည်းလမ်း(၅)သွယ်တို့ ပါဝင်ဖွဲ့စည်းထားတဲ့ စာဖတ်ခြင်းနည်းလမ်းတစ်ခု ဖြစ်ပါတယ်။ ဒီ “SQ3R” ထဲမှာ ပါဝင်တဲ့နည်းလမ်းတွေဟာ စာဖတ်သူများကို ဖတ်ရှုတဲ့ အကြောင်းအရာများမှာ စီးမြောပြီး ပါဝင်နိုင်ဖို့နဲ့ ဖတ်ရှုတဲ့ အကြောင်းအရာနဲ့ ပတ်သက်ပြီး နားလည်နိုင်စွမ်းများ ပိုမိုတိုးတက်လာစေဖို့ ကူညီပေးပါတယ်။
စစ်တမ်းကောက်ယူခြင်း - “SQ3R” နည်းလမ်းရဲ့ ပထမဆုံးအချက်ကတော့ မိမိဖတ်ရှုလိုတဲ့ အကြောင်းအရာနဲ့ပတ်သက်ပြီး ခေါင်းစဉ် ၊ ခေါင်းစီးပိုင်း၊ အခန်းရပ်တွေနဲ့ အခန်းငယ်တွေကို အာရုံစိုက်ပြီး အချိန်အနည်းငယ်အတွင်းမှ ခပ်မြန်မြန် အကြမ်းဖျဉ်း ဖတ်ရှုခြင်း ဖြစ်ပါတယ်။ ဒီလို ဖတ်လိုက်ခြင်းဟာ ဘယ်အပိုင်းကတော့ ဘာကို ဆိုလိုထားခြင်း ဖြစ်ပြီး ဘယ်အကြောင်းအရာကတော့ ဘာအတွက်ဖြစ်သလဲဆိုတာကို အကြမ်းဖျဉ်းအားဖြင့် ခြုံငုံသိရှိစေနိုင်ဖို့ ကူညီပေးနိုင်ပါတယ်။
မေးခွန်းထုတ်ခြင်း - ဒီအဆင့်ကတော့ အထက်မှာ ဖော်ပြထားသလို အကြမ်းဖျဉ်း ဖတ်ရှုပြီးတဲ့ အခါမှာ မေးခွန်းများ စတင်ထုတ်တဲ့ အဆင့်ဖြစ်ပါတယ်။ အခန်းငယ်၊ ခေါင်းစဉ်ငယ်တစ်ခုစီမှာ ဘာအကြောင်းပြောသွားမှာလဲ စတဲ့ အကြောင်းအရာတွေကို မေးခွန်းထုတ်ရတာဖြစ်ပါတယ်။
ဖတ်ရှုခြင်း - အထက်ဖော်ပြပါ အဆင့် (၂)ဆင့် ပြီးတဲ့ နောက်မှာတော့ ဒီတတိယမြောက် အဆင့်က အမှန်တကယ် စူးစူးစိုက်စိုက်စာဖတ်ရှုရမယ့် အဆင့်ဖြစ်ပါတယ်။ ဒီအဆင့်မှာတော့ ဒုတိယအဆင့်မှာ မေးခွန်းထုတ်ထားတဲ့ မေးခွန်းတွေရဲ့ ဖြေရှင်းချက်၊ အဖြေများကို တက်တက်ကြွကြွ စူးစူးစိုက်စိုက်ရှာဖွေရမှာ ဖြစ်ပါတယ်။ ဒီအဆင့်မှာတော့ အချိန်ပိုယူသင့်ပြီး မိမိလိုချင်တဲ့ အဖြေတစ်ခု၊ဖြေရှင်းချက်တစ်ခုကို ရှာမတွေ့မချင်း ထပ်ခါထပ်ခါအာရုံစိုက် အချိန်ယူဖတ်ရှုရပါမယ်။
ပြန်လည်ရွတ်ဖတ်၊ရေးချခြင်း - ယခုဖော်ပြပေးမယ့် အဆင့်ကတေ့ာ Reciting ပြုလုပ်ခြင်း ဖြစ်ပါတယ်။ ဒါကတော့ မိမိဖတ်ရှုထားတဲ့ အကြောင်းအရာတွေက ကောက်နှုတ်ထားတဲ့ မေးခွန်းတွေရဲ့ အဖြေတွေကို ကိုယ်ပိုင် စကားလုံးများဖြင့် ရေးသား မှတ်သားခြင်း ဖြစ်ပါတယ်။ ဒီအဆင့်ကို နှုတ်ဖြင့် ရွတ်ဆိုပြီး အသံသွင်း မှတ်သားထားနိုင်သလို ၊ မှတ်စုစာအုပ်မှာလည်း ရေးသားမှတ်သားထားနိုင်ပါတယ်။ ဒါက နောက်ပိုင်းမှာ သင်ဖတ်ရှုထားတဲ့ စာတွေကို ပိုမိုကောင်းမွန်စွာ မှတ်မိနိုင်ဖို့ ကူညီပေးနိုင်ပါတယ်။
ပြန်လည်သုံးသပ်ခြင်း - အားလုံးရဲ့ နောက်ဆုံးအဆင့်ကတော့ မိမိဖတ်ရှုထားတဲ့ အကြောင်းအရာတွေနဲ့ ပတ်သက်ပြီး ပြန်လည်သုံးသပ်ခြင်း ဖြစ်ပါတယ်။ မိမိမှတ်သားထုတ်နှုတ်ထားတဲ့ အချက်အလက်များနဲ့ အရေးကြီးတဲ့ အပိုဒ်အကြောင်းအရာများကို ပြန်လည် ဖတ်ရှုသုံးသပ်ခြင်းဖြစ်ပါတယ်။ ဒီအချက်ကတော့ သင့်ကို အချိန်ကြာမြင့်စွာ သင်ဖတ်ရှုလေ့လာထားတဲ့ အကြောင်းအရာများနဲ့ ပတ်သက်ပြီး အချိန်အတိုင်းအတာတခုအထိ စွဲမြဲနေစေဖို့ ကူညီပေးမှာ ဖြစ်ပါတယ်။
-----
[English Text]
