https://studio.youtube.com/channel/UCWNFp8KQDhO64tqQd5lkbTw

HIV Myanmar Prevention, Tamwe, Yangon (2026)

12/04/2026

🌊 ဒီသင်္ကြန်မှာ ကိုယ့်ကိုကိုယ် ကာကွယ်ဖို့ မမေ့ပါနဲ့နော် 💦

သင်္ကြန်မှာ ပျော်ပါးရင်း တချို့အချိန်တွေမှာ မမျှော်လင့်ထားတဲ့ အခြေအနေတွေ ဖြစ်လာနိုင်ပါတယ်။ ကွန်ဒုံးမသုံးမိတာ၊ သုံးထားတဲ့ကွန်ဒုံးပေါက်သွားတာလိုမျိုး risk ဖြစ်နိုင်တဲ့အခြေအနေတွေ ကြုံလာခဲ့ရင်…

72 နာရီ (3 ရက်) အတွင်း PEP (အရေးပေါ်ကာကွယ်ဆေး) ကို စတင်သောက်နိုင်ပါတယ်
စောနိုင်သမျှ စောစတင်တာက အကောင်းဆုံးပါ
PEP က HIV ကူးစက်မှုကို လျှော့ချပေးနိုင်တဲ့ အရေးကြီးတဲ့ ကာကွယ်ရေးနည်းလမ်းတစ်ခုပါ။
ပျော်ရွှင်မှုနဲ့အတူ ကိုယ့်ကျန်းမာရေးကိုလည်း ကာကွယ်ပါ။

PEP ဆေးနဲ့ပါတ်သက်ပြီး ဆွေးနွေးပေးခြင်း၊
လမ်းညွှန်ပေးခြင်း အခမဲ့ပြုလုပ်ပေးပါတယ်။

PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် - - - 09764224628 ‌‌‌‌‌‌‌ကို ခေါ်ဆို‌၍ဖြစ်‌စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ်။

#သင်္ကြန်

10/04/2026

PEP သောက်တော့မည်ဆိုလျှင် သိထားရမည့်အချက်များ-
PEP (HIV အရေးပေါ်ကာကွယ်ဆေး)ကိုသောက်ရမဲ့အခြေနေကြုံလာရင်မဖြစ်မနေသိထားရမဲ့အချက်တွေကိုပြောပြပေးချင်ပါတယ်။

အချိန်မီသောက်ရန်: ထိတွေ့မှုဖြစ်ပြီး ၇၂ နာရီ (၃ ရက်) အတွင်း စတင်ရမည်ဖြစ်ပြီး၊ နာရီပိုင်းအတွင်း (စောနိုင်သမျှစော) သောက်ခြင်းက ပိိုထိရောက်သည်။
ဆေးသောက်ချိန်: တစ်ရက်လျှင် တစ်ကြိမ် ၊ ရက်ပေါင်း ၂၈ ရက် (၄ ပတ်) တိတိ အပြီးသောက်ရမည်။
HIV စစ်ဆေးမှု: ဆေးမစမီနှင့် ဆေးသောက်ပြီးနောက်ပိုင်း (၄-၆ ပတ်နှင့် ၃ လခန့်) တွင် ကျန်းမာရေးဝန်ထမ်းများနှင့် တိုင်ပင်၍ HIV စစ်ဆေးမှု ထပ်မံပြုလုပ်ရမည်။
ဘေးထွက်ဆိုးကျိုးများ: ခေါင်းမူးခြင်း၊ ပျို့အန်ခြင်း၊ ဝမ်းလျှောခြင်းနှင့် မောပန်းခြင်းများ ဖြစ်နိုင်သည်။
သတိပြုရန်: PEP သည် HIV ကူးစက်မှုကို ၁၀၀% မကာကွယ်နိုင်ပါ။
အကြံဉာဏ်ရယူခြင်း:ကျွမ်းကျင်တဲ့ဆရာဝန် သို့မဟုတ်ကျန်းမာရေးဝန်ထမ်းနှင့် တိုင်ပင်ပြီးမှသာ သောက်သုံးပါ။
မှတ်ချက် - PEP သည်အရေးပေါ်အခြေနေအတွက်သာဖြစ်ပြီး မကြာခဏသောက်သုံးရန်မသင့်တော်ပါ။

PEP ဆေးနဲ့ပါတ်သက်ပြီး ဆွေးနွေးပေးခြင်း၊
လမ်းညွှန်ပေးခြင်း အခမဲ့ပြုလုပ်ပေးပါတယ်။

PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် - - - 09764224628 ကို ခေါ်ဆို၍ဖြစ်စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ် ။

