What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://myanmar.savethechildren.net/

Save the Children in Myanmar, No. 16, West Shwe Gone Dine 4th Street, Bagan Township, Yangon (2026)

08/09/2026

📖 စက်တင်ဘာလ (၈) ရက်နေ့ဟာ နိုင်ငံတကာစာတတ်မြောက်ရေးနေ့ဖြစ်ပါတယ်။

💁‍♀️💁‍♂️ ကလေးသူငယ်တိုင်းမှာ စာဖတ်ခွင့်၊ သင်ယူလေ့လာခွင့်နဲ့ အနာဂါတ်အိပ်မက်တွေ မက်ခွင့်ရှိပါတယ်။

📚 စာတတ်မြောက်ခြင်းဆိုတာဟာ စာဖတ်တတ်၊ ရေးတတ်ရုံတင်မကဘဲ ကလေးတွေကို ပတ်ဝန်းကျင် ကမ္ဘာကြီးအကြောင်း နားလည်အောင်၊ မိမိကိုယ်ကို ထုတ်ဖော်ပြောဆိုနိုင်အောင်၊ ယုံကြည်မှု ရှိလာအောင်နဲ့ ကိုယ့်အနာဂါတ်ကို ကိုယ်တိုင်ပုံဖော်နိုင်အောင် အထောက်အကူပေးတဲ့ အရာတစ်ခုပါ။

📚 ကလေးတစ်ယောက်ရဲ့ အနာဂတ်အတွက် အကောင်းဆုံးလက်ဆောင်ဟာ “စာဖတ်ချင်စိတ်”ကို ပျိုးထောင်ပေးခြင်းပါပဲ။

📚 ဒါကြောင့် ယနေ့ ကျရောက်တဲ့ နိုင်ငံတကာစာတတ်မြောက်ရေးနေ့မှာ ကလေးငယ်တို့ စာဖတ်တဲ့အလေ့အထကောင်းလေးတွေရနိုင်ဖို့ ဖေဖေ၊ မေမေနဲ့ ပြုစုစောင့်ရှောက်သူများအတွက် အသုံးဝင်မယ့်နည်းလမ်းလေးတွေကို ဝေမျှပေးလိုက်ရပါတယ်။

#နိုင်ငံတကာစာတတ်မြောက်ရေးနေ့

09/04/2025

ငလျင်အပါအဝင် သဘာဝဘေးအန္တရာယ်တွေနဲ့ ကြုံတွေ့ခံစားရချိန်မှာ လူကြီးတွေနည်းတူ ကလေးတွေအနေနဲ့လည်း ကြောက်ရွံ့မှု၊ စိုးရိမ်ပူပန်မှု၊ စိတ်ပျက်ဝမ်းနည်းမှု၊ စိတ်ဖိစီးမှု စတဲ့ ခံစားချက်တွေကို ခံစားရတတ်ပါတယ်။
ကြုံတွေ့လာရတဲ့ အခြေအနေအပေါ်မူတည်ပြီး ကလေးတစ်ဦးချင်းစီရဲ့ တုန့်ပြန်မှုပုံစံ မတူညီနိုင်ပါဘူး။

ဥပမာ -အအိပ်အစား မမှန်ခြင်း၊ ငယ်စဉ်က အမူအကျင့်များ ပြန်ပေါ်လာခြင်း (ဥပမာ - အိပ်ယာထဲ ဆီးသွားခြင်း)၊ အသက်အရွယ် ငယ်လွန်းသော ကလေးငယ်လေးများတွင် ငိုလွယ်ခြင်း၊ ဒေါသထွက်၊ စိတ်ကြီးခြင်း၊ တစ်ယောက်ထဲထား၍ မရခြင်း၊ စိုးရိမ်ပူပန်လာခြင်း စိတ်တိုဒေါသထွက်ပြီး အန္တရာယ်ဖြစ်စေနိုင်သော အပြုအမူများ ပြုလုပ်နိုင်ခြင်း၊ နေ့စဉ်လုပ်နေကျ အလုပ်များကို ယခင်ကဲ့သို့ မလုပ်ဆောင်ခြင်း သို့မဟုတ် လုံးဝမလုပ်ခြင်း၊ အကြောင်းရင်းမရှိဘဲ ခေါင်းကိုက်ခြင်း၊ ဗိုက်အောင့်ခြင်း၊ ကိုယ်လက်ကိုက်ခဲခြင်း စတာတွေ ခံစားရလေ့ရှိပါတယ်။

