https://www.facebook.com/119818252738580/

လူငယ်များအားထားရာ ဆေးကုခန်းကွန်ယက်, No (249), Theinbyu Road, Yangon (2026)

01/08/2026

♿ကျွန်တော်က မသန်စွမ်းတစ်ယောက်ပါ
💵ဆေးခန်းသွားတာ ဆေးကုသစရိတ်က ၇၀၀၀ သက်သာခွင့်ရတဲ့ အပြင် ခရီးစရိတ် ၁၅၀၀၀ ထပ်ရပါတယ်
🤍ကျွန်တော်တို့ အတွက်တော့ သွားရလာရ ပိုလွယ်သွားတာပေါ့

25/07/2026

👧ကျွန်မက သွေးအားနည်းလို့ ဆေးခန်းသွားပြတာ ဆေးခန်းက အားဆေးလည်းပေးလိုက်တယ်
📱ထာဝရ ဆိုတဲ့ application အကြောင်းလည်း ရှင်းပြတယ် အခုကျွန်မက ရန်ကုန်မှာ မနေဖြစ်တော့ဘူး နောက်ပိုင်း တစ်ခုခုဆို ထာဝရကနေ မေးဖြစ်တယ်

18/07/2026

🤰ကျွန်မက ကိုယ်ဝန်ဆောင်တုန်းက ဆေးခန်းသွားပြဖြစ်တာ

💊ဆေးကုသစရိတ်မပေးရတဲ့အပြင် ကိုယ်ဝန်ဆောင် အားဆေးပါ ပြန်ရပါတယ်

📜သန္ဓေတားတဲ့ လက်ကမ်းစာစောင်ပါ ပေးလိုက်ပါတယ်

06/06/2026

လူငယ်များအားထားရာ ဆေးကုခန်း (Youth Friendly Clinic) တွေက

လူငယ်တွေအတွက်

👉 Accessible service (လက်လှမ်းမီ ဝန်ဆောင်မှု ရရှိခြင်း)

👉 Affordable (ဆေးကုသစရိတ် မျှဝေကျခံပေးခြင်း)

👉 Confidentiality and privacy (ကိုယ်ရေးကိုယ်တာ အချက်အလက်တွေ လုံခြုံမှုပေးနိုင်ခြင်း)

👉 Non Judgmental (အပြစ်တင်ဝေဖန်မှု ကင်းခြင်း)

👉 Convenience (လွယ်ကူချောမွေ့စွာဝန်ဆောင်မှုရယူနိုင်ခြင်း)

👉 Treat with respect (ဆေးကုရာတွင် လေးစားမှုဖြင့် ပြောဆိုဆက်ဆံပေးခြင်း)

👉 Friendly (လူငယ်များအပေါ် ရင်းနှီးနွေးထွေးစွာ ဆက်ဆံပေးခြင်း)

စတဲ့ အချက်တွေနဲ့ ကုသမှုပေးနေခြင်းကြောင့်

လူငယ်တွေရဲ့မျိုးဆက်ပွားကျန်းမာရေး ပြဿနာများနဲ့ပတ်သက်လို့ စိတ်ချယုံကြည်စွာ အားထားလို့ရနေတဲ့ဆေးခန်းများဖြစ်ပါတယ်

03/06/2026

အကြားအာရုံမသန်စွမ်းသူများအတွက် ထိရောက်မှုရှိသော ဆက်သွယ်ချိတ်ဆက်မှုများဖြစ်စေရန် (Effective Communication) အတွက် ထည့်သွင်းစဉ်းစားသတိပြုရမည့် အချက်များကို ဆက်လက်ဖော်ပြပေးသွားပါမယ်။

🦻အကြားအာရုံ မသန်စွမ်းသူများကို ကြိုဆိုရာတွင် သတိပြုရမည်မှာ…

👄 နှုတ်ခမ်းကို ကြည့်၍ အဓိပ္ပာယ်ဖော်နိုင်သည့်အတွက် စကားကို တစ်လုံးချင်း ရှင်းလင်းစွာပြောပြရမည်။

🙋အခြေခံ လက်သင်္ကေများ သိထားလျှင်လည်း အသုံးပြုနိုင်သည်။

📝 အကြားအာရုံချို့ယွင်းသော်လည်း စာရေးတတ် ဖတ်တတ်ပါက စာရေး၍ ချိတ်ဆက်ပေးနိုင်သည်။

🔢 စောင့်ဆိုင်းချိန်တွင် ဂဏန်းနံပါတ်ကို ဖော်ပြထားသော အလှည့်ကျ တိုကင်ကတ်ကို ပေးထားနိုင်သည်။ အမြင်အာရုံမချို့ယွင်းပါက အလည့်ကျရောက်လျှင် အလှည့်ကျနံပါတ်ပါသော လက်ကိုင်ဘုတ်ပြားကို မြင်သာအောင် ပြ၍ အသိပေးမည်ဖြစ်ပါကြောင်းနှင့် အနီးအနားအထိ လာရောက်ခေါ်ယူပေးနိုင်ပါကြောင်း အသိပေးထားရမည်။

