What are the opening hours?

Monday 10:00 - 19:00 Tuesday 10:00 - 19:00 Wednesday 10:00 - 19:00 Thursday 10:00 - 19:00 Friday 10:00 - 19:00 Saturday 10:00 - 19:00

Burma Academy, No. 14, Inya Road, Yangon (2026)

01/01/2026

✨တော်လှန်နှစ်သစ်အခါမယအတွက် ဘားမားအကယ်ဒမီရဲ့ ဆုမွန်လွှာ✨

၂၀၂၅ ခုနှစ်ကို ကုန်လွန်ပြီး‌ ၂၀၂၆ နှစ်သစ်ကို ရောက်ရှိလာခဲ့ပါပြီ။ တော်လှန်ရေးကာလ ၅ နှစ်ထဲကို ဝင်လာတဲ့အလျောက် ပိုပြီး အရှိန်အဟုန်ကောင်းလာတဲ့ တော်လှန်ရေးဆီကို ‌ဘားမားအကယ်ဒမီက ကျောင်းသူကျောင်းသားပြည်သူလူထုနဲ့အတူ ရှေးရှုချီတက်‌နေလျက် ရှိပါတယ်။

နှစ်သစ်မှာ တော်လှန်ရေးကို ဆက်လက်တွန်းအားပေးပြီး အရှေ့ကို ရွေ့နိုင်ဖို့နဲ့ အာဏာရှင်တွေ အမြန်ပြုတ်ကျ၊ အမြစ်ပြတ်နိုင်စေဖို့အတွက် အားလုံးမှာ တာဝန်ရှိနေဆဲပါပဲ။ အခုလက်ရှိအချိန်အထိ တော်လှန်ရေးမှာ ဆက်လက်ပါဝင်နေတဲ့ ကျောင်းသူကျောင်းသားတွေအတွက် ၂၀၂၆ ခုနှစ်မှာလည်း ပိုမိုကောင်းမွန်တဲ့ ပညာရေးအကူအညီတွေ ပေးစွမ်းနိုင်ဖို့အတွက် ‌ဘားမားအကယ်ဒမီအနေနဲ့ ဆက်လက်ကြိုးစားနေလျက်ရှိပါတယ်။

၂၀၂၆ နှစ်သစ်မှာ ကျောင်းသူကျောင်းသား ဆရာဆရာမများနဲ့ တော်လှန်ပြည်သူတွေ ကိုယ်စိတ်ကျန်းမာပြီး ဆန္ဒရှိတဲ့ အသိပညာ၊ အတတ်ပညာတွေကို တတ်မြောက်ထူးချွန်ကြပါစေလို့ ဘားမားအကယ်ဒမီက‌ နှစ်သစ်အတွက် ဆုတောင်း‌ပေးလိုက်ပါတယ်။

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

05/12/2025

📃 ဂျီနီဗာ သဘောတူစာချုပ်နှင့် နိုင်ငံတကာလူသားချင်းစာနာထောက်ထားမှုဥပဒေ (International Humanitarian Law - IHL) ကို သိရှိနားလည်ပြီး မြန်မာနိုင်ငံ နဲ့ နိုင်ငံတကာလူသားချင်းစာနာမှု ထောက်ထားမှုဥပဒေဆိုင်ရာအခြေအနေများကို လေ့လာသုံးသပ်လာနိုင်စေရန်အတွက် "International Humanitarian Law Training" သင်တန်းကို ဖွင့်လှစ်လိုက်ပါပြီ။

ဒီသုံးရက်တာ သင်တန်းမှာ ပဋိပက္ခများအတွင်း လိုက်နာရမယ့် ဥပဒေ ဆိုင်ရာ စည်းမျဉ်းစည်းကမ်းတွေ၊ လူ့အခွင့်အရေးဆိုင်ရာ အခြေခံသဘောတရား၊ စစ်ရေးပစ်မှတ်သတ်မှတ်ချက် စတဲ့ အကြောင်းအရာတွေကို ပို့ချပေးသွားမှာ ဖြစ်လို့ နိုင်ငံတကာ ဥပဒေအကြောင်း စိတ်ဝင်စားသူတွေ တက်ရောက်သင့်တဲ့ သင်တန်းဖြစ်ပါတယ်။

