21/10/2021
21.10.2021
"မေတ္တာရပ်ခံခြင်း"
ရဟန်းရှင်လူမိဘပြည်သူအပေါင်းတို့ခင်ဗျာ ကျွန်တော်/မတို့ "နှင်းဆီသွေး"လူငယ်သေွးလှူရှင်များအဖွဲ့သည် (1.1.2021) မှစတင်၍ လူငယ်လေးယောက်ဖြင့် ဖွဲ့ထားသောအဖွဲ့လေးဖြစ်ပါသည်။ အရေးပေါ်သွေးလိုအပ်သည့်အချိန်တွင် ဖြစ်ပေါ်သောလူတစ်ယောက်၏ စိုးရိမ်ပူပန်ကြောင့်ကြမှုများကို ကိုယ်တိုင်ကိုယ်ကျ တွေ့ကြုံခံစားခဲ့ရသောကြောင့် အခြားအရေးပေါ်သွေးလိုအပ်သော လူနာရှင်များအား မိမိတို့တွေ့ကြုံရသောပူပန်ကြောင့်ကျမှုများကို လျော့ချပေးနိုင်ရန်နှင့် သွေးတစ်စက်ဖြင့် လူတစ်ယောက်၏အသက်ကို ကယ်ဆယ်နိုင်ရန်အတွက် ကျွန်တော်/မတို့အဖွဲ့က ရှေးရူ၍ဖွဲ့ထားခြင်းဖြစ်ပါသည်။
ကျွန်တော်/မတို့၏ "နှင်းဆီသွေး"လူငယ်သွေးလှူရှင်များအဖွဲ့သည် အခြေအနေအကြောင်းကြောင်းများကြောင့် အရေးပေါ်ကိစ္စရပ်များတွင် လိုအပ်သည့်သွေးတစ်မျိုးကိုသာ ကူညီဆောင်ရွက်ပေးသောအဖွဲ့ဖြစ်ပါသည်။ အခြားပရဟိတအသင်းများကဲ့သို လူမှုကူညီရေးလုပ်ငန်းများကို ကူညီဆောင်ရွက်ပေးနိုင်ခြင်းမရှိသေးပါခင်ဗျာ။
"နှင်းဆီသွေး"လူငယ်သွေးလှူရှင်များအဖွဲ့သို့ လှူဒါန်းသော အလှူငွေများအား ကျွန်တော်/မတို့သည် အရေးပေါ်သွေးလိုအပ်သော လူနာရှင်များအတွက် သွားရောက်လှူဒါန်းရာ လိုအပ်သောနေရာများတွင် အသုံးပြုရခြင်းဖြစ်ပါသောကြောင့် အခြားအကူအညီတောင်းခံအပ်သော လူမှုကူညီရေးကိစ္စရပ်များအတွက် ကူညီဆောင်ရွက်မှုမပြုနိုင်သေးသည်ကို နားလည်ပေးကြပါရန် မေတ္တာရပ်ခံအပ်ပါသည်။
ဝေဖန်အကြံပြုလိုလျှင်ဖြစ်စေ၊ အကူအညီတောင်းခံလိုလျှင်ဖြစ်စေ၊ လှူဒါန်းလိုလျှင်ဖြစ်စေ အဖွဲ့၏ဖုန်းနံပါတ်များသို့ တိုက်ရိုက်ဆက်သွယ်နိုင်ပါသည်။
#နှင်းဆီသွေးလူငယ်သွေးလှူရှင်များအဖွဲ့
#သင့်သွေးဖြင့်အသက်ကယ်ပါ
#ဤအဖွဲ့တွင်ကုသိုလ်မှလွဲ၍တခြားမည်သည့်ခံစားခွင့်မှရရှိမည်မဟုတ်ပါ။
