https://sites.google.com/view/myanmar-groundwater/%E1%80%99%E1%80%90%E1%80%80

Groundwater and Environmental Sustainability

16/09/2026

📢 ပတ်ဝန်းကျင်ထိခိုက်မှုဆန်းစစ်ခြင်းအစီရင်စာ (EIA) လက်တွေ့ရေးသားနည်း သင်တန်း

EIA အစီရင်စာ (Environmental Impact Assessment) ရေးသားခြင်းလုပ်ငန်းစဉ်များကို စနစ်တကျ လေ့လာလိုသူများအတွက် ရည်ရွယ်၍ ဤသင်တန်းအား စီစဉ်ကျင်းပပြုလုပ်ခြင်း ဖြစ်ပါသည်။

📅 သင်တန်းအချက်အလက်များ
သင်တန်းကာလ: စက်တင်ဘာ ၂၈ မှ အောက်တိုဘာ ၉ ရက်နေ့ထိ (စနေ၊ တနင်္ဂနွေ မပါဝင်ပါ)
အချိန်: ည ၇:၀၀ နာရီ မှ ၉:၀၀ နာရီထိ
သင်တန်းနေရာ: Zoom Online
သင်တန်းကြေး: ၉၀,၀၀၀ ကျပ် (၂၂.၉.၂၀၂၆ မတိုင်မီ အပ်နှံပါက ၆၀,၀၀၀ ကျပ်)

အောက်ပါ လင့်မှတဆင့် စာရင်းပေးသွင်းနိုင်ပါသည်။
Registration Link- https://forms.gle/fA6FC3S85oNToPhR8

📌 အသေးစိတ်သိရှိလိုသည်များရှိပါက Page Messenger (သို့မဟုတ်) Telegram- သို့ ဆက်သွယ်စုံစမ်းနိုင်ပါတယ်ရှင်

12/09/2026

🌱 ပတ်ဝန်းကျင်ထိခိုက်မှုဆန်းစစ်ခြင်းနည်းလမ်းများ (EIA Techniques) အခမဲ့ အွန်လိုင်းဆွေးနွေးပွဲ (Webinar) 🌱

ပတ်ဝန်းကျင်ဆိုင်ရာ စိတ်ပါဝင်စားသူများ၊ ကျောင်းသား/သူများ၊ အရပ်ဘက်အဖွဲ့ အစည်းများ (NGO/CSO) နှင့် လုပ်ငန်းရှင်များအတွက် EIA (Environmental Impact Assessment) နဲ့ပတ်သက်ပြီး ဆွေးနွေးပေးသွားမယ့် အခမဲ့ Online Webinar တစ်ခု ပြုလုပ်သွားမှာ ဖြစ်ပါတယ်။

ဆွေးနွေးမည့် အဓိက အကြောင်းအရာများ -

EIA အကြောင်း မိတ်ဆက် (Introduction to EIA)

ပတ်ဝန်းကျင်ထိခိုက်မှု ဆန်းစစ်ခြင်း လုပ်ငန်းစဉ်များ (EIA Process Steps)

EIA အစီရင်ခံစာရေးသားနည်း (EIA Report Writing Techniques)

ပြည်တွင်းနှင့် နိုင်ငံတကာမူဘောင်များ (National & International Frameworks)

🗓 ရက်စွဲ - ၂၀.၉.၂၀၂၆ (တနင်္ဂနွေနေ့)
⏰ အချိန် - နေ့လည် ၁:၀၀ မှ ၃:၀၀ နာရီအထိ
📍 နေရာ - Zoom Webinar (Online)

တက်ရောက်လိုသူများအနေဖြင့် အသေးစိတ်သိရှိလိုသည်များကို အောက်ပါလိပ်စာများသို့ ဆက်သွယ်မေးမြန်းနိုင်ပါတယ် –
📧 Email: [email protected]
📱 Telegram:

အခမဲ့ဖြစ်လို့ အခုပဲ စာရင်းပေးသွင်းလိုက်ရအောင်နော်! 👇✨
စာရင်းပေးသွင်းရန် Link - https://forms.gle/14hfuETAoA8zeqbJA

04/09/2026

🚨 မကြာခင် စတင်တော့မည့် အထူးသင်တန်း (၂) ခုအတွက် အမြန်ဆုံး စာရင်းပေးသွင်းလိုက်ပါရှင်။

သဘာဝပတ်ဝန်းကျင်နှင့် ကမ္ဘာ့မြေအရင်းအမြစ်များကို Geospatial နည်းပညာဖြင့် ကျွမ်းကျင်ပိုင်နိုင်စွာ လေ့လာလိုသူများအတွက် လက်မလွှတ်သင့်တဲ့ အခွင့်အရေးပါ။

🌐 1. Earth Resources & Environmental Geospatial Analysis (Advanced Level)

အထူးအခွင့်အရေး - သင်တန်းကြေးကို လစဉ် အရစ်ကျစနစ်ဖြင့် ပေးသွင်းနိုင်ပြီး၊ ပေးရတဲ့ တန်ဖိုးနဲ့ အထိုက်တန်ဆုံး လက်တွေ့ကျွမ်းကျင်မှုများကို သေချာပေါက် ရရှိမှာ ဖြစ်ပါတယ်။

Bonus အနေနဲ့ - ဒီ Advanced သင်တန်းကို တက်ရောက်မည့်သူများအတွက် GIS Basics အတန်းကို သင်တန်းကြေး ၁၀၀% လုံးဝ (လုံးဝ) အခမဲ့ တက်ရောက်ခွင့် လက်ဆောင် ပေးထားပါတယ်ရှင်။

📂 သင်တန်းအသေးစိတ် လေ့လာရန်:
GIS Basics အတန်းအတွက် - https://www.facebook.com/share/p/14xS2etYH3w/

Earth Resources & Environmental Geospatial Analysis Course အတွက် - https://www.facebook.com/share/p/1DmPJgejU1/

30/08/2026

🛰️ Google Earth Engine (GEE) Account အသစ်စတင်ဖွင့်မည့်သူများအတွက် အထူးသတိပြုရန် အချက်များ 🌍

Geospatial Data တွေနဲ့ Remote Sensing လုပ်ငန်းတွေမှာ မရှိမဖြစ်တဲ့ Google Earth Engine Account ဖွင့်တဲ့အခါ ချက်ချင်း အသုံးပြုလို့ရဖို့ (Instant Approval ရဖို့) ဒါလေးတွေ သတိထားပေးနော် 👇

🔹 Non-commercial (ကိုယ်ပိုင်/ပညာရေးသုံး) ကိုသာ ရွေးချယ်ပါ
အကောင့်ဖွင့်တဲ့အခါ လုပ်ငန်းသုံး (Commercial) ဘက်ကို ရွေးမိသွားရင် Google ဘက်က ငွေပေးချေမှု အချက်အလက်တွေနဲ့ အသေးစိတ်စစ်ဆေးမှုတွေ ထပ်တောင်းတတ်ပါတယ်။

🔹 Entry Level / Individual အနေနဲ့သာ ဖြည့်စွက်ပါ
ကိုယ်က Beginner (စတင်လေ့လာသူ) သို့မဟုတ် ကျောင်းသား၊ သုတေသီ တစ်ယောက်အနေနဲ့ အသုံးပြုမှာဖြစ်ကြောင်း ပုံစံကျကျ ရွေးချယ်ပေးပါ။ Option တွေကို လိုတာထက် အလွန်အကျွံ မြှင့်တင်ရွေးချယ်မိရင် စနစ်က စီးပွားရေးလုပ်ငန်းလို့ သံသယရှိပြီး "Pending" သို့မဟုတ် "Suspended" ဖြစ်သွားတတ်ပါတယ်။

⏳ ဒီလိုမျိုးဖြစ်သွားရင် အကောင့်အတည်ပြုချက် (Approval) ရဖို့ ၂ ရက်ကနေ ၃ ရက်လောက်
အထိ အချိန်ထပ်စောင့်ရတတ်ပါတယ်။

💡 ချက်ချင်း အခုဖွင့်၊ အခုသုံးလို့ရဖို့ဆိုရင်...
အထက်ပါ အမှားမျိုးတွေ မဖြစ်ဘဲ အလွယ်တကူနဲ့ ချက်ချင်း အသုံးပြုနိုင်ဖို့ ဒီမှာတင်ပေးထားတဲ့ Tutorial Video လေးကို အစအဆုံး သေချာကြည့်ပြီး အဆင့်လိုက် လိုက်လုပ်ပေးဖို့ အကြံပြုချင်ပါတယ် 🎬✨

လာမယ့် စက်တင်ဘာလ (၂) ရက်နေ့မှာ ပြုလုပ်မယ့် "Google Earth Engine ဖြင့် သဘာဝပတ်ဝန်းကျင် စောင့်ကြည့်လေ့လာခြင်း" Webinar မှာ လက်တွေ့လိုက်လုပ်ကြည့်နိုင်အောင် GEE Account ကြိုပြုလုပ်ထားဖို့ ဒီကနေ တိုက်တွန်းလိုပါတယ်။

