http://www.preventplastics.org/

Prevent Plastics+, 56, M1 Thiri Marlar Street, Yangon (2026)

16/09/2026

စက်တင်ဘာ 17 ရက်နေ့မှာ "World Cleanup Day 2026" အတွက် Planet Impacts ကနေ ဦးဆောင်ပြီး "Sustainable Fashion Exhibition Preliminary" ဆိုတဲ့ ပွဲလေး Goethe Institute မှာ ကျင်းပသွားမှာပဲဖြစ်ပါတယ်။💌

ဒီပွဲမှာ အောက်ပါ စိတ်ဝင်စားစရာအစီအစဉ်တွေ ပါဝင်သွားမှာပါ။
ရေရှည်တည်တံ့တဲ့ ဖက်ရှင်ဒီဇိုင်းတွေနဲ့ ဖန်တီးမှုအသစ်တွေကို ပြတိုက်တစ်ခုလိုမျိုး လွတ်လွတ်လပ်လပ် ဝင်ရောက်လေ့လာနိုင်မယ့် "Innovative Sustainable Fashion Showcase"👗♻️

စံနှုန်းသတ်မှတ်ထားတဲ့ ဘောင်အတွင်း၊ အပြင်နှစ်မျိုးလုံးကနေ တက်ရောက်လာသူတွေရဲ့ တွေးခေါ်နိုင်စွမ်းနဲ့ ဆန်းသစ်တီထွင်ကြံဆနိုင်စွမ်းတွေကို challenge လုပ်ရင်း အထူးဆုလက်ဆောင်များပေးသွားမယ့် "Ideation Mini Challenge" 💡🎁

ရေရှည်တည်တံ့စိမ်းလန်းသော စီးပွားရေး တီထွင်သူများ၊ လူငယ်ဖန်တီးရှင်များနဲ့ အချင်းချင်း ချိတ်ဆက်မယ်၊ အိုင်ဒီယာများ အပြန်အလှန်ဆွေးနွေးနိုင်ဖို့ "Networking Corner" 🌱🤝 ဲ

ဒါတွေအပြင် Prevent Plastics+ ရဲ့ "Repair Station" လေးလည်း ရှိနေမှာပါ။ 👚✂️
အိမ်မှာပိုနေတဲ့ အဝတ်စတွေကို ပေါင်းစပ်ပြီး ဒီဇိုင်အဆန်းလေးတွေအနေနဲ့ ပြန်ဖန်တီးကြမလား။ ပြုပြင်ဖို့လိုနေတဲ့ ဗီရိုထဲချောင်ထိုးထားရတဲ့ အထည်လေးတွေကို ပြန်လည်ဆန်းသစ်ဖာထေးမလား။ ဒါမှမဟုတ် အဟောင်းတွေကနေ တခြားသော ဒီဇိုင်းနဲ့ ပစ္စည်းအသစ်တွေအဖြစ်နဲ့ ဖန်တီးချင်လား။
မသုံးဖြစ်တဲ့ ရှိနေပြီးသား အဟောင်းတွေကနေ နေ့စဉ်ဘဝမှာအသုံးဝင်စေမယ့် ပုံစံအသစ်အဖြစ်နဲ့ ပြောင်းလဲဖန်တီးရင်း စိတ်လှုပ်ရှားစရာနေ့လေးအဖြစ် ကုန်ဆုံးနိုင်ဖို့ရာ ပွဲလေးကို လာရောက်ဖို့ ဖိတ်ခေါ်လိုက်ရပါတယ်။

📆ရက်စွဲ : 17.9.2026 (Thurs)
⏳ အချိန် : 1:00 PM to 4:00 PM
📍နေရာ : Goethe Institut Myanmar

Planet Impacts European Union in Myanmar EU SWITCH-Asia Programme Up YEAH YEAH - Youth for Environmental Action and Hope