အဓိက အကြောင်းအရာတွေအနေနဲ့
• လူ့အခွင့်အရေး အယူအဆနှင့် အခြေခံ သဘောတရားများ
• ဂျီနီဗာ သဘောတူစာချုပ် ပေါ်ပေါက်လာပုံနှင့် ပါဝင်သည့် အချက်များ
• နိုင်ငံတကာလူသားချင်းစာနာထောက်ထားမှုဥပဒေ (IHL) ပါ အခြေခံမူများ
• စစ်သည်တော်ကျင့်ဝတ်များ နှင့် စစ်ရေးပစ်မှတ် သတ်မှတ်ချက်များ
• မြန်မာနိုင်ငံ၏ လက်ရှိအခြေအနေနှင့် IHL ဆိုင်ရာ လေ့လာသုံးသပ်ချက်များ တို့ကို သင်ကြားပေးသွားမှာ ဖြစ်ပါတယ်။

International Humanitarian Law Trainingကို ဒီဇင်ဘာ ၁၄ ရက်ကနေ ၁၆ ရက်နေ့အထိ ၃ရက် ကာလတို သင်ကြားပေးသွားမှာ ဖြစ်ပြီး နေ့စဉ် နေ့လယ် ၁ နာရီခွဲကနေ ၄ နာရီအချိန်အတွင်း တက်ရောက်ရမှာ ဖြစ်ပါတယ်။

လူဦးရေ အကန့်အသတ်ရှိတာမို့ တက်ရောက်လိုတဲ့ ကျောင်းသူကျောင်းသားတွေအနေနဲ့ အောက်ပါ Registration Link ကို ဝင်ရောက်ပြီး လျှောက်ထားနိုင်ပြီဖြစ်ပါတယ်။

Registration Link - https://tinyurl.com/BA-IntHumanLaw

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

12/10/2025

🖥️ Information Technology Passport Examination (IP) ဖြေဆိုချင်သူတွေအတွက် သင်တန်းဖွင့်လှစ်လိုက်ပါပြီ 📌

IT ပညာရပ်နဲ့ ပြည်တွင်းပြည်ပမှာ အသက်မွေးဝမ်းကြောင်း လမ်းခရီးကို စတင်ချင်တဲ့ ကျောင်းသူကျောင်းသားတွေအနေနဲ့ ဂျပန်နိုင်ငံနဲ့ အာဆီယံ ၇ နိုင်ငံက အသိအမှတ်ပြုထားတဲ့ ITPEC (သတင်းအချက်အလက်နည်းပညာ ကျွမ်းကျင်စာမေးပွဲ) ကို ဖြေဆိုကြရမှာဖြစ်ပါတယ်။ ဒီစာမေးပွဲမှာ အဆင့် ၃ ဆင့်ရှိပြီးတော့ Information Technology Passport Examination (IP), Fundamental Information Technology Engineer Examination (FE) နဲ့ Applied Information Technology Engineer Examination (AP) တို့ကို အဆင့်ဆင့် ဖြေဆိုရမှာဖြစ်ပါတယ်။

🎉 အခုဆိုရင် ITPEC စာမေးပွဲမှာ အခြေခံအကျဆုံးဖြစ်တဲ့ IP စာမေးပွဲအတွက် သင်တန်းသစ်ကို ဘားမားအကယ်ဒမီမှာ တက်ရောက်နိုင်ပြီဖြစ်ပါတယ် 🎉

ဒီသင်တန်းမှာ အခြေခံ IT knowledge တွေဖြစ်တဲ့

📌Information security and network
📌Basic knowledge of business activity/strategy, accounting, and legal affairs
📌Basic knowledge and skills of problem solving such as problem analysis, logical/systems thinking, and problem-solving strategies
📌Proficiency with IT office tools and ability to use to improve business efficiency
📌Knowledge and skills to avoid information security risks တွေကို သင်ကြားပေးသွားမှာဖြစ်ပါတယ်။

ဒီသင်တန်းကို လုပ်ငန်းခွင်မှာ IT ကို အသုံးပြုပြီး အသက်မွေးဝမ်းကြောင်းပြုနေတဲ့သူတွေ၊ IT နဲ့ ပတ်သက်တဲ့ အလုပ်အကိုင်တွေကို ရှာဖွေနေဆဲ ကျောင်းသူကျောင်းသားတွေ တက်ရောက်သင့်ပါတယ်။

✴️ IP Exam သင်တန်းက Live သင်ကြားပေးသွားမှာဖြစ်ပြီးတော့ အောက်တိုဘာလ ၂၀ ရက်နေ့ကနေ စတင် ပို့ချပေးသွားမှာဖြစ်ပါတယ်။ အတန်းရဲ့ တက်ရောက်ရမယ့် နေ့တွေနဲ့ အချိန်စာရင်းကိုတော့ https://tinyurl.com/BA-ITPEC-Cal3ndar မှာ ကြည့်ရှုနိုင်ပါတယ်။