ဒီလိုအချိန်မှာ စိတ်လုံခြုံနွေးထွေးမှုရှိခြင်းက ကလေးတွေအတွက် အရေးကြီးတာကြောင့် မိဘ၊အုပ်ထိန်းသူတွေအနေနဲ့ မိမိကလေးကို ဘယ်လို ဂရုစိုက်ပြီးကူညီပေးနိုင်မလဲဆိုတာကို မျှဝေပေးလိုက်ရပါတယ်။
#စိတ်လုံခြုံနွေးထွေးမှုရှိခြင်း

29/03/2025

စိတ်နာကျင်မှုနဲ့ ရင်ဆိုင်တွေ့ကြုံပြီးတဲ့နောက်မှာ ကျန်ရစ်ခဲ့တဲ့ စိတ်ဒဏ်ရာတွေကြောင့် ကလေးတို့ရဲ့ ဘဝတစ်လျှောက် စိတ်ပိုင်းဆိုင်ရာ အခက်အခဲ မဖြစ်စေဖို့အတွက် အဓိက တာဝန်ရှိတာကတော့ ဖေဖေ မေမေနဲ့ အုပ်ထိန်းသူတွေပါ 👨‍👩‍👧🌹

🟠 မလွဲမရှောင်သာ ကြုံတွေ့လာရတဲ့ အခြေအနေတွေကြောင့် ရရှိခဲ့တဲ့ စိတ်ဒဏ်ရာဟာ ကလေးတွေမှာ ကာလရှည်ကြာ စွဲနေနိုင်ပါတယ်။ ဒါကြောင့် အနီးကပ်ဆုံး ရှိမယ့် မိဘအုပ်ထိန်းသူတွေဘက်က အချိန်အတိုင်းအတာတစ်ခုအထိ ပြုစုစောင့်ရှောက်ပေးဖို့ လိုအပ်မှာပါနော်။

✅ စိတ်နာကျင်မှုကို ပြန်သက်သာစေဖို့ဆိုရင် ပထမဆုံးအနေနဲ့ ကူညီပေးရမှာကတော့ အဖြစ်အပျက်နဲ့ပတ်သက်ပြီး မိဘအုပ်ထိန်းသူတွေက အဆိုးမြင်အတွေးနဲ့ ပြန်မပြောမိစေဖို့ပါ။ အဲဒီအစား စိတ်အေးလက်အေး အမူအရာမျိုးနဲ့ ပြောဆိုဆွေးနွေးကြည့်ပါ။ ပြီးခဲ့တဲ့ အဖြစ်အပျက်တွေအကြောင်း ပြန်လည်ပြောဆိုစေတာဟာ ကလေးရဲ့ စိတ်နာကျင်မှုတွေ လျော့ပါးလာစေဖို့ အထောက်အကူပြုပါတယ်။

✅ ကလေး ပြောပြတာတွေ နားထောင်ပြီးပြီဆိုရင်တော့ လိုအပ်တဲ့ ပံ့ပိုးမှုတွေ လုပ်ပေးပါ။ ဥပမာ - လုံခြုံစိတ်ချရတဲ့ အခြေအနေမှာ ရှိနေပြီဆိုတာ ကလေးတို့ သိပါစေ။ ကလေးတို့နဲ့ မကြာခဏ အချိန်ပေး စကားပြောပါ။ နဂိုထက် စကားနည်းသွားမယ်ဆိုရင်တော့ သူတို့လေးတွေဆီက စကားလုံးတွေ ထွက်လာဖို့အတွက် မသိမသာ အားပေးတာမျိုး လုပ်ကြည့်လို့ ရပါတယ်။ တကယ်လို့များ ကလေးမှာ မေးခွန်းတွေ ရှိတယ်ဆိုရင် အရိုးရှင်းဆုံး ဖြေပေးဖို့ လိုပါတယ်။