Webinar အတွက် ကိုယ်က Register မလုပ်ရသေးသူများ ဒီအောက်က လင့်ခ်မှာ ဝင်ကြည့်ပေးနော်........
https://www.facebook.com/share/p/1BpDQAyXcN/

29/08/2026

* # #ရာသီဥတုပြောင်းလဲမှုနှင့်အတူနေထိုင်ခြင်း*

“သဘာဝဘေးတွေဟာ အတိတ်က ကုသိုလ်ကံမကောင်းလို့ ဆိုပြီး တွေးနေလို့ မရတော့ပါဘူး။ ကိုဗစ်နဲ့အအတူတောင် ကျွန်တော်တို့တွေဟာ အတူနေထိုင်ဖို့ ကြိုးစားနိုင်ခဲ့ကြပါတယ်။ အခုတော့ ရာသီဥတုပြောင်းလဲမှုနဲ့အတူ New Normal အသစ်အနေနဲ့ နေထိုင်ဖို့ အသင့်ဖြစ်ဖို့ အချိန်တန်ပါပြီ။”

အခုအခါမှာ မြန်မာနိုင်ငံဟာ ကမ္ဘာ့ရာသီဥတုပြောင်းလဲမှု၏ ရိုက်ခတ်မှုများကို အပြင်းထန်ဆုံး ခံစားနေရသော ကမ္ဘာ့နိုင်ငံများစာရင်းတွင် အဓိက ပါဝင်နေတယ်ဆိုတာ * # #ထပ်ကာ* * # #ထပ်ကာ* အသိပေးလိုပါတယ်။ မိုးခေါင်ရေရှားခြင်း၊ ရုတ်တရက် ရေကြီးရေလျှံခြင်း၊ အလွန်အမင်း ပြင်းထန်သော မုန်တိုင်းဒဏ်များနှင့် မြေပြိုမှုစသည့် သဘာဝဘေးအန္တရာယ်များသည် ပြည်သူလူထု၏ လူမှုဘဝနှင့် စီးပွားရေးကို ထင်မှတ်မထားသည့် နေရာ၊ အချိန်ကာလများတွင် မမျှော်လင့်ထားသော ပုံစံများဖြင့် နေ့စဉ်နှင့်အမျှ ခြိမ်းခြောက်လျက်ရှိလာပါတယ်။

မြန်မာနိုင်ငံရဲ့ ဒေသအသီးသီးမှာ ရာသီဥတုစက်ဝန်း မမှန်ကန်တော့ခြင်းကြောင့် စိုက်ပျိုးရေးလုပ်ငန်းများ ထိခိုက်ရုံသာမက ကျေးလက်နှင့် မြို့ပြများပါ ရေဘေး၊ လေဘေးဒဏ်များကို နှစ်စဉ်လိုလို တိုး၍ ရင်ဆိုင်လာနေကြရပါတယ်။ မြစ်ရေကြီးမှုများကြောင့် ကျေးရွာများ ရေအောက်ရောက်ရှိခြင်း၊ မြေဆီလွှာများ ပျက်စီးဆုံးရှုံးခြင်းနှင့် အိုးအိမ်စည်းစိမ်များ ဆုံးရှုံးရခြင်းစသည့် ဒုက္ခများကို ပြည်သူများ အလူးအလဲ ခံစားနေကြရပါတယ်။

* # #ရှေးယခင်ကကဲ့သို့သဘာဝဘေးများကိုကံတရား၏အပြစ်ဟုလက်ပိုက်ကြည့်နေ၍ မရတော့ပါ။*

ပြောင်းလဲလာသော ရာသီဥတုအခြေအနေနှင့်အညီ ကြိုတင်ပြင်ဆင်မှုများ ပြုလုပ်ရန်၊ သဘာဝဘေးဒဏ်ခံနိုင်ရည်ရှိသော အဆောက်အအုံများနှင့် စိုက်ပျိုးရေးစနစ်များကို ကျင့်သုံးရန် အရေးတကြီး လိုအပ်လာပါတယ်။ ရပ်ရွာအခြေပြု သဘာဝဘေးအန္တရာယ် ကြိုတင်ကာကွယ်ရေး လုပ်ငန်းများ (Community-based Disaster Prevention, Adaptation and Mitigation) ဟာ အကောင်းဆုံးသော ထွက်ပေါက်တခုလည်းဖြစ်ပါတယ်။

ရာသီဥတုပြောင်းလဲမှု၏ သက်ရောက်မှုများကို ရင်ဆိုင်ရာတွင် အသိပညာ၊ သတိတရားနှင့် စုပေါင်းအားတို့ဖြင့် ပြင်ဆင်ကြိုးပမ်းကြပြီး ဘေးအန္တရာယ်များကို ကြံ့ကြံ့ခံရင်ဆိုင်နိုင်မည့် အနာဂတ်ကို အတူတကွ တည်ဆောက်ကြရမှာဖြစ်ပါတယ်။

28/08/2026

Groundwater & Environmental Sustainability (Myanmar) မှ စီစဉ်ကျင်းပတဲ့ အခမဲ့ Zoom Webinar ဖိတ်ခေါ်လွှာ

ဆွေးနွေးမည့်ခေါင်းစဉ်: Google Earth Engine ဖြင့် သဘာဝပတ်ဝန်းကျင် စောင့်ကြည့်လေ့လာခြင်း

ဘာတွေ လေ့လာရမလဲ?
- Google Earth Engine ဆိုတာဘာလဲ နှင့် သူ၏ အကျိုးကျေးဇူးများ
- သဘာဝပတ်ဝန်းကျင် နယ်ပယ်တွင် အသုံးပြုနိုင်သည့် နည်းလမ်းများ
- အချိန်ကုန်သက်သာစွာဖြင့် ဒေတာများ ထုတ်ယူသုံးစွဲပုံ

📅 ရက်စွဲ: စက်တင်ဘာလ ၂ ရက်နေ့
⏰ အချိန်: ညနေ ၇:၃၀ မှ ၉:၃၀ နာရီထိ
💻 ပလက်ဖောင်း: Zoom Meeting (အခမဲ့)
🔗 စာရင်းပေးသွင်းရန်: https://forms.gle/BZ7y9VxpAeriA6dx9
📌 Webinar Zoom Link သည် Form Submit လုပ်ပြီးပါက ပေါ် လာမည်ဖြစ်ပါသည်။ Screenshot ရိုက်ယူထားခြင်း (သို့မဟုတ်) Link ကို Copy ယူပြီး တစ်နေရာရာတွင် သိမ်းဆည်းထားခြင်း ပြုလုပ်ထားနိုင်ပါသည်။

27/08/2026

* # #မြန်မာနိုင်ငံမှရေဘေးအန္တရာယ်များ*

မြန်မာနိုင်ငံဟာ မြောက်ဘက် ကမ္ဘာ့အရှည်လျားဆုံး ဟိမဝန္တာတောင်တန်းကြီးနဲ့ ကပ္ပလီပင်လယ်၊ ဘင်္ဂလားပင်လယ်အော်တို့ကို ဆက်သွယ်ထားပေးတဲ့ မြစ်ဝှမ်းဒေသကြီးများဖြင့် ကျယ်ပြန့်စွာ ပေါင်းကူးဆက်သွယ်ပေးတဲ့ နိုင်ငံတခုဖြစ်ပါတယ်။ ဒါကြောင့် ရေအရင်းအမြစ်တွေကြွယ်ဝသလို ကမ္ဘာ့ရာသီဥတုပြောင်းလဲလာမှု၊ သဘာဝပတ်ဝန်းကျင်ထိန်းသိမ်းမှုအားနည်းခြင်း၊ အပူပိုင်းမုတ်သုံလေစီးကြောင်းများ ဖြတ်သန်းစီးဆင်းရာ လမ်းကြောင်းတလျှောက် ကျရောက်နေခြင်းတို့‌ကြောင့် ရေဘေးအန္တရာယ်ကျရောက်နိုင်ခြေလည်းများပါတယ်။

"မီး" က သုံးတတ်ရင် အကျိုးရှိသလို မသုံးတတ်ရင် အန္တရာယ်များပါတယ်။ ဒီ "ရေ" အရင်းအမြစ်တွေဂာလည်း အလားတူပဲဖြစ်ပါတယ်။ မြန်မာနိုင်ငံမှာ ရှိပြီးသား ရေအရင်းအမြစ်တွေကို ထိထိရောက်ရောက် အကျိုးရှိစွာ အသုံးချနိုင်စွမ်းက စုစုပေါင်းပမာဏရဲ့ ၅% ခန့်ပဲရှိသေးတယ်လို့ လေ့လာစစ်တမ်းပြုသူတွေက ဆိုထားပါတယ်။