တက်ရောက်လိုတဲ့ ကျောင်းသူကျောင်းသားတွေအနေနဲ့ အောက်ပါ Registration Link ကို ဝင်ရောက်ပြီး လျှောက်ထားနိုင်ပြီဖြစ်ပါတယ်။

Registration Link - https://tinyurl.com/BA-ITPECRegForm

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

08/10/2025

🎉TOEFL iBT Foundation သင်တန်းကို အခမဲ့ တက်ရောက်ဖို့ အခုပဲ လျှောက်ထားနိုင်ပါပြီ 🎉

TOEFL iBT စာမေးပွဲကို စိတ်ဝင်စား ဖြေဆိုချင်တဲ့ ကျောင်းသူကျောင်းသားတွေအတွက် ဘားမားအကယ်ဒမီမှာ TOEFL iBT Foundation သင်တန်းကို အခမဲ့ တက်ရောက်နိုင်ပြီဆိုတဲ့အကြောင်း သတင်းကောင်းလေး ပါးချင်ပါတယ်။

ကျောင်းသူကျောင်းသားတွေအနေနဲ့ ၂၀၂၃ ခုနှစ် ဇူလိုင်လ ၂၃ ရက်နေ့ကစလို့ အဆင့်မြှင့်လိုက်တဲ့ စာမေးပွဲ Format ပုံစံကို သေသေချာချာ သိရှိပြီး ဖြေဆိုနိုင်ဖို့အတွက် စာမေးပွဲ မေးခွန်းလွှာမှာပါတဲ့ အပိုင်းကဏ္ဍအလိုက် ဘာတွေ သိထားရမလဲ၊ ဘာတွေ ကြိုတင်ပြင်ဆင်ထားရမလဲဆိုတာကို ဒီသင်တန်းမှာ အသေးစိတ် သင်ကြားပြသပေးထားပါတယ်။

သင်တန်းကို တက်ရောက်ပြီးစီးသွားရင်တော့ TOEFL iBT စာမေးပွဲမေးခွန်းလွှာမှာပါတဲ့ အပိုင်းကဏ္ဍတွေနဲ့ ရင်းနှီးသွားမှာဖြစ်ပြီးတော့ ဒီစာမေးပွဲအတွက် သင်ကြားပို့ချပေးနေတဲ့ အတွေ့အကြုံရှိ mentor နဲ့ စာမေးပွဲကို အမှတ်မြင့်မြင့် အောင်မြင်ခဲ့တဲ့ ကျောင်းသားတွေ အသုံးပြုခဲ့တဲ့ နည်းလမ်းတွေကိုလည်း တပါတည်း သိရှိသွားမှာဖြစ်ပါတယ်။

သင်တန်းကတော့ အခမဲ့ ဖြစ်ပြီး မိမိအားလပ်ချိန်မှာ တက်ရောက်နိုင်တဲ့ Self paced သင်တန်းလည်း ဖြစ်ပါတယ်။

သင်တန်းကိုတော့ အောက်ပါ လင့်ခ်မှာ ဝင်ရောက်ပြီး သင်ကြားနိုင်မှာဖြစ်ပြီး ဘားမားအကယ်ဒမီမှာ မတက်ရောက်ဖူးသေးတဲ့ ကျောင်းသူကျောင်းသားတွေအနေနဲ့ Register လုပ်ပြီး တက်ရောက်နိုင်မှာဖြစ်ပါတယ်။

Course link - https://tinyurl.com/BA-TOEFL

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

09/09/2025

🇫🇷 Bonjour 👋
📣 ပြင်သစ်ဘာသာ စကားကို လေ့လာချင်တဲ့သူတွေ လက်လွှတ်မခံသင့်တဲ့ “French Basic Course” 🇫🇷

🇫🇷 ပြင်သစ်ဘာသာစကားဟာ ကမ္ဘာပေါ်မှာ လူသုံးအများဆုံး ဘာသာစကားတွေထဲက တစ်ခုဖြစ်ပြီး ပြင်သစ်နိုင်ငံအပြင် Belgium၊ Canada တို့လို နိုင်ငံကြီးတွင် အပါအဝင် နိုင်ငံပေါင်း ၂၉ နိုင်ငံရဲ့ ရုံးသုံးဘာသာစကားလည်း ဖြစ်လို့နေပါတယ်။ ဒါ့အပြင် ပြင်သစ်နိုင်ငံဟာ သမိုင်းကြောင်းတစ်လျှောက် အစဉ်အလာကြီးမားတဲ့ နိုင်ငံဖြစ်တာကြောင့် ပြင်သစ်ဘာသာစကားကို နားလည်ထားမယ်ဆိုရင် ခေတ်အဆက်ဆက်ရဲ့ စာပေ၊ ယဉ်ကျေးမှု၊ အနုပညာ စတဲ့နယ်ပယ်တွေကို ကျယ်ကျယ်ပြန့်ပြန့် လေ့လာခွင့်ရမယ့်အပြင် နိုင်ငံတကာဆက်ဆံရေး နဲ့ စီးပွါးရေးကဏ္ဍတွေမှာပါ အခွင့်အလမ်းကောင်းတွေ ရရှိလာနိုင်ပါတယ်။

