We Love Elephant - Myanmar, Yangon (2026)

16/12/2024

တစ်ဖက်နိုင်ငံတွေကို ရောင်းမစားရင်ပဲ ကျေနပ်ပါပြီ။

ထိုင်းမှာကြည့်လိုက်ရင်လည်း တနင်္သာရီဘက်က ဆင်တွေအတော်များများ ဆင်မုဆိုးတွေကြောင့် ဆင်ပေါက်လေးတွေ ထိုင်းဘက်ကိုရောင်းစားခံရတယ်။

တိုင်းပြည်ရဲ့သက်ရှိရတနာတွေကို ထိန်းသိမ်းပေးကြဖို့ မျှော်လင့်ပါတယ်။ အခြားကိစ္စတွေတော့ ကျွန်တော်တို့မပြောလို့ပါဘူးခင်ဗျာ။

https://www.facebook.com/share/p/CX8kAwQdRm9rJJ79/

We Love Elephant - Myanmar 🐘🇲🇲

25/10/2024

ကယားဇာတိဖွား ဆင်မကြီး မိုမို (၇၁)နှစ်ပြည့်တော့မည်

လွိုင်ကော်ဒေသ တောနက်ကြီးထဲတွင် ဆင်မိသားစုနှင့်ကွဲကွာနေသော အသက်(၇)နှစ်အရွယ် ဆင်မလေးတစ်ကောင်ကို သစ်ခုတ်သမား ဦးခွန်ဆန္ဒမှ တွေ့ရှိဖမ်းယူခဲ့ပြီး ဇနီးဖြစ်သူ နော်မိုမိုအား ဂုဏ်ပြု၍ မိုမိုဟု အမည်ပေးခဲ့ကာ ၁၉၆၁ ခုနှစ် ဇွန်လ(၆)ရက်တွင် တိရစ္ဆာန်ဥယျာဉ်(ရန်ကုန်)သို့ ပို့ဆောင်လှူဒါန်းခဲ့ခြင်းဖြစ်သည်။

ဆင်မကြီး မိုမို၏ (၇၁)နှစ်ပြည့် မွေးနေ့ပွဲကို နိုဝင်ဘာ (၁) ရက်မှ (၃)ရက်အထိ တိရစ္ဆာန်ဥယျာဉ် (ရန်ကုန်)တွင် ကျင်းပသွားမည် ဖြစ်ကြောင်းလည်း သိရသည်။

မွေးနေ့ပွဲကို ပြည်သူချစ် အနုပညာရှင်ပေါင်းများစွာနှင့်အတူ စည်ကားသိုက်မြိုက်စွာ ကျင်းပသွားမည် ဖြစ်ပြီး ဆင်မကြီးမိုမိုအတွက် မွေးနေ့အလှူ အာရုံဆွမ်းဆက်ကပ်လှူဒါန်းခြင်း ၊ Birthday Cake ခွဲခြင်း ၊Mo Mo Photo Exhibition၊Keeper Talk၊Music & Dance Performance၊ Magic Show၊ Photo Booth အစီအစဉ်များ ပါဝင်မည် ဖြစ်ကြောင်း သိရသည်။

ဆင်မကြီး မိုမို၏သည် ရန်ကုန်တိရိစ္ဆာန်ဥယျာဉ်သို့ လာရောက်လည်ပတ် ကြည့်ရှုလေ့လာသူများအား နှစ်ပေါင်း (၅၀) ကျော်ကြာ ဖျော်ဖြေပေးခဲ့ပြီး ၎င်း၏ အမည်အားခေါ်လိုက်လျှင် ပြန်လည်ထူးတတ်ပြီး လူများကို ချစ်ခင်လာစေရန် ကပြတတ်ကာ မမပုသိမ်သူလမ်းလျှောက်သော ပုံစံဖြင့် ကပြသည့်အကွက်တို့မှာ လူကြိုက်များကြောင်း သိရသည်။

၂၀၁၆ ခုနှစ် အောက်တိုဘာလတွင် အနားယူခဲ့ကာ မိုမို၏ အသက် (၆၀)ပြည့် မွေးနေ့မှစ၍ နှစ်စဉ်အောက်တိုဘာလတွင် မွေးနေ့ပွဲကို ရန်ကုန်တိရစ္ဆာန်ဥယျာဉ်တွင် ကျင်းပလေ့ရှိကြောင်း သိရသည်။