မြန်မာနိုင်ငံမှာ ရင်ဆိုင်ခံစားနေကြရတဲ့ ရေးဘေးအန္တရာယ်တွေကို ခွဲခြားဆန်းစစ်ကြည့်တဲ့အခါမှာ တောင်ကျရေကြောင့် ရုတ်တရက် ရေကြီးတာ (Flash Flood)၊ မြစ်၊ အင်း၊ ချောင်းရေ လျှံတာ (Riverine Flood)၊ မြို့ပြစီမံကိန်းရေးဆွဲ၊ အကောင်အထည်ဖော်မှုအားနည်းခြင်း‌ကြောင့် ရေကြီးတာ (Urban Flood)၊ ဒီရေတက်လို့ ရေကြီးတာ (Tidal Flood)၊ မိုးသက်မုန်တိုင်းကျလို့ ရေကြီးတာ (Storm Flood)၊ မြေအောက်ရေကြောင့် ရေကြီးတာ (Groundwater Flood) ဆိုပြီး ခွဲခြားနားလည်ကြည့်လို့ရပါတယ်။ တကယ်တမ်းမှာ ဒီအရာတွေအားလုံးရဲ့ စုပေါင်းအကျိုးသက်ရောက်မှုတွေ‌ကြောင့် ဖြစ်ပေါ်လာတာက များပါတယ်။

တောင်ကျရေကြောင့် ရုတ်တရက် ရေကြီးတာ (Flash Flood) ဟာ မိုးရွာသွန်းမှုမြင့်မားပြီး မတ်စောက်တဲ့ တောင်တန်းဒေသတွေနဲ့ ၎င်းတောင်စောင်းဒေသတွေမှာ သို့မဟုတ် တောင်ပေါ်ဒေသ မြေနိမ့်လွင်ပြင်တွေထဲမှာ တည်ဆောက်ထားကြတဲ့ မြို့၊ ရွာတွေမှာ ရေကြီးတာမျိုးဖြစ်ပါတယ်။ ဥပမာ လွန်ခဲ့သည့်နှစ်အနည်းငယ်က ကလောဒေသရေကြီးမှုမျိုးပါ။ ကလောကလည်း ဘူမိရုပ်သွင်အရ အနည်ကျ ချိုင့်ဝှမ်းငယ်တခုဖြစ်ပါတယ်။ မြန်မာနိုင်ငံရဲ့ ဘူမိအနည်ကျချိုင့်ဝှမ်းဒေသများအနက် တခုပါဝင်ပါတယ်။ ထိုနှစ်ထဲမှာပဲ ရမည်းသင်းဒေသမှာလည်း Mudflow/ Debris Flow လို့ခေါ်တဲ့ နှုန်းအနည်းတွေသယ်ဆောင်လာတဲ့ ရေကြီးရေလျှံမှုတွေ ဖြစ်ခဲ့ပါတယ်။ ရာဂီမုန်တိုင်းအရှိန်ကြောင့် မိုးရွာသွန်းမှုအချို့ဟာ ရှမ်းရိုးမတကြောမှာ သွန်ချခဲ့တာဖြစ်ပြီး ကလောချိုင့်ဝှမ်းရဲ့အထက် တောင်စောင်းတွေမှာ သစ်တောပြုန်းတီးတာ၊ စိုက်ပျိုးမြေချဲ့ထွင်ကြတာ၊ မြို့ပြမြေအသုံးချမှုမှာ အားနည်းလာတာတွေကြောင့် ကလော‌ဒေသရေကြီးမှုဖြစ်ခဲ့တယ်လို့ သုံးသပ်နိုင်သလို ရမည်းသင်းမှာကလည်း ရှမ်းရိုးမရဲ့ အနောက်ခြမ်းမှာ မုန်တိုင်းအရှိန်နဲ့အတူ မြေဆီလွှာတိုက်စားမှု၊ မြစ်၊ ချောင်းတိမ်ကောမှု ထိန်းသိမ်းခြင်း အားနည်းသော ရွှေတူးဖော်မှုတွေကြောင့်လည်းကောင်း၊ သစ်တောတွေပြုန်းတီးခြင်းကြောင့်လည်းကောင်း ဖြစ်ပေါ်လာတယ်လို့ဆိုနိုင်ပါတယ်။ ဒါကြောင့် နဂိုမူလ မိုးရွာသွန်းမှုကောင်းတဲ့ တောင်တန်း‌တောင်ကုန်းနဲ့ လျှိုမြောင်ချိုင့်ဝှမ်းဒေသမှာ မိမိတို့ဂာ နေထိုင်နေကြတယ်ဆိုရင် သစ်တောတွေပြုန်းတီးတာ၊ ရွှေတူးဖော်မှုကြောင့်၊ စိုက်ပျိုးရေးလုပ်ငန်းတွေကြောင့် မြစ်၊ ချောင်းတိမ်ကောတာ၊ မြို့၊ ရွာအတွင်း ရေစီးရေလာကောင်းမွန်မှုအားနည်းတာတွေကို သတိပြုထိန်းသိမ်းဆောင်ရွက်သင့်ပါတယ်။ ထိုဒေသများအနေဖြင့် အားပြင်းမုန်တိုင်းတွေ ဝင်ရောက်နိုင်ခြေနဲ့ မိုးသည်းထန်စွာရွာသွန်းမည့်နေရာဒေသများထဲ မိမိတို့ နေရာဒေသပါဝင်နေမလားဆိုတာ အချိန်နဲ့အမျှ သတိပြုစောင့်ကြည့်နေသင့်ပါတယ်။ ၆နာရီအတွင်း ဆက်တိုက် မိုးရေချိန် (အနည်းဆုံး) ၃လက်မခန့်ရွာသွန်းရင် ရုတ်တရက်ရေကြီးမှု (Flash Flood) ဖြစ်နိုင်တယ်လို့ နိုင်ငံတကာလေ့လာသူများ၊ အဖွဲ့အစည်းများက ဆိုပါတယ်။

ယခင်နှစ်တွေက မုန်တိုင်းတွေကြောင့် တောင်ကျရေကြီးတာတွေ ကြုံခဲ့ရတာမို့ ဘယ်နေရာမှာ ဒီလိုအလားတူဖြစ်ရပ်မျိုး လာနိုင်သလဲဆိုပြီး မိုးလေဝသခန့်မှန်းချက်တွေကနေတဆင့် စာရေးသူအနေနဲ့ မကြာခဏ သတိထားစောင့်ကြည့်ပြီး မြေပုံလေးတွေ ရေးဆွဲဖြစ်ပါတယ် (မလိုအပ်သေးလို့ မထုတ်ပြန်ဖြစ်တာဖြစ်ပါတယ်) ဒါပေမယ့် ဒီနှစ်ကတော့ တောင်ကျရေကြောင့်ဖြစ်တဲ့ ရုတ်တရက်ရေကြီးခြင်း (Flash Flood) နှစ်မဟုတ်ဘဲ မြစ်၊ အင်း၊ ချောင်းရေ လျှံခြင်း (Riverine Flood) ဖြစ်တဲ့နှစ်လို့ အခုချိန်ထိတော့ ပြောရမယ့်သဘောဖြစ်ပါတယ်။ ဒါပေမယ့် စူပါ အယ်လ်နီညို (Super El Nino) နှစ်ဖြစ်တယ်လို့ဆိုတာကြောင့် မိုးနှောင်းကာလ အရှေ့မြောက်မုတ်သုံ လေစီးကြောင်းကနေ တောင်တရုတ်ပင်လယ်မှာ မုန်တိုင်းကြီးတွေလာဦးမလားဆိုတာ ဆက်လက်‌စောင့်ကြည့်ဖို့လိုပါတယ်။

Riverne Flood က ကြိုတင် ပြင်ဆင်ဖို့အချိန်ရပါတယ်။ ဒါပေမယ့် ဖြစ်လာရင်လည်း ရက်သတ္တပတ်နဲ့ချီပြီးတော့ ရေနစ်မြှပ်မှုက ကြာမြှင့်တတ်ပါတယ်။ ရုတ်တရက်ရေကြီးသလို မြန်မြန်ရေတွေ ဆင်းလာတာမျိုးမဟုတ်လို့ အသက်ဘေးအန္တရာယ်ကို ရှောင်ရှားဖို့အချိန်ရပေမယ့် အစားအသောက်နဲ့ ကျန်းမာရေး၊ စိုက်ခင်းသီးနှံတွေပျက်စီးတာနဲ့ လမ်း၊ တံတားတွေ ပျက်စီးတာတွေ ဖြစ်တတ်ပါတယ်။