🇫🇷 ဥရောပဒေသဟာ ကမ္ဘာ့အဆင့်မီ ပညာရေးကို ရရှိနိုင်တဲ့အတွက်ကြောင့်လည်း လူငယ်တွေကြားမှာ ရေပန်းစားတဲ့ နေရာဖြစ်ပါတယ်။ အခုကာလမှာ ဥရောပနိုင်ငံတွေမှာ သွားရောက်ပညာသင်ကြားကြတဲ့ လူငယ်တွေလည်း အများကြီးရှိနေပြီ ဖြစ်ပါတယ်။ ပြင်သစ်စကားပြောတတ်မယ်ဆိုရင် ဥရောပရဲ့ ဘယ်နေရာမှာမဆို Language-barrier ရှိတော့မှာ မဟုတ်ပါဘူး။ ဒါ့ကြောင့်မို့ ကမ္ဘကြီးရဲ့ အနောက်ဘက်အခြမ်းကို ခြေဆန့်ချင်သူတွေအတွက် အခု Burma Academy က ယူဆောင်လာပေးတဲ့ “French Basic Course” ဟာ တကယ်ကို အသုံးဝင်တဲ့ သင်ခန်းစာတစ်ခုဖြစ်မှာ သေချာပါတယ်။

🇫🇷 ဒီ “French Basic Course” သင်ခန်းစာကို ပြင်သစ်ဘာသာစကားနဲ့ လုံးဝအကျွမ်းတဝင်မရှိတဲ့သူတွေကစပြီး တက်ရောက်နိုင်အောင် စီစဉ်ရေးဆွဲထားပါတယ်။ ဒီသင်ခန်းစာမှာ ပြင်သစ်ဘာသာစကား 4 Skills ကို အခြေခံတတ်မြောက်သွားအောင် သင်ကြားပေးသွားမှာ ဖြစ်ပါတယ်။ ဒါ့အပြင် Grammar နဲ့ Vocabulary အပိုင်းကိုလည်း အခြေခံပိုင်နိုင်အောင် Topic ပေါင်း အခု ၂၀ နဲ့ လေ့ကျင့်ပေးသွားမှာ ဖြစ်ပါတယ်။

📌 “French Basic Course” ဆိုတဲ့ သင်ခန်းစာဟာ Burma Academy ရဲ့ Self-Paced သင်ခန်းစာဖြစ်တာကြောင့် စိတ်ဝင်စားလို့ လေ့လာချင်တယ်ဆိုရင် https://tinyurl.com/BA-FrenchBasic က တဆင့် Burma Academy Website ပေါ်မှာ စာရင်းပေးသွင်းပြီး Video Lecture တွေကို မိမိအားလပ်ချိန်မှာ အဆင်ပြေသလို လေ့လာနိုင်ပါတယ်။

📌 Right to Education ကို ချိုးဖောက်နေတဲ့ စစ်ကောင်စီဟာ Burma Academy Website ကို မြန်မာနိုင်ငံတွင်းကနေ လေ့လာခွင့်မရအောင် ပိတ်ပင်ထားတာကြောင့် Website ထဲ ဝင်လို့အဆင်မပြေဖြစ်တဲ့အခါ VPN ခံကြည့်ပေးဖို့ မေတ္တာရပ်ခံအပ်ပါတယ်။

📌 Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

04/09/2025

Java language programming ကို လေ့လာချင်သူတွေအတွက် Java Basis 2

ဘားမားအကယ်ဒမီရဲ့ Java Basis ကို သင်ယူတတ်မြောက်ပြီးသွားတဲ့ ကျောင်းသူကျောင်းသားတွေအတွက် Java Basis 2 Self-paced သင်တန်းကို မိတ်ဆက်ပေးလိုက်ပါတယ်။ ဒီ Java Basis 2 မှာတော့ Object-Oriented Programming (OOP), Date and Time handling, Exceptions, နဲ့ Java ကို အသုံးပြုပြီးတော့ modular programming လေ့ကျင့်ခန်းတွေကို သင်ယူကြရမှာဖြစ်ပါတယ်။