Popular News Journal 📺

We Love Elephant - Myanmar (ဆင္ခ်စ္သူမ်ားအသင္း) 🐘🇲🇲

11/09/2024

ဂျပန်ကို နစကမှ ပေးသော အာရှဆင် ကူးစက်ရောဂါကြောင့် သေဆုံး

🇲🇲🐘🇯🇵🐘🇲🇲🐘🇯🇵🐘🇲🇲🐘🇯🇵🐘🇲🇲🐘🇯🇵

ဖူကူအိုကာ ချစ်ကြည်ရေးခရီးစဉ်အရ နစကမှ ဂျပန်အားပေးသည့် အာရှဆင်တကောင်သည် ရေယုန်ဗိုင်းရပ်စ် ကူးစက်ခံရပြီးနောက် ဂျပန်နိုင်ငံတိရစ္ဆာန်ဆေးရုံ၌ သေဆုံးသွားခဲ့သည်ဟု မြို့တော်တာဝန်ရှိသူများက ပြောကြားခဲ့ကြောင်း ကျိုဒိုသတင်းအေဂျင်စီက ယနေ့ ဖော်ပြထားသည်။

ယခုနှစ် ဇူလိုင်လကုန်ပိုင်းတွင် မြန်မာနိုင်ငံမှ ဂျပန်နိုင်ငံသို့ ရောက်ရှိလာသော ဆင်လေးကောင်အနက် ၁၂ နှစ်အရွယ်ရှိ ဆင်မလေးသည် ယခုလအစောပိုင်းတွင် ဗိုင်းရပ်စ်ပိုးတွေ့ရှိခဲ့ရပြီး ဖူကူအိုကာ တိရစ္ဆာန်ရုံ၌ ရန်ကုန်မှ ပေးသော တိရစ္ဆာန်များကို အများပြည်သူ ကြည့်ရှုနိုင်ရန် ပြင်ဆင်နေချိန်တွင် သေဆုံးသွားခြင်း ဖြစ်ကြောင်း သိရသည်။

ကျန်ရှိသည့် ဆင် ၃ ကောင်တွင် ကျန်းမာရေးပြဿနာ တစုံတရာမရှိသော်လည်း အာရှဆင်များသည် ဗိုင်းရပ်စ်ပိုး ကူးခံရနိုင်ခြေရှိကြောင်း၊ ယခု သေဆုံးသွားသော ဆင်မှာ ခုခံအားစနစ် နည်းသွားသဖြင့် သေဆုံးခြင်းဖြစ်သည်ဟု ဖော်ပြထားသည်။

အာရှဆင်ဖြစ်သည့် အသက်၄၆ နှစ်အရွယ်ရှိ Hanako သည် ၂၀၁၇ ခုနှစ်တွင် ဖူကူအိုကာတိရစ္ဆာန်ရုံ၌ သေဆုံးသွားပြီးနောက် ရန်ကုန်နှင့် နှစ်ပေါင်းများစွာ ညှိနှိုင်းမှုမှတဆင့် ယခုဆင်များကို လက်ခံခဲ့ခြင်းဖြစ်ကြောင်း သိရသည်။

အဆိုပါ ဆင်လေးကောင်ကို ၂၀၁၉ ခုနှစ် အရင်အစိုးရ လက်ထက်ထဲက ရန်ကုန်နှင့် ညီအစ်မမြို့ဟု သတ်မှတ်ထားသည့် ဖူကူအိုကာမြို့ကို ပေးအပ်ရန် သဘောတူထားခြင်းဖြစ်ပြီး နစကလက်ထက် ယခုနှစ် ဇူလိုင်လတွင် လွှဲပြောင်းပေးအပ်ခဲ့ခြင်း ဖြစ်သည်။

