မြွေများအကြောင်း သိကောင်းစရာ

  • Home
  • Myanmar
  • Yangon
  • မြွေများအကြောင်း သိကောင်းစရာ

မြွေများအကြောင်း သိကောင်းစရာ မြွေမျိုးစိတ်တွေရဲ့ အကြောင်းများက?

မြွေနဲ့ ပတ်သတ်ပြီးမြန်မာတွေ မှားယွင်းစွာ ယူဆထားသည့် အချက် (၁၀) ချက် ၁။ အဆိပ်ရှိသောမြွေနှင့် အဆိပ်မရှိသောမြွေတို့ ပေါင်းစ...
16/12/2023

မြွေနဲ့ ပတ်သတ်ပြီးမြန်မာတွေ မှားယွင်းစွာ ယူဆထားသည့်
အချက် (၁၀) ချက်

၁။ အဆိပ်ရှိသောမြွေနှင့် အဆိပ်မရှိသောမြွေတို့ ပေါင်းစပ်ပြီး မျိုးပွားလျှင် မျိုးစပ်မြွေ ဖြစ်လာနိုင်သည် ➡ မှားသည်။

၂။ အန္တရာယ်မရှိသောမြွေတို့သည် မိတ်လိုက်ရာသီအတွင်း အဆိပ်ရှိပြီး အန္တရာယ်ရှိလာနိုင်သည် ➡ မှားသည်။ အန္တရာယ်မရှိသော မြွေသည် ဘဝတစ်လျှောက်လုံး အန္တရာယ်မရှိသောမြွေသာ ဖြစ်မည်။

၃။ မြွေများသည် လူနှင့်အခြားတိရိစ္ဆာန်များကို အိပ်မွေ့ချညှို့စားတတ်သည် ➡ မှားသည်။ မြွေများသည် အိပ်မွေ့ချညှို့မစားတတ်ပါ။

၄။ တြိဂံပုံစံခေါင်းရှိသောမြွေ အကုန်လုံးသည် အဆိပ်ရှိသည် ➡ မှားသည်။ တချို့က အဆိပ်ရှိ၍ တချို့က အန္တရာယ်မပေးနိုင်ပါ။

၅။ အဆိပ်ရှိမြွေအကုန်လုံး အန္တရာယ်ရှိသည် ➡ မှားသည်။ မြန်မာနိုင်ငံအတွင်းမှ အဆိပ်ရှိမြွေတော်တော်များများသည် လူတို့အတွက် အန္တရာယ်မရှိပါ။

၆။ မြွေတို့အတွက် နွားနို့နှင့် ကြက်ဥတို့သည် ကျန်းမာသော အစားအစာများ ဖြစ်သည် ➡ မှားသည်။ မြွေများကို နို့လုံးဝ မတိုက်သင့်ပါ။ မြွေဘုရားများတွင် နို့နှင့်ကြက်ဥတိုက်ကျွေးခြင်းခံနေရသော စပါးအုံးမြွေတို့သည် အဟာရချို့တဲ့မှုဖြင့် တဖြည်းဖြည်းအသတ်ခံနေရခြင်း ဖြစ်သည်။ ဒါသည် တိရိစ္ဆာန်များအပေါ် ညှင်းပန်းနှိပ်စက်နေခြင်းဖြစ်သည်။

၇။ ဆာလ်ဖာအမှုန့်(ကန့်) နှင့် အသီးအနှံများသည် မြွေများကို ဟန့်တားနိုင်သည် ➡ မှားသည်။ မြွေကို ဟန့်တားဖို့ ဝယ်စရာ၊ စိုက်စရာ ဘာမှမရှိပါ။ မြွေကို ထိန်းချုပ်ဖို့ အကောင်းဆုံးနည်းမှာ ပိုက်ဆံမကုန်သော ကြွက်ထိန်းချုပ်ရေးသာ ဖြစ်သည်။

၈။ ဆင်ပစ်မြွေများသည် အဆိပ်အရမ်းပြင်းသည့်အတွက် ဆင်ကြီးတစ်ကောင်လုံးတောင် သတ်နိုင်သည် ➡
မှားသည်။

အမြင်အာရုံမရှိသောမြွေတို့သည် အဆိပ်မရှိသည့်အပြင် လူတို့ကို အန္တရာယ်မပေးနိုင်ပါ။ သူတို့သည် ပုရွက်ဆိတ်နှင့်ခြဥများ၊ ပိုးလောင်းများကို စားသောက်သည့်အတွက် သင့်အိမ်နားတွင် ထိုမြွေများရှိခြင်းမှာ ကောင်းသည်။

၉။ အလွန်အမင်းအဆိပ်ရှိသော မြွေတစ်ကောင်က သင့်အရိပ်ကို ကိုက်လိုက်လျှင် သင်သေဆုံးနိုင်သည် ➡ မှားသည်။

၁၀။ မြွေပွေးများသည် လူ၏ ဓာတ်မတည့်မှုနှင့် အရေပြားပြဿနာများကို ကုသနိုင်သည် ➡
မှားသည်။

ကျန်းမာရေးကောင်းကျိုးများရှိကြောင်း အထောက်အထားမရှိသေးပါ။

16/12/2023

Big shout out to those who’ve recently engaged with me!

Hemuera Kenshin, Ñú Ñú Lwîñ, Ko Nay, ကိုခါး ကိုခါး

🐍🐍မြွေနဲ့ ပတ်သတ်သည့် မှားယွင်းသည့် အယူအဆများ 📌📌 (UPDATE)၁။ အဆိပ်ရှိသောမြွေနှင့် အဆိပ်မရှိသောမြွေတို့ ပေါင်းစပ်ပြီး မျိုး...
31/10/2022

🐍🐍မြွေနဲ့ ပတ်သတ်သည့် မှားယွင်းသည့် အယူအဆများ 📌📌 (UPDATE)

၁။ အဆိပ်ရှိသောမြွေနှင့် အဆိပ်မရှိသောမြွေတို့ ပေါင်းစပ်ပြီး မျိုးပွားလျှင် မျိုးစပ်မြွေ ဖြစ်လာနိုင်သည် ➡ မှားသည်။

၂။ အန္တရာယ်မရှိသောမြွေတို့သည် မိတ်လိုက်ရာသီအတွင်း အဆိပ်ရှိပြီး အန္တရာယ်ရှိလာနိုင်သည် ➡ မှားသည်။ အန္တရာယ်မရှိသော မြွေသည် ဘဝတစ်လျှောက်လုံး အန္တရာယ်မရှိသောမြွေသာ ဖြစ်မည်။

၃။ မြွေများသည် လူနှင့်အခြားတိရိစ္ဆာန်များကို အိပ်မွေ့ချညှို့စားတတ်သည် ➡ မှားသည်။ မြွေများသည် အိပ်မွေ့ချညှို့မစားတတ်ပါ။

၄။ တြိဂံပုံစံခေါင်းရှိသောမြွေ အကုန်လုံးသည် အဆိပ်ရှိသည် ➡ မှားသည်။ တချို့က အဆိပ်ရှိ၍ တချို့က အန္တရာယ်မပေးနိုင်ပါ။