သင်တန်းပြီးဆုံးသွားရင်တော့ Java နဲ့ ပတ်သက်တဲ့ အခြေခံ concept တွေ၊ Java အကြောင်းကို ဆက်လက်သင်ယူဖို့အတွက် လိုအပ်တဲ့ အသိပညာတွေကို သင်တန်းနဲ့ လေ့ကျင့်ခန်းတွေကနေတစ်ဆင့် သင်ယူတတ်မြောက်သွားမှာဖြစ်ပါတယ်။

ဒီသင်တန်းမှာ သင်ကြားပေးသွားမယ့် သင်ခန်းစာတွေကတော့
Module 1: Object Oriented Concepts
Module 2: Date and Time
Module 3: Exception Handling
Module 4: Modular Programming တို့ပဲဖြစ်ပါတယ်။

ဒီသင်တန်းကို တက်ရောက်ချင်တယ်ဆိုရင်တော့ PC ဒါမှမဟုတ် Laptop တစ်လုံး ရှိထားသင့်ပါတယ်။ သင်တန်းကတော့ ကိုယ်အားလပ်တဲ့အချိန်မှာ တက်ရောက်သင်ယူနိုင်တဲ့ Self-paced သင်တန်းအမျိုးအစားဖြစ်ပါတယ်။ သင်တန်းကိုတော့ အောက်ပါ လင့်ခ်မှာ ဝင်ရောက်ပြီး သင်ကြားနိုင်မှာဖြစ်ပြီး ဘားမားအကယ်ဒမီမှာ မတက်ရောက်ဖူးသေးတဲ့ ကျောင်းသူကျောင်းသားတွေအနေနဲ့ Register လုပ်ပြီး တက်ရောက်နိုင်မှာဖြစ်ပါတယ်။

Course link - https://tinyurl.com/BA-JavaBasic2

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပို့ချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

01/09/2025

🩹 စိတ်ဒဏ်ရာတွေကို အရေးပေါ် ကုစားပေးဖို့အတွက် Psychological First Aid ❤️‍🩹

ဘေးအန္တရာယ်တစ်ခုခုနဲ့ ကြုံရပြီးတဲ့အချိန်မှာ ဒါမှမဟုတ် အချိုးအကွေ့တစ်ခုမှာ စိတ်ခံစားချက်တွေ ပြင်းပြင်းထန်ထန် ခံစားရတဲ့အခါမှာ စိတ်အဆင်ပြေနိုင်ဖို့အတွက် ကုစားပေးဖို့ လိုအပ်လာပါတယ်။ အနီးအနားမှာ စိတ်ကျန်းမာရေးဆွေးနွေးပေးနိုင်မယ့်သူ မရှိတဲ့အခါမှာ ကိုယ့်အတွက်ပဲဖြစ်ဖြစ် တခြားကိုယ်ချစ်ရတဲ့သူတွေအတွက်ပဲဖြစ်ဖြစ် အရေးပေါ် စိတ်ကျန်းမာရေး အကူအညီ ဘယ်လိုပေးရမလဲဆိုတာကို သိထားဖို့ လိုအပ်ပါတယ်။

ဒါကြောင့် ဘားမားအကယ်ဒမီကနေပြီးတော့ Psychological First Aid အရေးပေါ် စိတ်ကျန်းမာရေး အကူအညီပေးနည်း သင်တန်းလေးကို ဖွင့်လှစ်ပေးလိုက်ပါပြီ။
ဒီသင်တန်းမှာတော့ RAPID model ကို အသုံးပြုပြီး Psychological First Aid အကူအညီဘယ်လိုပေးရမလဲဆိုတာကို လေ့လာရမှာဖြစ်ပြီးတော့ တစ်ဘက်လူ ရင်ဖွင့်ပြောဆိုလာတာကို ဘယ်လိုနားထောင်ရမလဲ၊ အခြေအနေကို ဘယ်လိုသုံးသပ်ရမလဲ၊ ဆက်ပြီး စိတ်ပိုင်းဆိုင်ရာအတွက် ဘယ်လို ဂရုစိုက်ရမလဲဆိုတာတွေကို လေ့လာရမှာဖြစ်ပါတယ်။

သင်တန်းကတော့ ကိုယ်အားလပ်တဲ့အချိန်မှာ လေ့လာနိုင်တဲ့ Self-paced အမျိုးအစားသင်တန်းဖြစ်ပြီး အောက်ဖော်ပြပါ Link မှာ ဝင်ရောက် စာရင်းပေးသွင်းပြီး တက်ရောက်နိုင်မှာဖြစ်ပါတယ်။