ပုံစာ- ဖူကူအိုကာ တိရစ္ဆာန်ရုံ၌ သေဆုံးသွားသော ဆင်မလေး / Kyodo News

✍irrwaddy_news

😞

28/08/2024

🐘 ပဲခူးမြို့နယ်၊ ဘုရားကြီးမြို့အနီးက ကျွန်တော့်တို့ ဝင်္ဂဘော် ECBTဆင်စခန်းမှာရှိတဲ့ အသက်(၂၁ )နှစ်အရွယ် ဆင်မကလေး ပုလဲစန္ဒာမှ ပထမဆုံးအကြိမ်မွေးဖွားခြင်းအနေနဲ့ ၂၆.၈.၂၀၂၄ ရက်နေ့(တနင်္လာနေ့)မှာ ဆင်အမွှာကလေး ( ၂)ကောင် မွေးဖွားခဲ့ပါတယ်ခင်ဗျ။
🐘 နံနက် ၃း၃၈ နာရီအချိန်မှာ ဆင်မကလေး( အကြီး) ပုလဲဆင့် နှင့် နံနက် ၃:၄၂နာရီအချိန်မှာ ဆင်ထီးကလေး(အငယ်) ကျော်ပုလဲ တို့မွေးဖွားခဲ့တာ ဖြစ်ပါတယ်ခင်ဗျ။
🐘 ဆင်ကလေး(၂)ကောင်မှာ အရပ်အနည်းငယ်နိမ့်ပြီးနို့မမှီလို့ နို့စို့နိုင်ဖို့ ခုံလေးပြုလုပ် ပေးထားပါတယ်။ မိခင်ဆင်မရဲ့ နို့တစ်မျိုးထဲနဲ့ ဆင်ကလေးများ နို့မဝနိုင်လို့ Dumex step 2ကိုဖျော်ပြီး နို့ဗူးနဲ့ပါ တိုက်ကျွေးပြုစုနေပါတယ်ခင်ဗျ။
🐘 ဆင်မကြီးကိုလည်း အဟာရတွေပြည့်ဝပြီး နို့ထွက်ကောင်းစေဖို့ ဖြည့်စွက်စာ စပါးကိုကျွေးပေးနေပါတယ်ခင်ဗျ။
🐘 ထူးခြားပြီးချစ်စရာကောင်းတဲ့ ဆင်အမွှာလေး (၂)ကောင်ကို လာကြည့်ရင်း ဆင်စခန်းမှာ လာရောက်အပန်းဖြေဖို့ ဝင်္ဂဘော် ဆင်စခန်းမိသားစုမှ နွေးထွေးပျူငှာစွာ ဖိတ်ကြားအပ်ပါတယ်ခင်ဗျာ။

ဝင်္ဂဘော် ဆင်စခန်း 🐘🇲🇲
We Love Elephant - Myanmar (ဆင္ခ်စ္သူမ်ားအသင္း)

09/02/2024

တိရစ္ဆာန်ဥယျာဉ် (ရန်ကုန်) ရှိ ဆင်မကြီးမိုမိုအား ၁၉၆၁ခုနှစ်တွင် ကယားပြည်နယ် လွိုင်ကော်မြို့မှ ဦးခွန်စန္ဒမှ လှူဒါန်းခဲ့ပါသည်။ လှူဒါန်းစဉ် အသက် (၇) နှစ်ခန့်ရှိပြီး ယခုဆိုလျှင် အသက် (၇၁) နှစ်သို့ ရောက်ရှိခဲ့ပြီဖြစ်ပါသည်။