#ကာလသား #ဂနို

08/04/2026

HIV ကာကွယ်ရန် နည်းလမ်း (၅) ချက်

လူတိုင်းမှာ မတော်တဆHIVပိုးကူးစက်နိုင်တဲ့အခြေနေတွေရှိနိုင်ပါတယ်။ဒါကြောင့် ကိုယ့်ကိုHIVပိုးမကူးစက်စေဖို့ကိုယ်တိုင်ကာကွယ်လို့ရမယ့်နည်းလမ်းတွေကိုပြောပြပေးချင်ပါတယ်။ဒီအချက်တွေက-

-HIV ပိုးရှိမရှိ ပုံမှန်သွေးစစ်ပါ။
-လုံခြုံစိတ်ချရသော လိင်ဆက်ဆံမှု အပြုအမူများကို ရွေးချယ်ပါ။
-လိင်ဆက်ဆံတိုင်း ကွန်ဒုံးကို မှန်ကန်စွာ အသုံးပြုပါ။
-လိင်ဆက်ဆံဖော် အရေအတွက်ကို လျှော့ချပါ။
-STI (လိင်မှတဆင့်ကူးစက်ရောဂါများ) ကို စစ်ဆေးပြီး ကုသမှုခံယူပါ။

👉 ထို့အပြင်
PrEP (HIV ကာကွယ်ရန် ကြိုတင်သောက်ဆေး) နှင့် လိုအပ်ပါက PEP(HIVပိုးအရေးပေါ်ကာကွယ်ဆေး)တို့ကိုနားလည်တတ်ကျွမ်းတဲ့ဆရာဝန်နဲ့တိုင်ပင်ပီးသောက်ပါ။

HIVကာလသားရောဂါများနှင့် PrEP, PEP,ART ဆက်စပ်ဆေးဝါးများအတွက်လုံခြုံစိတ်ချစွာဆွေးနွေးတိုင်ပင်ဖို့အတွက် 09764224628 ကိုဆက်သွယ်စုံစမ်းနိုင်ပါတယ်။

01/04/2026

PEP ဆိုတာ ဘာလဲ၊ ဘယ်အချိန်မှာ အသုံးဝင်လဲ❔

PEP ဆိုတာက HIV ကူးစက်နိုင်တဲ့ အန္တရာယ်ရှိတဲ့အခြေအနေတစ်ခု ဖြစ်သွားပြီးနောက်မှာ အရေးပေါ်အသုံးပြုတဲ့ ဆေးကုသမှုတစ်မျိုးဖြစ်ပါတယ်။ မကာကွယ်ဘဲ s*x ဖြစ်သွားတာ၊ condom ပေါက်သွားတာ၊ မိမိမသေချာတဲ့ partner နဲ့ အန္တရာယ်ရှိနိုင်တဲ့အပြုအမူတွေ ဖြစ်သွားပြီးနောက် HIV ကူးစက်နိုင်မလားဆိုပြီး စိုးရိမ်ရတဲ့အချိန်မှာ PEP ကို စဉ်းစားသင့်ပါတယ်။
PEP ကို ထိရောက်အောင် အသုံးပြုနိုင်ဖို့ အရေးကြီးဆုံးအချက်က အချိန်ဖြစ်ပြီး အန္တရာယ်ဖြစ်နိုင်တဲ့အချိန်ကစပြီး ၇၂ နာရီအတွင်း စတင်သောက်သုံးရပါမယ်။
အချိန်ကြာသွားလေလေ ထိရောက်မှုလျော့နည်းသွားနိုင်လို့ စောစောသိ၊ စောစောစတာက အရေးကြီးပါတယ်။
PEP က HIV ကို ၁၀၀% ကာကွယ်ပေးနိုင်တယ်လို့ မဆိုလိုပေမဲ့ မှန်ကန်တဲ့အချိန်အတွင်း ဆရာဝန်ညွှန်ကြားချက်နဲ့ အပြည့်အဝသောက်သုံးနိုင်ရင် HIV ကူးစက်နိုင်ခြေကို အများကြီးလျော့ချပေးနိုင်ပါတယ်။ PEP ကို သိထားတာဟာ မိမိကိုယ်တိုင်ကိုသာမက မိမိချစ်ရသူတွေကိုပါ ကာကွယ်ပေးနိုင်တဲ့ အသိပညာတစ်ခုဖြစ်တာကြောင့် မလိုအပ်ဘူးလို့ မထင်ဘဲ အရေးပေါ်အခြေအနေအတွက် သိထားသင့်တဲ့အရာတစ်ခုပါပဲဖြစ်ပါတယ်။