Registration Link – https://tinyurl.com/BA-Psy1stAid

Burma Academy ဟာ တော်လှန်ရေးအထောက်အကူပြု ပညာရေး Platform တစ်ခုဖြစ်ပြီး တော်လှန်ရေးမှာ အင်တိုက်အားတိုက် ပါဝင်နေတဲ့ တက္ကသိုလ်ကျောင်းသားတွေအတွက် ရည်ရွယ်ပြီး သင်ကြားပေးနေတာကြောင့် Burma Academy က ပိုချနေတဲ့ သင်ခန်းစာတွေ အကုန်လုံးဟာ အခမဲ့ ဖြစ်ပါတယ်။

08/08/2025

🔹 သမိုင်းဝင် “၈၈၈၈ အရေးတော်ပုံ” (၃၇) နှစ် တိုင်ခဲ့ပြီ။ ✊🏻

🔹 ၁၉၆၂ ခုနှစ်ကစပြီး မြန်မာ့ဆိုရှယ်လစ်လမ်းစဉ်ပါတီရဲ့ အာဏာရှင်ဆန်ဆန် တစ်ပါတီစနစ်အုပ်ချုပ်မှုအောက်မှာ မြန်မာပြည်သူတွေဟာ အဘက်ဘက်ကနေ ကြပ်တည်းမှု၊ ဖိနှိပ်မှုတွေကို ၂၆ နှစ်တာ ခံစားခဲ့ရပြီးနောက်မှာတော့ ၁၉၈၈ ခုနှစ်၊ ဩဂုတ်လ ၈ ရက်နေ့မှာ “ရှစ်လေးလုံး လူထုအုံကြွမှုကြီး” ပေါ်ပေါက်လာခဲ့ပါတယ်။

🔹 “၈၈၈၈ အရေးတော်ပုံ” မှာ မြန်မာပြည်သူလူထုအနေနဲ့ လှည်းနေလှေအောင်း မြင်းဇောင်းမကျန် ဦးနေဝင်းအစိုးရရဲ့ ဖိနှိပ်မှု၊ နှိပ်စက်မှု၊ ခြိမ်းခြောက်မှုတွေကို ကြံ့ကြံ့ခံတွန်းလှန်ပြီး ဒီမိုကရေစီစနစ်တစ်ခုကို ရရှိရေးအတွက် ဆန္ဒပြ သပိတ်မှောက်ခဲ့ကြပါတယ်။ ထိုနေ့မှာပဲ စစ်တပ်နဲ့ရဲရဲ့ ပစ်ခတ်အကြမ်းဖက်မှုတွေကြောင့် အသက်ပေးခဲ့ရတဲ့ ဆန္ဒပြ ပြည်သူလူထုထောင်သောင်းမက ရှိခဲ့ပါတယ်။

🔹 စစ်အာဏာရှင်ကို အတူတကွ တညီတညွတ်တည်း တွန်းလှန်ဆန့်ကျင်ရေး ပြယုဂ်ဖြစ်တဲ့ “၈၈၈၈ အရေးတော်ပုံ” ဟာ ဒီနေ့ “၂၀၂၅ ခုနှစ် သြဂုတ်လ ၈ ရက်” မှာ “၃၇ နှစ်” တင်းတင်းပြည့်ခဲ့ပါပြီ။ စိတ်မကောင်းစွာနဲ့ပဲ ယခုအချိန်မှာလည်း အရှေ့က စစ်အာဏာရှင်တွေရဲ့ ခြေရာဆိုးကို ဆက်လက်နင်းနေတဲ့ စစ်မိစ္ဆာတွေကြောင့် မြန်မာနိုင်ငံဟာ စစ်မှန်တဲ့ဒီမိုကရေစီရရှိဖို့အတွက် အသက်၊ သွေး၊ ချွေးများစွာ ပေးဆပ်ပြီး တိုက်ပွဲဝင်နေရဆဲ ဖြစ်ပါတယ်။

🔹 အားလုံးမျှော်လင့်နေကြတဲ့ အမှန်တကယ် လွတ်လပ်ပြီး ရောင်နီသာတဲ့ နေ့ရက်တွေဆီကို အမြန်ဆုံးရောက်ရှိနိုင်ဖို့ ယနေ့ကျရောက်တဲ့ “၃၇ နှစ်မြောက် ၈၈၈၈ အရေးတော်ပုံ” ကို အမှတ်ရရင်း မပြီးပြတ်သေးတဲ့ ဒီမိုကရေစီတိုက်ပွဲအတွက် ဘက်ပေါင်းစုံကနေ တတ်နိုင်သမျှ အင်တိုက်အားတိုက် တိုက်ပွဲဝင်ကြဖို့ကိုလည်း Burma Academy က တိုက်တွန်းလိုက်ရပါတယ်။