✅ ပုံမှန် လုပ်နေကျ အလုပ်တွေကို လုပ်နေကျအချိန်မှာပဲ အတူလုပ်ကြည့်ပါ။ နေရပ်ပြောင်းရွှေ့ခဲ့ရတယ်ဆိုရင်လည်း စားချိန်၊ အိပ်ချိန်၊ ပုံပြင်ဖတ်ချိန်လို အချိန်လေးတွေကိုတော့ ပုံမှန်အတိုင်းပဲ လုပ်ပေးနိုင်ပါတယ်။ သူငယ်ချင်းတွေနဲ့ ပေးဆော့တာမျိုး လုပ်နိုင်ပါတယ်။ သူတို့ စိတ်ဝင်စားတဲ့ အလုပ်လေးတွေနဲ့ စိတ်မအား လူမအား ဖြစ်နေတာက ဝေဒနာကို သက်သာစေမှာပါ။

✅ နောက်ထပ် အကောင်းဆုံး နည်းလမ်းတစ်ခုတော့ မျှော်လင့်ချက် ထားတတ်တဲ့ စိတ်ကလေးကို ကလေးတို့ ပိုင်ဆိုင်အောင် လေ့ကျင့်ပေးတာပါ။ ‘အခုအခြေအနေက အဆင်မပြေဘူးဆိုတာ ဖေဖေ/မေမေတို့ သိပါတယ်။ ဒါပေမဲ့ ဒီထက် ပိုကောင်းအောင် ကြိုးစားနေတယ်နော်’ စသဖြင့် အားပေးလို့ ရပါတယ်။

ကလေးတို့အပေါ် မိဘအုပ်ထိန်းသူတွေက ချစ်ခြင်းမေတ္တာနဲ့ နွေးနွေးထွေးထွေး ဆက်ဆံပေးတာဟာ စိတ်နာကျင်မှုတွေဆီကနေ ပြန်လည်လွတ်မြောက်ဖို့ အထောက်အကူ ပြုပါတယ်နော် 🌟💐

29/03/2025

ငလျင် ဘေးအန္တရာယ်နဲ့ ပတ်သက်ပြီး ဘယ်လို ကြိုတင်ပြင်ဆင်နိုင်သလဲ ❓

သဘာဝဘေးအန္တရာယ်တွေရဲ့ သက်ရောက်မှုကို နည်းနိုင်သမျှ နည်းအောင် လျှော့ချနိုင်တဲ့ နည်းလမ်းဟာ မဖြစ်ပွားခင် ကြိုတင်ပြင်ဆင်ခြင်း ဖြစ်ပါတယ်။ ဘယ်နေရာ ဘယ်အချိန် ဖြစ်ပွားမယ်ဆိုတာကို ကြိုတင်ခန့်မှန်းလို့မရဘဲ ပြင်းအားပေါ် မူတည်ပြီး သက်ရောက်မှုလည်း ကြီးမားတဲ့ ငလျင် အန္တရာယ်အတွက်တော့ ကြိုတင်ပြင်ဆင်ခြင်းက မဖြစ်မနေ လိုအပ်ပါတယ်။

မိမိ နေအိမ်အတွင်းက အရာဝတ္ထုတွေနဲ့ ပတ်သက်ပြီး ပြင်ဆင်ထားရမှာတွေ ရှိသလို ကလေးငယ်တွေအပါအဝင် မိသားစုဝင်တွေအတွက် ရင်းနှီးကျွမ်းဝင်ပြီးသားဖြစ်အောင် ပြောပြထားရမယ့် လမ်းညွှန်ချက်တွေလည်း ရှိပါတယ် 👨‍👩‍👧

ငလျင် မဖြစ်ပွားမီ ကြိုတင်ပြင်ဆင်မှုအနေနဲ့ လုပ်ထားသင့်တဲ့ နည်းလမ်းအချို့ကတော့ အောက်ပါအတိုင်း ဖြစ်ပါတယ်။

✅ ငလျင် ဖြစ်ပွားခဲ့ရင် တုံ့ပြန်နိုင်မယ့် အစီအစဉ်ကို ပြင်ဆင်ထားပါ။ မိသားစုဝင်တွေ နားလည်သိရှိအောင် အစမ်းလေ့ကျင့်ထားပါ။