PEPအကြောင်းအသေးစိတ်ကိုဆွေးနွေးတိုင်ပင်နိုင်ပါတယ်။
ဆက်သွယ်ရန် -09764224628

ေးပေါ်ကာကွယ်ဆေး

13/02/2026

💝 ချစ်သူများနေ့မှာ ချစ်ခြင်းနဲ့အတူ လုံခြုံမှုပါ 💝

ညီလေးညီမလေးတို့ရေ…
ချစ်သူများနေ့မှာ
ချစ်ရသူနဲ့ချောကလက်လေးတွေစားကြရင်း အတူဖြတ်သန်းကြတဲ့အခိုက်တန့်လေးဟာသိပ်ကိုကြည်နူးဖို့ကောင်းပြီးတစ်ယောက်ပေါ်တစ်ယောက်ချစ်ခြင်းတွေလည်းပိုတိုးစေပါတယ်။
ဒီအချိန်လေးတွေကို ပျော်ရွှင်လိုက်ပါ။
ဒါပေမယ့် ချစ်ရင်…
ကာကွယ်ဖို့လည်း မမေ့ပါနဲ့။
✔ ကွန်ဒုံးကို အမြဲသုံးပါ
✔ အန္တရာယ်ရှိခဲ့ရင် 72 နာရီအတွင်း PEPကို စဉ်းစားပါ
✔ ကိုယ်နဲ့ ကိုယ်ချစ်သူရဲ့ အနာဂတ်ကို တာဝန်ယူပါ မလိုလားအပ်တဲ့အန္တရာယ်တွေမဖြစ်စေဖို့ကိုလည်းဂရုစိုက်ကာကွယ်ပါ။

HIV ပိုးရှိ၊မရှိ အခမဲ့စစ်ဆေးလမ်းညွုန်ပေးခြင်း၊ကာလသားရောဂါများ အခမဲ့စစ်ဆေးကုသပေးခြင်း၊PrEP ဝန်ဆောင်မှုများနှင့် PEP ဝန်ဆောင်မှုများကိုရရှိနိုင်ဖို့အတွက်
ဆက်သွယ်ရန် --- 09764224628 ကိုခေါ်ဆို၍ဖြစ်စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ်။

24/01/2026

လိင်မှတစ်ဆင့် ကူးစက်တတ်တဲ့ရောဂါတွေကို ဘယ်လိုကာကွယ်မလဲ❔

လိင်ဆက်ဆံမှုရှိတဲ့သူတိုင်းအတွက် လိင်မှတစ်ဆင့် ကူးစက်တတ်တဲ့ရောဂါတွေကို ကြိုတင်ကာကွယ်နိုင်ဖို့ အရေးကြီးပါတယ်။ အလွယ်ကူဆုံးနဲ့ အကျိုးရှိတဲ့နည်းကတော့ ကွန်ဒုံးကို မှန်မှန်ကန်ကန် သုံးခြင်း ပါပဲ။ ကွန်ဒုံးကို လိင်ဆက်ဆံချိန်တိုင်း သုံးပေးရင် HIV နဲ့ STI အများစုကို ကာကွယ်နိုင်ပါတယ်။

HIV ကာကွယ်ရေးအတွက်တော့ PrEP ဆိုတဲ့ ဆေးကို ကြိုတင်ပုံမှန်သောက်ခြင်းက HIV မကူးစက်အောင် ကာကွယ်ပေးနိုင်ပါတယ်။ လိင်ဆက်ဆံမှု မလုပ်ခင်ကတည်းက သောက်ထားရတာဖြစ်လို့ အန္တရာယ်မြင့်သူတွေ အတွက် အထူးသင့်တော်ပါတယ်။

တကယ်လို့ ကွန်ဒုံးမသုံးမိတာ၊ ကွန်ဒုံးပေါက်သွားတာ၊ သို့မဟုတ် HIV ကူးစက်နိုင်တဲ့ အခြေအနေတစ်ခု ဖြစ်သွားရင် PEP ဆေးကို 72 နာရီအတွင်း စတင်သောက်ဖို့ လိုအပ်ပါတယ်။ PEP က HIV မကူးစက်အောင် အရေးပေါ် ကာကွယ်ပေးနိုင်တဲ့ ဆေးဖြစ်ပါတယ်။
ကိုယ့်ကိုယ်ကို ကာကွယ်တာက ကိုယ့်အနာဂတ်ကို ကာကွယ်တာပါ။ ကွန်ဒုံးသုံးပါ၊ PrEP/PEP အကြောင်း သိထားပါ၊ သွေးစစ်တာကိုလည်း ပုံမှန်လုပ်ပေးပါ။