🚫 "အပင်း၊ အ အ" စသည့် စကားလုံးများကို ရှောင်ကြဉ်ရန် လိုအပ်သည်။

💊 ဆေးပေးရာတွင်လည်း တိကျသော ညွှန်ကြားချက် ရေးပေးရမည် (ဥပမာ တစ်ရက်အတွင်းသောက်ရမည့်အကြိမ်ရေ- မနက် ၊ နေ့ ၊ ည သင်္ကေတ စသဖြင့်) ၊ ညွှန်ကြားချကိများကို ရှင်းလင်းမှုရှိမရှိ သေချာစွာ ပြန်လည်မေးမြန်းရမည်။

အထက်ပါအချက်များကို သတိပြု အလေးထားပြီး ဆောင်ရွက်ပါက အကြားအာရုံမသန်စွမ်းသူများနှင့် ချိတ်ဆက်ပြောဆိုဆောင်ရွက်ခြင်းတွင် များစွာ အထောက်အကူပြု ချောမွေ့မည်ဖြစ်ပါသည်။

30/05/2026

ဒီနေ့တော့ ဉာဏ်ရည်မသန်စွမ်းသူများအတွက် ဆေးပေးကုသရာတွင် ထိရောက်မှုရှိသော ဆက်သွယ်ချိတ်ဆက်မှုများဖြစ်စေရန် (Effective Communication) အတွက် ထည့်သွင်းစဉ်းစားသတိပြုရမည့် အချက်များကို ဆက်လက်ဖော်ပြပေးသွားပါမယ်။

ဉာဏ်ရည်မသန်စွမ်းသူများကို ကြိုဆိုရာတွင် သတိပြုရမည်မှာ…

🗣️ အနီးကပ်ပြုစုစောင့်ရှောက်သူပါလာနိုင်ခြေအများဆုံး အခြေအနေ ရှိပါသည်။ သို့ရာတွင် လူနာသည် ဉာဏ်ရည်မသန်စွမ်းသော်လည်း စကားပြောဆိုနားလည်နိုင်စွမ်းရှိပါက ရောဂါလက္ခဏာများကို လူနာနှင့် မေးမြန်းခြင်းကို ဦးစွာဆောင်ရွက်ရမည်။ ပြီးမှသာ အနီးကပ်ပြုစုစောင့်ရှောက်သူနှင့် ဆက်လက်ပြောဆိုပေးသင့်သည်။

💉🩺အချို့သော ဉာဏ်ရည်မသန်စွမ်းသူများသည် မိမိတို့၏ private part များကို ထိခွင့်မပေးရ၊ ကိုင်တွယ်ခွင့်မပေးရဟူသော အခြေခံအချက်များကို သင်ယူထားပြီးသူများဖြစ်နိုင်သည်။ သို့ပါ၍ ဆရာဝန်များ နားကျပ်နှင့်ထောက်၍ ရင်ဘတ်စမ်းသပ်ရန်၊ တင်ပါးကို ဆေးထိုးရန်၊ မိန်းမကိုယ်ကို လိုအပ်လျှင်စမ်းသပ်ရန် စသည့်အခြေအနေများရှိလာလျှင် စမ်းသပ်ကုသရန် ခက်ခဲမှုရှိနိုင်သည့်အတွက် အနီးကပ်ပြုစုစောင့်ရှောက်သူများအား နားလည်အောင် ပြောပြပေးထားနိုင်ပါရန်နှင့် အထောက်အကူပြုပိုစတာများကိုလည်း ဆေးခန်းများတွင် ထားရှိရန် လိုအပ်ပါသည်။

⏰ ဆေးခန်းတွင် စောင့်စားချိန်တွင် အဆင်ပြေငြိမ်သက်မှုရှိစေရန် အရုပ်များ၊ မုန့်များထားရှိပေးနိုင်ပါသည်။

🦧🐘🐿️စောင့်ဆိုင်းချိန်တွင် အလှည့်ကျ တိုကင်ကတ်ကို ပေးထားနိုင်သည်။ တိုကင်ကတ်တွင် ဂဏန်းနံပါတ်ကို ဖော်ပြရာတွင် စိတ်ဝင်စားမှုရှိစေနိုင်သော တိရစ္ဆာန်ပုံ ၊ အသီးပုံ စသဖြင့် အသုံးပြု ဖော်ပြနိုင်သည်။