✅ ‘ဝပ်ချပါ၊ အကာအကွယ်ယူပါ၊ ကိုင်ထားပါ’ ဆိုတဲ့ အရေးပေါ် နည်းလမ်းသုံးခုကို ပြုလုပ်တတ်အောင် လေ့ကျင့်ထားပါ။ ဆိုလိုတာကတော့ ရောက်ရှိနေရာမှာ မိမိကိုယ်ကို ဝပ်ချလိုက်ပါ။ အနီးနားမှာ ခိုင်ခံ့တဲ့ စားပွဲ ရှိမယ်ဆိုရင် ဦးခေါင်းကို လက်တစ်ဖက်နဲ့ ကာထားပြီး တွားသွားပါ။ စားပွဲရဲ့ ထောက်တိုင်ကို မြဲမြဲ ကိုင်ထားပါ။ အနီးအနားမှာ စားပွဲလို အကာအရံ မရှိရင်တော့ ဦးခေါင်းကို လက်မောင်း၊ လက်ဖျံတွေနဲ့ ကာထားရင်း မိမိလည်ကုပ်ကို လက်နှစ်ဖက်နဲ့ အုပ်ကိုင်ထားပါ။

✅ အရေးပေါ် ဆက်သွယ် အကူအညီ တောင်းလို့ရမယ့် ဖုန်းနံပါတ်တွေကို ကြိုတင်စုဆောင်းထားပါ။

✅ အရေးပေါ်အိတ်တစ်ခု ပြင်ထားပါ။ အရေးပေါ် အိတ်ထဲမှာ ဓာတ်မီး၊ ရေဒီယို၊ ခရာ စတဲ့ ပစ္စည်းတွေ၊ ပဋိဇီဝဆေးဝါး၊ ပတ်တီး၊ နာကျင်ကိုက်ခဲမှု သက်သာစေမယ့် ဆေးဝါး၊ ဆေးစစ်ထားတဲ့ စာရွက်စာတမ်းတွေ၊ ကတ်ကြေးအသေး စတဲ့ အရေးပေါ် ဆေးပစ္စည်းတွေ ထည့်ထားပါ။

✅ အသုံးဝင်နိုင်မယ့် ရှေးဦးသူနာပြု နည်းလမ်းအချို့ကို လေ့လာထားပါ။

✅ လေးလံတဲ့ ပစ္စည်း၊ ကွဲကြေလွယ်တဲ့ ပစ္စည်းတွေကို စင်အမြင့်တွေမှာ မတင်ရပါ။ အိပ်ရာကို မှန်ပြတင်းနဲ့ ဝေးဝေးမှာ နေရာချပါ။ အိပ်ရာ၊ ဆိုဖာ စတာတွေအနီးမှာ နံရံကပ် ချိတ်ဆွဲထားတဲ့ အရာဝတ္ထုတွေ ရှိမနေဖို့လည်း ဂရုစိုက်ပါ။

✅ ဘေးလွတ်ရာကို တိမ်းရှောင်ခဲ့ရမယ်ဆိုရင် ပြန်လည်ဆုံတွေ့ကြမယ့် ဆုံမှတ်တစ်ခု သတ်မှတ်ထားပြီး မိသားစုဝင်တွေအားလုံးကို အသိပေးထားဖို့လည်း လိုအပ်ပါတယ်။

Ref : https://www.ready.gov

22/02/2025

💨💨💨ဖုန်မှုန့်တွေ ၊ ဓါတ်ငွေ့ ၊ မီးခိုး ၊ မြူ၊ အခိုးအငွေ့တွေနဲ့ အနံ့ဆိုးတဲ့ အရာဝတ္ထုတွေ လေထုထဲ ကာလတစ်ခုကြာမြင့်စွာ တည်ရှိနေရင် လေထုညစ်ညမ်းမှု ဖြစ်နိုင်ပါတယ်။ ညစ်ညမ်းတဲ့လေကို အချိန်ကြာမြင့်စွာရှူရှိုက်မိရင် ကျန်းမာရေး နောက်ဆက်တွဲပြဿနာတွေများစွာ ဖြစ်ပေါ်နိုင်ပါတယ်။ လေထုညစ်ညမ်းခြင်းက လူတွေရဲ့ ကျန်းမာရေးအပြင် သဘာဝပတ်ဝန်းကျင်ပျက်စီးခြင်း၊ ရာသီဥတုဖောက်ပြန်ခြင်း စတဲ့ ဘေးထွက်ဆိုးကျိုးတွေကိုပါ ဖြစ်ပေါ်စေနိုင်ပါတယ်။
🛑🛑😷🛑🛑

‌
#လေထုညစ်ညမ်းမှု

07/02/2025

ဖေဖေ၊ မေမေတို့ရေ...