HIV ပိုးရှိ၊မရှိ အခမဲ့စစ်ဆေးလမ်းညွုန်ပေးခြင်း၊ကာလသားရောဂါများ အခမဲ့စစ်ဆေးကုသပေးခြင်း၊PrEP ဝန်ဆောင်မှုများနှင့် PEP ဝန်ဆောင်မှုများကိုရရှိနိုင်ဖို့အတွက်
ဆက်သွယ်ရန် --- 09764224628 ကိုခေါ်ဆို၍ဖြစ်စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ်။

#ကာလသား #ဂနို

26/09/2025

ART ဆေးဆိုတာ HIVပိုးကူးစက်ခံရတဲ့အခါ ခန္ဓာကိုယ်အတွင်း HIVပိုးတွေ ပိုမိုမပြန့်ပွားအောင် သောက်ရတဲ့ ပိုးထိန်ဆေးဖြစ်ပါတယ် ။

HIVပိုး ကူးစက်ခံရပြီး ART ဆေးသောက်နေတဲ့သူတွေအနေနဲ့ သိထားရမယ့် အချက်လေးတွေရှိပါတယ် ။

၁။ ART ဆေးဟာ နေ့စဉ် အချိန်မှန် သောက်ပေးရမယ့် ဆေးဖြစ်ပြီး တစ်ရက်မှ ပျက်ကွက်လို့ မရပါဘူးခင်ဗျာ။

၂။ ရောဂါပိုးဟာ ဆေးစစ်လို့ မပေါ်တော့တဲ့ အခြေအနေ (Undetectable stage) တစ်နည်းအားဖြင့် ပိုးကောင်ရေ (Viral Load) အလွန်နည်းတဲ့ အခြေအနေ ရောက်သွားတဲ့တိုင်အောင် ဆေးကို ပုံမှန်ဆက်သောက်ပေးဖို့ အရေးကြီးပါတယ်။

၃။ တခြားသော ဆေးဝါးတွေလိုပဲ ART ဆေးမှာလည်း ဘေးထွက်ဆိုးကျိုးတွေ ရှိနိုင်ပါတယ်။ သောက်ကာစမှာ အာနိသင်ဆိုးဆိုးရွားရွား ပြနိုင်ပေမယ့် နောက်ပိုင်းမှာ သိပ်ပြီး ပြင်းထန်တော့မှာ မဟုတ်ပါဘူး။

၄။ ART ဆေးရဲ့ ဘေးထွက်ဆိုးကျိုးတွေထဲမှာ ခံတွင်းပျက်တာ၊ ကိုယ်အလေးချိန် တက်လာတာ၊ ကျလာတာ၊ ဝမ်းပျက်ဝမ်းလျှော၊ ခေါင်းက အရက်သောက်ထားသလို ချာချာလည်ပြီး မူးနေခြင်း၊ မောပန်းလွယ်ခြင်း၊ အားမရှိသလို ဖြစ်နေခြင်းတို့ ဖြစ်ပေါ်နိုင်ပါတယ်။

၅။ တိုင်းရင်းဆေးတွေ၊ တရုတ်ရိုးရာဆေးမှုန့်တွေ၊ ဂျင်ဆင်းလို ဆေးမြစ်တွေ၊ ဆေးရွက်တွေကို လုံး၀ သောက်သုံးလို့ မသင့်လျော်ပါဘူး။

၆။ ကိုယ် သောက်ချင်တဲ့ အားဆေးတွေ၊ ရောဂါပျောက်ဆေးတွေ ရှိရင်လည်း ဆရာဝန်နဲ့ အရင်တိုင်ပင်သင့်ပါတယ်။

HIV ရှိ၊ မရှိ အခမဲ့ စစ်ဆေးလမ်းညွှန်ပေးခြင်း ၊ကာလသား ရောဂါများ အခမဲ့ စစ်ဆေးကုသပေးခြင်း ၊PrEP ဝန်ဆောင်မှုများနဲ့ PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် 09764224628 ‌‌‌‌‌‌‌ကို ခေါ်ဆို‌၍ဖြစ်‌စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ် ။

#ကာလသား
#ဂနို

24/09/2025

အမျိုးသားတွေအတွက် အရေးကြီးဆုံးက အရွယ်အစားမဟုတ်ဘဲ လိင်တံစွမ်းဆောင်နိုင်ရည် ပဲဖြစ်ပါတယ်။ လူအများစုက “လိင်အင်္ဂါကို ကြီးထွားမှ ဆွဲဆောင်နိုင်မယ်” လို့ ထင်ပေမယ့်၊ တကယ်က အကျိုးမရှိဘဲ ထောင်မတ်စွမ်းအားအနည်းငယ်သာ ကူညီနိုင်တာပါ။