၅။ အဆိပ်ရှိမြွေအကုန်လုံး အန္တရာယ်ရှိသည် ➡ မှားသည်။ မြန်မာနိုင်ငံအတွင်းမှ အဆိပ်ရှိမြွေတော်တော်များများသည် လူတို့အတွက် အန္တရာယ်မရှိပါ။

၆။ မြွေတို့အတွက် နွားနို့နှင့် ကြက်ဥတို့သည် ကျန်းမာသော အစားအစာများ ဖြစ်သည် ➡ မှားသည်။ မြွေများကို နို့လုံးဝ မတိုက်သင့်ပါ။ မြွေဘုရားများတွင် နို့နှင့်ကြက်ဥတိုက်ကျွေးခြင်းခံနေရသော စပါးအုံးမြွေတို့သည် အဟာရချို့တဲ့မှုဖြင့် တဖြည်းဖြည်းအသတ်ခံနေရခြင်း ဖြစ်သည်။ ဒါသည် တိရိစ္ဆာန်များအပေါ် ညှင်းပန်းနှိပ်စက်နေခြင်းဖြစ်သည်။

၇။ ဆာလ်ဖာအမှုန့်(ကန့်) နှင့် အသီးအနှံများသည် မြွေများကို ဟန့်တားနိုင်သည် ➡ မှားသည်။ မြွေကို ဟန့်တားဖို့ ဝယ်စရာ၊ စိုက်စရာ ဘာမှမရှိပါ။ မြွေကို ထိန်းချုပ်ဖို့ အကောင်းဆုံးနည်းမှာ ပိုက်ဆံမကုန်သော ကြွက်ထိန်းချုပ်ရေးသာ ဖြစ်သည်။

၈။ ဆင်ပစ်မြွေများသည် အဆိပ်အရမ်းပြင်းသည့်အတွက် ဆင်ကြီးတစ်ကောင်လုံးတောင် သတ်နိုင်သည် ➡ မှားသည်။ အမြင်အာရုံမရှိသောမြွေတို့သည် အဆိပ်မရှိသည့်အပြင် လူတို့ကို အန္တရာယ်မပေးနိုင်ပါ။ သူတို့သည် ပုရွက်ဆိတ်နှင့်ခြဥများ၊ ပိုးလောင်းများကို စားသောက်သည့်အတွက် သင့်အိမ်နားတွင် ထိုမြွေများရှိခြင်းမှာ ကောင်းသည်။

၉။ အလွန်အမင်းအဆိပ်ရှိသော မြွေတစ်ကောင်က သင့်အရိပ်ကို ကိုက်လိုက်လျှင် သင်သေဆုံးနိုင်သည် ➡ မှားသည်။

၁၀။ မြွေပွေးများသည် လူ၏ ဓာတ်မတည့်မှုနှင့် အရေပြားပြဿနာများကို ကုသနိုင်သည် ➡ မှားသည်။ ကျန်းမာရေးကောင်းကျိုးများရှိကြောင်း အထောက်အထားမရှိသေးပါ။

၁၁။ ငန်းစောင်းသည် သင်ဦးထုပ်ဆောင်းထားနေစဉ် ညနေစောင်းအချိန် ကန်စောင်းနားတွင် သင့်ကိုကိုက်လိုက်လျှင် သင်သေဆုံးနိုင်သည် ➡ မှားသည်။ ငန်းစောင်းသည် အဆိပ်လုံးဝမရှိပဲ သေးငယ်သော သွားများနှင့် အားနွဲ့သော မေးရိုးကြွက်သားများသာ ရှိသည်။ မှတ်တမ်းအရ ထိုမြွေတို့ကြောင့် သေဆုံးမှု လုံးဝမရှိသေးပါ။

၁၂။ လင်းမြွေက သင့်ကို မွန်းတည့်ချိန်တွင် ကိုက်လျှင် သင်သေနိုင်သည် ➡ မှားသည်။ လင်းမြွေသည် အဆိပ်မရှိပါ။ လင်းမြွေကိုက်ခံထိလို့ နေ့ပိုင်းကော၊ ညပိုင်းတွင်ပါ လူသေဆုံးမှု မှတ်တမ်းမရှိသေးပါ။

၁၃။ ပြဒါးမြွေ၏ အဆိပ်သည် သင့်အသားနှင့်အရိုးတို့ကို ပုပ်ပွစေသည် ➡ မှားသည်။ ပြဒါးမြွေတို့တွင် အဆိပ်လုံးဝမရှိသည့်အပြင် လူတို့ကို လုံးဝအန္တရာယ်မပေးနိုင်ပါ။

၁၄။ တိုင်းရင်းဆေးဆရာတို့၏ ဆေးဝါးများဖြင့် မြွေကိုက်မှုကို ကုသနိုင်သည် ➡ မှားသည်။ ဆေးရုံကို အမြန်ဆုံး သွားပါ။

၁၅။ မြွေများသည် သူတို့မိသားစုကို သတ်သူတို့ကို ကလဲ့စားချေတတ်သည် ➡ မှားသည်။ မြွေတို့သည် ကလဲ့စားမချေတတ်ပါ။

၁၆။ မြွေတွေရဲ့ မျက်လုံးသည် ကင်မရာနဲ့တူပါသည်။ သူ့ကို သတ်တဲ့သူ၏အရိပ်၊ပုံကို မှတ်ထားပြီး သူ့အဖော်က အဲ့ဒီမြွေကို သတ်တဲ့သူနောက်လိုက်၍ ပြန်ပေါက်သတ်ပါသည်။ ဒါကြောင့် တခြားမြွေတွေ သူ့မျက်လုံးကို မမြင်ရအောငိ သေသွားတဲ့မြွေရဲ့ ခေါင်းကို ဖြတ်ပြီး တွင်းနက်နက်တူးပြီး မြုပ်ရပါသည် ➡ မှားသည်။

၁၇။မြွေကိုက်ဒဏ်ရာကို လူရဲ့ဆီးနဲ့ ကုလို့ရပါသည် ➡ မှားသည်။ ပိုးဝင်ပြီး ဒဏ်ရာပိုဆိုးနိုင်ပါတယ်။ မြွေကိုက်ရင် ဆေးရုံကို အမြန်သွားပါ။

၁၈။ မြွေရဲ့အဆိပ်နဲ့ မြွေကိုက်ဒဏ်ရာကို ဆေးရွက်အုံပြီး ကုလို့ရပါသည် ➡ မှားသည်။ မြွေကိုက်ဒဏ်ရာပေါ်ကို ဘာမှမအုံပဲ ဆေးရုံကို အမြန်သွားပါ။

၁၉။ ဇီးဖြူသီး၊ ထုံး၊ ဆေးရွက်ကြီးတို့ က မြွေတားနိုင်ပါသည် ➡ မှားသည်။ မြွေတားနိုင်သည့် အရွက် အသီး အပင် မရှိသေးပါ။

၂၀။ မြွေကလူကို ကိုက်ရင် လူရဲ့အဆိပ်မိပြီး သေဆုံးနိုင်ပါသည် ➡ မှားသည်။ လူတွေမှာ အဆိပ်မရှိပါဘူး။