စိတ်ဖိစီးမှု၊ စိုးရိမ်ပူပန်မှုဆိုတာ ဖေဖေ၊မေမေတို့လို လူကြီးတွေနဲ့ပဲ သက်ဆိုင်တဲ့ စိတ်ပိုင်းဆိုင်ရာ တုံ့ပြန်မှုတွေမဟုတ်ပါဘူး။ ကလေးတွေမှာလည်း ကြုံတွေ့နိုင်ပါတယ်နော်။

ဒါပေမယ့် သူတို့လေးတွေဟာ သူတို့ရဲ့ စိတ်ခံစားချက်ကို လူကြီးတွေလို တစ်ဖက်သား သိနားလည်အောင် ပြောမပြတတ်ကြပါဘူး။ အဲဒီအစား စိတ်ခံစားချက်အပြောင်းအလဲကို အမူအရာအားဖြင့် ပြတတ်ကြပါတယ်။

ကလေး တွေဖြစ်တတ်တဲ့ စိတ်ခံစားချက်တွေဟာ ဖေဖေ၊ မေမေတို့ဆီမှာလည်း တစ်ချိန်တည်းမှာ ရှိနေနိုင်ပါတယ်။ ဒီလို ဖေဖေ၊ မေမေတို့ ခံစားရတဲ့ စိတ်ဖိစီးမှုနဲ့ စိုးရိမ်ပူပန်စိတ်တွေအကြောင်း ကလေးတွေကို အမှတ်မထင်ပြောမိမယ်ဆိုရင် ကလေးတွေရဲ့ စိတ်အခြေအနေဟာ ပိုမိုဆိုးရွားသွားစေနိုင်ပါတယ်။

ဒါကြောင့် ကလေးတွေအနေနဲ့ လုံခြုံတယ်ဆိုတာ ခံစားမိစေဖို့ ဖေဖေမေမေတို့ ဟာ စိတ်ဖိစီးမှု၊ စိုးရိမ်ပူပန်စိတ်ကြောက်စိတ်နဲ့ စိတ်ဆိုးဒေါသထွက်ခြင်း ကို မပြသ ဘဲ ကလေးအနားမှာ အေးဆေးတည်ငြိမ်စွာနေထိုင်ဖို့အရေးကြီးပါတယ်။