တိုးတက်လာတဲ့ခေတ်မှာလည်း လိမ်းဆေး၊ ထိုးဆေး စတာတွေ ရှိလာပေမယ့် ဆေးတွေအများစုမှာ ဆိုးကျိုးပိုများပြီး၊ ကောင်းကျိုးက မရှိသလောက်ပါပဲ ။ ဒါကြောင့် လိင်ကျန်းမာရေး ကောင်းဖို့အတွက်ဆိုးကျိုးမရှိပဲ အိမ်မှာပြုလုပ်နိုင်မဲ့ သဘာဝနည်းလမ်းတွေကို ဖော်ပြလိုက်ပါတယ်။

(၁) လေ့ကျင့်ခန်းလုပ်ခြင်း
🏃‍♂️လေ့ကျင်ခန်းတွေ ၊ အားကစား‌ တွေ မကြာခဏ လုပ်ခြင်းက သွေးလည်ပတ်မှုကောင်းစေပြီး ထောင်မတ်စွမ်းအား တိုးစေပါတယ်။

(၂) ကျန်းမာ‌ရေးအတွက် အစားအစာစားခြင်း
🥦 အသီးအရွက်၊ 🐟 ငါး၊ 🍳 ဥအမျိုးမျိုး စားခြင်းက လိင်တံကို သန်မာစေပြီး သွေးကြောကျန်းမာရေးကို ကူညီပေးပါတယ်။ သုက်ပိုးထုတ်လုပ်မှု၊ ဟော်မုန်းထုတ်လုပ်မှုနဲ့ လိင်စွမ်းဆောင်ရည်အတွက် အရေးကြီးတဲ့ ဇင့်ဓာတ်ပါဝင်တဲ့အစားအစာများက တော့ ကမာကောင်၊ ပုဇွန်၊ ဂဏန်း စတဲ့ပင်လယ်စာများ၊ အမဲသား၊ ဝက်သား၊ ဗာဒံစေ့၊ မြေပဲ၊ နေကြာစေ့၊ ကုလားပဲ တို့ပဲဖြစ်ပါတယ်။

(၃) အိပ်စက်ပုံစံကောင်းမွန်စေခြင်း။း
🛌 တစ်နေ့လျင် အနည်းဆုံး ၇ နာရီ အိပ်စက်ခြင်းက စွမ်းဆောင်နိုင်ရည် အတွက် အရေးကြီးပါတယ်။

(၄) ရေဓာတ်ပြည့်ဝခြင်း ။
နောက်ဆုံးအနေနဲ့ အမျိုးသားလိင်အင်္ဂါမှာ အရေးအကြီးဆုံးအချက်က ရေဓာတ်ပြည့်ဝခြင်း ပါပဲ။ ရေဓာတ်ပြည့်ဝနေပါမှ လိင်အင်္ဂါသွေးလည်ပတ်မှု နဲ့ သုက်ရည်ထုတ်လုပ်မှု အားကောင်းစေမှာဖြစ်ပါတယ်။

ဒါကြောင့် ကိုယ့်အတွက် “အရွယ်အစား” ထက် ကျန်းမာရေး ကအဓိကဖြစ်ပြီး၊ သဘာဝနည်းလမ်းတွေနဲ့ စွမ်းဆောင်ရည်တိုးနိုင်ပါတယ်။

HIV ရှိ၊ မရှိ အခမဲ့ စစ်ဆေးလမ်းညွှန်ပေးခြင်း ၊ကာလသား ရောဂါများ အခမဲ့ စစ်ဆေးကုသပေးခြင်း ၊PrEP ဝန်ဆောင်မှုများနဲ့ PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် - - - 09764224628 ‌‌‌‌‌‌‌ကို ခေါ်ဆို‌၍ဖြစ်‌စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ် ။

#လိင်

#ကာလသား

22/09/2025

Condom ပေါက်သွားလို့လား..? မစိုးရိမ်ပါနဲ့...

HIV ပိုးကိုအရေးပေါ်ကာကွယ်ပေးနိုင်တဲ့ PEP ဆေးသောက်ပြီး ကာကွယ်လို့ရပါတယ်။

PEP ဆေးဆိုတာ HIVပိုးကူးစက်နိုင်တဲ့အပြုမှုမျိုးကို မတော်တဆ ပြုလုပ်မိခဲ့ရင် (၇၂)နာရီအတွင်းသောက်သုံးရတဲ့ အရေးပေါ်ကာကွယ်မှုဖြစ်ပါတယ်။အချိန်မှီကုသမှုခံယူခဲ့မယ်ဆိုရင် HIV ပိုးကူးစက်မခံရပါဘူး။