Let's Do It Myanmar

+

16/09/2026

MEETup 2027 ဟာ ဥရောပသမဂ္ဂမှ တိုက်ရိုက်စီမံပေးတဲ့ programme ဖြစ်ပြီး Prevent Plastics+ မှာ ပြုလုပ်ပေးနေကျ လူငယ် programme ကဲ့သို့ လူငယ်တွေရဲ့ skill ကို နောက်တစ်ဆင့်မြှင့်ပေးမယ့် programme လည်း ဖြစ်ပါတယ်။
မိမိရဲ့ လူမှုအသိုင်းအဝိုင်းကို မြှင့်တင်ရင်း လူငယ်တွေအချင်းချင်း ပိုမိုချိတ်ဆက်ဖို့ MEETup 2027 ကို လျှောက်ထားနိုင်ပါတယ်။

စက်တင်ဘာလ (၂၁) ရက်နေ့မှာ MEETup Alumni တွေကနေ သူတို့ရဲ့ အတွေ့အကြုံတွေကို ပြန်လည်မျှဝေပေးမယ့် Info sharing Session လေးလည်း ရှိပါတယ်။
https://forms.gle/zCW1WbpxZ8pWRHTa8
အထက်ပါ link မှတစ်ဆင့် register ပြုလုပ်ပြီး reply mail မှတစ်ဆင့် ZOOM Link ကို ရယူနိုင်ပါတယ်။

MEETup 2027: Online Info Session
🗓နေ့ရက်- 21st Sept 2026 (Monday)
🕑အချိန်- 10 AM to 11 AM

European Union in Myanmar EU SWITCH-Asia Programme YEAH - Youth for Environmental Action and Hope

+

11/09/2026

စက်တင်ဘာလ (12)ရက်နေ့နဲ့ (13)ရက်နေ့တွေမှာ "Made with Heart" Artisan Bazaar ပွဲလေးကို marketplace by City Mart 6.5 mile မှာကျင်းပသွားမှာပါ။ ဒီပွဲမှာ European Union funded programme ဖြစ်တဲ့ Prevent Plastics+ ရဲ့ YEAH program graduates တွေထဲက လူငယ်လေးတွေနဲ့ ဖွဲ့စည်းထားတဲ့ UpYEAH! အဖွဲ့လည်း ရှိနေမှာပါ။
နှစ်ရက်လုံးမှာ UpYEAH! ရဲ့ upcycled product တွေကို ဝယ်နိုင်မယ့်အပြင် filefolder တွေပေါ်မှာလည်း ကိုယ်တိုင်စိတ်တိုင်းကျ art design လေးတွေကိုပါ ဖန်တီးနိုင်မှာမို့ သွားရောက်ပါဝင်နိုင်ပါတယ်နော်။

📆ရက်စွဲ : 12.9.2026 (Sat), 13.9.2026 (Sun)
⏳ အချိန် : 9AM to 5PM
📍နေရာ :City Mart 6.5 mile