၂၁။ မြွေတွေက ကိုက်ပြီးရင် အဆိပ်တွေအကုန်သုံးလိုက်ရလို့ ပင်ပန်းပြီး မလှုပ်ရှားနိုင်တော့ပါဘူး ➡ မှားသည်။ မြွေတိုင်းအဆိပ်မရှိပါဘူး ပြီးတော့ ကိုက်ပြီးရင် မပင်ပန်းပါဘူး။ မကိုက်ခင်အချိန်နဲ့ ကိုက်ပြီးတဲ့အချိန် ပုံမှန်အတိုင်းသွားလာပါတယ်။

၂၂။ အဆိပ်ရှိတဲ့မြွေတွေက ကြက်ချေးကြိုက်ပါသည် ➡ မှားသည်။ မြွေတွေကို ကြက်ချေးစားဖို့မဟုတ်ပဲ ကြက်စားဖို့ လာတာပါ။

၂၃။ အဆိပ်ရှိတဲ့မြွေတွေရဲ့ အရိုးက အဆိပ်ရှိပါသည် ➡ မှားသည်။ မြွေရဲ့အဆိပ်က သူ့ခေါင်းထဲက အဆိပ်အိပ်ထဲမှာပဲ ရှိတာပါ။

၂၄။ ငန်းတော်ကြားတွေက မွေးကင်းစကလေးငယ်တွေ ရှိတဲ့အိမ်ကို သွားပါသည် ➡ မှားသည်။

၂၅။ ငန်းစောင်းက မိန်းကလေး မြင်ရင် အနောက်က လိုက်ပါသည် ➡ မှားသည်။ ဘယ်မြွေမှ လူနောက် တကူးတက မလိုက်ပါဘူး။ သူတို့က လူတွေအနားမှာ မနေချင်ပါဘူး။

၂၆။ ဂါထာရွတ်ရင် မြွေမလာပါဘူး ➡ မှားသည်။ မြွေတွေမှာ ဘာသာမရှိပါဘူး။

၂၇။ တက်တူတွေက အဆိပ်ရှိပြီး လူသေဆုံးစေနိုင်ပါသည် ➡ မှားသည်။ တက်တူတွေက အန္တရာယ်မရှိပါဘူး။

၂၈။ မြွေဥကို ယူလာပြီးစားရင် မြွေမက အနောက်ကနေ အနံခံပြီးလိုက်လာလိမ့်မည် ➡ မှားသည်။

၂၉။ မြွေအမြုတေက မသုံးတဲ့မြွေဆိပ်တွေကနေ အမြုတေဖြစ်သွားတာပါ ➡ မှားသည်။ အဲ့ဒါက ကျောက်တုံး၊ အသီးစေ့ ဒါမှမဟုတ် အရိုးစတခုပါ။

၃၀။ မြွေအမြုတေက မိုးစက်တွေ မြွေဟောက်ရဲ့ပါးစပ်ထဲကို ဝင်သွားတဲ့အချိန်မှာ ဖြစ်တည်ပါတယ် ➡ မှားသည်။ အဲ့ဒါက ဒီအတိုင်း ကျောက်ခဲ၊ အသီးစေ့ သို့မဟုတ် အရိုးစပါ။

၃၁။ မြွေအမြုတေက မြွေကိုက်ဒဏ်ရာတွေကို ကုသနိုင်တယ် ➡ မှားသည်။ မြွေကိုက်ခြင်းကို မြွေအဆိပ်ဖြေဆေးတွေနဲ့ပဲ ကုသနိုင်ပါတယ်။

၃၂။ မြွေကိုက်ဒဏ်ရာကို ကြက်သားနဲ့ အုပ်ရပါတယ် ➡ မှားသည်။ ဒီလို လုံးဝမလုပ်ပါနဲ့။ Salmonella ရောဂါပိုးတွေ ဝင်လာနိုင်ပါတယ်။

၃၃။ မြွေဟောက် သို့မဟုတ် တောကြီးမြွေဟောက်ဥတွေ စားပြီးရင် ပါးစပ်ကို ကြက်သွန်ဖြူ သို့မဟုတ် လက်ဖက်နဲ့ ဆေးပေးရပါသည်။ ညရောက်ရင် မြွေမက ပါးစပ်ကို လာနမ်းကြည့်ပြီး အနံမရမှသာ ထွက်သွားပါသည် ➡ မှားသည်။ မြွေတွေက တတ်နိုင်သလောက် လူနဲ့ ဝေးဝေးနေပါသည်။

၃၄။ မြွေအမြှီးက တိုပြီး တုတ်တယ်ဆိုရင် အဆိပ်ရှိတယ် ➡ မှားသည်။ အမြှီးအရွယ်အစားက မြွေအဆိပ်ရှိမရှိကို ခွဲလို့မရပါဘူး။

၃၅။ မြွေတွေက နားမကြားဘူး ➡ မှားသည်။ မြွေတွေက နားကြားပါတယ်။ လူတွေလိုမျိုး ရှင်းရှင်းလင်းလင်းမကြားရတာပါ။

၃၆။ မွန်းတည့်ချိန်မှာ မြွေကိုက်ရင် လူသေသည် (မွန်းတည့်မြွေ)➡ မှားသည်။ အန္တရာယ်မရှိတဲ့မြွေက ဘယ်အချိန်ကိုက်ကိုက် လူမသေပါဘူး။ အဆိပ်ရှိတဲ့မြွေကလည်း အဆိပ်မထုတ်ပဲ ကိုက်တဲ့အချိန်တွေ ရှိပါတယ်။

၃၇။ မြွေသည်းခြေကိုစားရင် ကင်ဆာပျောက်တယ် ➡ မှားသည်။ မြွေသည်းခြေက ကင်ဆာပျောက်တယ်ဆိုတဲ့ သုတေသန မှတ်တမ်းအချက်အလက် အတိအကျမရှိပါဘူး။

၃၈။ အဆိပ်ရှိမြွေနဲ့ အဆိပ်မရှိမြွေတွေက ပတ်ဝန်းကျင်တခုတည်းမှာ မကျက်စားဘူး ➡ မှားသည်။

၃၉။ မြွေဟောက် အဆိပ်ပြင်းမပြင်း သူ့ပါးပျဉ်းပေါ်က ပုံသဏ္ဍာန်ကို ကြည့်ပြီးသိနိုင်တယ် ➡ မှားသည်။ မြွေရဲ့ အဆိပ်ကို သူ့ပုံစံကို ကြည့်ခွဲလို့မရပါဘူး။

၄၀။ မြွေအရေခွံကို ပြာချပြီး အရေပြားကို ပွတ်ရင် အရေပြားမှိုရောဂါပျောက်တယ် ➡ မှားသည်။ အဲ့ဒီအတွက် သုတေသန မှတ်တမ်းအတိအကျမရှိပါဘူး။

၄၁။ မြွေရေကူးတဲ့အချိန် သူ့ခေါင်းကို ကြည့်ပြီး အဆိပ်ရှိမရှိ ခွဲလို့ရတယ် ➡ မှားသည်။