ကျန်းမာရေး စောင့်ရှောက်သူတွေရဲ့ ညွုန်ကြားချက်၊ကြီးကြပ်မှုများနဲ့ PEPကုထုံးကိုခံယူသင့်ပါတယ်။ PEPဆေးသောက်ဖို့ လိုအပ်သလားဆိုတာ အရင်ဆုံး ဆွေးနွေးရပါမယ်။ သောက်ရမယ်ဆိုရင် သတိထားရမှာက ဝယ်ယူရမယ့်နေရာဖြစ်ပါတယ်၊ စိတ်ချရတဲ့နေရာက ဝယ်ယူမှထိရောက်မှန်ကန်တဲ့ဆေး ရရှိနိုင်ပါတယ်။

PEP ဆေးနဲ့ပါတ်သက်ပြီး ဆွေးနွေးပေးခြင်း၊
လမ်းညွှန်ပေးခြင်း အခမဲ့ပြုလုပ်ပေးပါတယ်။

PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် - - - 09767655169 ‌‌‌‌‌‌‌ကို ခေါ်ဆို‌၍ဖြစ်‌စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ် ။

#ကာလသား #ဂနို

ပုံများကိုကူးယူဖော်ပြခွင့်မပြုပါ

20/09/2025

ညီကိုတွေကြားထဲမှာ " စိမ့်နေတယ်၊ ယိုနေတယ် " ဆိုတဲ့ ဘန်းစကားကို ကြားဖူးကြမယ်ထင်ပါတယ်။

ဒီအသုံးအနှုန်းတွေဟာ လိင်တံကနေ သုတ်ရည်လိုပြည်တွေကျတဲ့ "ဂနို လို့ခေါ်တဲ့ ဆီးပူညောင်းကျ" ရောဂါကိုရည်ညွှန်းတာပဲဖြစ်ပါတယ်။‌‌

ဂနိုက လိင်တံ၊ စအိုနဲ့ လည်မျို တွေမှာ ကူးစက်ဖြစ်ပွားနိုင်ပါတယ်။ဒါပေမယ့် တစ်ချို့လူတွေမှာ ရောဂါလက္ခဏာ မပြတဲ့အတွက် ကူးစက်ခံရရင်တောင် ဂနိုဖြစ်နေပြီဆိုတာ မသိကြတာမျိုးတွေလည်းရှိပါတယ်။

ဂနိုဖြစ်နေလားဆိုတာကို အလွယ်တကူသိလို့ရနိုင်မယ့် လက္ခဏာတွေကတော့ -

- လိင်တံကနေ ပြည်လို အရည်ထွက်ကျမယ်။ (ကိုယ်တိုင်က သတိမထားမိရင်တောင် အတွင်းခံမှာ ပေနေတာမျိုးကတစ်ဆင့် သိနိုင်ပါတယ်)

- ဆီးမကြာမကြာသွားမယ် ၊ ဆီးသွားတဲ့အခါ ပူစပ်ပူလောင်ခံစားရမယ်၊ ကျဉ်တက်ပါတယ်။

- ဝှေးစေ့ရောင်ရမ်းမယ်/နာမယ် ( မကုသဘဲထားရင် မျိုးမအောင်နိုင်တာမျိုးဖြစ်မယ် )

- စအိုနဲ့ဆက်ဆံခံခဲ့ရရင် စအိုမအီမသာဖြစ်မယ် ၊ ယားမယ် ၊ နာမယ် ၊ အရည်ကျမယ် ၊ သွေးယိုမယ် စတဲ့ဝေဒနာတွေ ခံစားရမှာဖြစ်ပါတယ်။

ဂနိုရောဂါဟာ ပျောက်ကင်းအောင်ကုသလို့ရတဲ့ရောဂါဖြစ်ပါတယ်။ဆေးမကုသဘူးဆိုရင်တော့ ဂနိုပိုးဟာ သွေးထဲကိုဝင်ရောက်နိုင်တဲ့အတွက် ခန္ဓာကိုယ်တစ်ခုလုံးမှာကူးစက်‌နေနိုင်ပါတယ်။အဆစ်အမြစ်တွေ ယောင်တာနာတာနဲ့ နောက်ဆက်တွဲ မျိုးမအောင်တာ ထိဖြစ်နိုင်ပါတယ်။
HIV ရှိ၊ မရှိ အခမဲ့ စစ်ဆေးလမ်းညွှန်ပေးခြင်း ၊ကာလသား ရောဂါများ အခမဲ့ စစ်ဆေးကုသပေးခြင်း ၊PrEP ဝန်ဆောင်မှုများနဲ့ PEP ဝန်ဆောင်မှုများကို ရရှိနိုင်ဖို့အတွက်
ဆက်သွယ်ရန် - - - 09764224628 ‌‌‌‌‌‌‌ကို ခေါ်ဆို‌၍ဖြစ်‌စေ၊ Page Messenger မှာလည်း အခမဲ့လာရောက်တိုင်ပင်ဆွေးနွေးနိုင်ပါတယ် ။