European Union in Myanmar EU SWITCH-Asia Programme
Up YEAH

08/09/2026

ငယ်ငယ်က ကျောင်းသွားတဲ့အခါ ထမင်းချိုင့် ကိုယ်စီဆွဲရင်း သွားကြတယ်။ အိမ်ကထည့်ပေးလိုက် ထမင်း၊ဟင်းတွေကို သူငယ်ချင်းတွေနဲ့ တူတူဝိုင်းဖွဲ့စားကြတဲ့ အမှတ်တရတွေ အားလုံးမှာရှိဖူးကြမှာပါ။
ဒီလို နေ့လည်စာထမင်းဘူးတွေ ထည့်တာက တစ်ခါသုံးပလတ်စတစ်တွေကို စာသင်နှစ်တစ်နှစ်စာအတွက်ဆို ခန့်မှန်းခြေ 195ရက်စာလောက်အထိ လျှော့ချနိုင်ပါတယ်။
အသက်ကြီးလာတာနဲ့အမျှ ဝင်ငွေရှာလာနိုင်တော့ စားသောက်ချင်တာတွေလည်း များလာတယ်။ ဒီနေ့ခေတ်မှာဆို နိုင်ငံပေါင်းစုံက မြို့ပေါင်းစုံက အစားအသောက်တွေကို လွယ်လွယ်ကူကူဝယ်စားလို့ရနေပြီ။ ဒါပေမယ့် ငယ်ငယ်ကလို ချိုင့်၊ ဘူးတွေအစား တစ်ခါသုံးပလတ်စတစ်တွေ၊ ဖော့ဘူးတွေကို လွယ်လွယ်သုံးမိလာတာကိုရော သတိပြုမိကြလား။
ဒီတစ်ခါသုံးပစ္စည်းတွေမှာပါတဲ့ ဓာတုပစ္စည်းတွေက ကင်ဆာရောဂါတွေကို ဆက်စပ်ဖြစ်ပွားစေနိုင်သလို တစ်ဖက်မှာလည်း သဘာဝပတ်ဝန်းကျင်ကို ဆိုးကျိုးတွေ သက်ရောက်နေပါတယ်။ ထပ်ဆင့်အနေနဲ့ ဒီသဘာဝပတ်ကျင်ထိခိုက်မှုတွေက လူတွေကို ထပ်ပြီး ကျန်းမာရေးထိခိုက်မှုတွေ ပြန်ဖြစ်စေပါသေးတယ်။
တစ်ခါသုံးပလတ်စတစ်တွေက ဘယ်လောက်ထိဆိုးကျိုးများကြောင်း သိတဲ့သူတွေကတော့ တတ်နိုင်သမျှ ပလတ်စတစ်ကိုလျှော့ချနေကြပါပြီ။ ကိုယ်က အမြဲတစ်ခုခုဝယ်စားတတ်တာမျိုးဆိုရင် ဘူးလေးတွေဆောင်ထားလို့ရတယ်။ ဘူးကြီးကိုင်ရမှာ လေးတယ်ဆိုရင် ပါဆယ်ဝယ်မယ့်အစား ထိုင်စားတာမျိုးလေး လုပ်လို့လည်းရပါတယ်။
ကိုယ်သုံးစွဲလိုက်တဲ့ပလတ်စတစ်ဟာ တစ်ခဏတာ အသုံးဝင်ပေမယ့် ပလတ်စတစ်ရဲ့အကြွင်းအကျန်တွေကတော့ နှစ်ရာပေါင်းများစွာ ဆက်ရှိနေရင်း သက်ရှိတွေကို ဒုက္ခပေးနိုင်တာမို့ တတ်နိုင်သလောက် ရှောင်ကြရအောင်လားနော်။

European Union in Myanmar EU SWITCH-Asia Programme

+

22/08/2026

မီးဖိုချောင်ထဲက Circular Economy

အိမ်ရှင်မတွေဟာ မိသားစုတစ်စုရဲ့ အိမ်မှုကိစ္စနဲ့ မီးဖိုချောင်စီမံရေးတို့မှာ အရေးပါသလို၊ အိမ်တစ်အိမ်ရဲ့ Circular Economy (စက်ဝန်းပုံဆောင်စီးပွါးရေး) ကိုလည်း ဖော်ဆောင်ပေးနေသူတွေ ဖြစ်ပါတယ်။

အိမ်ရှင်မကောင်းတစ်ယောက်က ဈေးမသွားခင်မှာ ရေခဲသေတ္တာထဲမှာ ဘာကျန်သေးလဲဆိုတာ အမြဲစစ်ဆေးလေ့ရှိပါတယ်။ မလိုအပ်ဘဲ အလွန်အကျွံ ဝယ်ယူတာမျိုးကို ရှောင်ကြဉ်ပြီး တကယ်ချက်မယ့် ဟင်းလျာအတွက်ပဲ ဦးစားပေးဝယ်ယူကြပါတယ်။ ဒါဟာ "Reduce" ဆိုတဲ့ အခြေခံသဘောတရားကို ကျင့်သုံးပြီး အစားအစာတွေ ပုပ်သိုးကုန်ဆုံးသွားတာကို တားဆီးပေးပါတယ်။

မီးဖိုချောင်ထဲက ပစ္စည်းတော်တော်များများကို အလွယ်တကူ လွှင့်မပစ်ဘဲ တခြားနေရာတွေမှာ ပြန်သုံးတတ်ကြတာဟာ သူတို့ရဲ့ ထူးခြားတဲ့ အရည်အချင်းပါ။ ယိုဘူးခွံ၊ ကော်ဖီဘူးခွံတွေကို ဆားဘူး၊ ငရုတ်သီးမှုန့်ဘူး၊ နနွင်းမှုန့်ဘူးအဖြစ် ပြန်သုံးတာမျိုးဟာ circular economy နည်းလမ်းကို ကောင်းကောင်းအသုံးပြုနေတာပဲဖြစ်ပါတယ်။ ဖြတ်တောက်ပြီး ကျန်နေတဲ့ဟင်းသီးဟင်းရွက်၊ ကြက်ဥအခွံတွေကို သဘာဝမြေဩဇာအဖြစ် ပြောင်းလဲတာမျိုးတွေလည်း ပြုလုပ်တတ်ကြပါတယ်။