မြန်မာနိုင်ငံမှာ မြစ်ကြီးတွေ၊ ချောင်းကြီးတွေ များစွာရှိပါတယ်။ ၎င်းမြစ်၊ ချောင်းများအနီး မိုးရာသီတွင် အများဆုံးရှိတတ်လေ့ရှိတဲ့ (မြစ်၊ ချောင်း၊ အင်း၊ အိုင်ရဲ့) ရေပြင်ထက်အမြင့်ပေ အနည်းဆုံး ၃ ပေခန့်အကျော်မှာ ကိုယ်က ရှိတယ်။ ရေကြီးတဲ့အဆင့်မဟုတ်ပေမယ့် ခြေချင်းဝတ်ခန့်ဖြစ်စေ မကြာခဏ မြစ်၊ ချောင်းရေများ ပိုလျှံပြီး ဝင်ရောက်တတ်လေ့ရှိတဲ့ ဒေသမှာ ကိုယ်ကနေထိုင်တယ်ဆိုရင် မြစ်ရေ အတက်အကျနဲ့ မိုးလေဝသသတင်းများကို မကြာခဏ စောင့်ကြည့်နေသင့်ပါတယ်။ အထူးသဖြင့် မြစ်၊ ချောင်းကြီးများမှ ၁မိုင် အတွင်းနေရာတွေက ပြည်သူတွေ အထူးသတိပြုရပါမယ်။ အထက် မြစ်ညာမှာ မြစ်ရေအတက်အကျ သတိပေးချက်တွေရှိလား၊ ၆နာရီကြာခန့်အထိ ဆက်တိုက် သည်းထန်တဲ့ (အနည်းဆုံး မိုးရေချိန် ၃လက်မခန့်အထိ ဆက်တိုက်) မိုးရွာသွန်းမှုတွေ ဖြစ်နေလား။ ဒါမှမဟုတ် အဲဒီလို ရွာသွန်းရန် မိုးလေဝသခန့်မှန်းချက်တွေရှိသလားဆိုတာ မိုးဦး၊ မိုးလယ်၊ မိုးနှောင်းကာလတလျှောက်မှာ အမြဲမပြတ် နားစွင့်နေသင့်ပါတယ်။

နောက်တခုကတော့ မြို့ပြစီမံကိန်းရေးဆွဲအကောင်အထည်ဖော်မှုအားနည်းခြင်း‌ကြောင့် ရေကြီးတာ (Urban Flood)ပါ။ သူကတော့ နေရာဒေသမရွေး မြန်မာနိုင်ငံမှာဆိုရင် အထူးသဖြင့် မြို့အရွယ်အစားက ကြီးရင်ကြီးသလောက် ကြုံကြရတာပါပဲ။ စီမံအုပ်ချုပ်မှုယန္တယားတွေ ယိုယွင်းလေလေ ဒီဘေးဒဏ်တွေကနေ လွတ်မြောက်ဖို့ ခက်ခဲလေလေ ဖြစ်ကြပါိလိမ့်မယ်။ မြို့ပြစီမံကိန်းရေးဆွဲအကောင်အထည်အထည်ဖော်မှုအားနည်းခြင်းကြောင့်လို့ဆိုရာမှာ မြို့ပြအတွင်း ရေစီးရေလာ စနစ်ကောင်းဖို့အရေးပါသလို မြေအောက်ရေအလွန်အကျွံထုတ်ယူမှုကြောင့် မြေသားအိကျလာခြင်း (Ground Subsidence) ကလည်း ရေကြီးရေလျှံမှုတွေကို ကြီးမားစွာဖြစ်ပေါ်လာစေတဲ့ အကြောင်းတချက်ဖြစ်ပါတယ်။

ပင်လယ်ကမ်းရိုးတန်းဒေသတွေမှာ ဒီရေတက်လို့ ရေကြီးတာ (Tidal Flood) ကတော့ သတင်းမီဒီယာကြီးတွေမှာ အထိအခိုက် အပျက်အစီးတွေရှိတာကို ဖော်ပြတာ သိပ်မတွေ့ရသေး‌ပါဘူး။ သူက တဖြေးဖြေး ရေတက်တာ၊ ရေကျတာတွေဖြစ်လို့ပါ။ ဒါပေမယ့် လာမယ့်ဆယ်စုနှစ်တွေတခုပြီး တခုကြာလာတာနဲ့အမျှ ရာသီဥတုပြောင်းလဲမှုကြောင့် ဒါဟာလည်း (ကင်ဆာ‌ရောဂါလိုပဲ) မြို့တွေ၊ ရွာတွေ၊ စိုက်ပျိုးမြေတွေကို ရေအောက်ကို တစိမ့်တစိမ့်နဲ့ ဝါးမြိုသွားမယ့်အန္တရာယ်ရှိပါတယ်။ အစားအစာ၊ နေရာထိုင်ခင်းနဲ့ ကျန်းမာရေးကို တဖြည်းဖြည်းခြိမ်းခြောက်လာမှာဖြစ်တာမို့ ၎င်းဒေသက ပြည်သူတွေအနေနဲ့ အချိန်ယူပြင်ဆင်ထားကြဖို့ လိုအပ်ပါတယ်။

မိုးသက်မုန်တိုင်းကျလို့ ရေကြီးတာ (Storm Flood) မှာ အထင်ရှားဆုံးကတော့ ၂၀၀၈ နာဂစ်ပါပဲ။ Storm Surge လို့ခေါ်တဲ့ ပင်လယ်ရေလှိုင်းတွေ အလိပ်လိုက် တက်လာပြီး ရေလွှမ်းခြင်းပါ။ သူကလည်း အသက်အိုးအိမ်‌နဲ့ အခြေခံ အဆောက်အဦးတွေအပေါ်မှာ ပျက်စီးထိခိုက်မှု အတော်များပါတယ်။ ဒါကြောင့်လည်း ပင်လယ်ကမ်းရိုးတန်းဒေသ ဒီရေတောထိန်းသိမ်းရေးလုပ်ငန်းတွေက အရေးကြီးပါတယ်။ မုန်တိုင်းအရှိန်ကြောင့် ၂၀၁၅ မှာ မြန်မာပြည် တနံတလျား ရေနစ်မြှပ်ခြင်း၊ ဟားခါးမှာ တောင်ပြိုခြင်းတွေ ရှိခဲ့သလို ၂၀၁၉ မွန်ပြည်နယ် ပေါင်မြို့နယ်မှာ တောင်ပြိုတာတွေဖြစ်ခဲ့ပါတယ်။ ၂၀၂၀ ခုနှစ် နောက်ပိုင်း ဆိုးရွားတဲ့ ရာဂီ (၂၀၂၃)၊ မိုခါ (၂၀၂၄)နဲ့ ဝီဖာ (၂၀၂၅) တို့ဟာလည်း ဆယ်စုနှစ်တခုအတွင်းမှာ ပိုပြီးခပ်စိပ်စိပ်ဖြစ်ပေါ်လာနေတဲ့ မိုးသက်မုန်တိုင်းကျလို့ ကုန်းတွင်းပိုင်းမှာ ရေကြီးတာ (Storm Flood) တွေပဲဖြစ်ပါတယ်။ ရာဂီမုန်တိုင်းကြောင့် ရခိုင်ပြည်နယ်မှာ ရေအကြီးအကျယ် ကြီးခဲ့ပါတယ်။ မိုခါကြောင့် ရမည်းသင်းနဲ့ ကလောဒေသတွေမှာ လူအသေအပျောက်များပြီး အိမ်တွေ ရွှံ့နှုန်း မြေတွေအောက် နှစ်မြှပ်ခဲ့ပါတယ်။ ဝီဖာကြောင့် စစ်တောင်းမြစ်ဝှမ်းဒေသကြီးတခုလုံး ရက်သတ္တပတ်နဲ့ချီ ‌ရေလွှမ်းခဲ့ပါတယ်။

မြေအောက်ရေကြောင့် ရေကြီးတာ (Groundwater Flood)ကိုတော့ သဘာဝလှိုဏ်ဂူတွေ ပေါများတဲ့ မြန်မာနိုင်ငံအရှေ့ဘက် ကုန်းမြင့်ဒေသတွေဖြစ်တဲ့ ရှမ်းပြည်နယ်၊ ကရင်ပြည်နယ်၊ တနင်္သာရီတိုင်းနဲ့ ကယားဖြစ်နယ်တွေက နေရာတချို့မှာ ကြုံတွေ့ရနိုင်ပါတယ်။ စာရေးသူကိုယ်တွေ့ အတွေ့အကြုံအရဆိုရင် အထူးသဖြင့် ကရင်ပြည်နယ် ဘားအံမြို့နှင့် အနီးကျေးရွာတွေအနီးမှာဆိုရင် မကြာခဏ ကြုံတွေ့ရပါတယ်။ အထက်ဘက် ကုန်းမြင့်‌တောင်တန်းတွေပေါ်က မိုးရွာသွန်းမှုကြောင့် မြေအောက်ထုံးကျောက်လှိုဏ်ဂူတွေကနေ ရေတွေရုတ်တရက် လှိမ့်ဆင်းလာတာမျိုးပါ။ ၂၀၁၈ ခုနှစ်က ထိုင်းနိုင်ငံမြောက်ပိုင်း ချင်းရိုင်ခရိုင်ရှိ ထမ်လုယမ် (Tham Luang) လှိုဏ်ဂူအတွင်း လူငယ်ဘောလုံးသမား ၁၂ ဦးနှင့် အလယ်တန်းပြ ဘောလုံးနည်းပြ ၁ ဦးတို့ ရက်ပေါင်းများစွာ ပိတ်မိခဲ့ကြသည့် ဖြစ်စဉ်မျိုးဖြစ်ပါတယ်။