အသက်အရွယ်ကြီးရင့်လာမှု၏နောက်ဆက်တွဲအကျိုးရလဒ်အနေဖြင့် သက်ကြီးဆင်များတွင် ဖြစ်လေ့ဖြစ်ထရှိ‌သော ခြေသည်းအထက်ပိုင်းတွင် ကြွက်နို့သဏ္ဍာန် ထွက်ပေါ်လာသည်ကို တွေ့ရပါသည်။ ၎င်းအခြေအနေကို ဆင်ကျွမ်းကျင်သူ ပညာရှင်များဖြစ်သည့် ဒေါက်တာခင်မောင်ဝင်း (ဆင်ဖြူတော်ဥယျာဉ်) နှင့် မြန်မာ့သစ်လုပ်ငန်းမှ ဒု-လက်ထောက် အထွေထွေမန်‌နေဂျာ ဒေါက်တာဇော်မင်းဦးတို့ကို ပင့်ဖိတ်၍အကြံဉာဏ်တောင်းခံခဲ့ပြီး လိုအပ်သည်များကို နေ့စဉ်မပြတ် ဆောင်ရွက်ပေးလျက်ရှိပါတယ်။
တဖန် အင်းစိန်ရောဂါရှာဖွေရေးဌာနမှ ကျွမ်းကျင်ပညာရှင် ဒေါက်တာဝင်းမြင့်အား ပင့်ဖိတ်၍ လိုအပ်‌သော စစ်ဆေးမှုများ ပြုလုပ်ခဲ့ပြီး လိုအပ်သည်များကို ဆက်လက်လုပ်ဆောင်လျက်ရှိပါတယ်။

ဆင်မကြီးမိုမိုသည် အသက်ကြီးလာသည်နှင့်အမျှ ၎င်း၏မူရင်းသဘာဝအတိုင်း အစာကို အမျိုးမျိုးရွေးချယ်စားသောက်တတ်ပြီး နေ့စဉ်နှင့်အမျှ အစာကို ပြောင်းလဲစားသောက်တတ်ပါတယ်။ ဆင်မကြီးမိုမိုအတွက် လိုအပ်သော ဖြည့်စွက်စာများ‌နှင့် ကြိုက်နှစ်သက်သည့် အစာကိုပိုမိုကျွေးခြင်း၊ ညဘက် အိပ်ချိန်တွင် သက်တောင့်သက်သာဖြစ်စေရန် သဲပေါ်မှာ အိပ်စက်စေခြင်းများကို ဆောင်ရွက်၍ အနီးကပ်ကျွေးမွေးပြုစုစောင့်ရှောက်လျက်ရှိပါတယ်။

05/01/2024

ဇန္နဝါရီလ ၄ ရက်နေ့ လွတ်လပ်ရေးနေ့က မွေးဖွားသော သာဦး ဆင်ကလေးနာမည်က ငြိမ်းချမ်းဦး ဖြစ်ပါတယ်။

ပုံတွေကတော့ ငြိမ်းချမ်းဦးအား ဝါးနက်အပန်းဖြေဆင်စခန်း- မန္တလေး မှ ဆင်ဦးစီးများမှ ရေသန့်စင်ပေးခြင်း ပြုလုပ်ပုံလေးတွေပဲဖြစ်ပါတယ်။

We Love Elephant - Myanmar (ဆင်ချစ်သူများအသင်း) 🐘🇲🇲

05/01/2024

မိခင် ဆင်မကြီးနဲ့ကွဲပြီး တောထဲမှာ တစ်ကောင်တည်း မျက်စိလည်နေတဲ့ ဆင်သားပေါက်လေးကို တမီလ်နာဒူသစ်တောဌာနက ရှာဖွေကယ်ဆယ်ပြီး မိခင်ထံ ပြန်ပို့ပေးလိုက်ချိန်မှာ မိခင်ရင်ခွင်ထဲ တိုးဝင်အိပ်စက်နေတဲ့ ဆင်သားပေါက်လေးကို မြင်တွေ့ရတာပါ။ စကားလုံး ထောင်သောင်းချီနဲ့ညီမျှတဲ့ ဓာတ်ပုံတစ်ပုံလို့လည်း ဆိုနိုင်ပါတယ်။

Ref: 'When A Picture Is Worth A Million Words': Lost Elephant Calf Is Reunited With Mom.

📝 Yoyarlay

04/01/2024

Our Wanet Family Happy Day🐘🩵

၂၀၂၄ခုနှစ် လွတ်လပ်ရေးနေ့တွင် ဝါးနက်အပန်းဖြေဆင်စခန်း- မန္တလေး ရဲ့ ဆင်မလေး ငြိမ်းစောလေးမှ
ဆင်ကလေးအောင်မြင်စွာမွေးဖွားပြီးပါပြီ။