ညကကျန်တဲ့ ထမင်းကို နံနက်စာအတွက် ထမင်းကြော်အဖြစ် ပြောင်းလဲတာ၊ ကျန်နေတဲ့ ဟင်းတွေကို နောက်တစ်မျိုး ပြန်ချက်တာတွေဟာ အရင်းအမြစ်ကို လေလွင့်မှုမရှိစေတဲ့ စနစ်တစ်ခုပါပဲ။ ဆန်ဆေးရေကို အပင်လောင်းဖို့ ပြန်သုံးတာမျိုးကလည်း သယံဇာတကို လည်ပတ်အသုံးပြုနေတာ ဖြစ်ပါတယ်။

"Circular Economy" ဟာ စကားလုံးအရ ကြီးမားတယ်ထင်ရပေမယ့် အိမ်ရှင်မတွေကတော့ အရင်ထဲက အကျိုးရှိရှိကျင့်သုံးနေကြတာပါ။ စီးပွါးရေးလို့ပြောလိုက်ရင် လုပ်ငန်းရှင်ကြီးတွေကို ပြေးမြင်မိတတ်ကြပေမဲ့ တကယ်ကတော့ အလေ့အလွင့်နည်းပါးစေတဲ့စီးပွါးရေးကို ဖော်ဆောင်နေတာက အနီးဆုံးမှာရှိတဲ့ အိမ်ရှင်မတွေပါ။

အိမ်ရှင်မတွေလို့ ခြုံငုံပြောလိုက်ပေမယ့် အိမ်ရဲ့ချက်ပြုတ်ရေးရာကို တာဝန်ယူထားတဲ့သူ၊ ကူညီနေတဲ့သူတိုင်းကို ဆိုလိုပါတယ်နော်။ ဒါကြောင့် တစ်ကိုယ်ရေအတွက်ဖြစ်ဖြစ်၊ မိသားစုအတွက်ဖြစ်ဖြစ် ချစ်ခြင်းမေတ္တာတွေနဲ့ ချက်ပြုတ်ကြမယ်။ သဘာဝပတ်ဝန်းကျင်ကို မထိခိုက်စေဖို့ရာ၊ စရိတ်စခလည်း ပိုခြွေတာနိုင်ဖို့ရာ တတ်နိုင်သမျှ အလေအလွင့်တွေကို လျှော့ချဖို့ ကြိုးစားကြရအောင်နော်။

European Union in Myanmar EU SWITCH-Asia Programme

21/08/2026

လာမယ့် သြဂုတ်လ (၂၄) ရက်နေ့ Hotel Mandalay မှာ ပြုလုပ်မယ့် PRET ဆွေးနွေးပွဲမှာ mini Responsible Market လေးရှိနေမှာမို့ လာရောက်ကြည့်ရှုဝယ်ယူနိုင်ဖို့ ဖိတ်ခေါ်လိုက်ရပါတယ်။🌱

ဒီတစ်ခေါက် mini Responsible Market လေးမှာတော့ Upcycled product တွေနဲ့ အခြား စိတ်ဝင်စားစရာ sustainable product တွေကို ထုတ်လုပ်ပေးနေတဲ့ တာဝန်သိစျေးဆိုင်လေးတွေ ပါဝင်သွားမှာပါ။
အသေးစိတ်ကိုတော့ အောက်ကပုံလေးတွေနဲ့အတူ ကြည့်ရှုနိုင်ပါတယ်။
ပလတ်စတစ်ကင်းစင်တဲ့ စျေးဝယ်ထွက်ခြင်းအတွက် Readyပဲလား?
အိတ်/ totebagတွေ ဆောင်လာဖို့လည်း မမေ့နဲ့ဦးနော်။ 🫶