ဒါကြောင့်မို့လို့ အနှစ်ချုပ်ပြီးဆွေးနွေးရပါလျှင် ရာသီဥတုပြောင်းလဲလာမှုတွေကြောင့် မိုးလေဝသခန့်မှန်းချက်တွေဟာ ပိုပြီးမှန်းဆရခက်ခဲလာပြီး အစွန်းရောက်ရာသီဥတုတွေဖြစ်လာတာကြောင့် မိုးရွာသွန်းမှုဟာ ပုံမှန်မဟုတ်ဘဲ ရွာတဲ့အချိန်မှာ သဘာဝဘေးတွေကို လှုပ်နှိုးစေလောက်တဲ့အထိ သည်းသည်းမည်းမည်းရွာသွန်းလာပါတယ်။ လူတွေ တွက်ဆမထားတဲ့ ပုံစံမျိုးနဲ့၊ မထင်မှတ်ထားတဲ့ နေရာတွေမှာ၊ မထင်မှတ်တဲ့ ကာလမှာ ဖြစ်ပေါ်လာနေပါတယ်။

သဘာဝဘေးအန္တရာယ်တွေကို လျင်မြန်စွာနဲ့ စနစ်တကျတုံ့ပြန်နိုင်ရန် ကြိုတင်ပြင်ဆင်ထားမှု၊ ကာကွယ်မှုအားနည်းတာ၊ ဖြစ်ပေါ်လာတဲ့အခါမှာနဲ့ ဖြစ်ပြီးနောက်ပိုင်းမှာ လျပ်တပြက်ဆိုသလို အစီအစဉ်တကျ နဲ့ ဆောင်ရွက်နိုင်စွမ်းအားနည်းတာတွေက ကမ္ဘာ့ရာသီဥတုပြောင်းလဲမှုရဲ့ နောက် ဆက်တွဲသက်ရောက်မှုတွေမှာ ကြံ့ကြံ့ခံရင်ဆိုင်နိုင်စွမ်းကိုပါ လျှော့ကျစေပါတော့တယ်။

ဒါကြောင့်မို့လို့ ပြည်သူလူထုအနေဖြင့်လည်း မိမိ၏ နေထိုင်ရာ နေရာဒေသ၏ ရေဘေးအပါအဝင် ဖြစ်ပေါ်လာတတ်လေ့ရှိတဲ့ သဘာဝဘေးအန္တရာယ်တွေကို အပေါ်မှာဆွေးနွေးခဲ့တဲ့အချက်တွေနဲ့ ယှဉ်ထိုးတွက်ဆကာ ကြိုတင်ပြင်ဆင်တာ၊ အမြဲမပြတ် သတင်းအချက်အလက်တွေကို လေ့လာစောင့်ကြည့်တာ၊ စိတ်ချယုံကြည်ရတဲ့ သတင်းအချက်အလက်တွေကိုပံ့ပိုးပေးနေတဲ့ ဌာနတွေ၊ လူပုဂ္ဂိုလ်၊ အဖွဲ့အစည်းတွေရဲ့ သုံးသပ်ဆွေးနွေးမှုတွေကို မကြာခဏ ဝင်ရောက်လေ့လာကြည့်ရှုတာမျိုးတွေလို ပြုလုပ်ကာ ကိုယ်ထူကိုယ်ထ ကာကွယ်ဖို့လည်း လုပ်ဖို့ လိုအပ်လာနေပါကြောင်း သုံးသပ်တင်ပြလိုက်ရပါတယ်။

26/08/2026

🌍* # ်တန်း (Intensive Course)
သဘာဝပတ်ဝန်းကျင် ထိန်းသိမ်းရေးသမားတွေနဲ့ ဒီနယ်ပယ်ထဲ စတင်ဝင်ရောက်လိုသူတွေအတွက် မရှိမဖြစ် ကျွမ်းကျင်မှုတစ်ခုဖြစ်လာတဲ့ GIS ပညာရပ်ကို လက်တွေ့ကျကျ စတင်လေ့လာလိုက်ပါ။

(Earth Resources & Environmental Geospatial Analysis Training သင်တန်းအပ်ထားသူများကတော့ ယခုဖွင့်လှစ်မယ့် GIS Basics-Intensive Course ကိုလည်းတက်ချင်တယ်ဆိုရင် သင်တန်းကြေး (၁၀၀%) ကင်းလွတ်ခွင့်ရမှာဖြစ်ပါတယ်နော်.......💙💙💙🌿)

ဒီဇိုင်းပိုင်းမှာ သေသပ်လှပပြီး အခြေခံမြေပုံတွေ ရေးဆွဲတတ်ချင်ပေမဲ့ ဆော့ဖ်ဝဲအသုံးပြုရတာ ခက်ခဲမှာ စိုးရိမ်နေပါသလား။ Laptop အကောင်းစားကြီးတွေ မရှိလို့ စိတ်ပူနေပါသလား။ အဲ့ဒီပြဿနာတွေအတွက် စိတ်မပူပါနဲ့တော့။

💡 ဘာတွေသင်ကြားပေးမလဲ
ArcGIS Desktop ကို အဓိကထားပြီး အခြေခံကစလို့ လက်တွေ့ကျကျ သင်ကြားပေးမှာပါ။
ဒါ့အပြင် ArcGIS Pro, QGIS, Surfer, Global Mapper နဲ့ Google Earth Pro တို့ကိုပါ လိုအပ်သလို ပြောင်းလဲသုံးစွဲနိုင်အောင် အခြေခံ မိတ်ဆက်ပေးသွားမှာဖြစ်လို့ ဆော့ဖ်ဝဲအစုံရဲ့ အားသာချက်တွေကို ပေါင်းစပ်အသုံးပြုနိုင်မယ့် အခွင့်အရေးကို ရရှိမှာဖြစ်ပါတယ်။

🎯 ဘယ်သူတွေတက်သင့်သလဲ
- ကိုယ့်ဘာသာ Self-study လုပ်ဖို့ အားနည်းသူများ
- အချိန်မပေးနိုင်လို့ အတိုဆုံးအချိန်အတွင်း အနီးကပ်တိုင်ပင်ဆွေးနွေး၊ လေ့ကျင့်ရင်း Intensive Learning လုပ်ချင်သူများ
- အလယ်အလတ်အတန်းစား Laptop နဲ့ GIS ကို စတင်လေ့လာချင်သူများ (ArcGIS Pro နှင့်အတူ OS Version အမြင့်များကို သုံးရန် အခက်အခဲရှိနေသူများ)

📌 သင်တန်းအချက်အလက်များ
သင်တန်းကြေး - ၄၅,၀၀၀ ကျပ် တည်းသာ
သင်တန်းအချိန် - ည ၇:၀၀ နာရီမှ ၉:၀၀ နာရီအထိ
ကြာမြင့်ချိန် - ရက်ပေါင်း ၁၀ ရက် (Weekdays Only)
လျှောက်ထားရန်လင့်ခ် -
https://docs.google.com/forms/d/e/1FAIpQLScFC-uPVLDs5afLGOqdlZrMyfUt5KwPl7kaxVXCqANAHzgJXg/viewform

✨ အချိန်တိုအတွင်း GIS ကျွမ်းကျင်တယောက်ဖြစ်နိုင်ဖို့ ယခုပဲ အမြန်ဆုံး စာရင်းပေးသွင်းလိုက်ပါ။
(ဆက်သွယ်ရန် Telegram - သို့မဟုတ် Page Messenger တွင် အသေးစိတ် စုံစမ်းနိုင်ပါသည်)

- သင်တန်းပြီးဆုံးပါက Certificate ချီးမြှင့်သွားမည်။

📝 မှတ်ချက် (ဆော့ဖ်ဝဲအသုံးပြုမှုနှင့် ပတ်သက်၍)
ESRI ကုမ္ပဏီအနေဖြင့် ArcGIS Desktop (ArcMap) ၏ ပုံမှန် Technical Support ကို ၂၀၂၆ ခုနှစ် မတ်လ ၁ ရက်နေ့တွင် တရားဝင် ရပ်ဆိုင်းလိုက်ပြီဖြစ်ပါတယ်။ ဆော့ဖ်ဝဲလ် Support မရှိတော့ဘူးဆိုတာက ဆော့ဖ်ဝဲလ် လုံးဝ ပျက်သွားတာ သို့မဟုတ် ပိတ်သွားတာမျိုး မဟုတ်ပါဘူး။ မိမိတို့ လက်ရှိ စက်ထဲမှာ ထည့်သွင်းထားပြီးသား ဆော့ဖ်ဝဲလ်နဲ့ ရှိပြီးသား Tools တွေကို ပုံမှန် ဆက်လက် အသုံးပြုလို့ရနေဆဲ ဖြစ်ပါတယ်။ Version အသစ်တွေ၊ Feature အသစ်တွေ ထပ်တိုးလာမှာ မဟုတ်တော့ပါ။ အဓိက အချက်ကတော့ ArcGIS Online Basemap တွေနဲ့ အချို့သော Esri Cloud Services တွေနဲ့ ချိတ်ဆက်သုံးစွဲရာမှာ ဝန်ဆောင်မှု အပြည့်အဝ မရတော့တာမျိုး၊ ဒါမှမဟုတ် လုံခြုံရေး ပရိုတိုကောအသစ်တွေကြောင့် Basemap တွေ ပျောက်သွားတာမျိုး ဖြစ်တတ်ပါတယ်။