#ကလေးများနှင့်စိတ်ဖိစီးမှု

03/12/2024

🌟 အပြည်ပြည်ဆိုင်ရာ မသန်စွမ်းသူများနေ့ ၂၀၂၄ 🌟

“ကျွန်မက ဥာဏ်ရည်မသန်စွမ်းတဲ့ အသက် ၁၇ နှစ်အရွယ် သမီးလေးရဲ့ မေမေပါ။ သမီးလေး အိမ်မှာနေရင်း ပညာဆက်လက်သင်ယူနိုင်ဖို့ ကျွန်မကိုယ်တိုင် သင်ထောက်ကူပစ္စည်းတွေ ဘယ်လိုသုံးရမလဲ လေ့လာပါတယ်။ ကတ်လေးတွေ သုံးပြီး သမီးလေးနဲ့ စာတူတူလုပ်တိုင်း သမီးလေးက အားရပါးရပြုံးပြီး “အရမ်းကြိုက်တယ်။ အရမ်းပျော်တာပဲဲ” လို့ ပြောလေ့ရှိတယ်။ လက်မလေး ထောင်ပြတယ်။ ပုံပြင်စာအုပ်တွေလည်း ဖတ်ရတာကြိုက်တော့ သားအငယ်ဆုံးလေး ကျောင်းက ပြန်လာတဲ့ သားလေးက သူ့အစ်မကို ပုံပြင်ဖတ်ပြလေ့ရှိပါတယ်။ သားလေးက “မမနဲ့ ပုံပြင်တွေဖတ်ရတာ ပျော်ဖို့ကောင်းတယ်။ သူနဲ့တူတူ ပုံပြင်ဖတ်ရင်း သားလည်း စကားလုံးအသစ်တွေ သင်ယူရလို့ အရမ်းကောင်းတာပဲ။” လို့ ပြောတိုင်း ကျွန်မ အားတက်ရပါတယ်။ သူတို့မောင်နှမနှစ်ယောက် အရင်ကထက်ပိုပြီး ရင်းနှီးလာကြသလိုလည်း ခံစားရတယ်။ သူတို့ ပျော်နေတာကို မြင်ရတာ ကျွန်မအတွက် ပီတိအဖြစ်ရဆုံးပါပဲ။” - ဒေါ်ဖြူဖြူ ၊ ကလေးနှစ်ယောက်အမေ

မသန်စွမ်းသူကလေးတွေမှာလည်း အားသာချက်တွေ၊ အိပ်မက်တွေနဲ့အခွင့်အလမ်းတွေရှိပါတယ် 💖 ပညာရေးဟာ ကလေးတိုင်းအတွက် အခွင့်အလမ်းတွေကို ဖွင့်လှစ်ပေးနိုင်တဲ့ အရေးပါတဲ့အရာဖြစ်ပြီး၊ ဒီနေရာမှာ ပြုစုစောင့်ရှောက်သူတွေ ၊ မိသားစုဝင်တွေရဲ့ အခန်းကဏ္ဍက အရေးကြီးပါတယ်။

ပြုစုစောင့်ရှောက်သူတွေအနေနဲ့📚 သင်ယူရေးအတွက် အထောက်အကူဖြစ်စေမယ့် နေရာတစ်ခု ဖန်တီးပေးပါ - သင့်ကလေးရဲ့ လိုအပ်ချက်တွေနဲ့ ကိုက်ညီတဲ့ သင်ထောက်ကူပစ္စည်းတွေနဲ့အတူ တိတ်ဆိတ်ပြီး လက်လှမ်းမီနိုင်တဲ့ သင်ယူရေးနေရာတစ်ခုရှိစေပါ။

📖 လိုက်လျောညီထွေဖြစ်တဲ့ သင်ယူရေး ကိရိယာတွေကို အသုံးပြုပါ - သင်ယူမှုကို ပိုမိုစိတ်ဝင်စားဖွယ်နဲ့ လက်လှမ်းမီစေဖို့ အသံအခြေပြု ဒါမှမဟုတ် အမြင်အာရုံအခြေပြုတဲ့ သင်ထောက်ကူပစ္စည်းတွေ၊ ထိတွေ့ကိုင်တွယ်နိုင်တဲ့ သင်ထောက်ကူပစ္စည်းတွေကို ထည့်သွင်းအသုံးပြုပါ။

🗣️ ပွင့်လင်းစွာ ဆက်သွယ်ပြောဆိုမှုကို အားပေးပါ - သင့်ကလေးရဲ့ အခက်အခဲတွေကို နားထောင်ပေးပြီး အသေးအဖွဲ့ပင်ဖြစ်စေ သူတို့ရဲ့ အောင်မြင်မှုတွေကို ချီးကျူးပါ။

🎨 အားသာချက်တွေကို အာရုံစိုက်ပါ - အနုပညာ၊ ဂီတ၊ ပုံပြင်ပြောခြင်းလို ဖန်တီးမှုဆိုင်ရာ လုပ်ဆောင်ချက်တွေကနေတစ်ဆင့် သင့်ကလေးရဲ့ ထူးခြားတဲ့ စွမ်းရည်တွေနဲ့ စိတ်ဝင်စားမှုတွေကို ဖော်ထုတ်ပြီး မြှင့်တင်ပေးပါ။

🌈ကလေးတိုင်း သင်ယူမှုပြုနိုင်ပြီး အခွင့်အလမ်းရှိတဲ့ အနာဂတ်အတွက် အားလုံးပါဝင်နိုင်တဲ့ ပညာရေးကို ဆက်လက်ဖန်တီးကြပါစို့။ 🌈