ရက်စွဲ 🗓 - ၂ဝ၂၆ ခုနှစ် ၊ ဩဂုတ်လ (၂၄) ရက်

အချိန် ⏳- မနက်(၈းဝဝ)နာရီမှ ညနေ (၄းဝဝ)နာရီအထိ

နေရာ 📍- ဟိုတယ်မန္တလေး၊၇၈ လမ်း၊၃၇ လမ်းနှင့်၃၈လမ်းကြား၊မန္တလေးမြို့

A mini Responsible Market will be featured at the PRET project, taking place on 24 August 2026 at Hotel Mandalay. We warmly invite you to stop by, explore, and support responsible businesses by purchasing their products.
This edition of the Mini Responsible Market will showcase upcycled products and other exciting sustainable products from responsible vendors committed to promoting environmentally friendly lifestyles.
For more details, please check out the information in the images below.
Are you ready for a plastic-free shopping experience?
Don't forget to bring your own bag or tote bag! 🫶

📅 Date: 24 August 2026
⏳ Time: 8:00 AM to 4:00 PM
📍 Venue: Hotel Mandalay, 78th Street, between 37th and 38th Streets, Mandalay

Visit here to register > https://www.facebook.com/share/19JWJnpzd5/?mibextid=wwXIfr

European Union in Myanmar EU SWITCH-Asia Programme

20/08/2026

တစ်ခေတ်တစ်ခါက လက်ဖက်ရည်ဆိုင်ဓလေ့ ရှိခဲ့သလို ဒီနေ့ခေတ်မှာတော့ ကော်ဖီဆိုင်တွေ၊ စားသောက်ဆိုင်တွေ အင်မတန်မှကို ခေတ်စားလာပါတယ်။
အရောင်ဆန်းဆန်းပြားပြား ဖျော်ရည်လေးတွေကို ပလတ်စတစ်ခွက်လှလှလေးတွေနဲ့ Aesthetic ဆန်ဆန်ရောင်းချကြတယ်။ အမြင်အရဆွဲဆောင်မှု ရှိလှပေမယ့် ဒါတွေကို စနစ်တကျ recycle ပြန်မလုပ်နိုင်တဲ့အခါ နေ့တိုင်းမရေမတွက်နိုင်တဲ့ အမှိုက်တွေအဖြစ်နဲ့ ထွက်ရှိပြီး နှစ်ပေါင်းများစွာမဆွေးမြေ့ဘဲ ကျန်ရှိနေမှာပါ။ ဒါတွေတင်မက ပူပူလောလော အစားအသောက်တွေကို ဖော့ဘူး၊ ပလတ်စတစ်ဘူးတွေနဲ့ လွယ်လွယ်ကူကူ ထည့်လာကြတယ်။ ဒါတွေက စားသုံးသူတွေရဲ့ ကျန်းမာရေးကို အင်မတန်ထိခိုက်စေကြောင်း ခဏခဏ သတိပေးကြတာလည်း ကြားဖူးကြမှာပါ။
အကြောင်းအမျိုးမျိုးကြောင့် ဝယ်စားရရင်တောင် အရသာရှိပြီး ဘေးကင်းတဲ့ အစားအသောက်တစ်နပ် မဖြစ်သင့်ဘူးလားနော်။
ဒါကြောင့် စားသုံးသူတွေကို စေတနာအပြည့်နဲ့ ရောင်းချပေးချင်တဲ့ ဈေးဆိုင်လေးတွေအတွက် ဒီ Campaign လေးကို ယူဆောင်လာရပါတယ်။
စားသုံးသူတွေဘက်ကနေလည်း ကိုယ်တစ်ခုခုကို သွားဝယ်တဲ့အခါ ချိုင့်တွေ၊ ဘူးတွေ ဆောင်သွားမယ်။ ရောင်းချသူတွေဘက်ကနေလည်း ဒီအလေ့အကျင့်က်ို စားသုံးသူတွေ ရေရှည်ကျင့်သုံးနိုင်အောင် ပံ့ပိုးပေးကြမယ်။
ဒီလိုဆိုရင်တော့ စားသုံးသမျှ အစားအစာတိုင်းက ကိုယ်တိုင်အတွက်ရော သဘာဝပတ်ဝန်းကျင်အတွက်ပါ ဘေးဥပါဒ်ကင်းဝေးစေမှာပါ။ Campaign လေးရဲ့ အကြောင်းအရာအသေးစိတ်ကို ဖတ်ရှုပြီး တာဝန်သိစွာရောင်းချတဲ့စျေးဆိုင်လေးအဖြစ် ပါဝင်နိုင်ဖို့ အခုပဲစာရင်းပေးသွင်းလိုက်ပါနော်။
Campaign Details > https://canva.link/91s9g76imsssaax
Registration > https://forms.gle/Rm92ipqnqZDZp9aH8