#ကာလသား

#ဂနို

14/09/2025

ဒီအမျိုးသားက အသက် 18နှစ်ပဲ ရှိပါသေးတယ်။ ကလေးတစ်ယောက်လိုပျော်ပျော်လေးနေထိုင်ချင်တယ်။ဂရုစိုက်တာခံချင်ပါတယ်။

မိသားစု.................
တခြားဆင်းရဲတဲ့မိသားစုတွေက အမျိုးသားငယ်တစ်ယောက်လိုပါပဲ။သူမှာထောက်ပံ့ဖို့မောင်နှမ 4ယောက်ရှိတဲ့မိသားစုရှိပါတယ်။ သူအချစ်ဆုံးက သူ့ညီလေးပါတဲ့။

လိင်လုပ်ငန်းရဲ့သားကောင်..........................................
သူက ရန်ကုန်ကို အလုပ်လုပ်ဖို့ရောက်လာတာပါ။
သူအလုပ်လုပ်ရမဲ့နေရာက လိင်လုပ်ငန်းဆိုတာမသိပဲရောက်လာခဲ့ပါတယ်။ရန်ကုန်ရောက်မှလိင်လုပ်ငန်းဆိုတာသိခဲ့ပြီး နေစရာ အိမ် ၊ စားစရာမရှိတဲ့ အတွက် ထိုလိင်လုပ်ငန်းထဲမှာ လိင်လုပ်သားအဖြစ်အလုပ်လုပ်ကိုင်ရင်းသူ့နည်းသူ့ဟန်နဲ့ဖြေရှင်းခဲ့ရတာပါပဲ။

သူရဲ့ရည်မှန်းချက်...….........…...............
တစ်လချင်းစီသူ့လုပ်အားခကို သူ့မိသားစုထံ ရှာထားတာလေးတွေပို့ပေးနေပါတယ်။သူ့ရဲ့အလုပ်က အန္တာရယ်များမှုကို စိုးရိမ်သလို တစ်ကွေ့ကွေမှာ HIV နဲ့ တခြားလိင်ကတဆင့်ကူးဆက်တက်တဲ့ရောဂါတွေရသွားမှာကိုစိုးရိမ်ခဲ့ဖူးပါတယ်။လိင်မှုဆိုင်ရာ ကျန်းမာရေးအကြောင်းတွေကိုလည်းအမြဲသူက လေ့လာခဲ့တယ်။ သူကိုယ်သူကာကွယ်နိုင်အောင်တဲ့လေ။သူ့အိမ်လေးကို အောက်ခံလေး ခင်းပေးချင်တယ်တဲ့။

သူ့ဘဝရဲ့အကြီးဆုံးအမှား (သို့) မူးယစ်ဆေး......................................................................
"လိင်လုပ်ငန်းလုပ်တဲ့အခါမှာ စိတ်ဒဏ်ရာတွေ၊မောပန်းတာတွေ၊နာကျင်မှုတွေရှိခဲ့ရပါတယ်တဲ့။အဲ့နာကျင်မှုတွေကို သက်သာဖို့အတွက် တစ်ခုထဲသောအဖြေက "မူးယစ်ဆေး " သုံးစွဲတာပါတဲ့။အဲ့အယူအဆကိုလက်ခံယုံကြည်လာတဲ့ထိုအမျိုးသားအပါအဝင် လိင်လုပ်သားအများစုကမူးယစ်ဆေးဝါးသုံးဆွဲဖို့ဖြစ်လာကြပါတယ်။ အဲ့ဒီမှာ သူ့ဘဝပျက်ခဲ့ရတာပဲဟု ဝမ်းနည်းစွာ ရင်ဖွင့်လာပါတယ်။ ဤမူးယစ်ဆေးဝါးတွေက သူရဲ့ဖောက်သည်တွေနဲ့အန္တာရယ်ရှိတဲ့အပြုအမှုတွေ လုပ်ဆောင်ဖို့တွန်းပို့ပေးရာ ရောက်ခဲ့ပြီးအကာအကွယ်မသုံးရန်ဆွဲဆောင်ခဲ့သောကြောင့်မလိုလားအပ်တဲ့ hiv ပိုးကူးစပ်တာကို ခံခဲ့ရပါတယ်။

" ကျွန်တော်က လိင်အလုပ်လုပ်ကိုင်ရင်း ကျွန်တော့်အိမ်ကိုထောက်ပံ့နေတာပါအကိုရယ်။ ကျွန်တော့်အလုပ်က အချိန်မရွေး HIV,ဖြစ်နိုင်တာကိုသိပေမဲ့အဲ့ အကြောက်တရားက ကျွန်တော့်ဆီကို ရောက်လာခဲ့ပြီ "