ဆင်ကလေးနှင့် ဆင်မေမေ နှစ်ဦးလုံး ကျန်းမာပါသည်။

CRD - ဝါးနက်ဆင်စခန်း
We Love Elephant - Myanmar (ဆင်ချစ်သူများအသင်း) 🐘🇲🇲

17/12/2023

ဒီနေ့ Yangon Zoo ကို ရောက်ဖြစ်တော့ မိုမိုနဲ့ မျိုးမျိုး၊ မလှချော၊ မချောလေးတို့ကို သွားတွေ့ဖြစ်ပြီး ဖရဲသီးကျွေးဖြစ်တယ်။

ဆင်ရုံမှာ လူအရမ်းစည်းကားနေတော့ ဓာတ်ပုံကို သေချာလေးမရိုက်ခဲ့ရဘူး။ ရောက်ရှိကြောင်းလေး မှတ်တမ်းတင်ခဲ့တယ်။

အချိန်အခါလေး ကောင်းခဲ့ရင် ဆင်တွေရှိရာကို သွားပြီး မှတ်တမ်းတင်မယ့် အစီအစဥ်လေးတွေ ရှိပါတယ်။

We Love Elephant - Myanmar
We Love Elephant - Myanmar (ဆင်ချစ်သူများအသင်း) 🐘🇲🇲

17/12/2023

( ခရီးသွားသတင်း )
မန်းရွှေစက်တော်ပွဲမှာ ရွှေစက်တော် မန်းချောင်း အပန်းဖြေဆင်စခန်းကို ဖွင့်လှစ်မယ်

ရန်ကုန် ၊ ဒီဇင်ဘာ ၁၇ ၊ ၂၀၂၃

မကွေးတိုင်းဒေသကြီး၊ မင်းဘူး ၊ စကုမြို့နယ်ရှိ မန်းရွှေစက်တော်ဘုရားပွဲတော်နဲ့အတူ ရွှေစက်တော်မန်းချောင်း အပန်းဖြေဆင်စခန်းကိုပါ တစ်ဆက်တည်း ဖွင့်လှစ်သွားမယ်လို့ သိရပါတယ် ။

ရွှေစက်တော်မန်းချောင်း အပန်းဖြေဆင်စခန်းကို မန်းရွှေစက်တော်ဘုရားကြီးအနီး ပဒေါင်း - ပျော်ဘွယ် ကြိုးပြင်ကာကွယ်တောအတွင်းမှာ မြန်မာ့သစ်လုပ်ငန်း ၊ မင်းဘူးသစ်ထုတ်ရေးဒေသ ၊ ဆင်ထိန်းသိမ်းစောင့်ရှောက်ရေးအခြေပြုခရီးသွားလုပ်ငန်းက ပြည်တွင်း၊ပြည်ပ ခရီးသွားတွေကို ဆွဲဆောင်နိုင်စေရန်နဲ့ ခရီးသွားဝန်ဆောင်မှုလုပ်ငန်းများ ဆောင်ရွက်နိုင်စေဖို့ ရည်ရွယ်ဖွင့်လှစ်ထားတာဖြစ်ပါတယ် ။

ဆင်စခန်းကို အခုဖွင့်လှစ်ထားပြီး လာရောက်အပန်းဖြေလည်ပတ်သူတွေ ခရီးတိုဆင်စီးရင်းတောတောင်ရေမြေနဲ့ စိမ်းစိုသာယာလှပတဲ့သဘာဝရှုခင်းအလှအပတွေကို ကြည့်ရှုခံစားနိုင်စေမှာဖြစ်ပါတယ် ။

မန်းချောင်းဘေး ဆင်တွေနဲ့အတူ ရေချိုးရင်းအနားယူအပန်းဖြေပြီး ယာယီတံတား၊ တည်းခိုဆောင်တွေကနေ ကြည့်ရှုခံစားနိုင်မှာဖြစ်ပါတယ်။
ထူးခြားတဲ့ဧည့်ခံဖျော်ဖြေမှု ဆင်ပြပွဲ (Elephant Show) ကိုလည်း ထည့်သွင်းစီစဥ်ထားပြီး ၊ ဆင်နဲ့ပတ်သက်တဲ့ သိမှတ်ဖွယ်ရာတွေကို လေ့လာဖို့ ဆင်ပြတိုက်တစ်ခုလည်း ပြင်ဆင်ထားကြောင်းသိရပါတယ် ။