ArcGIS Pro ဟာ 2D Map တွေတင်မကဘဲ 3D Rendering တွေ၊ Spatial Analysis တွေ လုပ်တဲ့အခါ CPU နဲ့ Graphics (GPU) ကို အမြင့်ဆုံး အလုပ်လုပ်ခိုင်းပါတယ်။
စက်ရဲ့ Spec က နိမ့်နေပြီး RAM လုံလောက်မှု မရှိတဲ့အခါ CPU က ပုံမှန်ထက် အဆပေါင်းများစွာ ပိုကြိုးစား လုပ်ဆောင်ရပါတယ်။ Hardware Requirement မပြည့်မီတဲ့ Laptop တွေမှာ ArcGIS Pro ကို အတင်းသုံးတာဟာ ဆော့ဖ်ဝဲပိုင်းဆိုင်ရာ ကြံ့ကြာနှောင့်နှေးမှု (Lagging) ဖြစ်စေရုံသာမက Laptop တစ်လုံးလုံးရဲ့ ရုပ်ပိုင်းဆိုင်ရာ သက်တမ်း (Hardware Lifespan) ကိုပါ အမြန်ဆုံး ထိခိုက်ပျက်စီးစေပါတယ်။ ArcGIS Pro က အနည်းဆုံး RAM 16GB သို့မဟုတ် 32GB အကြံပြုထားပါတယ်။ စက်ထဲမှာ RAM 8GB ပဲရှိတဲ့အခါ လိုအပ်လာတဲ့ ဒေတာအများစုကို RAM ထဲမှာ မဆံ့တော့ဘဲ Hard Disk သို့မဟုတ် SSD ထဲကို ယာယီသိမ်းဆည်းပြီး (Virtual Memory / Pagefile အဖြစ်) အသုံးပြုရပါတယ်။
ဆော့ဖ်ဝဲ သုံးနေစဉ်အတွင်း Hard Drive နဲ့ RAM ကြားမှာ ဒေတာတွေ အဝင်အထွက် အကြိမ်ရေ ထောင်ပေါင်းများစွာ အဆက်မပြတ် လုပ်ဆောင်နေရတဲ့အတွက် SSD/HDD ရဲ့ Write/Read Lifespan (သက်တမ်း) ကို အမြန်ဆုံး ကုန်ဆုံးသွားစေပါတယ်။
ဒါကြောင့် စက်အဟောင်းတွေနဲ့ အလုပ်လုပ်ရမယ်ဆိုရင် ArcGIS Pro အစား ပိုပေါ့ပါးတဲ့ ArcGIS Desktop (ArcMap) ကို ဆက်သုံးတာက စက်အတွက် ပိုပြီး သက်သာစေတာမို့ (ကုန်စျေးနှုန်းတွေအဆပေါင်းများစွာတက်ပြီး Laptop စျေးနှုန်းတွေလည်း ကြီးမြင့်လာတဲ့မြန်မာနိုင်ငံမှာ) ArcGIS Desktop Versions တွေဟာလည်း တန်ဖိုးရှိနေဆဲဖြစ်နေဦးမှာပါပဲခင်ဗျား.........။

25/08/2026

* # #၂၀၅၀ခုနှစ်အတွက်ရှေ့ပြေးနိမိတ်လား*

ဧရာဝတီတိုင်းမှာ ငဝန်တာကျိုးတဲ့ဖြစ်စဉ်မှသည် ပုံမှန်မဟုတ်သည့် မိုးရွာသွန်းမှုများ (𝐄𝐫𝐫𝐚𝐭𝐢𝐜 𝐑𝐚𝐢𝐧𝐟𝐚𝐥𝐥) ဆက်တိုက်ဖြစ်ပေါ်နေမှုကြောင့် ရေနစ်မြှပ်နေသည်မှာ ရက်သတ္တပတ်များစွာ ကြာမြင့်လာပြီဖြစ်ပါတယ်။

၂၀၅၀ ခုနှစ်ကျရင် ပင်လယ်ရေမျက်နှာပြင်ဟာ ကမ္ဘာတဝှမ်း ပျမ်းမျှပင်လယ်ရေမျက်နှာပြင်အမြင့် စင်တီမီတာ ၂၀ မှ ၄၁ ထိ (၀.၂ မှ ၀.၄ မီတာခန့်) အထိ အဆိုးဆုံး မြင့်တက်လာနိုင်တယ်လို့ ကုလသမဂ္ဂ ရာသီဥတုပြောင်းလဲမှုဆိုင်ရာ ညီလာခံ (🅸🅿🅲🅲)ရဲ့ အကြံပေးပညာရှင်များအဖွဲ့ (𝐖𝐨𝐫𝐤𝐢𝐧𝐠 𝐆𝐫𝐨𝐮𝐩𝐬 𝐨𝐟 𝐈𝐏𝐂𝐂) က တွက်ချက်သုံးသပ်ထားခဲ့တာ ကြာပါပြီ။ ဒါက ၁ မီတာ ( ၃ ပေကျော်ခန့်ပင်) မမြင့်ပေမယ့်လို့ အထူးသဖြင့် (အောက်က ဒုတိယပုံမှာ) ဧရာဝတီတိုင်းဒေသကြီးကိုကြည့်လိုက်မယ်ဆိုရင် ကမ္ဘာလုံးဆိုင်ရာ ပျမ်းမျှပင်လယ်ရေမျက်နှာပြင်အောက် ရောက်နေတဲ့ မြို့နယ်တွေအများအပြားကို တွေ့ရနိုင်ပါတယ်။

ကြုံတွေ့လာရမယ့် စိန်ခေါ်မှုတွေကတော့ လူနေမြို့၊ ရွာများ အလုံးအရင်းနဲ့ ရွှေ့ပြောင်းအခြေချနေထိုင်ကြရခြင်း၊ စိုက်ပျိုးမြေများ ကြီးမားကျယ်ပြန့်စွာ ဆုံးရှုံးခြင်းကြောင့် နိုင်ငံတဝန်းအစားအစာ ဆန်၊ စပါးဖူလုံမှုကို ခြိမ်းခြောက်နိုင်ခြင်း၊ ပင်လယ်ရေအောက် မရောက်ရှိသော်လည်း ပင်လယ်ကမ်းစပ်ဖြစ်လာမည့် နေရာဒေသများအနေဖြင့် စိုက်ပျိုးမြေများ ဆားငံဓါတ်များလာခြင်းကြောင့် စိုက်ပျိုးရေး ပိုမိုခက်ခဲလာခြင်း၊ မြေပေါ်၊ မြေအောက် ရေချိုအရင်းအမြစ်များ ဆုံးရှုံးကာ ဆားငံရေဝင်ရောက်ခြင်း စသည်တို့ဟာ ပင်လယ်ကမ်းရိုးတန်းဒေသတွေအနေနဲ့ တိုက်ရိုက်ကြုံတွေ့ခံစားကြရမယ့် သဘာဝပတ်ဝန်းကျင်ဆိုင်ရာ စိန်ခေါ်မှုများပဲဖြစ်ပါတယ်။

‌၂၀၅၀ ခုနှစ်သို့ရောက်ရှိရန် နောင်နှစ်ပေါင်း ၂၄ နှစ်သာ လိုပါတော့တယ်။ ယခုကဲ့သို့ ဧရာဝတီတိုင်းဒေသကြီး မြို့နယ်များတွင် ရက်ရှည်လများ ရေလွှမ်းနေမှုဟာ ၂၀၅၀ ခုနှစ်မှာ တချို့နေရာတွေအနေဖြင့် (လုံးဝ) ထာဝရပင်လယ်ရေပြင်အောက် ရောက်ရှိသွားတော့မယ့် ရှေ့ပြေးနိမတ်ရဲ့ အစပျိုးခြင်းလားလို့ သုံးသပ်မိပါတယ်။