#8888

19/07/2025

၁၉ ဇူလိုင် မမေ့နိုင် - ၇၈ ကြိမ်မြောက် အာဇာနည်နေ့

ဒီကနေ့ဟာ ၇၈ ကြိမ်မြောက် အာဇာနည်နေ့ဖြစ်ပြီး တိုင်းပြည်အတွက် စွမ်းစွမ်းတမံ ကြိုးစားခဲ့ကြတဲ့ အာဇာနည် ၉ ဦး လုပ်ကြံခံခဲ့ရတဲ့နေ့ဖြစ်ပါတယ်။ ဒီလုပ်ကြံမှုမှာ ဗိုလ်ချုပ်အောင်ဆန်း၊ သခင်မြ၊ ဦးဘဝင်း၊ ဒီးဒုတ်ဦးဘချို၊ ဦးအဗ္ဗဒူရာဇတ်၊ မန်းဘခိုင်၊ မိုင်းပွန် စော်ဘွားကြီး စပ်စံထွန်း၊ ဦးအုန်းမောင်၊ ရဲဘော်ကိုထွေးစတဲ့ အာဇာနည် ၉ ဦးဟာ တိုင်းပြည်အတွက် အသက်ပေးလှူသွားခဲ့ရပါတယ်။

မြန်မာ့လွတ်လပ်ရေးအတွက် အားထုတ်ကြိုးပမ်းခဲ့ကြတဲ့ အာဇာနည် ၉ ဦး အပြင် တော်လှန်ရေးကာလ ၄ နှစ်အတွင်းမှာ အကြမ်းဖက်စစ်တပ်ကို တော်လှန်တွန်းလှန်ရင်း အသက်စွန့်ခဲ့ကြရတဲ့ အာဇာနည်သူရဲကောင်းတွေ၊ ဆက်လက် တော်လှန်တိုက်ပွဲ ဝင်နေကြတဲ့ လူပုဂ္ဂိုလ်တစ်ယောက်ချင်းစီတိုင်းကို ဘားမားအကယ်ဒမီမှ လေးစားစွာ ဂုဏ်ပြုလိုက်ရပါတယ်။

29/06/2025

အသိပေးထုတ်ပြန်ချက်

၂၉.၀၆.၂၀၂၅

ဘားမားအကယ်ဒမီ – Public Relation & Communications Bureau တွင် Creative Supervisor အဖြစ်ပါ၀င်ဆောင်ရွက်နေသော – Jimmy (Jimmy’s Artiverse) ၏လိင်ပိုင်းဆိုင်ရာ ထိပါးနှောင့်ယှက်မှု (sexual harassment) နှင့်ပတ်သက်သော ဆိုရှယ်မီဒီယာပို့စ်ကို ဇွန်လ ၂၆ ရက်နေ့ညပိုင်းတွင် စတင်သိရှိရသည်။ ဤကိစ္စကိုစတင်သိရှိချိန်မှစ၍ ဘားမားအကယ်ဒမီ အနေနှင့် Jimmy ကို အလုပ်တာ၀န်များမှရပ်နားကာ ရာထူးမှ ထုတ်ပယ်ခဲ့သည်။ ဤအကြောင်းကို ဘားမားအကယ်ဒမီ ဌာနအသီးသီးမှ ၀န်ထမ်းများအားလုံးကို ဇွန်လ ၂၇ ရက် နေ့တွင် အကြောင်းကြားခဲ့ပြီးဖြစ်သည်။

ဘားမားအကယ်ဒမီသည် လိင်ပိုင်းဆိုင်ရာ ထိပါးနှောင့်ယှက်မှုကို မည်သည့်အခြေအနေတွင်မဆို လက်မခံဘဲ ရှုတ်ချဆန့်ကျင်ပါသည်။ ဘားမားအကယ်ဒမီအနေဖြင့် တရားမျှတမှုရရှိစေရေးအတွက် အပြည့်အ၀ ပူးပေါင်းကူညီ ရပ်တည်ဆောင်ရွက်သွားမည်ဖြစ်သည်။

အမှုဆာင်ဘုတ်အဖွဲ့
ဘားမားအကယ်အမီ

25/06/2025

ဖိတ်ကြားလွှာ

(၄၉) နှစ်မြောက် ကျောင်းသားခေါင်းဆောင် အာဇာနည်သူရဲကောင်း ဆလိုင်းကိုတင်မောင်ဦး ကျဆုံးသည့် အောက်မေ့ဂုဏ်ပြုခြင်း အခမ်းအနား သို့ လူကြီးမင်းများအနေဖြင့် ကြွရောက်ဂုဏ်ပြုပေးပါရန် လေးစားစွာ ဖိတ်ကြားအပ်ပါသည်။

