05/03/2026
Dynasty warriors က ပြောပြခဲ့တဲ့ ‘ လေ့လာခြင်း ‘ အကြောင်း
PS2 ကို အမဝယ်ပေးခဲ့တုန်းက ကျတော့်အသက် ၁၁ နှစ်။
အချို့အတွက်တော့ ရီစရာကောင်းနေမလားမသိပေမယ့် ကျတော့်မွေးရပ်မြေလို မြို့လေးအတွက် ps2 ဆိုတာ အများစုက ဂိမ်းဆိုင်တွေမှာပဲရှိတဲ့ အနေအထားပါ။
ဒါက ထားတော့ ။
ပထမဆုံး ကျတော် စပြီးဆော့ဖြစ်တဲ့ ဂိမ်းက dynasty warriors 5 .
အများစုကတော့ ဒီဂိမ်းကိုဆော့တာက ချဖို့ ခုတ်ဖို့ထစ်ဖို့ .
ကျတော်ကတော့ ဇာတ်ကြောင်းပြောပြတာကို နားထောင်ဖို့ ဆော့ခဲ့တာ။
ဇာတ်ကောင်တကောင်ရဲ့ story အပြီးမှာ နောက်ခံ ဇာတ်ကြောင်းပြောပြသူက အဲ့ဒီဇာတ်ကောင်အကြောင်းပြောပြတယ်။
သုံးပြည်ထောင်မှာ ဒီဇာတ်ကောင်ရဲ့ ပါဝင်ပက်သက်မှုအကြောင်း သူတို့ဘဝတွေအကြောင်း
ဇာတ်ကြောင်းပြာတဲ့သူရဲ့ အသံကနားထောင်လို့ ကောင်းသလို ဇာတ်လမ်းတွေကလည်းစိတ်ဝင်စားဖို့ကောင်းတယ်။
ပြောတာနားထောင်နေပေမယ့် အင်္ဂလိပ်စာက သိပ်နားမလည် ၊ ဒီတော့ dictionary တအုပ်ကိုကိုင်ပြီး ဇာတ်လမ်းတခုအပြီးမှာ သူပြောပြနေတဲ့ ပုံပြင်တွေ legend တွေ သမိုင်းတွေအကြောင်းကို စိတ်ဝင်တစားလေ့လာ နားလည်အောင်လုပ်ခဲ့တယ်။
အင်္ဂလိပ်စာလေ့လာနေခဲ့တာမဟုတ်ဘူးနော် ။
ဆော့နေတဲ့ဂိမ်းရဲ့ ဇာတ်လမ်းကို အဓိကနားလည်ချင်ခဲ့ရုံပဲ။
မြို့မှာလုပ်တဲ့ အင်္ဂလိပ်စာပြိုင်ပွဲကိုဝင်ပြိုင်တော့ ကျတော်က စနစ်တကျလေ့ကျင့်မထားသူ။
မြို့သေးသေးလေးမှာမှ ကျောင်းသေးသေးက ကျောင်းသား၊
တခြား ဝင်ပြိုင်သူတွေက essary တွေကို tutor တွေ guide တွေနဲ့ စနစ်တကျလေ့လာထားကြတဲ့သူတွေ ၊
ကျတော်ရေးခဲ့တဲ့ essay က grammar အမှားတွေများတယ် ဒါပေမယ့် ကိုယ်ပိုင်တော့ဆန်တယ်၊
ဒါပေမယ့် စကားပြောမှာ အောက်ကနားထောင်နေတဲ့သူတွေအကုန် ပါးစပ်အဟောင်းသားဖြစ်အောင် အသက် ၁၁ မှာလုပ်နိုင်ခဲ့တယ်။
ကျတော်ပြောရတဲ့အကြောင်းက ရှင်းရှင်းလေးပါ သွားခဲ့ဖူးတဲ့ ခရီးတခုအကြောင်း
ဒါပေမယ့် အဲ့ essay ကိုပြောနေတဲ့အချိန်မှာ ကျတော်က သာမန်ကျောင်းသားမဟုတ်နေဘူး။
သုံးပြည်ထောင်ရဲ့ ရေမြေအလှအပတွေကို ခံစားဖူးသူ
ဖြစ်ခဲ့တဲ့ စစ်ပွဲတွေကို ကိုယ်တိုင်ကြုံဖူးလို့ တကယ်ပြောပြနေသူ။
ဂိမ်းထဲက ဇာတ်ကြောင်းပြောသူရဲ့ အသံနဲ့ စတိုင်ကို ထပ်တူနီးပါး ကျတော်ပြောခဲ့တယ်။
တခါတခါ ကျတော်ပြောတဲ့စာကြောင်းက ဘာဖြစ်လို့ဖြစ်သွားမှန်း ကျတော်မသိ , အောက်က ဆရာတွေလည်းသိမယ်မထင်။
ဒီလိုနဲ့ နောက်နှစ်တွေမှာ ပြိုင်ခဲ့တဲ့ ပြိုင်ပွဲတွေ ရခဲ့တဲ့ ဆုတွေ … ဆယ်တန်းမှာ 82 မှတ်ရခဲ့တဲ့ အင်္ဂလိပ်စာ ..