𝙂𝙡𝙤𝙗𝙖𝙡 𝘾𝙡𝙞𝙢𝙖𝙩𝙚 𝙍𝙞𝙨𝙠 𝙄𝙣𝙙𝙚𝙭 (𝘾𝙍𝙄) ကဲ့သို့သော နိုင်ငံတကာ သုတေသန အညွှန်းကိန်းများတွင်မြန်မာနိုင်ငံဟာ ကမ္ဘာ့ရာသီဥတုပြောင်းလဲမှုဒဏ်ကို အဆိုးရွားဆုံးခံရမည့်နိုင်ငံများထဲမှာ ထိပ်သီးစာရင်းမှာ ထည့်သွင်းထားကြပါတယ်။ အီကွေတာအပူပိုင်းရပ်ဝန်းဒေသ (𝙏𝙧𝙤𝙥𝙞𝙘𝙖𝙡 𝙍𝙚𝙜𝙞𝙤𝙣)၊ အပူပိုင်းမုတ်သုံရာသီဥတု（ＴｒｏｐｉｃａｌＭｏｎｓｏｏｎ） ကို ပိုင်ဆိုင်ထားတာနှင့်အတူ အရှေ့တောင်အာရှမှာ ရှည်လျားတဲ့ပင်လယ်ကမ်းရိုးတန်းပိုင်ဆိုင်ထားတဲ့ နိုင်ငံတခုဖြစ်သည်နှင့်အညီ ရာသီဥတုပြောင်းလဲမှုကို ကြံ့ကြံ့ခံရင်ဆိုင်နိုင်စွမ်းရှိတဲ့ အခြေခံအဆောက်အဦးများ (𝙄𝙣𝙛𝙧𝙖𝙨𝙩𝙧𝙪𝙘𝙩𝙪𝙧𝙚)၊ လိုက်လျောညီထွေနေထိုင်ပြောင်းလဲနိုင်စွမ်း(𝘼𝙙𝙖𝙥𝙩𝙖𝙩𝙞𝙤𝙣)၊ ကြုံတွေ့လာမယ့် သဘာဝဘေးအန္တရာယ်များကို ကြိုတင်ကာကွယ်၊ လျှော့ချနိုင်စွမ်း (𝙈𝙞𝙩𝙞𝙜𝙖𝙩𝙞𝙤𝙣) အရမ်းအားနည်းနေသေးတာကို ယနေ့ သဘာဝဘေးများက သက်သေပြနေပါတယ်။ ဒါကြောင့်လည်း မြန်မာနိုင်ငံကို ရာသီဥတုပြောင်းလဲမှုဒဏ် အဆိုးရွားဆုံးခံရမယ့်နိုင်ငံများထဲ ထည့်သွင်းထားကြတာဖြစ်ပါတယ်။ အကျိုးဆက်အနေနဲ့ ဖြစ်လာမှသာ အခုလို ရုန်းရင်းဆန်ခတ်ဖြစ်ပြီး သဘာဝဘေးအန္တရာယ်တွေကို စနစ်တကျတုံ့ပြန်နိုင်စွမ်းမရှိတာလည်းဖြစ်ပါတယ်။ ပြည်သူလူထုအနေဖြင့်လည်း ဒီလိုသဘာဝဘေးအန္တရာယ်တွေရဲ့ အနာဂါတ်အလားအလာတွေကို တွက်ဆကာ မိမိရဲ့ အသက်အိုးအိမ်၊ စည်းစိမ်ကို ကာကွယ်ဖို့ ကိုယ်ပိုင်အစီအစဉ်တွေရှိကြဖို့က အထူးအရေးကြီးနေပါပြီ >>>ဆိုလိုတာက Good Governance အားနည်းတဲ့အခါမှာ ကိုယ်ထူကိုယ်ထရုန်းကြပါမှ ကျော်လွှားနိုင်မယ့်သဘောပါ။

* # #အများသုံးသပ်ကြသလိုမြန်မာနိုင်ငံကဆည်တွေအပါအဝင်အခြေခံအဆောက်အဦးတွေ၊လူနေမြို့၊ ရွာတွေ၊နေထိုင်စားသောက်မှုနဲ့စိုက်ပျိုးရေးကဏ္ဍတွေဟာလာမယ့်ဆယ်စုနှစ်တွေမှာပြောင်းလဲလာမယ့်ရာသီဥတုနဲ့သဘာဝဘေးအန္တရာယ်တွေနဲ့လိုက်လျောညီထွေ ကြံ့ကြံ့ခံနိုင်စွမ်းရှိမယ့်အခြေအနေဖြစ်ဖို့စိစစ်၊မွမ်းမံ၊ပြင်ဆင်ထားကြဖို့ဒီနှစ်သဖန်းဆိပ်ဆည်နဲ့ငဝန်တာကျိုးမှုဖြစ်စဉ်တွေက ထပ်ပြီးသတိပေးနေပြန်ပါပြီ။*

ဂေဟဗေဒအရကြည့်ပြန်ရင်လည်း သက်ရှိတွေဟာ လိုအပ်တဲ့ အစားအသောက်၊ နေရာထိုင်ခင်း၊ လုံခြုံမှုတွေ မရှိရင် (သို့မဟုတ်) အချိုးအစားမမျှတရင် 𝐏𝐨𝐩𝐮𝐥𝐚𝐭𝐢𝐨𝐧 က ကျဆင်းသွားတတ်တာ (ဆိုလိုတာက သေဆုံးနိုင်ခြေများလာတာ) နိယာမတခုပါပဲ။ ဒါကြောင့်မို့ လာမယ့် ဆယ်စုနှစ်တွေအတွင်း မြန်မာနိုင်ငံသားတွေရဲ့ အနာဂါတ်ဟာ ကပ်ဘေးအမျိုးမျိုးထဲကမှ သဘာဝ ဘေးအန္တရာယ်ကျရောက်မှုတွေကြောင့်လည်း ကြောက်ခမန်းလိလိ အသက်၊ အိုးအိမ် တွေကို ခြိမ်းခြောက်ခံရနိုင်ဖွယ်ရှိနေပါကြောင်း စိတ်မကောင်းစွာနဲ့ သုံးသပ်ရပါတယ်။

* # #ပုံပါအရောင်များနှင့်မြေမျက်နှာသွင်ပြင်အမြင့်(Elevation Legend)*
* # #(ဒုတိယပုံအတွက်ဖြစ်ပါသည်)*

ပုံ၏ အောက်ခြေတွင် ဖော်ပြထားသော အရောင် အညွှန်း (Legend) အရ မြေနိမ့်ပိုင်းမှ မြေမြင့်ပိုင်းသို့ အောက်ပါအတိုင်း ခွဲခြားထားသည် -

#အပြာရောင်နှင့်အစိမ်းဖျော့ရောင်များ (≤ -2.0 မီတာမှ ≤ 0.0 မီတာအထိ): ပင်လယ်ရေမျက်နှာပြင်အောက် သို့မဟုတ် ရေမျက်နှာပြင်နှင့် တန်းတူရှိသော မြေနိမ့်ပိုင်းများနှင့် မြစ်ဝကျွန်းပေါ် ရေလွှမ်းလွယ်သော ဇုန်များ။

#အစိမ်းရောင်အဆင့်ဆင့် (0.5 မီတာမှ 2.0 မီတာအထိ): မြစ်ဝကျွန်းပေါ်ဒေသ၏ လယ်ယာစိုက်ပျိုးမြေနှင့် မြေနိမ့်လွင်ပြင် အများစု တည်ရှိရာ နေရာများ။

#အဝါရောင်၊ အညိုရောင်နှင့် မီးခိုးရောင်များ (3.0 မီတာမှ 10.0 မီတာနှင့် အထက်): ကုန်းတွင်းပိုင်းသို့ ရောက်ရှိလာသည်နှင့်အမျှ မြေမျက်နှာပြင်အမြင့် ပိုမိုမြင့်တက်လာသော ဒေသများ (ဥပမာ- ဟင်္သာတ၊ သာယာဝတီ/ပဲခူးဘက်ခြမ်း ဒေသများ)။

* # #ကိုးကားစာရင်း*
Seeger, K., Minderhoud, P. S. J., Peffeköver, A., Vogel, A., Brückner, H., Kraas, F., & Brill, D. (2023). Assessing land elevation in the Ayeyarwady Delta (Myanmar) and its relevance for studying sea level rise and delta flooding. Hydrology and Earth System Sciences, 27(11), 2257–2281. https://doi.org/10.5194/hess-27-2257-2023

Naish, T., Hanna, E., & Lovecroft, A. (2025). Future sea-level rise is certain, but the amount and speed are uncertain. WMO Bulletin, 74(2). https://wmo.int/resources/wmo-bulletin/wmo-bulletin-vol-74-2-2025/future-sea-level-rise-certain-amount-and-speed-are-uncertain

Htun, Z. M. (2026). မြန်မာနိုင်ငံ၏ ၂၀၅၀ ခုနှစ် ကမ်းရိုးတန်းရေလွှမ်းမိုးမှုနှင့် တဆက်တစပ်တည်း ထိစပ်နေသော ရေချို/မြေနိမ့်ဇုန်များ ဆန်းစစ်ချက် (Fixed Version) [Computer software script]. Google Earth Engine Code Editor. https://code.earthengine.google.com/94dad08770558d653695259be8724e3f

21/08/2026

🚀* #𝑪𝒂𝒓𝒕𝒐𝒈𝒓𝒂𝒑𝒉𝒚သက်သက်ကနေ𝑵𝒆𝒙𝒕𝑳𝒆𝒗𝒆𝒍ကိုတက်လှမ်းဖို့*

ပတ်ဝန်းကျင်၊ ရေ၊ မြေ၊ သယံဇာတနဲ့ သဘာဝဘေးအန္တရာယ်ဆိုင်ရာ ကဏ္ဍတွေမှာ 𝙂𝙄𝙎 ပညာရပ်ကို ထိရောက်စွာ အသုံးချချင်သူများအတွက် အထူးရည်ရွယ်ပါတယ်။

"𝑬𝒂𝒓𝒕𝒉 𝑹𝒆𝒔𝒐𝒖𝒓𝒄𝒆𝒔 & 𝑬𝒏𝒗𝒊𝒓𝒐𝒏𝒎𝒆𝒏𝒕𝒂𝒍 𝑮𝒆𝒐𝒔𝒑𝒂𝒕𝒊𝒂𝒍 𝑨𝒏𝒂𝒍𝒚𝒔𝒊𝒔" သင်တန်းသစ်အတွက် သင်တန်းသားခေါ်ယူနေပါပြီ။
စက်တင်ဘာ ၅ ရက် စတင်မည်ဖြစ်ပြီး လူဦးရေအကန့်အသတ်ရှိသဖြင့် အမြန်ဆုံး စာရင်းပေးသွင်းနိုင်ပါပြီ။