Tired of seeing plastic waste around Yangon? Join us in making sure waste isn't part of your restaurant. Let's go back in time together by encouraging customers to bring their own cups and containers for takeaway food and beverages.

It will be a win-win for both customers and restaurants, as well as for the environment. We'd appreciate your help promoting this initiative and offering a small discount to customers who bring their own reusable containers.

European Union in Myanmar EU SWITCH-Asia Programme

+

15/08/2026

ကျန်းမာရေး ဘေးကင်းဖို့ အိမ်ကထမင်းချိုင့်လေး သယ်ကြစို့ 🍱✨
အခုတလော ရာသီဥတုနဲ့ မသန့်ရှင်းတဲ့ အစားအသောက်တွေအပြင် AWD - Acute Watery Diarrhoea ကာလ၀မ်းရောဂါ Outbreak ကြောင့် အစာအဆိပ်သင့်တာ၊ ဝမ်းပျက်ဝမ်းလျှော ဖြစ်ကြတာတွေ ခဏခဏ ကြားရပါတယ်။ 🦠
ဒါကြောင့် ဒီလိုအချိန်မှာ မိသားစုနဲ့ မိမိကိုယ်တိုင် ကျန်းမာရေးအတွက် -

🧼 လက်ကိုလည်း ခဏခဏ သေချာ စင်ကြယ်အောင် ဆေးပါ။
အစားမစားမီနဲ့ အစားအသောက် ကိုင်တွယ်ချက်ပြုတ်ပြီးတိုင်း၊ အပြင်မှ ပြန်လာတိုင်းမှာ လက်ကို ဆပ်ပြာနဲ့ သန့်စင်စွာ အနည်းဆုံး စက္ကန့် ၂၀ ကြာ သေချာ ဆေးကြောပေးပါ။ မသန့်ရှင်းတဲ့ လက်တွေကနေတစ်ဆင့် ရောဂါပိုးမွှားတွေ အစားအသောက်နဲ့ ခန္ဓာကိုယ်ထဲ စိမ့်ဝင်ရမသွားရအောင် လက်သန့်ရှင်းရေးကို အထူး ဂရုစိုက်ဖို့ လိုအပ်ပါတယ်။
🏠 အိမ်မှာပဲ သေသေချာချာ ချက်ပြုတ်စားသုံး ပါ။
အပြင်ဆိုင်တွေမှာ ပါဝင်တဲ့ အသား၊ ငါး၊ ဆီမသန့်ရှင်းမှု နဲ့ ကျက်မကျက် စိတ်မချရတာတွေကြောင့် ကျန်းမာရေးကို ထိခိုက်စေပြီး ဝမ်းပျက်ဝမ်းလျှောရောဂါများဖြစ်စေနိုင်ပါတယ်။ ဒါကြောင့် အပြင်မှာ ဝယ်စားတာထပ် ယခုရက်ပိုင်းတွေမှာ ကိုယ်တိုင်ချက်ပြုတ်စားသောက်တာဟာ ပိုမို စိတ်ချရပါတယ်။ အသား၊ ငါးတွေကို စင်းနီတုံး၊ ဓား သန့်ရှင်းစွာ ကိုယ်တွယ်ပြီး အထူးသဖြင့် ဝက်သားဆိုလျှင် နူးအောင်/ကျက်အောင် မီးဖြင့် သေချာ ချက်ပြုတ်ပါ။ ဖြစ်နိုင်လျှင် ယခုရက်ပိုင်းများတွင် ဝက်သားစားခြင်းကို ရှောင်ကြဉ်နိုင်လျှင် ပိုကောင်းပါတယ်။
💧သန့်ရှင်းသော သောက်သုံးရေကိုသာ သောက်သုံးပါ။