ဆင်စခန်းဖွင့်လှစ်ချိန်က မနက် ၇ နာရီကနေ ညနေ ၆ နာရီအထိဖြစ်ပြီး ၊ ဆင်စခန်းဝင်ကြေးက ပြည်တွင်းခရီးသွားတစ်ယောက်ကို ကျပ်တစ်ထောင် ၊ ခရီးတိုဆင်စီးခ ကျပ်ငါးထောင် ၊
နိုင်ငံခြားသားဆိုရင် ကျပ်တစ်သောင်း ၊ ခရီးတိုဆင်စီးခ ကျပ်တစ်သောင်း ဖြစ်ပါတယ် ။

သပ်ရပ်လှပတဲ့ ဘန်ဂလိုတည်းခိုဆောင်တစ်လုံးကို တစ်ရက် ကျပ်သုံးသောင်း ၊ VIP တည်းခိုဆောင်ခကတော့ ကျပ်ငါးသောင်းလို့ သိရပါတယ် ။

မူရင်းရေးသားသူ - Maung Maung

သတင်း - ဆွေဦးနိုင်၊ ရွှေတြိဂံဒေသသတင်းဌာန
ဓာတ်ပုံ - လူမှုကွန်ရက်

#မန်းရွှေစက်တော်_ဘုရားပွဲ_ရွှေစက်တော်_မန်းချောင်း
#အပန်းဖြေဆင်စခန်း_မကွေးတိုင်း_မင်းဘူး_စကု

ရွှေစက်တော် မန်းချောင်းအပန်းဖြေ ဆင်စခန်း
We Love Elephant - Myanmar (ဆင်ချစ်သူများအသင်း) 🐘🇲🇲

15/11/2023

Rescue elephant's family

CRD-Online
We Love Elephant - Myanmar We Love Elephant - Myanmar (ဆင်ချစ်သူများအသင်း) 🐘🇲🇲

11/11/2023

ဒီနေ့က ဟိုးစစချင်းတုန်းက ပိစိမ ဗီဒီယိုလေး တင်ပေးဖူးပါတယ်။ သူ့နာမည်က ခင်လှပြည့်ဌေးပါ။ အဲ့တုန်းက အသေးလေးမို့ ပိစိမလို့ချစ်စနိုးနဲ့ခေါ်ခဲ့တာ။

ဒီနေ့က သူ့မွေးနေ့ပါ🎂🐘🇲🇲

၁၁-၁၁-၂၀၂၃ ရက်
ဆင်ကလေး ခင်လပြည့်ဌေး ၄ နှစ်ပြည့် မွေးနေ့
🐘🐘🎂🎂💞

၁၁-၁၁-၂၀၁၉ ရက် တန်ဆောင်မုန်းလပြည့်နေ့ မှာ မွေးဖွားခဲ့တဲ့ ဆင်ကလေး ခင်လပြည့်ဌေး ၄ နှစ် ပြည့်ပါပြီ

ဆင်ကလေးမွေးနေ့မှာ မွေးနေ့ကုသိုလ်အဖြစ် ဆင်စခန်းက ဆင်တွေကို ဆင်စာဘူဖေး ကျွေးပြီး ဆင်စခန်းဝန်ထမ်းတွေအတွက် အာဟာရဒါန ကြာဆံကြော် ကျွေးမွေးပါတယ်

ဆင်ကလေး ( ၄ ) နှစ်ပြည့်မွေးနေ့မှသည်
နောင်နှစ်များစွာတိုင် ကျန်းမာ ၊ သက်ရှည် ၊
အနာကင်း ပါစေကြောင်း ဆုတောင်းမေတ္တာ
ပို့သလိုက်ရပါတယ်

ပလင်းကမ်းသာယာဆင်စခန်း - ပုဂံ

We Love Elephant - Myanmar

16/12/2024

25/10/2024

11/09/2024

28/08/2024

09/02/2024

05/01/2024

05/01/2024

04/01/2024

17/12/2023

17/12/2023

15/11/2023

11/11/2023

Address

Website

Alerts

Shortcuts

Share

Category