📌 # #ဘာကြောင့်ဒီသင်တန်းကိုတက်သင့်တာလဲ?
𝑪𝒐𝒓𝒆 𝑮𝒆𝒐𝒔𝒑𝒂𝒕𝒊𝒂𝒍 𝑨𝒏𝒂𝒍𝒚𝒔𝒊𝒔 တွေကို အသေးစိတ်လေ့လာနိုင်မှာဖြစ်ပြီး၊ ပုံမှန် 𝑺𝒐𝒇𝒕𝒘𝒂𝒓𝒆
တွေရဲ့ ကန့်သတ်ချက်တွေကို ကျော်လွှားနိုင်ဖို့ 𝑮𝒐𝒐𝒈𝒍𝒆 𝑬𝒂𝒓𝒕𝒉 𝑬𝒏𝒈𝒊𝒏𝒆 (𝑮𝑬𝑬) ကိုပါ တွဲဖက်သင်ကြားပေးမှာဖြစ်ပါတယ်။

✅ # #သင်ခန်းစာခေါင်းစဉ်များ
၁။ 𝑰𝒎𝒂𝒈𝒆 𝑪𝒍𝒂𝒔𝒔𝒊𝒇𝒊𝒄𝒂𝒕𝒊𝒐𝒏 (မြေဖုံးလွှမ်းမှုအမျိုးအစား ခွဲခြားခြင်း)
၂။ 𝑪𝒉𝒂𝒏𝒈𝒆 𝑫𝒆𝒕𝒆𝒄𝒕𝒊𝒐𝒏 (ပြောင်းလဲမှုကို စောင့်ကြည့်တိုင်းတာခြင်း)
၃။ 𝑻𝒊𝒎𝒆 𝑺𝒆𝒓𝒊𝒆𝒔 𝑨𝒏𝒂𝒍𝒚𝒔𝒊𝒔 (အချိန်ကာလအလိုက်/ အစီအစဉ်လိုက် ဆန်းစစ်ခြင်း)
၄။ 𝑹𝒆𝒈𝒓𝒆𝒔𝒔𝒊𝒐𝒏 𝑨𝒏𝒂𝒍𝒚𝒔𝒊𝒔 (အချက်အလက် ဆက်စပ်မှုနှင့် ခန့်မှန်းတွက်ချက်ခြင်း)
၅။ 𝑹𝒂𝒔𝒕𝒆𝒓 𝑨𝒏𝒂𝒍𝒚𝒔𝒊𝒔 (Raster အချက်အလက်များ သင်္ချာနည်းအရ တွက်ချက်ခြင်း)
၆။ 𝑻𝒆𝒓𝒓𝒂𝒊𝒏 𝑨𝒏𝒂𝒍𝒚𝒔𝒊𝒔 (မြေမျက်နှာသွင်ပြင် ဆန်းစစ်ခြင်း - အမြင့်၊ လျှောစောက်၊ အရပ်မျက်နှာ မူရာနှင့် ရေဆင်းစနစ်/ ဇလဗေဒဆိုင်ရာများ)

✅ # #ဒီသင်တန်းမှာဘာတွေရရှိသွားမလဲ?
• RS & GIS ရဲ့ 𝑪𝒐𝒓𝒆 𝑮𝒆𝒐𝒔𝒑𝒂𝒕𝒊𝒂𝒍 𝑨𝒏𝒂𝒍𝒚𝒔𝒊𝒔 အားလုံးကို လွှမ်းခြုံထားသော သင်ခန်းစာများ။
• 𝑨𝒓𝒄𝑮𝑰𝑺 နှင့် 𝑮𝒐𝒐𝒈𝒍𝒆 𝑬𝒂𝒓𝒕𝒉 𝑬𝒏𝒈𝒊𝒏𝒆 (𝑮𝑬𝑬) ကို တွဲဖက်အသုံးပြုနည်း။
• 𝑳𝒂𝒑𝒕𝒐𝒑/ 𝑫𝒆𝒔𝒌𝒕𝒐𝒑 ရဲ့ 𝑯𝒂𝒓𝒅𝒘𝒂𝒓𝒆 အကန့်အသတ်များကို ကျော်လွှားပြီး တိုင်း/ပြည်နယ်အဆင့်၊ နိုင်ငံအဆင့်ထိ Satellite Image အမျိုးမျိုးကို လျင်မြန်၊ လွယ်ကူစွာ လေ့လာအသုံးချနိုင်မည့် နည်းလမ်းများ။
• 𝑷𝒓𝒐𝒈𝒓𝒂𝒎𝒎𝒊𝒏𝒈 အခြေခံသဘောတရားများကို သင်ကြားပေးမည်ဖြစ်သောကြောင့် 𝙂𝙄𝙎 & 𝙍𝙚𝙢𝙤𝙩𝙚 𝙎𝙚𝙣𝙨𝙞𝙣𝙜ကို အဆင့်မြင့်မြင့်နှင့် လေ့လာနိုင်မည်။
• မိမိကိုယ်ပိုင် 𝙋𝙧𝙤𝙟𝙚𝙘𝙩 ကို ဆရာနဲ့ အနီးကပ်တိုင်ပင်ဆွေးနွေးပြီး လက်တွေ့လုပ်ဆောင်နိုင်မည်။

🎓 # #သင်တန်းပြီးဆုံးပါက...
𝙂𝙄𝙎 & 𝙍𝙚𝙢𝙤𝙩𝙚 𝙎𝙚𝙣𝙨𝙞𝙣𝙜 ပညာရပ်မှာ အခြေခံခိုင်မာသွားမှာဖြစ်ပြီး၊ 𝑮𝑰𝑺 𝑻𝒆𝒄𝒉𝒏𝒊𝒄𝒊𝒂𝒏/𝑨𝒏𝒂𝒍𝒚𝒔𝒕 တစ်ယောက်အနေနဲ့ ယုံကြည်မှုရှိရှိ အသက်မွေးဝမ်းကျောင်းပြုနိုင်ဖို့ အာမခံပါတယ်။ (သင်တန်းဆင်းလက်မှတ် 𝐂𝐞𝐫𝐭𝐢𝐟𝐢𝐜𝐚𝐭𝐞 ချီးမြှင့်ပေးပါမည်)

🗓 # #သင်တန်းအသေးစိတ်
• Duration: ၁၀ ပတ် (အပတ်စဉ် စနေ၊ တနင်္ဂနွေ)
• Start Date: 5 September 2026
• Time: 7:00 PM – 9:30 PM
• Platform: Zoom Online
• Course Fee: 230,000 MMKs (တလ တကြိမ် အရစ်ကျ တဝက်စီခွဲ၍ ပေးသွင်းနိုင်ပါသည်)

🛠 # #သင်တန်းတက်ရောက်ရန်လိုအပ်ချက်များ
• GIS Basics အခြေခံ ရှိထားရပါမည်။
• Laptop/Desktop (အနည်းဆုံး Intel Core i5 / Processor Level 6, RAM 8 GB)။

📝 စာရင်းပေးသွင်းရန် ဖောင်လင့်ခ် - https://forms.gle/6S7dzHmz3uZxpo2B8
📩 ဆက်သွယ်ရန် Telegram - သို့မဟုတ် Page Messenger
👉🏻ဖောင်ဖြည့်ပြီးပါက အမည်နှင့် ငွေလွှဲပြေစာ (Screenshot) ကို ပို့ပေးရန်

📢 ကိုယ်တိုင်လေ့လာချင်သူများအတွက်လည်း မကြာခင် "Earth Resources & Environmental Geospatial Analysis" Training Video Lessons များ စနစ်တကျ ရိုက်ကူးတင်ဆက်ပေးသွားပါမည်။ GIS Basics သင်ခန်းစာများကိုလည်း အခမဲ့ဝင်ရောက်လေ့လာနိုင်ရန် စီစဉ်ထားပါသည်။ (လင့်ခ်ကို Comment တွင် ကြည့်ရှုပေးပါ)

ပေးရတဲ့ အချိန်နဲ့ သင်တန်းကြေးက ရရှိသွားမယ့် ပညာတွေနဲ့ နှိုင်းစာရင် အရမ်းတန်လွန်းပါတယ်။ ဒါက သင့်ရဲ့ Lifelong Career အတွက် Turning Point တစ်ခု ဖြစ်လာမှာပါ။
စိတ်ဝင်စားသူများ အမြန်ဆုံး စာရင်းပေးသွင်းဖို့ ဖိတ်ခေါ်လိုက်ပါတယ်ခင်ဗျာ။

Groundwater and Environmental Sustainability - Myanmar

16/09/2026

12/09/2026

04/09/2026

30/08/2026

29/08/2026

28/08/2026

27/08/2026

26/08/2026

25/08/2026

21/08/2026

Address

Website

Alerts

Contact The Organization

Shortcuts

Share

Category

Listing takedown request