🛎️ အလှည့်ကျရောက်လျှင် ဘဲလ်တီးပြီး နံပါတ်ခေါ်ပေးမည်ဖြစ်ကြောင်း နှင့် အနီးအနားအထိ လာရောက်ခေါ်ယူပေးနိုင်ပါကြောင်း အသိပေးထားရမည်။

🫣ဉာဏ်ရည်မသန်စွမ်းသူအချို့သည် ဂွမ်းစကို ကြောက်ရွံ့တတ်သည့်အတွက် ဂွမ်းအစားထိုး ပစ္စည်းများကို ထားရှိရန်လည်း လိုအပ်ပါသည်။

အထက်ပါအချက်အလက်များကို သတိပြု အလေးထား၍ ဆောင်ရွက်ပါက မသန်စွမ်းသူများနှင့် ချိတ်ဆက်ပြောဆိုဆောင်ရွက်ခြင်းတွင် များစွာ အထောက်အကူပြု ချောမွေ့မည်ဖြစ်ပါသည်။

27/05/2026

အမြင်အာရုံမသန်စွမ်းသူများအတွက် ဆေးပေးကုသရာတွင် ထိရောက်မှုရှိသော ဆက်သွယ်ချိတ်ဆက်မှုများဖြစ်စေရန် (Effective Communication) ဆက်လက်ဖော်ပြပေးသွားပါမယ်။

🧑‍🦯 အမြင်အာရုံမသန်စွမ်းသူများကို ကြိုဆိုရာတွင် သတိပြုရမည်မှာ…

💬 အမြင်အာရုံချို့ယွင်းပါက တွဲခေါ်ပေးရန် အကူအညီလိုအပ်ပါသလားဟု ဦးစွာ မေးရမည်။

❗လိုအပ်ပါသည်ဟု ဖြေဆိုပါက ကူညီပေးမည့်သူ၏ မည်သည့်နေရာကို မှီ၍ သို့မဟုတ် ကိုင်၍ လိုက်ပါလျှင် အဆင်အပြေဆုံး ဖြစ်မည်ကို ထပ်မံ၍ မေးရမည်။ (ဥပမာ ပခုံးကို ကိုင်၍ လိုက်ပါခြင်း၊ လက်ကောက်ဝတ်ကို ကိုင်၍လိုက်ပါခြင်း၊ ကိုယ်တိုင် တုတ်ချောင်းအသုံးပြု၍ သွားခြင်း)

💡ကူညီရမည့်နည်းလမ်းသိရှိပြီးပါက ဆေးကုသမည့်နေရာသို့သွားရန် သေချာတိကျစွာညွှန်ပြပေးနိုင်ရမည်။ လမ်းညွှန်ရာတွင် မစိပ်မကျဲလွန်းသော ခြေလှမ်းအရေအတွက်၊ လမ်းကြောင်း (ဥပမာ - မသန်စွမ်းသူ၏ ဘယ်ဘက်/ ညာဘက်ကို ကွေ့မည် သို့မဟုတ် တည့်တည့်လျှောက်ရမည် သို့မဟုတ် လှေကား ဘယ်နှစ်ထစ်ဆင်းရမည် စသဖြင့် လမ်းညွှန်မှု)

🔢စောင့်ဆိုင်းချိန်တွင် မျက်မမြင်လက်စမ်းစာနှင့် ဂဏန်းနံပါတ်ကို ဖော်ပြထားသော အလှည့်ကျ တိုကင်ကတ်ကို ပေးထားနိုင်သည်။ အကြားအာရုံမချို့ယွင်းပါက အလှည့်ကျနံပါတ်ကို ပြောပြထားရမည်။ အလည့်ကျရောက်ပါက ဘဲလ်တီးပြီး နံပါတ်ခေါ်ပေးမည်ဖြစ်ကြောင်းနှင့် အနီးအနားအထိ လာရောက်ခေါ်ယူပေးနိုင်ပါကြောင်း အသိပေးထားရမည်။

🚫 "မြင်ရလား၊ မြင်လား" စသည့် စကားလုံးများကို ရှောင်ကြဉ်ရန် လိုအပ်သည်။

💊 ဆေးပေးရာတွင်လည်း တိကျသော ညွှန်ကြားချက်ပေးရမည် (ဥပမာ ဆေးလုံးအရေအတွက်၊ တစ်ရက်အတွင်းသောက်ရမည့်အကြိမ်ရေ၊ ဆေးထုပ်အရေအတွက် စသဖြင့်) ၊ ညွှန်ကြားချက်များကို ရှင်းလင်းမှုရှိမရှိ သေချာစွာ ပြန်လည်မေးမြန်းရမည်။