ဝမ်းပျက်ဝမ်းလျှော ရောဂါအများစုဟာ မသန့်ရှင်းတဲ့ ရေကနေတစ်ဆင့် ကူးစက်တတ်တာကြောင့် ရေသောက်တဲ့အခါ သေချာ ကျိုချက်ထားတဲ့ ရေကျက်အေး သို့မဟုတ် စိတ်ချရသည့် ရေသန့်ကိုသာ သောက်သုံးပါ။ သောက်ရေသိုလှောင်သည့် ဘူး၊ အိုးများကိုလည်း အဖုံးသေချာဖုံးအုပ်ထားပြီး ပန်းကန်ခွက်ယောက် ဆေးကြောရာတွင်လည်း သန့်ရှင်းသောရေကိုသာ သုံးစွဲပေးပါ။
🍱 အိမ်က ထမင်းချိုင့် နဲ့ ရေဘူးလေးများ ယူသွားပါ။
အပြင်ထွက်ရင် သန့်ရှင်းတဲ့ ကိုယ်ပိုင်ဘူး၊ ထမင်းချိုင့်နဲ့ Reusable ရေဘူးလေးတွေမှာ ထည့်ယူသွားတာဟာ ရောဂါပိုးမွှားတွေ မကူးစက်အောင် ကာကွယ်ပေးသလို ပတ်ဝန်းကျင်ကို ထိခိုက်စေတဲ့ ပလတ်စတစ် အမှိုက်တွေကိုလည်း လျှော့ချရာ ရောက်ပါတယ်။ ဒါကြောင့် အသား၊ ငါးတွေကို ဝယ်တဲ့အခါမှာလည်း ကိုယ်ပိုင်ဘူးလေးတွေ ယူသွားပေးပြီး Single-use Plastics အိတ်များကိုလည်း တခါထဲ လျော့ချပေးကြရအောင်နော်။
ဘယ်အချိန်ဖြစ်ဖြစ် ကိုယ်တိုင်ချက်ပြုတ်တဲ့ အိမ်ထမင်း အိမ်ဟင်းနဲ့ Reusable Box လေးတွေရဲ့ ပေါင်းစပ်မှုက ဘေးကင်း စိတ်ချရဆုံးနဲ့ လတ်ဆတ်သန့်ရှင်းဆုံး အရာပါပဲ။ ✨
အားလုံးပဲ ဘေး‌ကင်း သန့်ရှင်းပြီး ကျန်းမာတဲ့ နေ့ရက်လေးတွေကို ပိုင်ဆိုင်နိုင်ကြပါစေ⛑🌱

Stay Safe, Bring Your Own Lunch Box!
With food safety concerns and the recent AWD (Acute Watery Diarrhoea) outbreak, it's best to choose home-cooked meals and bring them in a reusable lunch box, along with your own water bottle.
Healthy for you, better for the environment, and less plastic waste!

EU SWITCH-Asia Programme

European Union in Myanmar

14/08/2026

အသက်ကြီးလာရင် တောင်ပေါ်မြို့လေးမှာ ကော်ဖီဆိုင်ဖွင့်ဖို့ စိတ်ကူးနေတာလား။
ဒီစိတ်ကူးကို အကောင်အထည်ဖော်နိုင်ဖို့ ကိုယ့်အိမ်ရှေ့နေရာလွတ်လေးကနေ အရင်ဆုံး စတင်နိုင်ပါပြီ။
တာဝန်သိပြီး ပတ်ဝန်းကျင်ကို ဘေးဥပါဒ်မဖြစ်စေတဲ့ ကော်ဖီဆိုင်လေးဖြစ်လာဖို့ အခုပဲလျှောက်ထားနိုင်ပါပြီ။
ကော်ဖီမှုန့်၊ ပြန်သုံးလို့ရတဲ့ ခွက်လေးတွေကို supportပေးမှာမို့လို့ ကိုယ်က ပလတ်စတစ်ကင်းတဲ့ ကော်ဖီဆိုင်လေးစဖွင့်ဖို့ စိတ်ကူးရှိရင် ဒီအခွင့်အရေးကို လက်လွတ်မခံပါနဲ့နော်။
https://forms.gle/BQwTSRYmN754p8WMA