၄၂။ ကိုယ်ဝန်ဆောင်တွေကို မြွေကိုက်ရင် မြွေသေတယ် ➡ မှားသည်။ လူတွေမှာ အဆိပ်မရှိပါဘူး။

၄၃။ ကိုယ်ဝန်ဆောင်တွေကို မြွေကိုက်ရင် လူမသေဘူး ➡ မှားသည်။ အဆိပ်မရှိတဲ့မြွေကိုက်ရင် ဘယ်သူမှမသေပါဘူး။ အဆိပ်ရှိမြွေကိုက်ပြီး အချိန်မှီဆေးကုသမှုမခံယူရင် သေနိုင်ပါတယ်။

၄၄။ ကိုယ်၀န်ဆောင်တွေကို မြွေကိုက်ရင် ချက်ချင်းမသေပဲ ကလေးမွေးပြီးမှ သေတယ် ➡ မှားသည်။ အဆိပ်ရှိမြွေက ကိုက်လိုက်လို့ ဆေးရုံမှာ အချိန်မှီဆေးကုသမှုမခံယူရင် သေနိုင်ပါတယ်။

၄၅။ မြွေဗိုက်မှာ အမည်းစက်ရှိရင် မြွေက အဆိပ်ရှိတယ် ➡ မှားသည်။ ဒီနည်းနဲ့ အသေမှတ်လို့မရပါဘူး။

၄၆။ လင်းမြွေအမြှီးကို စားရင် ကိုယ်ဝန်ဆောင်တွေ ကလေးမွေးရပိုလွယ်တယ် ➡ မှားသည်။

၄၇။ ငန်းတော်ကျားက သူစားချင်လျင် ပါးစပ်လေး ဟပေးထားရုံနဲ့ သတ္တဝါလေးတွေက ပါးစပ်ထဲအလိုလို ဝင်ပြီးအစားခံရတယ်။ သူ့အတွက် အစာကို တခြားမြွေက မရှာပေးနိုင်လျင် အဲ့ဒိမြွေကိုယ်တိုင်က သူ့ ပါးစပ်ထဲ အစာအဖြစ် ဝင်ပြီး အသေခံသွားရတယ်။ ➡ မှားသည်။ ငန်းတော်ကျားတွေရဲ့ အဆိပ်က အာရုံကြောစနစ်ကို တိုက်ခိုက်တာမို့ ရုန်းမရပဲ အစားခံတဲ့ပုံပေါက်သွားတာပါ။

၄၈။ မြွေဆိပ်ပြီးသည့် ဆေးမင်ကြောင်များသည် မြွေဆိပ်ပြီးသည် ➡ မှားသည်။ မြွေဆိပ်ပြီးသည့် ဆေးမရှိသေးပါ။

၄၉။ ပထမအကြိမ်မြွေကိုက်ခံရသူသည် နောက်တကြိမ်မြွေကိုက်ခံရရင် မြွေဆိပ်မတက်ပါ ➡ မှားသည်။ အဆိပ်ရှိမြွေက အဆိပ်ထည့်ကိုက်လိုက်ရင် ဘယ်နှစ်ခါကိုက်ကိုက် အဆိပ်တက်ပါတယ်။

၅၀။ မြွေကိုက်ခံရသူအား ငရုတ်သီးကျွေးပြီးစပ်ရင် အဆိပ်မတက်ပါ ➡ မှားသည်။

၅၁။ မြွေမြှီးကို ဖြတ်ပြီးမြိုရင် မြွေဆိပ်တက်တာကို တားနိုင်သည် ➡ မှားသည်။ လင်းမြွေအမြှီးနဲ့ မြွေဆိပ်တက်တာနဲ့ မဆိုင်ပါဘူး။

၅၂။ လင်းမြွေရှိရင် မြွေဆိုးမလာပါ ➡ မှားသည်။

၅၃။ မြွေတွေက အရေခွံလဲရင် ပြန်နုပျိုသွားပြီး ဘယ်တော့မှမသေပါ ➡ မှားသည်။ သတ္တဝါတိုင်း သေပါတယ်။

၅၄။ မြွေက အနုကြီးရောဂါသည်ကို မကိုက်ပါ ➡ မှားသည်။ သူတို့ကို အန္တရာယ်ပြုတဲ့ သတ္တဝါတိုင်းကို ကိုက်ပါတယ်။

၅၅။ ရေအောက်မှာ သွားနေတဲ့မြွေက အဆိပ်မရှိပဲ ရေပေါ်သွားနေတဲ့မြွေက အဆိပ်ရှိသည် ➡ မှားသည်။ မြွေတိုင်း ရေပေါ်ရေအောက်ကူးနိုင်ပါတယ်။

၅၆။ မြွေပါက မြွေနိုင်တယ် ➡ မှားသည်။ မြွေနဲ့ မြွေပါ ချရင် အကောင်ကြီးပြီး ပိုလျှင်တဲ့ကောင်က နိုင်ပါတယ်။ မြွေပါတွေလည်း ခနကိုယ်ထဲကို မြွေဆိပ်အလုံအလောက်၀င်ရင်သေပါတယ်။

၅၇။ ခွေးတွေ ကြောင်တွေ လျှာမှာ မှည့်ပါရင် မြွေဆိပ်ပြီးသည် ➡ မှားသည်။ လျှာမှာ မှည့်ပါရင် မြွေနိုင်တာနဲ့ မဆိုင်ပါဘူး။ မြွေဆိပ်ပြီးတဲ့သတ္တဝါ မရှိပါဘူး။

၅၈။ ငန်းတော်ကျားအဆိပ်က ဖြေ‌ဆေးမရှိဘူး ➡ မှားသည်။ ငန်းတော်ကျားအဆိပ်ဖြေဆေးရှိပါတယ်။ မြန်မာနိုင်ငံမှာမရှိတာပါ။ ကိုက်ခံရရင် Ventilator ရှိတဲ့ဆေးရုံကို သွားရင် အသက်ရှင်နိုင်ခြေရှိပါတယ်။

၅၉။ မြွေက သခွားသီးပေါ် ဖြတ်လျှောက်ရင် အသီးခါးသွားတယ် ➡ မှားသည်။ အသီးခါးတာ မြွေနဲ့ မဆိုင်ပါဘူး။

၆၀။ မြွေပွေးနဲ့ ရခိုင်တွေ့ရင် ရခိုင်အရင်သတ်ဆိုတဲ့စကားပုံနဲ့ မြွေပွေးကို မသတ်ပဲ ရခိုင်ငှက်ပျောပင်ကို ခုတ်ပြီးရလာတဲ့အစေးနဲ့ ဒဏ်ရာကို အဆိပ်မပြန့်အောင်လုပ်ရတယ် ➡ မှားသည်။ ‌မြွေကိုက်ဒဏ်ရာပေါ်ကို ဘာမှမလိမ်းပါနဲ့။ ရေဆေးချ ဆေးရုံကို အမြန်သွားပါ။ ငှက်ပျော်ပင်အ‌စေးနဲ့ အဆိပ်မပြန့်အောင် တားလို့မရပါဘူး။