တက္ကသိုလ်ရောက်တော့လည်း ပြိုင်ဖြစ်နေဆဲ ဆုရခဲ့တုန်းပါပဲ။
အဲ့ဒီတော့ learning နဲ့ပတ်သက်လို့ dynasty warrior ကနေ ဘာတွေသင်ခဲ့ရလဲ?
အဲ့တုန်းက ကျတော့်မှာ objective တခုရှိတယ် ၊
ဘာလဲ ? ဇာတ်လမ်းနားလည်ဖို့.
Dictionary နဲ့ တခြားစာအုပ်တွေက ဒီ ရည်ရွယ်ချက်ကို ပြီးမြောက်အောင်လုပ်ဖို့ သုံးတဲ့ tool တွေသပ်သပ်ပဲ။
စာမေးပွဲမဟုတ် , english စာပိုကောင်းဖို့ဆိုတဲ့ ရည်ရွယ်ချက်မျိုးမဟုတ် , စနစ်တကျလေ့လာခဲ့တဲ့ သင်ရိုးလည်းမဟုတ်
ကိုယ့်အတွက်အရေးပါတာကို နားမလည်လို့ နားလည်ဖို့ကြိုးစားခဲ့တဲ့ အသက် ၁၁ အရွယ် ကလေးတယောက်ပဲ။
နောက်ပိုင်း အချိန်တွေကြာ အခု ကျတော်က AI Engineer, Software engineer , architect ဒီလို ဖြစ်လာတဲ့အခါအထိ ကျတော်အသစ်တခုခုလေ့လာတိုင်း မြန်မြန်ဆန်ဆန်လေ့လာနိုင်တုန်းပါပဲ။ ( ပျင်းနေတဲ့ ကာလတွေကို ထည့်မပြောကြေး )
စနစ်ကျတဲ့ လေ့လာမှုနဲ့ education ဟာ push architecture ဖြစ်တယ်။
သင်ရိုးတွေပါတယ် အချိန်ဇယားတွေပါတယ် လေ့လာသူက လိုချင်သည်ဖြစ်စေမလိုချင်သည်ဖြစ်စေ သင်ဖို့အချိန်ရောက်ရင် သင်ကိုသင်ရမယ်။
ဒီ architecture ရဲ့ ရည်ရွယ်ချက်က ‘ စနစ်တကျ ပုံမှန် ခေါင်းထဲထည့်ပေးသွားရင် အချိန်ကြာတာနဲ့ မြန်တာပဲဖြစ်မယ် , တချိန်ချိန်မှာ နားလည်မှုရှိကိုရှိမယ် ‘
dynasty warriors ဖြစ်စဥ်က pull architecture .
