13/02/2026
SSVP National Youth Committee မှ စီစဉ်သော SSVP youth Gathering အစီအစဉ်ကို ၁၂/၂/၂၀၂၆ ကြာသပတေးနေ့တွင် စိန့်ပီတာပေါလ်ဘုရားကျောင်း ၊ အင်းစိန်၌ ကျင်းပပြုလုပ်ခဲ့ပါသည်။
လူငယ်တွေ့ဆုံခြင်းအစီအစဉ်သို့ စိန့်ဗင်းဆင်းလူငယ် ၂၀ ဦးခန့် တတ်ရောက်ခဲ့ကြပြီး လူငယ်များအတွက် ခွန်အားပေးစကားပြောကြခြင်း(ရန်ကုန်ဒိုင်အို စိန့်ဗင်းဆင်းဒီပေါလ်အသင်း ဥက္ကဌ ဒေါ်မာရီခင်သက်), လူငယ်များအတွက် အထောက်ကူဖြစ်စေမည့် စာအုပ်"ထူးခြားသော ကိုယ်ပိုင်ဘဝပုံရိပ်(ဘဝ၏စိန်ခေါ်မှုများကို ရင်ဆိုင်ဖြေရှင်းခြင်း)အား မိတ်ဆက်ပေးခြင်း (ရန်ကုန်ဒိုင်အို စိန့်ဗင်းဆင်းဒီပေါလ်အသင်း ဒုဥက္ကဌ ဦးစတီဗင်ဉာဏ်လင်းဦး), စိန့်ဗင်းဆင်းဒီပေါလ်အသင်း၏ လုပ်ဆောင်မှုများအကြောင်းဝေမျှပေးခြင်း(ရန်ကုန်ဒိုင်အို စိန်ဗင်းဆင်းဒီပေါလ်အသင်း အတွင်းရေးမှူး ဦးကင်းဂျော့ရှ်), စိန့်ဗင်းဆင်းဒီပေါလ်အသင်း လူငယ်များလက်စွဲစာအုပ် Youth Manuel ကို မိတ်ဆက်ဝေငှပေးခြင်း နှင့် စိန့်ဗင်းဆင်းလူငယ်များ၏ ရဟန္တာ St.Pier Giorgio Frassati အကြောင်း ဝေမျှခြင်း(စိန့်ဗင်းဆင်းဒီပေါလ်အသင်း ပြည်တော်ကောင်စီ လူငယ်ကော်မတီ အတွင်းရေးမှူး မနိုရင်း) စသော Topic များနှင့်အတူ Action songs ကခြင်း၊ Game ကစားခြင်း၊ နေ့လည်စာ အတူတကွ သုံးဆောင်ခြင်း၊ အလှူရရှိထားသော အဝတ်အစားများအား သန့်စင်ခြင်း စသော Activity များ ပြုလုပ်ခဲ့ပါသည်။
ယခုအစီအစဉ်ဖြစ်မြောက်ရေးအတွက် ဦးဆောင်ပေးပါသော ပြည်တော်ကောင်စီ လူငယ်ကော်မတီ ဥက္ကဌ မအိမွန်မြင့်မောင်နှင့် ကော်မတီအဖွဲ့ဝင်များ၊ ရန်ကုန်ဒိုင်အို စိန့်ဗင်းဆင်းဒီပေါလ်အသင်း၏ လူကြီးနှင့် လူငယ် EC အဖွဲ့ဝင်များ၊ ပွဲသို့ တတ်ရောက်ကြပါသော လူငယ်များအားလုံးကို ကျေးဇူးအထူးတင်ရှိပါသည်။