၆၁။ မြွေကိုက်ဒဏရာကို ပါးစပ်ဖြင့် စုပ်၍ အဆိပ်ကို အပြင်ကို ထွေးရမည် ➡ မှားသည်။ မြွေဆိပ်က ၀င်ပြီးရင် စုပ်ထုတ်လို့မရပါဘူး။ ဆေးရုံကို အမြန်သွားပါ။

၆၂။ မြွေကိုက် ဒဏ်ရာ ကို ဓားဖြင့်ခွဲရမည် ➡ မှားသည်။ မှားသည်။ မြွေဆိပ်မပြေသည့်အပြင် ဓားဒဏ်ရာ ကြောင့်အနာပို ပြင်းထန်နိုင်သည်။

၆၃။ အဆိပ်ပြင်းတဲ့မြွေကို ချက်တဲ့အခါ အိုးအဖုံးဖွင့်ထားရင် အဆိပ်ငွေ့ရိုက်ပြီး မျက်လုံးကန်းတယ် ➡ မှားသည်။ မြွေဆိပ်ကြောင့် မျက်လုံးမကန်းနိုင်ပါဘူး။ အပူငွေ့ကြောင့် (သို့) တခြားအကြောင်းအရာကြောင့် ဖြစ်နိုင်ပါတယ်။

၆၄။ မြွေသည် ထိုးသွင်းလိုက်သည့် အဆိပ်ပြန့်မပြန့်ကို ထိန်းချုပ်နိုင်သည် ➡ မှားသည်။ အဲ့ဒါက လူရဲ့ ခန္ဓာကိုယ် နဲ့ ဆိုင်ပါတယ်။ မြွေနဲ့ မဆိုင်ပါဘူး။

၆၅။ မြွေကိုက်ရင် ဆားခဲစားရတယ် ➡ မှားသည်။ မြွေဆိပ်အတွက် အထောက်အကူမဖြစ်တဲ့အပြင် သွေးတိုးစသဖြင့် တခြားရောဂါတွေပါ ပိုဆိုးလာနိုင်ပါတယ်။

၆၇။ အဆိပ်ရှိမြွေရဲ့ မျက်လုံးကို ညဖက် ဓာတ်မီးနဲ့ထိုးရင် နီတယ် ➡ မှားသည်။ အဲ့ဒီနည်းနဲ့ မှတ်လို့မရပါဘူး။

၆၈။ လေချွန်ရင် မြွေလာတယ် ပုလွေမှုတ်ရင် မြွေလာတယ်➡ မှားသည်။ မြွေတွေက ပုလွေသံ လေချွန်သံကို မကြိုက်ပါ။

၆၉။ မြွေတွေ အဆိပ်မှုတ်ရင် မျက်လုံးကန်းတယ် ➡ မှားသည်။ မြန်မာနိုင်ငံ မြွေတွေ အဆိပ်မှုတ်ရင် မျက်လုံးမကန်းပါဘူး။ မျက်လုံးကို ရေသန့်နဲ့ ၁၅ မိနစ်လောက် ဆက်တိုက်ဆေးချပေးဖို့လိုပါတယ်။ ပြီးရင် မျက်လုံးရဲ့ တခြားနေရာတွေမှာ ထိခိုက်မှုမရှိစေရန် စစ်ဖို့အတွက် ဆရာ၀န်နဲ့ သွားပြဖို့လိုပါတယ်။

၇၀။ ငန်းတော်ကျားရှိရင် မြွေဆိုးမလာဘူး ➡ မှားသည်။

၇၁။ အဆိပ်ရှိတဲ့မြွေက ခေါင်းကို ပေါက်ရင် ဆေးမမှီဘူး ➡ မှားသည်။ ဆေးရုံကို အချိန်မှီသွားရင် အသက်ရှင်နိုင်ပါတယ်။

၇၂။ တောကြီးမြွေဟောက်အထီးအမကို တကောင်သတ်ရင် နောက်တကောင်က အနံခံပြီးလာပေါက်တယ် ➡ မှားသည်။ မြွေတွေက လက်စားမချေတတ်ပါဘူး။

၇၃။ မြွေပွေးအမတွေက မွေးရင် မြွေပေါက်လေးတွေက ဗိုက်ဖောက်ထွက်ပြီး မြွေအမေတွေက အသေခံရတယ် ➡ မှားသည်။ မြွေပွေးတွေက ကလေးမွေးရင် အကောင်လိုက်မွေးတာမို့ လူတွေက အထင်မှားကြတာပါ။

၇၄။ မြွေပွေးရဲ့ အကွက်ကို ကြည့်ပြီး အဆိပ်ပြင်းမပြင်းခွဲလို့ရတယ်။ ➡ မှားသည်။ မြွေရဲ့ အကွက်ကိုကြည့်ပြီး အဆိပ်ပြင်းမပြင်း ခွဲလို့မရပါဘူး။

၇၅။ မြွေစိမ်းမြှီးခြောက်ကိုက်ရင် အဆစ်တွေ ပြုတ်ပြီးသေတယ် ➡ မှားသည်။ မြွေစိမ်းမြှီးခြောက်ကိုက်ရင် သေဆုံးနှုန်းက ၁ % ပဲရှိပါတယ်။ ဆေးရုံကို သွားရင် သေဆုံးနှုန်းက ၀ % ပါ။

၇၆။ မြွေလိုက်ရင် ပစ္စည်း တခုခုကို ပစ်ချပြီးပြေးရတယ် အဲ့ဒီကျရင် လူနောက်မလိုက်တော့ပဲ ပစ္စည်း ကိုပဲ တိုက်ခိုက်တယ် ➡ မှားသည်။ မြွေတွေက သူတို့ကို ရန်သွားစလို့ လန့်ပြီး ပြန်ခြောက်တဲ့အနေနဲ့ အနောက်က လိုက်တာပါ။ သူတို့နဲ့ ခပ်လှမ်းလှမ်းမှာနေရင် သူတို့ကို အန္တရာယ်မပေးဘူးဆိုတာ သိပြီး မလိုက်တော့ပါဘူး။

၇၇။ ငန်းတော်ကျားက နေ့ဖက်ဆိုရင် ဘာမှမလုပ်ပေမဲ့ ညဖက်ဆိုရင် အန္တရာယ်များတယ် ➡ မှားသည်။ မြွေတွေက လူတွေကို အန္တရာယ် မပေးပါဘူး။ သူတို့ကို ရန်သွားမစရင် နေ့ဖက်၊ ညဖက် အန္တရာယ် မရှိပါဘူး။

၇၈။ အဆိပ်ရှိတဲ့မြွေကိုက်ရင် သွေးမထွက်ဘူး အဆိပ်မရှိတဲ့မြွေကိုက်ရင် သွေးထွက်တယ် ➡ မှားသည်။ ဘယ်မြွေကိုက်ကိုက် အသားပေါက်ရင် သွေးထွက်မှာပါ။

၇၉။ မြွေအမြှီးနီရင် အဆိပ်ရှိတယ် ➡ မှားသည်။ အမြှီးနီပြီး အဆိပ်မရှိတဲ့မြွေတွေရှိပါတယ်။