"ကျွန်တော့်ညီလေးတွေကြီးလာတဲ့အခါမှာ ကျွန်တော်ကို အကိုကောင်းတစ်ယောက်အနေနဲ့ပဲတွေးစေချင်တယ် ။ တခြားလူတွေ ကျွန်တော့်ကိုမြင်သလိုမျိုး မမြင်စေချင်ပါဘူးဗျာ ( ငိုရှိုက်စွာဖြင့်) ကျွန်တော်ဒါတွေလုပ်ခဲ့တယ်ဆိုတာလဲ သူတို့အတွက်ပဲဆိုတာ သိစေချင်တယ် ။ "

ညီလေးတို့လို လိင်လုပ်ငန်းဖြင့်အသက်မွေး၊ဝမ်းကျောင်းသူများက အကိုတို့ရဲ့ကိုယ်ချင်းစားနှာမှုကို လိုအပ်လျက်ရှိပါတယ်။

အကြံဉာဏ်ရယူရန်အတွက် page admin သို့ ဆက်သွယ်ခဲ့ပြီးကျွန်တော်သိလိုက်ရတာက
" ငါအရမ်းပျော်ရွှင်ပြီး သန်မာပြီး ငါဒီလိုပုံစံနဲ့ ဆက်ရှိနေမှာဖြစ်ပြီး မနက်ခင်းမှာ နိုးထပြီး ပြုံးပြနိုင်တယ်ဆိုတာကို လူတိုင်းကို သက်သေပြသွားမှာပါ။ နားလည်ဖို့လိုတယ်။ ငါ့မှာ HIV ဗိုင်းရပ်စ်ရှိပေမယ့် ငါ့ရဲ့ လူသားဆန်မှုကို မဆုံးရှုံး‌သေး ဘူးဆိုတာပါပဲ။ "
ကျွန်တော် ART ကို စတင်နိုင်ခဲ့ပါသည်။ .. Pageက admin ကိုလည်း ကျွန်တော် ကျေးဇူးအများကြီးတင်ပါတယ်.. ကျွန်တော် admin နဲ့ ရင်းနှီးသွားပါပြီ..

ကျွန်တော် အခု ခံစားနေရသမျှကို လုံး၀ လက်ခံပါတယ်.. လက်သင့်ခံခြင်းဟာ အနာဂတ်မှာ ရှေ့ဆက်ဖို့ အကောင်းဆုံး နည်းလမ်းဆိုတာ သိထားလို့ပါပဲ.. အထူးသဖြင့် ကျွန်တော့်ရဲ့ ဘဝမှာ တခြားသူတွေကို ကောင်းတဲ့ အရာတွေကို ဆက်လုပ်နေတယ် ။ ကျွန်တော့်ရဲ့ အတွေ့အကြုံကို ဒီ pageမှာ မျှဝေခြင်းက ကြီးမားကျယ်ပြန့်သည့်အကူအညီ မဟုတ်သော်လည်း ကျွန်‌တော် တို့၏အကူအညီကို တစ်နည်းနည်းဖြင့်ပင် ပေးစွမ်းနိုင်ဆဲဖြစ်လိမ့်မယ်လို့ ယုံကြည်ပါတယ်။ ..

ပြီးတော့ ကျွန်တော်ဟာ အကျိုးရှိသူတွေထဲက တစ်ယောက်ဖြစ်ခွင့်ရခဲ့လို့ ကံကောင်းပြီး မျှဝေဖို့ကမ်းလှမ်းခဲ့တဲ့ admin ကိုလည်းကျေးဇူးတင်တယ်။

ကျန်းမာရေးအကြောင်းအခမဲ့တိုင်ပင်ရန်

Viber phone 09767655169မှတစ်ဆင့်
Phone ဆက်သွယ်ရန် 09767655169မှ တစ်ဆင့် ဆက်သွယ်ဆွေးနွေးနိုင်ပါတယ်

Not allow to direct idea copy.
ပုံများကိုပြန်လည်ကူးယူရိုက်ကူးခွင့်မပြုသလို
မည်သည့် Social page ၊ acc နှင့် မည်သည့် app တိုင်းမှာမဆို ပုံများကို
ပြန်လည် Saveယူတင်ခွင့်မပြုပါ စာသားများကူယူခြင်းမပြုပါ။

#ကာလသား

HIV Myanmar Prevention

12/04/2026

10/04/2026

08/04/2026

01/04/2026

13/02/2026

24/01/2026

26/09/2025

24/09/2025

22/09/2025

20/09/2025

14/09/2025

Address

Telephone

Website

Alerts

Contact The Organization

Shortcuts

Share

Category