ကော်ဖီမစ်ထုပ်က ကော်ဖီအိတ်ခွံလေးတွေကို အတတ်နိုင်ဆုံး လျှော့ချဖို့နဲ့ ကောင်းမွန်တဲ့ ကော်ဖီသောက်လို့ရဖို့အတွက် အစမ်း Campaign လေး Run ခြင်းဖြစ်ပါတယ်။ လိုအပ်ချက်များကို Campaign စပြီးသည်နှင့် ပါဝင်သူများနဲ့အတူ ပူးပေါင်းတိုင်ပင်ကာ ဖြည့်သွင်းပြင်ဆင်သွားပါမည်။

Dreaming of opening a cozy coffee shop in a beautiful hill town after retirement?
Why wait? Start small today using the free space right in front of your home.
Take the first step toward building your own environmentally responsible, plastic-free coffee shop.

European Union in Myanmar EU SWITCH-Asia Programme

+

12/08/2026

နယ်ပယ်အသီးသီးမှာ ခွန်အားအပြည့်နဲ့ ကြိုးစားနေကြတဲ့ လူငယ်လေးများကို သြဂုတ်လ (12)ရက်နေ့မှာ ကျရောက်တဲ့ International Youth Day မှာ ဂုဏ်ပြုလိုက်ရပါတယ်။
“Different Contexts, Common Aspirations” ဆိုတဲ့ ဒီနှစ်ရဲ့ ဆောင်ပုဒ်နဲ့အညီ လူငယ်တွေဟာ သက်ဆိုင်ရာအဝန်းအဝိုင်းမှာ အခက်အခဲပြဿနာတွေကို ကြိုးစားဖြေရှင်းရင်း အခွင့်အလမ်းသစ်တွေကို ရှာဖွေနေကြပါတယ်။
တိုးတက်လာတဲ့ခေတ်နဲ့အတူ သဘာဝပတ်ဝန်းကျင်မှာလည်းအခက်အခဲပြဿနာတွေ များပြားလာပါတယ်။ ဒါတွေကို မျက်နှာလွှဲခဲပစ်မနေကြဘဲ နိုင်သမျှ ခွန်အားတွေနဲ့ သဘာဝပတ်ဝန်းကျင်ကို ကြိုးစားထိန်းသိမ်းနေကြတဲ့ လူငယ်လေးတွေလည်းရှိပါတယ်။
နောင်လာမယ့် မျိုးဆက်သစ်တွေအတွက် ကျန်းမာတဲ့ သာယာလှပတဲ့ ကမ္ဘာကြီးကို လက်ဆင့်ကမ်းပေးနိုင်ဖို့ရာ အခုကတည်းက ကြိုးစားပြင်ဆင်နေကြပါတယ်။ ဒီလိုချစ်စဖွယ်လူငယ်လေးများကို ကျေးဇူးတင်ရင်း လူငယ်လေးများ သဘာဝပတ်ဝန်းကျင်ကို ပိုမိုချစ်တတ်လာစေဖို့ မျှော်လင့်ရင်း International Youth Day ကို ကြိုဆိုလိုက်ရပါတယ်။

On International Youth Day, celebrated on 12 August, we proudly recognise and honour young people who are striving with dedication and strength across various fields.
In line with this year's theme, “Different Contexts, Common Aspirations,” young people are actively seeking new opportunities while working to address the challenges and issues faced within their respective communities.
As the world continues to develop, environmental challenges are also becoming increasingly complex. Yet, many young people are choosing not to look the other way. Instead, they are using their energy, passion, and determination to protect and preserve the environment in every way they can.
They are taking action today to help ensure that future generations inherit a healthy and beautiful planet. As we celebrate these inspiring young people and express our gratitude for their efforts, we also hope that more youth will develop a deeper love and appreciation for the environment.

+

-
EU SWITCH-Asia Programme YEAH - Youth for Environmental Action and Hope

Up YEAH

European Union in Myanmar

Prevent Plastics+

16/09/2026

16/09/2026

11/09/2026

08/09/2026

22/08/2026

21/08/2026

20/08/2026

15/08/2026

14/08/2026

12/08/2026

Address

Website

Alerts

Contact The Organization

Shortcuts

Share

Category

Listing takedown request