၈၀။ မြွေတွေရဲ့ အမြှီးနဲ့ ထိုးရင် အဆိပ်မိတယ် ➡ မှားသည်။ ဘယ်မြွေမှ အမြှီးနဲ့ မထိုးပါဘူး။ မြွေတွေရဲ့ အမြှီးမှာလည်း အဆိပ်မရှိပါဘူး။

၈၁။ အပူပိုင်းဒေသက မြွေတွေက အဆိပ်ပိုပြင်းတယ် ➡ မှားသည်။ အအေးပိုင်းဒေသတွေမှာလည်း အဆိပ်ပြင်းတဲမြွေတွေရှိပါတယ်။

၈၂။ မြွေတွေက မိတ်လိုက်ရင် မြွေမျိုးစိတ်အစုံစုပြီး မိတ်လိုက်ကြတယ် ➡ မှားသည်။ မြွေတွေက မျိုးမတူရင် မိတ်မလိုက်ပါဘူး။

၈၃။ မြွေအချင်းချင်းကိုက်ရင် အဆိပ်မတက်ဘူး ➡ မှားသည်။ အဆိပ်ရှိတဲ့မြွေက နောက်မြွေတကောင်ကို ကိုက်ရင် ကိုက်ခံရတဲ့မြွေက အဆိပ်တက်ပါတယ်။

၈၄။ ဗိုက်မှာ အမည်းစက်ပါရင် အဆိပ်ပြင်းတယ် ➡ မှားသည်။ ဗိုက်မှာအမည်းစက်ပါပြီး အဆိပ်မရှိတဲ့ မြွေတွေ အများကြီးရှိပါတယ်။

၈၅။ မြွေစိမ်းမြှီးခြောက်ကိုက်လို့ သူ့အမြှီးကို ပြန်ကိုက်ရင် အဆိပ်ပြယ်တယ် ➡ မှားသည်။

၈၆။ ဘဲငန်းများမွေးထားလျှင်မြွေမလာ ➡️ မှားသည်။

၈၇။ သခွပ်ပင်အခေါက်ဖြင့်မြွေဆိပ်ဖြေနိုင်သည် ➡️ မှားသည်။

Snakes of Myanmar (မြန်မာ)

မြန်မာနိုင်ငံမှာ ဘိုးစဉ်ဘောင်ဆက် လက်ဆင့်ကမ်းလာတဲ့ ယုံတမ်းစကားတွေ ဂျင်းစကားတွေကြောင့်အဆိပ်မဲ့ပြီး အန္တရာယ်မရှိတဲ့ မြွေလေး...
25/10/2022

မြန်မာနိုင်ငံမှာ ဘိုးစဉ်ဘောင်ဆက် လက်ဆင့်ကမ်းလာတဲ့ ယုံတမ်းစကားတွေ ဂျင်းစကားတွေကြောင့်
အဆိပ်မဲ့ပြီး အန္တရာယ်မရှိတဲ့ မြွေလေးတွေဟာ.
အမြဲတမ်း အသတ်ခံနေရပါတယ် 😢😢😢

Myth လေးတွေကို သိသလောက် မျှဝေပါရစေ။
Snakes Of Myanmar Group မှ ပြန်လည်
မျှဝေပါသည်.

(၁) ဆင်ပစ်မြွေကိုက်ရင် ဆင်တောင် တုံးကနဲ လဲတယ် ဆိုတာ မှားပါတယ်။ တကယ်တော့ မြွေတွေထဲမှာ Blind Snake ဆိုတဲ့ အဲ့အကောင်လေးတွေက ဘာမှ အန္တရာယ်မပေးနိုင်ဆုံး မြွေအမျိုးအစားလေးတွေပါ။ အရမ်းသနားစရာကောင်းပါတယ်။ ပိုးကောင်မွှားကောင်လေးတွေလောက်ပဲ ရှာစားနိုင်ကြရှာတာပါ။ ကိုက်ဖို့နေနေသာသာ ပါးစပ်တောင် ခပ်ကျယ်ကျယ်မဟနိုင်ရှာပါဘူး။

(၂) ခေါင်းနှစ်လုံးမြွေကိုက်ရင် ဆေးမမီဘူး ဆိုတာလည်း မှားပါတယ်။ တကယ်တော့ Pipe Snake လို့ခေါ်တဲ့ အဲ့မြွေတွေက အဆိပ်မရှိပါဘူး။ ကိုက်လို့လည်း မသေနိုင်ပါဘူး။ ခေါင်းနှစ်လုံးမဟုတ်ဘဲ အမြီးက ခေါင်းနဲ့တူနေတာ ဖြစ်ပြီး သူ့အတွက် အန္တရာယ်ကြုံလာတဲ့အခါ ခေါင်းကိုဝှက်ပြီး အမြီးနဲ့ ပြန်ခြိမ်းခြောက်တာ ဖြစ်ပါတယ်။

(၃) ငန်းစောင်းကိုက်ရင် ဆေးမမီဘူး ဆိုတာလည်း မှားပါတယ်။ ငန်းစောင်း (Radiated Rat Snake) က အဆိပ်မရှိပါဘူး။ သူ့ရဲ့ ပေစောင်းစောင်း စတိုင်ကြောင့်သာ ကြောက်စရာကောင်းတယ် ထင်နေတာပါ။ ဘာအဆိပ်မှ မရှိပါဘူး။ နေစောင်းတဲ့အချိန် ခုတင်စောင်းမှာ ဖင်စောင်းပြီး ကိုက်လည်း အဆိပ်မရှိပါ။ငန်းစောင်းလိုက်ရင်အဝတ်အစားတစ်ခုခု ချွတ်ချပြီး ပြေးရတယ်ဆိုတာလည်း မဟုတ်ပါ..

(၄) မြွေပြဒါး၊မြွေပဒုပ် ကိုက်ရင် အသားတွေပုပ်ကျတယ်၊သေတယ်ဆိုတာလည်း မှားပါတယ်။ အဲဒီ အရောင်ပြောင်ပြောင်လက်လက်မြွေလေးတွေက အဆိပ်မရှိပါဘူး။ သဘာဝက ဖန်ဆင်းပေးထားတဲ့ အရမ်းလှတဲ့ မြွေလေးတွေပါ။

(၅) လင်းမြွေ ဆိုလည်း မြွေဟောက်နဲ့ စပ်ရင် အဆိပ်ရှိတယ် ဆိုတာ မှားပါတယ်။ ဘယ်လင်းမြွေမှာမှ အဆိပ်မရှိသလို အဆိပ်ရှိတဲ့ မြွေနဲ့ အဆိပ်မရှိတဲ့ မြွေ မျိုးစပ်ဖို့ ဆိုတာ မဖြစ်နိုင်ပါဘူး။ မျိုးစိတ် တူမှသာ စပ်လို့ရပါတယ်။မနက်စောစော လင်းမြွေကိုက်ရင်
ဆေးမမှီဘူးဆိုတာ ဂျင်းအယူအဆပါ

(၆) သစ်တက်ငန်းမြွေ ဆိုပြီး မှားခေါ်နေကြတဲ့ အစင်းအစင်းလေးတွေနဲ့ အရစ်အရစ်ကလေးတွေနဲ့ ရွှေအိုရောင် ထန်းမြွေ၊ Golden Tree Snake တွေကလည်း အဆိပ်မရှိပါဘူး။