ရက်စွဲ။ ။ ၂၀၂၅ ခုနှစ်၊ ဇွန်လ (၂၆) ရက်။
အချိန်။ ။ ပထမပိုင်းအစီအစဉ်။ ( နံနက် ၉ နာရီမှ ၁၀ နာရီအထိ)

ဒုတိယပိုင်းအစီအစဉ်။ ( နံနက် ၁၀ နာရီမှ ၁၂ နာရီအထိ)

ဒုတိယပိုင်းအစီအစဉ်အား "“ယနေ့အချိန်တွင် ကျောင်းသားခေါင်းဆောင် ဆလိုင်းကိုတင်မောင်ဦး၏ တွေးခေါ်၊ ရပ်တည်၊ လှုပ်ရှား၊ စွမ်းဆောင်ခဲ့မှုများ အဘယ့်ကြောင့် ပြန်လည်နိုးကြား၊ ရှင်သန်လာဖို့ လိုအပ်သလဲ”
ဆိုသည့် ခေါင်းစဉ်ဖြင့် စကားဝိုင်းဆွေးနွေးပွဲ ကျင်းပပြုလုပ်သွားမည်ဖြစ်ပါသည်။

ဖက်ဒရယ်ဥပဒေအကယ်ဒမီနှင့် ဘားမားအကယ်ဒမီ

25/06/2025

ဖက်ဒရယ်ဥပဒေအကယ်ဒမီနှင့် ဘားမားအကယ်ဒမီတို့က စီစဉ်သည့် (၄၉) နှစ်မြောက် ဆလိုင်းတင်မောင်ဦးနေ့ အထိမ်းအမှတ် စကားဝိုင်းဆွေးနွေးပွဲ

“ယနေ့အချိန်တွင် ကျောင်းသားခေါင်းဆောင် ဆလိုင်းကိုတင်မောင်ဦး၏ တွေးခေါ်၊ ရပ်တည်၊ လှုပ်ရှား၊ စွမ်းဆောင်ခဲ့မှုများ အဘယ့်ကြောင့် ပြန်လည်နိုးကြား၊ ရှင်သန်လာဖို့ လိုအပ်သလဲ”

ဦးဆောင်ဆွေးနွေးမည့် ပုဂ္ဂိုလ်များ -

ဆရာဦးအောင်ထူး ( ၁၉၇၄ မျိုးဆက်ကျောင်းသား)
ဆရာ ဆလိုင်းကစ်ပ်ခိုလျန် (CNF ဥက္ကဋ္ဌဟောင်း)
မခင်နီ (ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်-ဗကသများအဖွဲ့ချုပ်)
မချောစုစံ (မုံရွာတက္ကသိုလ်ကျောင်းသားများသမဂ္ဂ)
ဆလိုင်းထောင်းထောင်း (မြန်မာနိုင်ငံလုံးဆိုင်ရာ ချင်းကျောင်းသားများသမဂ္ဂ)

Moderator - နာင်းအိသီ (ရန်ကုန်အနောက်ပိုင်းတက္ကသိုလ်ကျောင်းသားများသမဂ္ဂ-ဗကသများအဖွဲ့ချုပ်)

ဇွန်လ(၂၆)ရက်နေ့ မနက် (၁၀)နာရီမှ (၁၂)နာရီအထိ အွန်လိုင်းမှ တဆင့် ထုတ်လွင့်သွားမည်ဖြစ်ပြီး အောက်ပါ pageများတွင် ကြည့်ရှု့နိုင်ပါသည်။

- Federal Law Academy
- Burma Academy
- အိုးဝေ-Oway
- Than Lwin Khet
- Than Lwin Times
- CJ Platform
- The Mindat Post
- Zalen
- Khit Thit
- DVB
- Mazzima
- Burma VJ

Burma Academy

01/01/2026

05/12/2025

12/10/2025

08/10/2025

09/09/2025

04/09/2025

01/09/2025

08/08/2025

19/07/2025

29/06/2025

25/06/2025

25/06/2025

Address

Opening Hours

Website

Alerts

Contact The Organization

Shortcuts

Share

Monday	10:00 - 19:00
Tuesday	10:00 - 19:00
Wednesday	10:00 - 19:00
Thursday	10:00 - 19:00
Friday	10:00 - 19:00
Saturday	10:00 - 19:00