26/11/2024

👨‍👩‍👧‍👦💟“ရင်ဖွင့်မယ်”ကမ်ပိန်းက ဆယ်ကျော်သက်အရွယ် သားသားမီးမီးတွေ၊ဖေဖေမေမေတွေနဲ့ ပြုစုစောင့်ရှောက်သူတွေအတွက် ကိုယ့်စိတ်ခံစားချက်လေးတွေကို ကိုယ်တိုင်သိရှိနားလည်လာဖို့နဲ့ အပြုသဘောဆောင်တဲ့ ရင်ဆိုင်ဖြေရှင်းနည်းတွေကို လက်တွေ့သရုပ်ပြထားတဲ့ ဗွီဒီယိုလေးတွေကို မျှဝေပေးခဲ့ပြီးဖြစ်ပါတယ်။🎉

✨ဗွီဒီယိုလေးတွေထဲမှာ သားသားမီးမီးနဲ့ ဖေဖေမေမေ၊ ပြုစုစောင့်ရှောက်သူတွေအနေနဲ့ စိုးရိမ်စိတ်တွေများလာတဲ့အခါ ရင်ဆိုင်ဖြေရှင်းနိုင်ဖို့၊ ကိုယ့်ကိုယ်ကိုယ် ဂရုစိုက်ချစ်ခင်တတ်ဖို့၊ စိတ်ဓာတ်ကျန်းမာကြံ့ခိုင်စေဖို့အတွက် ရည်ရွယ်တဲ့ အထောက်အကူဖြစ်စေမယ့် အကြံပြုချက်တွေ၊ ရိုးရှင်းပြီး လိုက်လုပ်ရလွယ်ကူတဲ့ လက်တွေ့နည်းလမ်းတွေကို မျှဝေပေးခဲ့တာကြောင့် ကြည့်ရှုပြီးတဲ့အခါ အကျိုးကျေးဇူးလေးတွေရရှိကြလိမ့်မယ်လို့လည်း မျှော်လင့်ပါတယ်။

✨ရှေ့ဆက်ပြီး အခက်အခဲတွေ ကြုံလာတိုင်း ကိုယ့်စိတ်ကလေးကို ဂရုစိုက်ဖို့လိုအပ်လာပြီလို့ သတိပြုမိတဲ့အခါ “ရင်ဖွင့်မယ်” ကမ်ပိန်းက မျှဝေခဲ့တဲ့နည်းလမ်းလေးတွေကို ပြန်လည်အမှတ်ရပြီး လိုက်လုပ်ကြည့်ပါလို့ တိုက်တွန်းချင်ပါတယ်။ သားသားမီးမီးနဲ့ဖေဖေမေမေတို့အားလုံး စိတ်ခံစားချက်လေးတွေ ပိုမိုကောင်းမွန်ပြီး ကျန်းမာပျော်ရွှင်ဖွယ်နေ့ရက်တွေ ပိုင်ဆိုင်နိုင်ပါစေလို့ ဆန္ဒပြုပါတယ်။

ဝေမျှပေးခဲ့တဲ့ဗွီဒီယိုလေးတွေအပါအဝင် အခြားသောအကြံပြုချက်များ၊ သတင်းစကားများကို အောက်ပါ နည်းလမ်းများမှတဆင့် အချိန်မရွေးပြန်လည်ရယူနိုင်ပါတယ်။
▶️Open Your Heart YouTube လင့်ခ် - https://www.youtube.com/
💻Open Your Heart ဝက်ဘ်ဆိုဒ်လိပ်စာ - https://www.openyourheartwithme.org/
📱Open Your Heart မိုဘိုင်းလ် အက်ပလီကေးရှင်း -
Playsotre : https://play.google.com/store/apps/details...
App Store: https://apps.apple.com/mm/app/open-your-heart/id6465067523