(၇) ပဒတ်လည်နီ လို့ ခေါ်တဲ့ မြွေမျိုးမှာတော့ အဆိပ်ရှိသော်လည်း မကိုက်ပါဘူး။ ကိုက်ရုံနဲ့လည်း အဆိပ်မတက်ပါဘူး။ အဆိပ်တက်ဖို့အတွက် သူ့အာခေါင်ထဲကို အကြာကြီး အမျိုခံရမှသာ တက်နိုင်ပါတယ်။ သူ့အစွယ်က မေးရိုးရဲ့ အနောက်ဘက်မှာ ရှိလို့ပါ။

(၈) အညိုရောင် အရစ်အရစ်တွေ မြင်တဲ့အခါ သံကွင်းစွပ်နဲ့ မှားတတ်ကြပါတယ်။ အဲဒါတွေကို Wolf Snake လို့ ခေါ်ပါတယ်။ အဆိပ်မရှိပါဘူး။ မြွေပွေးနဲ့ ခပ်ဆင်ဆင်တူတဲ့ ကောင်တွေလည်း ရှိပေမဲ့ အဆိပ်မရှိပါ။

(၉) မြွေတွေကိုသတ်ပြီးရင် ခေါင်းကို မြှုပ်ထားရတယ်။ အဲလို မြှုပ်မထားရင် သူ့ရဲ့အဖော်က လိုက်ပြီး လက်စားချေတယ်ဆိုတာလည်း မှားပါတယ်။ အိန္ဒိယမြွေကားတွေ ကြည့်တာများသွားလို့ပါ။ တကယ်တော့ အဲလို မရှိပါဘူး။

(၁၀) စပါးကြီးမြွေက ညှို့တတ်တယ် ဆိုတာ မှားပါတယ်။ မြွေတွေမှာ အဲ့လို အစွမ်းသတ္တိမရှိပါ။ အကြောက်လွန်ပြီး ကြက်သေ သေ မင်သက်မိရင်း သတိလစ်သွားတာ ဖြစ်နိုင်ပါတယ်။

မြန်မာနိုင်ငံမှာ ပေါပေါများများ တွေ့နိုင်တဲ့
အဆိပ်ပြင်းမြွေမျိုးစိတ်တွေက

မြွေဟောက် (Monoclad Cobra)
မြွေပွေး(Eastern Ressel's Viper)
ငန်းပုပ်( King Cobra)
မန္တလေးအဆိပ်မှုတ်မြွေဟောက်(Mandalay Spitting Cobra)
ငန်းတော်ကြား (Banded Krait)
မြွေစိမ်းမြီးခြောက်(Green Pit Viper)
ဂျပ်မြွေ(Sea Krait)
သံကွင်းစွပ် (Many Banded Krait)

ဒါတွေပဲ ပေါပါတယ်။မြွေနဲ့တွေ့တဲ့အခါ သူ့ကို ဘာမှ အန္တရာယ်မပေးဘဲ အနောက်ကို ငါးလှမ်း ကလေးဆို ဆယ်လှမ်းလောက် ဆုတ်ပြီး ထွက်သွားလိုက်ပါ။

အိမ်ခြံထဲမှာ တွေ့တယ်ဆိုရင် ရေပိုက်နဲ့ဖြစ်ဖြစ်ပက်လိုက်ပါ။ မြွေတွေက သူတို့အတွက် မနွေးထွေးဘူး အဆင်မပြေဘူးလို့ ထင်တဲ့ပတ်ဝန်းကျင်ကို ထပ်မလာပါဘူး။ ထပ်လာခဲ့ရင် အဲဒါ နောက်တစ်ကောင်ပါ။

မြွေကို မရမက သတ်ပစ်ဖို့ မကြိုးစားပါနဲ့။ မြွေကို သတ်ဖို့ကြိုးစားရင် လူကို အန္တရာယ်ဖြစ်ဖို့ ပိုများပါတယ်။ ကိုက်ခံရနိုင်ပါတယ်။ သူကလည်း အသိဉာဏ်ရှိတဲ့တိရစ္ဆာန်မို့ သူ့ကိုယ်သူ ကာကွယ်ရပါလိမ့်မယ်။

မြွေမလာအောင် ဆီးဖြူသီးတွေ ကြက်သွန်တွေ အသုံးမဝင်ပါဘူး။ ကိုယ့်အိမ်မှာ ကြွက်မရှိအောင် ကြွက်တွင်းပေါက်တွေကိုပဲ ပိတ်ပစ်ပါ။ အစာမရှိရင် သူတို့ မလာကြပါဘူး။

ကြက်ခြံတွေမှာ မြွေတွေက ကြက်ချေးကို ကြိုက်တာမဟုတ်ဘဲ ကြက်ကလေးတွေကို စားချင်လို့ လာတာ ဖြစ်ပါတယ်။

King cobra (တောကြီးမြွေဟောက် /ငန်းပုတ်)Venomous (အဆိပ်ရှိ)မျိုးတွေ ထဲမှာမှ ခန္ဓာကိုယ်အလျား အရှည်ဆုံး မြွေမျိုးစိတ်ကိုပြဆ...
25/10/2022

King cobra (တောကြီးမြွေဟောက် /ငန်းပုတ်)
Venomous (အဆိပ်ရှိ)မျိုးတွေ ထဲမှာမှ ခန္ဓာကိုယ်အလျား အရှည်ဆုံး မြွေမျိုးစိတ်ကိုပြဆိုလျှင် King Cobra ကိုပဲပြရမှာ ဖြစ်ပါတယ်
မှတ်တမ်းတင်ထားသမျှ ထဲတွင် KC တစ်ကောင်က ၁၈ ပေအထိ ရှည်ကြောင်း သိရှိရပါတယ်
KC‌ တွေကို အိန္ဒိယနိုင်ငံ မြန်မာနိုင်ငံအပါအဝင် အရှေ့တောင်အာရှ ရှိ နိုင်ငံမျာများရဲ့ တောအုပ်တွေ အတွင်းမှာ တွေ့ရှိရတက်ပါတယ်
အစား အစာအဖြစ် နို့တိုက်သတ္တဝါငယ်များ ဖြစ်တဲ့ကြွက် တွားသွားသတ္တဝါငယ်များဖြစ်တဲ့ ဖွတ် ပုတက်များ ငှက်များ အပြင် KCများအကြိုက်ဆုံး အစားအစာကတော့ အားလုံးသိကြမယ် ထင်ပါတယ် ဒါတော့ တောကြီးမြွေဟောက်‌မျိုးစိတ်ကို လူသိထင်ရှားစေတဲ့ အကြောင်းအရင်းတစ်ခုဖြစ်တဲ့ အခြားသောမြွေများကို အဓိကစားသုံးခြင်းဖြစ်ပါတယ်။
လင်းမြွေ စပါးအုံးမြွေတွေကအစ တခြားအဆိပ်ရှိမြွေများဖြစ်ကြတဲ့ မြွေဟောက်တွေ ငန်းတော်ကျားတို့ ကအစ KC ရဲ့ သားကောင်တွေအဖြစ် ကျရောက်တက်ကြပါတယ် ဒါကြောင့်လဲ KC ရဲ့ သိပ္ပံနာမည်က (Ophiophagus) '' ဂရိဘာသာစကားကေန ဆင်းသက်လာတဲ့ စကားလုံးဖြစ်ပြီး အဓိပ္ပာယ်က '' Snake Eater '' မြွေများစားသုံးသူ ဟု အဓိပ္ပာယ် ရပါတယ်။
လူတွေကိုတော့ ရန်လိုမှုကတော့ အလွန်ရှားပါတယ်။ ပင်ကိုယ်ဗီဇ အရ အန္တရာယ်ပြု ခြင်းခံရလျှင် ရန်လိုစွာခုခံတတ်ပေမယ့် သဘာဝတောတွင်းမှာ လူတွေနဲ့၎င်းတို့ကျက်စားရနေ ရာနားရောက်လာပါက လူတွေနဲ့ကြုံတွေ့လာခြင်းမရှိ အောင်ရှောင်ခွင်သွားတတ်ကြောင်းသိရသည်။