မဖြစ်မနေလိုနေတဲ့ ဖြေရှင်းဖို့လိုတဲ့ ကွက်လပ်တခုရှိတယ်။
ဒီကွက်လပ်ကိုဖြည့်ဖို့ လိုတဲ့ဟာကို ချက်ချင်း သင်ယူပြီး အသုံးချတယ်။
သိပ်မကြာခင် ဖြည့်ဖို့လိုတဲ့ နောက်ကွက်လပ်တခု ပေါ်လာတယ် ,
ဒီလိုနဲ့ လည်ပတ်နေတယ်။
dynasty warrior အပြီး ပေါ်လာတဲ့ ကွက်လပ်ပေါင်းအများကြီးပါ ကျတော့်အတွက်က
မူရင်းစာအုပ် romance of the three kingdoms ကိုဖတ်ကြည့်ချင်တယ် subtitle မပါတဲ့ god of war ကိုနားမလည်လို့ listening တိုးတက်ချင်တယ်
Dota item တွေမဆက်တတ်လို့ item description တွေကို ဖတ်ကြည့်ချင်တယ်
တက္ကသိုလ်ရောက်တဲ့ စာဖတ်ပြရတဲ့အလုပ်ကိုသေချာလုပ်ချင်တော့ classic novel တွေပါဖတ်နိုင်တဲ့ level ရောက်ချင်တယ်။( ပထမဆုံး ရတဲ့ လစာနဲ့ အသက် ၁၈ မှာဝယ်ခဲ့တာက romance of the three kingdoms စာအုပ် , တအုပ်ကို စာမျက်နှာ ထောင်ကျော်တဲ့ လေးအုပ်တွဲ )
နောက်တော့ ရည်းစားစာကို အထာကျကျပေးချင်လို့ web development လေးလုပ်ချင်လို့ html ဖြည့်ဖို့လိုလာတယ်
Card ကလေးကိုနှိပ်ရင် အသဲလေးထွက်တာလိုချင်လို့ css, javascript လိုအပ်လာတယ်
Python , C , Java , Sql , security , အခုတော့ AI , ML နဲ့ ဂျပန်စာ
ဖြည့်ဖို့လိုခဲ့တဲ့ကွက်လပ်တွေ , ဖြည့်ခဲ့ပြီးတဲ့ ကွက်လပ်တွေ , ဖြည့်ရဦးမယ့် ကွက်လပ်တွေ။
ကျတော်သိတဲ့ တော်လှတဲ့ engineer တွေဟာလည်း စနစ်တကျထက် သူတို့လိုအပ်နေတဲ့ကွက်လပ်တွေကို ရတဲ့နည်းနဲ့ ဖြည့်ခဲ့သူတွေသာဖြစ်တယ်။
နောက်ပိုင်း lead လုပ်တဲ့အခါမှာလည်း လူတွေရဲ့ခေါင်းထဲကို knowledge တွေထည့်ပေးဖို့မကြိုးစားတော့ဘူး ။
သူတို့ကို မသိမသာ တကယ် သူတို့အတွက်အရေးပါတဲ့ ဖြည့်ဖို့လိုအပ်တဲ့ ကွက်လပ်လေးတွေဖန်တီးပေးလိုက်တယ်။
နောက်ပြီး နောက်ကွယ်ကနေ ခပ်ပြုံးပြုံးပဲကြည့်နေလိုက်တယ်။
Pull beats push. In RAG systems. In learning. In most things.
Ps2 game တခုကရခဲ့တဲ့ သင်ပေးခဲ့တဲ့ အချက်ပေါ့ , စကားလုံးတွေနဲ့ မပြောတတ်ခဲ့ပေမယ့်။
အဲ့ဒီတော့ စာဖတ်သူအနေနဲ့ကော ?
ဖြည့်ရမယ့် ကွက်လပ်လေးတွေ ရှိလား?
မိတ်ဆွေရဲ့ dynasty warriors က ဘာလဲ?
blog မှာ language နှစ်မျိုးလုံးနဲ့ဖတ်ရှုနိုင်ပါတယ်။
https://blog.soelwinhtun.online/post/dynasty-warriors