22/11/2024

ဖေဖေ၊မေမေတို့ရေ. . . ပြီးခဲ့တဲ့ရက်က ပြောပြခဲ့သလိုပဲ စိတ်ဓာတ်ကြံ့ခိုင်ဖို့ဆိုတာ တစ်ခဏတာ ကြိုးစားကြည့်ရုံနဲ့မရဘဲ အချိန်ယူတည်ဆောက်ရတာမျိုးပါ။ နေ့စဉ်လုပ်ငန်းဆောင်တာများစွာကို လုပ်နေရင်းကြားကပဲ ကိုယ်တိုင်အတွက် အချိန်အနည်းငယ်ယူပြီး စိတ်ဓာတ်ပိုပြီးကျန်းမာကြံ့ခိုင်လာအောင် ဖြည်းဖြည်းချင်း တည်ဆောက်ပါလို့ ထပ်မံ အကြုံပြုချင်ပါတယ်။

ဒီနေ့ “ရင်ဖွင့်မယ်” ကမ်ပိန်းက ဖေဖေ၊မေမေနဲ့ ပြုစုစောင့်ရှောက်သူတွေအတွက် အိမ်မှာနေရင်းဖြစ်ဖြစ်၊ ကိုယ့်အနီးအနား ပတ်ဝန်းကျင်မှာဖြစ်ဖြစ် လက်တွေ့လုပ်ကြည့်လို့ရမယ့် စိတ်ဓာတ်ကြံ့ခိုင်မှုကို အထောက်အကူဖြစ်စေမယ့် နည်းလမ်းလေးတစ်ခုကို မျှဝေပေးချင်ပါတယ်။ ဒီနည်းလမ်းလေးက ပေါ့ပေါ့ပါးပါးနဲ့ အလွယ်တကူ လုပ်ကြည့်လို့ရမယ့် နည်းလမ်းလေးဖြစ်တာကြောင့် အတူတူလိုက်လုပ်ကြည့်ဖို့ ဖိတ်ခေါ်လိုက်ရပါတယ်။

#ရင်ဖွင့်မယ်

20/11/2024

နိုဝင်ဘာလ (၂၀) ရက်နေ့ ဒီနေ့ဟာ ကမ္ဘာ့ကလေးများနေ့ ဖြစ်ပါတယ်။

ကလေးများအားလုံးမှာ မတူညီဘဲ တစ်မူထူးခြားတဲ့ အတွေးအခေါ်၊ စိတ်ကူးစိတ်သန်းများစွာရှိကြပါတယ်။

ကလေးတွေအနေနဲ့ သူတို့ရဲ့ စိတ်ထက်သန်မှုတွေကို နေရာဒေသမရွေး၊ အချိန်အခါမရွေး ဖော်ထုတ်ခွင့်ရရှိဖို့လိုသလို၊ ကလေးတွေရဲ့ ခံစားချက် စကားသံတွေကိုလည်း ဖေဖေ၊ မေမေနဲ့ ပြုစုစောင့်ရှောက်သူလူကြီးများက အလေးအနက်ထား နားထောင်ပေးဖို့လည်း အရေးကြီးပါတယ်။

ဒီနှစ်ရဲ့ ကမ္ဘာ့ကလေးများနေ့ ဆောင်ပုဒ်ဖြစ်တဲ့ “Listen to the Future” ကို လက်ကိုင်ထားပြီး၊ ကလေးတွေရဲ့ အတွေး၊ စိတ်ကူးစိတ်သန်း၊ မျှော်လင့်ချက် အိပ်မက်တွေကတဆင့် သူတို့အတွက် ပိုမိုကောင်းမွန်တဲ့ အနာဂတ်တစ်ခုကို ပုံဖော်ဖန်တီးနိုင်ဖို့ကြိုးပမ်းကြရာမှာ လူကြီးမိဘတွေအနေနဲ့ ကလေးတွေရဲ့ စကားသံတွေကို အလေးအနက်ထား နားထောင်ပေးခြင်းဖြင့် ပံ့ပိုးကူညီပေးဖို့ရာ တကယ်ကိုအရေးကြီးကြောင်း ထပ်မံဝေမျှပေးလိုပါတယ်။

Save the Children in Myanmar

08/09/2026

09/04/2025

29/03/2025

29/03/2025

22/02/2025

07/02/2025

03/12/2024

26/11/2024

22/11/2024

20/11/2024

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00