KC တွေက မြွေတွေထဲမှာ ဉာဏ်အကောင်းဆုံးမြွေမျိုးစိတ်ဖြစ်ပြီး (နိုင်ငံခြားမှာ KCကိုအိမ်မွေး တိရိစ္ဆာန်အဖြစ်မွေးမြူကြပါတယ်) သူ့ရဲ့ အသိုက် ဥတွေကို စောင့်ရှောက်တက်တဲ့ အပြုအမူလဲရှိကြပါတယ်။
ရှည်လျားတဲ့အရွယ်အစား/ ပြင်းထန်လွန်းတဲ့ အဆိပ်(Venom) (ဆင်တစ်ကောင်ကိုတောင် နာရီပိုင်းအတွင်းသေစေနိုင်တယ်ဆိုတဲ့မှတ်တမ်းများရှိပါတယ်)/ ခက်ထန်ကြမ်းတမ်းလွန်းတဲ့ ပုံပန်းသွင်ပြင်ကြောင့်
KCတွေအပေါ်မှာ ဘာအန္တရာယ်မှ မသက်ရောက်နိုင်ဘူးလို့ မထင် လိုက်ပါနဲ့နော် သူတို့ရဲ့အဓိက ရင်ဆိုင်ကြုံတွေ့နေရတဲ့ အန္တရာယ်တွေကတော့ ကျက်စားရာနယ်မြေများ ဆုံးရှုံးလာခြင်း တွေ လူတွေရဲ့ တစ်ယူသန်ဝါဒနဲ့ KCတွေရဲ့ အသားအရေခွံတွေ နဲ့ရိုးရာ တိုင်းရင်းဆေးဖော်စပ်မှုတွေအတွက်ဖမ်းဆီးသတ်ဖြတ်မှုတွေပဲဖြစ်ပါတယ်
တောကြီးမြွေဟောက်တွေက တခြားသောမြွေဟောက်အစစ်တွေလို ( Naja) မျိုးနွယ်စုမဟုတ်ပါဘူးနော် အဲ့အတွက် (မြွေဟောက်လို့သတ်မှတ်လို့မရပါဘူး) ပြီးတော့ မြွေဟောက်တွေအကုန်လုံးက ကိုယ့်သဘောနဲ့ကို အမဲလိုက်ကြတာပါ တောဘုရင် ဆိုပြီးမရှိပါဘူး။KC‌က ပိုကျဉ်းမြောင်းတဲ့ပါးပြင်းရှိပါတယ် တခြားမြွေဟောက်တွေလို ပါးပြင်းမှာ မည်သည့်အမှတ်အသားအသားမှ မပါရှိပါဘူးဗျ ဦးခေါင်း အကြေးခွံ ဟာလဲ ကွာခြားမှုရှိပါတယ်။တစ်ကိုယ်လုံး အရောင်မှာ အဝါ (သို့)အညိုရောင် ရှိပါတယ် ၎င်းအပေါ်မှ အဝါ(သို့)အညိုအစင်းများ ရှိတက်ကြတယ် ပျမ်းမျှ သက်တမ်း (၂၀)နှစ်ခန့် အထိ ရှိသည်။

တစ်ကြိမ်လျှင် ဥ အလုံးရေ ၂၀ မှ ၄၀ ထိ ဥတတ်ပြီး သစ်ရွက်ပုံထဲတွင် ဥအုတတ်ပါတယ် ဥများကို အထီး နှင့် အမ (၂) ကောင် စလုံးမှ စောင့်ရှောက်ပါတယ် စိုထိုင်းစ (၁၀၀%) နှင့် အပူချိန် (၈၀-၈၄)ဒီဂရီစင်တီဂရိတ်တွင် (၆၉)ရက်ခန့် အကြာ ဥမှအကောင်ပေါက်လေ့ရှိပါတယ်

အခုမှာကျ IUCN Red List မှာ တောကြီးမြွေဟောက်ကို (Vulnerable) မျိုးတုန်းပျောက်ကွယ်မှု အန္တရာယ်နဲ့ခြိမ်းခြောက်ခံရ နိုင်တဲ့မျိုးစိတ်အဖြစ်ပြဌာန်းထားပါတယ်။
လူတွေနဲ့ တခြားတိရိစ္ဆာန်တွေ‌အပေါ် ရောဂါအမျိုးမျိုးကူးဆက်ပျံ့ပွားစေပြီး မျိုးပွားနှုန်းလဲအရမ်းမြန်တဲ့ ကြွက်များ အစရှိတဲ့ သတ္တဝါများကို စားသုံးပြီး အဲ့ကောင်တွေရဲ့ အရေအတွက်ကို ထိန်းညှိပေးကာ လူသားတွေအတွက်ရော ရော..သဘာဝပတ်ဝန်း ကျင်အတွက်ပါ အကျိုးပြုနေတဲ့ Ecosystem အတွက်ပါအကျိုးပြုနေကြတဲ့ထဲမြွေတွေဟာ အရေးပါလွန်းလှပါတယ်

ဒါကြောင့်လည်းပဲ India အစိုးရက Indiaရဲ့ ( India's National Raptile ) အိန္ဒိယအမျိုးသား တွားသွားသတ္တဝါမျိုးစိတ် ဖြစ်တဲ့ King Cobra တွေကို ၁၉၇၂ တောရိုင်းတိရစ္ဆာန်ကာကွယ်ရေး ဥပဒေအရ ထိန်းသိမ်းကာကွယ်ထားတဲ့ တောကြီးမြွေဟောက် မျိုးစိတ်ကိုသတ်ဖြတ်မှု ပြုပါကထောင်ဒဏ် ၆နှစ်အထိ ပြစ်ဒဏ်ချမှတ်နိုင်သည်အထိကာကွယ်ထိန်းသိမ်းထား တာဖြစ်ပါတယ်။

Address

Yangon

Website

Alerts

Be the first to know and let us send you an email when မြွေများအကြောင်း သိကောင်းစရာ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category