Are you someone who reads a lot, but seems to forget most of the information you soak up so easily and quickly?
It is indeed frustrating when you take your time to read your assigned academic paper or article but can't recall a thing in class! Today, Parami would like to share about a reading method called SQ3R which can help you to glean as much information as possible from reading.
The SQ3R method is a method to study, understand and remember any written information quickly. It was first introduced by an American educational psychologist named Francis P. Robinson, in his book “Effective Study”.
What does SQ3R mean?
SQ3R is the acronym for Survey, Question, Read, Recite, and Review, which are the five steps to follow to read a text more actively and effectively. Those steps help the readers engage in the reading process and increase their understanding of the text.
Survey - The first step in the SQ3R method is surveying. Take a few minutes to scan the text by paying attention to the title, sub-headings, chapters, and sections. That way, you get an initial understanding of what the text is generally about.
Question - In this stage, start generating questions about the context based on the initial survey. Question what you think will be discussed in each chapter or sub-heading.
Read - After the first two stages, you can now proceed with the actual reading. However, along with the structure you set up in earlier stages, try actively searching for answers to your questions. This stage needs your focus the most so take the time to read it again if you need to.
Recite - The next stage is reciting, which is compiling all the information (the answers to your questions) into your own words. You can do it orally or by writing it down in a notebook. It will help you conceptualize the content of the text so you can remember it better later.
Review - The final step is to review. Review your notes and the main takeaways you get from the text, and re-read the important chapters if you need to. This step is extremely helpful to make information stick and stay in your brain for a long time.
![[English Text Below]ယနေ့မှာ ကျရောက်တဲ့ မြန်မာပြည်သူပြည်သား ဗုဒ္ဓဘာသာဝင်များ အထွတ်အမြတ်ထားရာ ဝါဆိုလပြည့် ဓမ္မစကြာနေ့ အခါသ...](https://img4.ngos1.com/859/300/1071020288593006.jpg)