အထက်ပါအချက်များကို သတိပြု အလေးထားပြီး ဆောင်ရွက်ပါက အမြင်အာရုံမသန်စွမ်းသူများနှင့် ချိတ်ဆက်ပြောဆိုဆောင်ရွက်ခြင်းတွင် များစွာ အထောက်အကူပြု ချောမွေ့မည်ဖြစ်ပါသည်။

23/05/2026

ကျန်းမာရေးစောင့်ရှောက်မှုပေးသည့်နေရာများတွင်

🧑‍🦽 ကိုယ်အင်္ဂါမသန်စွမ်းသူများအတွက် ဆေးပေးကုသရာတွင် ထိရောက်မှုရှိသော ဆက်သွယ်ချိတ်ဆက်မှုများဖြစ်စေရန် (Effective Communication) ထည့်သွင်းစဉ်းစားသတိပြုရန် လိုအပ်သည့် ဂရုစိုက်မှုများကိုဖော်ပြပေးလိုက်ပါတယ်

💬 ကြိုဆိုရာတွင် တွဲခေါ်ပေးရန် အကူအညီလိုအပ်ပါသလားဟု ဦးစွာ မေးရမည်။

❗ လိုအပ်ပါသည်ဟု ဖြေဆိုပါက ဂျိုင်းထောက်အသုံးပြုသူဆိုလျှင် ဂျိုင်းထောက် ထောက်ထားသည့်ဘက်မှ မတွဲမိစေရန် သတိပြုရမည်။

✅ ဆေးကု ကုတင်ပေါ်တက်ရာတွင်လည်း မသန်စွမ်းမှုရှိနေသည့်ဘက်နှင့် တက်ရန် အားမသန်ပါက လူနာအသုံးပြုရန် ထားရှိသည့် ခေါင်းအုံးကို ဘက် (ခြေရင်း/ခေါင်းရင်း) အပြောင်းအလဲလုပ်ပေးနိုင်ရမည်။

⏳ စမ်းသပ်မှုပြုချိန်တွင်လည်း လှုပ်ရှားနိုင်မှု ၊ သန်စွမ်းနိုင်မှု အနေအထားပေါ်မူတည်၍ စမ်းသပ်သည့်အချိန် ပိုပေးရမည်ကို သတိပြုရမည်။

💛 ဆေးပေးခြင်း၊ စမ်းသပ်ခရှင်းခြင်းစသည့်ကိစ္စရပ်များ ဆောင်ရွက်ရာတွင်လည်း မသန်စွမ်းသူ၏ မသန်စွမ်းမှု နေရာနှင့် မသန်စွမ်းမှု degree ပေါ်မူတည်၍ စိတ်ရှည်စွာ စီစဉ်ဆောင်ရွက်ပေးရမည်။

အထက်ပါအချက်များကို သတိပြု အလေးထားပြီး ဆောင်ရွက်ပါက ကိုယ်အင်္ဂါမသန်စွမ်းသူများနှင့် ချိတ်ဆက်ပြောဆိုဆောင်ရွက်ခြင်းတွင် များစွာ အထောက်အကူပြု ချောမွေ့မည်ဖြစ်ပါသည်။

20/05/2026

နေမကောင်းတဲ့အခါ

ငယ်ငယ်က မိဘတွေ ဆေးခန်းလိုက်ပို့ပေးခဲ့တဲ့ အရွယ်ကနေ

အခုတော့ ကိုယ်ကိုယ်တိုင် ဆေးခန်းသွားရတဲ့ အရွယ်တောင် ရောက်လာကြပြီနော်

ဆေးခန်းမသွားချင်ဘူးဆိုရင်တော့

ကိုယ့်ကျန်းမာရေးကို နေ့စဉ် ဂရုစိုက်ပေးထားဖို့ လိုပါတယ် 🤍

`ကျန်းမာရေး ပြဿနာကြုံလာ`ရင်

အချိန်မီ ဆေးကုသမှုခံယူနိုင်ဖို့က အရေးကြီးပါတယ်…

လူငယ်များအားထားရာ ဆေးကုခန်းကွန်ယက်

01/08/2026

25/07/2026

18/07/2026

06/06/2026

03/06/2026

30/05/2026

27/05/2026

23/05/2026

20/05/2026

Address

Website

Alerts

Shortcuts

Share

Category

Listing takedown request